رواية حافية القدمين الفصل الثالث عشر 13 بقلم ياسمين علاء الدين
رواية حافية القدمين البارت الثالث عشر
رواية حافية القدمين الجزء الثالث عشر
رواية حافية القدمين الحلقة الثالثة عشر
صبا تاني يوم اصرت تخرج من المستشفي.
وجاسم حاول معاها كتير بس هي دماغها ناشفه .
لبست حزام علي ضلوعها و ابتدت تدرب تاني عشان المباره النهائي. بينها وبين بنت ايطاليه.
جاسم وادهم معاها في التمرين وبيتفرجو عليها والمدرب بيمرنها علي حركات معينه.
بعد اما خصلت تمارين. كلن شكلها مجهد جدا.
ادهم : مامي شكلك تعبان
صبا وهي ماسكه ضلعها : كويسه يا حبيبي.
جاسم : صبا . انتي لازم ترجعي المستشفي تاني
صبا: مش هينفع النهائي اول الاسبوع الجي. ولازم اتمرن اكتر.
جاسم قرب وشالها. وهي بتتحرك عشان تنزل بس هو مش راضي
صبا: نزلني احسنلك
ادهم : شاطر يا بابي.
جاسم : شكرا. اسمعي الكلام واسكتي مره
صبا: الناس بتتفرج علينا. نزلني
جاسم : ما يتفرجو. واحد وشايل مراته اللي تعبانه. فيها حاجه
ادهم وهو بيضحك: مش فيها يا بابي. بس يا مامي
صبا: بسيت. اهو
جاسم ضحك وباس جبينها. خدها وطلع بيها علي اوضتهم.
ادهم : بابي انا هروح اوضتي. وغمزله 😉
جاسم ضحك علي ابنه برغم من صغر سنه بس تفكيره كبير وبيتعامل معاهم اكنه صحابهم .
جاسم : صبايا
صبا ابتسمت : انت مش بتيأس يا حاسم. مزهقتش مني
جاسم : ولا بعد مليون سنه هزهق.
صبا: اممم. هنشوف. قولي عايز ايه
جاسم : تعبانه
صبا: بصراحه تعبانه شويه
جاسم : الف سلامه عليكي. ان شاء الله انا
صبا ضحكت. جاسم : اكيد بتدعي عليا وبتقولي يارب
صبا: لا والله
جاسم قرب منها : بجد مش بتدعي
صبا: لا مش بدعي
جاسم بفرحه. وامل تولد جواه : مش بتدعي ليه . بقيتي بتخافي عليا
صبا سكتت شويه. وبعدين ردت عليه: انت ابو ابني
جاسم : بس
صبا: احم. يعني وجوزي
جاسم : وانتي حبيبتي. ونفسي اكون حبيبك
صبا: ممكن مردش دلوقتي
جاسم : وهتردي امتي
صبا: بعد الماتش النهائي
جاسم : وانا هستناكي العمر كله ومش هيأس يا صبا
صبا: اوعي بقي اقوم اخد دش
جاسم : استني ثواني
دخل الحمام وملا البانيو مياه دافيه وخرج شالها ودخلها الحمام .وبيقرب من هدومها
صبا: ايه . رايح فين
جاسم : هساعدك
صبا: لا مش عايزه مساعده . بره
جاسم : خيرا تعمل
صبا ؛ شرأ تلقي .. اطلع بررره
جاسم : عشان لو احتاجتي لمساعده. انا رقابتي سداده
صبا: جاسم خلص
جاسم بيسبل : طب هو انا قولتلك بحبك
صبا: اه قولت من شويه
جاسم : احم
صبا: بررررره
جاسم: طالع متزوقيش ………. خرج وقفل باب الحمام.
وهي قعدت في البانيو جسمها كله وجعها واكتر حاجه ضلعها. .. . قعدت كتير. جاسم فتح الباب. ووقف بره مدخلش
جاسم : انتي نمتي
صبا: انت ازاي تفتح الباب
جاسم،: بجد خفت عليكي. بقالك كتير
صبا: جسمي وجعني. اقفل الباب بقي
جاسم : ليه انا اصلا مش شايف حاجه
صبا: ها. انت عايز تشوف ايه
جاسم : ما تحني عليا انا بقالي ٨. سنين
صبا وشها احمر : انت مش قليل الادب وبس لا انت سافل
جاسم: طيب اتفرج بادب
صبا: جاسم لو مخرجتش حالا. هبوظلك وشك .
جاسم وهو بيغمز : احبك وانت عنيف
صبا ضحكت : انت مش طبيعي
جاسم: لا انا سليكون
صبا 😂😂😂😂
جاسم اتنهد : هو انا قولتلك قبل كده اني بحب ضحكتك
صبا: انت بقيت طري اوي . انشف كده وشد نفسك
جاسم : لا بقولك ايه . انا في الجد معنديش يا اما ارحميني. بس الحب بهدله .
