رواية الظلم ظلمات الفصل الأول 1 بقلم مشيرة محمد
رواية الظلم ظلمات الجزء الأول
رواية الظلم ظلمات البارت الأول
رواية الظلم ظلمات الحلقة الأولى
واه ايه اللى جابك اهننه يخربيتك.
الشخص. خبر ايه يا وليه انتى ابتغلطى ليه اما انك وليا عجربه وغلاطه صوح.
امينه بصوت واطى. اجفل خاشمك يا واد المركوب انت ايه االى جابك اهننه مش خدت فلوسك وخلصنا عاد ولا ايه ولا هى قصة ابو زيد هنعيدوا ونزيدو فيها عاد.
الشخص. ايوه هى قصة ابو زيد وغنيوه زينه كمانى والفروجه اللى عتبيض بيضه ذهب وابقى حمار لو مكبشتش منيها على كد ما اقدر.
امينه. واه كنك بتهددنى ولا ايه.
الشخص. اللى تحسبيه، نهايتو اسمعى اللى الكلمتين دول لجل ماهعيدش كلامى ديه تانى ، قدامك يومين بس وعقد قيراط الارض يجينى لحدت عندى
والا قسما عظما لافضحك وبردك هاخد اللى انى عايزه ، واوعاكى عقلك يوزك ويقولك انك تقدرى تلعبى بديلك امعاى علشان وقتها هقطعهولك.
*********
قصتنا انهرده توجع اوى قصة توجع اى حد مقطوع من شجره او لو حتى فى الناس فى حياته بس وجودها زى عدم وجودها مش فارق كتير.
ويا وجعه بقا لو الدنيا كملت عليه وزرعت فى حياته ناس ماتعرفش ربنا، طماعه، غداره ، ناس عندها متعه غريبه انها تستمتع بوجعك والمك.
تعالو نشوف فدوة وحكايتها مع الدنيا دى، والمستخبى ليها.
انتى يامخفيه يلى اسمك فدوه
انتى يا هباب البرك انتى
فدوه. ايوه يامه انى هنا فى المطبخ عايزه حاجه.
امينه. وهو انى اما اندهلك تردى وانتى حداكى يا بهيمه انتى فزى تعالى اهنه.
فدوه جت. ايوه يامه ادينى جيت خير
امينه. كل ديه بتعملى شوية اكل اشحال مااحنا بطولنا ولاعيل ولا عزوه.
فدوه بكسره من غير ما تعلق كتى عايزه حاجه يامه.
امينه. وانى هعوز منك ايه يابارده انتى ولا انتى بتعملى ايه ولا لزمتك ايه فى الدنيا من اساسه.
فدوه بدموع. لازمته ايه الكلام ديه يامه انى عميلت ايه.
امينه. عملك اسود ومنيل خدتى ابنى من حضنى خلتيه يكسر كلمة امه. بقلمى. مشيره محمد
فدوه. ديه نصيب يامه انى بس نفسى اعرف انتى مطايجنيشى ليه دانى عمر ماعملت حاجه تزعلك ومابقولشى غير حاضر ونعم.
امينه. وانتى تقدرى تقولى غير اكده كت رميتك للشارع اللى جيتى منيه.
فدوه. الله يسامحك يامه بس انى مش من الشارع. بقلمى. مشيره محمد
امينه. لا من الشارع ولو ولدى طلقك دلوك هترجعى للشارع تانى، اوعاكى يابت تكونى فاكره ان مرت عمك هتقبل برجوعك لدارها تانى دى مصدقت تخلص منكى وتفوق لبناتها بعد ما خدت ورثك كلاته، وانى اللى ابتليت بيكى، غورى هاتيلى الملس بتاعى خلينى اروح مشوارى وارتاح من شوفتك شوى،
وانتى تخلصى اللى وراكى وتروحى حدا سعديه مرت شفيق الكلاف حدا سراية الزيات جوللها امى عايزه الجمعيه فى التو واللحظه وعايزه الجمعيه كامله ما نقصاشى مليم، وتاجى قوام قبل ما يجى جوزك ، عايزه الاجى الدار بتنور لما ارجع فاهمه ولا لاه
فدوه بقهر ودموع. حاضر يامه حاضر.
