رواية زوجتي الجريئه الفصل الثالث والثلاثون 33 بقلم منة محمد
رواية زوجتي الجريئه الجزء الثالث والثلاثون
رواية زوجتي الجريئه البارت الثالث والثلاثون
رواية زوجتي الجريئه الحلقة الثالثة والثلاثون
يحيي بصلها: انا حبيبك
ريشه: حبيبي مين
يحيي: انا يحيي
ريشه: يحيي اها عايز ايه
يحيي: وحشتيني
ريشه: هي سابتك ولا ايه؟
يحيي: مين دي
ريشه: هيكون مين حبيبتك الي بعتني عشانها
يحيي: اسف والله صدقيني عرفت غلطتي وعرفت انها خاتني
ريشه: هي خاانتك مره دي خانتك الف مره عارف ليه
يحيي: ليه
ريشه: عشان الرخيص رخيص حتي لو السعر غالي
يحيي برجاء كله دموع وندم : سامحيني ارجوكي وانسي
ريشه: ليه وحشتك
يحيي: وحشتيني اوي
يحيي صحاه مفزوع من النوم وبيلف لقاه نفسه نايم لوحده وهي مش جنبه فتح الاباجوره واخد دفتر المذكرات وفتحه ع صفحه جديده ريشه كتبت| معيدي الوسيم انت عملت فيا ايه اكيد ده اكتر من اعجاب خلتني كل مره بشوفك عقلي بيفقد كل حواسه وتركيزه وببقي عايزه اشوفك ع طول كنت كل يوم بحلم القيك قدامي وتاخدني في حضنك وتقولي مش هسيبك ابدا وعاوزني جنبك ع طول ومنفترقش عن بعض ولا دقيقه لما احتاج لوجودك القيك جنبي …..وجودك بيريحني بيطمني بيخليني مبسوطه وطايره من السعاده والفرحه عارف كل يوم اقف عند صورتك واتاملها بشوق وكاني مستنيه تكلمني ساعتها ببقي نفسي اصرخ للعالم واقوله اني بحبك اوي ومقدرش اعيش من غيرك واخدك في حضني واقولك متسبنيش ولا لحظه ازاي اقولك بانك الراجل الوحيد الي دخل قلبي ومش عايزه يخرج منه ابدا
يحيي مسك صورتها وقال لنفسه بندم: انا ازاي كنت كده لما وثقت في واحده خانتني اعمل ايه دلوقت انتي زعلانه مش كده حقك تزعلي لاني كنت غبي اه غبي وحمار كمان انا خسرت كتير يا رشا وانتي اهم حاجه خسرتها خسرت شغلي فلوسي كل شئ اختفي بجد حياه قاسيه بس مفيش مشكله طالما انتي لسه في قلبي انا بخير ارجعي بقي يا حبيتبي( مسح دموعه) جسمي مولع ( ابتسم بتعب وقال) لو كانت رشا هنا كان زمانها سحباني بالعافيه تحت الدش وتغلس عليا بالميه مش بتتحمل تمسني شوكه
ريشه جات قعدت جنبه ومسحت خده بلطف: مش قلت لك اتغطاء كويس شايف اهو تعبت وسخنت وقلقتني عليك
يحيي مسك ايدها وابتسملها وقال: مش مهم هاخد دواء واستغطا وانام والصبح ابقي كويس
ريشه ببتسامه لطيفه : تحب اغنيلك عشان تنام
يحيي: انتي مش بتغني انتي بتنادي ع المطر
ريشه: انت سامع صوت المطر يا حبيبي
يحيي: لاء مش سامع صوت المطر
ريشه غمزته: اصل قلبي هو الي بيمطر بحبك
يحيي ضحك اوي وبص ملقهاش جنبه اتقهر وقام يصلي ركعتين في جوف الليل ويدعي ان ربنا يجمعهم سوي تاني !!!!!
………………….قصص منه محمد كاتب………………..
