رواية حبيبتي مجنونه رسمي الفصل الأول 1 بقلم رحاب القاضي

رواية حبيبتي مجنونه رسمي الجزء الأول

رواية حبيبتي مجنونه رسمي البارت الأول

رواية حبيبتي مجنونه رسمي الحلقة الأولى

ــــــــــــــ
علي _
في ايه داخل عندي كده ليه يا بني ادم مش قولتلك تخبط الاول قبل ما تدخل…
رد عليه الممرض بخوف وقال_
الحق يا دكتور ناهد المريضه الجديده عماله تصوت وخاربه الدنيا جوه..
علي بخوف _
يوووه ما اعرفش اشرب كوباية شاي بمزاج انا، اتنيل تعالي ورايا..
_راح علي للاوضه اللي فيها ناهد لقي الممرضين ماسمينها جامد وهي عماله تبكي فقرب منها وقال..
علي _
اهدي يا ناهد مالك متعصبه ليه؟…
زعقت ناهد وقالت وهي بحاول تخلي الممرضين يسبوها _
وده يطلع مين كمان، مين التلاجه اللي واقف قدامي..
قال علي للمرض اللي جنبه بهدوء _
قولي يا فهيم هي شيفاني تلاجه ولا ده وصف..
قبل ما يرد عبيه فهيم ردت عليه، قالت ناهد بخوف وبكاء…
ناهد _
لا بوصف برودك ده، انا مش مجنونه عشان تدوني جلسات كهرباا والله مش مجنونه..
وقف علي وقال للممرضين بحده _
سيبوها…
دخل دكتور تاني معاه وقال _
تؤ مش هيسبوها الحاله دي تحت اشرافي…
ناهد بخوف وبكاء صرخت وقالت _
كداااب انا مش مجنونه متصدقوش هو اللي اتبلي عليا متفق مع جوز امي..
بص علي بحده للدكتور وقال بعصبيه _؟؟؟
ــــــــــــــــــــــــــــــــــــــــ
_وقبل ما نبدأ حكايتنا تعالو اعرفكم علي البطل النهارده واللي اسمه علي دكتور امراض نفسيه عنده تلاته وتلاتين سنه طيب اووي وعايش مع مامته لوحدهم من بعد ما باباه راح..
_وفي يوم كلع من اوضته راح لمامته اللي كانت بتحط الفطار علي السفره وباس ايدها وقال..
علي بهدوء _
يا صباح الفل علي ست الكل اللي منوره حياتي..
ام علي بحده _
اوعي كده انا زعلانه منك ومش بكلمك..
علي وهو بيقعد يفطر رد عليها وقال _
بشوقك يا ست الكل الطعميه دي عملاها ولا جيباها من عم حنفي..
ام علي بغيظ ردت عليه وقالت _
لا جيباها من التلاجه اللي حاطط اعصابك فيها..
قالها علي بخبث وهو بياكل الطعميه _
يا ماما انتي هتصحكي عليا، الطعميه سخنه يعني ما كانتش في تلاجه..
قلعت الام شبشبها وقالت بحده _
انت ايه ما عندكش دم ده انت خطوبتك لسه مفسوخه امبارح، الخطوبه رقم كام دي اللي تتفسخ بسببك؟…
_رد عليها علي بعد ما اتخبي ورا الكنبه وهو خايف من مامته وقال…
علي _
الخطوبه رقم ١٣ باين..
مسكته ام علي من قفاه وقالت بغيظ _
١٣ مره تخطب والعروسه تطفش منك…
علي بخوف قالها _
والله هما اللي مش فيهم ولا واحده عرفت قيمة الدكتور علي الشاذلي ابنك….
ام علي بسخريه _
بلا نيله قال دكتور قال عاملي فيها مجدي بعقوب وانت في الاخر دكتور مجانين يا ابن المجنونه..
علي ضحك وقالها _
ما انا دخلت القسم ده عشان اعالجك يا ماما…
ام علي بحده زعقت فيه وقالت _
لييه شايفني محنونه يا روح امك؟..
