رواية أمل الحياة (عشق التميم) الفصل الخامس والعشرون 25 بقلم يارا عبدالعزيز
رواية أمل الحياة (عشق التميم) البارت الخامس والعشرون
رواية أمل الحياة (عشق التميم) الجزء الخامس والعشرون
رواية أمل الحياة (عشق التميم) الحلقة الخامسة والعشرون
بص لرحيل بصدمه و رحيل وديت وشها الجانب التاني و غضمت عينيها بخوف
اتكلم تميم بهدوء و هو بيبصلها بحده
= انتي متأكده يا دكتورة!
الدكتوره ببأبتسامه
= اكيد طبعا
هو حضرتك مش ملاحظ بطن المدام
انا حقيقي مستغربه هي ازاي مكتشفتهوش لحد دلوقتي
هو موجود في السونار اهو انا ناديت لحضرتك عشان تشوفه
تميم بص لجهاز السونار و هو حاسس بمشاعر مختلطة عليه
شعور الفرحه من وجود جزء منه جواها و انه هيبقى اب و شعور الحزن و الصدمه من انها خفيت عليه حاجه مهمه زي
فاق على صوت رحيل و هي بتتكلم بخوف
= خلصتي صح!
هزيت الدكتورة راسها بهدوء و قامت
تميم قام معاها و ساب رحيل تعدل هدومها تحت نظرات الاستغراب منها بسبب هدوئه و اللي كانت خايفه منه
خلصوا الكشف بعد ما الدكتوره اديت بعض التعليمات لرحيل و خرجوا
نزلوا و ركبوا العربيه و رحيل كانت بتبص لتميم باستغراب و خوف و هو كان شارد
فجأة لاقته بيوقف العربيه و بيتكلم ببعض الحده
= انزلي!
فركت ايديها بخوف و نزلت ، وقف قدام العربيه و سند بضهره عليها و اتكلم بهدوء
= كنتي عارفه صح!
هزيت راسها بالايجاب و عيونها كانت مليانه بالخوف الشديد
اتكلم بحده
= و ليه مقولتيش!
هو انا مش من حقي اعرف
كنتي عايزه تنز.ليه
بقلمي يارا عبدالعزيز
رحيل بدموع
= ياريتني عرفت و لا قدرت اصلا انزله
عايزه تعرف انا ليه مقولتش عشان انتي متستاهلوش
و انت لو فضلت موجود في حياتنا و مش عايز تبعد هيطلع مش سوي بسببك
انت متستحقش تكون اب و خصوصاً لو الولد دا مني انا
تميم انا عارفه بموضوع الحمل من وقت ما سيبت القصر يعني كان عندي فرصه انزله و انت اصلا مكنتش حتى هتعرف انه كان موجود و انت عارف كويس اوي ان فيه دكاتره معندهاش ضمير كانوا ممكن يعملوها من غير موافقتك بس انا مرضتش اعمل كدا في ابني
ذنبه ايه روح ربنا كاتبلها تيجي انا اعمل كدا فيها و قررت اني اسافر و ابدأ انا و هو من جديد بعيد عنك
بس حتى دي انتي مسمحتليش اعملها
دلوقتي انت عرفت و اللي عرفته مش هيغير اي حاجه انا هفضل مصممه على طلاقي منك و مش هرجع معاك و حتى بيت ماما انت مش هتدخله تاني و اعلى ما في خيلك اركبه عشان انا خلاص مبقتش طايقه اي حاجه مبقتش طايقاك و لا طايقه وجودك ريحتك نفسك كل حاجه فيك بقيت بتوجعني
تميم بحده
= خلصتي!