في منزل عائله يحيي قررت تروح عشان تجبره يرجعلها وهي عارفه هتدخل ازاي
توتا مثلت الخجل: طنط ،اونكل ،ليلي في البدايه احب اعتذر لاني مشغوله اليومين دول في شغلي الجديد في القاهره وبرغم كده انا جاهزه ومستعده اتجوز يحيي عشان كدا لازم تقنعه
خديجه بحده : مستحيل لان يحيي قاعد مستني مراته
علام : هيستنها لحد امتي لحد ما يطلعله تجاعيد ينساها ويتجوز تهاني
خديجه: وانا قلت لا
علام انفعل: استغفر الله انتي عايزه ابننا يعاني لو اتجوز هيقدر يكمل حياته ويلتفت لمستقبله , كفايه وده قراري النهائي توتا امشي انتي دلوقت وانا موافق ع كلامك وبكره ولا بعده نجيب الشبكه وبعد اسبوع نكتب الكتاب وانا مرحب بيكي وسطينا
خديجه: هو انت بتحط قوانين واحنا علينا ننفذ انت ليه ماشي بدماغك ابنك بيلف ع مراته ومتشحتف ع بعدها وهيموت ويعرف مكانها
علام: وعايز يعرف مكانها ليه وبعدين مش دي تهاني الي كان هيموت ويتجوزها
ليلي: يا بابا بس عاشر رشا وعرف يفرق وبصراحه البنت معاه استحملت فوق طاقتها
علام: وانتي ايه نهايتك مع بلال وهو مختفي فين
خديجه كشرت وقالت بضيق : وهي هتعرف منين وبعدين انت بتلف عليه كده ليه عايز منه ايه
علام: عايز اتكلم معاه في موضوع مهم.
ليلي: بابا هو ده حد يعرف يتكلم معاه ده كل مره بقابله يضربني
علام: هو هيضربك كدا من غير سبب اكيد بتخرجيه عن شعوره
ليلي بغيظ : بابا خلاص كفايه مش عايزه اتكلم معاك كل مره تطلعني غلطانه ومذنبه
علام: الكل هنا مفيش حد بقي يحترمني وبقيتوا لسانكم طويل زي رشا
خديجه: والله انت ظالم رشا دي بنت متربيه ع مستوي عالي
علام: اسكتي انتي خالص متدخليش بيني وبين عيالي
…………قصص منه محمد كاتب………..
توتا ابتسمت بخبث وقامت اخدت عربيتها وطلعت ع بيت يحيي لما اشترت بيتزا وخبطت
يحيي فتح لقاها وشه اضايق وكشر : بتعملي ايه هنا
توتا ضمت حواجبها : جايه اطمن عليك انت مش كويس خليني ائكلك وبعدين نقعد نتكلم
يحيي بدون نفس: لا مليش نفس عايزه ادخل وانام
توتا: حبيبي استني من فضلك سيبني اهتم بيك ومش هطلب منك حاجه تانيه
يحيي: قلت لاء ورجلك متخطيش البيت هنا ولا تقربي ع قلبي امشي
توتا: يحيي انا فهماك بس من فضلك اديني فرصه اثبت لك اني اتغيرت احنا بشر مش ملايكه يحيي رفع السبابه في وشها : خدي بعضك وامشي واعتبري نفسك عمرك ما شوفتيني
توتا: حبيبي لو سمحت انت وحشتني
يحيي صرخ : امشي
توتا: يحيي مش فاكر لما كنت بتعب كنت بتفضل جنبي
يحيي بنظره حاده : امشي ومتزعجنيش مره تانيه
توتا بغضب: يحيي رشا خلاص سابتك هي مش بتحبك
يحيي زعق بصوت عالي : غوري من وشي مش طايق اسمع صوتك
توتا: يحيي سبني اهتم بيك ارجوك
يحيي بصلها بنظرات كلها احتقار ودخل وقفل الباب بعنف في وشها!
