رواية لعنة الفراعنة 2 الفصل السابع والثلاثون 37 بقلم رحمة نبيل
رواية لعنة الفراعنة 2 الجزء السابع والثلاثون
رواية لعنة الفراعنة 2 البارت السابع والثلاثون
رواية لعنة الفراعنة 2 الحلقة السابعة والثلاثون
“صَلَّى عَليكَ الله يَا مَن ذِكرُهُ
شرَحَ الصُّدورَ وطيَّبَ الآفَاقَا
إنْ لمْ نكنْ مِمَّن رآكَ فإنَّنَا
توقًا إليكَ نُعانِقُ الأشْواقَا”.
RAHMA NABIL 美心
نظر سامر بتعجب وهمس / رضا
ثم نهض واتجه لها وخلفه كريمه التي تلتصق به نظر لها بضيق / في إيه يا كريمه في إيه يا ماما هشوف البنت وهرجع احكيلك والله
كريمه / أخرس يا خاين يا عميل يا عديم الوطنيه بقي يطلع عندك أسرار واحنا منعرفش اخص عليك وعلي تربية نيره أتفضل انجر قدامي خلينا نشوف الموضوع الخاص ده يا خويا
زفر سامر بملل وسار حتي وقف امام رضا /نعم يا أخ رضا عايز ايه
ضربته كريمه في كتفه بحده / اخ اما يخوتك يا معفن مش شايفها بنوته قدامك
نظر لها سامر بانزعاج / كريمه مش وقته مناصره للمرأه دلوقتي
كريمه وهي تضربه مجددا / جرا ياض يا معفن انت هتكبر عليا يا ده انا كنت بعلقكم واحد واحد فاكر الشماعه بتاعه نيره ولا افكرك ولا….. اممممممم
سامر وهو يضعك يده علي فمها / ابوس ايديك صباع صباع اسكتي يخربيت كده يا شيخه
ثم نظر لرضا التي تكتم ضحكتها / عجبك كده اتفضلي قولي جايه ليه
ضربته كريمه مجددا وهي تبعد يدها / ايدك يا معفن هتموتني
ثم اخذت يد رضا / الأول هتيجي تاكل معانا بعدين اتكلموا براحتكم
رضا برفض / لا ربنا يكرم اصلك يا ست الكل انا بس عايزه الباشا في موضوع وهمشي علي طول عشان الورشه سايباها للواد حماصه وده واد لبط مش بيعرف حاجه
نظرت لها كريمه بتحذير / أنا قولت هتيجي تاكلي يعني هتيجي تاكلي سامعه
هزت رضا رأسها بسرعه وهي مرتعبه من نظرات كريمه فاشارت كريمه للسفره دون أن تتحدث فركضت لها رضا بخوف بينما نظرت كريمه لسامر وهي تفرد عضلاتها امامه / مفكر نفسك كبرت يا عجل انت ده انا ممكن افرمك هنا يا…. يابسكوته باشا
ثم تركته ودخلت وهو ينظر في اثرها بملل ولحق بهم
وبمجرد دخوله تحدثت كريمه / تعالي يا بسكوته باشا اقعد هنا متتكسفش وانت يابت انتي كلي كويس ومتلعبيش في الأكل
رضا وهي تأكل / حاضر حاضر اهو
نظرت كريمه للجميع ببسمه وهي تري الجميع يجلس سويا وعلي سفره واحده فمدت يدها وامسكت طبق الطعام وصبت المزيد لرضا التي نظرت لها بعيون ضبابيه من الدموع وتحدث بصوت مبحوح / فيه كتير والله
كريمه / بنت كلي كويس مش شايفه نفسك ناشفه إزاي
ثم نظرت لنيره التي تنظر للفتاه ببسمه / مالك يا نونا
نيره ببسمه/ مش عارفه بس حاسه البنت دي شبهي آوي
نظر سامر لرضا بجانب عينه دون أن يلاحظ احد وهو يفكر ان هذا اول شئ لاحظه وهو شبه الفتاه بوالدته في طريقه الثياب التي كان يراها في الصور القديمه وايضا طريقه التعامل التي ورغم ان والدته لم تعد تقوم بتلك التصرفات الصبيانيه الا انها كانت ومازالت نيره وعند الحاجه تخرج اشرف
نظر كريمه لرضا بشففه وهي تراها تحاول أن تمسح دموعها دون أن ينتبه احد لم تعلم سبب تلك الدموع هل لأنها اجبرتها علي شئ هزت رأسها برفض فنوع رضا مثل نيره تماما لن تبكي لمجرد انها جعلتها تأكل دون إرادتها
بينما كانت فاطمه تأكل وهي تنظر لهاتفها وكل فتره تنظر لأحمد الذي لم ينزع عينه أبدا من عليها فتبتسم له بخجل ثم تعود للهاتف حتي توقف عن الأكل بصدمه وهي تفتح عيونها بشده وتنظر للهاتف فلاحظ احمد تغير ملامحها فنهض من مكانه واتجه ليري ما بها ولكن لاحظ ما هو امامه علي شاشه هاتفه فاحمرت عينه وجذب هاتفها بحده ونظر له جيدا ثم أعاد نظره لفاطمة التي هزت رأسها برعب /احمد والله اااا……
قاطعها احمد وهو يشير بيده ونظر لها بعيون حمراء /….