تمام انتي اعملي اللي انتي عايزاه و انا هعمل اللي انا عايزاه
كمل و هو بيمسك ايديها بغضب و بيقرب وشها منه و بيتكلم بفحيح
= و مش هعديلك اللي انتي عاملتيه عشان متفكريش اني ممكن انسى
عشان مهما كان اللي حصل بينا دا ميديكيش اي حق انك تخبي عليا حاجه زي كدا طول المده اللي فاتت دي
بصتله بدموع و الم من اثر مسكته بدالها نظراتها بحده و ساب ايديها
بعدت عنه و وقفت على الطريق تشاور لتاكسي
وقف جانبها و اتكلم بغضب
= انتي بتعملي ايه العربيه اهي
اتجاهلته و هي لسه مكمله اللي بتعمله
اتكلم بجده
= رحيل بطلي تختبري صبري عليكي اركبي يلا خلينا نمشي
اتكلمت بحده
= مش انت قولتلي اعملي اللي انتي عايزاه
انا مش عايزاك يا تميم يا نصراوي افهم بقى مش عايزاك و مش فاهمه ايه سر تمسكك بيا كدا
مبتحبنيش مكمل معايا ليه ما تروح لي اللي بتحبها و سيبك مني بقى
اتكلم ببرود و هو متابع حركاتها
= يعني انتي عايزيني اروحلها!
ابتسمت بسخريه و اتكلمت بقوه عكس اللي جواها من الم
= لو مفكر انك تهمني بعد كل اللي عاملته أو اني هزعل على بعدك عني سنتي تبقى غلطان
مش رحيل الجابري اللي تمشي ورا حد بياعها زيك
انا شيلت قلبي في اليوم اللي شوفتك فيه معاها و حاليا مفيش غير عقلي اللي سايقني و بس
و مفيش اي منطق يخليني ازعل على واحد زيك
اتكلم بهدوء عكس اللي جواه
= و انا مطلبتش منك تزعلي عليا
بس متنسيش انك حامل بابني و لازم تبقوا تحت عيني و
قاطعته رحيل و هي بتتكلم بحده
= و هندخل بقى في جو حقوقي ووو
و كل الحوارت اللي انا مكنتش عايزه ادخلها دي
كملت و هي بتبص في عينيه و بتتكلم بحده
= و قسما بالله يتميم لو مبعدتش عني و سابتني في حالي لهكون ممـ.وته نفسي و ابنك اللي انت واخده حجه دا هيمـ.وت معايا و هيتحر.ق قلبك عليه زي ما انت حر.قت قلبي
ابتسم بسخريه و اتكلم ببرود
= طب قولي كلام انتي اده!
رحيل بصتله بحده ، حسيت ان كل طاقتها خلصت و مبقتش قادره مخنوقه من كل حاجه و مش قادره تتنفس بوجوده اللي بيفكرها بيخانته ليها
قربت منه و حاوطت خصره بايديها تحت نظرات الاستغراب الشديد منه
بمجرد ما قربت منه حس انه هو في عالم تاني
حاوط خصرها بايديه و ضمها ليه اكتر
غمضت عينيها بالم و دموع و خديت المسـ.دس بتاعه من جيبه بسرعه و بعدت عنه
فتح عينيه بسرعه و بصلها بخوف شديد
اتكلمت رحيل بدموع و هي بتحط المسد.س في دماغها
= و ليه مبقاش اده!
فيه ايه في حياتي حلو اقعد عشانه و لا حياتي هتبقى حلوه امتى و انت فيها!
اتكلم بغضب مفرط و خوف شديد
= انتي عارفه انتي بتعملي ايه!
