رواية موعد مع القدر (تحدي الإعاقة) الفصل الخامس 5 بقلم لبنى دراز
رواية موعد مع القدر (تحدي الإعاقة) البارت الخامس
رواية موعد مع القدر (تحدي الإعاقة) الجزء الخامس
رواية موعد مع القدر (تحدي الإعاقة) الحلقة الخامسة
لا تحزن من محنة فقد تكون منحة..
ولا تحزن من بلية فقد تكون عطية..
فـكل محنة مرت بى ملأت كأسى الفارغة بالصبر والإيمان..
بقلمى✍️________________لبنى دراز
فـ بيت أيمن الهوارى
أم أيمن:: أبنى أيمن فيه حاجة قلبى وجعنى واتخطف ..أبنى مش بخير يا أحلام انا عارفة
أحلام:: وحدى الله يا أم أيمن زمانه جاى دلوقتى بس تلاقيه اتأخر شوية علشان كدا انتى قلقانة عليه
أم أيمن:: لا إله إلا الله سيدنا محمد رسول الله عليه الصلاة والسلام … يااارب طمنى ع ابنى ماليش غيره.. يااارب هات العواقب سليمة ياااارب.
وبعد ساعتين فون أم أيمن رن وكان اخوها سعيد بيتصل علشان يبلغها بحادثة ابنها ومقدرش
أم أيمن: السلام عليكم
سعيد : وعليكم السلام ورحمة الله …… ساكت ومش عرف يقول ايه
أم أيمن: بخوف وقلق.. مالك يا سعيد؟ ..أيمن جراله حاجة؟ ..ريح قلبى ..قولى ابنى في ايه
سعيد:: بتسرع ..عرفتى ازاى
أم أيمن :: صرخت بصوتها كله و وقع منها الفون ابننننيييييي ااااااه يااااااارب أييييمننننن
أحلام:: مسكت الفون ..الووو ..يا أستاذ سعيد
خير فى ايه ؟
سعيد :: سامع صوت أخته ..و رد ع جارتها وقالها ..أيمن عمل حادثة بعربيته وهو دلوقتي ف مستشفي ……
أحلام:: خلاص انا هجيبها ونيجى ع طول وقفلت الخط .. ولسة هتقولها قومى ..كانت الجيران اتلمت ع صوتها
و أحلام قالتلهم..ان أيمن عمل حادثة ..
أحمد السواق :: ده واحد من جيرانها عنده تاكسى ..لا حول ولا قوة إلا بالله العلى العظيم.. قومى يا أم أيمن تعالى نروح نطمن ع الباشمهندس وان شاء الله بسيطة ..
قامت أم أيمن مع جيرانها وراحت المستشفى
________________
ف المستشفى
منى:: سمعت كلام أيمن مع الدكتور وفضلت تصرخ بننننتتتتى منة.. ياقلب امك يابنتى ..ومسكت ف الدكتور ..ابوس ايدك طمنى ع بنتى اوطى ع رجلك ابوسها بنتى ماليش غيييرهاااا أرجوك قولى منة فيها ايه و انهارت من شدة الانهيار فقدت الوعى..
محمد ومصطفى:: جريوا عليها
ماااما ..فوقى يا ماما الله يخليكى وبعياط شديد بيكلموها ويحاولوا يفوقوها مش عارفين ..
سلوى:: خلاص يا ولاد هندخلها الطوارئ وهناك الدكاترة يفوقوها وهتبقى كويسة بس بلاش عياط ..
عادل:: ايه يا شباب انتوا رجالة ماشاء الله يعتمد عليكم ..لازم تجمدوا كدا علشان تقدروا تقفوا ما باباكم ومامتكم وكمان تطمنوا ع منة وان شاء الله ماما ومنة هيكونوا بخير..
محمود: قلبه مكسور ع ضحكته ولكن ظاهريا متماسك..وقال للدكتور طمنى يا دكتور منة حالتها ايه
الدكتور:: والله مش هخبى عليك منة لما وقعت من العربية نزلت ع ضهرها اتخبطت ف الرصيف وانا بصراحة شاكك ان الخبطة تكون اثرت ع العمود الفقري
محمود :: بقلق.. بيسمع وخايف من كلام الدكتور وقال.. يعنى ايه يا دكتور
الدكتور ::مقدرش اقولك بالظبط انا شاكك ف ايه الا لما منة تفوق لان ممكن يكون شكوكى مش ف محلها وبعد ماتفوق اقدر اتاكد من شكوكى او أنفيها
محمود :: لله الامر من قبل ومن بعد ..بيبكى بصمت وقلبه بيموت من الخوف ف الثانية مليييون مرة ع ضحكة قلبه و اول فرحة فـ حياته ..