علي وهو بيحاول ما يضحكش رد عليها وقال _
ما انتي اللي بتقولي اني ابن مجنونه ولا انتي مش امي..
زعقت فيه مامته وقالت _
امشيي غور اطلع بره انا غلطانه اني بتكلم معاك..
رد عليها علي وقال _
طيب افطر يا ماما جعان والله..
ام علي بعصبيه قالتله _
لاا مش هتفطر، بقي يا واطي تاخد خطيبتك تفسحها تقوم توديها مستشفي المجانين بتاعتك وتعرفها علي المجانين..
ادايق علي ورد عليها وقال _
لا مدام وصلت انك بتقولي علي صجابي مجانين وبتقللي من مكان شغلي فا انا همشي بكرامتي احسن..
_مشي علي وركب عربيته وراح المستشفي، وصل بعد شويه وطلب فطار وفطر وبعدين دخل امجد صاحبه وقاله..
امجد _
عامل ايه يا عم المفسوخ..
قاله علي بحزن _
ااه فسخت وماما اكيد قالتلك السبب..
رد عليه امجد. وهو بيقعد وياكل معاه وقال _
لا مش مامتك اللي قالتلي انا عرفتها لوحدي لما لقيتك امبارح جايب نسرين تعرفها علي المرصي، والله العظيم انت اللي خلاك دكتور ظلمك انت مكانك معاهم في العنبر..
زعق فيه علي بغيظ وقال _
طيب امشي اطلع بره وافتكر ان بسبب المرضي دول انت بتقبض مرتب عمر اهلك ما حلمو بيه..
امجد بسخريه _
زلونا بقي بالقرشين اللي بنقبضهم، وعلي العموم انا ؤايح عندي حاله لازم اشوفها..
_قعد علي يكمل فطاره وكان لسه هيشرب الساي دخل الممرض وقال وهو خايف جدا..
الممرض _
الحقنا يا دكتور علي الحقنااا مصيبه..
علي _
في ايه داخل عندي كده ليه يا بني ادم مش قولتلك تخبط الاول قبل ما تدخل…
رد عليه الممرض بخوف وقال_
الحق يا دكتور ناهد المريضه الجديده عماله تصوت وخاربه الدنيا جوه..
علي بخوف _
يوووه ما اعرفش اشرب كوباية شاي بمزاج انا، اتنيل تعالي ورايا..
_راح علي للاوضه اللي فيها ناهد لقي الممرضين ماسمينها جامد وهي عماله تبكي فقرب منها وقال..
علي _
اهدي يا ناهد مالك متعصبه ليه؟…
زعقت ناهد وقالت وهي بحاول تخلي الممرضين يسبوها _
وده يطلع مين كمان، مين التلاجه اللي واقف قدامي..
قال علي للمرض اللي جنبه بهدوء _
قولي يا فهيم هي شيفاني تلاجه ولا ده وصف..
قبل ما يرد عبيه فهيم ردت عليه، قالت ناهد بخوف وبكاء…
ناهد _
لا بوصف برودك ده، انا مش مجنونه عشان تدوني جلسات كهرباا والله مش مجنونه..
وقف علي وقال للممرضين بحده _
سيبوها…
دخل دكتور تاني معاه وقال _
تؤ مش هيسبوها الحاله دي تحت اشرافي…
ناهد بخوف وبكاء صرخت وقالت _
كداااب انا مش مجنونه متصدقوش هو اللي اتبلي عليا متفق مع جوز امي..
بص علي بحده للدكتور وقال بعصبيه _
وانا بقولك يا عز انها مش هتاخد جلسات كهربا ويا انا يا انت..
عز بحده زعق فيه وقال _
انا عمري ما اتدخلت في شغلك حاشر مناخيرك ليه بقي في شغلي زهقتني يا شيخ.
علي ببرود رد عليه وقال _
خلصت يا عز يا حبيبي فرك، وريني بقي ملف الحاله دي وافتكر اني المشرف عليك انت واللي زيك..