*فى مكان تانى*
امينه. قولتلى هتغور من الدار ولساتها جاعده وبعدهالك يا عيسى
شغل الدجل والشعوذه ماتعملهوشى معاى احسنلك
عيسى معروف فى بلدهم بالدجل والسحر قال وهو بيرمى البخور فى النار.
بس ماتنكريش انها ماحبلتش لحد دلوك وديه مهم بردك.
امينه. مطيجهاش فى دارى وكمانى بت اختى اخاف تتجوز وانى لازمن اجوزها لعمران.
عيسى. وفيها ايه لو اتجوزها الشرع حلله اربعه.
امينه. لاه بت اختى تدخلشى على ضره ابدا، وكمانى اهلها ما يرضوهاشى وهو كمانى البت واكله عقله يا عيسى
عيسى. طيب خدى الجزازه دى رشى على عتبتها صبح ومسى والحجاب ديه دسيه فى خلجاتها وولدك هبعد عنيها واحده واحده وانتى كمانى اعملى اللى تقدرى عليه دانتى امينه بردك ان كيدهن عظيم.
بقلمى. مشيره محمد
♡فى سراية الزيات ♡
فدوه رايحه جايه حوالين سور السرايا ومش عارفه تعمل ايه بقت تنادى وخلاص بصوتها الضعيف.
ياخاله سعديه.. ياخاله سعديه.
سمعت اللى بيرد عليها وبيقول.
وهى خاله سعديه هتسمعك من هنا برضو.
فدوه. وانى يعنى اعمل فى الحصن ديه تقولش السريا هتتخطف يلا هنجول ايه اللي معاه قرش محيره
_ضحك على كلامها وطريقتها وقال.
انتى اللى محيره نفسك البوابه هناك من الناحيه دى خبطى عليها هيفتحولك.
فدوه. واه ايوه صوح يخربيت البهايم…. متشكرين ياواد عمى بالاذن.
مشيت فدوه على وصف الشخص لما وصلت للبوايه لاحظت ان الشخص نفسه ماشى وراها.
زعقت وقالت. جرى ايه ياجدع انت ايه البجاحه دى لهو انت لجل ما دلتنى عالطريق تمشى ورايا، بقولك ايه ياجدع انت امشى احسنلك لهصوت والم عليك الخلق، اتكسف على طولك وانت زى الطور اكده وتقطر الحريم.
غفير من غفر السرايا فتح البوابه على صوت فدوة فقال.
حمدالله بالسلامه يا ادهم بيه نورت البلد يابيه.
فدوة لطمت على خدها ورجعت لورا
وقالت. يامرارى.
ادهم وهو بيبص ل لفدوه بحاجب مرفوع. خد الست وصلها لسعديه وانتى ياشاطر ابقى شغلى دماغك بدل لسانك.
بعد مادخل ادهم فدوه قربت من الغفير. الا قولى ياخوى مين الجدع ديه.
الغفير. وانتى جايه لسعديه ولا علشان تتحشرى فى اللى مايخصكيشى.
فدوه. واه مالك حمجى اكده ليه هو السؤال حرم اياك.
الغفير بتريقه. لاه ماحرمشى ياختى
ديه صاحب السريا ادهم الزيات ابن المرحوم طاهر الزيات بس ما جعدش اهنه جاعد فى اسكندريه وكل فين وفين لما بياجى البلد.
فدوه ضحكت. هههه لاه باين عليك كتوم وماعتحبش الرغى الكتيرصوح.
الغفير. ايوه امال ايه همى يلا تعالى اوديكى لسعديه بس لهو انتى عايزاها فى ايه.
