رواية أحفاد الطوبجي الفصل الأول 1 بقلم أميرة أسامة
رواية أحفاد الطوبجي الجزء الأول
رواية أحفاد الطوبجي البارت الأول
رواية أحفاد الطوبجي الحلقة الأولى
………
الحياه دائماً مستمره لم تتوقف لحظه تمر في الفرح وتمر في الحزن لم تتوقف يوماً على أي حدث ولكن ذكرى الحدث نفسه تظل مستمره في داخلنا الفرح يمر ويترك آثر جميل نبتسم حين نتذكره وكذلك الحزن يمر ولكن يبقى جـ ـرحه يؤلـ ـم قلوبنا كلما تذكرناه💔
هذه هي الحياه متقلبه دائماً ليس لها قانون ثابت لا فرح دائم ولا حزن موصول فا أترك قطار حياتك يمضي ولا تقف أمام حدث بعينه لان الأيام كفيله ان تعيده إليك مره أخرى على هيئه ذكرى من الماضي.
وتذكر دائماً أن قانون الكارما هو قرين الحياه والدين الذي تحاسب عليه في مسيره حياتك فأجعل دائماً كل ديونك لقانون الكارما إيجابيه حتى لا تندم وقت سداد هذا الدين👌
الحياه دائماً مستمره لم تتوقف لحظه تمر في الفرح وتمر في الحزن لم تتوقف يوماً على أي حدث ولكن ذكرى الحدث نفسه تظل مستمره في داخلنا الفرح يمر ويترك آثر جميل نبتسم حين نتذكره وكذلك الحزن يمر ولكن يبقى جـ ـرحه يؤلـ ـم قلوبنا كلما تذكرناه💔
هذه هي الحياه متقلبه دائماً ليس لها قانون ثابت لا فرح دائم ولا حزن موصول فا أترك قطار حياتك يمضي ولا تقف أمام حدث بعينه لان الأيام كفيله ان تعيده إليك مره أخرى على هيئه ذكرى من الماضي.
وتذكر دائماً أن قانون الكارما هو قرين الحياه والدين الذي تحاسب عليه في مسيره حياتك فأجعل دائماً كل ديونك لقانون الكارما إيجابيه حتى لا تندم وقت سداد هذا الدين👌
……………
في صباح يوم جديد
داخل قصر الطوبجي.
صحيت فيروز من نومها على حركه سريعه في بطنها
ابتسمت فيروز بتعب وحطت أيدها على بطنها.
فيروز….صباح النور يا أجمل فيروز في الدنيا عامله مشاكل على الصبح ليه كده صحتيني من النوم
قامت فيروز بهدوء من سريرها ودخلت على الحمام ظبطت نفسها واتوضت وخرجت صلت الظهر وراحت على الدريسنج روم طلعت طقم رياضي وبدأت تجهز نفسها.
خبطت روح على الباب
فيروز…ادخل.
روح….صباح الفل
فيروز….صباح السكر على أحلى روح.
روح….انا مرضتش أصحيكي بدري قولت أسيبك ترتاحي بس طولتي وعيزاكي تيجي تاكلي حاجه
فيروز…..انا فعلاً كنت تعبانه جداً بس انا صحيت خلاص هلبس بس وهاجي وراكي افطر😍
روح…انتي خارجه ولا ايه ؟
فيروز…..بتعب بسيط اه هروح النادي اتمشى شويه زي ما الدكتور قاللي
روح…..طيب هتروحي لوحدك؟ انا كده هبقى قلقانه عليكي.
فيروز…..هيحصل ايه يعني انا هتمشى شويه في التراك انا خلاص قربت على معاد ولادتي والدكتور قاللي عادي لما تتحركي.
روح….حركه ايه دي اللي هتهد حيلك انتي مش شايفه شكلك تعبان ازاي وبعدين انتي طلبتي منه متولديش طبيعي ويحددلك معاد تولدي فيه قيصري يبقى لزومه ايه المشي😒
فيروز….هو قال يا مامي الحركه ملهاش علاقه بالولاده المشي عموماً كويس عشاني وبعدين بقى بصراحه انا حاسه اني زهقانه و محتاجه أغير جو فا قولت اروح النادي.
روح….ايوه بس كنتي عرفتيني انا او حد من البنات كنا جينا معاكي او اناعرفت اجي معاكي .
فيروز….مين بس اللي هيجي كلهم في شغلهم وانتي وزهره وليلى مشغولين في تحضير فرح نادر ومريم
روح….مش هعرف اقنعك يعني 🤨
فيروز….بضحك لا مش هتعرفي😂
روح…بابتسامه طيب خلي بالك من نفسك ولو تعبتي أرجعي على طول
فيروز….حاضر يا حبيبتي
روح…يلا تعالي ورايا على طول هجهزلك فطارك.
فيروز…..ربنا يخليكي ليا يا حبيبتي جايه وراكي على طول😍
خرجت روح وراحت فيروز تكمل لبسها
ثواني ورن موبايلها
مسكت فيروز الموبايل وابتسمت تلقائياً اول ما شافت رقم منذر.
فيروز…الووو
منذر…..ايه ده هو انا صحيتك ولا ايه🙄
فيروز…..لا خالص انا صاحيه.
منذر…امال صوتك نايم ليه؟
فيروز…..انا صحيت من شويه صغيره متقلقش انت مصحتنيش والله.
منذر….ماشي مصدقك عموماً انا أتصلت عشان عارف أنك بتصحي بدري.
فيروز…..انا فعلاً صحيت متأخر أنهارده مكنتش عارفه انام لحد الصبح ما طلع تقريباً
منذر….انتي تعبانه ولا ايه يا فيروز فيكي حاجه ؟
فيروز…..بصراحه انا فعلاً من أول امبارح وانا مش مظبوطه خالص فيروز مش مبطله خبط في بطني وضهري وطول الوقت حاسه بوجـ ـع غريب وحاسه اني قلقانه لان الدكتور محدد معاد الولاده تقريباً بعد فرح نادر ومريم بيومين يعني فاضل أكتر من عشر أيام
منذر….أنتي هتقلقيني ليه؟ طيب ليه مكلمتيش الدكتور او حتى اعدي عليكي و أخدك اوديكي انا عارف ان الكل مشغول بتجهيزات الفرح بس انا موجود يا فيروز ومش محتاج اقولك.
فيروز…طبعاً عارفه يا منذر وبيني وبينك يعني هقولك على سر وأياك تقول لحد انا فعلاً رايحه للدكتور عشان اطمن
منذر….مين رايح معاكي؟
فيروز…بإبتسامه بقولك سر يعني اكيد محدش هيجي زي ما قولت كلهم مشغولين جداً وتعبانين وانا مش عايزه اشغلهم معايا دي مجرد استشاره سريعه اطمن وهرجع على طول بس انا كدبت على روح وقولتلها اني هروح النادي اتمشى شويه عشان زهقانه
منذر….انتي بتهرجي صح؟
فيروز…ليه بس
منذر….فيروز مفيش حاجه اسمها اشغلهم وانتي تعبانه وبعدين قدري تعبتي بجد وانتي لوحدك
فيروز…..ده مش تعب جامد يا منذر والله صدقني
منذر…الدكتور معاده امتي؟
فيروز…..الساعه خمسه
منذر…طيب الوقت الساعه واحده انتي هتخرجي بدري ليه؟
فيروز….ما هو انا قولت اروح فعلاً على النادي اتمشى هناك شويه وكده كده العياده قريبه من النادي هغير جو وبعدين اروح اكشف متقلقش والله انا بخير
منذر….طيب يا فيروز بما انك كده كده مقرره تخرجي انا اصلا كنت بكلمك عشان كنت محتاج اشوفك ضروي فا لو تقدري تعدي عليا يبقى كويس انا في المصنع.
فيروز….أكيد هقدر بس قولي في حاجه ولا ايه؟
منذر…لما تيجي هتعرفى عموماً هي حاجه بخصوص الشغل والحسابات
فيروز….هو انا مش قولتلك اني سايبه كل حاجه في أيدك واني مليش علاقه
بشغلك خالص يا منذر.
