رواية زوجتي الجريئه الفصل الثالث والعشرون 23 بقلم منة محمد
رواية زوجتي الجريئه الجزء الثالث والعشرون
رواية زوجتي الجريئه البارت الثالث والعشرون
رواية زوجتي الجريئه الحلقة الثالثة والعشرون
تلفونها رن قامت اتعدلت وإيدها ع راسها من الصداع اللي حسته
امجد: ازيك يا ريشه عامله ايه
ريشه بهدوء : الحمد لله كويسه
امجد بغيظ: لما هو كويسه ليه متصلتيش بيا من يومين
ريشه بأرهاق وتعب : امجد انا عندي صداع فظيع بيجي وري بعضه عشان كده مش قادره اجمع خالص
امجد: اوكيه لو مش عايزه جوزك ياخدك المستشفي انا اجي اخدك
ريشه: لاء ده صداع نصفي والدكتور هيديني مسكن او دواء للصداع متشغلش بالك
امجد: انتي بجد عنيده وانا اعند منك لان عندك صديق مش عايز يشوف صديقته العزيزه مريضه
ريشه ابتسمت: متقلقش بعد ما باخد المسكن بتحسن ولو اتحسنت هقابلك
امجد: الامر راجعلك يا رشا ولو بجد في ايه حاجه اتمني تبلغيني واهتمي بصحتك سلام
سالي واقفه مربعه عند الباب: امتي هشوفها
امجد ابتسم: مين دي يا عمتي
سالي دخلت وأأعدت: الي شاغله قلبك وعقلك ياروح وقلب عمتك وواضح انها اكتر من صديقه عزيزه
امجد وهومبتسم : تمام هي زياده شويه عن صديقه
سالي مبتسمه: طيب امتي ناوي تعرفني عليها قلت اسمها ايه ريشه
امجد: هي اسمها الحقيقي رشا اما الدلع ريشه وهي يا ستي سبيشل جدا
سالي: تمام احكيلي عنها
امجد: دلوقت
سالي: ايوه لوقت
امجد: لا احنا هنشتغل انا وانتي عشان كدا خلينا نحكي في الشغل
سالي: يا مجود قولي
امجد: مش دلوقت خلينا في الرساله الي بعتهالي بالبريد
………………………………….
في الكافيه توتا راحت تقابل يحيي وتحكيله مقابله رشا ليها وهو بيسمع ومضايق
يحيي: يعني قالت لك كده
توتا: بنفسها ليه عايز تفضل معاها حبيبي طلقها وخلاص واظن عندك كذا دافع انك تطلقها في اي وقت
يحيي: هو انتي مفكره الطلاق سهل
توتا: ياروحي هي عيانه ومجنونه هو انت مستعد تكمل حياتك كلها مع واحده عيانه او انت هتراعي واحده عيانه
يحيي: هي تعبانه بسببنا طول الوقت متوتره ومضغوطه
توتا: دي بتمثل بس كام مره هقولك هي عايزه تصعب عليك انت ليه غلبان كده لما تكح شويه تعمل ضجه حواليها
يحيي: لاء هي فعلا تعبانه مش بتمثل وواضح عندها مرض وبتخبي كل ده عشان تهتم بيا وتقوم بواجبتها كزوجه
توتا: يعني ممكن تكون حامل
يحيي: وفين المشكله لو هي حامل انا جوزها
توتا: اه يعني معندكش مانع لو حامل ولا انت قربت منها
يحيي ارتبك: لاء انا محصلش انا منمتش معاها
توتا: افتكر اني قولتلك متخلهاش تلمس شعره واحده منك
يحيي: وانا عملت كده
توتا: كويس بس شفت امجد بيديها كتب للاطفال لو هي مش حامل ليه عطهولها انا عرفت معني كدا انها حامل منه طالما مش منك فلو كده معناها تطلقها ونكون سوي بكل سهوله وكمان ترفع عليها قضيه زنا ومتاخدش اي حاجه وبعدها نتجوز مش كدا يا حبيبي انا عارفه ان امجد وضيع هو عنده عاده يخطف اي ست متجوزه وعمل علاقه مع رشا وخلاها حامل شوفت قولتلك خاينه طلقها ونعيش مع بعض في منتهي السعاده
يحيي اصلا مكنش مركز معاها كل تركيزه هي فعلا رشا حامل !ولو كده ليه خايفه وبتخبيه عليه
…………….قصص منه محمد كاتب……………….
