رواية زوجتي الجريئه الفصل الثلاثون 30 بقلم منة محمد
رواية زوجتي الجريئه الجزء الثلاثون
رواية زوجتي الجريئه البارت الثلاثون
رواية زوجتي الجريئه الحلقة الثلاثون
قصص منه محمد كاتب
١٨ د ·
البارت 30
#زوجتي_الجريئه_جدا
✿ قصص منه محمد كاتب ✿
في المستشفي
يحيي بدموع كتير: امي بجد انا اسف معرفش ان الامور هتوصل لهنا
خديجه بحزن شديد: انت خيبت املي فيك انت وعدتني تهتم بمراتك بس شوف عملت ايه اهملتها وفوقها خنتها
يحيي ببكاء: انا مخنتهاش والله ما خنتها
خديجه بصتله بغيظ شديد : لاء خنتها ودمرتها لما فضلت علي علاقه بتهاني وشايف الحاله الي وصلتلها
يحيي بندم: انا بجد اسف
خديجه بلوم وعتب: لو حصلت حاجه لرشا هتندم ع افعالك طول حياتك
علام وهو مقرب عليهم ومبتسم : قولتلك اهي طلعت مخبيه عن اهلها مرض دماغها ودلوقت احنا نقدر نثبت انها غشاشه ولسه هتخرجني عن شعوري
خديجه : ده لو كان ابنك مش بيعمل مشاكل مكنتش رشا وصلت للحاله الصعبه دي ومتقفش جنب ابنك وفكر ازاي هنواجهه وجدي ولدلال والله العظيم مكسوفه
علام رشا اصلا تعيبنه ابني ملوش علاقه بمرضها انتي ليه زعلانه عليها يحيي ابنك مش هي حتي لو ماتت مش هتفاجئ
خديجه بغضب : بعيد الشر عليها
يحيي بصله بضيق وساب المكان ومشي راح يطمن ع رشا وقرب من السرير ومسح ع شعرها
يحيي بدموع محبوسه : حبيتي انا هنا اوعدك مش هسيبك تاني ابدآ
رشا بصتله ولفت وشها عنه : مكنش ينفع ادخل حياتك ازعجتك بس مش هزعجك تاني
يحيي مسك ايدها بتملك شديد : لاء انتي عمرك ما ازعجتيني ابدا انا الي كنت مذنب في حقك طول الوقت
رشا: مش هزعجك تاني
يحيي مسح ع شعرها: رشا اوعدك اهتم بيكي واحبك بس انتي خفي وقومي وارجعيلي
رشا غمضت عيونها من البرشام المنوم وراحت في النوم ويحيي غطاها وحرك ايده ع وشها وملامحها الفاتنه وقام
…………………………..قصص منه محمد كاتب…………………..
في ممر المستشفي
توتا: عندها ورم في الدماغ بس ازاي
يحيي بقهر: انا الي مزعلني انها دارت عليا ويظهر مكنتش عايزه تخوفني
توتا: يعني كلام اونكل علام طلع بصحيح بس ليه خافت تقولك مكسوفه
يحيي: معرفش انا بس الي عرفه اني خايف عليها دلوقت
توتا مسكت ايده: حبيبي عندك انا
يحيي شد ايده منها: لاء مش ده قصدي تهاني مراتي عيانه دلوقت وهي في امس الاحتياج ليا محتاجه دعمي وحبي واهتمامي هي محتاجه جوزها يكون جنبها
توتا كشرت: يعني بتقولي انك بتحبها دلوقت
يحيي: معرفش اذا كان بأمكاني احبها اولاء بس الي اعرفه هو مقدرش اعيش من غيرها اول مره احس اني مسؤل عنها مش بس عيلتها هي ربنا كتبهالي وعطاني رشا عشان اهتم بيها واحبها واكرس عواطفي كلها ليها هي لوحدها بس انا معملتش كده فشلت
توتا يعني بتقولي ان دي غلطتي
يحيي لاء مش غلطتك ومش غلطه حد دي غلطتي لوحدي انا عايز كل تركيزي يبقي عليها انا اسف جدا لازم علاقتنا انا وانتي تنتهي وهنا