منذر….ايوه قولتي بس في حجات لازم تشوفيها يا فيروز
فيروز….خلاص تمام هعدي عليك يا منذر على طول مش هتأخر
منذر…..تمام وبعد ما نخلص كلام هاجي معاكي للدكتور لو مش هيضايقك؟
فيروز…بإبتسامه يضايقني ده ايه بس يا منذر بجد عايز تيجي معايا.
منذر…بإبتسامه اه والله يمكن كان نفسي أطلب الطلب ده من اول ما حملتي بس بصراحه كنت برجع في كلامي.
فيروز…..طيب ليه؟
منذر…يعني عشان ميبقاش فيها إحراج وعارف ان ديماً روح بتيجي معاكي
فيروز….طيب وفيها ايه بس بجد زعلتني.
منذر….بحب مقدرش على زعلك يا فيروز انا بس قولتلك اللي كان بيمنعني عموماً احنا فيها أهو وهاجي معاكي اشوف فيروز عشان وحشتني اوي.
فيروز…..بإبتسامه أنت كمان وحشتها أوي❣️
منذر….هي مين؟🤨
فيروز…بإبتسامه إحراج فيروز الصغيره
منذر….بضحك امممم ماشي ياستي عموماً انا مستنيكي انتي وفيروز الصغيره.
فيروز…..مش هنتأخر عليك مسافه الطريق❣️
منذر…فيروز
فيروز….نعم
منذر….بلاش تسوقي انتي خلي السواق يجي معاكي وانا هبقى اوصلك
فيروز…..حاضر يا منذر انا أصلاً مكنتش هقدر اسوق أطمن.
منذر…..اتفقنا مستنيكي❣️
فيروز…..باي
منذر….باي
…………………..
قفل منذر وفضل مبتسم وباصص على شاشه الموبايل وبعدين قرر يكلم زيد.
منذر…..الووو.
زيد…..ايه يا صاحبي الاخبار اول ما افتكرت تتصل يا واطي
منذر….شوف مين اللي بيتكلم 🤨على اساس انت سألت من امبارح الصبح معرفش عنك حاجه.
زيد…حقك عليا والله كل ما اجي اكلمك يحصل حاجه وأتشغل اصلاً الدنيا هنا مقلوبه في الشركه.
منذر…بقلق في حاجه ولا ايه؟
زيد….لا بس انت عارف فرح نادر قرب والدنيا مدربكه على الاخر شغل كتير ومشغولين في شويه تجهيزات انت عارف ان الفرح الاسبوع الجاي ولازم نخلص على قد ما نقدر كل اللي ورانا.
منذر…عارف يا صاحبي ربنا معاكم ويتمم لنادر على خير بقولك ايه لو في حاجه بخصوص التجهيزات اقدر اعملها قولي الشغل الفتره دي عندي هادي انت عارف اخر شهور في السنه الدنيا بتبقى هاديه وكلها تقفيل حسابات
زيد…عارف يا منذر وبعدين انت مش محتاج تقولي لو عايزني انت عارف لو في حاجه عطلان فيها هكلمك.
منذر….اما نشوف المهم انت وحشتني على فكره بقالي خمس ايام مشوفتكش ورغم اني عارف انك مشغول بس انا بردوا مش طايق نادر عشان هو السبب🤨🤨
زيد…بضحك طب وانت محتاج عزومه يا واطي ما تعدي انت ما انا قولتلك كذا مره تعدي تتعشى معانا🤨
منذر….هظبط الدنيا كده وهاجي
زيد….خلاص هستناك أما نشوف.
منذر….بأرتباك اااا ماشي ان شاء الله اامممم
زيد….منذر🤨
زيد….ها🙄
زيد….انت متصل عشان تقولي حاجه صح فا بلاش تبقى متلجلج كده وتلف وتدور تعالى دوغري كنت عايز ايه🤨
منذر…..🙄🙄🙄هو باين عليا اني عايز حاجه.
زيد…..عيب عليك اللي ربى خير من اللي اشترى🤨
منذر….طيب يا سيدي انا بس حبيت أقولك عشان تكون في الصوره مش اكتر انا من كام يوم قولتلك اني هعمل جرد بحساب السنه واني هطلع نصيب فيروز من دفع السنه صح🙄
زيد….اه وانا قولتلك طلعني من الحوار ده الحساب والشغل ده بينك وبينها انا مليش فيه سبق وهي والباشا قالولك خلي كل حاجه تحت ايدك وأتصرف زي ما كنت بس أنت مصمم فا خليك منك ليها بقى.
منذر….ماهو عشان كده بكلمك انا لسه قافل مع فيروز وطلبت أشوفها انا مقولتلهاش السبب عشان عارف انها مش هتيجي 😳🙄🙄 اقصد يعني هترفض.
ابتسم زيد بهدوء😂🤨
زيد…..امممم يعني وافقت تشوفك
منذر….هي كده كده قالتلي انها خارجه رايحه النادي فا قولتلها تعدي عليا في المصنع اهو منها تشوف الورق بنفسها والحساب انا مجهزه هتوافق تاخده يبقى تمام مش هتوافق تبقى عرفت فلوسها وفلوس فيروز الصغيره قد ايه
زيد….ماشي تمام حلو اوي انت متصل بقى تاخد الاذن 🤨
منذر……مش حكايه إذن بس بحطك في الصوره يا صاحبي مش اكتر.
زيد…وأديك حطتني إتكل على الله بقى كلت دماغي وانا ورايا شغل كتير😒
منذر….يا جدع انت بقيت مستعجل كده استنى شويه.
زيد…في ايه يالا هو انت مراتي ما تظبط انت معندكش شغل ولا ايه😡
منذر…..ااااا اصل يعني 🙄في حاجه كمان.
زيد….اه مش هخلص انا 🤨 انجز يا منذر
منذر….انا عرفت من فيروز انها كانت هتروح النادي يعني حجه كده قدام روح بس هي رايحه اصلا للدكتور عشان كانت حاسه بتعب اللي فهمته انها كانت هتروح تتمشى شويه في النادي وبعد كده تطلع على الدكتور بس لما عرفت اني عايزها هتيجي على هنا فا انا طلبت منها اروح معاها لان حسيت من صوتها انها تعبانه وبصراحه يعني محبتش اروح غير لما اعرفك
زيد…انت عبيط يا منذر انت بتاخد مني الاذن على فكره انت عم فيروز الصغيره زي ما أنا خالها
منذر…..عارف يا صاحبي بس انا كده هكون مرتاح اكتر لما اعرفك.
ابتسم زيد بحب طول عمرك تعرف الاصول يا صاحبي❣️ المهم فيروز فيها ايه وليه مقالتش لحد.
منذر….انا قولتلها كده والله قالت انه تعب بسيط بس هي حابه تطمن وكمان مش حابه تشغل روح خصوصاً ان الكل ملخوم في تجهيزات الفرح عشان كده عرضت اروح معاها عشان متبقاش لوحدها.
زيد….خير ما عملت خلاص يا صاحبي روح وخلي بالك منها وانا هبقى اطمن منك.
منذر….تمام بس بقولك ايه متقولش لروح عشان فيروز مقالتلهاش و كمان اطمن على فيروز انا هبقى اوصلها🙄
زيد….ماشي متقلقش بقولك ايه اقفل يلا معايا تليفون وانا هبقى اكلمك تاني اطمن منك.
منذر…تمام يا صاحبي اشوفك على خير
سلام.
زيد…سلام.
قفل زيد مع منذر ورد على فيروز محبش يقول لمنذر انها بتتصل بيه.
زيد….ايوه يا حبيبتي عامله ايه.
فيروز….بخير يا حبيبي انت كويس.
