رواية لعنة اختي والعقرب الفصل الثالث 3 بقلم منة محمد
رواية لعنة اختي والعقرب الجزء الثالث
رواية لعنة اختي والعقرب البارت الثالث
رواية لعنة اختي والعقرب الحلقة الثالثة
اسير رجع البيت وطلع فوق السطح قاعد بيفكر في كلامهم عن جميله وبعدها نزل عشان يدخن سيجاره يطلع فيها غضبه
رباب رايحه الحمام شافته: انت لسه منمنتش لحد دلوقت!؟
اسير بصلها: مجليش نوم
رباب ربعت ايدها ع صدرها وبتهكم: ولا زعلان ع خساره دكان ابويا ولا ندمت لانك هتخسر نصيبك عشان تظهر اخ كويس
اسير بصلها بضيق وطلع سيجاره وحطها بين شفايفه وقال: امي معتبراكي بنت جوزها بس انتي عندي زي اختي الشقيقه وبعدين ازعل ليه لو عطيتك نصيبي
رباب : امال ليه وشك شبه الطفايه الي ع التربيزه
اسير مسح وشه بخنقه من اسلوبها: رباب انا مزاجي مش رايق دلوقت روحي نامي
………….قصص منه محمد كاتب………..
ذكي فتح الباب ع جميله الي قامت مفزوعه ووشها مخضوض في نفس الوقت موبيلها رن
ذكي خطفه من ع الكمدينو وقالها: موبيلك بقي معايا, مفيش داعي تحكي لحد عن الي حصل امبارح , وهقفل الباب عليكي خليكي في البيت اشتغلي فيه , ولما القي حد يتجوزك هجوزك
جميله ببكاء: بابا اسمع احلف لك اني معملتش اي حاجه غلط , والله العظيم ما عملت حاجه غلط
ذكي بنفعال : كانت ايدك في ايد ابن سعيد , فيه غلط اكتر من كده ضيعتي احترامي الي زيك لازم تموت فخرسي واسكتي
جميله برجاء: بابا ابوس ايدك اسمعني
ذكي زقها بوحشيه وطلع وقفل باب الشارع بالقفل وسابها تعاني من بختها الاسود
…………قصص منه محمد كاتب…………
الصبح بدري في بيت عائله اسير
رباب: منمتش طول الليل وفايق من بدري غريبه
اسير بصلها اوي: ايه لزومه الدهشه مش فاهم
رباب: الي بيقوم كل يوم الساعه حداشر هيروح من الساعه سبعه ومن غير فطار بزمتك مش امر مدهش
اسير: فيه شغل في الدكان
رباب:شغل كتير ولا وقعت في حب بنت الجيران يعني الدكان الي فتحته اكيد فيه هدوم ملونه ع السطح والشبابيك
اسير بلع ريقه: روحي اعمليلي كوبايه شاي بدل التخمين هكون شاكر افضالك
رباب ابتسمت: مش تخمين ده واقع عيونك المحمره والهدوم الكويسه بتقول بوضوح انك وقعت في حب واحده
اسير اخد موزه ياكلها وهو بيحط عينها في عيونها جامد
رباب: ليه بتبصلي كده؟!الي اتأذي في الحب ممكن يحس بكده بس بنات الطبقه الوسط دايما بتخاف من ابوها يا اخوها , بس بتفهم حال قلب اخوها كويس اوي
اسير: وقفت ترمي سهام في الضلمه
رباب انت الي رميت سهم ناري مع امك لو مكنتش حرضت ابويا مكنش ضرب حبيبي وطرده من البيت مكنش الغلبان مات في حادثه
اسير قرب منها: كام مره اعتذرت كنت عيل صغير وقتها
رباب بحقد وكره: كل يوم بدعي عليك تقع انت كمان في الحب وتعاني منه كتير عشان تطوله عشان تجرب الحزن والفراق وتحس بالوجع
اسير عيونه رغرغت بالدموع منها ومن قسوتها عليه وهي مشت وهو حدف قشر الموزه وجمع نفسه ومشي ووصل قدام الدكان وعيونه ع بيت جميله لحد ما شاف ذكي خارج من البيت
اسير كلم نفسه: هتلر حط القفل لكن فين جميله هي بتروح الكليه دلوقت ولو مش مع ابوها فتبقي فين
جميله في نفس الوقت كانت بتصلي لله يقف جنبها في محنتها في نفس الوقت الطفل عمر خبط ع الباب
ذكي قرب وهو ماسك كيس فول: عايز ايه مش شايف القفل
الولد: اسف مش شايفه كنت عايز اسال ابله جميله هيبقي فيه درس تحفيظ قرأن اليوم
ذكي: لاء مفيش جميله مش هنا راحت تزور خالتها يله امشي
عمر جري ع اسير: ابله جميله راحت لخالتها
اسير طبطب ع كتفه: تمام امشي انت
حمو قرب: معلم اسير اتصل صاحبك من الورشه
اسير بهتمام: وقال ايه
حمو: رقم العربيه الي قولته له عليه بأسم سعيد التهامي تاجر جمله وذكي بياخد منه بضاعه للدكان
اسير هز دماغه بهدوء: تمام شوف انت شغلك انا هكمل الباقي
حمو: خد موبيلك نسيته امبارح في الدكان
اسير اخده منه: تمام
………….قصص منه محمد كاتب…………..