_بصله عز بحده ومسك الملف بتاع ناهد واداه لعلي اللي فتحه وبص فيه وقال بعصبيه لعز..
علي بزعيق _
دي مش مجنونه بقي؟..
عز بقلق رد عليه وقال _
لا مجنونه عندك شهادة الناس عنها، ذهاب بالعقل وتخريف اهو موجود مستني ايه تاني..
علي بص لناهد وقال _
انتي اسمك ايه؟..
ردت عليه ناهد وقالت _
ناهد…
عز بخبث سألها وقال _
اسم باباكي ايه؟…
ردت عليه ناهد ببكاء وقالت _
ما اعرفش والله اسمه ايه…
عز ببرود بص لعلي وقال _
اامممم ركز بقي يا دكتور علي في اللي جاي..
وبعدين بص لناهد وقالها _
اومال محمد سيد عمر ده يبقي مين؟…
ردت عليه ناهد ببكاء وقالت _
ده مش بابا ده جوز امي، هو اللي قالي انه خلي ماما تكتبنا باسمه بعد ما بابا راح وكمان والله العظيم هو اللي اعتدي عليا ولما صوتت وفضحته قال اني مجنونه و…
قال عز بخبث _
بس بس بس كفايه اووي كده اللي سمعه الدكتور،وعندك تحليل يثبت انها بنته، بس هي بتهرف بحاجات مش طبيعيه..
بص علي لناند اللي بتبكي وخايفه وقال بجديه _
ناهد هتكون تحت اشرافي…
عز بحده زعق فيه وقال _
نعممم يا دكتور دي حالتي انا و…
قاله علي بجديه _
وانا اللي هتابع حالة ناهد مش عاجبك الحيطه وراك انت عارف كويس هتعمل بيها ايه؟..
وبعدين بص علي للمرضين وقال _
سيبوها..
بعدو عنها الممرضين وهي جريت ووقفت جنب علي وقال ببكاء..
ناهد _
والله العظيم مش بكدب، هو اللي زور التحقيق….
علي بهدوء قالها _
عارف بس اهدي وانا هجيبلك حقك….
_مسك ايدها وطلع معاها بره وهي كانت مطمنه اووي معاه ودخل المكتب بتاعه وقال بغيظ..
علي _
ما شربتش الشاي واخدو الكوبايه ومشيو طيب كانو سابوها اكملها ده انا دافع في الكوبايه عشره جنيه الحيوانات…
ناهد بقلق سالته _
انت هتطلعني من هنا؟..
رد عليها وقال بهدوء ـ
لا ما اقدرش اطلعك طبعا..
ناهد بخوف قالتله _
اومال هتعملو فيا ايه؟..
علي وهو بيقعد مكتبه بصلها وقال_
انا اللي اقدر اغمله ليكي ان ما حدش هياذيكي بس كده..
ناهد بخوف قالتله _
بس انت عارف اني مش مجنونه، انت صدقتني صح؟..
بص علي لخوفها بحزن ورد عليها وقال _
انا مصدقك بس الكشف الطبي مش مصدقك، بصي انتي هتقعدي هنا في اوضه لوحدك. وابقي هاديه وفتره كده واخلصلك الورق بتاعك واطلعك..
بكت ناهد وقالتله _
والله مش مجنونه هو دخلني هنا عشان اتكسر وارجعله، ابوس ايدك اتصرف وطلعني..
اتنهد علي ورد عليها وقال بصيق _
يا بنتي اقسم بالله انتي واخده فكره غلط. عني انا تافهه والله وماليش في اي حاجه جد خالص بصي اعملي اللي قولتلك عليه وريحي دماغك وفكك مني..
_بصتله بحزن وسابته ومشيت وهو اول ما رجع بيتهم لقي مامته لمت ليه كل هدومه ورمتهاله قدام الباب، فادايق وقالها..
علي _
ايه ده يا ماما؟..