فدوه قلدته. واه وانت حشرى اكده ليه خليك فى حالك
♡ جوه السريا ♡
دولت ولدت ادهمّ. حبيبى وحشتنى اوى يا ادهم كل ده ماتسالش عنى وماتجيش الا لما ابعتلك.
ادهم. ازيك ياست الكل، انتى كمان وحشتينى اوى، وبعدين ياماما انتى فاهمه الشغل مش بيرحم.
دولت. عارفه ياحبيبى مش عارفه فيها ايه لوكنت سمعت كلامى وفضلت هنا معايا فى البلد تراعى مصالح بباك الله يرحمه انت اصلا مش محتاج للشغل يا ادهم.
ادهم اخدها من اديها وقعدوا. ياماما ياماما انتى ما بتزهقيش من الكلام اللى بتكرريه كل زياره ده، بعدين ياستى ماانا طول عمرى بسافر مش جديد يعنى والا ماكنش ليه لازمه بقا دراستى بره.
دولت. عارفه مش هاخد معاك حق ولا باطل يلا اطلع غير هدومك عقبال ما انده للخدم يجييوا الشنط.
ادهم افتكر. اه صحيح دا العربيه اتعطلت قبل مدخل البلد.
دولت. ده بجد طييب جيت ازاى.
ادهم ضحك. ايه ياماما هو انا خواجه اتمشيت لهنا عادى يعنى.
دولت. طييب هبعت حد من الغفر يتصرف
ادهم. طييب تمام المفاتيح اهه ولا ابعت حد انا.
دولت. لا اطلع انت استريح عقبال ما اخليهم يعملولك الاكل اللى بتحبه.
ادهم طلع اوضته قرب من البلكونه شاف فدوه ماشيه مع سعديه ناحيه الباب وهى بتشوح باديها وواضح انها بتتخانق مع سعديه.
ادهم ابتسم. مجنونه بس لذيذه.
♡فى بيت فدوه♡
رجعت قبل حماتها وبسرعه خلصت شغلها وعملت الاكل وجهزت البيت علشان تتقى شرها من اللى بتعمله معاها. بقلمى. مشيره محمد
دخلت امينه عالساكت و فدوه من تعبها ماحستش بيها لانها كانت تعبانه وامينه لاحظت ده لما فدوه كانت بتكنس وباين عليها التعب وماسكه دماغها من الدوخه امينه شافتها وقلبها اتقبض واتاكدت من شكها ان فدوه حامل خصوصا انها من امبارح كل شويه ترجع واكلها تقريبا مافيش، شيطانها سيطر عليها وقالت لنفسها.
واه نهارك كيف خلجتك يابعيده كنك حبله يا بت المركوب لااااه على جثتى لا يحصل ولا يكون ابدا.
ندهت عليها. انتى يابت يا فدوه عملتى ايه جبتى الجمعيه من خالتك سعديه.
فدوه. واه يامه فزعتينى.
امينه. ليه يا معدوله شوفتى عفريت
فدوه. لاه يامه اسم الله عليكى بس يعنى محسيتش بيكى وانتى جايه.
امينه. طيب اخلصى جبتى الفلوس
فدوه ادتلها المبلغ اللى سعديه ادتهولها. دول بس اللى عرفت تجمعهم وبتقولك يومين وتشيعلك
الباقى.
امينه زعقت. وانتى يا مايله انتى سكتلها ليه ديه دورى انى بت المركوب دى، من الفجر تروحيلها وتجبيهم وماتاجيش الا وانتى جايبه الباقى فاهمه ولا لاه.
فدوه بقلة حيله. حاضر يامه
اخر اليوم عمران رجع البيت.
عمران. سالخير يامه.
امينه. يسعد مساك يا ولدى تعال
عيزاك فكلمتين.
عمران. خير يامه قولى.