زيد….الحمد لله كله تمام🤨 ها خير في حاجه ولا ايه😎
فيروز…..🙄🙄 ااا اه في كملت فيروز كلامها بإحراج وقالتله ان منذر كلمها وهتروحله وبعدين هتروح للدكتور وهو معاها
رغم ان زيد نفسه فيروز تقرب من منذر وهو وصبا متفقين يظبطوا اي فرصه بينهم لكن فرح اكتر انها كلمته
فيروز….انا حبيت بس اعرفك
زيد….بحب تمام يا حبيبتي مفيش اي مشكله روحي واكيد منذر مش محتاج توصيه عليكي وعلى فكره بقى هو لسه قافل معايا وعرفني😉
فيروز…😳🙄 بيفتن عليا انا قولتله ميقولش ويبقى سر
زيد…بضحك هو مش بيفتن هو بس محبش يشوفك من غير ما انا اعرف انتي عارفه ان موضوعك مع منذر من وجهه نظره حساس خصوصاً بالنسبالي
هو من جواه مش حابب يعمل حاجه معاكي من غير ما يحطني في الصوره
فيروز…بابتسامه عارفه يا زيد انا بهزر طبعاً وعلى فكره انا مبسوطه انه قالك
زيد…..فيروز
فيروز….نعم يا حبيبي.
زيد….لسه مفكرتيش؟
فيروز…بإبتسامه إحراج سكتت شويه وهي بتتنهد.
زيد…أفهم من كده انك موافقه 🙄
فيروز…..انا مقولتش اني موافقه🙈
زيد…..بس على حد علمي أنك كمان مش رافضه ولا ايه.
فيروز…..ولا رافضه يا زيد🥺 بس يعني
زيد….الجواز يا فيروز مينفعش يكون في تسرع خدي وقتك يا حبيبتي واوعي تضغطي على نفسك بس هقولهالك تاني وتالت ورابع منذر بيحبك حب ميتوصفش متوجـ ـعيش قلبه يا فيروز لو حاسه أنك من جواكي مش هتقدري بلاش تعيشيه الأمل ولو بيقرب منك خطوه حطي قدام الخطوه دي ألف سور عشان أنا مش هقدر أشوفه بيتوجـ ـع قدام عيني .
فيروز…..بإبتسامه هاديه وتأثر 🥺 يابخت منذر بيك و يا بختك بمنذر يا زيد ربنا يخليكم لبعض وعموماً متقلقش يازيد انت مش واثق في أختك ولا ايه أنا مستحيل أوجـ ـع منذر مهما حصل مش عشان أي حاجه بس حقيقي منذر غالي عندي اوي و طول عمره جدع معايا ومعاك ومعانا كلنا وميستاهلش مننا غير كل خير
زيد…بحب اهو كلامك ده ريحني وطمني واكيد انا واثق فيكي يا حبيبتي وهقولهالك تاني يا فيروز كلامي ده مش تأثير عليكي عشان تقرري قرار لصالح منذر زي ما منذر صاحبي واخويا وغالي على قلبي انتي اختي وبنتي كل اللي اقصده ان لو الموضوع من جواكي مرفوض امنعي اي خطوه تحسي ان منذر بيخطيها عشان يوصلك او قوليلي يا فيروز وانا بطريقتي هعرف أتكلم مع منذر وابقى جمبه.
فيروز….متقلقش يا زيد وكملت بإحراج انا مقولتش اني رافضه انا بس متلغبطه شويه ومحتاجه اركز شويه وبعدين انا داخله على ولاده ومرحله جديده في حياتي هبقى ام يا زيد ودي مسؤوليه جديده عليا انت فاهمني صح🥺
زيد…فاهمك طبعاً يا قلب اخوكي عموماً خدي وقتك كله ومش عايزك تركزي في اي حاجه الوقت غير في ولادتك وأزاي هتستقبلي فيروز الصغيره في حياتك وبعد كده كل حاجه هتلاقيها مشيت لوحدها.
فيروز…..بحب ان شاء الله يا حبيبي عموما هسيبك بقى تكمل شغل انا عطلتك كتير.
زيد….انا اطول القمر ده يعطلني يلا روحي وابقي طمنيني عليكي بعد ما تخلصي عند الدكتور اتفقنا❣️
فيروز…..حاضر بس بقولك ايه اوعى تقول لروح ولا حتى لصبا انت عارف صبا مبتعرفش تكدب وبيبان عليها وهتفضحني وروح مش هتسكت هتحول الكدبه الصغيره دي لقضيه راي عام😂😂😂🙈
زيد…بضحك هتقوليلي متقلقيش مش هقول وعموما ياستي منذر قاللي مقولش 😉
فيروز….ماشي🙈🙈🙈 يلا باي بقى
زيد…..بضحك باي ياقلبي ❣️
…………………
وصلت خلود على مكان الأستديو عشان المفروض هتصور حلقه من برنامج الطبخ بتاعها وأول ما وصلت راحت على المكان اللي بتجهز فيه.
سابت شنطتها على التربيزه و مسكت أزازه المايه تشرب سمعت الباب بيخبط
خلود….اتفضل.
فتح الباب شاب اسمه أحمد من فريق الأعداد.
احمد….مساء الخير يا مدام خلود.
خلود..مساء النور يا احمد ايه انا متأخره ولا ايه.
احمد….لا خالص لسه حوالي 35 دقيقه على الهواء.
خلود….طيب معاك ورق الأسئله جاهز
احمد….انا جاي عشان كده اتفضلي دي اغلب الاسئله اللي اتسألت عن الحلقه اللي فاتت وفي كمان أسئله عن طبخات تانيه
خلود….طيب تمام انا هشوف ايه الاسئله اللي هلحق ارد عليها وهعلم عليهم وهعرفك بسرعه عشان تجهز مقادير الوصفات المطلوبه تبقى تنزلها على الشاشه
احمد….تمام خدي وقتك ظبطي الدنيا كده وربع ساعه الماكير هيجي تكوني جهزتي ولبستي
خلود…تمام يا احمد.
احمد…..قوليلي تحبي تشربي حاجه.
خلود….اه ياريت يا احمد تقولهم على فنجان قهوه لو مش هتعبك
احمد….تعب ايه بس عيني حاضر هروح بقى انا اجهز للحلقه بسرعه
خلود….تمام اتفضل.
خرج احمد وسابها فضلت تبص بسرعه على الكروت اللي فيها الأسئله وتعلم على اللي هترد عليه والأسئله الجديده قررت انها تنفذها على الهواء وتطلع تطبخها معاهم على الهواء.
وفي وسط ماهي مشغوله سمعت صوت إشعار رساله على موبايلها من جروب البنات
فتحت الرساله وأول ما سمعت صوت مريم وأرتباكها ضحكت.
مريم….بنات بنات بنات 🧐حد موجود تعالوا ألحقوني بسرعه انتوا فين مبتردوش ليه 🧐
بعتتلها شمس ڤويس.
شمس….في ايه عالصبح بنات بنات وبعدين مبنردش ايه انتي لسه باعته الڤويس وكنت بسمعه في ايه😡
مريم….انتي بتزعقيلي😳 لا بقولك ايه انا عروسه وربنا أرتكب مصيبه مش كفايه كلكم سايبني كده لوحدي ومشغولين😭
شمس….يابت في ايه سايبينك ايه بس احنا اغلبنا في الشغل وبعدين انتي طلبتي حاجه وسبناكي عايزه ايه يا اخرة صبري بس براحه ومن غير توتر الله يباركلك😒
مريم…..انا محتاجه أنزل اجيب شويه لبس وحجات نقصاني وخلاص مفيش وقت ومش هعرف اروح لوحدي ونادر اللي منه لله قاللي مش هيقدر يجي معايا عشان بيخلص شغل وتجهيزات وانا محتاسه اعمل ايه هااا اعمل ايه اروح اجيب حد من الشارع ياناس 😭
شمس…😂😂😂😂بتدعي عليه طب تصدقي هبعتله الڤويس ده
مريم…ابعتيله انا بخـ ـاف😒 انا لسه قافله معاه وقيلاله كده في وشه.
صبا….صباح الفل على الناس اللي مقطعه بطاقتها😂😂
مريم….صبا صباصيبو حبيبتي انتي اللي هتنقذيني اكيد 😭
صبا….طيب عرفيني هتروحي امته عشان أعرف زيد.