RAHMA NABIL 美心
نظر ست بصدمه امامه وهو يهتف / انت ماذا تفعل هنا؟؟؟؟
لم يحصل علي اجابه بسبب تيتي التي كانت تضربه بعنف فركض إزي يحاول تخليصه من أسفل قدمها التي اخذت تضربها في معدته بقوه وتصرخ باشنع الألفاظ بينما نظر حوني لنازيا التي تشاهد ببرود وتحدث بعنف / يا غبيه ماذا تشاهدين تدخلي والا قتلته أسفل قدمها
نظرت نازيا لحوني ببرود وبسمه مرعبه / اذا ذهبت ونزعتها من فوقه فمن سينزعني انا من فوقه احمد ربك ان تيتي هي من تتصرف معه والا وقتها اقسم انني كنت انا من سأقتله بيدي تلك
هز حوني رأسه بيأس وركض يحاول ان ينزع تيتي مع ازي بينما اوناس ينظر للرجل بشففه توقف الجميع علي صوت ست وهو يصرخ / جميع الحرس للخارج
خرج الجميع برعب ولم يتبقي سوي العائله وابريس ينظر بتوتر لما يحدث فجأه دخل مصعب وهو ينظر بتعجب /ماذا يحدث هنا لما هذه الأصوات العاليه
نظر سيف لمصعب براحه فهو كان يخشي ان يجده هو هنا
نظر ست لتيتي وصرخ بها / تيتي انهضي من فوق الرجل وتأدبي في حضرتي
كادت تيتي تجيب ولكن قاطعها صراخ بيك بعنف / ألم تسمعي امر الملك يا فتاه هيا انهضييييييييي
نهضت تيتي ثم ركلت الرجل في معدته بعنف شديد
بينما تحدث ست للرجل / امير فريس هل لي أن اعلم من أين لك الجرأه لتقتحم المنطقه المحرمه في قصري وبأي حق
نظر له ذلك الرجل وهو أرضا بسخريه ثم حول نظره لتيتي وابتسم بخبث / ماذا ياست انا فقط رأيت جمال غير طبيعي بشعر احمر وانت تعرف انني اعشق هذا النوع وا….
لم يكمل وكانت تيتي تهجم عليه بقوه وتخدشه باظفارها وهي تصرخ به / ده انت نهار اللي خلفوك مش معدي يا ابن……. يا……… ده انا هطلع عين اللي خلفوك يا كل…. يا…….
صرخ ست بعنف / تيتي توقفي لا يصح هذا هو ضيف في قصرنا
تيتي وهي تقف امامه وتصرخ بطريقه تخرج فقط عندما تصل لمرحله عاليه من الغضب / حقااااااااا آه جيد انك أخبرتني بما انه ضيف في قصرك اذا لا بأس أن يدخل منطقه نسائك يا ملكي ويري زوجتك وهي ترتدي ثياب غير مناسبه أبدا وليس ذلك فقط بل يأتي ويتبجح ويستبيح جسدي ويحاول ان يلمسني بطريقه قذره طبعا هذا لانه ضيف قصرنا
ثم انحنت بسخريه / أحييك مولاي علي عدلك الذي بلغ عنان السماء
ثم نظرت للجميع بغضب وخرجت بعنف وهي تدفع حوني الذي حاول أن يمسكها
بيننا ست احمرت عينه بشده وابريس فقط ينظر لاخيه بحزن
تقدمت ميسره وصرخت بغضب بابريس / الحقير ده لو مترتبش قسما بالله محدش هيعرف ينجده من ايدي واذا كان قدرتوا تخرجوه من تحت ايد تيتي فأنا مش هتعرفوا يا ابريس وانت عارف كده كويس
ثم تركت الجميع ورحلت بينما جذبت نانيس ثيابها جيدا ونظرت لست وهمست له دون أن يستمع احد / لقد دخل علينا أثناء التدريبات وكانت جميع الفتيات بثياب التدريب التي لا تكاد تخفي شئ من جسدهن وجميعهن بناتك يا مولاي وزوجتك وانا أثق في عدلك وحكمك
ثم انحنت باحترام وخرجت وخلفها نونيا التي كانت تبكي علي اختها في أحضان سماريا
خلت الساحه من جميع النساء ولم يتبقي سوي الرجال فقط فنظر ست بغضب لفريس وتحدث بصوت جهوري / عد لمملكتك يا أمير وأخبر والدك ان يستعد جيدا لما سببته انت بغبائك
نظر فريس بسخريه له / ماذا يا مولاي هل ستعلن الحرب علينا بسبب بعض النساء
نظر له سيف بغضب وهو يضغط علي يده ويتحكم في نفسه بشده بينما مصعب ينظر له بقرف وعدي وتاج بتحفز وحوني يمسك سيفه وهو يحاول ان يبعد فكره فصل رأسه عن جسده
تحدث ست وهو يخرج / اوصل رسالتي لوالدك فقط
