رواية زوجتي الجريئه الفصل الثاني والعشرون 22 بقلم منة محمد
رواية زوجتي الجريئه الجزء الثاني والعشرون
رواية زوجتي الجريئه البارت الثاني والعشرون
رواية زوجتي الجريئه الحلقة الثانية والعشرون
يحيي: ماما رشا اغمي عليها وانفها نزف وانا واخدها المستشفي ممكن تفضلي صاحيه لو كان فيه حاجه هقولك
خديجه بقلق: تمام سوق ع مهلك ومتقلقش ان شاء الله تبقي كويسه اكيد خلصت كل طاقتها عملت فيها ايه
يحيي: هعمل فيها ايه هكون ضربتها ع دماغها
خديجه: خلاص حاول رجع دماغها لوري لتخلص الاكسجين
يحيي: انا هتحرك
خديجه: سوق ع مهلك متجريش ولا حاله مراتك هتسوء يله سلام
علام نازل من فوق وزعق: كمان اغمي عليها
خديجه اتخضت: يالله اكيد ضغطها ارتفع
علام: انا متأكد انها بتعاني من مرض مزمن اطلبي من ابنك يطلق بنت وجدي حالا مش عايز يتحمل عبئ مرضها مش معقول هيصرف من مرتبه البسيط ع واحده مريضه
خديجه بضيق: استغفرالله العظيم ايه الكلام الي بتقوله مش مكسوف ده انت متدين معقول مفيش اي تعاطف وبعدين رشا ابوها غني واغني منك يعني مش هتبقي حمل ع ابنك ابوها مستحيل يسيبها مريضه
علام: احنا ناس غلابه ع قد حالنا معندناش ثروة زي ابوها ومش عايز حد يتكلم علينا ويقول ابوها اتكفل بعلاجها وهي ع ذمه يحيي واظن عارفه كلام الناس مبيرحمش
خديجه تابعته وهو ماشي وقالت: بيتكلم كلام سابق لاوانه وبيحكم انها عيانه بمرض خطير
……………..قصص منه محمد كاتب……………..
يحيي بصلها: رشا اتحملي رايحين المستشفي
ريشه بصتله بوهن: انا كويسه مش عايزه اروح المستشفي
يحيي: يعني ايه كويسه انتي اغمي عليكي ونزفتي لازم نروح مستشفي وحالا
ريشه هزت له دماغها بـ لاء
يحيي: لاء! ممكن تكوني صريحه معايا ايه المرض الي بتعاني منه قوليلي بصدق ع الاقل نعدي كل ده سوي ارجوكي
ريشه بمرح : متقلقش مش هموت واسيبك بسهوله طالما لسه مع توتا
يحيي وسع عيونه: احنا فيكي دلوقت ولا في توتا
ريشه: حتي وانا في الحاله السيئه دي لسه بتحبها
يحيي: هو انا دلوقت الي اتكلمت عنها
ريشه: ودلوقت مين المريض انا ولا هي
يحيي: كفايه يا رشا
ريشه فتحت باب العربيه: فعلا كفايه وانا داخله بيتي
يحيي مسكها: هنروح الاول ع المستشفي
ريشه بتصميم: وانا داخله بيتي
……………قصص منه محمد كاتب……………….
دلال: بنتي كان لازم تروح المستشفي ايه الي خايفه منه
وجدي: ممكن تهدي يحيي قالنا كانت متعصبه شويه وجايز مرهقه بسبب مشروع الكتاب
دلال: اكيد هو عصبها لان لايمكن الكتابه ترهقها
وجدي: اكيد بسبب انها بتكتب للاطفال اول مره متوتره طول الوقت واكيد المراجعه عملها حاله ضغط زياده
دلال: خلاص هقولها تبطل كتابه خالص اصل الصداع النصفي المتكرر مش امر طبيعي لازم دكتور يشوفها ايه الصعب لما تسمع الكلام مش فاهمه افرض جرالها حاجه هتفرح يعني
وجدي: نسيتي الي كانت بتقوله لو مكتوبلها تـ موت هتـ موت في اي مكان وده مش معناه انها لو راحت المستشفي مش هتـ موت
دلال: يا وجدي احنا نعمل الي علينا وناخد بالاسباب مع التوكل والرضا بقضاء الله والمقدر , وبعدين في كل الدنيا امراض ليها علاج الا المـ وت
وجدي: قوللها ده بنفسك واقنعيها
…………..
