رواية وسيلة انتقام الجزء الثاني الفصل الثالث والثلاثون 33 بقلم سارة صبري
رواية وسيلة انتقام الجزء الثاني الجزء الثالث والثلاثون
رواية وسيلة انتقام الجزء الثاني البارت الثالث والثلاثون
رواية وسيلة انتقام الجزء الثاني الحلقة الثالثة والثلاثون
نظر أدهم إلى حازم بصدمة ثم قام من مكانه وذهب عنده ثم أمسك بياقة قميصه بعنف وظل يضربه بكل قوته وهو يقول له بغضب: سر إي إللي تعرفه عن مراتي يا بن ال**** وإي علاقته بآدم
فقال حازم له بضحك هستيري: ما تخافش مش إللي جه في بالك صدقني مراتك اتظلمت في حياتها كتير وما تستاهلش تعيش مع واحد مش عارف يقدرها زيك بخلاف أختها سيليا إللي عايشة مع واحد بيعشق التراب إللي بتمشي عليه
أدهم بصدمة وهو يبتعد عنه: أختها إزاي
حازم بابتسامة: من الأب. مراتك بنت حرام وجوز أمها كتبها على اسمه لإنه كان بيحب حماتك ومستعد يعمل أي حاجة عشانها. أنا الشيطان إللي وسوس لمراتك تنتقم من أختها
أدهم بصدمة: إزاي
حازم بابتسامة: مراتك إللي خلّت ابنك يخطف بنت آدم عشان يحرق قلب أمها عليها
أدهم بصدمة: أنت مين وإزاي عارف كل حاجة عننا بالشكل ده ولى عايز تنتقم من سيليا
حازم بابتسامة: أنا حازم وطبيعي أي واحد عايز ينتقم من حد يكون عارف كل حاجة عنه وعايز أنتقم من سيليا لإني كنت بحبها زيك بالظبط ويمكن أكتر عشان كده ظلمت مراتك معاك
أدهم بغضب: أنا ما ظلمتهاش ويشهد الله إن من اللحظة إللي بقت شايلة اسمي فيها إني محيت سيليا من قلبي قبل عقلي وبعدين أنت ما لك بينا أصلاً أنت هنا متهم يعني التزم حدودك معايا فاهم ولا لاء
حازم بضحك هستيري: فاهم يا باشا
فنظر أدهم إليه باشمئزاز ثم قال بأعلى صوته: عسكري
فدلف أحد العساكر وألقى التحية على أدهم الذي قال له بغضب: حبس انفرادي للمتهم ده
وخرج من مكتبه ومن قسم الشرطة بأكمله وركب سيارته التي قادها لقصره بسرعة وغضب وبعد قليل وصل ودلف ووجد دعاء جالسة على الأريكة بغرفة المعيشة وتبكي بشدة فذهب عندها وجلس على كرسي الانتريه أمامها وعندما رأته قالت له ببكاء: لقيت حياة يا أدهم
أدهم بغضب: قلبِك محروق أوي عليها
دعاء ببكاء: طبعاً
أدهم بغضب وهو يسير نحوها ببطء أرعبها: طال ما أنتِ عارفة إن الضنى غالي لى خلّيتي ابنِك يحرم أختِك من بنتها
فقالت له بصدمة ورعب: أدهم أنت عرفت
وقبل أن تكمل كلامها صفعها أدهم بقوة على وجهها وأمسك شعرها بعنف وقال لها بغضب: أيوا عرفت وياريتني ما عرفت إنِك حقودة وبنت حرام
فصفعته بقوة على وجهه لأول مرة فابتعد عنها بصدمة فقامت من مكانها ووقفت أمامه بشجاعة لا تعلم من أين جاءتها وقالت له بتحدي: أنت آخر واحد يفكر يلومني على أي تصرف عملته
فقال لها بغضب وهو يرفع يده عليها: دعاء أنتِ اتجننتي
دعاء بغضب وهو تمسك يده بقوة: فكّر بس ترفع إيدك عليا تاني وأنا هقطعها لك
فنزع يده من يدها فأكملت بغضب: من النهار ده أنا مش هخاف تاني خلاص كل حاجة انكشفت