رحيل ارمي المسد.س دا بسرعه هاتيه من ايديك دا مش لعبه
رحيل بغضب مفرط و بكاء
= و لا حياتي لعبه
عشان انت تدمر فيها زي ما انت عايز
انت اناني و مش بتفكر غير في نفسك
عايز تاخد كل حاجه و مش مهم عندك مين يعيش المهم انك انت تبقى مبسوط و مرتاح
ياريتني ما عرفتك و لا اتجوزتك و لا سلمت قلبي و نفسي ليك
انا كنت صح من الاول لما كنت بحاول ابعد عنك بس انت عشان بني ادم معندكش ضمير و لا قلب
فهمتني انك بتحبني و ان حياتي معاك هتكون احسن حاجه بس ادتني قلم قوي لسه معلم و بدل ما تخرج برا حياتي و تساعدني عشان اعرف اتأقلم مش سايبنا و ديما وجعاني بشوفتك
عارف وقفتك قدامي دي بتفكرني بي ايه
مفيش غير كلامك مع اللي انت اتجوزتنا عليا و بس هو اللي بيتردد في دماغي مفيش غير الالم و بس
بس خلاص انا هريح نفسي من كل حاجه دلوقتي المـ.وت هيكون ارحم بكتير منك
تميم بدموع و خوف شديد ، حس من كتر ضربات قلبه ان قلبه هيطلع من مكانه
اتكلم بخوف و تلعثم
= طب هعملك كل اللي انتي عايزاه بس سبيه
سبيه يا رحيل ارجوكي سبيه و الله العظيم هعمل كل اللي انتي عايزاه
رحيل بحده و هي لسه حاطه المسد.س على راسها
= هطلقني و تسبني اسافر
تميم بدموع
= بس انا مقدرش اعيش من غيرك
طب و ابني ليه تحرمني منه
رحيل بحده
= انت اللي عملت في نفسك كدا مش انا
هتعمل اللي انا عايزاه و لا امـ.وت نفسي
اتكلم بخوف و هو بيروح عندها
= حاضر بس هاتيه يلا
بقلمي يارا عبدالعزيز
اتكلمت بغضب مفرط و هي بتبعد
= اياك تقرب لو قربت هضغط عليه
طلقني حالا و انا هديهولك و مش هعمل حاجه
اتكلم بهدوء منافي تماما للخوف الشديد اللي جواه
= حاضر
هعمل كل اللي انتي عايزاه بس اهدي ماشي اهدي و متعمليش
قال كلامه و بدأ يقرب منها ، اتكلمت بغضب
= تميم و الله هضـ.رب ابعد احسنلك ه……
قاطعها لما خد منها المسد.س بكل حرفيه ،
حاولت تاخده منه بس ضر.بها بقوه بالالم على وشها لدرجه انها نز.فت من فمها
بعدت و هي بتبصله بدموع و نظراتها كلها مليانه عتاب و الم و حاطه ايديها على وشها
فجاه لاقته بيشدها لحضنه و بيضمها بكل قوته
اتكلم بهمس و دموع و هو بيخفف من قبضته عليها
= اسف و الله العظيم ما كنت اقصد و الله العظيم من خوفي عليكي حقك عليا
مسكت فيه بقوه و اتكلمت ببكاء
= ليه عملت فينا كدا!
ليييييه!
كان لسه هيتكلم بس قاطعته لما لاقها بتقع بين ايديه مغشيا عليها
هز وشها برفق و اتكلم بخوف
= رحيل!
رحيل فوقي
شالها بسرعه و حاطها في العربيه ، رن على حياة و اتكلم بخوف
= ماما رحيل اغمى عليها و مفيش مستشفى قريبه من المكان اللي انا فيه
انا مش عارف اتصرف ازاي
حياه بخوف
= اغمى عليها ليه
ايه اللي حصل
تميم بخوف شديد
= هي طلعت حامل في نهايه الرابع انا مش عارف اتصرف ازاي
كانت بتعيط و مره واحده لاقتها اغمى عليها كدا
حياة بصدمه
= في نهايه الرابع ازايي!
طب بص خدها على شقه والدتها اللي كانت عايشه فيها و خليها ترتاح و انا مسافه الطريق و هكون عندك
متخافش يحبيبي هي كويسه دا طبيعي في الحمل انا هاجي بس عشان اطمنك لكن هي بس ترتاح شويه و هتفوق لوحدها
انا مسافه الطريق و هكون عندك
قفل المكالمه و ساق بسرعه عاليه و هو بيبصلها على طول بخوف
وصل بيت روان و حاطها على السرير برفق
في نفس الوقت دا خبطت حياه ، جري بسرعه و فتحلها
اتكلمت بحنان
= انت خايف كدا ليه
اهدا هي جوا صح
هز تميم راسه بهدوء ، دخلت حياة بسرعه و بدأت تفحصها
لاحظت الد.م اللي كان عند شفايفها و اتكلمت بحده و هي بتمسحلها الد.م
= هو ايه اللي حصل!