توتا تابعت طيفه وهو داخل عند رشا كورت كف ايدها من الغيظ وفضلت تعيط
حاتم داخل شافها راح وسألها: مالك
توتا بصتله: انا بكرهم
حاتم اهدي احنا في مستشفي
توتا صرخت اكتر: قولي ازاي اهدأ ويحيي سابني عشانها
حاتم : هايل في العاده هو بيسمعلك بس ايه الي اختلف المره دي معني كده ان يحيي عرف اهم اولويته هي رشا مش انتي عظيم عرف مسؤلياته كزوج مسؤل
توتا بحقد: طبعا عجبك انه سابني وبعد عني مش كده يا حقود
حاتم: لا( ضحك بستفزاز) هو انتي متوقعه منه ايه في وضع كده هيخرج يتعشا معاكي وينبسط ولا يعمل شوبنج ويلف هنا وهناك متوقعه كل ده لو عملها هيكون مش انسان ومعندوش قلب واحنا عارفين ان يحيي مش اناني بالشكل القاسي ده بس انتي انانيه اوي
توتا لاء انا هنا عشان ابقي جنبه وادعمه
حاتم : انتي سامعه الي بتقوليه من فضلك اتكلمي بمطنقيه اكتر الكل عارف انك هنا بنيه واحده وهي تحرضي يحيي يسيب رشا ويختارك انتي لانك بكامل صحتك
توتا ردت عليه باندفاع وحده: انا نفسي تخرس خالص وتمشي تغور من وشي
حاتم : اهدي وطولي بالك ليجرالك حاجه وحاضر وهمشي وحظ موفق لحضرتك واتمني جرح قلبك يتعالج ويشفي قلبك المكسور وروحي اشربي شاي بيهدي الاعصاب
توتا بصتله بحقد ولنفسها : هستني موتك يا رشا يحيي طردني بسببك ربنا ياخدك انتي لازم تموتي يا حقيره
…………………….قصص منه محمد كاتب…………………
في غرفه رشا نايمه ويحيي ماسك ايدها وبيكلمها
توتا دخلت عليه الغرفه وقالت: يحيي
يحيي قام بسرعه: انتي دخلتي هنا ليه
توتا بدموع : انا عايزه بس اعرف احنا لسه مع بعض وانك لسه بتحبني ومتقوليش انك خرجتني من حياتك انا مقدرش اعيش من غيرك ارجوك
يحيي شدها في ركن وبصوت واطي : اسمعي مراتي محتاجاني اكتر منك دلوقت فهمتي ولا لسه موصلتش
توتا بصوت عالي قاصده : عارفه بس مش قادره اقبل ده لاني بحبك
يحيي اتك ع اسنانه بغيظ : وطي صوتك متعمليش ضجه هنا
توتا : انت عايزني اموت
يحيي وهو بيسحبها ع بره من ايدها : من فضلك مش هنا احنا في مستشفي امشي يله
يحيي طردها ورجع قعد جنب ريشه الي كانت سامعه كلامهم وفتحت عيونها وبتتحرك
يحيي مسح ع شعرها : رشا حياتي ليه صحيتي ارجعي نامي مش الدكتور قالك تنامي عشان مش يزيد الوجع ارجعي نامي تاني
ريشه فهمت انه بينايمها عشان يقابل تهاني وقالت بحده: انت بتعمل ايه هنا امشي اهتم بتوتا بتاعتك
يحيي قام وقعد جنبها : بتقولي ايه مش انا وعدتك مش هسيبك ابدا
ريشه : بقولك امشي
يحيي باس يدها وحضنها: رشا انا مفتقدك كتير مقدرش اسيبك هو انا موحشكيش
ريشه فكت ايدها منه: امشي
يحيي مسك ايدها وهز دماغه: لا انا هفضل هنا مش هسيبك ابدا
ريشه شدت ايدها منه بقوه وقالت بغضب : امشي
يحيي: مقدرش انا بحبـ
ريشه صرخت فيه : بقولك امشي
يحيي قام وقف بصدمه: انتي فعلا عايزني امشي
ريشه بنظره كلها كره: غور ومتجيش هنا تاني يله امشي
يحيي طلع من عند رشا وهو حرفيا تايهه لقاه تهاني منتظراه مسكت دراعه واخدته بره المكان