توتا: منا مش هسيبك لحد ما اقنعك
………………………………
امجد: ريشه بكره هرجع متأخر عندي ميتنج مهم طبعا معندكيش مانع مش كده ولا لسه زعلانه مني
ريشه بصتلها: انا بحبك يا امجد اكتر من الاول مكنتش اعرف ان بعد موت نيلي ربنا هيبدلها بيك ومش محتاجه لحد تاني
امجد: يظهر كانه حلم
ريشه: لو اقدر ارجع لزمن لوري كنت غيرت حاجه واحده بس كنت هحبك انت لو كنت اقدر اغير قدري لكنت خليت قلبي ملكك انت مش يحيي
امجد: وانا بحبك والله العظيم بحبك من قلبي وهحافظ عليكي واحطك في عيوني لان انتي عيوني
ريشه: ولو كان حبك قدري هقبله وانا راضيه لاني متأكده هكون مبسوطه وانا مهاك
امجد: ايوه فعلا هتكوني مبسوطه
ريشه اتنهدت وقالت: لكن سامحني مقدرش اكون معاك بالكامل انا محتاجه شويه وقت
امجد: فاهم بس عايزك تعرفي انا مستعد استناكي
ريشه: بس انا خايفه ومش عايزك تستناني عايزك عيش سعيد مع الي ترتبط بيها وتحبك
امجد: زي مين
ريشه: الدكتوره قريبتك
امجد: متبقيش سخيفه يا رشا
ريشه: امجد ايه العيب لو تفتح قلبك
امجد اتعصب: ده اختياري اختار الي عايزها تكون معايا ومفيش غيرك في قلبي حتي لو اتأذيت هو اختياري ومش عايز اتكلم اكتر من كده
……………………
حاتم: يحيي ارجع اشتغل معايا تاني مستني ايه عارف انك مشغول وبتدور عن مرتك بس الحياه لازم تستمر
يحيي: انا عارف يا حاتم بس صدقني مكسوف لما بتفكر اني شتمتك وبكل بجاه قدمت استقالتي الموظفين كلهم هيضحكوا عليا
حاتم: ياعم متفكرش في ده كتير ده حصل وانتهي واقفله ع كده لو عايز تفكر في الامر بشكل منطقي مين يرفض عرض زي الي بعرضه عليك ع الاقل معايا محدش يقدر يخدعك اما مشكلتك مع تهاني لسه مستمره تلعب في حياتك
يحيي: انا اتخدعت والي كان كان ياحتم والي اسمها سالي وجدت خدعتني
حاتم: استني اسمها سالي وجدت
يحيي: ايوه وصاحبه اكبر شركه اسمها وجدت للمقاولات
حاتم: استني دقيقه الكلام ده حصل اسمها سالي وجدت
يحيي: انت تعرفها
حاتم: فيه حاجه غلط بتحصل الست دي لعبت بينا
يحيي: واضح اننا اتخدعنا احنا الاتنين
يحيي: انا مبقتش فاهم اي حاجه
حاتم: استني واسمعني في كل مره كنت بقابل الست دي كنت بطلب تشوفك بس كل مره بترفض وتخلق اعذار مختلفه وحرضتني عليك وقالت لي ان معظم العملاء عندنا اشتكوا منك وسيرتك سبقاك
يحي:بجد والله
حاتم: اه والله
يحيي: طب انت عارف هي قالت لي انك واحد جشع وطماع وبتغير مني ومش عايز تشوفني بنجح عشان اذكي منك حاتم المفروض كنت تتحقق من الست دي انا بقيت شحات بسببها
حاتم: يحيي كفايه الكيل طفح اوعدك مش هسيبها وهدور هي مين دلوقت ارجع لشغلك وانسي كل الي حصل واحذفه ونفتح صفحه جديده وخاليه درس وبغض النظر عن الي حصل انا ع طول جنبك وهفضل ادعمك دايما
يحيي: متشكر يا حاتم واسف ع اي حاجه حصلت مني بجد اسف
………………………قصص منه محمد كاتب……………….
ماشي في الشارع بيضحك مع بنت حاطه دراعها في ايده
توتا راحت عليه بغضب: مراد مش مستغربه ليه مش بترد ع مكالماتي ولا رسايلي لقيت واحده غيري
مراد بص للبنت الي معاها وطلب منها تنتظره في العربيه
توتا: انا هفضحك في كل حته انك خدعتني وضحكت عليا
مراد بنبرات متوترة: توتا انا كنت مشغول والبنت دي بتشغل في المنتج وبتساعدني في فندقكك
توتا: فندقي
مراد بمكر وخبث: ايوه انا كلمت المحامي ينقله بأسمك واوعدك هيبقي مهرك اديني بس شويه وقت اظبط اموري
توتا: وانا واثقه فيك لكن المره دي اياك تلعب بيا
مراد: توتي انا مبسوط اني اشترتلك فندق وهبقي معاكي معقول اتجرء اللعب بيكي
توتا: مراد انا فكرت كتير في علاقتنا خلينا تجوز
مراد اتوتر وقال: ليه فجأه
توتا: عشان مش عايزه اخسر عقلي من التفكير في كل ده وشايفه انك احسن راجل ليا
مراد: تمام تمام نتكلم في ده بعدين بس دلوقت انا فعلا متأخر عن شغلي ارجعي البيت وانا هتصل بيكي بس دلوقت الاولويه نكبر شغلنا ياحياتي تمام متقلقيش ارجعي البيت البسي قميص نوم حلو وحطي برفان وانا هخلص واحصلك
توتا ماشي
مراد شاورلها باي وهو ماشي وهي وقفت مكانها فرحانه انها قدرت تاخد فندق بأسمها
……………….قصص منه محمد كاتب…………….