في بيت يحيي خديجه وصلت وطلعتلها ويحيي وابوه تحت في الصالون
علام: انا شايف ان عندها حاجه ايه هي هو الواحد لما بيعرف ان عنده مرض خطير بيخاف يروح المستشفي
يحيي: بابا هو انت مش بتمرض وكلنا بنمرض
علام: يابني انا بتكلم عن مراتك شئت ام ابيت لازم تتاكد من مرضها دور وراها اسأل
يحيي: ازاي اعمل كده اذا كان ابوها وامها نفسهم ميعرفوش انها حتي تعبانه
علام: اكيد اهلها عايزين يخبوا مرضها في السر ويخبوا تعبها وضحكوا عليا ومقللولش قبل الجواز
يحيي: اسكت لحد هنا يايابا
علاك: بلاش تاخد الموضوع بستخفاف ده هيشمل احفادي شكلها هتفضل تعبانه فتره طويله ومش هتقدر تخلف
يحيي جاتله مسدج: ابن الحلال ع ذكره بيبن ابوها وامها جايين في السكه لحد هنا لو كنت عايز تسألهم عنها اتفضل اما انا محروج اسألهم
علام كشر بزهق : قوم نادي امك خلينا نروح وانا هطلع استناها بره
خديجه نزلت لما يحيي رن عليها وسألته: يحيي ابوك راح فين
يحي: طلع يقف بره مش عايز يقابل اهل رشا
خديجه بغيظ: اه فهمت ليه جري ع بره اكيد مش عايز يشوف ابوها بيقول مضايق منه
……………………………
داخله الشركه متعصبه وبتكلم نفسها: مش بيرد ع مكالماتي من امبارح وبيخليني اضطر اجي لحد شغله
حاتم لمحها: تهاني
توتا وقفت: حاتم هو يحيي في المكتب بتصل بيه بس مش بيرد
حاتم: مجاش اليوم بعتلي رساله امبارح وقالي انه عايز يراعي مراته
توتا بتهكم : هي مراته مشلوله عايز يقعد يراعيها
حاتم: طبيعي يبقي عايز يهتم بمراته
توتا بنرفزه : الكل جرالهم ايه هو انت اعمي بصلي انا الضحيه هنا ليه الكل عايز يكون جنب الست المجنونه دي الي اخدت مني حبيبي ولا انت مش عارف
حاتم: اولا مش انتي البنت الوحيده الي خسرت حبيبها في العالم ثانيا مبقاش ليكي اي علاقه مع يحيي ولا من قريب ولا من بعيد ثالثا زي ما قلت لك سابق متلعبيش دور الضحيه وده مكان شغل مش عايز اي دراما من فضلك امشي
توتا: انت قليل الذوق ودمك تقيل
حاتم بصلها بضيق ولف ضهره وسابها ومشي
توتا بغيظ: ماشي عنده وقت لطيف مع مراته وانا محدش مهتم بيا لما اتصل بمراد اقضي وقت معاه
…………………………………
في بيت رشا الي قاعده ومبتسمه تداري كميه وجعها
وجدي: يعني ابوه قال ان اعياد الميلاد حرام واهدار للمال يعني مدقش من التورته الي انتي عملتيها
ريشه: بالظبط
وجدي ابتسم: اما راجل غريب
ريشه: وانا حسيت اني في نص هدومي لما هزقني بشكل وحش جدا
وجدي: مش مستغرب هو في مره قالي ان ولاده مش بتهتم بيه وبعيد عنه اكيد من اسلوبه
ريشه: ويوم ما تعب تخيل رفض ياكل الاكل الي عملتهوله وقبلها كان بيشتكي انه طول اليوم بياكل عدس ولما سألت هاله يومها قالت له انه اكل الحله الي عملتها في السر