ثم خرج وترك الجميع معه بينما اتجه حوني له وأخرج سيفه وقام بشق ثيابه بعنف وهمس بعنف / أراك في أرض المعركه يا حق…
بينما ازي نظر له بهدوء وتحدث / لقد أخطأت كثيرا بلمسك لاختي اذا فتحمل ما سيحدث
نظر له سيف ببسمه مرعبه ثم خرج بهدوء ولحق به الجميع وخرج فريس بغضب شديد لجماعته وصرخ بهم / لنعد
RAHMA NABIL 美心
نظرت فاطمه برعب لأحمد وكادت تجيب الا انه منعها بيده / اششششش ولا كلمه
كريمه بتذمر / واد يا احمد انت بتكلم البنت كده ليه ياض هو ايه مبقاش فيه تربيه خالص انت والحيوان التاني طايحين في الكل كده ليه
نظر له احمد بنفاذ صبر / كريمه انتي مش فاهمه لو سمحتي سيبني انا اتصرف براحتي
كريمه وهي تنظر له بسخريه ثم تنظر للجميع / ما شاء الله كل واحد طلعله شنب هيشوف نفسه عليا مفكرني كبرت
ثم تحدثت لنيرة التي تأكل بعدم اهتمام / انت يا بجره يا حلوب انتي متشاركيني
ضحك حسام بصخب /حرام عليكي يا كريمه بقره حلوب ايه دي معضمه يا عين امها
كريمه / مختلفناش بس تشاركني في التربيه العيال دي شكلهم مشافوش قلبتنا من زمان
توقفت نيره عن الأكل ونظرت لشروق / شروق حبيبة ماما انتي هتاكلي البانيه ده
ضحكت شروق وهي تعطيها البانيه فابتسمت لها نيره ومدت يدها وأخذتها ثم رفعت السكين الخاص بها وغرزته بعنف في الطاوله وهي تأكل / اقعد يا احمد يا حبيبي وصلي علي النبي كده عشان متزعلش كرميله وتزعلني
نظر لهم احمد بملل ثم تحدث لكريمه / اعملي حسابك يا كريمه انا هكتب علي بنتك عشان كده مش هينفع أبدا
ثم نظر لصلاح الذي يأكل وكأنه اعتاد علي هذا النقاش / ده بعد اذنك طبعا يا عمي انت وكل الكبار
ابتسم صلاح ونظر لمراد الذي هز رأسه / علي خيرة الله يا احمد شوف جاسر كده ونحدد ميعاد لاني شايف انه فعلا لازم تاخدوا الخطوه دي عشان تعاملكم ميكونش فيه حدود كتير
مراد / وده الصح وكان لازم يحصل من فتره
ابتسم احمد بشده ونظر لكريمه بنصر فتحدثت كريمه ببسمه بارده وهي تعود بظهرها للخلف / لا متبصليش كده عشان محطكش في دماغي وافشكل ام الجوازه وأسأل امك لما احط جوازه في دماغي بيحصل ايه أصلها جربتها
احمد بتعجب / انت كنت عايزه تفشكلي جوازه اهلي يا كريمه
كريمه وهي تنظر لنيره التي ضحكت بشده
فتحدث حسام بضحك / لا بس ابوك سلطهم قبل كده يبوظوا خطوبه امك الاولي أصلها كانت مخطوبه لواحد قبل ابوك
مراد بضحك شديد/ مش عايز اقولك نيره وكريمه عملوا ايه فيه يا عين امه صعب عليا وقطع قلبي
طمطم بضحك / ومره خطف نيرة وهو مفكرها نسرين ونيره وقتها طلعت عين اللي خلفوه
ضحك الجميع بشده ونظر احمد بخوف لكريمه وابتلع ريقه / أنا من ايدك دي لايدك دي يا معلمه
ابتسمت كريمه بنصر / لا حاليا مش عايزه حاجه غير انك تعامل البت فاطمه الهبله دي بما يرضي الله بدل ما احطك في دماغي وافشكل ام الجوازه بما لايرضي الله
نظرت فاطمه لأحمد وهي تكتم ضحكتها ثم همست له / والله يا احمد معرفش مين اللي باعت الرساله
هز احمد رأسه وهو ينظر للهاتف واخذ الرقم الذي ارسل الرساله / تمام لو وصلك اي حاجه ابقي بلغيني
ثم نظر لسامر / سامر هبعتلك رقم تعرفلي بتاع مين وكل حاجه عن صاحبه من يوم ما اتولد
رفع سامر عينه من علي رضا التي كانت تراقب العائلة ببسمه حنونه/ تمام ولا يهمك اعتبر ملف حياته عندك
نهضت رضا وهي تنظر للجميع بحرج / شكرا جدا علي الاكل يجعله عامر ان شاء الله