حاتم: يحيي كنت عايز اسالك في حاجه انت فعلا جاد في قرارك
توتا : ايوه يا ناكر الجميل نسيت كل الي قدمهولك يحيي طول السنين دي
يحيي : هبعتلك استقالتي قريب
توتا بتشده: يله نمشي يا حبيبي
حاتم: يحيي استني لو استقلت هتعمل ايه
توتا بتدخل : يحيي جاله عرض شغل في شركه تانيه
يحيي اتعصب: تهاني ممكن تسكتي انا مكنتش ناوي اقوله
توتا بصتلها بكل عنجهيه: خاليه يعرف عشان يندم يله نمشي واتجاهل الراجل البخيل ناكر الجميل ده
حاتم : مكانتي ما تسمحليش ارد عليكي وانزل لمستواكي
…………………..قصص منه محمد كاتب………………
رشا قامت من السرير تصرخ بجنون وتشد الكالونا : انا عايزه امشي من هنا خدوني من هنا
الممرضه دخلت بسرعه البرق: اهدي يا مدام
ريشه بتعيط بجنون: عايزه امشي خدوني من هنا
امجد دخل يجري ومسك ايدها الاتنين: رشا اهدي انا هنا
ريشه برجاء وتوسل بدموع: خدني من هنا ربنا يخليك طلعني من هنا
امجد: حاضر هخرجك دكتوره قصدي يا ممرضه المفروض اعمل ايه
الممرضه: لازم تهدء وانا هطلع اجيب الدكتوره
امجد: من فضلك بسرعه رشا حبيبتي اهدي بصي انا هنا امجد وهتكوني بخير
ريشه: خرجني من هنا يا امجد ارجوك خرجني مش عايزه ابقي هنا
امجد: حاضر بس اهدي وهخرجك
ريشه: سبني اموت انا عايزه امـ *وت
امجد بغضب: متقوليش كده انتي هتعيشي عشان الناس الي بتحبك
ريشه: سبوني امـ *وت
امجد: مستحيل انتي هتعيشي
ريشه ببكاء شديد : خدني معاك المانيا مش عايزه اعيش هنا يا امجد ارجوك
امجد نزلت دموعه عليها وهو بيقولها: حاضر هتسافري معايا بس ممكن تهدي لو سمحتي
……………………………
في المستشفي سبعا صباحا
يحيي دخل ملقهاش في السرير والممرضه بتغير الملايا
يحيي: لو سمحتي مراتي فين؟
اللمرضه: خرجت امبارح
يحيي بصدمه: امباره بس هي لسه تعبانه
وجدي دخل من وراه: يحيي بنتي قطعت علاقتها معاك وطالبهه الطلاق
يحيي ملامحه اتغيرت وبصوت عال : مش فاهم ليه نتطلق
وجدي زعق: لان الي حصل في اليوين الي فاتوا اثبتوا كفايه انك مش قادر ولا كفئ تراعيها
يحيي بنفعال : انا ,,انا ياعمي ضحيت بوقتي عشان اهتم بيها وفضلت ايام وليالي سهران امسح كل جسمها ووخلافه ايه الي قصرت فيه
وجدي وشه اتحول لغيظ: هي مش عايزك وبتباركلك انت وتهاني ع جوازكم
يحيي قفل ملامحه: انا وتهاني امتي قلت هتجوز تهاني
وجدي بنفعال: انت هتستعبط مش انت قلت لها بعضمه لسانك انك هتعدل ما بينهم وبنتي رفضت وامبارح بالليل سبتها بتعاني وقضيت ليلتك مع تهاني , وسيبت بنتي لحد ما انهارت كان ايه ده كاميرا خفيه مثلا , يحيي لحد هنا وكفتايه عذاب في بنتي وبجد مش عايز انفعل واقول كلام ميصحش ولا اعقد الامور احترم قرار بنتي هي مش قادره تصبر اكتر من كده وزي ما دخلنا بالمعروف نخرج من بعض بالمعروف وكل واحد يشوف طريقه , بنتي لايمكن تبقي مراتك تاني ويا كان قرارها انا مؤيدها بنسبه 100%
……………………….قصص منه محمد كاتب……………….