وجدي بضحكه: من صغره وهو شكاي دايما ولما يتزنق يجري يقدم مبرر
ريشه: ليه مقولتليش من الاول كنت رفضت الجوازه دي
وجدي بنص عين : بجد متأكده ومش هترجعي تندمي انك متجوزتيش يحيي حبيب قلبك
ريشه ابتسمت : شويه
دلال: يعني انتم بتضحكوا قولولي بتتكلموا في ايه
ريشه: احلي حاجه اكل مامي اكليني
دلال: عندك جوزك ولا مش بيأكلك
ريشه: يله يا مامي جعانه
وجدي: اكيد جوزها مشغول في شغله مش كده ومعندوش وقت يدلع مراته ولا حتي يحضنها قولتليلي انه رايح معاد شغل ولا معاد غرامي
يحيي هنا نزل لابس وقطع كلامهم: تحبوا اقعد معاها ولا اروح شغلي
دلال: لاء يابني روح شغلك احنا معاها بنتي تعبانه لانها محرومه من الحب
يحيي بص لرشا وقال: حضرتك تقصدي ايه
وجدي بمغزي: ولا حاجه تقصد ان بنتنا واحشها حضننا وحبننا الكبير ليها
يحيي اتنهد: تمام في الحاله دي هروح شغلي عن اذنكم
ريشه بصتله: بابي هو انت كنت بتريق عليه مش كده لما قلت رايح معاد شغل ولا معاد غرامي هو فيه حاجه انا معرفهاش
وجدي: رشا احنا بصراحه نعرف عن يحيي وتهاني
ريشه وشها اتغير بخوف: وازاي عرفتوا؟
دلال: معقول هو فيه حاجه بتفضل سر ليه خبيتي علينا انا وابوكي
ريشه: مكنتش عايزه اقول عشان متقلقوش ع جوازي
دلال: بس احنا مش هنقدر نشوفك تواجهي المشكله دي لوحدك
ريشه: فاهمه وانا لما عرفت زعلت واتقهرت
وجدي: احنا كمان مقهورين بنتنا الوحيده اميرتنا الي بنحبها ونهتم بيها كتير تتعرض للخيانه من جوزها مش عايزك ابدا تحسي بالذنب لو جوازك فشل انتي عملتي الي عليكي عشان تنقذيه وانا عارف ده وامك كمان عارفه واحنا هنفضل ندعمك مهما حصل
ريشه بحزن: عمري ما فكرت لحظه في الانفصال بس لو اضطريت لكده هرضا بنصيبي واتمني منكم متجبروش يحيي يسيب تهاني انا عايزه هو يختارني من طلقاء نفسه والا كده ملوش اي لزمه
…………………………..قصص منه محمد كاتب……………….
في الشركه
يحيي للسكرتيره: الاوراق كلها في الظرف
حاتم قرب عليه بندهاش: يحيي مش قلت مراتك تعبانه بتعمل ايه هنا؟!
يحيي: ابوها وامها بيراعوها في البيت عشان كدا جيت
حاتم ابتسم : بجد هي محظوظه جدا كتير بيحبوها وعايزين يهتموا بيها
يحيي: فعلا كتير وخاصا ابوها وامها فعلا بيحبوها كتير عشان كده اقدر اقول عليها البنت المدلله المشبعه بالحب
حاتم: وانت مش بتحب دلعها عليك
يحيي: شوف يا حاتم لازم تعرف حاجه نادر لما تبقي ناشفه معايا واحيانا لما بلومها ووبخها بتكون صبوره وبتسمع كلامي حتي مش بتعلي صوتها عليا ابدا
حاتم:,بعد كل ده لسه مش قادر تبقي صاحب قرار وبترفص النعمه
يحيي: انا مقدر النعمه بجد يا حاتم بس اوقات بحس بالخوف
حاتم ضم حواجبه بعدم فهم : وخايف من ايه
يحيي: خايف من المواجهه لما تيجي وقتها
………………………………….