ثم نظرت لسامر / معلش ياباشا بس عايزه اتكلم مع حضرتك كلمتين عشان كده هتأخر آوي
هز سامر رأسه ونهض وأشار له لاتباعه فذهبت خلفه بينما كريمه تنظر ببسمه فهمست لها نيره / بتفكري في اللي بفكر فيه
ابتسمت كريمه بخبث / الواضع ان العيله هيبقي فيها نيره صغيره
ابتسمت نيره وهي تغمز لها /هيحصل ياباشا
ضربت طمطم يد علي يد وهي تنهض / ريا وسكينه الله يعين العيال عليكم
RAHMA NABIL 美心
صراخ هز أنحاء القصر ثم اقترب من ابنه وهو يضرب بعنف / غبيييييي انت مجرد غبيييييي لا فائده منك والان ماذا، افتعلت عداااااوه لا قِبل لنا بها ومع من؟ مع ملك كمت وبلاد بحجم كمت يا غبي سوف يقتلونك بدون اي مجهود رجاله وجنوده مثل الوحوش ونحن لن يمكننا أن نمسهم ولو بضربه واحده حتي هل ارسلتك لهناك حتي تتعدي علي نساء الملك ام تبلغه برغبتنا بالتجاره معه يا غبي
توقف وهو يتنفس بعنف ثم ضرب ابنه في بطنه بحده وهو يصرخ / والادهي من ذلك تركت فتاه صغيره تهينك وتضربك يا جبان امام الجميع يا غبيييي
زفر بعنف / ماذا أفعل بك هل اسلمك له وانتهي ام ماذا
تدخل صوت شخص كان يجلس بعيدا عنهم/ ولما هذا وقد نستفيد من هكذا فرصه
نظر الاب لابنه البكر بشرود / ماذا تقصد يا انوبيس
انوبيس ببسمه خبيثه / اقول يا أبي ان لدي حل لما فعله هذا الغبي
نظر له فريس بشر ولكن انوبيس لم يهتم واكمل / سوف نذهب الملك ست ونخبره اننا من البدايه كنا سنأتي لطلب تلك الفتاه التي تهجم عليها أخي وان أخي بطيش كبير أراد رؤية عروسه فجاء للقصر وعندما علم بمكانها ذهب ولم يتملك نفسه واقترب منها
فكر الملك قليلا ثم تحدث بحيره / وهل تظن سوف يصمتون هكذا
تحدث أتوبيس بخبث/ نحن لن نذهب وحدنا سوف نأخذ معنا أعضاء مجلس حفظ السلام وعندما نخبر الملك بعرضنا امامهم وهو لن يمكنه ان يرفضه لانه بهكذا يعلن نيته في قيام الحروب وهذا ما لن يقبل به المجلس اما ان وافق فسوف نكسب قرابه ملك بقوه ست وبلاد بقوة كمت وايضا سوف نكسب فتاه جميله يستمتع بها أخي قليلا وبعدها نضعها مع النساء الخاصه بالقصر
ابتسم فريس بشده وهتف / أنا موافق
نظر له الملك وهتف بسخريه / ومن سألك رأيك انت فقط اصمت
ثم نظر لانوبيس / تفكيرك هذا يجعلني اريد تعجيل تتويجك اثق ان المملكه ستزدهر في عهدك
ابتسم انوبيس بخبث / والان يا والدي ارسل لمجلس حفظ السلام واخبرهم بكل شئ حتي نسبقهم
ابتسم الملك بخبث شديد
RAHMA NABIL 美心
خرج سيف لساحه التدريب ومعه إخوته فنظر لمصعب / يلا يا مصعب تعالي
ابتلع مصعب ريقه برعب وهمس لتاج / هو ماله شكله متعصب كده ليه
تاج بتعجب / مش عارف شكل الحوار اللي حصل مزعله انت عارف سيف آكتر حاجه يكرهها ان حد يجي علي بنت او يظلمها
مصعب بسخريه / يجي علي مين يا عنيا انت مشوفتش يا عيني الواد كان عامل زي البطه المدبوحه تحت ايدها إزاي دي خلته مينفعش لحاجه بعدين
ضحك تاج ولكن قاطع حديثهم صراخ سيف / اخلص يا مصعب
مصعب بغضب / ومصعب ماله يعني هو اي عصبيه تطلعها علي مصعب ولا ايه
كاد سيف يصرخ به لولا رؤيته لشئ ما فترك الجميع وخرج من الساحه واخذ يسير خلف هذا الشخص حتي رآه يخرج من القصر فلحق به دون أن يشعر حتي وصل لتله عاليه عن المدينه فنزعت ما تغطي به رأسها وهي ترفع يدها في الهواء وتبتسم فابتسم سيف أيضا عليها وهو يركز عليها بينما ابتسمت تيتي بشده / اااااه الحريه