مريم….قلبي ياناس اي وقت انا فاضيه ومش ورايا اي حاجه شوفي المعاد اللي يناسبك ونتقابل
صبا….طيب ايه رأيك خمسه كويس.
مريم….ده فل اوي 😍 شايفه يا شمس الناس اللي بتخلص بسرعه😒
شمس….قلبتي عليا الوقت 😂 طب تصدقي كنت هاجي معاكي بس مش هعبرك
مريم…..يابت انتي روحي والله😂🙄
شمس….ماشي اضحكي عليا عموماً خمسه كويس انا كده كده هخلص بدري اصلاً الشغل هادي وانا تقريباً بفنش خلاص ومنذر كلمني وقاللي لو خلصتي روحي
مريم….طيب حلو اهي بدأت تندع بقولكم ايه والنبي انا عايزه اخلص كل حاجه انهارده مفيش وقت ونادر مبقاش طايقني من كتر الزن😂
صبا…متقلقيش ان شاء الله هنخلص كل حاجه ❣️
خلود….يابت انتي على طول عامله دوشه وموترانا كده هو مفيش عروسه غيرك وعموماً ياستي انا كمان ممكن اجي معاكم انا هخلص الحلقه على أربعه وعلى بال ما ادخل اغير تكونوا أتحركتوا❣️
مريم…..ايه ده الشيف بتاعتنا هتيجي معايا لا مش مصدقه نفسي 💃💃
صبا….😂😂😂اه يا مجنونه
خلود….بس بقولك ايه لو متفرجتيش على الحلقه مش هاجي معاكي😒🔪
مريم….لا هتفرج اهو اتعلم حاجه تنفعني اطبخها لسي نادر😂😂
شمس…..والله انتي مصيبه 😂😂
خلود….شموسه عامله ايه وانتي يا صبا مشوفتكيش انهارده على الفطار وحشتيني.
صبا…..انا نمت متأخر انا وفيروز ومقدرتش انزل يا قلبي انتي كمان وحشتيني اوي❣️
شمس…..بخير يا قلبي صبا لو مش هتقدري تيجي خليكي يا قلبي احنا هنروح مع المجنونه دي🙄
صبا…..😂لا متقلقيش انا تمام وبعدين انتي عايزه المجنونه دي ترتكب فينا جريـ ـمه
خلود…على رأيك واهو نستفاد دعوه حلوه من نادر عشان تحل عن دماغه🙄
مريم…ليه ان شاء الله هو انا زنانه طب وربنا لا هوريك يا نادر😡😡
صبا…..اقول عليكي ايه يا خلود اهي قلبت على الراجل😂😂🙈
شمس…..هقول لنادر يا خلود😂😂
مريم….هاتولي البت الفتانه دي 🔪🔪😒
خلود…بقولكم ايه انا هروح بقى بسرعه عشان اجهز ومتنسوش تتفرجوا على الحلقه وهستناكوا ماشي😍
صبا….انا هشوفها يلا بااااي😍
مريم…وانا كمان😍
شمس …انا مش هعرف هشوفها هبقى اتفرج في الاعاده يلا باي😍😍
خلود…تمام يا حبايبي يلا بااااي
مريم….باي😍
قفلت معاهم خلود وبدأت تجهز نفسها عشان الحلقه.
……………..
في مكتب ياسين خبطت ملك عليه ودخلت.
ياسين….تعالي يا حبيبي
ملك….بقولك ايه انت مجعتش 🙄
ياسين….هو لسه فاضل ساعه على البريك انتي جعانه ولا ايه يا قلبي لو جعانه شوفي عايزه تاكلي ايه وهطلبلك حالاً😍
ملك….هو بصراحه انا جعانه 🙄 بس مش قصدي اكل الوقت انا كنت جايه يعني عشان اخطفك🙈
قام ياسين من مكتبه وهو مبتسم وراح عليها قعد على حرف المكتب وشدها وقفها قدامه
ياسين…قولتيلي بقى انك عايزه تخطفيني 🤨
حطت ملك ايدها على كتفه وهو مسكها من وسطها.
ملك…..اه لو معندكش مانع🙄 بقالي كام يوم مش عارفه اتلم عليك😞
ياسين…..ما انا معاكي يا قلبي اهو
ملك….لا بيتهيألك الشغل كتير الفتره دي كمان تجهيز فرح مريم ونادر شاغلنا كلنا وبترجع بليل تعبان تاكل وتنام والصبح تيجي على الشركه حتى اغلب الوقت مش بتنزل البريك😞
ياسين….حقك عليا يا قلبي انا عارف والله اني مقصر معاكي بس غصب عني والله.
ملك….عارفه يا حبيبي انا طبعاً مش قصدي بس انت واحشني اوي وبعدين انت مقصر مع نفسك الفتره دي جداً مش بتاكل كويس وضاغط نفسك حتى التمرين بتاعك بتروحه ومش مهتم بأكلك
ياسين…..ماشي يا ستي عموماً انا موافق😉
ملك…موافق اخطفك😍
ياسين….موافق تخطفيني بس عرفيني هتخطفيني فين طيب🤨
ملك….هو في حد بيخطف حد بيعرفه هيخطفه فين🤨 أنت أنهارده ملكي انا وبس قولت ايه😒🔪
ياسين….ياباشا انا ملكك على طول مش انهارده بس بلاش البصه دي 🤨
ملك…بضحك مش لازم أتقمص دور الخاطف أيش فهمك انت😂
ياسين…طيب بقولك ايه لو عيزاني اوافق على الخطف عندي شرط🤨
ملك…انت هتتشرط عليا بقولك خطفاك يعني مش بمزاجك😒🔪
ياسين…والله ده اللي عندي قولتي ايه🤨
ملك….🙄🤔 ماشي موافقه قول شرطك
ياسين…..عايز بوسه😉
ملك…بضحك انت مش هترتاح غير لما جلال يقفشنا ويجرسنا😂😂😂 انت مش بتحرم احنا بقينا مسجلين خطر عنده
ياسين….😂يعني هي اول مره وبعدين هو قافشنا على طول عيل رخم وبيجي في اوقات رخمه زيه تصدقي بالله انا بدأت اشك ان الواد ده مراقبنا😂
ملك….😂😂🙈 مع جلال كل حاجه متوقعه بس على فكره بقى هو مش قافشنا احنا بس
ياسين…ماهو ده بقى يأكد كلامي الواد ده زارع كاميرات في كل مكان وبمجرد ما بيحس ان في حد فينا مقرب من التاني بيجي على طول😂😂
ملك…وعشان كده شرطك مرفوض انا مبقتش عارفه اودي وشي منه فين😂😂
ياسين…والله ابداً مش هتنازل عن الشرط هو فين صحيح الواطي ده🤔
ملك…راح لامير في مكتبه
ياسين….طيب وساكته من الصبح حرام عليكي يا شيخه دي فرصه متتعوضش😂😂😂😂
ملك….ياسين بلاش جنان عشان خاطري🙈
ياسين….جنان ايه بس انتي مش عارفه مصلحتك😉
قرب منها ياسين بهدوء.
ملك….ياسين🙈
ياسين….قلب ياسين من جوه قرب من شافيفها بهدوء وسلمت ملك ليه.