تميم بتلعثم
= اتعصبت عليها
حياة بحده
= تقوم تضر.بها و انت عارف ان هي حامل!
راحت وقفت قدامه و اتكلمت بحده
= انا معرفش ايه اللي وصلك لهنا بس انا متأكده انك بتحبها و واثقه ان فيه حاجه ورا موضوع جوازك التاني دا انت و ابوك عارفينها و محدش فيكم عايز يقول حاجه
المره دي جت سليمه المره الجايه ممكن تجهـ.ض ابنك فحاول تعملها اللي هي عايزاه
و ابقى اعرف بس انك مد.يت ايديك عليها تاني ايا كان السبب هزعلك مني جامد يا تميم
انا ماشيه و لو احتاجت اي حاجه ابقى كلمني و لا اقعد معاك
تميم بدموع
= كان غصبن عني و الله أنا اسف مش هتتكرر تاني و هعملها كل اللي هي عايزاه
انا كدا كدا مدمر بلاش اكون انا و هي
هزيت حياه راسها بهدوء و خدته في حضنها و اتكلمت بحنان
= سبيها على ربنا مش هيضيعك لو انت مبتعملش الغلط
خرج تميم من حضنها و هو بيهز راسه بدموع
اتكلمت حياة بحنان
= انا همشي عايز حاجه
هز راسه بالنفي
كانت لسه هتمشي بس وقفها و هي بيتكلم بأستغراب
= ماما انتي عرفتي عنوان البيت هنا ازاي!
انا مقولتش عليه قبل كدا قدام حد!
حياة بتوتر
= امممم
لما مامتها جت عندنا و اتكلمت معاها هي قالتلي
هز تميم راسه بأستغراب و حياة مشيت بسرعه و هي بتتهرب من نظراته
في السجن
دخل حازم الدمنهوري مكتب المأمور بعد ما قالوله انه ليه زياره
دخل و انصدم بشده لما لاقى عدي قاعد ببرود
اتكلم المأمور بهدوء
= طب هسيبكم لوحدكم
خرج المأمور و اتكلم عدي بسخرية
= تعال يا حازم ليك وحشه و الله يا جدع
بس تصدق بدله السجن لايقه عليك
و الجر.وح اللي في وشك تحفه عليك الظاهر ان رجالتي عاملين الواجب و زياده
حازم بغضب
= عايز ايه تاني!
انت مش بلغت عني و شوهت سمعتي و طلعتني بتا.جر في الاعضاء
عدي قام وقف قدامه و اتكلم ببرود
= تؤ تؤ انت اللي كدا انا بس كشفتك على حقيقتك قدام الكل و جابتك للمكان الصح
و انت اللي بدأت
ايه مفكر اني هسيب حقي و حق مراتي كدا
الظاهر انك مفكرتش قبل ما تلعب انت بتلعب مع مين انا عدي الهواري فاهم يعني ايه
ميغركش اكبر جراح في مصر و صاحب مستشفى من اكبر مستشفيات الوطن العربي و الكلام دا كله دا كلام جرايد
انا بفعـ.ص اي حد يجي عليا و انت جيت على قلبي دمرتني سنتين كاملين و دلوقتي انت لازم تدفع التمن
حازم ببأبتسامه
= بس حققت كل اللي انا عايزاه و شوفت تدميرك قصاد عيني
عارف انا ممكن ادفع عمري كله بس اشوفك مدمر و حزين
انت خدت كل حاجه
انا في المجال من قلبك و مع ذلك انت خديت كل حاجه حتى البنت الوحيده اللي حبيتها من قلبي هي كمان حبتك مع انك كنت عارف اني بحبها و مع ذلك روحت اتجوزتها