في الشركه قاعد تركيزه مشتت في كلمتها الي عماله تتردد في دماغه
=ريشه صرخت بنفعال: سبني اموت عشان اريح قلوبكم هاخد ايه من العلاج
حاتم دخل: يحيي راجعت ع صيغه الاجتماع بالبريد اتأكد منه
يحيي كان في عالم رشا وليه بتخبي عنه
حاتم إستغرب من وش يحيي اللي انقلب فجأه ألوان حرك ايده قدام عيون يحيي: يحيي مالك شكلك مش معايا
يحيي انتبه ورد : لاء انا كنت بفكر لان توتا بتقول ان رشا حامل
حاتم: مين توتا هي زوج ريشه
يحيي: لا انا جوزها
حاتم: خلاص انت ادري اكتر منها وبعدين انت مش قربت منها طبيعي تبقي حامل
يحيي بحيره : مش عارف كلام توتا لخفني
حاتم: اه انت عايز تصدق كلام توتا اسمع كل كلامها مفيش منه حاجه تتصدق مش قادر تفكر
يحيي بصوت فيه خنقه : حاتم رجاء افهمني توتا قالت ان مراتي حامل من امجد
حاتم: استغفر الله العلي العظيم ايه العك ده , ده افتراء عظيم ياتري سالت مراتك لو حامل
يحيي: لاء طبعا اتجننت مقدرش اسالها
حاتم: تمام امال ازاي هتعرف بس لو كنت عايز تتاكد من الامر اتأكد الاول ان الطفل من امجد مش ابنك وقبل كل ده فكر لان فيه حاجات تتصدق وحاجات متتصدقش اطلع من الحاله دي ( حط ايده ع كتفه) وانا لازم امشي
……………قصص منه محمد كاتب………………
يحيي رجع البيت ودخل التوالت وبقي يفتش في كل حته زي المجنون يمكن يلاقي اختبار حمل مرمي في الزباله وبعدها دخل اوضتهم وقلبها فوقاني تحتاني انه يلاقي اي حاجه تأكد انها حامل مفيش نزل لقاها قاعده ع الموبيل ووهي بتضحك بسعاده بصلها بغيظ
ريشه بصتله: يله نتغداه
يحيي مسك ايدها : اقعدي ( مسك كتاب من ع التربيزه وفرها) كتب للاطفال
ريشه: ايوه كنت باخد فكره عشان اعرف اكتب
يحيي : بس ليه بقيتي تقرئيها فجأه
ريشه: عايزه افهم دنيا الاطفال اكتر يعني نفسي اعيش في عالمهم
يحيي قال بسخريه : ودي بقي الي هتعلمك
ريشه: ايوه
يحيي: بس كويس بشوفك في الفتره الاخيره مبقتيش ترجعي كتير انتي بقيتي كويسه
ريشه:ايوه لما بحس بدوخه برجع بس انت بتسألني لانك عايز تاخدني للمستشفي مره تانيه
يحيي: ايوه
ريشه: لاء انا زي الفل طالما مش بتعملي مشاكل وتضايقني انت وتوتا
يحيي بغيظ : انتي ليه عايزه تشاركيها معانا دلوقت انتي الي مضيقاني بشوفك دايما ماسكه التلفون وتفضلي تضحكي مين بعتلك رسايل امجد
ريشه: ايوه هو بيتكلم عن الكتب وبنضحك ع تأليف القصص وبجد بيقدر يفصلني ضحك
يحيي اتحول بغضب وقال بقوه ونظراته اتغيرت ميه وعشرين درجه وبقت شرسه: هاتي موبيلك
ريشه: ليه
يحيي زاد غضبه : بقولك هاتيه
ريشه حطت الموبيل وري دهرها : ماشي اديني كمان موبيلك ولا انت بس الي من حقك تضحك وتهزر مع توتا بسعاده ويله عشان جعانه
يحيي مسح وشه وراح وراها وهو ع اخره
…………….قصص منه محمد كاتب………………
في النادي
ريشه بصتله بسعاده: كان عندك حق الواحد محتاج وهو بيفكر في روايا يغير جو
امجد: ممكن اسألك سؤال ليه عايزه تكتبي القصه دي بالذات
ريشه بهدوء : عشان عايزه الاطفال الي بيزعلوا ويحزنوا يحسوا ان لسه فيه امل قبل ما يستسلموا
امجد: تمام حبيت الفكره لكن الكتابه هتبقي صعبه جدا
ريشه: ولا صعبه ولا حاجه انا قادره اكتب لان الورشه الي عملنهاها فادتني كتير
امجد: هو كويس انك عايزه تحددي هدف وتكتبي عنه وهو موضوع يجذب الاطفال بس فاضل حاجه واحده ان مش كل فكره تطلع في دماغك تكتبها
ريشه: عارف ابنك بخته هيبقي حلو بوجود اب بيهتم بيه ع حق