امينه بلوم. زمان حكمت رايك وعصيتنى واتجوزت على كيفك وهملت بت خالتك اللى كيف البدر واتجوزت واحده مقطوعه حتى اللى منيها واكلين حقها وعمها نهب ورثها وحتى السؤال مابيسالشى عليها واهه داخله على السنه ونص ولساتها ماحبلتش.
عمران. يامه ديه نصيب وربك لما ياذن هيوحصل انتى بس ادعيلنا وبلاه الظلم يامه فدوه غلبانه وطيبه وطوعك، وانى ماقولتش حاجه على بت خالتى هى على راسى من فوق بس القلب ومايرد.
امينه بلوم . انى ظالمه يا ولدى الله يسامحك وانى اللى قولت اشور عليك تروح لدكتور لجل ما نطمنوا انك زين و هيبقى سر بيناتنا
ومرتك ما هتعرفش بيه واصل، ان كان خير يبجى تتجوز ماهو ربنا محللك تتجوز ومرتك ما هتجولش لاه، ولو بعيد الشر لجينا حاجه عفشه يبجى يادار ما دخلك شر ونكفوا عالخبر ماجور قولت ايه.
عمران بتفكير. كلامك زين يامه خلاص القول قولك بكره الصبح هروح المشتشفى فى المركز وربنا يقدم اللى فيه الخير.
امينه بسرعه. انى جايه معاك
عمران. يامه المشوا طويل عليكى هتتعبى.
امينه. تعبك راحه يا ولدى يلا قوم اتسبح وتعال ناكلوا لقمه سوا.
تانى يوم عمران لابس على غير العاده فاستغربت فدوه وقالت.
واه ايه الخلجات دى يا عمران انت مارايحش الشغل ولا ايه رايح على وين؟
عمران بلخبطه. رايح ويا امى المستشفى فى المركز قالتلى امبارح انها تعبانه شويه هوديها مستشفى المركز لجل ما اطمن عليها
فدوه. ما الوحده اهه اقرب وامى فيها ايه ماهى زينه اهه
عمران. جرى ايه يا فدوه هو تحقيق ولا ايه انى ماشى.
فدوه لنفسها. واه اسمه ايه ديه ماله محموج اكده ليه انى قولت ايه يعنى. بقلمى. مشيره محمد
اخر النهار رجع عمران وامه بس كانت فدوه مش فى احسن حال وتعبانه جدا وده باين عليها.
عمران قرب منها. واه مالك يا فدوه فيكى ايه
فدوه. مافيش ياخوى انى زينه اطمن
عمران بخوف. اطمن كيف وانتى وشك اصفر ومجداش تتحدتى ولا تاخدى نفسك حتى، طيب قومى معاى نروحو الوحده قومى
امينه بخوف ليعرف بحمل فدوه اللى هى متاكده منه.
واه مابتقول انها زينه ما تجمد يا عمران متبقاش خرع اكده.
عمران. ابااااى يامه قومى معاي يا فدوه يلا.
فدوه بكسوف. انى عارفه فيا ايه ياخوى ما تخافش على
عمران. فيكى ايه لهو انتى بقيتى دكتوره لجل ماتعرفى مرضك؟
فدوه بتردد. اانى.. يعنى… باين اكده.. انى حبله.
عمران مش مستوعب اللى سمعه بصلها وقال. واه بت يا فدوه انتى واعيه بتقولى ايه انتى متوكده يابت.
فدوه بكسوف. باين اكده يا عمران ربنا رايد يفرح قلبى وينصفنى.
امينه. ينصفك من مين يابت وبعدين انتى بتتحدتى بجلب جامد اكده ليه خبيره اياك.
عمران. جومى تعالى معاى ارتاحى والصباح رباح نروحوا الوحده للدكتوره تشوفك.
والصبح عمران خد فدوه وراحوا الوحده واتاكد فعلا انها حامل والفرحه اللى كان فيها عمران ما كانتش تتوصف بس امينه كانت هتموت من قهرها علشان حمل فدوه اللى عرفه عمران.
