رواية الظلم ظلمات الفصل السادس 6 بقلم مشيرة محمد

رواية الظلم ظلمات الجزء السادس

رواية الظلم ظلمات البارت السادس

رواية الظلم ظلمات الحلقة السادسة

امينه بغيظ. رايده تعرفى ماشى الحكايه انى هقولك ووقتها هتعرفى ان انتى السبب فى كل الهم ديه.
لجل ما كت ريداكى انتى لولدى وفدوه لاه طلبت منيه اللى يخلى عمران يطلق فدوه فى التو واللحظه وعطيته وقتها الفلوس اللى طلبها بس هو طلع واد حرام وماقنعشى واهه طمعان فى حتة الارض اللى حدانا ويا الارض يا ېقتل عمران.
امينه. لاه يا اختى قاصد عمران ديه واد مستبيع وابن حرام اوعى بقا هملينى.
نوال وقفت قدامها مره تانيه وقالت. ههملك بس بشرط.
بقلمى مشيره_محمد
نوال بتبجح. قصرى لسانك ديه لقطعهولك واسمعينى زين لجل ما تلحقى اللى انتى عايزاه.

امينه. اخلصى قولى عايزه ايه.
نوال. الدار… عايزه الدار.. تتكتب باسمى.
امينه. واه ومن ميتى الدار بتبقى باسم الحريم.
نوال. وانتى ايه مش معدوده مالحريم اياك ماالدار باسمك اهه
امينه صړخت. بوووه هملينى دلوكيت قولتلك اوعى من وشى.
امينه دخلت جرى على اوضتها و خدت العقد وبسرعه طلعت للشخص اللى مستنيها وكل همها الخطړ يبعد عن عمران وبس.
عدت الايام ونوال بتعامل امينه بمنتهى الذل وقلة الاحترام بسبب السر اللى تعرفه عنها واللى استغلته اسوء استغلال.
نوال بتنده. ياحماتى… ياحماااتى.
امينه. بتزعجى ليه فيه ايه وخلى حداكى ډم بتنادمى بحماتى ليه اشحال ان ماكت خالتك لزم
نوال بمكر ومرواغه واه واه لزمتها ايه المحلسه دى عاد خالتى ولا عمتى حتى انتى فى الاول والاخر حماتى وانى مرت ولدك.
نوال. معرفاشى ليه نفسى هفانى على فطير يكون لساته طالع من الفرن وغرقان فى السمن البلدى.
امينه. واه فطير دلوك والليل داخل علينا.
نوال. وانى مالى واد ولدك اللى عايز
واد ولدك اللى جه بعد شوقه ولا ايه وكمانى اهو تلاقى حاجه تسهرك شوى لجل من ما تستنى عمار يرجع من مشواره وتعشيه قبل ماينام.
امينه انى ماجدارشى اعمل حاجه جسمى كله واجعنى وبعدين انتى نسينى انك انتى اللى مرته ولا ايه انى داخله انعس.
نوال بټهديد. وماله ادخلى انعسى حتى تخليلنا الجو انى و عمران لما ياجى واعرف اتحددت وياه واقوله انه سيد الرجاله من يومه
وفيه للخلف كمانى وان اللى كتى بتديهوله و بتوهميه انه علاج وانك جبتيه لجل الخلف دول شوية اعشاب من العطار عادى يعنى اى بنى ادم ياخدهم لو حداه شويه برد يلا يلا خشى انعسى.
امينه پخوف وانتى هتستفادى ايه لما تعملى اكده ماهو هيروح يرجع درتك وتبقى انتى مرته التانيه وتبقى هى ام البكرى.