امجد مثل الغرور : والله دي مشكلتك لما رفضتي تتجوزيني كنت ههتم بأبننا من اكل وتغير حفاضات وكل حاجه مش هخليكي تعمليله اي حاجه غير انك تخدميني انا وبس
ريشه بصتله وساكته
امجد: ايه مفيش اي رئكشن ع وشك ضحكه مثلا او زغده جامده في كتفي مفيش رد فعل اطلاقا
ريشه ضحكت اوي ضحكه لذيذه
امجد بنظره عاشق: هو ده تعرفي ضحكتك حلو اوي بترد الروح
ريشه: انت الي بتضحكني
امجد: مبسوطه انا عايز اظهر كل مواهبي( غنلها وعيونه بتلمع بسعاده ) بتضحكي ليه صوتي حلو انا لما كنت اطلع ع المسرح الناس كانوا بيصقفولي ويهتفوا بأسمي
رشا من كتر الضحك شرقت وكحت جامد
امجد سحب ازازه ميه بخوف عليها : اسف اشربي ميه
ريشه إبتسمت : صوتك بجد حلو
امجد : شوفتي
ريشه: بس هيبقي احلي لو قفلت بؤك خالص
امجد: دي اسمها وقاحه بس تعرفي انا ببقي طاير في السماء وانتي مبسوطه بصراحه بقول ده دايما لكن كلامي بيدخل ودنك اليمين بيطلع من الشمال بس دي الحقيقه
ريشه بنظره امتنان: الف شكر بجد يا امجد دعمتني وادتني دافع كبير اكتب واخرج من الاكتئاب الي كنت فيه
امجد: حلو ده جدا وده الي كنت عايزه منك بعتباري صاحبك العزيز واجبي اشجع صاحبتي الضعيفه
ريشه ضربته في كتفه بغيظ
امجد مسك كتفه : يعني ده عشان قلت انك ضعيفه امال لو قلت قويه
ريشه : انا اصلا قويه
امجد : انتي قويه ايتها الجميله جدا ممكن تديني موبيلك
ريشه : كمان بتغازل لاء مد ايدك وخده بنفسك
امجد اخده وقعد قصادها وفتح الكام وقالها : يله ابتسمي احلي ابتسامه
بعد وقت لطيف امجد وصلها لحد عربيتها ورجع تاني لسالي الي كانت متابعهم من بعيد وقد ايه مبسوطه اوي وهما مع بعض
سالي: هي دي رشا
امجد: ايوه ولو اتعرفتي عليها واتكلمتي معاها اراهن انك هتحبيها
سالي: زي ما انت بتحبها
امجد: ايوه بحبها كصديق
سالي : انت متاكد انها صديقه بس
امجد: لانها متجوزه مقدرش اتجاوز وانسي انها متجوزه
سالي : بس واضح انك بتحبها بجنون يا امجد
امجد : شوفي اخر مره اشتغلت معاها في شركه ابوها كنا قريبين لكن قدرها تبقي مع راجل تاني تقدري تقوليلي كنت اعمل ايه بستسلم
………………………………………
في منزل عائله يحيي تحديدا في المطبخ
خديجه سابت الملوخيه وراحت جنبها : قوليلي بصراحه توتا بتزعج يحيي وانتم سوي في البيت
ريشه بضيق : ماما خديجه ممكن منتكلمش عن ده مره تانيه انا قلقانه لعمي علام يسمع
خديجه بعدم مبالاه: خليه يسمع ويعرف انك مش غلطانه والغلطان هو ابنه
ريشه : يحيي كمان ابنك وبجد زعلانه عشانه اتجبر يسيب حبيبته ويتجوزني
خديجه : ريشه انتي لطيفه جدا معاه رغم متعرفوش بعص قبل كده وانا مش هجبرك تقبلي الوضع انا كمان ست وقادره افهم احساسك ولو قررتي
ريشه قطعتها: ماما التغير هيحصل بس لسه مجاش معاده احنا لسه متجوزين يادوب تسع شهور واظن كنت صابره فيهم وجايز يتغير
خديجه بأبتسامه: وانا عايزه اشكرك ع صبرك ع افعال وتصرفات ابني المشينه واتمني تكملي معاه وتكوني صبورة ده هيخليني احبك
ريشه: انا مزهقتش لسه من محاولاتي قوليلي ياتري حاولتي تقدمي النصيحه والمشوره لتوتا
خديجه اتنهدت : يوه كتير بس فضلت زي ماهي ده كان يحيي هيبوس ايدها تتجوزه بس هي كل مره كانت بتتحجج وترفض معرفش السبب ايه وعشان كدا جوزناكم لبعض وبصراحه احسن حاجه عملها ابوكي انه دخلك عيلتنا انتي الافضل والاجمل
ريشه : بلاش تمدحيني كتير بس حقيقي مقدره حبك ليا
خديجه: وانا بموت فيكي متقلقيش هقوله ميقابلش توتا تحت اي ظرف
ريشه : ميرسي لدعمك
خديجه: انتي زي بنتي واكتر وربنا الي يعلم
………قصص منه محمد كاتب………….