قاعد ماسك صورتها وافتكر شقاوتها الي كان بيعتبرها وقاحه لما كانت تهجم عليه زي الفهد وتحضنه زي الاخطبوط واكتشف انها كانت طول الوقت بتحاول تشده ليها بحركاتها المثيره ووهو زي الحيط بس مع الوقت قدرت تنجح وتسحبه زي المغناطيس وقدرت تكبر حبها جواه وحركت المؤشر ناحيتها
هي جميله ومرحه وتتحب وجذابه والوقت معاها كان ممتع ومسلي وهو ع طول يفضل ع الصامت يحيي اتنهد وقام يلبس عشان يروح الشغل وحط الجرافته ع رقبته ووقف ملخوم
ريشه لفت جسمه ليها بغيظ وقالت : كام مره علمتك انا تربط الجرافته بس انت بتحب السرمحه
يحيي ابتسم: مين الي بيتسرمح انتي
ريشه: انا بتسرمح
يحيي: ايوه ده انا بفضل الف عليكي في كل ركن في الشقه ومش بلاقيكي بقول اكيد بتعمل مصيبه
ريشه: طب عارف الفرق بينك وبين الجرافته دي ايه
يحيي حب يغظها وقال: اه عارف
ريشه كشرت وضربته في كتفه : طيب اتظاهر انك مش عارف
يحيي رفع حاجب : لا بالعند فيكي عارف
ريشه: ماشي الجرافته دي معموله تكمل الشياكه عشان تظهر ان القميص انيق
يحيي ابتسم وهز دماغه : وبعدين
ريشه: بس انتي ربطني بأحكام لما قربتني من قلبك
يحيي: يعني قدرت ادخل قلبك واخترقه زي الرصاصه
ريشه : طب تعرف الفرق بينك وبين الرصاصه ايه
يحيي عقد حواجبه : ايه اتحفيني
ريشه بضحكه : ان الرصاصه بتاخد الروح اما ضحكتك تردهالي
يحيي: انتي طالعه رومانسيه كده لمين
ريشه: انا كده وعندي استعداد اكتب كتب في الحب والرومانسيه
يحيي بصلها وضحك بصوته كله وقال: تعالوا شوفه التواضع
ريشه بنظره كلها هيام: اضحك لما بتضحك الدنيا بتضحكلي
يحيي بص لصوره نيلي المتغلقه ع الحيط وقالها: نيلي شايفه صحبتك ع طول بتتغزل فيا
يحيي رجع يبص لريشه لقاها اختفت قال: هو انا اتجننت لا انا يا نيلي متجننتش مش كده يمكن عشان وحشتني اوي ونفسي اضحك مهاها ضحكه واحده من قلبي
……………قصص منه محمد كاتب……………
علام: يحيي ممكن اتكلم معاك كلمتين
يحيي بصله : اتفضل
علام بهدوء: رشا مشت لمصلحتها خلاص خليها تمشي متسبهاش متعلقه واتجوز تهاني
يحيي: كده انسي بكل بساطه
علام: يابني مش عايز اشوفك مدمر بضلها مره تانيه ولا انت بتحب رشا
يحيي: كتير
علام: وتهاني لازم تاخد قرار متعذبش نفسك وتفكر في الماضي الي ضاع خلاص ضاع افتح صفحه جديده للي جاي
يحيي : افتح صفحه جديده كده برمشه عين لانها انسحبت من حياتي بالسرعه دي بابا انا بموت في كل لحظه وفقدت كل حاجه حلوه في حياتي هي مش عارفه قد ايه ببعدها عني يعني موتي وبعد ده تقولي انسي واتجاهل كل حاجه وكمل مع غيرها
علام: يابني خلاص هي مشت ومش هترجع ولا هتشوفها فات الاوان حافظ ع الي معاك
يحيي : انا ازاي عملت كده كنت مفكر من غيرها هعيش تمام واني هعيش يومين زعلان وانساها بس الواقع دمرني وخلاني انسي كل حاجه الا هي
علام : يابني هي متستهلش و الي بعاك انساه وبيعه
يحيي بقهر : انا الي خلتها تبعني انا معملتلهش حاجه عشان تتمسك بيا والله العظيم انا مابقيت طايق نفسي كاره نفسي وياريت ترجع
علام : يحيي كلمه ياريت ماعدتش تنفع انت مش هتطلع من الي انت فيه غير بتهاني البنت الي كنت هتتجنن وتتجوزها
يحيي اتنفس بعمق : وانا غيرت رآي انا عايز رشا دلوقت وادفع عمري كله واعيش يوم تاني معاها انا في غيابها وعدم وجودها ضايع ومحستش فعلا بقيمه النعمه الي في ايدي الا لما راحت مني وكنت بتمني ميحصلش بينا الي احنا فيه دلوقتي
علام: انا مش بحب الضعف ده اخرج من الدائره دي سيطر ع نفسك اكتر من كده فوق وارجع لنفسك كمل وعيش حياتك مع تهاني
……………..قصص منه محمد كاتب………….