ثم تغيرت ملامحها فجأه وهي تتحدث بغضب / آه يابن كوم شكاير اليهود والله لو كانو سابوني عليك خليتك تقول حقي برقبتي بس علي مين والله لو رجلك خطت ام القصر تآني لهعلقك مكان ما بيعلقني ست
توقفت وهي تسمع ضحكه خلفها فانتفضت بفزع وهي تنظر وجدته سيف فغمزت بعينها بعدم تصديق / انت جيت هنا إزاي
ابتسم سيف ببرود واقترب منها وجلس بجانبها وهو ينظر للبلاد بشرود / راقبتك
هزت هي رأسها وصمتت وهي تتأمل المكان معه ثم همست مره واحده فجأه / تعرف
عاد سيف للخلف بتوجس /اعرف ايه
نهضت وهي تشير للتله حولها / تعرف اسم التله دي ايه
هز سيف رأسه برفض وهو يقول بسخريه / للأسف كنت مشغول بدراستي ومش بخرج كتير
ثم نظر لها / علي أساس اني مولود هنا يعني واعرف كل حاجه
تجاهلته تيتي وهي تنظر حولها ببسمه سحرته / هذه تله العشاق يقال ان كل من يأتي لهنا يقع في العشق
ثم نظرت له ببسمه / هل تعرف سبب تسيمتها بذلك الاسم
هز سيف رأسه برفض
فجلست هي علي ركبتها امامه وهي تهمس بحماس / هنا كانت أول مره اعترف الملك ابريس لوالدتك بعشقه لها
فتح سيف عينه بصدمه وهو ينظر حوله فهزت هي رأسها ونهضت مجددا وفتحت ذراعيها بفرح / نعم هنا بدأ العشق الاسطوري لابريس وشمسه ربما لا تعرف ذلك ولكن والداك هم اسطوره العشق الاشهر بكمت هنا كان دائما يجلس والدك عندما يحزن او يغضب ومنذ جائت الشمس لكمت وهي أصبحت تشاركه كل شئ حتي مكانه الخاص هذا وهنا اعترف لأول مره بحبه وهنا أيضا وعدها انه لن يتركها وهنا ودعها وهنا عانقها بكل العشق الذي يعرفه هنا ولدت قصتهم لذا أصبح هذا المكان رمز للعشق والحب بين جميع شعب كمت حتي خرجت اسطوره تقول انه ان جاء احد الي هنا في مره فسوف يقع في العشق بعدها مباشرا
توقفت عن الحديث وهي تنظر له بحماس وبسمه فهمس هو بتعجب / مين اللي قالك ده كله
تيتي ببسمه / نانيس هي اللي حكت ليا كل شئ يخص ابريس وشمسه حكتلي حكايتهم
ثم جلست بجانبه وهي تنظر له بحماس / تعرف من صغري وانا دايما بقول لنانيس هيجي اليوم اللي ألاقي فيه شخص يحبني زي ما ابريس حب شمسه هيجي اليوم اللي اعيش فيه علي التله دي قصه عشق تكون اسطوره زي اسطوره ابريس والشمس
ثم نظرت امامها بيأس / وبس يا سيدي ومن وقت ما عرفت القصه دي وانا باجي هنا كل يوم الا ما في كلب عبرني وقالي اني حلوه حتي
ثم نظرت له وغمزت / بس مش هيأس أبدا هيجي اليوم اللي بعلي يجبني هنا ويقرب مني بحنان ويبص في عيني ويقولي بت اتيتي انتي مراتي يا بت
نظر لها سيف بقرف / فصلتيني يا شيخه
ضحكت تيتي بشده ثم نظرت له ولملامحه الشارده ثم تحدثت له / هل اغني لك
نظر لها بتعجب فابتسمت وهي تنظر له/ سوف اغني لك اغنيه قريبه جدا من قلبي
هز رأسه برفض / مش عايز انا همشي
ثم نهض وكاد يذهب ولكن تصنم وهو يسمع ما تقوله
RAHMA NABIL 美心
صرخت شروق / ياعم معتز ارحم اهلي خمس دقايق راحه ونرجع مش معقول كده عقلي هيهنج منك
معتز بتشنج / بت احنا قاعدين علي الكتب من ربع ساعه بس استراحه ايه اللي انتي عايزاها دي انتي هبله
شروق بصدمه / يا راجل أمال انا حاسه اننا قاعدين من بدري ليه
ثم وضعت يدها علي ذقنها وهي تفكر / يمكن عشان مش بحب الدراسه
تحدثت كريمه التي تشاهد التلفاز بجانبهم / ولا يكونش مش بتفهمي
شروق باعتراض / لا يا كرميله انا بفهم كويس اوي حتي اسألي معتز
رفع معتز حاجبه
شروق / احم احم بلاش معتز اسألي…… آه اسألي سامر هو هيطبلي
دخل سامر وجلس بجانب كريمه ببرود وهو يٱخذ فشار ويأكله / لا مش هطبل لأنك مش بتفهمي اكدب ليه