وفجأه دخل عليهم جلال 😂🙈
جلال….😳 الله يخربيت اليوم اللي عرفتكم فيه أنتوا مش بتتهدوا ابداً
ملك بعدت بسرعه بس فضل ياسين ماسكها من وسطها ضـ ـربت ملك ياسين على كتفه منك لله قولتلك 😭
ياسين….بضحك انت ياض مش هتبطل تدخل زي الثور انا نفسي افهم الباب اللي قدامك ده لازمته ايه🤨
جلال……وانت مش هتبطل تتلم في ليلتك اللي مش فايته دي أروح منكم فين يا ولاد راجح كل ما ادخل على حد فيكم الاقيه في دنيا تانيه
ياسين…بضحك قفشت مين غيرنا😂
ملك…😳😳 ده كل اللي همك ماهو لسه قافشنا اهو سيبني بقى😭
جلال…..لسه قافش مراد انا وامير😂
ملك….منك لله يا ياسين هيفتن علينا زي ما فتن على مراد😭
جلال…عيب عليكي تعرفي عني كده🙄
ملك…لا ياشيخ 😒 جلال بقولك ايه والله انا مليش دعوه أخوك اللي مسكني وبعدين بص هو اللي سايب مكتبه🙄
ياسين….انتي بتبعيني 🤨😂😂 على فكره بقى يا جلال ملك كدابه هي اللي دخلت مكتبي وقالتلي تعالى هات بوسه بسرعه قبل ما جلال يجي من مكتب امير😂😂
ملك….😳😳اناااا
جلال….اسكتي بقى كسفتينا😒 هو ايش عرفه اني في مكتب امير
ملك…انتوا بتحدفوني لبعض صح على فكره بقى انتوا الاتنين رخمين😭
جلال….😂😂😂 طب وانا مالي طيب انتوا اللي بتقعوا تحت ايدي والسي ڤي بتاعكم اللي معايا بقى على اخره سيديهاتكم معايا😂😂😂
ياسين…..انت ياض زارع كاميرات لينا في ليلتك دي🤨
جلال….اتلم بقى واتكسف على دمك كمان ليك عين تتكلم 😒 امال اللي متجوزش زيي يعمل ايه
ياسين….وايه اللي مانعك يا اخويا اتجوز😂😂
جلال….واتقفش وابقى مفضوح لا والله ما تحصل😂😂😂 ده انا لو اتجوزت هيتعمل عليا حفله انا مفيش حد فيكم متقفش من الكبير للصغير😂
ياسين……عشان واطي مبتخبطش على اي باب قبل ما تتنيل تدخل😒
جلال…والنبي اسكت واتلهي على اساس كل مشكلتكم معايا اني مبخبطش ما انا يا ما قفشتكم في الجنينه والطرقه والمطبخ 😒
ملك….بصت لياسين🙄 عنده حق
جلال…..شوفت بقى المهم انا في حاجه شغلاني بجد🤔
ياسين…وهو حاضن ملك ايه هي 🤨
جلال…انا هفضل لحد امته أقفشكم واتفرج انا عايز ابوس😂😂😂😂
حدفه ياسين بقلم من المكتب وهو بيضحك
ياسين….والله انت عيل وسخ😂😂
ملك…😂😂😂عاجبك الفضايح دي
ياسين…سيبك منه ده متغاظ مننا😉
انت ياض كنت عايز ايه🤨
جلال…..اه صحيح منك لله نستوني وبوظتوا اخلاقي😒
ياسين….انت تبوظ اخلاق بلد انجز يالا خليني اشوف كنت بقول ايه لملك😉
ضـ ـربته ملك وبعدت عنه اسكت بقى شويه😒🔪🔪🔪
جلال….😂😂😂 مراد بيقول كمان ربع ساعه في اجتماع سريع وقاللي ابلغكم
ياسين…..ملقاش غيرك 😒
جلال….خليني انا كده عاملكم وش في دماغك ولازم تعرف منين ما تهرب مني هتلاقيني قصادك😎
ياسين…امشي ياض من هنا يلاااا😡
جلال….ماشي ياعم متزوقش خلاص ماشي كمل يا اخويا الموضوع المهم😉
ياسين….اه يا واطي😂😂
خرج جلال وهو بيضحك
بص ياسين لملك
ملك….🤨عاجبك كده
ياسين…مسك ايدها وقربها ليه وهو بيضحك طب اعمل ايه طيب هو بيجي على البوس شكله بقى مدمن😂😉
ملك….😂😂هيفضحنا
ياسين….هديله رشوه حلوه متقلقيش
ملك…انت شايف كده🙄
ياسين…طبعاً كنا بنقول ايه بقى😉
ضحكت ملك وقربت منه وفجأه دخل عليهم جلال تاني صـ ـرخت ملك وبعدت بسرعه.
ياسين….الله يخربيت اليوم اللي جيت فيه😂😂😂
جلال…..ادعي عليا ادعي وانا اللي جاي عشان مصلحتك وتاعب نفسي عشان راحتكم
ياسين….خير🤨
جلال….انا بقول تركب لمبه حمراء على الباب اهو امان بردو
ياسين…..بص لملك وقام خدها من ايدها يلا يا ملك على مكتبك ابو دي ام بوسه 😡😡
ملك….😂😂😂🙈🙈🙈 طب وانا مالي
جلال…شوفتي اهو باعك في لحظه قولنا ميت مره منأمنش للرجاله بياخدوا غرضهم و يرموكم يابنتي انتي ملكيش غيري انا ومكتبنا الحلو اللي بره😒😒
ملك…بضحك انت صح😂😂
ياسين….يلا يا اخويا خدتها مني وارتاحت على مكتبكم بقى وربنا ما هسيبك يا جلال الكلب😡
جلال…بضحك يلا يا ملوكتي🤪
ملك….يلا يا جلجل😂😂😂
ضحك عليهم ياسين وراح على مكتبه
…………………….
في مكتب مراد.
مراد… مبسوطه انتي صح🤨
تقى…بدلع الله وانا عملت ايه طيب هما اللي دخلوا علينا🙄
مراد….لا ياشيخه ايه البراءه دي🤨
تقى….تصدق انا غلطانه ومش جايه
مكتبك تاني ولا هسأل عليك😞
مسكها مراد من ايدها وقربها لحضنه سندت أيدها على صدره
رفع مراد دقنها بأيده براحه.
مراد…انتي عايزه مني ايه يا تقى؟
تقى…..بدلع انا 🙄عايزه ايه مش عايزه حاجه
مراد….كل ده ومش عايزه حاجه
تقى…..انا عملت ايه طيب
مراد…..كل ده وبتسألي انتي جننتيني معاكي يا تقى والمشكله انك مش حاسه باللي بتعمليه فيا
تقى…..بابتسامه جميله كل ده عشان بوسه صغيره من خدك 🙈
مراد….انا بحبك اوي يا تقى كل يوم بيعدي بتعلق بيكي اكتر
تقى….🥺 بجد يا مراد يعني حبك مش بيقل
مراد…..لا ياتقى مش هكدب عليكي كنت خايـ ـف اني ابقى عامل زي الطفل الصغير اللي بيفرح بأي حاجه جديده اول كام يوم وبعدين يزهق منها بس اكتشفت ان وجودك في حياتي كل يوم بيقوى اكتر من اللي قبله.