نوال بضحك هههههه لهو انتى ما درتيشى يا حماتى مش فدوه بقيت فدوه هانم خلاص وابنك ديه ماتستعناش تبصله فدوه اتجوزت بيه كد الدنيا وما هتستعناشى ولدك خدام عنديها…
وپحده وامر كملت. يلا يلا روحى اعملى الفطير وبلاش تزعلينى منيكى بقلمى مشيره_محمد
امينه. امرى لله منك لله يابعيده همى نزلى الوجيد من عالسطح وانى هروح اعجن.
نوال. وجييد… وجيد ايه ديه اللى عايزانى انزله من السطوح وانى شايله اكده مخيفاش عليا اقع ولا يجرالى حاجه.
امينه. لهو انتى كمانى عايزانى اطلع السطح اجيب وجيد للفرن مش بكفياكى الخبيز ووحمة الفطير اللى طلعتى بيها معرفاش من وين واحنا داخلين فى الليل.
وقبل ما نوال ترد لمحت عمران من الشباك وفى لحظه بقت ټعيط بصوت مسموع وواحده واحده ابتدى يهدى لما دخل عمران جرى مخضوض على جوه وقال.
وااه وااه فى ايه بتبكى ليه.
نوال. حمدالله السلامه يا خوى لاه مافيش حاجه انت جاى تعبان ماتشغلش دماغك.
عمران. مااشغيلش دماغى بايه انطقى فى ايه…فى ايه يامه.
نوال بتمثيل. حقك علي يا عمران انى خابره ان نفسك كانت فى الفطير خالتى قالتلى انك عايزه بس انى مقدارش والحبل مورينى الويل انى بس كل اللى طلباه نخلوه للصبح مافرجتش سواد الليل وانى من الفجريه هعمل اللى خالتى عوزاه وهنزل الوجيد للفرن وهعجن الفطير كيف ما بتحبه.
امينه واقفه مذهوله من اللى بيحصل وازاى قدرت نوال تقلب الطرابيزه عليها هى بالشكل ده.
عمران. فطير ايه اللى طلبته انتى بتقولى ايه.
امينه بذهول. ااااننن ببب تتقول. …..
عمران قطعها وقال. امااااه. فطير ايه اللى عايزاها تعمله دلوك.
امينه. انى يا ول….. بقلمى مشيره_محمد
قطعها تانى عمران بزعيق وصوت عالى و غيظ من عمايل امه . فى ايه يامه مش بكفياكى عاد استعباد ولا ايه ولا بدك تطفشيها هى كمانى ولا ايه ولا عايزاها توقع وهى حبله واتحرم منيه هو كمانى ارحموا من فى الارض يرحمكم من فى السماء يامه بكفياكى اشحال ان ماكانت بت خيتك ونقاوة عينك بكفياكى يامه و بعدين انى ميتى قولتلك بدى اټسمم فطير واذااا يبقى دلوك دلوك يامه انى طهقت وزهقت من العيشه واللى عايشنها انى هغور وفايتهالكم
وساب البيت ومشى وهو مخڼوق ومضايق من امه وتصرفاتها وقلة راحته والغريبه انه حتى مش فرحان لحمل نوال زى ماكان فرحان لحمل فدويه…. فدوه. اااه يافدوه انى كيف هملتك حيه وانتى خاطيه ودوستى على شرفى برجليكى كيف كيف ماقتلتكيش وقټلت قلبى معاكى قلبى اللى رايدك لدلوك
عند امينه ونوال
امينه بغل قالت .
بتوقعى بيبى وبين ابنى يابت اختى اويت حنش فى بيتى علشان انى اللى اتأذى من سمه طيب ليه طيب.
دانى عملت اللى ما يتعمل لجل مااجوزهولك بس انتى قليلة الاصل ماصونتيش الجميل.
نوال. وقفى عنديكى وصوتك مايعلاش انتى عميلتى ديه لمصلحتك وطمعك فى اللى حداى مش حب فيا
وشوفى تدبير ربنا اللى طمعتى فيه وقبل ماتاخديه باليمين راح منيكى بالشمال.