نظرت شروق لمعتز / تعالي يا ميزو نطلع بره احسن الجو هنا بقي مزعج آوي
كريمه بسخريه / لا بالله عليكي مش هنعرف نقعد من غيرك ليه كده هتسيبي فراغ كبير
ثم صمتت ونظرت لها ببرود واشارت للباب
فنهضت شروق وهي ترفع رأسها بكبرياء / يلا يا معتز نقعد في الجنينه بره
وماكادت تسير حتي سقطت أرضا بسبب قدمها التي تعركلت في السجاده فنهضت وهي تنفض ثيابها وتعدلها بكبرياء / علي فكره قصداها
ثم خرجت وخلفها معتز الذي يكاد يسقط من الضحك
نظرت كريمه لسامر / كانت عايزاك في إيه
نظر لها سامر بتعجب / قصدك مين
كريمه وهي تأخذ منه الفشار / مش علي كريمه يا سمور
ضحك سامر بيأس / ياستي البنت دي ضربت تلات رجاله بس إيه يا كريمه ولا نيره في أيامها الرجاله كانو مطحونين فالمهم هي خرجت بكفاله وانا بعت وراها مخبر عشان يراقبها فتره ويشوف سلوكها وكده وهي قفشته معرفش ازاي وكانت جايه تزعق عشان كده
كريمه بخبث / اوووه عشان يشوف سلوكها قولتلي وياتري طلع سلوكها فين كده
مظر لها سامر وقد عرف انها كشفته / احم احم هروح اشوف نيره عشان كانت عايزاني
ثم خرج سريعا بينما ابتسمت كريمه هي تنظر التلفاز وتأكل الفشار /مشكلتهم انهم لسه مش فاهميني
RAHMA NABIL 美心
توقف سيف وهو يسمع غنائها ففتح عينه بصدمه واستدار وجدها ترقص بحركات غبيه بيدها وهي تغني/
عز الظهريه .. ع الكورنيش
على وش الميه … ع الكورنيش
قدري ونصيبي … ع الكورنيش
ثم اقتربت منه وهي تدور حوله وتكمل /
اقابل حبيبي … ع الكورنيش
غمزت له بمشاكسه /
جت عينو في عنيا … ع الكورنيش
سلم عليا … ع الكورنيش
ازعلو .. لالا .. اغضبو .. لالا
ازعلو .. لالا .. اغضبو .. لالا
حبني حبيتو … ع الكورنيش
من قلبي هويتو … ع الكورنيش
يتمشى بيا … ع الكورنيش
ايدو بإيديا … ع الكورنيش
ميلتو وملي … ع الكورنيش
وشوشني وقلي … ازعلو لالا .. اغضبو لالا
كيف ازعلو … لالا .. اغضبو .. لالا
توقفت عن الرقص والغناء وهي تنظر له بضحكه علي ملامحه وما كادت تتحدث حتي وجدته يمسكها من ثيابها من الخلف / ده ازاي ده
نظرت له تيتي بتذمر وهي تنزع يده/مابك يا رجل الا تعلم كيف تعامل السيدات انت وقح
صرخ سيف بوجهها / بت انتي متجنيش اهلي تعرفي الاغنيه دي ازاي ومش كده بس وتعرفي الكوميك وافيشات الأفلام دي منين ها
تيتي وهي تنظر له ببراءه / قصدك ايه اعرفها عادي يعني
سيف بسخريه / لا والله هي جواهر قديمه بس مش لدرجه الفراعنه يا ختي انطقي تعرفي الحجات دي منين
تيتي وهي تزفر بضيق / طب سيبني الأول انت محدش يعرف يهزر معاك
تركها سيف ونظر لها فوجدها تخرج هاتف يبدو قديم الطراز قليلا فتحدث بصدمه / وحيات امك معاك موبايل هو فيه إيه يكونش احنا مش في عصر الفراعنه بجد ودي مدينه الإنتاج الاعلامي وده كله مجرد ديكور مش اكتر واحنا بنمثل فيلم مثلا
ضحكت تيتي / طب اصبر افهمك
سيف / هي كلمه واحده تليفون مين ده
تيتي / امك
نظر لها سيف بشر فتعجبت هي / في إيه بتبص ليه كده
سيف / لا والله يعني عارفه كل حاجه ومش عارفه انك امك دي مينفعش تقوليها
تيتي / الله ماهو تليفون امك
نظر لها بشر / بت انتي اتعدلي اسمها والدتك بعدين لو ده تليفون ميسره وصل ليكي إزاي