تقى…بحب طيب ودي حاجه حلوه ولا وحشه🥺
مراد…اكيد حلوه تقى انا كنت عايش حياتي بالطول والعرض مش بس من قبل جوازنا ده من زمان عمري ما تخيلت اني احب بالشكل ده حتى مامت امير كنت فاكر اني حبتها بس أكتشفت ان الحب معاكي حاجه تانيه كنت خايـ ـف من فرق السن اللي بينا
يا تقى بس لما اتجوزنا وبقينا مع بعض حسيت ان فرق السن ده هو احلى حاجه في علاقتنا
تقى….مش فاهمه❣️
مراد…..فرق السن اللي بينا يا تقى خلاني اتعامل معاكي على انك بنتي الصغيره اللي بخـ ـاف عليها من الهواء الطاير حتى وانتي في حضني يا تقى ببقى حريص معاكي لأبعد حد ممكن تتخيليه لدرجه اني بحاول أتحكم في شعوري تجاهك حتى لمستي ليكي يا تقى ديماً بكون متعمد انها تكون لمسه هاديه تخليكي متخـ ـافيش مني بتعامل معاكي على انك حاجه هشه خايـ ـف تتكـ ـسر او تتجـ ـرح
تقى….بس انا عمري ما خوفت منك يا مراد انا معاك وفي حضنك بحس اني طايره وكأني مالكه الدنيا كلها بأيدي وانا في حضنك ببقى واصله لأعلى درجه من درجات السعاده لدرجه اني انا كمان مبسوطه بفرق السن ده بحس اني طفله مش قادره اسيبك مش متحمله اشوفك لحظه بعيد عني ديما حاسه اني محتاجه ايدي تكون في ايدك على طول🥺
مراد…بحب عارف يا تقى عارف وهو ده اللي انا بقوله احساسي بانك بنتي غالب على كل المشاعر اللي جوايا بس ده مش معناه اني مش قادر اشوفك مراتي او حبيبتي بالعكس يمكن احساس انك بنتي مقوي اكتر شعوري بانك حبيبتي ومراتي وكل حاجه
تقى…..انا بحبك يا مراد اوي🥺
مراد…..وانا بعشقك يا قلب مراد خدها في حضنه وهو بيبوسها من جبهتها بحب ❣️❣️بقولك ايه
تقى….هاااا
مراد….تسهري معايا بره انهارده
تقى…..بحب طبعاً❣️
مراد…..خلاص يبقى نخلص اللي ورانا ونطلع على القصر نغير ونخرج و أعملي حسابك ممكن نبات بره😉
تقى…..فين🙈
مراد….خليها مفجأه❣️😉
تقى…اتفقنا❣️
……………………
في مكتب زيد
زيد….🤨🤨🤨يعني خلاص مقرره
صبا….لا خالص والله انت لو كنت كلمتني قبل ما مريم تبعت كنت اكيد هقولها اني خارجه معاك
زيد…بحب طيب يا ستي خلاص نخليها يوم تاني المهم أتبسطي
صبا….يعني انت مش زعلان😞
زيد….لا والله يا حبيبي انا اهم حاجه عندي تكوني مبسوطه وبعدين انا لما كلمتك عشان المفجأه بردوا كنت عايز أشوفك مبسوطه
صبا….طيب ومش هتقولي كنت هتاخدني فين وايه المفجأه🙄
زيد….أكيد لا اولاً المفجأه هو المكان اللي كنت هاخدك عليه بس بما انك خلاص مش فاضيه انهارده فا خليها بكره بقى اتفقنا❣️
صبا…..اتفقنا🥺
زيد…..بقولك ايه هتعملي فيها زعلانه مقموصه بردوا مش هقولك😉
صبا….بإبتسامه جميله مدخلتش عليك صح🙄
زيد….لا😂😂
صبا…..ولا هصعب عليك🙄
زيد….بردوا لأ بكره هعرفك ويلا بقى امشي ورايا شغل متعطلنيش
صبا….مش هقفل☹️
زيد……بإبتسامه حب وبعدين معاكي بلاش دلع يلا اقفلي🤨
صبا…..لا🥺
زيد….هجيلك😉
صبا….بحب خلاص يبقى مش هقفل🙈
زيد….ااااه عيزاني اجيلك يعني😉
صبا…هو انا قولتلك تعالى انا قولت مش هقفل🙄
زيد….على فكره انا اه مشغول وعندي حجات لازم اخلصها بس مش عايزك تنسي اني مجنون ولو مقفلتيش وبطلتي دلع والله يا صبا هجيلك وهاخدك من ايدك وهطلع بيكي على اوضتنا ومش هخرجك منها غير لما ترفعي الرايه البيضاء وكمان مش هتروحي مع مريم والبنات ولو حد اتصل بيكي هرد انا واقولهم اللي يقدر يجي يخرجها من حضني يجي
صبا….بضحك طيب خلاص انا اسفه😂😂😂🙈🙈🙈🙈
زيد…😂🤨🤨ايه خوفتي ليه يا خوافه
صبا…عشان عارفه ان حبيبي بجد مجنون ومش بيقول اي كلام 🙈🙈
زيد…يبقى نسمع الكلام ونبطل دلع وانا في الشغل لان انا قاعد هنا غصب عني وراعي انك وحشاني بجد
صبا….خلاص يا سيدي حرمت🙈❣️
بس بجد انت كمان وحشتني اوي وحضنك وحشني يا زيد وعلى فكره بقى انا مضايقه عشان مشيت الصبح ومش شوفتك قبل ما تمشي
زيد….بس انا شوفتك وبوستك وعملت حجات تانيه وانتي مكنتيش معايا😉
صبا….بإبتسامه اه بتستغل يعني اني نايمه صح🤨
زيد….صراحه اه بحبك وانتي مستسلمه كده ومسلماني نفسك
صبا…على فكره بقى انت قليل الادب
زيد….وانا معترف اني معاكي ما شوفتش تربيه😉
ضحكت صبا غصب عنها ووشها احمر
زيد…..انا بقول تقفلي احسن عشان والله ثانيه كمان وهتلاقيني قدامك وبنفذ عملي😉
صبا…..زيد
زيد…..قلب زيد ❣️
صبا…..بحبك اوي
زيد…..عارف انا أصلاً اتحب😉
صبا…..ايه الغرور ده طب على فكره بقى انا بجبر بخاطرك😒
زيد…..اخر كلام🤨
صبا….اه أخر كلام🙄
زيد….صبا 😉
صبا….قولت اخر كلام😒😒🙄🙈
زيد…بصوت اهدى صبا❣️
صبا….🥺❣️ بحبك أرتاحت
زيد….بإبتسامه جميله بحبك يا بنت عمري❣️ هتوحشيني لحد بليل واعملي حسابك بعد ما نتعشى مش هسيبك انهارده
صبا…..❣️🙈 اتفقنا
زيد…خدي بالك من نفسك ومن القمر بتاعنا❣️
حطت صبا ايدها على بطنها بحب
صبا….حاضر يا حبيبي❣️
زيد…..يلا يا حبيبي اشوفك على خير
صبا….سلام يا عمري.
زيد…..سلام ❣️❣️
…………………….
وصلت فيروز المصنع عند منذر سابها السواق ومشي
اول ما دخلت قام منذر وراح عليها ونظراته كلها حب كان باين عليها التعب اوي لكن نظرته ليها خلتها ابتسمت
منذر…..المصنع نور
فيروز….منور بأصحابه
منذر….مد ايده بحب عامله ايه يا فيروز
فيروز…..مدت ايدها بخير انت اخبارك ايه
منذر….اكيد كويس خصوصاً لما نورتيني انتي وفيروز الصغيره
فيروز……ميرسي يا منذر
منذر….تشربي ايه
فيروز…..لا ولا حاجه
منذر…ولا حاجه ده ايه انتي عايزه فيروز تقول عليا بخيل
فيروز…..طيب لو لازم يعني يبقى اي عصير
منذر….احلى عصير ❣️
طلب منذر عصير وقهوه وقعد قدامها
منذر…..شكلك تعبان اوي يا فيروز
فيروز…..يمكن عشان خلاص قربت وبعدين انا متوتره جداً الفتره دي
منذر…طيب وليه متوتره المفروض تكوني مبسوطه عشان فيروز هتنور الدنيا
فيروز…..اكيد مبسوطه بس خايـ ـفه اوي انا مش بحب ابين ده لمامي انت عارفها بتقلق من اقل حاجه من يوم ما شوفت زهره وهي بتولد وانا مرعـ ـوبه
منذر…ايوه بس انتي محدده معاد ولادتك يعني مفيش قلق هتصحي تلاقي فيروز جمبك❣️
فيروز…يارب يا منذر
منذر…بحب بلاش توتري نفسك وانسي الخـ ـوف انا جمبك اقصد كلنا جمبك يعني وبعدين فيروز هتيجي تنسيكي الخـ ـوف والتعب ده كله.