صحي الصبح وقف يعمل كوبايه شاي دخلت وقفت وراه ع امل يكلمها يطمنها يفك اسرها بس هو مكمل قسوه طاغيه
جميله قربت عليه: لحد امتي هتعاقبني , عدوا ثلاث ايام لا بتبصلي ولا بتتكلم معايا, بابا ليه بجد بتعاقبني
ذكي بنفعال : انا بعاقبك , انا الي بتعاقب, نص اليوم بتحايل ع الناس عشان يسلفوني فلوس الدين , والنص التاني قاعد في الدكان , الاسبوع الجاي هياخدوه الدكان الي حليتنا , لو كان عندي ولد كان بقي دراعي اليمين ونفعني
جميله: ثق فيا قادره اكون ابنك
ذكي بسخريه: ابني هتكوني ابني , انتي قطعتي دراعي
جميله بحماس : ممكن نطلع ع القسم نشتكي عليهم انهم اخدوه اوراق الدكان بالعافيه
ذكي: انتي عندك عقل سعيد هيديهم رشوه ويرفع علينا قضيه بالدين
جميله بثقه وهدوء : بس اقدر احاول اجيب الفلوس
ذكي نبره كلها تريقه : هتعملي ايه يا نجيبه عصرك واوانك
جميله: فاكر السلسله والحلق الي اشترتهملي امي لما نجحت في الاعداديه بمجموع كبير ومديره الحضانه الي بشتغل فيها, وكمان وصاحبه البوتيك الي بفصلها ممكن يساعدوني ويسلفوني مبلغ
ذكي: يعني ممكن تاخدي منهم كام
جميله: ممكن اخد منهم عشره الاف والباقي احنا نكملهم من بيع الدهب
ذكي عوج شفته بستهزاء: عشره والدين 30 الف
جميله: العشره هما املنا دلوقت , ندهمله وناخد دكنا ونطلب منه مهله كام شهر نسداد فيهم الباقي , وانا متأكده ان كل حاجه هتبقي كويسه
ذكي: خلينا نجرب ونشوف هيودينا فين كلامك
جميله بتحذير: بس اوعدني انك مش هتصرف الفلوس في حته تانيه
ذكي اتعصب منها: معملتيش لسه اي حاجه ,وعايزني اوعدك , نفس كلام امك هاتي الدهب انجري
جميله وهي بتمد بخطواتها: حاضر
………….قصص منه محمد كاتب…………
ماشيه في الشارع تتمخطر لمحها وقف بسرعه بالموتسكل
اسير: كويس اني لقيتك كنت جيلك
ميرفت خطفت من فتحه قميصه النضاره الشمسيه و بفرحه: بجد جاي تقابلني في بيتي
اسير: ايوه عايز اعرف حاجه عن صحبتك
ميرفت: بتٍسال عن جميله
اسير: ايوه اظن كده هي في مشكله
ميرفت بحقد وغيره انه مهتم بيها قالت: معرفش عنها اي حاجه, اصل ملخومه في عزال بنت عمي فرحها كمان يومين عشان كدا انشغلت , واتصلت بيها تلفونها مقفول, ولما روحت بيتها كان مقفول بالقفل, لكن انت ليه قلقان وهي حتي مش بتبصلك
اسير بقهر: ميهمنيش هعرف بنفسي انسي
ميرفت: طبيعي يا اسير لما تسألني عن جميله اغير منها
اسير: انتي نوعيتك اي من ضمن البنات, صحبتك في مشكله وانتي مش مهتمه كنتي لازم تروحي لـ ابوها وتسأليه عنها
ميرفت بحقد: وانت ليه بتشفق عليها ايه الحكايه
اسير: مش شفقه حبيتها بقالي تلات ايام بحاول افهم ليه مهتم بيها, ليه هتجنن وانا مش عارف عنها اي حاجه , بس دلوقت فهمت, او بمعني احر اتاكدت , الشفقه مش بتسرق النوم الحب بس الي بيسرقه وانا بحبها
ميرفت حست بالغيره والكراهيه وحاولت تتماسك قدامه
اسير مد ايده: النضاره
ميرفت ادتهاله وهو اخدها ومشي وميعرفش انه حط نار في طريق جميله عن طريق ميرفت
نفس الوقت ذكي وجميله راكبين توكتك وقالها: شايفه كان لازم ينطرد الفلاتي ده من الدكان شايفه بيلعب ببنات الحته اياك تردي ع مكالمات البت المايعه ميرفت سامعه الي قولته
جميله شاورت بدماغها: ايوه (بتحاول تلف تشوفهم)
ذكي لف رقبتها : اياك تبصي وراكي ع الصايع
………..قصص منه محمد كاتب……………..
