رواية احببته رغم كبريائي الفصل الثامن 8 بقلم مريم أحمد
رواية احببته رغم كبريائي الجزء الثامن
رواية احببته رغم كبريائي البارت الثامن
رواية احببته رغم كبريائي الحلقة الثامنة
كانت الصدمة بالنسبالها لما لاقيت مروان بيسلم على اخوها و بيبتسم ولا كأنه عارفه بقاله عشر سنين مثلا
مروان…عامل ايه يا اسلام و ايناس و نوح و كلكه عاملين ايه؟
اسلام…بخير الحمدلله انت اخبارك ايه و ماما خديجة و مليكة
رد مروان عليه كان هيجننها ازاي اخوها يعرف البني ادم المتعجرف دا
هز مروان راسه بابتسامة و قاله
مروان…الحمدلله كلنا بخير
ضحك اسلام و قاله
اسلام…ايه مليكة بقت ف سنه كام دلوقتي
ضحك مروان و رد عليه و هو بيقول
مروان…خلصت المدرسة يا عم و بقت ف اولى كلية
اتفاجئ اسلام و قاله
اسلام…ماشاء الله ..ابقى سلميلي عليهم كلهم طيب
هز مروان راسه و قاله
مروان…يوصل
خد باله من حبيبة و قاله باستغراب و هو بيشاور عليها
مروان…انت تعرفها
هز اسلام راسه بتأكيد و قاله
اسلام…دي اختي
ظهر مروان تعابير المفاجأه و الدهشه على وشه و قاله
مروان…اخر حاجه كنت ممكن اتخيلها
مردتش عليه و اسلام استغرب و قاله
اسلام…مش فاهم كلامك
مروان…لا من المفاجأه بس
ابتسمله و قاله و هو بيكمل كلامة
مروان…انت كلك ذوق يا اسلام
كان قصده انه يوصلها الكلام و يقولها انها معندهاش ذوق او مش محترمة و لأن طبعا حبيبة مبيهمهاش رأي حد غير اهلها ولا فرق معاها كلامة
ابتسمله اسلام و قاله
اسلام…ازاي بس دا انت الذوق كله ياعم
ضحك مروان و اسلام كمل كلامه و هو بيقول
اسلام…بس انت تعرف حبيبة ازاي
ضحك و هو بيكمل كلامه و بيقول
اسلام…اوعا تكون عامله مشاكل ف الكلية
ضحكوا و حبيبة قالتله
حبيبة…انا نفسي افهم هتبطل تقول كدا امتى
قالتله بقهر مضحك
حبيبة…يا اخي دا من و انا ف الحضانة بتقولها
ضحك اسلام عليها و قالها
اسلام…عشان هفضل شايفك حبيبة الطفلة الي كانت بتتخانق مع اي حد يضايقها
ابتسمت حبيبة و هي بتفتكر لما كانت كارولين عايزه تصاحبها و تتعرف عليها و حبيبة كانت كذا مرة تقولها انها مش عايزه صحاب و كارولين فضلت مصرة انهم يبقوا صحاب راحت حبيبة بعد م خلصت يومها ف الحضانة خدت طوبة صغيره و حدفتها على دماغ كارولين
انتبهت لما سمعت مروان بيقول
مروان…فعلا عندك حق تقول كدا دي لسه انهارده متخانقة مع تلاتة
رفعت حاجبها بغضب من كلامه و قالتله بضيق
حبيبة…انت كذاب يالا
اتصدم مروان اشد صدمة ممكن يتصدمها ف حياته
و اسلام الي قال بزهول لحبيبة
اسلام…بت!!!
قالتله حبيبة بضيق من مروان
حبيبة…انت مش شايف بيكدب ازاي !!