يحيي خرج ومعاه صنيه فيها اكل صحي وقعد قدامها
يحيي بصلها: شوفي الطبق ده كله هيخلص انتي لاوم تاكلي كتير عشان تجمدي مش عايز اشوفك ابدا وانتي بتقعي قدامي زي امبارح
ريشه: ده انا قلت زمانك مبسوط
يحيي: ليه ابقي مبسوط لما تكوني تعبانه
ريشه: مش عارف يمكن فيه حد مستنيك
يحيي كشر: رشا انا مش بالقسوة دي اه عايز اتجوز تهاني لكن انتي الي مراتي دلوقت وعشان كدا لازم اهتم بيكي يله كولي
ريشه: ممكن تاكل منه اصلا في يوم من الايام هننفصل وهتبقي سعيد وفرحان ومش هبقي عقبه في طريقكم بس لو سألتني انا مش عايزه واحده تشاركني فيك حتي لو حبيبتك ابوك مش بيحبني عشان كده طلقنا هيكون قريب اوي ياتري مستعد
يحيي: مستعد لـ ايه
ريشه قامت وراحت جبتله ورده حمره وفيها ورقه اخدها وسألها: ايه دي؟
ريشه ابتسمتله ومشت بسرعه من قدامه وهو فتحها: اعترف لك انك اول واخر شخص افتح له قلبي الشخص الوحيد الي عطيته كل مشاعر الحب والصداقه في ان واحد الراجل الوحيد الي بحس بامان الدنيا معاه بكل بساطه انت االشخص المفضل وللابد وهتفضل حظي الحلو وضماد ايامي وجبر خاطري انت حبيبي الوحيد الي معرفتش الحب الا معاه انت حبي الاول والاخير والي الابد بحبك حب من غير حدود
يحيي بينه وبين نفسه بحيره: صعب اختار بينهم صعب
………………………………
في كافيه في المول
توتا بصتله: مش حاسس ان علاقتنا بقت مختلفه
يحيي: مختلفه ازاي بس الي اعرفه انها بقت افضل بكتير عن الاول
توتا: فعلا رغم مش بتشوف بعض ع طول نفس الاول لان قلبي مكنش قلقان ان فيه واحده غيري في حياتك
يحيي: قلت لك متقلقيش اطمني
توتا بنفعال : اطمن ازاي وانت معاها
يحيي: ارحميني انا حاسس اني مضغوط فرض عليا اهتم بمشاعرك ومشاعرها
توتا بتعصيب : هايل عايز تهتم بمشاعرها دلوقت انت بجد زودتها
يحيي اخد نفس واتكلم بهدوء: شوفي احنا بنهتم بمشاعر الحيوان فما بالك بمشاعر انسانه
توتا : والانسانه دي حيوانه لانها خطفت مني حبيبي
يحيي اتك ع اسنانه: محدش خطفني بعيد عنك هي مكنتش تعرف اصلا بوجودك ابويا وامي نفسهم مئلولهاش عنك ابدآ
توتا بغيظ: اه يعني عايز تلئلها عذر وتساندها مش كده وبعدها ترمي اللوم كله ع اهلك
يحيي اتنهد تنهيده طويله: اجبهالك ازاي انتي الي عليكي تتقبلي الواقع وبس
توتا بعناد عجيب: وانا مش هتقبل وهروح ابلغ اهلك انك بتحط اللوم عليهم
يحيي: ياتري عندك الشجاعه تقابليهم ومش خايفه