واعملى حسابك انى مش خدامه حداكى انى ست الدار اهنه يبقى تتحدتى معاى بادب وانى أشكر انى سيباكى قاعده فيها وانتى غداره بقلمى مشيره_محمد
مالكيشى امان ولا ليكى عزيز.
امينه. واه والله وفجرتى يابت اختى بقا بعد ما اعمل كل ديه لجل ماتبجى مرت ولدى وفالاخر عايزه تطلعينى من دارى.
نوال بصوت اعلى. دااااارى دارى انى مش دارك ياحماتى دارى اللى لو كت سبتهالك كتى ضيعتيها كيف الارض ماضاعت.
امينه بذهول. دار مين يا مكلوبه انتى كنك جنيتى ولا ايه.
نوال قعدت بدلع. ااه ياظهرى قطع الحمل وسنينه. لاه ياحماتى ماجنيتش انى عميلت الصوح وكتبت الدار باسمى لجل ما احمى ولدى من ستو المجزوبه و اللى قلبها مليان غدرو طمع
واهه اللى اتمنيته حوصل.
عارف من ميتى يا حماتى.
امينه. هزت راسها يمين وشمال بتوهان من اللى بتسمعه ومن تصرفات نوال اللى تفجر كل يوم اكتر من التانى.
نوال بصتلها بتحدى وقالت. من اليوم اللى جيتى فيه لما بوى ماټ وبدال ما تواسى اختك قولتلها راجلك ماټ وبتك اصغيره وان راحت ولا جت هى بت بردك يعنى لا هتعزق ولا هتفلح !!
نفس اللى عملتيه وخدتى دار جدى بقلمى مشيره_محمد
فاكره ياحماتى ولا لاه فاكره قولتيلها ايه كمانى قولتلها انى هشترى الارض و انى اولى من الغريب وانك جوزك موجود وحداكى الواد ولا عميلتى حساب لحزنها على جوزها ولا كربها.
ولما عدى سنه وجه عريس للامى لجل مايتجوزها وقفتيلها وقولتيلها لاه الناس تاكل وشنها قولتيلها اكده علشان كان شباب وصغار الغيره كلت قلبك منيها لما عرفتى انه كان رايدها قبل ماتتجوز ابوى وانه كان عشجانها وقفتلها وبوظتى الجوازهما هو كيف امى تتحب ويكون حد رايدها وانتى لاه ومفاتش كتير وجبتلها عريس تانى نقاوتك وزنيتى على ودانها لاجل بس حداه ارض وجرشنات صوح ولا لاه
ولا همك وقتها ان خيتك لسه صغار وظلم انها تتجوز راجل كبير عاجز وتخدمه بقية عمرها ويروح شبابها عليه استغليت طيبتها وضعفها حتى انى ماسبتنيش فى حالى ماليتى دماغى بولدك وانك ريدانى ليه وعشمتينى ورسمت احلام كتيره كت صغيره مفهماش ولما ولدك اختار واحده تانيه انتى ما قولتيش لاه خابره ليه
لما عرفتى ان حداها ارض ورثاها من ابوها طمعك بردك عماكى لما عرفتى اللى حداها وتوكدتى انه اكتر من اللى حداى وافقتى قوام.
امينه ارتبكت لما شافت انها كانت متعريه قدام نوال طول الوقت وانها عارفه عنها كتير. بقلمى مشيره_محمد
نوال. اصبرى بس لما احكيلك كمان وافكرك كنك ناسيه لكن انى مانسياش واصل.