تيتي ببسمه/ عندما عادت والدتك لعصرها تركته هنا ذكري لوالدك وهي لا تعلم أن والدك سيلحق بها ولكن لم يكتشفه احد لانه كان في المنزل القديم لوالدك وبعد رحيل والدك خلفها وجده ست واحتفظ به ولم يكن يعمل وعندما وُلدت انا كنت احم مشاغبه قليلا ودخلت غرفه ست في احد المرات ورأيته فبكيت كثيرا لاحتفظ به ولم يكن يعمل ولكن انا اصريت وأخذت أصر علي احمس لينظر ما به فقال اتركيه وسأراه لاحقا كنت أعلم انه يقول هذا فقط لانسي ولكني لم انسي حتي بدأ هو يعمل عليه وهو كان لا يعلم ماذا يفعل ولكن فقط كان يحاول ان يتخلص من ضوضائي هههههههههه الي ان احضر في يوم حجر طاقه يشبه حجر قلاده الأبعاد وحاول استخدامه فاكتشف ان هذا هو السر انه لا يوجد شئ يمده بالطاقه فقام بالعمل عليه حتي انه استغرق سنه تقريبا لكي يستطيع أن يقوم باصلاحه ومعرفه كيف يوصل له الطاقه وفي عيد ميلادي السادس أعطاه لي وقتها فرحت كثيرا وعندما فتحته لم أفهم شئ أبدا من الكلام والصور الموجوده به فاخبرني احمس ان هذه اللغه الخاصه بوالدتك لذا وقتها طلبت منه أن يعلمني هذا اللغه وفعلا تعلمتها كلها وحفظت جميع النكات والاغاني علي هاتف والدتك ومنهم هذه الاغنيه
ثم ضحكت / بس الحجه والدتك دي ايه كانت مزاج تليفونها كله حجات تضحك
نظر لها سيف وابتسم ثم تركها ورحل وهو يهز راسه بيأس بينما هي لحقت به / باشا رايح فين استناني طيب عشان تدخلني القصر باشا استني بس انت يا عم انت
RAHMA NABIL 美心
نظر ابريس لميسره التي تنظر من نافذه غرفتهم فقام باحتضانها من الخلف وهو يهمس لها / مكنش لازم تتعصبي كده يا ميسره انتي عارفه ان ست مكنش هيسكت عن إللي حصل
استدارت له ميسره ونظرت له بخجل / عارفه يا ابريس وانا مش عارفه ده حصل إزاي انا اساسا محستش بنفسي غير وانا بخرج عصبيتي فيه
ابتسم ابريس وهو يبعد شعرها عن عينها / عارف يا قلبي انك مكنش قصدك
ميسره وهي تنظر لعينه / ست هيعمل ايه
ابريس وهو يتنهد / تقريبا كده أعلن الحرب بشكل غير مباشر
فزعت ميسره بشده وهي تنظر له برعب / مش للدرجه دي
ابتسم ابريس بسخريه / واكتر من كده ميسره ست اخويا مش مسلم هو مش زيش معاشش مع اهلك وشاف يعني إيه اسلام علي حق بس رغم ده كله أخلاقه مفيش عليها غبار أبدا عمره ما عمل شئ ينافي اللي بتفرضه عليه رجولته طبعا انتي عارفه بالعادات المنتشره هنا زي الجواري وغيره بس ست عمره ماقرب من حاجه شبه كده وموضوع ان راجل يتعرض لنساء قصره دي جريمه عنده مش هينه
نظرت له ميسره بقلق / بس دي حرب مش لعب يا ابريس ممكن حد يتأذي فيها
ضحك ابريس بشده وهو يضمها / هو انتي فاكره انا كنت عايش حياتي إزاي ولا لا يا ميسره انا طول عمري كنت في حرب يمكن الوقت اللي قضيته في العصر التاني كان مجرد فتره راحه وراجعين تآني فمتخافيش كده هيعدي كله هيعدي
⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
*عاوزه تخش روام روايات علي 📌واتس خش علي الينك كده 💞🥀*
*https://wa.me/+201288715026?text=ممكن-ادخل-جروب-الروايات-
*روايات ابو تولين👧*
~روايات جامده ممتعه 🥰~
“`اي روايه عاوزها هتلاقيه علي
الجروب 🤍💞“`⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
خرج مصعب وهو يشعر بالملل ثم جلس في الحديقه وهو ينظر للسماء ويفكر تري كيف سيكون مستقبله ومصيره لم يبقي هنا سوي يومين فقط تري كيف ستكون بقيه حياته
وأثناء شروده وجد فتاه تقف في احدي النوافذ وهي تفرد شعرها الطويل وتنظر للسماء شارده بملامح مبتسمه فابتسم تلقائيا وهو يهمس / ملاك
سمع مصعب صوت تاج يناديه فنهض وهو ينظر لهذا الفتاه التي لا يظهره من ملامحها الكثير بسبب الظلام
