رواية أسيره بقلب عاشق الفصل الرابع 4 بقلم زهرة الربيع
رواية أسيره بقلب عاشق الجزء الرابع
رواية أسيره بقلب عاشق البارت الرابع
رواية أسيره بقلب عاشق الحلقة الرابعة
اتقدمت عليهم بدور بغيظ وجذبتها من بين اديه وقالت عنك انت انا هسندها الف سلامه يا اختي
وفاء بصت لها بغيظ وهي قعدتها جامد على الكنبه وقالت…اجيب لك ميه..الميه زينه بتطفي النار قصدي النار اللي في رجلك يعني
وفاء بصت لها بغيظ وبدور قالت بسرعه…. كويس اننا شفناكي صحيح صحيتونا من النوم اصلنا نمنا بعد الفجر اكمننا عرسان يعني والليل كله صاحيين ما اقولكيش صحيت جسمي متدغدغ ما هو انا ما كنتش مع اي حد …اصل ايوب شقي شويه خمسه وخميسه في عينيا ما يحسد المال الا اصحابه
وفاء ما قدرتش تستحمل وقالت… بزعيق انا ماشيه…يلا ياما
ومشيت وامها حصلتها وايوب كان هيطير من السعاده من اللي حصل ومش مصدق انها غيرانه عليه ودافعت عن حقها فيه
بدور بصت له بغيظ وقالت ….ليلتك مش فايته النهارده يا حنين وطلعت على اوضتها بغضب
ايوب طلع وراها وهو بيضحك واول ما دخل الاوضه قالت بغضب شديد …هي اي واحده تترمي عليك ما تصدق تحضن
ايوب ضحك جامد وقال… انا محضنتهاش البنت كانت هتوقع وسندتها بس كده
بدور ضربته في صدره بغضب وقالت… هو انت عكاز علشان تتسند عليك انا مش قلت لك البت دي عينها منك عايز تجنني عايز تجلطني ولا عايزني اقطع خبرك وخبرها …بقى اسمع مش انا يا حبيبي اللي تجيني ضره… لما تلاقي واحده احسن مني واحلى مني ابقى جيبها واتجوزها ومش هقول لك لا
ايوب شدها عليه بقت في حضنه وقال….مش هلاقي .. لاني دور كثير ولا لقيت احلى منك ولا زيك حتى في الدنيا كلها عامله زي الجواهر النادره اللي ما بتلاقيش منها غير واحده بس وما اتخلقش منها تاني على الأرض
بدور ابتسمت على كلامه الرقيق وقربت منو وقالت… طب ما دام عجباك كده بتضايقني ليه
ايوب بص لعيونها وقال…علشان اشوف الغيره اللي في عيونك الحلوين دي
بدور بعدت وقالت… بس انا مش غيرانه
ايوب حاوط وسطها باديه وقال…. لا غيرانه واحلى غيره شوفتها في حياتي …الغيره اللي اتمنيتها طول عمري
بدور التفتتلو بسعاده وبقت تبص لعيونه اللي بيلمعو بعشقها بس شهقت لما شالها وحطها على السرير برقه زي قطعه الزجاج وقرب منها وقال…. مش فاضل غير انك تقوليها يا بت وابقى ملكت الدنيا واللي فيها
بدور عضت على شفتها بخجل وقالت…اقول ايه
ايوب ابتسم وقال….تقولي الكلمه اللي من اربع حروف بس تداوي القلب وتريحه
بدور ابتسمت وقالت بدلال …لسه بدري عليك
وكانت هتقوم بس بس شدها لحضنه وقال… هستنى لو العمر كله وقرب منها برقه و فتح لها ازرار العبايه وكان تحتها قميص خفيف جدا ..ابتسم وقال…هو العرض انتهى ولا ايه
بدور ابتسمت بكسوف وقالت… لا عارض حاجات احلى
ايوي ضحك وشدها لحضنه وغابو مع بعض في لحظات جميله متبادله ما بينهم نسيو فيها الدنيا كلها
بعد شويه كانت نايمه على ذراعه وقالت بابتسامه… عارف يا ايوب لو كانوا حلفولي على المصحف ان في يوم من الايام هبقى بين ايديك كده ما كنتش صدقت
ايوب بص لها بطرف عينه وقال… ليه بقى مستحيله للدرجه دي
بدور قالت بسرعه ….دي اكثر حاجه مستحيله اصل انا الصراحه ما كنتش طايقاك واصل
بقلم…زهرة الربيع
ايوب ضحك وقال…. لا وكلك زوق ورومانسيه كمان ده كلام تقوليه لجوزك وانتي في حضنو
بدور ضحكت وقالت…. اصلي بجد كنت بخاف منك قوي ومش متخيله انك هتبقى معايا بالحنيه دي
شدها لحضنه اكتر وقال…. يعني دلوك فرقت
بدور بصت لعيونه وقالت …جدا دلوك بفكر فيك على طول ومرتاحه بين ايديك وحتى لما بتقرب لي ببقى مرتاحه وعادي كده فاهمني
ايوب قال بسرعه … ايوه فاهم …وعايزه خدت بالي
بدور بصتلو بدهشه و قالت…. ايه عايزه دي ما تلم نفسك
ايوب قال…مش دي الحقيقه وانا قلت حاجه غلط
بدور قالت بضيق… لا برده حتى لو الحقيقه تلاقي لفظ احسن من كده
ايوب قال ….طيب خلاص ولا تزعلي بتبقي….
