رواية زوجي ملك الجان الفصل الأول 1 بقلم أيات عبدالرحمن
رواية زوجي ملك الجان الجزء الأول
رواية زوجي ملك الجان البارت الأول
رواية زوجي ملك الجان الحلقة الأولى
مش قادره انسي اليوم اللي عرفت فيه ان زوجي وحب عمري من الجان بعد حب وزواج داموا ل 12 سنه اكتشفت مؤخراً جدا ان هو من العالم الاخر الحكايه مش مرعبه لكن سابت في قلبي وروحي وجع ما لوش وصف
اول مره قابلت احمد كان عمري وقتها 18 سنه حبيته واتعلقت بيه انسان هادي وجميل وفيه كل المواصفات اللي بتتمناها اي بنت
اتعرفنا علي بعض سنه واتخطبنا السنه التانيه اتزوجنا في اخر السنه التانيه
اسمه احمد ازاي بقي احمد مسلم كان بيصلي وبيصوم وكمان كل يوم الصبح يشغل قرآن في البيت ودي اكتر حاجه ماكانش عقلي قادر يستوعب حقيقته بيها
بعد عشر سنين زواج في خلالهم عمره ما زعلني يوم ولا ضايقني كنت انا اللي احاول اعمل مشاكل معاه لكن كان بيحلها بكل بساطة وهدوء
انا واحمد برغم زواجنا كل السنين دي الا ان ربنا كانت ارادته غير ان ما يبقاش معانا اطفال
وفي يوم من الايام من بداية اليوم صحي احمد متعصب بدون سبب نزل وما شغلش حتي القرآن في اليوم دا كنت لما أكلمه كان يتعصب عليا كان اول مره من يوم ما عرفته يعمل حاجه زي كدا
ولما جه الليل ورجع انا اللي كنت ولأول مره بحاول اهديه واعرف هو زعلان من اي
مريم : مالك يا أحمد في اي انا اول مره في حياتي اشوفك كدا
أحمد بدون ما يلتفت ليها قال : ودا يفرق معاكي
مريم : اي اللهجه الغريبه دي يا احمد انا عملت حاجه زعلتك
وجه نظره ليها وقال : في حاجه مهمه انا عايزك تعرفيها يا مريم والقرار قرارك
مريم : اي هي
أحمد: انا عايزك معايا يا مريم
مريم ابتسمت وقالت : هو انا كنت سيبتك قبل كدا
أحمد : انتي بتحبيني صح
مريم: عندك شك في كدا
أحمد : ارجوكي قولي الحقيقه
مريم: انا عمري ما حبيت حد ولا هحب حد غيرك ومجنونه اللي تكون معاك وماتحبكش بس في حاجه اكيد
أحمد : انا عايزك معايا في عالمي
مريم: دا علي اساس ان انا من عالم اخر يعني
احمد : ايوه
مريم: ماشي يا سيدي وانا معاك في عالمك اهو
احمد بعصبيه : مريم انا مش من الانس انا من الجن
مش عارفه ليه غصب عني ضحكت ايوه ما هي حاجه تضحك بردوا بجد يا احمد انت عفررريت
أحمد بجديه: انتي بتضحكي علي اي
مريم: علي زوجي اللي لما بيجوع بيبقي مش عارف هو بيقول اي
أحمد: بس انا بتكلم بجد انا ابقي ملك الجان
مريم : يعني انا دلوقتي ملكه صح وكملت ضحك
أحمد : مررررريم
مريم اتخضت من صوته العالي وقالت : في اي يا احمد
أحمد : انا بتكلم بجد ولازم تيجي معايا علي عالمي عشان ارجع ملك تاني
احنا متقسمين لعشيرتين وفيهم ملكين ملك مسلم وملك لا
الملك التاني كان عايز يستولي علي عشيرتنا لكن والدي حارب معاه وراح ضحيتها بعد ما كسبنا المعركه وانا اخدت مكانه وعشان اكون معاكي اتنازلت لاخويا الأصغر بشرط ان بعد المده اللي هيحددوها اي ان كانت هي حتي لو بعد 100 سنه لازم تيجي معايا علي عالمي ودلوقتي اتحددت ان بعد يومين لازم تيجي معايا
مريم بخوف وعدم تصديق هي جبانه اصلا : احمد بالله عليك انا بخاف وانت عارف كدا وبعدين في جني بيصلي وبيصوم
أحمد :مريم انا قولتلك اني مسلم وعشان انا من الجان ماينفعش اصلي ربنا قال (وماخلقت الانس والجن إلا ليعبدون ) يعني احنا وانتم اتخلقنا للعباده مش لغيرها القرار قرارك يا مريم ولازم تنزلي معايا لو ما كسبتش المعركه دي الملك التاني هيستولي علي العشيره كلها وخصوصاً ان اخويا ضعيف جدا في حكمه ورجوعك معايا هو اللي هيرجعني احكمهم تاني
ولو مارجعتش
يبقي انسي انك قابلتيني وبردوا مش هسيبك يا مريم رجوعك معايا عالمي امر مهم ولازم هيتم ولو مش دلوقتي لو اخر يوم في عمرك ها اخذك معايا
وانا مستحيل اعمل حاجه زي كدا يا احمد لو كلامك بجد
معاكي يومين وفكري وفي خلالهم انا موجود معاكي وامتي ما تقرري انا موجود
مريم : انا قررت أن مش هعمل حاجه زي كدا ابدا مهما ضغطت عليا ومهما عملت
يبقي انتي اللي جنيتي علي نفسك يا مريم
لحظة ادراك كدا ان احمد في اقل من دقيقة كان واقف قدامي بشكله الحقيقي ما حسيتش بالدنيا غير وانا في مكان زي كهف كدا ووو
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية زوجي ملك الجان)