اما فدوه فاتعشمت ان الحمل ده هيرحمها من حماتها واللى بتعمله فيها واهى الحمدلله ضمنت حياتها مع عمران وربنا هيفرحهم بعيل يملى عليهم حايتهم.
يدوب فدوه ارتاحت اليوم ده و من تانى يوم ومن بدرى بعد عمران ماراح شغله امينه قررت تتعامل ولا كانها حامل بالعكس دى بتتمنى تروح فى داهيه هى واللى فى بطنها.
امينة. انتى يازفته ياللى اسمك فدوه
فدوه بتعب. ايوه يامه نعم
امينه. انجرى روح لسعديه هاتى بقيه الجمعيه.
فدوه. والنبى يامه خليها لبكره انى مقدارش وروحي رايحه
امينه. واه ومين اللى يروح ان شاء الله انى يابت ناقص كمان تقوليلى اطبخى واكنسى ما انتى بجحه وقليلة ربايه، انتى يابت هنا خدامه وان كان عاللى فى بطنك اللى لسه لاعرفناله اصل من فصل ديه تنسى خالص انك تتقوى بيه وتحطى فى بالك يا مقطوعه انتى انك مش هتعمرى اهنه كتير، يلا غورى واياكى ترجعى من غيرهم وكمانى اياكى تعوجى.
♡وفى السرايا♡
فدوه بتخبط والغفير فتح فقالت سلام عليكم.
الغفير. وعليكم السلام انتى يابت مش كتى اهنه امبارح جايه تانى ليه
فدوه. وانت مالك ياجدع انت هو انى جايه اكل اكلك انى جايه فى طلب وماشيه.
الغفير. لو جايه لجل سعديه فريحى روحك سعديه مش اهنه.
فدوه بخضه. واه راحت فين عاد.
الغفير. ماخبرش يلا يابنت الناس اتوكلى على الله.
فدوه بتعب. طيب خلينى ارتاح جارك اهنه الله يرضى عنيك عقبال ماتاجى.
الغفير. انى ماخبرش هى جايه ميتى وكمانى البيه لو شافك هيقطع عيشى
فدوه هزت دماغها بحاضر وطلعت والغفير قفل البوابه وراها، كانت ماشيه بالعافيه و غير خوفها من حماتها علشان ما جبتش باقى الفلوس بقت ماشيه تكلم نفسها.
فدوه لنفسها. انتى مره نحس من يومك وبختك امهبب هتعملى ايه ياحزينه دلوك وهتقوللها ايه، ولا هو يعنى انتى لو قولتى هتعمل هى لقولك حساب يامرك يا فدوه .
صوت من ورها قال. هو انا ماشوفكيش الا وانتى بتكلمى نفسك.
فدوه بصت بسرعه. واه لمؤخذه يابيه.
ادهم. مالك اتخضيتى كدا ليه انتى ايه حكايتك.
فدوه. ولا حكايه ولا غيره بالاذن.
يدوب فدوه مشيت خطوتين ووقعت من طولها وادهم شاف المنظر ده جرى عليها حاول يفوقها ما نفعش شالها ودخل بيها السرايا والغفير دخل وراه.
ادهم . ماما ماما
دولت. ادهم!!! ايه ده ومين دى
ادهم. تعالى بس الاول ياماما فوقيها
دولت. نيمها هنا عالكنبه دى وادخل هات البرفيوم من اوضتى.
دولت بصت للغفير وسالته. مين دى يا عبدالله.
عبدالله. دى واحده قريبة سعديه جاتها امبارح ورجعت جاتها انهرده كمان ماخبرش ليه وانى قولتلها انها مش جاعده ومشيتها.
ادهم كمل الكلام. وانا جاى لمحتها خرجه وبتكلم نفسها وشكلها كان تعبان وفجاة اغمى عليها.
دولت. الحمد لله اهه بتفوق.