وجدي: يعني بنتي اتعافت بالكامل
امجد: ايوه الحمد لله
وجدي بسعاده: امجد الف شكر انا عمري ما هنسي الي عملته
امجد: معملتش حاجه بس رشا مش جاهزه ترجع هنا بسبب
وجدي قطعه بحزن: بسبب يحيي
امجد: بالظبط وانا متفهم لقرارها يمكن لسه مش مستعده تقابل طليقها اونكل لو معندكش مانع لو امكن انا بطلب منك ايد رشا
وجدي بصدمه: بس يحيي ورشا لسه مطلقوش
امجد مسح جبينه بحيره : لاء انا معلوماتي انه طلقها
وجدي: وانا بقولك بنتي لسه ع ذمته لو طلقها كان قالي
امجد: اونكل من فضلك متبلغش رشا عن ده لانها جهزت نفسها انها مطلقه ومش عايزها تتعب تاني وتنتكس
……………..قصص منه محمد كاتب…….
قاعد ع مكتبه يشتغل شافها علامات العصبيه اترسمت على ملامحه وقام بسرعه مغادر المكان
تهاني بتجري وراه بتحاول تمسكه: يحيي ارجوك اقف واسمعني
يحيي زقها بنفعال: بقولك سبيني
توتا برجاء: ارجوك اقف واسمعني مش من حقك تسمع من ناحيه واحده وتحكم ازاي عرفت اني نمت مع مراد
يحيي : مهما شرحت لي مفكره هصدقك
توتا: ايوه خرجت مع مراد بس عمري ما نمت معاه ابدا لاني عايزك تكون اول راجل يلمسني مش راجل تاني
يحيي: انتي عملتي افعال بشعه كتير عشان رشا تسيني
توتا : عشان حبيت اعرفها انك بتحبني ومستعد تعمل اي حاجه عشاني حتي لو كانت عيانه هتسيبها
يحيي: والمصيبه سيبتها كذا مره لما كانت تعبانه كل ده مرضكيش
توتا : تمام هي علنيتها اوي وبريئه جدا لما جات وطلب مني اكون مخلصالك بس اتخبثت وراحت وحكتلك عن علاقتي بمراد هي فعلا بريئه وعرفت توقع بينا
يحيي: شايفه اهتمت بمشاعري قد ايه وانتي شوفي عملتي ايه خنتيني وعملتي عمايل قذره من وري دهري
توتا هزت راسها بالنفي: محصلش
يحيي صرخ: بطلي كدب مفكره نفسك حويطه بس حقارتك هتفضل مستخبيه وربنا كشف المستور
توتا : يحيي انت فاهم الامور غلط انا مخنتكش علاقتي مع مراد زي علاقه رشا مع امجد اصحاب كل ما في الموضوع كنت خايفه لما شوفت رشا قادره تخليك مهوس بيها اترعبت تنساني وتحببها ليه مش عايز تفهم
يحيي عيونه قلبت جحيم من نار ورفع ايده بأشاره: اسمعي انتي اكتر واحده حقيره وقاسيه قابلتها في حياتي انا قرفان منك( سابها ومشي من المكان كله)
توتا وقفت والشياطين بتحوم حواليها قالت بوعيد : تمام عليا وع اعدائي واتحمل الي جاي مني يا يحيي
استوب وتعالوا اول مقابله بين يحيي ورشا وخناقه للجو ونتفرج ع انتقام رشا منه هي وتهاني ياتري مين هيكسب الحرب دي
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