اسلام…خلاص اعتبريه بيهزر و اسكتي
سكتت حبيبة بضيق و هي مش طايقة مروان
قال مروان بابتسامة لأسلام
مروان…انا همشي انا بقى عشان اروح الشركة
سلم عليه اسلام و قاله
اسلام..ماشي يا حبيبي بالتوفيق
و مشي مروان و اسلام بص بقلة حيلة لحبيبة الي كانت تعابير وشها ف ثواني اتحولت من الضيق للهدوء
اسلام…ينفع كدا
كانت لسه هتتكلم و تقوله انه كذاب بس اسلام قاطعها و هو بيقولها بأمر
اسلام…يلا عشان نمشي
منطقتش ولا كلمة و ركبت العربية من سكات
…لا اله الا الله وحده لا شريك له له الملك و له الحمد يحيي و يمين و هو على كل شئ قدير
في فيلا ف التجمع
كانت لسه راجعة من الكلية اول م دخلت الفيلا راحت لمامتها على طول الي كانت واقفه بتعنا الغدا ف المطبخ
مليكة…انا جيت
ابتسمتلها خديجة و هي بتقولها
خديجة…حمدالله على السلامة يا حبيبتي
قالتلها مليكة و هي بتشوف الصينية الي ف الفرن الكهربائي بانبهار
مليكة..و مكرونة بشاميل كمان دا ايه الجمال دا
ضحكت خديجة و هي بتقولها
خديجة…شوفتي بقى بألف هنا يا حبيبتي
مليكة…الواد مروان جاي امتى عشان غالبا مش هنستناه
ضحكت خديجة على كلام بنتها و قالت
خديجة…قالي انه مش هيتأخر ف الشركة يعني مثلا ساعتين كدا و هيجي
هزت مليكة راسها و قالتلها
مليكة…اذا كان كدا ماشي
….استغفر الله العظيم و اتوب اليه
ف الطريق كانوا ساكتين قالت حبيبة
حبيبة…مجبتش كاميليا و العيال ليه
اسلام…يا بت انا كنت ف البنك الي جمب الكلية و قولت بما اني كدا كدا جايلكوا اخدك معايا
هزت راسها و قالتله
حبيبة…بس تعالى نرجع نجيبهم يا اسلام
ابتسم و قالها
اسلام…تتعوض مره تانيه ان شاء الله اختك عندها امتحانات و انتي عارفه اول م بتشوف العيال بتنسى مذاكرتها و بتتلهي معاهم
ابتسمت و سكتت
كان شاغل بالها ازاي واحد متواضع زي اخوها يكون ليه صاحب مغرور و متكبر زي الزفت الي اسمه مروان
قطع تفكيرها سؤاله و هو بيقول
اسلام…انتي عارفه مروان ازاي
قالتله بخنقة
حبيبة…دكتور المادة
هز راسه و قاله
اسلام…بس مالك مش طايقاه كدا ليه
قالتله حبيبة بضيق
حبيبة…عشان هو بني ادم رخم
بصلها بحده ممزوجه باللوم و قالها
اسلام…ليه كدا بس
بصتله حبيبة بسخرية و قالتله
حبيبة…اقولك ليه اول حاجه طردني من المحاضرة
هز راسه بمعنى ماشي و قالها
اسلام…اكيد كنتي بتتكلمي او مش مركزه لأن الي انا متأكد منه ان مروان انسان كويس جدا دا كفاية انه ناجح ف شغله و طموح
حبيبة…انا مش فاهمه انت بتدافع عنه كدا ليه ..انت اصلا عرفته امتى ولا صاحبته امتى دا
بصلها بدهشه و قالها
اسلام…مروان صاحبي من ايام الجامعة يا حبيبة دي امك عارفاه و عارفه امه و بعدين غير كدا اومال انا شريك مين ف الشركة ؟
اتصدمت حبيبة هي اخر حاجة كانت تتوقعها ان شريك اخوها يكون البني ادم دا
سكتت و متكلمتش مجرد انها هزت راسها بمعنى تمام
و هو كمان مقالش ولا كلمة
….سبحان الله و بحمده سبحان الله العظيم
بعد وقت كانوا وصلوا و اخوها قعد معاهم شوية و بعدين مشي
كانت قاعده ف اوضتها بتذاكر لاقيت اختها دخلت و قعدت جمبها و هي مبتسمة
ابتسمتلها حبيبة و قالتلها باستغراب
حبيبة…ايه؟
قالتلها رضوى بابتسامة
رضوى…مبسوطة انك جيتي بدري ..ليه قولتيلي انك هتيجي الساعة 9
حبيبة…نسيت اني انهارده اجازة
ضحكت رضوى و قالتلها
رضوى…بس انا مبسوطة
حضنتها حبيبة و قالتلها
حبيبة…انتي روح قلبي
قالتلها رضوى بحماس لما افتكرت
رضوى…انا عملت بسبوسة استني هجبلك طبق
هزت حبيبة راسها بمعنى ماشي و هي مبتسمة
سمعت صوت رسالة على تليفونها
جت تشوف الرسالة اتفاجئت لما لاقت الاسم “دكتور مروان”
قرأت الرسالة لاقيته كاتب
مروان” اخر حاجة كنت اتوقعها انك تكوني اخت اسلام البني ادم الذوق المحترم ”
ابتسمت بسخرية و خدت الرسالة اسكرين و بعتتها لأخوها و كتبتله
حبيبة” قول لصاحبك ملوش دعوة بيا بدل م اهزقه”وووو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احببته رغم كبريائي)