توتا: مفكرني هخاف
يحيي استغرب جرائتها وتوتا لمحتهم وبقت عيونها رايحه عليهم
يحيي: بتبصي هناك ع ايه
توتا بمكر: يظهر امجد بيلاحقني منين ما اروح
يحيي: لحد دلوقت
توتا: رغم بشوفه ع طول مع رشا ومتقوليش اتقابله سوي كذا مره بالصدفه
في نفس المكان داخله ريشه ومعها خديجه شافته واقف منتظرها
ريشه: ماما خديجه ممكن تستنيني جوه هروح الحمام
خديجه : ماشي
امجد راح عليها: عارفه بقالي قد ايه مستنيكي واضطريت ادخل ادور عليكي
ريشه: اسفه كنت عايزه اقابلك بره بس
امجد: فيه مشكله كبيره
توتا قريت: تقصد مشاغل كتير اصلها بتهتم برجاله تانين رغم ست متجوزه بس لسه مصره تخون
امجد احتقن وشه واحمر : متخلنيش ازعجك في حياتك لاني لو ازعجتك مش هرحمك
توتا بنرفزه : وانت ايه علاقتك بيها
امجد بنفاد صبر : انا اقرب صاحب ليها
توتا: اه صاحبها بس شيفاك ملكش تدخل
امجد: لاء هدخل واهتم بكل مشاكلها لانها اعز صاحبه عندي وهفضل معاها وبجد زعلان عليكي ان محدش مهتم بيكي لكن بتروحي كل مكان تلفتي انتباه الناس فلو معندكيش كلمه لطيفه ياريت تغوري من هنا
توتا وزعت نظرات حقد وغيظ عليهم ومشت
امجد : وانتي بتقابلي ده كل يوم
ريشه بعجاله:امجد قولي كنت عايزني ليه بس بسرعه
امجد: تعالي نقعد
ريشه: مش هينفع
امجد: انا مش عارف ليه مستعجله بس ماشي الموضوع الي كنت هكلمك فيه مهم جدا
امجد بعد ما اتكلم مع ريشه ومشي يخطط انتقام من يحيي ريشه دخلت وشافت يحيي قاعد مع توتا اتجمدت
خديجه: بقولك ايه ماتيجي ناكل هنا انا هـ موت من الجوع
ريشه بتسحبها: بلاش يا ماما
خديجه شافتهم سوي وقالت لرشا : عشان كده شدتيني سببيني افرج عليهم المطعم
ريشه: ارجوكي لاء
خديجه: انا مكنتش متوقعه ابدا انه لسه بيقابل تهاني من امتي بيحصل كل ده ومتقوليش انه بيحصل من بدايه جوازكم
ريشه بهتت ملامح وشها : هما عمرهم ما انفصلوا عن بعض ابدا
خديجه: نهار اسود
ريشه: اهدي يا ماما انا بخير متقلقيش
خديجه: يابنتي الموضوع مش متعلق بالقلق واضح اني معرفتش اربي ولادي بما ان يحيي مش قادر يميز بين الصح والغلط ومن وقاحتهم بيتقابلوا في العلن وانا اسفه يابنتي مكنتش اعرف ان ابني ممكن يتصرف بالطريقه دي
ريشه: ماما من فضلك الي شوفتيه خليه سر عن عمي علام مش عايزه يغضب عليه
خديجه بصتلها وحاست بالحزن والشفقه عليها
………………….قصص منه محمد كاتب………………….