و غمز وقال بضحك…. لا بلاش اللفظ الثاني اوحش
بدور ضربته في صدره بغيظ وقالت…. انا غلطانه اصلا اللي باخد راحتي واتكلم مع واحد زيك.. ربنا يشفيك
ولسه هتقوم شدها بقوه بقت بين ايديه وقال بابتسامه …يا بت انا جوزك …فيها ايه …انا قدامك اها بقولها لك واقولها للدنيا كلها…انا عايزك و مش عايز تبعدي عن حضني واصل واجمل وقت بقضيه ونتي بين اديا مبسوط قوي انك بقيتي نصيبي ومش عايز ازعلك ابدا ….وانت كمان ما تزعلينيش عشان ما ازعلكيش و انا زعلي وحش
بدور ضحكت وقالت…هو انت كده بتقول لي كلام حلو ولا بتهددني ولا ايه
ايوب ضحك وقال …الاثنين لو بقيتي قموره كده وعسوله وبتسمعي الكلام هيبقى كلام حلو …انما لو رجعتي لجنانك القديم مش هقولك هعمل ايه
بدور ضحكت وحضنته ونامت على صدره وقالت… لا خلاص معدتش ازعلك ابدا تاني وفضلت في حضنو وكانو مبسوطين وبيتكلمو سوا بحب
بعد قت ايوب استحمى وطلع بيسرح شعره وبيلبس هدومه وبدور دخلت وراه علشان تستحمى
بعد ما خلصت الحمام بتاعها وطلعت ما كانش واخد باله ليها سمعته بيتكلم في التليفون وبيقول…. ما تسيبوش ولا دقيقه تاني اقتلوا النهارده …خلاص مبقاش ليه لازمه
بقلم..زهرة الربيع
بدور شهقت بزهول وحطت ايدها على بقها بسرعه ودخلت قبل ما يشوفها ويعرف انها سمعته لطمت على خدها بخوف وارتباك وبقت تحاول تهدى
بعد دقايق طلعت بتوتر وقالت…احم كنت بتكلم حد ولا ايه
ايوب ابتسم وقال…لا ده تليفون مش مهم
وعض على شفته وهو بيبص لها من فوق لتحت باعجاب و قال بارتباك…. انا كنت نازل انزل كيف دلوقتي
بدور قالت باستغراب …ليه مين منعك
ايوب شدها عليه بقوه وقال ….مش عارفه ايه اللي منعني …حني على قلبي وعلى مهلك شويه.. انا كل اللي بشوفهم غفر وعمري ما شفت حتى فرخه من غير ريشها
بدور ضحكت جامد لما فهمت قصده وحطت ايديها على كتافه وقالت…. مش انت اللي ما كانش عاجبك البيجامه المقفوله
ايوب بلع ريقه بارتباك وقال…. ما بفهمش معرفش ان جمالك يطير العقل كده
بدور ابتسمت وباستو من شفايفه برقه وقالت…خلص اللي معاك بسرعه وانا هانزل اشوف امي ومرت عمي ونتقابل بعد ما تخلص اللي وراك
ايوب ابتسم وقال …ماشي هخلص قوام واجيلك …هتوحشيني….ونزل بالعافيه
بدور اتنهدت بخوف ولبست عبايتها ونزلت وهي مرعوبه ومتاكده انه هيقتل رجب…. نزلت جري على السلم
ايوب كان جنب السلم بيتكلم مع واحد من الغفر ولقاها نازله جري شاور للغفير انو يمشي واول ما نزلت شدها عليه بقوه وهمس في ودنها وقال….براحه علينا يا غزال القلب مع وسطك مال…مستعجله ليه
بدور ضحكت برقه وقالت…. انا هدخل على المطبخ انت رايح فين
ايوب قال …هروح المندره الرجالة مستنيني ما انا قولتلك معايا حاجه مهمه هخلصها وارجعلك لحقت وحشتك ولا ايه
بدور ابتسمت بالعافيه من كتر التوتر وقالت…ماشي هستناك
ايوب مشي وراح المندره
بس بدور مراحتش المطبخ طلعت وهي بتتسحب على الجنينه من غير ما حد ياخد باله ليها وراحت على الاسطبل لانها عارفه انه مخبي رجب هناك و راحت عشان تطلعه
فتحت الباب واتسحبت ودخلت جوه وقالت بسرعه… رجب…رجب قوم لازم اطلعك من هنا بسرعه
بقت تفك الحبال ورجب قام و بص لها وابتسم وقال ….حبيبتي يا بدور انت جيتي هناي عشاني
بدور قالت بسرعه… انا ما يهونش عليا تموتي بسببي يا رجب….ناويين يقتلوك يلا من هنا اهرب بسرعه
اول ما فكيته قال…. بس انا مش هطلع من غيرك تعالي معايا انا مش هطلع من غيرك ابدا
بدور قالت بخوف…. لا امشي انت من هنا بسرعه ايوب عايز يقتلك …لاكن انا اتجوزتو ومش هياذيني انا بنت عمه
رجب قال بغضب …بس انت ما بتحبيهوش يا بدور انتي حقي انا احنا بنحب بعض امشي معايا يلا بسرعه
في المندره كان ايوب قاعد وبيضحك مع الرجاله وجاله واحد من الغفر وميل عليه وقال… في مصيبه جنابك… الهانم مرت حضرتك راحت للواد اللي اسمه رجب في الاسطبل….تحب نجيبها يا باشا
ايوب اتسعت عنيه بصدمه رهيبه وكان هيموت مكانه ومسك الغفير بغضب وقال…انت بتقول ايه يا ابن الرفضي ووو
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية أسيره بقلب عاشق)