وضحكت بهستيريا ثم بكت بشدة وهي تقول بين شهقاتها: شايف إني حقودة وبنت حرام بس مش شايف أنا عيشت وشوفت إي في حياتي أو على الأقل ناسي الرعب إللي بقيت فيه بسببك حرام عليك أنا عملت لك إي عشان تعذبني للدرجة دي أنا بسببك بقيت محتاجة دكتور نفساني أنت عمرك ما قولت لي كلمة حلوة وبتتعامل معايا على إني خدامة عندك اشتريتها بفلوسك ورضيت بالوضع ده عشان كنت بحبك
أدهم بصدمة: كنتي
دعاء بضحك هستيري: أيوا كنت قبل ما أعرف إنك كنت بتحب أختي قبل ما تتجوزني لى هي تاخد كل حاجة وأنا ولا حاجة لى بتعايرني على حاجة أنا ما ليش ذنب فيها وما ليش قدرة أختارها
أدهم بغضب: أنتِ قولتيها بنفسِك كنت ويعلم ربنا إني من اللحظة إللي دخلتي بيتي فيها وأنا محيت سيليا من قلبي وعقلي
دعاء ببكاء: أنت عايز إي يا أدهم صدّقني الكلام إللي بتقوله ما بقاش فارق معايا وطريقنا هيتفرّق من اللحظة دي فلأول مرة بقول لك طلّقني وارحمني ولو لمرة واحدة من يوم ما عرفتك
أدهم بصدمة وهو يضمّها ويبكي: دعاء أنا بحبِك
فقالت له بسخرية: يااه يا أدهم لسه فاكر تيجي تقولها لي
فقال لها ببكاء: قسوتي عليكِ طبع مش كره
فقالت له ببكاء: لى الطبع ده بيكون معايا أنا بس لى ما كانش مع سيليا يوم حفلة رجوع بنت عمتك
فقال لها ببكاء وهو يقبّل يديها: سامحيني يا حبيبتي وأنا هساعدِك في قضية نسبِك
فقالت له بسخرية: ولو ما سامحتكش مش هتساعدني ؟ أنت لى رابط إللي أنت عايزه بشروط
فقال لها بغضب: أنتِ إي ؟حجر ؟ بعد كل إللي عملتيه ولسه بتدللي ؟ واحد غيري كان طلقِك ورماكِ في الشارع
فقالت له بسخرية: شوفت بقى إنك عمرك في حياتك ما هتتغير ؟ عمر القسوة ما تجيب حب. يلا يا أدهم ارمي عليا يمين الطلاق
فقال لها بغضب: لو طلقتِك وخرجتي من البيت ده عمرِك في حياتِك ما هترجعي له فكّري تاني كويس دي آخر فرصة أنا لسه شاريكِ
دعاء بكبرياء: فكّرت طلّقني يا أدهم لآخر مرة بقول لك
أدهم ببكاء: أنتِ طالق يا دعاء
وخرج من القصر وركب سيارته التي قادها لقصر آدم الفاروق
عند آدم خرج من غرفة العمليات وتم نقله لغرفة عادية وعندما فتح عينيه وجد سيليا نائمة على الكرسي المقابل لفراشه وممسكة بيده فرفع يدها ليقبّلها فاستيقظت وقالت له بقلق: أنت صحيت يا حبيبي استنى هروح أنادي للدكتور
فقال لها بابتسامة: أنا كويس يا روحي أنا آسف
فقالت له ببكاء: أنا كنت خايفة عليك أوي يا آدم
فقال لها ببكاء: أنا إللي كنت هموت من الخوف عليكِ أنا مستعد أرمي نفسي في النار عشانِك يا سيليا وآخد ألف رصاصة مكانِك
فقالت له ببكاء وهي تقبّل يده: بعد الشر عليك يا حبيبي
وعند هذه اللحظة طرق أدهم باب الغرفة فسمحت سيليا له بالدخول فدلف وأغلق الباب خلفه فقامت سيليا من مكانها ليجلس أدهم الذي قال لها بهدوء: خليكِ مكانِك يا مدام
فقالت له بابتسامة: لا يا سيادة اللوا اتفضل اقعد أنا أصلا هخرج عشان تاخدوا راحتكم في الكلام مع بعض
وخرجت من الغرفة وجلس أدهم مكانها وقال له بهدوء: ألف سلامة عليك يا آدم ربنا كتب لك عمر جديد
فقال له بهدوء: الله يسلمك خير
فقال له بهدوء: خير إن شاء الله. آدم أنا مستعد أجيب لك بنتك في أقرب وقت بس تقول لي آسر ابنك فين
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وسيلة انتقام الجزء الثاني)