مانسياش لما امى شيعتنى لجل ما اقولك تحجزى اردبين غلة قبل التاجر ما ياخد المحصول جيتك ولقيت الباب اموارب وسمعتك بتتحدتى ويا عمران على العروسه وبتقوليله عروسة ايه اللى انتى رايدها انى هخطبالك بت خالتك وانتى خابر زين انها مكتوبه على اسمك من زمان. بقلمى مشيره_محمد
عارفه ياحماتى وقتها فرحت كد ايه فرحت كد الكره اللى كرهتهولك بعدين وكد الغل والڼار اللى قادت فى قلبى من كلامك لما سألتيه تطلع بت مين دى اللى هتعصانى وتسيب بت خالتك علشانها ولما عرفتى هى بت مين كنك اتصرعتى وقتها
وعيونك برقت ووافقتى طوالى وقتها ونسيتى اللى عشمتيها بالجواز منيه ووقفتى حالها على ابنك.
بس ربك كانه بالمرصاد لطمعك وجالك الخبر اللى قسم ظهرك قبل ابنك ما يسبع حتى ان الغلبانه فدوة عمها واكل حقها وعمركم ما هطولوا منيه حاجه هو بس زغلل عينك بالجهاز اللى جابه وفكرتى ان تحت القبة شيخ واهى الغلبانه ماسلمتش منكى هى كمان ولامن اذاكى ووصل بيكى الجبروت انك تخلصى منيها و تضحى بواد ولدك قصاد انك تاخدى اللى حداى انى قصاد الفلوس تبيعى حتى لحمك.
امينه بضعف حاولت تكابر. ماتقوليش واد ولدى انى ما ظلمتهاش هى اللى خاطيه وفاجره بقلمى مشيره_محمد
امال بخبث. ايوه ايوه صوح والراجل اللى ادتيله عقودات الارض مش ديه برضك التمرجى اللى جابلك التحليلات المضړوبه اللى تقول ان ولدك مابيخلفش لجل ما تقولى انها خاطيه وتخلصى منيها.
امينه حطت اديها على بوء امال.
اكتمى اكتمى بقا وبكفياكى رط يا مكلوبه انت..حد يسمعك
امال باستهزاء. ديه بس اللى فارق امعاكى ياجبروتك يا مره انتى
امينه بمكابره. عايزه انتى ايه دلوك الدار اللى حيلتنا خدتيها عايزه ايه تانى.
امال بقوه. عيزاكى تحطى جزمه فى خاشمك وتبعدى عنى وعن جوزى اللى هربيه من اول وجديد مع ولده
لجل ما ينسى ان ابن امه وتتمسح من راسه تربيتك السو ونترحم من شرك واذاكى ويا تقعدى اهنه خدامه بلجمتك يا تغورى فى داهيه وكمانى هتقولى لعمران انك انتى اللى كتبتيلى الدار من فرحتك انى حبله واحمدى ربنا انى سبتلك دار جدى لجل ما تتاوى فيها لما عمران يطردك من اهنه بذات نفسه عن قريب.
امينه بكسره. مش مكفيكى اللى
حداكى من ورث ابوكى واللى حد وجوز امك واللى كتبه كلاته ليكى طمعتى فى الدار كمانى.
نوال بكيد. لهو انى ماقولتلكيش ياحماتى مش انى كتبت لامى كل شى حداى حتى الدار دى بقيت ليها كمانى.
ورينى بقا هتعملى فيا كيف ما عميلتى فى فدوه ولا هتتقى شرى وتعيشى اليومين اللى فاضلين ليكى بسكات بقلمى مشيره_محمد
عدت الليله على عمران وهو قاعد فى الغيط فى ارضه ومع طلوع الفجر عمران شاف انفار نازله الارض استغرب وراح ناحيتهم.
عمران. انتم مين ونازلين الارض ليه انى ما كريتش حد يشتغل فى الارض.
صوت من وراه قال. وانت تكرى انفار للارض ليه هى كانت ارضك.
عمران. امال ارض مين ماهى ارضى انت مين ياجدع انت.
الشخص. انى مالك الارض الجديد والعقد اهه.
عمران. الورق ده مزور انى مابعتش لحد الارض.
الشخص بهدوء. امك باعت روح اسالها ويلا من غير مطرود اطلع من ارضى خلينا نشوفو شغلنا..