بس انا بعدتكم عن بعض و فضلت اراقبها من بعيد بس بسبب حضرتك انا معرفتش ابقى معاها
روحت عرضت عليها اني اساعدها عشان تطلق منك مقابل انها توافق تتجوزني بس رفضت
برغم كل اللي عملته فيها بس كانت مُخلصه ليك برضوا
هتفضل هبله و مُغفله و
بقلمي يارا عبدالعزيز
قاطعه عدي و هو بيمسكه من هدومه بغضب مفرط
= اياك تتكلم عنها انت فاهم
و انا و تيا مستحيل نبعد عن بعض مهما حاولت
حازم بسخرية
= امممم
ما انتوا حاليا بعاد عن بعض معاك و مش معاك
انت كسرتها كسره مستحيل تنساها
و هتفضل عمرك كله مدمر مش مهم انا بقى حتى لو هاخد اعد.ام المهم انكوا بعاد عن بعض
عدي ببأبتسامه سخريه
= هبقى اجيلك انا و هي زياره قريب
حاول تستفيد من قعدتك هنا اتعلملك شغله عشان مهنه الطبيب و مستقبلك كله خلاص راح منك
سلام يا دكتور و انا عند وعدي هجبها و اجاي قريب جدا
قال كلامه و لبس نضارته الشمسية و مشي بكل هيبته
تحت نظرات الغضب الشديد من حازم
اسر كان واقف قدام مدرسه فريده و مستنيها تخرج
بصلها بعشق و خصوصاً بطنها اللي انتفخت بشكل ملحوظ بعض الشئ بسبب دخولها في الشهر الخامس و هي بتودع واحده صاحبتها قدام المدرسه
دخلت العربيه و اتكلمت برقه و هي بتقـ.بل خده
= وحشتني
قبـ.لها بعشق و اتكلم ببابتسامه عشق و هو بيمشي سبابته على خدها
= و انتي اكتر يروحي
فتحت عينيها بخجل و هي بتبص لشباك العربيه اتنهدت براحه لما لاقته مقفول
اتكلم ببأبتسامه
= و حتى لو شوفنا ايه اللي فيها!
حان وقت معرفه المفاجأة اللي مخبيها من شهور
سقفت بفرحه و اتكلمت برقه
= متحمسه اوي يلا بينا
طلع بالعربيه و هو بيبصلها بعشق و حاطط ايديه على بطنها و بيحركها بحنان
بصتله ببأبتسامه و حطيت ايديها على ايديه
وصل قدام الشركه و مسك ايديها و دخلوا
كانت ماشيه معاه بتبص للشركه باستغراب
دخل غرفه مكتبه و اتكلم بأمر للسكرتيره من غير ما يبصلها
= اجلي كل حاجه دلوقتي
هشوف كل حاجه بعدين
هزيت السكرتيره راسها باستغراب و هي بتبص لفريده و بتتفحصها و مستغربه لبسها و سنها و بطنها المنتفخة و اسر اللي ماسك ايديها بقوه
دخل اسر غرفه المكتب و معاه فريده
قعدها على كرسي مكتبه و اتكلم بحنان
= ايه رأيك
ابتسمت باستغراب
اتكلم بحب و لهفه
= الشركه دي بتاعتي و الملفات اللي قدامك على المكتب دي كل انجازتها من وقت ما ابتديت
و باذن الله هفضل وراها لحد اما اخليها اكبر شركه مقاولات في مصر
قامت من على الكرسي و ابتسمت بدموع و حضنته بكل قوتها
= ايه الجمال دا كله!