عادل :: بعد ما اطمن ع هدير وعرف من الدكتور ان اصابتها بسيطة ..واقف بيطمن ع أيمن وعايز يفهم منه..
أيمن:: ساكت مش بيرد .. مش قادر ينطق ومش سامع عادل اصلا بيقول أيه كل تفكيره ف منة وبيلوم نفسه ..ياريتى ما زقيتها يااااريت..بس ازاى دى العربية انفجرت يعنى كان ممكن… ومقدرش حتى يتخيل ورجع تانى ..بيلوم ع منة ..ليييه ماسمعتيش كلامى قولتلك نطى..ليه مانطتيش زى هدير كان زمانك كويسة دلوقتي ..ليييه يا احلى حاجة فـ حياتى تجبرينى ازقك ..لو جرالك حاجة مش هسامح نفسى
عادل بيحاول يتكلم مع أيمن وأيمن سرحان ف تأنيب ضميره ولوم نفسه مش سامع ولا شايف عادل .. لغاية ما فاق ع صوت أمه وهى بتصرخ وتجرى تدور عليه ..بص ليها و مد ايده السليمة اخدها فـ حضنه يطمنها
أيمن:: بس يا أمى انا بخير قدامك اهو والله مافيش حاجة
أم أيمن:: بخوف وقلق..يانور عينى حصلك ايه يابنى طمنى عليك وبتعيط ف حضن ابنها ومش قادرة تاخد نفسها
ياريتنى كنت انا ..ولا يصيبك مكروه يانور عينى
أيمن:: حس بيها.. بعد الشر عنك يا حبيبتى وبعدين انا كويس صدقينى وحب يهديها شوية ..قالها انا زى القرد ادامك اهو عمر الشقى بقى هههههه وباس ع راسها وايدها عشان يطمنها والجيران اطمنوا عليه وشكرهم انهم كانوا مع أمه وماكانتش لوحدها وسأل عرفتوا ازاى ردت
أحلام:: خالك سعيد اتصل ع والدتك يابنى بس من قبل ما يقول حاجة وهى حاسة بيك وكان ليها ساعتين او اكتر بتقول ابنى مش بخير
و اول ما سمعت خالك فضلت تصرخ من غير ما يقولها وانا اخدت منها الفون وعرفت انك هنا وجينا جرى سلامتك يابنى الف حمدالله ع السلامة
أيمن:: الله يسلمك يا طنط أحلام..
سعيد:: بقلق.. أيمن حمد الله ع سلامتك يابنى طمنى عليك يا حبيبى..
أيمن :: الله يسلمك يا خالى .. الحمدلله جات بسيطة يادوب كسر ف دراعى ورجلى .. وشوية كدامات .. ومسألة وقت وهبقى كويس..بس انت عرفت ازاى..
سعيد:: حد كلمنى من فونك لما وقعت من العربية وقال انى كنت اخر رقم انت كلمته علشان كدا هو اتصل عليا..
أيمن :: فعلا يا خالى انا النهاردة ماكلمتش حد غيرك ..بس ازاى وامتى اتصل بيك الشخص ده انا فونى وقع منى ومش لاقيه ومش عارف اصلا وقع منى فين..
سعيد:: تقريبا كدا كان موجود وشاف الحادثة .. وبعد ربع ساعة رن فون سعيد
وكان رقم أيمن و رد.
سعيد :: الوو ..
*_ حضرتك انا اللى بلغتك بالحادثة عايز اجيب لك الفون بتاع قريبك..
سعيد:: متشكر جدا لـ امانتك العالية ..احنا ف مستشفي….
*_ تمام يا افندم انا قريب منها هاجى لحضرتك حالا ..
سعيد:: تمام ف انتظارك وقفل
بعد شوية منى فاقت وطلعت وقفت عند العناية المركزة وبتترجى الدكتور تشوف منة
الدكتور:: صدقينى يا مدام هنطمن عليها ونعملها اللازم واخليكى تشوفيها بس دلوقتى ممنوع ..و سابها ودخل تانى العناية..
سلوى:: اهدى يامنى هتكون كويسة ان شاء الله ..هونى ع نفسك شوية ..