في مكان جمع الشيطان بكل خططه الوضيعه
توتا بفرحه /يعني صورت رشا مع امجد ….كنت متاكده ان بينهم علاقه عاطفيه..كويس راقبها واياك تبعد عن عينك ….ايوه صور كل حاجه اياك تفوتها ….تمام شكرا….
توتا قفلت الموبيل ولنفسها: يحيي ايه العذر التاني الي عايز تحطه مبرر لمراتك لازم تصدق انها واحده رخيصه وساقطه وبتخونك ( قطع تفكيرها الشيطاني رنه موبيلها
توتا: اونكل علام كنت لسه هتصل بيك عندي اخبار عن الشيطانه وانت اتصلت
علام بنرفزه شديده: انا منفعل جدا وعايز ابعد الشيطانه دي عن ابني بأي طريقه
توتا: اطمن انا لسه مع يحيي وهي شافتنا سوي
علام: عارف بس كنتي هتتصلي بيا ليه فيه حاجه
توتا : ممكن حضرتك تتكلم الاول انت اتصلت ليه
علام : لاء اتكلمي انتي الاول
توتا بأبتسامه شيطانيه: رشا حامل
علام: حامل
توتا : طبعا ع طول بترجع ودايخه وفي يوم رجعت قدامي تبقي ايه
علام : ده مش معناه انها حامل عشان عيانه وبتقول عندها صداع ومشاكل كتير
تهاني : ولو خد حذرك منها ومتفتكرش مرضها بسيط وربما تطلع حامل لان حضرتك عارف انها ع علاقه مع راجل تاني
علام بغضب: مش غريب عليها الي تكدب وتخبي مستعده تخون جوزها مثلت انها محترمه وبنت ناس
تهاني بخبث: يا اونكل بلاش تثق في شكل الناس من بره حاجه ومن جوه حاجه والايام بتكشفلنا انهم اسوء ناس والمفروض نقـ تلهم
علام: انا لسه بعقلي والا كنت نهيت امرها
توتا: بالمناسبه ليه مستبعد انها حامل
علام بجهل : لان مفيش حد في عيلتنا حمل متأخر ام يحيي حملت من اول شهر اتجوزنا واخته ليلي حملت في بنتها بعد شهر اما رشا متجوزه ابني تسع شهور ولسه مش حامل معني كده انها عقيم
تهاني بعدت الموبيل وقالت بتأفأف: الراجل الخرفان ده هيجبلي صداع مبقتش مستغربه ليه يحيي ساذج كده جينات ( حطته ع ودنها) فعلا كلامك مظبوظ تمام لو فيه اي حاجه تانيه هبلغك سلام
……………..قصص منه محمد كاتب………………..
