رواية عريس للإيجار الفصل الأول 1 بقلم ميادة الجزار
رواية عريس للإيجار الجزء الأول
رواية عريس للإيجار البارت الأول
رواية عريس للإيجار الحلقة الأولى
انتي اكيد مجنونه
= ليه يعني
– عايزه عريس يكون متأجر
= وفيها ايه
– مين المجنون اللي هيوافق على كده
= الفلوس بتعمل اي حاجه والشخص المناسب ويوافق على شروطي هياخد فلوس يعني مش هيعمل ببلاش
– ثانيه واحده قصدك ايه بالشخص المناسب
قالت ببرود : يعني انا اعمل انترفيو
– نعمممممم !!!!
= بس اسكتي ايه ماسوره وفتحت
– انتي اتجننتي يا سهيله ايه العبط اللي بتقولي ده اكيد بتهزري او بتعملي مقلب فيا كالعاده
سهيله بتنهيده : مش بعمل مقلب ولا حتي بهزر انا بتكلم جد يا دعاء
( سهيله 21 سنه تالته تجاره انجلش )
دعاء بغضب : انتي اكيد اتجننتي
( دعاء صاحبه وخطيبه اخو سهيله وبتحبها 21سنه تالته تجاره انجلش )
سهيله : مفيش حل تاني يا دعاء انتي لو مش
هتساعديني انا هشوف اي حد يساعدني
دعاء محاولا الهدوء : انتي هبله انا بس مش عايزاكي تعملي حاجه تاذي بيها نفسك او اللي حواليكي
سهيله : انا عارفه بعمل ايه استحاله اعمل حاجه تاذي اهلي
دعاء بنفاذ صبر : لا بتاذيهم لما تجيبي واحد يكدب عليهم
سهيله : مفيش حل تاني ومش هيكون فيه ضرر ولا عليهم ولا عليا
دعاء : بس
سهيله مقاطعا : دعاء انا فكرت وقررت وهما مخلوش اودامي غير الحل ده في خلال يومين هكون جيبت حد يمثل الدور عليهم وهياخد اول دفعه مبلغ ولما تخلص المهمه هياخد باقي الفلوس
دعاء : ماشي يا سهيله وانا هساعدك علشان بس هريحك بدل ده اللي هيريحك
سهيله بابتسامه : يلا يا دودو نبدا في مهمتنا
دعاء بتوتر : ربنا يستر واخوكي ميعرفش
سهيله : متقلقيش معتز مش هيعرف حاجه زي دي ولو عرف في يوم عادي انا معاكي واستحاله هكون السبب في بعادكم عن بعض
دعاء بتنهيده : ماشي يا ستي قولي بقا هنعمل ايه
سهيله بتفكير : بصي
ــــــــــــــــــــــــــــــــــــــــــــــــ
في منطقه شعبيه
– صباح الخير يا ابيه
= صباح النور يا بسومه
بسمه باحراج : ابيه انا عايزه هطلب منك حاجه
( بسمه 17سنه في ثانويه عامه )
نادر بابتسامه : فلوس الدرس جوه في الاوضه
( نادر 28سنه هو اللي مربي اخته الصغيره وبيحبها جدا )
بسمه بابتسامه : انا افتكرتك نسيت
نادر بحنيه : مستحيل هنسا حاجه تخصك
بسمه بابتسامه : ربنا مايحرمنيش منك يا ابيه انت مش بس اخويا الكبير لا ده انت ابويا وامي واهلي كلهم كمان
نادر بحب : خدي ده مصروفك وخلي بالك من نفسك وانتي رايحه الدرس ها
بسمه بابتسامه : حاضر يا ابيه
نادر : اه صح افطري قبل ما تنزلي علشان متتعبيش يا حبيبتي
بسمه بابتسامه : حاضر
ــــــــــــــــــــــــــــــــــــــــــــــــ
عادل الشرقاوي : صباح الخير يا حبيبتي
( عادل الشرقاوي والد سهيله راجل اعمال بيحب ولاده ومراته جدا وهما نقاط ضعفه )
سعاد بحب : صباح الفل
( والده سهيله زوجه اصيله حرفيا عاشت مع زوجها فترات وجع وحزن بس بوجودها جنبه كان بيرجع اقوي من الاول وهي اللي في البدايه فضلت معاه من اول السلم 44سنه ولكن شكلها صغير لانها مهتمه بنفسها )
عادل بابتسامه : عامله ايه يا روحي
سعاد بحب : الحمدالله بخير يا حبيبي ما طول انت بخير
اقترب عادل ل يحتضن زوجته بحب
سهيله بمزاح : يا نهار ابيض ابويا وامي في حضن بعض لا اقدر علي الصدمه
ضحك عادل علي مزاح ابنته الوحيد
سعاد : بس يا زفته احترمي نفسك
سهيله بغمزه : ايه يا ست الكل مكسوفه ولا ايه
سعاد بغيظ : اتلمي لاحسن لو قومتلك مش هسكتلك
ضحكت سهيله علي خجل والدتها
دعاء بابتسامه : عامله ايه يا ماما
سعاد بحنيه : الحمدالله يا حبيبتي بخير
سهيله : اول مره هشوف حماه بتحب خطيبه ابنها
سعاد بابتسامه : دعاء قبل ما تكون خطيبه ابني الكبير بتكون بنتي التانيه
دعاء بابتسامه : ربنا مايحرمنيش منك يا ماما
ثم قالت وهي تنظر الي سهيله : مالكيش دعوه يا رخمه
سهيله بطريقه مضحكه : ايه ده بقا انا كده هغير
سعاد بحنيه : يلا افطروا بقا
– صباح الخير
سهيله : زومه هو الوحيد اللي بينصفني دايما