فيروز….بإبتسامه ان شاء الله يا منذر
ها كنت عايزني في ايه
منذر…..مسك في ايده ورق وقربهم منها
الورق اللي معاكي ده نسبه ارباحك انتي وفيروز انتي عارفه ان الجرد كان شغال بقاله كذا يوم وحبيت اديكي نصيبك
فيروز….تاني يا منذر احنا مش اتكلمنا في الموضوع ده قبل كده
منذر…ايوه اتكلمنا وانا معترضتش وكل حاجه في الشغل ماشيه زي الاول
فيروز…..طيب امال ايه الورق ده والشنطه بتاعت الفلوس دي
منذر….نصيبك من الارباح يا فيروز
فيروز….وانا قولتلك اني مش محتاجه اي حاجه يا منذر وسلمتلك كل حاجه بعد إصرارك فا انا مش شايفه داعي خالص للفلوس دي
منذر…لا في داعي يافيروز اولاً انا على اتفاقي معاكي ومع الباشا كل حاجه هتفضل زي ماهي بس انا الوقت مش بديكي نصيبك من رأس المال ده نصيبك من الربح وانا كمان هاخد نصيبي من الربح وكاريمان هانم كمان يعني الارباح ملهاش علاقه بالشغل
فيروز….بس صدقني انا مش محتاجه اي حاجه خليهم معاك يا منذر زود بيهم رأس المال
منذر….فيروز انا مش عايز اي أعتراض
من فضلك لو بجد انا غالي عندك ريحيني وخدي نصيبك انتي وفيروز من الارباح الشغل ماشي كويس وكل حاجه زي الفل وبعدين انا لو شايف ان في نقص في اي حاجه مش هطلع ارباح ومش هتكسف منك وهعرفك اني محتاج الفلوس وعارف انك مش هتعترضي فا عشان خاطري انتي كمان بلاش تعترضي ممكن❣️
فيروز……مش هستغرب ابداً دماغك الناشفه دي عشان نسختك التانيه معانا في البيت🙈
منذر…بإبتسامه تقصدي زيد طبعاً بهتنا على بعض بقى بس بقول ايه انتي معترضه ولا ايه🤨
فيروز….انا خالص🙄
منذر….يعني شايف كده اعتراض🤨
فيروز….بابتسامه والله ابداً بس حابه ان التعامل بينا يكون بعيد عن الشغل والفلوس وكل الحجات دي 🥺
منذر…..عارف يا فيروز بس انا قدام حقك انتي وفيروز مش هقدر اسمع كلامك فيروز انا بشتغل وبكبر الشغل عشانك انتي وفيروز وامي انا مليش غيركم الوقت عارف انك مش محتاجه مني اي حاجه بس ده حقك ولو انتي عايزه تتنازلي عنه انا اكيد مش هتنازل
فيروز……وعشان كده انا عمري ما هراجع وراك ولا هيفرق معايا الحساب ده خالص عشان انا عارفه منذر كويس
وفجأه مسكت ضهرها وظهر على ملامحها تعب
قام منذر بسرعه وقرب منها
منذر….في ايه يا فيروز مالك
فيروز…..متقلقش يظهر ان فيروز معترضه على كلامك
منذر…..فيروز انتي كويسه
فيروز….اطمن الوقت نروح للدكتور ويطمنا اكتر
منذر…بقلق تمام
قعد تاني قدامها وفضل باصصلها بقلق
فضلت فيروز تتكلم معاه في حجات ملهاش علاقه ببعض عشان متقلقهوش بس الوجـ ـع كان بيزيد وعلى غير العاده الاول كان بيروح ويجي على فترات لكن الوقت بيجي وراء بعض
جه عامل البوفيه وقدملهم القهوه والعصير
منذر…..يلا اشربي يا فيروز العصير كله وبعد كده نقوم مع بعض على الدكتور تمام
فيروز….بتعب تمام 😞
قربت الكوبايه منها شربت حاجه بسيطه وحطتها بسرعه على التربيزه
وبصتله منذر🥺
منذر…..ايوه يا فيروز❣️
فيروز….ممكن نقوم الوقت🥺
بصلها منذر بخـ ـوف ساب الفنجان بسرعه وراح قعد قدامها على ركبه
منذر….فيروز انتي فيكي ايه؟
فيروز…..بدموع منذر انا شكلي بولد🥺
منذر…..ايه😳 بتولدي ازاي.
فيروز…..اااااه مسكت ايده وضغطت على كفه بقوه منذر ألحقني الله يخليك
منذر….مسك ايدها بلهفه حاضر حاضر
سابها بسرعه وخد الموبايل ومفاتيحه شال الشنطه في الخزنه وجري عليها بسرعه قومها بهدوء وبصلها
هتقدري تمشي
فيروز….ايوه ايوه بس بسرعه انا مش قادره🥺🥺🥺
منذر…..طيب متقلقيش واهدي انا جمبك يا حبيتي ❣️
نطقها لسانه من غير ما يحس سمعتها فيروز لكن تعبها كان اقوى من انها تقف عند الكلمه.
فضل الوجـ ـع يزيد مش قادره تمشي
شالها منذر بسرعه وخرج بيها على العربيه ركبها وجري ركب وطلع بأقصى سرعه
فيروز……منذر كلم مامي بسرعه الله يخليك وقولها تشوف الدكتور وتعرفه اننا رايحين على المستشفى😭😭
منذر….حاضر حاضر
فيروز….اااااااه
منذر…فيروز الله يخليكي اهدي متعمليش فيا كده🥺
فيروز…..الحقني يا منذر بسرعه عشان خاطري
مسك منذر أيدها طيب اهدي متخـ ـافيش انا جمبك ماشي.
هزت فيروز راسها وهي دموعها نازله وفضلت ماسكه ايده.
منذر….روح مش بترد و زيد مش بيرد
فيروز…..كلم الدكتور بسرعه عشان لو مش هناك يلحق يروح وبعدين ابقى اتصل بزيد ومامي بس الحقني اااااه
منذر….بارتباك وخـ ـوف بقى يبصلها ويبص للطريق ويبص على الموبايل
اتصل بالدكتور بلغه وبعدين ركز في الطريق وقرر انه يتصل بروح وزيد لما يوصل فيروز الاول ويطمن عليها
………………………..
خلصت خلود الحلقه وفي الوقت ده البنات كانوا أتحركوا وراحوا عليها ياخدوها في طريقهم
دخلت خلود على اوضتها عشان تغير لبسها بسرعه.
سمعت الباب بيخبط
خلود….ادخل.
فتحت الباب مذيعه معاها في القناه لكن مشهوره وبتشتغل في القناه من قبل خلود بكام سنه اسمها هنادي علام
بتقدم في برنامجها كذا فقره ليها علاقه بالتجميل والفاشون وأحدث الموضه وبتعرض مشاكل وليها شعبيه كبيره
خلود…..بابتسامه جميله وفرحه ده ايه المفجأه الحلوه دي أتفضلي يا استاذه هنادي.
هنادي…بإبتسامه متصنعه كلها تعالي وغرور اهلا يا خلود
خلود….اتفضلي
دخلت هنادي قعدت وحطت رجل على رجل
خلود…..تشربي ايه
هنادي….لا ولا حاجه مش عايزه انا هبقى اشرب في اوضتي انا بس حبيت اجي اشوفك لما عرفت انك خلصتي
خلود….بطيبه ياخبر ده انتي نورتي وبجد مبسوطه اني شوفتك يمكن انا عارفه اننا بنشتغل في نفس القناه بس اول مره أقابلك من يوم ما بدأت عشان مواعيد شغلنا مش واحده البرنامج بتاعك بيجي الساعه تسعه تقريباً صح
هنادي…..اه بس انا عندي شغل كتير انهارده وفي كذا حاجه بنجهزها عشان كده قولت اشوفك واقولك مبروك على البرنامج
خلود….بإبتسامه كلك ذوق والله بجد مبسوطه جداً من كلامك على فكره انا بتابعك من زمان وبحب اتفرج على البرنامج بتاعك.
هنادي….ميرسي انتي كمان باين عليكي شاطره في المجال ده
خلود….اه بحب المطبخ جداً تقدري تقولي هوايتي المفضله بس على كده يعني انتي شوفتي البرنامج
هنادي….بغرور مش هكدب عليكي انتي عارفه انا معنديش وقت خالص وديماً مشغوله بس من وقت للتاني بشوف مقاطع بسيطه وباين ان أكلك حلو وكمان هنا الفريق كله بيمدح فيكي جداً وفي وقت بسيط قدرتي تحققي نجاح كبير
خلود…دي شهاده اعتز بيها من إعلاميه كبيره زيك وبجد فرحتيني
هنادي….على ايه بس ده واجب عليا بس طبعا لو تسمحيلي أنتقد شويه حجات كده بسيطه لو مش هتزعلي
خلود….ياخبر لا طبعاً اكيد مش هزعل انا عمري ما زعلت من النقد لانه اكيد بيفيدني وبيخليني اتغير للاحسن😍
هنادي…طيب طمنتيني بصي متاخديش كلامي ده بحزازيه انا بشتغل في المجال ده من عشر سنين اشتغلت اربع سنين في قناه النهار و بقالي ست سنين في القناه هنا يعني عندي خبره كبيره
خلود…اكيد طبعا.