فدوه فتحت عنيها واتلفتت حواليها وقالت. واه انى فين
دولت. براحه يابنتى بلاش تقومى بسرعه دى انتى شكلك تعبان قوى
فدوه بفرحة اطفال. ايوه انى تعبانه اصلى حبله جديد.
ادهم ابتسم على البراءه اللى فى كلامها وما علقش.
دولت. طيب ياستى مبروك انتى مين بقا وتقربى لسعديه ايه.
فدوه باحراج بعد اللى قالته. ماتقربليش بس حداها فلوس جمعية لحماتى وانى جايه اخدهم بس مالقيهاشى.
عبدالله. ما انتى جيتى امبارح ما خدتيش منها ليه.
فدوه وهى بتبص لدولت. ادتنى نصهم ياست ولسه الباقى وحماتى هتسود عيشتى عشان ملقتهاش.
ادهم. علشان كدا كنتى ماشيه تكلمى نفسك.
فدوه باحراج. اعمل ايه بس يابيه اصلك ما تعرفش حماتى ، يلا ربنا يتولانى بالاذن انى ومتشكرين يا ست هانم.
دولت.استنى يااا
فدوه.. اسمى فدوه
دولت طيب استنى يا فدوه هخلى حد يوصلك.
فدح.تسلمى وتعيشى مالهوش لزوم انى زينه.
دولت باصرار.قولت استنى.
دولت.عبدالله خلى حد يوصل فدوه لحد بيتها.
عبدلله.اوامرك ياهانم.
وفعلا حد من الغفر وصل فدوه وقبل ماتنزل مد ايده بفلوس ليها
فدوه. ايه ده يا واد عمى.
الغفير.ادهم بيه قالى ادهوملك لما توصلى دارك
فدوه. وصل الامانه تانى لصاحبها يا واد عمى وقوله متشكرين لا تزود ولا تنقص.
♡فى بيت فدوه ♡
وصلت وهى بتفكر هتعمل ايه مع حماتها حتى لو ملهاش ذنب فى انها ما لقيتش سعديه. بس اتفاجئت
لما دخلت بعمران موجود.
فدوه. العوافى عليكم.
عمران ووشه مقلوب. كتى في فيييين.
فدوه بصت لحماتها فدورت وشها بعيد فقالت. امى امينه شيعتنى لخاله سعديه.
امينه بخبث. انى.. انى يابت انى بعتك فى حته انى يا مقصوفة الرقبه يااللى مالكيش حاكم.
فدوه هتتجنن. يامرى انى يامه؟؟؟ هو انتى مش شيعتينى اجيب بقيت الجمعيه من خاله سعديه.
عمران بكل قوته شد شعرها كتى فين يابت انطقى انى لساتنى مقابل الخاله سعديه يعنى لو كتى معاها كت شوفتك انطقى يابت.
فدوه بتستنجد بامينه. الحقينى يامه
ليه اكده اشحال ماانتى اللى بعتانى
يالههوى، غتينى يامه انا فى عرضك.
امينه بجبروت. يعنى فلتانه وكدابه وتقولى غتينى يا ام عين بجحه انتى.
عمران وهو بيضرب فدوه. يوماتى مشوار بحجه شكل وانى نايم على ودانى وكل ما امى تقولى اقول ظلماها وجاى عليها وادينى باجى من شغلى الاقى مرتى موجوده ولقمتى جاهزه وهى يعنى هتروح فين. بقلمى. مشيره محمد
امينه بمسكنه. اكده يابن بطنى يعنى ديه جزاتى انى بنبهك وانور عليك طيب اديك جيت عالسكت اهه ايه قولك بقا.
عمران. حقك عليا يامه وانتى بقا انى هعرف اخليكى تنطقى وتقولى كتى فين انجرى قدامى.
ياترى امينه ناويه على ايه لفدوه وموقف عمران هيبقى ايه؟ 🤔
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الظلم ظلمات)