وعادل قاعد جنب محمود بيهون عليه وعلى التوأم اللى دموعهم مغرقة وشهم ..طبعا منة اختهم الكبيرة وصاحبتهم وفرحة البيت كله
منى:: بصت لهدير ..قوليلى يا هدير ايه اللى حصل يابنتى فهمينى الحادثة حصلت ازاى
كل اللى موجودين انتبهوا لسؤال منى ..حتى أم أيمن وخاله والجيران اللى معاهم
هدير:: اللى حصل يا طنط ان واحنا راجعين من التمرين زى كل يوم كابتن أيمن حس ان فيه حاجة مش طبيعية حاول يسيطر ع العربية معرفش وزعق لنا جامد اوى علشان ننط من العربية وانا خوفت ونطيت الاول وكان ف حد قريب مني لحقنى والعربية برضوا ماشية ولما وقفت وبدور ع منة وكابتن أيمن لاقيت كل واحد ف ناحية واقعين حاولت اقرب ع قد ما اقدر وفجأة سمعت انفجار جامد وكانت العربية حمدت ربنا اننا نطينا كلنا منها وبعدها شوفت كابتن أيمن الناس بتفوقه وقام برضوا رجله ودراعه واجعينه زى رجلى وسألنى انتى كويسة قولتله عايزة منة و لاقيناها واقعة الناحية التانية ع الرصيف ضهرها بينزف ومغمى عليها ومش بتتحرك والناس طلبت لنا الاسعاف وجينا ع هنا وانا رجلى بس اتكسرت واتجبست وكابتن أيمن دراعه ورجله اتجبسوا ومنة لسة مش عارفين حاجه عنها
هدير بتحكى وكل أم من التلاتة بتتخيل ابنها او بنتها وحالة الرعب اللى كانوا عايشينها وقت الحادثة
بقلمى✍️_________________لبنى دراز
بعد ساعتين
الدكتور::قال.. لـ محمود
كل الفحوصات اللى عملناها اكدت شكوكى للاسف و خبطتها ف الرصيف اثرت ع العمود الفقري و قطع فـ الحبل الشوكى فعلا وده سبب لها عجز ومش هتقدر تمشى تانى
نزل الخبر زى الصاعقة ع كل اللى موجودين
محمود:: بصدمة..يعنى ايه يا دكتور يعنى انا بنتى الوحيدة اتشلت ..يعنى اييييه انننططططق قووول انك شخصت غلط ..قوووول انك بتضحك عليا ..قووول انها قالتلك تقول كدا علشان تشوف غلاوتها عندنا.. لااااااا بنتى ضحكة قلبى ازاااى تعجز وتتشل وكان ف حالة اشبه بانهيار
عادل:: بحزن متدارى.. محمود اهدى و وحد الله اكيد فى حل وعلاج اكيد مش هنسكت ونسيب منة كدا..بس اصبر بس نفهم الاول من الدكتور
محمود:: ع نفس حالته اهدى واصبرررر ازاااااى يا عادل دى بنتى الوحيدة دى هى اللى بتعمل بهجة ف البيت ..بص كدا ع محمد ومصطفى شاااايفهم مكسورين ازاى من غيرها بص كدا ع منى دى……و.شافها بتقع قطع كلامه وجرى عليها .. منننننى فوووقى يامنى محتاجلك بلاش تروحى مننا ماتصدقيش كلام الدكتور.. صدقينى انا منة متفقة مع الدكتور وشوية هتخرج تقول” سربرااايز” زى عوايدها ع طول بتعمل فينا كدا ..بس فوقى حتى بصى اهو ميدوو هيجى يقولك اهو تعالى يا ميدو قول لمامتك ان منة عاملة مقلب فينا قولها يا مصطفى
عادل::بهدوء.. اهدى يا محمود قولتلك انت راجل عارف ربنا و عارف ان ده قدرها وربنا سبحانه وتعالى قال فـ كتابه الكريم.. بسم الله الرحمن الرحيم
{قل لن يصيبنا الا ما كتب الله لنا هو مولنا وعلى الله فليتوكل المؤمنون}.
وقال كمان.. بسم الله الرحمن الرحيم (وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ ۗ وَبَشِّرِ الصَّابِرِينَ) [البقرة: 155].
محمود:: بحزن و وجع ..ونعم بالله ..الصبر من عندك يارب..
هدير :: بتصرخ لااااااااااا منة مش ممكن ومسكت فـ الدكتور انت كداااااااب حرام عليك تدمرنا بكدبك ان مش هسكت هبلغ عنك واقول انك دكتور كداب اختى لاااااا مقدرش اعيش واشوفها كدا وماسكة بانهيار ف الدكتور
وماحدش عارف يسكتها ..