ام علي بحده _
هدومك رميتهالك عشان اريح دماغي منك…
علي بغيظ رد عليها وقال _
طيب ينفع كده ترميهم علي الارض اهو اتوسخو وعايزين نجيب فانش ابو خمسن جنيه..
زعقت ام علي فيه بحده وقالت _
الله يخرب بيتك ايه البرود ده هتنقطني..
علي بهدوء قالها _
وسهي كده يا ماما دخليني والله جعان اووي وكمان عايز انام..
ذقته ام علي بره وقالتله _
كان فيه وخلص يا عينيا اطلع بره..
علي بغيظ _
ايه يا ماما قلة الاصل دي انا ابنك برضو..
ام علي بحده _
لما تبقي تراضيني ابقي اخليك تدخل وتبقي حبيبي..
علي بضيق رد عليها وقال _
طيب وانا اراضيكي ازاي بقي يا ست الكل..
ردت عليه مامته وقالت _
تتجوز؟..
علي بهدوء رد عليها وقال _
خاضر بكره هبقي اتجوز عديني بقي عايز ادخل..
ام علي بحده قالتله _
لااا يا حبيبي ده اللي ربي خير من اللي اشتري…
علي بغيظ _
انتي عايزه ايه دلوقتي يا ماما بقي…
ردت عليه مامته وقالت بحده _
عروسه تجيبلي عروسه هدخلك مش هتجيبها مش هدخلك..
_خلصت كلامها وقفلت الباب في وشه فمال هو علي الارض ولم هدومه وقالها بخبث..
علي _
طيب تنفع عروسة مولد او عروسه لعبه تمشي بيها حالك لحد ما اكل وانام..
_فتحت ام علي الباب وحدفت عليه الشبشب فجري هو بسرعه من قدامها وهو بيضحك، وراح المستشفي تاني..
ــــــــــــــــــــــــــــــــــــــــ
قدام اوضة ناهد كان واقف عز مع الممرضه وقالها بحده..
عز _
بقولك ايه يا بت انتي مش مديكي فلوس عشان تقوليلي مش راضيه تاخد العلاج اتصرفي..
ردت عليه الممرضه وقالت _
يا دكتور دي لا راضيه تاكل ولا تاخد اي علاج، انا ازاي اديها الحبوب دي بقي…
عز بغيظ قالها _
ما ليش فيه اتصرفي المهم البت دي تاخد البرشام ده والا هيبقي ده اخر يوم ليكي في المستشفي..
ردت عليه الممرضه بسرعه وقالت بخوف _
لا يا دكتور ابوس ايدك ده انا اللي بصرف علي اهلي…
عز بخبث قالها _
ايوه كده اتعدلي وقدامك عشر دقايق وتيجي وتقوليلي انها اخدت العلاج..
الممرضه _
حاضر يا دكتور عز اللي تشوفه..
_مشي عز وراح مكتبه وجات تدخل الممرضه عند ناهد، بس قرب منها علي وقالها بهدوء…..
علي _
رايحه فين يا بنتي كده؟..
اتوترت الممرضه وردت عليه وقالت _
ااا ااالمرىيضه ناهد مش بتاخد العلاج وراضيه تاكل فا انا داخل اشوفها، وهو حضرتك لتعمل ايه دلوقتي مش الشيفت بتاعك خلص..
رد عليها علي وقال _
هاا لا اما جاي يوم اضافي، المهم انا داخل اكشف علي ناهد تعالي معايا…
الممرضه بقلق قالته _
حاضر يا دكتور اتفضل..
علي _
اين ده انا نسيت موبيلي قي المكتب هتعبك بس تجبيه ليا من جوه عشان مستني موبيل مهم..
الممرضه_
حاضر يا دكتور هروح اجيبهولك وجاي..
_مشيت الممرضه عشان تروح تجيب ليه الموبيل وهو دخل عند ناهد وقالها بقلق..
علي _
نااهد قومي معايا يلا بسرعه..