في المطبخ واقفه تعمل نسكافيه وبتغني
يحيي: حالا تقوليلي امي تعرف عني ايه انا وتوتا
ريشه بصتله : افندم
يحيي صرخ بصوته علشان تسمعه: انتي قولتلها
ريشه وطت صوت الاغنيه : لما كنت سيادتك معاها كانت هي هناك وشافتكم
يحيي : وليه مقولتليش قبلها
ريشه: اقولك ايه وحقيقي مش عايزه اتخانق معاك بسبب توتا
يحيي: يعني امي عارفه كل حاجه
ريشه : هي عرفت الي محتاجه تعرفه
يحيي : فسري
ريشه: يعني انك بتخوني مع توتا وانا مش واخده ع قفايا وعارفه
يحيي : وقالت ايه
ريشه: يوه نصحتني كتير وكان نفسي تسمع كلامها معايا رغم انا بعمل النصايح دي بالفعل بس انا منعتها تكلمك اصلي مش عايزها تعيد تربيتك من اول وجديد وانت كبرت ع التهزيق بس متخافش انا قولتلها اني مهما عملت وقربت واتشقلط انت مش شايف الا توتا الحلوه الملتوته رغم هي بعيده عنك انا داخله استحما
يحيي شوحلها : روحي ومتشكر انك اتكلمتي مع امي
رشه بصتله كدا واخدت بعضها ومشت من قدامه
يحيي لنفسه: هي ليه كدبت عشاني ومقلتش للدنيا اني لسه مع توتا وليه مكمله معايا انا حقيقي مش فاهم
……………….
في مكان عام
توتا : انا عايزه اعرف انت ليه مضايق كده عشان بفهمك ان الست دي شيطان رجيم وانت مصمم انها عكس كده
يحيي : وانا قلت لك مش متاكد وعارف اننا المفروض نتجوز واسف لو مخليكي مستنياني بجد اسف
توتا: انت ليه صعب عليك تطلق الست دي رغم عارف انها ع علاقه مع امجد
يحيي حدف نظرات عيونه لبعيد: لاء هي قابلته عشان الكتاب وبس
توتا : وهو الكتاب بيتكتب في النادي والتمشيه
يحيي بصلها : ايه
توتا: استني
يحيي : استني ايه
توتا فتحت الموبيل وحطته قدامه: اتفضل شوف بص هنا
يحيي نيران شعللت فيه وقال بقهر : لاء ده كتير وتقيل اوي
توتا شوفت امجد ماسك ايدها ازاي وهي بتضحك ازي ده غير الكتب الي بيدهلها عن الاطفال اكيد لانه عارف انها حامل منه
يحيي هز دماغه برفض: لاء احنا مش متأكدين انها حامل بس ع حد علمي هي بتقابلوا للكتاب ده كل حاجه
توتا : حبيبي مين هيعترف بخطئته
يحيي اتغير وشه واتنرفز : انتي بتخليني اتعصب واتجنن ومش ممكن اثق في كلامك لازم اتاكد في الاول
توتا : ليه صعب تثق فيا رغم قدمتلك كل الادله الي تثبت انها حامل( سكتت شويه وبعدين قالت بشك) استني ولا انت الي خلتها حامل
يحيي بلع ريقه بخوف : امتي قلت مش بثق فيكي انا قلت مش بثق فيكي قلت هتاكد وبجد عقلي في حاله فوضي وانا بجد متعصب وع اخري عشان كدا لازم ارجع البيت(سابها ومشي)
تهاني لنفسها: تمام انت لو مش هتقولي امجد هيقولي
……………………………….
لبست بنطلون ضيق جدا وبلوزه للبطن ورفعت شعرها ديل حصان ونزلت لتحت ويحيي بصلها و انبهر من شكلها كانت روعه وفاتنه بمعني الكلمه قعدت ومسكت الموبيل وبتضحك بصهلله
يحيي بصلها بعصبيه والنار شبت جواه بغضب وقهر
ريشه بصتله ببرود : في ايه مالك
يحيي: هو انتي لسه حاسه بدوخه وغثيان
ريشه عيونها في التلفون وبتضحك: مش بحس الايام دي يمكن عشان عندي حماه لطيفه وطيوبه
يحيي : دي امي
ريشه كشرت: انت ابن ابوك مش ابن امك لو خلفت طفل عايزه يكون ابن بيفهم وابقي ام مثاليه
يحيي : بتتكلمي عن طفل هو فيه سر بتخبيه عني
ريشه: سر معقول اخبيه عنك
يحيي جز علي سنانه: رشا انا بتكلم جد
ريشه : وانا كمان بتكلم جد الجد شوف عندي كتير اسرار عايز تعرف انهي فيهم
يحيي حمحم: هو انتي حامل
ريشه قربت منه: لسه بس لو عايز
يحيي بعد عنها ليضعف : لاء مش عايز
ريشه رفعت كتافها ببرود وقامت: براحتك انت الخسران
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