يوم جديد ذكي الموتسكل اتعطل في نص الشارع ومال ع جنبه بيحاول يعدله مش قادر لحد ما عربيه بيضه وقفت قدامه ونزل منها سعيد وايمن
ذكي بصلهم: الماكينه اتعطلت انا كنت جيالك يا سعيد ياخويا, لكن الماكينه جابت اخرها
سعيد: انا كمان جبت اخري
ذكي: هروح اجبلك الفلوس
ايمن بصله بتعجب لما فضل يفتش في الموتسكل وقاله بسخريه: هي هتطلع فلوس
سعيد بستغراب: هو انت بتعمل ايه
ذكي بسرعه طلع ظرف ومدهوله وسعيد اخده: بتديني الفلوس في الظرف ماشي
ايمن اضايق انه قدر يسدد الدين وكدا مش هيحصل ع جميله
سعيد: دول خمستاشر الف امتي هتديني باقي فلوسي
ذكي: هسددلك الباقي في خلال شهور يا سعيد ياخويا
سعيد: لاء انا مش اخوك لما الموضوع يتعلق بحترام ابني انتهت علاقه الاخوه , واسمعني دلوقت مفيش اخوات في التجاره , اديني 30 الف فلوسي وخد ورق الدكان
ذكي مسك فيه: بلاش تعمل فيا كده
سعيد بنرفزه وغضب: ايدك يا مجنون
ايمن سحب ذكي: ابعد عن ابويا زعلان هديلك نصيحه لو وافقت تجوزني بنتك
ذكي وسع عيونه: ايه بتستغل ضعفي اسيبك تتجوز بنتي الي عمال تضايق فيها في الكليه
ايمن مثل المسكنه وقاله: انا شاب مستقيم , اقسملك اليوم ده كنت بساعدها وكنت عارف انها بنتك صدقني , عمي انت قلقان ع الفيديو الي فيه القلم متقلقش انا حذفته , انا بقدر احترام بنتك اقولك الصراحه انا بعتذر عن الغلط الي حصل في اليوم ده , ومسير جميله هتتجوز فين المشكله فيا انا شاب متعلم ووسيم وابويا غني , وهاخد بالي من التجاره واكبرها ومتقلقش ع الدين مش عايز منك اي حاجه وهتاخد كمان دكانك , وبقولك خد مننا البضاعه الي تعوزها واملاه زي ماتحب , وهيتنهي عجزك وقله حيلتك كمان وتخلص
ايمن بص لسعيد الي عمله لايك وهو غمزله خطتهم ماشيه بجداره
ايمن كمل: ازاي اثبت لك اني كويس قولي والا لو كان فيه حد مكاني ولو مفيش يبقي توافق وانا هرفعلك الموتسكل
ذكي: سيبه مش هتقدر
ايمن رفع الموتسكل وقاله: فكر في الموضوع ورد عليا
سعي: يله يا ايمن اتأخرنا
ايمن راح ع العربيه وشاور للناس: ساعدوه اصله واقف لوحده
ذكي زق الناس: لاء مش عايز مساعده
…………..قصص منه محمد كاتب…………….