قامت ناهد وقالتله بخوف _
ايه عايز مني ايه لاااا انا ممكن ابقي مجنونه فعلا، انت عايز مني ايه؟…
رد عليها علي بغيظ وقال _
هكون عايز من اهلك ايه عايز اساعدك يلا انا هطلعك من هنا..
ناهد بخوف قالتله _
وانا ايه اللي يثبتلي ان كلامك صح؟..
رد عليها علي وقال بجديه _
الكلام اللي انتي قولتيه صح الدكتور عز عايز ياذيكي انا سمعته بيقول للممرضه انها تديكي برشام غلط..
بصتله بخوف وقلق فقالها بسخريه _
شكله عاجبك المكان انا مالي اصلا خليكي..
مسكت ناهد ايده قبل ما يمشي وقالتله _
يلا بينا انا هثق فيك واجي معاك..
ضحك علي وقالها _
لا هي مش لدرجة الثقه انا بقولك اعربك مش اتجوزك..
ناهد بغيظ قالتله _
وانت تطول تتجوزني اصلا، اتنيل هربني..
_بصلها علي وافتكر كلام مامته وانها عايزاه يتجوز وبص لناهد وقالها بخبث…
علي _
ااه اطول تعالي معايا..
ناهد بقلق _
طيب هنطلع ازاي من هنا وانا ممنوع الخروج ليا غير باذن..
علي وهي بيقولها بهدوء _
هنطلع من الباب الخلفي الكاميرات اللي هناك بايظه وما حدش هيشوفنا يا عروسه..
ناهد بقلق سالته _
ايه عروسه دي كمان متتكلم كويس؟..
رد عليها وهو بياخدها ويمشي وقال _
هفهمك كل حاجه بس اسكتي عشان نقدر نطلع من هنا، تعالي الاول بس اجيبلك الورق بتاعك من الارشيف..
ناهد وهي مش فاهمه حاجه سالته وقالت _
ليه طيب مش مهم الورق ده؟..
علي _
لا مهم فيه صورة بطاقه هنحتاجها واحنا بنطلع ليكي بطاقه جديده…
ناهد بغيظ قالتله _
استني هنا انا مش هتحرك ولا خطوه كمان لما افهم في ايه؟…
بصلها علي وقال بكل جديه _
هتجوزك يا ناهد..
سحبت ناهد ايدها من ايده وقالت بزعيق _
نعععععم يا عووووومر..
علي بتوتر وقلق رد عليها وقال _
اسمي علي مش عمر ووطي صوتك هنروح في داهيه..
ناهد بحده _
انت واخدني فين عايز تغدر بيا صح؟…
علي بهدوء _
هنعمل اتفااق بس تعالي معايا يلا…
بصتله ناهد بقلق و_؟؟…..
ــــــــــــــــــــــــــــــــــــــــ
_في مكتب عز كان قاعد متعصب وكلم جوز ام ناهد وقال له..
عز _
بقولك ايه البت هربت ومحدش عرف هي راحت فين..
زعق فيه محمد وقال _
نعمم يا اخويا اومال امت واخد مني اد كده ليه، مش عشان تربيها وتخليها ترجع تركع تحت رجلي..
عز بضيق _
اعملك ايه بقي هربت..
محمد بحده _
اقفل ياه وانا هتصرف واجيبهالك تاني بس المره الجايه تنجز يا روح امك، انا عايز البنت دي ترجعلي تاني ومن غير شوشره..
عز بسرعه رد عليه وقال _
انت رجعها بس وانا والله هظبطلك الدنيا زي ما تحب وزيااده كمان…
ــــــــــــــــــــــــــــــــــــــــ
_فتحت ام علي الباب ولقيت قدامها علي ومعاه ناهد فقالتله بقلق..
ام علي بحده _
مين دي يا واد..
رد عليها علي وقال _
هو مش انتي عايزه عروسه اهو جيبتهالك..
لطمت ام علي علي وشها و؟..
_تفتكرو هيحصل ايه؟