عمران مشى وهو تايه ورجع الدار ووقف قدام امه ساكت.
امينه. لساتك زعلان حقك على انى غلطانه.
عمران بتوهان. بعتى الارض ليه يامه
امينه. ارض ايه
عمران پانكسار. ارضنا يامه اللى ماحلتناش غيرها صاحبها الجديد قالى اسالك وانى اهه بسالك.
الباب كان مفتوح دخلت منه سعديه اللى هى كمان عيشتها بقت صعبه من يوم ما سابت السرايا والقرشين اللى خدتهم من امينه خلصوا. بقلمى مشيره_محمد
سعديه. انى اقولك يا عمران… انى هحكيلك يمكن ربنا يفك كربى لما اعترف بذنبى وسكاتى عن الحق.
حكيت سعديه كل حاجه لعمران اللى عقله اتوقف وبقا مش عارف ينطق ومزهول من اللى بيسمعه.
سعديه. سامحنى يا ولدى انى ربنا بيخلص منى لدلوك ذنب فدوه الغلبانه.
عمران بص لامينه اللى بتبكى وكللمه لسعديه. اسامحكلو سامحتك انتى طيب امى دى اعمل فيها ايه….
ليه يامه ليه… عملتلك ايه فدوة بس كل ديه علشان الفلوس طيب ادى احنا اهه بقينا على فيض الكريم وكله راح يامه…
نفعك بايه الطمع يامه.
وبصوت كله قهر. جالك قلب تحرمينى من ولدى يامه جالك قلب تتبرى منيه علشان الفلوس طيب انى.. انى ماصعبتش عليكى قهرى وذلى وكسرتى قدرتى كيف تطعنى وليه زيك فى شرفها وانتى خابره انها شريفه ليه يامه… ماخوفتيش من ربنا ليييييييه
قالها بصړاخ وتكسير لاى حاجه قدامه وطلع من البيت وساب امينه اللى مڼهاره وبتعيط خوف على ابنها ومنه مش ندم ابدا ونوال اللى واقفه رغم حزنها الا انها مش قادره تمنع نفسها من انها تشمت فى امينه
وسعديه اللى انسحبت وهى بتتحسر على حالها اللى بقت فيه وندمها انها مشيت ورا امينه وطمعت فى شويه فلوس رمتهملها وضيعيت مصدر رزقها بقيت عمرها بقلمى مشيره_محمد
وجوزها اللى سابها على ذمته بس علشان ولادهم لكن لا بيعتبرها مراته ولا اصبح بينهم اى علاقه.
وعدى يوم بعد يوم وعمران مارجعش ومافيش عنه لا حس ولا خبر وكتير دوروا عليه بس مافيش فايده.
نوال. هتفضلى تندبى اكده كتير بكفياكى يابومه انتى.
امينه. وانتى على قلبك مرواح اكده ليه محساش پالنار اللى فى قلبى وانى معرفاش حاجه عن ولدى ولا عرفاله طريق.
نوال بتريقه. لاه وانتى حنينه قوى وقلبك ارهيف بقولك ايه انى معيزاشى نكد وابنك لو جراله
قومى. قومى لمى خلاجاتك وروحى دار جدى انى ما قعداشى اهنه.
امينه. عتتردينى من دارى يا نوال.
نوال. اول هام دى مش دارك دى دار امى دلوك تانى هام هتقعدى اهنه كيف وانى بذات نفسى رايحه عند امى.
امينه. طيب وليه.
نوال. لجل الاقى اللى يصرف عليا انى واللى فى بطنى ولدك طفش ولا سال فيا ولا فى ولده قوليلى انتى هنعيشوا كيف وناكلواومن وين. بقلمى مشيره_محمد
امينه. طيب وانى اعمل ايه.
نوال. ماليش صالح روحى اخدمى بلقمتك ونومتك فى ايتها حته او نفر بالاجره ما تشيلنيش همك..