في منزل عائله يحيي الي قاعد بيحاول يسد باب المشاكل ويلم الدنيا
خديجه بقهر: يا جماعه استهدوا بالله واستعيذوا من الشيطان الرجيم وممكن نحل المشكله دي لو اتكلمنا بالهداوه وان شاء الله نقدر ننقذ علاقتهم
يحيي مسك نفسه من الدموع بالعافيه: عمي طنط عارف اني اني غلطت في حقها كتير وكنت قاسي ناحيتها عارف كل ده والله بس عاقبوني اي عقاب بس متطلبوش اطلقها انا مش عايز اطلقها انا بجد عايزها
دلال بشده : ليه عشان تشتغلك خدامه وتهتم بخدمتك ولما تتعب تشتغلك ممرضه وتسهر ع راحتك ولا تلبي شهوتك انت بتعامل بنتي زي العبده
علام بعصبيه وتعنيف : متفكريش ابني لوحده المذنب لو بنتك مخبتش مرضها قبل ما يتجوززها مكنتش حصل كل ده لو بنتك بتحب الكدب هتفضل مكمله فيه لنهايه اجلها
وجدي اتعصب ورفع السبابه وبشخط وزعق جامد : انت متتكلمش الي ع مزاجك ومش هسمحلك تهين بنتي تاني احنا عرفنا من يومين وهي كل همها متبعدش عن يحيي واهدرت في صحتها عشانه وهو كافئها
علام: كدب بنتك تعبانه من زمان من ايام المدرسه عشان كدا اتجوزت ابني لما حد بيكدب مره يعرف ان كلامه الي فات كدب والي جاي كله كدب
خديجه بتحاول تهدي الاجواء قالت: ياجماعه وحدوا الله العمر بيخلص في لحظه مش مستاهل نتخانق ونعمل مشاكل ونعيش في صراعات
علام: قوليله هو وبنته الكدابه
وجدي : اقسم بالله اقوم اضربك ع دماغك انتبهه لكلامك راجل بتفوح منه ريحه الجهل
علام: اتلم متخلنيش اشيل التربيزه اهبدها ع دماغك
يحيي قام حائل ما بينهم: بابا من فضلك متكبرش الامور
خديجه شدته: مش كدا يا علام
وجدي بعصبيه : انت راجل ناقص ووقح بصراحه انا جالي قرفه وانا بسمعك انت خساره فيك الواحد يقعد يتكلم معاك
دلال : اهدأ يا وجدي عشان صحتك
يحيي اخد نفس عميق وكمل : اسمعوا انا بجد بحب مراتي وعايزها
دلال : واحنا لو وافقنا واجبرنها هتموت وانت جنبها وهي بنتي الوحيده محلتيش غيرها وان شاء الله بعون الله واثقه ان ربنا هجبرنا فيها وهتقوم بسلامه وخير استنوا وهتشوفه
خديجه : حقكم عليا مكنتش اعرف ان كل ده هيحصل لكن من فضلك يادلال متقطعيش العلاقه بينهم
دلال : هو انا السبب يا خديجه انا اتخدعت في يحيي يبان لطيف ولين في معاملته مع غيره بس طلع قاسي وشخص سيئ حتي ولا مره لاحظ ان بنتي بجد بتحبه وكنت مستعده تضحي بروحها ولا تبعد عنه بس هو لسه مع البت التانيه وعايز يجبها ضره ع بنتي ويكسر نفسها ويذلها وانتي امه مهنش عليكي تنصحيه
يحيي برجاء: انا غلطان يا حماتي ارجوكي اقنعيها ترجعلي وانا اقسم بالله ماهظلمها ولا اجي عليها هحطها فوق راسي طول العمر
دلال بصوت جامد : بنتي وصلت لمرحله الياس منك والفجوه كبرت بينكم هتستحملك لفين كنت لازم تشوف بعينك لحظه انسحابها وهي بتلم الي فاضل من روحها خلاص يا يحيي حكايتك مع بنتي انتهت والصفحه اتهلهلت لحد ما اتقطعت خلاص خلصت وكل واحد يروح لحاله
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