اسير نزل من العربيه
اسير لحمو: نزل البضاعه بحرص
اسير شافها ع السطح بتلم الغسيل مد من الدكان ووقف وشاورلها
اسير بيشاور: جميله انسه جميله عايز اتكلم معاكي
جميله من الخوف بقت تخطف في الهدوم من ع الحبل
اسير بصوت عالي: اسمعي لازم اتكلم معاكي قادر اساعدك جميله
ابوها في نفس اللحظه كان جاي من المحل ع الموتسكل المهكع وشافه واسير اتحرك ع الدكان وابوها ركن وراح جري وراه
ذكي: اقف يا قليل الادب انا فاهم عينتك من الاول انت بلطجي
اسير بعصبيه: سيطر ع لسانك وخليك راجل محترم
ذكي بنفعال: انا محترم عشان كدا هسيطر ع لساني وايدي والا كنت علمتك درس عمرك
اسير: روح الاول انقذ محلك المرهون لسعيد التهامي
ذكي شمر كمامه : اه يا وقح تتهمني عشان تهني, انت مالك ارهن محلي ولا اخربه انت مالك
اسير مسك نفسه بأعجوبه عشان جميله واخد نفس وقاله بكل هدوء: شوف يا عمي بما اني جارك في المنطقه ممكن اساعدك
ذكي بحتقار: جار انا حتي استخسر اتف ع المساعده دي مره مع بنت في الشارع ومره عينك ع السطح
اسير: انت ساجن بنتك وقافل عليها وتقول عني بلطجي
ذكي سحبه من التي شيرت: انت قذر وبلطجي وملكش دعوه ببنتي
اسير طوح ايده : بصتلها معملتش حاجه , عشان تسحبني من الفانله كدا , انا لحد اليوم متولدتش الي يحط ايده ع اسير الدين امشي من هنا يله
حمو الصبي لـ اسير وبيحبه لان اسير بيعطف عليه جري جوه الدكان وجاب خشبه وطلع يجري وري ذكي الي خاف وطلع يجري
اسير مسكه من وسطه : بس خلاص يا حمو مشي
حمو بصراخ: تمسك فانله المعلم اسير استني سيبني عليه يا معلم
اسير :اقف بقي وارمي الحديده دي
اسير بقي كل همه ينقذ جميله من بطش وقسوه ابوها لكن مش عارف ازاي
…………قصص منه محمد كاتب………………
ذكي دخل وجميله جسمها بيرعش لما قرب عليها وقالها: من امتي علاقتكم
جميله بتشاورله بدماغها بـ لاء ذكي صرخ فيها: انا بسأل من امتي
جميله: بابا انت بتقول ايه اي علاقه انا حتي معرفوش
ذكي: ازاي عرف ان دكاني مرهون لسعيد , ازاي عرف اني قافل عليكي البيت
جميله ببكاء: بحلفلك بالله اني معرفش انا طلعت الم الغسيل الي بقاله اربع ايام محطوط ع الحبل
ذكي: لاء الموضوع عدي الحلفان , انكري انه محاوش يتكلم معاكي , انكري انه مكنش عايز يساعدك
جميله بدموع: بابا لازم تثق في تربيتك , انا معملتش حاجه والله , ولا اعرف ليه بيقول كده
ذكي مسكها وهزها بعنف: تريه انت تربيه امك حبستك اربع ايام فتحتهالي نادي في البيت
جميله: انت غلطان انا معملتش حاجه اقسم لك معملتش
ذكي: القرار الي مكنتش قادر اخده طول الطريق , افعالك خلتني اخده , هتصل بسعيد حالا واقوله اني وافقت تتجوزي ابنه ايمن
جميله بصرخه: لاء
ذكي بحزم وشده: اخرسي يا كلبه اخرسي خالص
جميله بتشد منه الموبيل: متعملش فيا كدا ارجوك بابا ابوس ايدك اسمعني
ذكي ضرب ايدها بعنف: سيبي
جميله مسكت ايده: متعملش كده اوعدك هسمه كل كلامك من اليوم هعمل كل الي تقولي عليه بس بلاش تجوزني منه
ذكي خبطها في الحيط: لما روحتي الكليه برضو وعدتيني انك مش هتضحكي عليا وتخدعيني وهتتجوزي بختياري لو نسيتي انا فاكر
جميله: انا فاكره بس ايمن شاب مش كويس كل المشاكل حصلت بسببه, بسببه خسرنا الدكان وسبت الجامعه كل ده بسببه صدقني هو واحد مش كويس
ذكي: هو شاب محترم اعتذر وحلف انه كان بيساعدك
جميه بحده مسحوبه غضب: وانت صدقت حلفانه وشكيت في اخلاقي بسبب كلام اسير ليه بتعمل فيا كده
ذكي: المكان الي بيقوم فيه عاصفه بتقع الدنيا , وانا مش عايز الي عيونهم ع بيتي النهارده يتفوا ع وشي بكره
جميله : بلاش تظلمني , انا مش عايزه اتجوزه , هـ موت نفسي
ذكي: ازاي تقدري , قوليلي هـ تموتي نفسك ازاي, انا هـ قتلك واغسل عارك , روحت لسعيد بـ الخمستاشر الف قالي انه مش هيرجعلي الدكان الا اذا اتجوزتي ابنه , وانا مش هقدر اجوزك من غير جهاز لو مأخدتش الدكان هنموت من الجوع وانتي موتيني , لما موتي احترامي لنفسي فيه حل ثالت هقولك عليه( زقها بعزم قوته) الباب مفتوح امشي وابوكي مـ ات
جميله وقفت مكانها تعيط بحرقه
ذكي حط الموبيل ع ودنه: ايوه يا سعيد
جميله صرخت: بابا حرام عليك
استوب ومنتظره ظهوركم ع الاحداث ياتري جميله هتستسلم لقرار ابوها واسير هيسكت
ميرفت مممكن تعمل ايه في جميله من كتر الحقد… رباب ممكن تعمل ايه في اسير وخيريه هتسكت
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لعنة اختي والعقرب)