هنادي….انا شوفت ليكي كذا مقطع وخصوصاً المقطاع اللي بيجي فيها مكالمات من الجمهور وبصراحه ردود أفعالك وردك على الناس محتاج تحكم اكتر
ابتسمت خلود بإحراج…ازاي مش فاهمه
هنادي…احنا اتفقنا من غير زعل صح
خلود…اكيد
هنادي…يعني محتاجه تكوني أهدى شويه وبلاش تكوني اوڤر
خلود…انا اكيد فهماكي بس يعني انا شايفه الحمد لله ان ردود افعال الناس حلوه جداً اكيد مفيش حد فينا كامل بس انا من يوم ما بدأت الحمد لله ما شوفتش اي تعليقات سلبيه على طريقتي او البرنامج او حتى المحتوي اللي بقدمه
هنادي….بإبتسامه اكيد انا مقولتش ان في حاجه وحشه بس أقصد ان في مرات كنتي مهزوزه عينك مش قادره تجيب الكاميرا كأنك ضايعه وخايـ ـفه وكمان لما بيجيلك اتصال بحس انك متوتره شويه وبتتلجلجي في الكلام كتير وطول الوقت بحس انك مش عامله مسافه بينك وبين الناس يعني بتتكلمي معاهم على انك تعرفيهم وده مش صح لازم يكون في حدود بينكم الٱجابه على قد السؤال يعني مفيش مجال للشكر الكتير كأنك تعرفيهم
خلود….بحزن حست ان في حاجه وقفت في حلقها اااا اولاً يمكن حكايه اني ببقى متوتره وخايـ ـفه ده كان في الأول لان المجال ده مش بتاعي اصلاً انا في البدايه كنت حابه اعمل مطعم كبير وخلاص لكن مكنتش عامله حساب البرنامج ده خالص
هنادي….بضحكه مستفزه اه انا عارفه ان جوزك يبقى يوسف الطوبجي وليه معارف بقى وكده😉
خلود….على فكره مش يوسف اللي جابلي الشغل ده عم يوسف هو اللي جابه وهو اللي صمم لما شاف الاكل اللي بعمله وحب اني مضيعش الفرصه دي
هنادي…..ماشي مروحناش بعيد وبعدين هو ده اللي بقوله سبب توترك وخوفك وطريقتك اللي من غير زعل مش طريقه إعلاميه محترفه هي السبب في فرق كبير بين انك تكوني دارسه المجال وانك تكوني دخلاه بالوسايط عشان كده حبيت اجي اتكلم معاكي وبما ان البرنامج بتاعك بقى جايب مشاهدات
فا حرام تخسري النجاح ده عشان كده حبيت أنصحك
خلود…..بحزن يمكن معاكي حق والدراسه في اي مجال بتفيد وقت الشغل بس اظن انا لو كنت مش مقبوله خالص مكانش البرنامج الوقت عامل اعلى مشاهدات في القناه بفضل الله
بصتلها هنادي بغيظ😡
خلود….وبخصوص طريقتي اللي بتقولي عليها مع الناس انا بتكلم بطريقه خلود العاديه ويمكن ده اللي خلاني اوصل لقلب الناس حاجه حلوه ان الناس تحسك منهم وشبههم وفكره ان الناس تاخد عليا ايه المشكله أدام الأحترام موجود و متبادل بينا يعني مش حلوه اني اطلع اتكلم مع الناس بالشوكه والسكينه خصوصاً لما تكون دي مش طبيعتي انا طبيعيه جداً مبقدرش افصل طريقتي قدام الكاميرا هي طريقتي في الحقيقه مقدرش احرج حد مقدرش اتكلم مع حد وأرد على قد الكلام خصوصاً لما مثلا ست كبيره وجده تتصل بيا وتقولي انها بتتعلم مني انا وطريقتها كلها حب مقدرش مثلاً ارد عليها واقولها ميرسي ها ايه سؤالك مش حلوه صح لازم ارد عليها بكل احترام احطها على راسي وبعدين انا مش عايزه اكون إعلاميه محترفه ولا عايزه يكون عندي خبره عشر سنين عشان اوصل للناس الحمد لله طريقتي وخبرتي البسيطه اللي متتعداش شهور بالنسبه لحضرتك قدرت توصلني لمكانه مكنتش اتخيلها وقدرت في وقت بسيط جداً اخلي البرنامج بتاعي ترند كذا يوم وراء بعض لوصفات بسيطه وقدرت اوصل لأعلى نسب مشاهدات في البرنامج
هنادي……بحقد تقصدي تقولي بكلامك انك قدرتي تحققي اللي انا محققتهوش
خلود….خالص النجاح اللي وصلتله مكانش مقصود بس لما دخلت فيه سلمت امري كله لله وفضلت على طبيعتي زي ما انا وسعيت وأشتغلت وكسرت الخـ ـوف والتوتر اللي انتي قولتي عليه في اول كام حلقه وبعد كده ربنا كان ليه يد في كل حاجه حصلت انا مدخلتش في اي حاجه وزي ماقولتلك لحد يومنا ده لا شوفت تعليق وحش من اي حد ولا جاتلي مكالمه مش حلوه بالعكس كل المكالمات جميله وكل التعليقات إيجابيه
واظن انا لو منجحتش مكانش جالي دعوه لأيڤنت في مول كبير لمنتج لشركه كبيره بعد اسبوعين هروح وهطبخ انا والناس مع بعض وهتقابل معاهم وش لوش 🙂
هنادي…عموماً مبروك يا ستي على كل الحجات الحلوه دي وزي ماقولتلك انا كنت جايه انصحك مش اكتر بس واضح انك زعلتي
خلود….بإبتسامه بسيطه خالص 🙂
واكيد هاخد نقدك ده بعين الاعتبار يعني بأعتبارك إعلاميه كبيره وليها خبره ااا معلش كنت حابه اقعد معاكي شويه كمان بس انا مضطره امشي عشان عندي معاد
هنادي…..بإبتسامه غل لا خالص انا كمان لازم اروح اشوف شغلي وفرصه سعيده يا خلود
خلود….انا اسعد نورتي🙂
خرجت هنادي وقفت خلود تتنفس بسرعه🥺 حاولت تهدي نفسها وبسرعه خدت شنطتها وخرجت كانوا البنات وصلوا
مريم…..اخيراً ست الشيف وصلت
صبا….كنتي زي القمر اينعم ملحقتش اشوف الحلقه كامله عشان اقدر اجي بس كنتي قمر
خلود….حبيبتي يا صبا ربنا يخليكي ليا🥺
شمس….ايه ده في ايه يابت مالك🤨
مريم…حد زعلك ولا ايه قوليلي ادخل اقطعه
خلود….بصراحه كده في 🥺
صبا…ايه ده في ايه مالك مين ضايقك؟
خلود…..هحكيلكم بس خلونا الاول نمشي من هنا عشان مخنوقه اوي🥺
صبا….طيب يلا اركبي
مريم….طب نفهم طيب🤨🔪
شمس….يلا هتفهمنا امشي
مريم…..طيب عشان لو حد محتاج يتضـ ـرب نلحق نمسكه🤨🔪🔪
صبا…بضحك ياستي امشي انتي بتقولي شكل للبيع يلا
مريم…..بصوت عالي هرجعلك يااللي زعلت خلود🔪🔪🔪😡
ابتسمت خلود والبنات ضحكوا عليها وركبوها اخيراً
ساقت مريم العربيه ومشيوا..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحفاد الطوبجي)