مش مصدقه دا من امتى
يعني دي كلها بتاعتك و انت اشتغلت بكليتك بجد و حتى لو مبقتش اكبر شركه انا هفضل ديما فخوره بيك و بكل حاجه بتعملها
مُبارك عليك يحبيبي
اتكلم بعشق و هو بيحاوط خصرها
= هي دي المفاجأة اللي كنت بحضرلها مكنتش عايز اقولك عليها الا لما احقق فيها عشان اشوف النظره و الفرحه دي
اتكلمت برقه و هي بتقعده على الكرسي
= طب يلا بقى ابدأ الشغل متأجلش حاجه و انا هعقد هنا على الكنبه اتابعك
كملت بغيره و هي بتهمس جنب ودنه
= هو الينفورم هنا لازم جيبه قصيره زي اللي السكرتيره لابسها برا دي
هز راسه بالنفي و اتكلم بأستغراب
= لا السكرتيره ملهاش ينفورم معين اصلا
انكمشت ملامحها بغيره و اتكلمت برقه و هي بتحرك ايديها على خده
= طب هو ينفع يحبيبى تعقد كدا و اللي رايح و اللي جاي يبص عليها كدا
هااا ينفع يروحي
بلع ما في جوفه بضعف و اتكلم بهمس
= لا
عايزيني اعمل ايه
فريده بغيره و هي بتقـ.بل رقبته
= حط حد تاني مكانها
يااا ست عجوزه يا شاب ولد ممكن
مسك ايديها و قعدها على رجله و اتكلم بهمس
= حاضر هبقى احط اعلان في الجرايد بس لازم هي دلوقتي لحد اما الاقي
اتكلمت بضيق
= ماشي يا اسر
كملت و هي بتتكلم برقه و بتقوم من على رجله
= اشتغل يلا متحمسه اشوفك اوي و انت بتشتغل
قالت كلامها و قعدت على الكنبه و فضلت متابعاه بحب و هو بيشتغل
في منزل روان
رحيل بدأت تفوق تدريجياً ، لاقيت تميم قاعد جانبها
اتكلم بحنان و بعض الخوف
= احسن دلوقتي
هزيت راسها بهدوء و بعض الارهاق
كانت لسه هتتكلم بس قاطعها و هو بيحط ايديه على شفايفها
= شششش
بلاش تزعقي و توتري غلط عليكي و على الجنين
بصتله بدموع و اتكلمت بهدوء
= انت اللي بتعصبني
لما بتعند معايا و مش بترضى تعمل اللي انا عايزاه
تميم بحزن
= و انتي عايزه ايه
رحيل بحده
= اطلق يا تميم
هز راسه بدموع و الم ، بصتله باستغراب
مسك ايديها و همس جنب ودنها
= تعرفي انك وحشتني
اعمل متابعه لصفحه يارا عبدالعزيز الروايه بتنزل عندها قبل اي حد
حاولت تبعد ايديها عنه بس معرفتش
حرك ايديه التانيه على وشها بحنان و ميل على وشها و قبـ.لها بعشق و ضمها ليه اكتر ليأخذها معاه الى عالمهم الخاص بهم
بعد فتره من الوقت
بصلها و هي نايمه بعشق و حرك ايديه على خدها بحنان
اتكلم بدموع
= مش هكون اناني معاكي اكتر من كدا
لو قولتلك هبقى بعرضك انتي و ابني للخـ.طر
و لو مقولتش هتفضلي كرهني و هتأذي نفسك زي ما كنتي عايزه تعملي انهارده
هد.بح قلبي عشانكوا
خد بنطلونه من على الارض و لبسه و هو بيبصلها
كمل لبس و رجع قعد جانبها
قبـ.ل كل انش في وجهها بدموع و كتفها و عنقها و كأنه بيودعها
حسيت بدموعه على رقبتها و وشها
فتحت عينيها و هي بتبص لنفسها بغضب
كانت لسه هتتكلم بس قاطعها و هو بيبص لعينيها بعشق
= قولتلك متتعصبيش خلاص اللي حصل حصل
طلعنا مشاعر كتير كانت مكتومه تعرفي انا و انتي مستحيل نكره بعض مهما حصل بيننا لان قلوبنا مربوطه ببعض
كنتي وحشاني اوي و هتفضلي على طول وحشاني
بصتله باستغراب من لهجته و كلامه اللي بينفي تصرفاته
اتنهد بعمق و اتكلم بدموع و الم و هو حاسس بقلبه بيتقطع
= انتي طالق يا رحيل!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أمل الحياة (عشق التميم))