بالليل في غرفه النوم رشا راحت قعدت ع السرير وشويه يحيي دخل وهو ماسك الموبيل ويبتسم ريشه اتغاظت وهي كمان اخدت موبيلها وابتسمت اوي
ريشه: اما امجد ده عليه كلام حتي بالليل يعت لي رسايل بخصوص الكتاب
يحيي بصلها: هو انتي غيرتي لاني بكلم تهاني
ريشه بصتله من فوق لتحت وحطت الموبيل ولفت دهرها ورقدت
يحيي ميل عليها: لسه سخنه
ريشه بصوت مكسور مقهور: هخف لما تسيب موبيلك وتنام جنبي مش تهتم بواحده تانيه وعندك زوجه جميله مخموده جنبك ولا انا غلطانه
يحيي : اه شكلك زعلانه
ريشه انا زعلانه ع نفسي ع حاجه عاوزها ومبتحصلش ع مواقف كتير انا محطوطه فيها مش بمزاجي ع حياتي الي متلغبطه ممكن اكون مقهوره ع نفسي عادي
يحيي: لاء انتي تنامي لان واضح ان الهرمونات اشتغلت
ريشه: البركه فيك مخلتيش فيا عقل خالص
………………………
في بيت منزل عائله رشا
اامجد بعصبيه شديده: كنت هخنق توتا من زماره رقبتها لحد ما لقيت يحيي تصور كان عايز يضربني لاني اهنت توتا
وجدي: معقول كان هيعمل كده فيك ايه ده بيحب وبنتي في بيته
امجد: اونكل لحسن حظي اني مش بتعصب بسرعه ولا كنا هنام في القسم اليوم ده توتا كانت عايزنا نتخانق مع بعض من وهي في المدرسه كانت بتخلق مشاكل حاولت تتقرب مني بس انا رفضتها لان واحده معندهاش اخلاق علاقتها بشباب كتير ازاي اكون معاها
وجدي: وانا لولا بنتي محلفاني مدخلش كنت هديت الدنيا عليهم هما الاتنين
وامجد: سيبلي انا الموضوع ده يا اونكل لو مخلتهمش يبعدوا عن بعض مبقاش اسمي امجد وهتشوف انا هعمل فيهم ايه عشان رشا
……………….قصص منه محمد كاتب………………..
في غرفه الصالون في منزل يحيي
هاله: طلعت من المدرسه جيت اشوفك واطمن عليك عامله ايه دلوقت
ريشه بأبتسامه: الحمد لله بقيت احسن وانتي عامله ايه في المذاكره
هاله: والله مسحوله بس اهي ماشيه
ريشه: هاله قوليلي هي كانت تهاني بتيجي كتير عندكم البيت
هاله: اه كانت بتيجي وكل مره تفضل قاعده لازقه في اخويا مش بتعمل اي حاجه مفكرنا خدامين عندها هنطبخ ونأكلها بس فجاه بطلت تيجي اخر مره كانت فيها عندنا قبل جوازكم بست شهور تقريبا
ريشه: او جايز كانت بتروح تقابله في شقته
هاله : معتقدتش اصل بابا صعب مش بيحبنا نرجع البيت متاخر ويمكن اخويا عشان يشوف تهاني براحته راح اشتري شقه خاصه بيه
ريشه بقهر: طبعا عشان ياخدوا راحتهم سوي
هاله : لاء اخويا بيعرف الحلال والحرام لانه عارف ان عنده اخوات بنات
ريشه : هو كان دايما كده قبل جوزنا
هاله: لاء قبله بكتير اخر فتره كان بيرجع بدري ونادر لما يروح شقته الا مع حاتم هو فيه حاجه ولا يحيي بيرجع البيت دايما متاخر بس بنصحك اوعي تكوني متساهله لو مضايقه منه شدي عليه انا عارفه انه لسه بيقابل تهاني وبصراحه بسال نفسي هو شايف فيها ايه واضح انه اعمي
ريشه: متقلقيش انا بس بحاول افهمه متزعليش منه
هاله بأبتسامه: هحاول
……………………..قصص منه محمد كاتب…………………
يحيي راجع البيت وامجد هجم عليه وهو لابس قناع وضربه كتير لدرجه وقعه ع الارض ورفسه كذا مره في بطنه وبالعافيه سحف وخبط ع رشا الي اتفزعت ودخلته ع الكنبه ودلكت رقبته مكان الضربه
ريشه: ليه مبلغتش القسم