حازم بابتسامه : ايه اللي حصل تاني
دعاء بحب : صباح الخير يا حازم
حازم بابتسامه : صباح الفل يا قمري
ابتسمت دعاء بخجل
سهيله برخامه : ايه ده يا بنتي اول مره تتكسفي دعاء بقيت بتتكسف
دعاء بخجل : بس اسكتي وبعدين ما تفطري
سهيله ضحكت علي صديقه عمرها
سعاد : اسكتي بقا وافطري يلا
سهيله بابتسامه : اهو بفطر
حازم بابتسامه : هتعملوا ايه انهارده
سهيله : هنروح الجامعه اكيد
حازم : طيب يلا خلصوا علشان اخدكم في طريقي
سهيله : لا يا حبيبي روح انت الشركه احنا لسه هنطلع ونجهز
حازم : عادي هستناكم
سهيله بخبث : امممم شكلك مصمم بقا
ابتسمت دعاء
حازم بابتسامه : ايوه مصمم يا رخمه مالكيش دعوه
ضحكت سهيله ثم قالت : يبقي هتتاخر
حازم : خلصي بس يلا
سهيله : اوك
ــــــــــــــــــــــــــــــــــــــــــــــــ
– بتفكر فيه ايه
= لسه بفكر بس الاكيد اني هيجي يوم وهنتقم
– طب قول ناوي علي ايه
نظر له بصمت ثم شرد
ــــــــــــــــــــــــــــــــــــــــــــــــ
امام الجامعه
حازم : خلي بالكم من نفسكم
سهيله : لا تقلق
حازم : انا كده قلقت
ضحكت دعاء
سهيله : ضحكتك اوي يلا علشان منتاخرش
حازم : ثانيه يا دعاء
ثم نظر الي اخته قائلا بابتسامه : ادخلي انتي يا سوسو
سهيله بخبث : ليه
حازم : مالكيش دعوه
سهيله : دلوقتي ماليش دعوه ماااااشي
ثم نظرت الي دعاء بغمزه : متتاخريش ها
ثم دخلت الي الكليه
حازم بحب : خلي بالك من نفسك
دعاء بخجل : حاضر
حازم بابتسامه علي خجلها : ايه رايك نتغدا مع بعض انهارده فيه اي مكان تختاري
دعاء : طب وشغلك
حازم بابتسامه : انتي نسيتي ولا ايه انا المدير ها
دعاء بابتسامه : عارفه بس انت بتحب شغلك جدا
حازم بابتسامه : بس بحبك انتي اكتر
دعاء وشها احمر من كسوفها
حازم بضحك : ايه الطماطم دي
دعاء بخجل : بطل تكسفني
حازم بحب : اعملي حسابك هاجي اخدك انتي والمجنونه التانيه هوصلها ونتغدا انا وانتي
دعاء بخجل : ماشي يلا بقا علشان لازم هدخل
حازم بحب : مش قادر هسيبك وهمشي
دعاء بخجل : انا كده هتاخر وانت كمان
حازم بحب : طيب خلاص هسيبك تدخلي يلا
دعاء بخجل : باي
حازم بحب : استني
نظرت له دعاء بخجل قائلا : نعم
حازم بحب : هتوحشيني
ابتسمت دعاء بخجل
ــــــــــــــــــــــــــــــــــــــــــــــــ
– عامله ايه يا سهيله
سهيله : بخير الحمدالله يا ساره
ساره : طب مش ناويه تدخلي المحاضره ولا ايه
( ساره 21سنه تالته تجاره انجلش )
سهيله : هدخل بس مستنيه دعاء
ساره : اه انا شوفتها وانا داخله الكليه بس هو حازم اخوكي اللي موصلكم
دعاء جايه من وراهم قائلا بضيق : وانتي مالك يا ساره
نظرت ساره الي اثر الصوت ثم نظرت الي سهيله باحراج : انا بس استغربت لاني شوفتكم بره
دعاء بضيق : انتي برده مالك نفسي متتدخليش فيه حاجه تخصك
ساره بحزن : اسفه انا رايحه المدرج
ذهبت ساره حزينه ومحرجه
سهيله : ليه. كده يا دعاء
دعاء بضيق : انتي مش بتشوفي نظراتها لي اخوكي مش عاديه
سهيله : انتي متهيالك
دعاء بغيره : لا انا متاكده البت دي مش سهله علشان. كده انا بدات هبعد عنها ويارات انتي كمان تعملي. كده
سهيله : طب يلا علشان منتاخرش
دعاء : يلا
ــــــــــــــــــــــــــــــــــــــــــــــــ
عادل ماسك البوم صور
سعاد : ادعيلوا بالرحمه
عادل بحزن : بقالي سنين يا سعاد بدور عليهم مش لاقيهم انا السبب في كل اللي حصل
سعاد بحزن علي زوجها : مش انت السبب كل اللي حصل ده نصيبهم
صمت عادل بحزن وهو محتضن هذا الالبوم
ــــــــــــــــــــــــــــــــــــــــــــــــ
اسفه بقا البارت الاول صغير بس لو لقيت تفاعل ساعتها اكبروا المره الجايه
تعالوا بقا نشوف ايه الالغاز اللي موجوده في الروايه
مين الشخصان دول ؟
وليه عادل الشرقاوي حزين وعلي مين وكان بيدور علي مين ؟
ليه سهيله بدور علي عريس ايجار وهتستفيد ايه ؟
حازم ودعاء قصتهم هتفضل زي ما هي ولا فيه حاجه هتتغير ؟
المرادي الروايه غير اي روايه انا كتبها فيها اسرار هتتكشف مع الوقت بس كل مايعدي وقت ويكتشف سر هنتصدم
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عريس للإيجار)