صبا : اخرج عشان اقوم البس
جاسم : انا اجي اساعدك
صبا: لا شكرا .
جاسم : هتندمي علي فاكره
صبا: انا بحب اندم
جاسم : بس
صبا: جاسم بطل رغي . واطلع بره . المياه سقعت
جاسم : هخرج حاضر
قفل الباب وهي قامت لبست البرنس. وخرجت. كان قاعد في الاوضه
صبا: امممم . مش هتمشي
جاسم بصللها وشعرها مبلول وحافيه ولابسه البرنس. قرب منها
جاسم : شعرك كده احلي من الاول
صبا: عارفه
جاسم : بحبك
قرب اكتر ولمس وشها برقه. وباسها من خده براحه. وهي مش بتعمل رد فعل . باسها كذا مره. وبعدين شالها علي السرير وبيكمل.
زقته فاجاه وقفلت البرنس وهي بتتنفس بسرعه
جاسم : صبا.
صبا لقت ضهرها ليه : اطلع بره
جاسم : ليه. انا عملت ايه غلط
صبا: مينفعش. مينفعش
جاسم قرب منها : اهدي . وقوليلي فيه ايه
صبا: انا منفعش . انا خلاص
جاسم فهم انها مش عايزه تكون معاه. او خايفه من حاجه. ومش فاهم ايه هي
جاسم: صبا انتي مراتي وحبيبتي وام ابني واحلي واحده في عيني . فهميني في ايه . هنتكلم براحه. كاصدقاء .
صبا كل حاجه حصلتلها بتمر قدام عنيها. اما كان بيغملها بعنف وكل حاجه.
وقف قدمها وشافها وهي بتفرك في ايدها بعصبيه ..
صبا: مينفعش اكون ضعيفه . انا قويه . انا قويه
جاسم :طبعا انتي قويه . انا كنت بحبك الاول . بس دلوقتي بعشقك. بعشق صبا الجديده بتمردها بشخصيتها القويه. بتستفزي مشاعري . مش عايزك ترجعي تاني مستسلمه ليا وله خاضعه لتصرفاتي. عايزك دايما تكوني قويه . عشان انا بقيت بستمد منك القوه . زي ما انتي اتغيرتي . انا كمان اتغيرت . .. عمري ما هرجع للي كنت عليه.. بوعدك. و لو خالفت وعدي. من حقك تبعدي عني.
صبا بتسمعه وابتدت تهدا علي كلامه. هي خايفه ترجع زي الاول ضعيفه ويرجع يبهدلها تاني. خايفه تخسر كل حاجه كسبتها والاهم تخسر نفسها. وترجع للذل تاني والاهانه.
جاسم باس ايديها وجبينها وخرج من الاوضه وقفل الباب عليها. هي بتفكر في كل اللي قاله. لسه في حاجه واقفه سد ما بينهم .. نامت وهي حيرانه. .
عدي الاسبوع وصبا كل يوم بتتمرن وجاسم مش بيقرب منها بس علي كول معاها وبيشجعها ..وادهم كمان ببشجعها. وهي قررت تفكر في اللي بتعمله عشان تكسب. لازم تثبت لنفسها قبل اي حد انها قويه .. .
يوم الماتش . اعصاب الكل متوتره. صبا لسه ضلعها مخفش وكمان المنافسه صعبه وقويه . . .
جاسم : ركزي. وان شاء الله. هتكسبي.
ادهم : مامي انتي اقوي منها واقوي من اي حد
صبا ابتسمت وحضنت ابنها جامد اووي : ان شاء الله هكسب
لسه هتدخل جاسم شدها وحضنها وباس راسها : في حفظ الله
دخلت صبا الحلبه للملاكمه. . وابتدا الماتش. والبنت الايطاليه كانت اقوي واحده لعبتها. اول جوله خلصت.
وصبا كانت تعبانه اوي. جاسم جري عليها : كفايه .
صبا: مش كفايه ابداً انا هكمل للاخر
المدرب: اهجمي متدفعيش متدهاش فرصه
رحعت صبا للحلبه وفعلا كانت بتهاجم بسرعه. .. ومع الوقت البنت الايطاليه وقعت في الارض
الحكم صفر ورفع ايد صبا ليعلن انها كسبت الماتش والبطوله الملاكمه للوزن الخفيف … الميداليه الدهبيه
صبا واقفه والناس بتشجعها وفجاه وقعت في الارض ..
ادهم وجاسم جريو عليها …………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حافية القدمين)