يحيي بوجع: ابلغ اقول ايه واحد مجنون ضربني وهرب وبعدين براحه بتعملي ايه كفايه هتخلعي رقبتي بتوجع ايه عايزه تتخانقي معايا
ريشه ميلت عليه وبصوت غريب: وجايز ده انتقام
يحيي بصلها: قصدك ايه
ريشه: مين عارف جايز قلتلي مشغول جدا في الشغل ومكنش عندك وقت تبعت الغداء لمراتك ولا انت اكلت مع توتا
يحيي: انا بعتلك الاكل تلاته العصر
ريشه بتهكم: اه كانت بيتزا
يحيي: ايوه بيتزا
ريشه: بس موصلينش اي بيتزا انا الي وصلني فراخ مشويه وكفته
يحيي: اه فعلا بعتلك فراخ ومعاها عصير
ريشه: بس الفراخ مكنتش منك كانت من امجد
يحيي كلم نفسه: عرفت منين اني كنت مع توتا
اما رشا طلعت غرفه النوم واخدت العلاج لما حست بدوخه
يحيي طلع وراها : انتي لسه تعبانه خلينا يا بنت الحلال نروح المستشفي بكره نعمل فحوصات وتحاليل
ريشه : متهمتش هبقي كويسه اخدت الدواء
يحيي انتي متاكده بجد
ريشه : ايوه روح كول هحصلك بعد شويه
يحيي: بلاش تكوني عنيده ممكن
ريشه مسكت دماغها وتاوت ع خفيف ويحيي لف بصلها قد ايه عنيده لحد ما راحت تتقيئ في الحمام
يحيي كشر بستياء: هو انتي حامل
ريشه: هي لو الواحده رجعت لازم تبقي حامل لما رجعت في بيتكم الكل فكروني حامل
يحيي : يظهر بابا كان عنده حق انتي عيانه بس مش عايزه تقوللنا
ريشه : انت ع طول بتتكلم عن المرض قلت لك بعاني من الصداع ومن زمان
يحيي بعصبيه: كل الناس بتعاني من الصداع بس انتي الوحيدة الي بيتكرر وواضح ان توتا عندها حق انتي بتعملي ده عشان تزعجيني والسلام
رشا اتعصب: تمام يعني حبيبتك قالت لك عني ببدعي المرض متعمده
يحيي : طبعا لما تمثلي انك عيانه هيبقي صعب اني اقابلها
ريشه: عشان بضايق منك هو لازم اشرحلك بستمرار وللسبب ده بعاني من الصداع دايما لانك واثق ومخلص اوي لتوتا دي
يحيي بغيظ منها : اعذار لو كنتي فعلا عيانه ليه مش عايزه تروحي المستشفي
ريشه صرخت بنفعال: سبني اموت عشان اريح قلوبكم هاخد ايه من العلاج
……………………
قاعده منتظرها لانها عارفه ان النهايه قربت
توتا حطت الشنطه بنفعال: انتي ازاي تتجرئي تكلميني عايزه ايه اتكلمي مش فاضيه ورايا شغل كتير
ريشه: انا قلقانه ع يحيي لو اكتشف علاقاتك عشان كدا عايزة اتاكد منك
توتا تتاكدي من ايه انتي بس اطلقي منه وابعدي عنه ده الي انا عايزه
ريشه؛ لو كنتي بتحبيه ازاي بتقابلي راجل تاني
توتا :انا حره احب اكره زي ما يحلالي انتي مالك
ريشه :ايه الي ناقص في يحي شاب وسيم وحنون وشخصيه طيبه ولا عشان ساذج ومش غني وعنده فلوس
توتا بسخريه: يحيي عمره ما هيبقي غني مين هيورث فلوسه هو موظف بمرتب بسيط
ريشه: لما شيفاه ناقص بالنسبه لك امال ليه متشعلقه فيه بايدك وسنانك
توتا بغضب: انتي من الاخر عايزه ايه معنديش وقت اتكلم مع واحده مجنونه زيك
ريشه : اسمعي عايزك تكوني مخلصه له لو عليكي تختاري من فضلك اختاريه هو, هو بيحبك انتي مش انا ارجوكي بلاش تخذليه فيكي ( رشا كحت جامد)
توتا :مالك انتي هترجعي
رشا مقدرتش تاخد النفس وقامت تجري بسرعه البرق من قدامها
استوب وتوقعاتكم ونشوف رشا وهي بنتغير لواحده تانيه خالص وخطه جديده من توتا ضد رشا
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