ركض مصعب ونظر لتاج الذي تحدث له / بابا وعمي والكل مستنين في القاعه
مصعب بتعجب / ليه فيه حاجه ولا ايه
تاج / معرفش بس عدي اللي قالي اجيبك واحصله
هز مصعب رأسه ولحق به دخل مصعب وتاج للقاعه وجدوا الحميع يجلس بتحفز وست ينظر بشر امامه
فجلس مصعب وسأل سيف / هو فيه إيه
هز سيف رأسه بعدم معرفة ونظر لوالده الذي يبدو عليه الغضب
ثواني ودخل احد الحرس وتحدث / سيدي لقد وصل الملك وابنيه
أشار له ست ليدخلوا فدخل رجل كبير في السن يظهر علي ملامحه الكبر ومعه شاب يظهر علي ملامحه الخشونه والخبث والشاب الذي ضربته تيتي صباح اليوم
تحفز جسد الجميع لرؤيتة ذلك الشاب
فاشار ست لهم بالجلوس وبعدها تحدث / هل يمكنني أن أعرف سر هذه الزياره
تحدث الملك / معذرا ولكن هل يمكنك أن تنتظر قليلا فقط
رفع ست حاجبه بتعجب وكاد يجيب لولا دخول الحارس وهو يتحدث / ممثلي مجلس حفظ السلام في الخارج مولاي ويطلبون الأذن بالدخول
توتر جميع الموجودين ماعدا اولاد ابريس الذين تعجبوا من ملامح عمهم المصدومه
أشار ست له فادخلهم الحارس وكانوا عباره عن شاب ورجلين كبار في العمر أشار لهم ست باحترام ليجلسوا
فتحدث الملك بخبث / والان يمكنني التحدث وأمام الجميع يا ملك ست….. اولا أود أن اقدم اعتذاري لما فعله ابني الصغير فريس فهو طائش ولكن انا اعذره حقا يا مولاي
علت الهمهمات في الجلسه فتحدث ست بحده / تعذره لانه تعدي علي نسائي ام ماذا
تحدث انوبيس / العفو مولاي ولكن أخي لم يقصد ان يفعل هذا ولكن في الحقيقه هو فقط أراد أن يري عروسه
تعجب الجميع من حديثه بينما تحفز جسد سيف بشده
فاكمل انوبيس بخبث / في الحقيقه مولاي كنا سنأتي لطلب يد ابنة وزيرك بيك لاخي فريس وهو فقط تعجل الامر وجاء ليراها ولك كل الحق للغضب من طريقته ولكن اعذره فهو عاشق فقط
ابتسم مصعب بسخريه وهمس / عاشق فقط قال عاشق قال ده مغتصب تقريبا ده جد حمدي الوزير ومنبع السلاله دي
اكمل الملك امام الجميع / وانا وأمام الجميع اعتذر من الملك ست واطلب يد ابنة الوزير بيك لابني الصغير فريس ويشرفني نسبك يا جلالة الملك
نظر ست حوله بغضب شديد وهو يري نظرات أعضاء مجلس حفظ السلام اذا رفض الان فسيعتبرون انه هو من يريد اعلان الحرب لذلك احضرهم هذا الخبيث سوف يقتله
ابتلع بيك ريقه برعب ان يقبل ست هو يعرف فريس واخلاق فريس فهو أمير فاسد يعيش حياته بين الجواري وفقط تحركه شهوته فقط وتتحكم به
تحدث شاب من مجلس حفظ السلام / اعتقد ان الامر لا يحتاج للتفكير يا جلالة الملك فهذا حل انسب لحل المشكله كليا
نظر له ست وهو يفكر كيف يخرج من هذا الأمر بأقل ضرر
شعر بيك بحيره صديقه والمأذق الذي هو به فاشفق عليه وتمني ليرفع عنه هذه الحيرة ويخبره انه موافق ولكن بداخله شئ يمنعه فهي ابنته العزيزه كيف يرميها هكذا ولمن لفريس
تحدث فريس بخبث / لا تقلق مولاي سوف احفظها بحياتي فأنا اعشقها بشده
نظر ست للجميع المتحفز والذي ينتظر كلمته فنظر ست لبيك بحزن فاغمض بيك عينه بألم ووجع ولم يكد ست يتحدث حتي نهض سيف وهو يتحدث / أظن أنه يكفي الي هنا استمر العرض اكثر مما يجب
تحدث احد اعضاء المجلس بتعجب / من انت ايها الشاب وكيف تتدخل في حديث الكبار هكذا
سيف بقوه وجرأه وشموخ وصوت جهوري/ أنا سيف ابن الملك ابريس وابن اخ الملك ست ومن تتحدثون عنها وتقررون تزويجها من هذا الصغير هي زوجتي يا سادة……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية لعنة الفراعنة)