أيمن:: سااااكت …..و فجأة بقى يصرخ اكتر من محمود وهدير ..انا السبب اناااا السبب انا اللى ضعيتها ياريتنى ماخدتهم معايا ااااااااااااااه يااااااااااااارب كنت بخاف عليها تمشى لوحدها وبطمن لما اوصلها بنفسى لغاية باب بيتها وتطلع تشاور لى من الشباك ااااااااااااه ماكنتش اعرف انى هكون سبب ف عجزها يااااااارب انت عالم انا بحبها قد ايه وكنت مستنى اللحظة اللى هتكون فيها ع اسمى بفارغ صبر ..لييييييييييه يحصل كدا وانا اللى ادمرها بنفسى يااااارب كنت خدنى وهى كاااانت تطلع سليمة
وقال كل اللى ف قلبه من غير مايحس ولا شايف حد ولا حاسس غير بوجع قلبه وبس وعايز يجرى عليها ومش قادر من رجله اللى فـ الجبس بس فضل يمشى ويقف وخاله يمسكه لغاية ما وصل و زق الباب ودخل شافها وقف مكانه ماقدرش يتحرك تانى وقال منة
منة:: كانت فاقت بصت له ببسمة ودموعها نازلة بغزارة.
وماتكلمتش ولا أيمن قدر يتكلم
محمود جرى عليها ودخل خدها ف حضنه وبكى بحرقة السنين ع ضحكة قلبه اللى اتكسرت ومش مصدق انها خلاص كدا مش هتمشى تاااانى معقول
محمد ومصطفى :: بعياط جريوا عليها ومش عارفين ولا قادرين يتكلموا بس كل واحد ياخدها ف حضنه شوية
وهدير ف حالة انهيار ماحدش قادر يسكتها فعلا والدكتور ادالها حقنة مهدئة هى ومنى بسبب الحالة اللى كانوا فيها
سلوى :: معاهم ف غرفة عادية لغاية ما يهدوا ومنى كل ما تفوق تصرخ بانهيار وهيستريا وتقول كلام مش مفهوم منه غير.. بنتى.. منة.. فرحتى. بنت عمرى اتشلت ..لاااااااااااااااا ياااااااااااااااااارب وترجع تغيب عن الوعى
عدت الليلة بكل ما فيها من ألم وحزن ووجع وتأنيب ضمير ع الكل ف المستشفى ومافيش حد قادر يتكلم مافيش غير دموع وبس نازلة على وجوه الكل بتحر*ق ف قلوبهم
بقلمى✍️__________________ لبنى دراز
الصبح ف غرفة منى وهدير
منى:: بتعيط وقلبها محر*وق ع بنتها اول فرحتها وبتفكر خلاص كدا مش هتمشى تانى ..بنتى اتشلت ..فراشة البيت اللى كلها حيوية ونشاط فجأة كدا ..كل ده يروح
سلوى:: هونى ع نفسك يا منى ماتقلقيش ان شاء الله خير ..بصى ممكن يكون الدكتور شخص غلط ..
منى:: بصت لسلوى بقلب أم متعلق بأمل حتى لو 1% بس ترجع تمشى
سلوى:: بصى انا هعمل اتصال بالمستشفى عندى واطلب لها اسعاف مجهزة وكمان اكبر دكاترة مخ و اعصاب وعظام استشاريين ومتخصصين ف حالتها و هيطمنونا انا متأكدة
ان الدكاترة اللى هنا ماعملوش اللازم صح ماتقلقيش وان شاء الله خير ومنة هترجع معانا وهى ماشية
ف نفس اللحظة كانت خالة منة واسمها ليلى دخلت وسمعت كلام سلوى لـ أختها وشهقت مرة واحدة وخبطت بإيدها ع صدرها وقالت
ليلى :: يالهههههووووى ..هى منة اتشلت.. أدى اخرة الصرمحة والجرى ع النوادى كل شوية بحجة التمارين.. و رايحة جاية مع اللى يسوى واللى مايسواش .. ياما قولتلك يامنى لمى بنتك واخرها من البيت للمدرسة والدرس وبس ماسمعتيش كلامى ..أهى اتشلت ارتاحتى كدا يا منى
سلوى:: بنرفزة وغيظ.. لـ ليلى ماتسكتى شوية بقى .. انتى ايييه يا شيخة .. انتى مش شايفة حالة اختك ..هو مافيش دم خالص كدا .. ده بدل ماتواسيها وتقفى جنبها ..جاية تزودى همها وتشمتى فيها وفـ بنتها ..اتقى الله بقى حرررااااام عليكى
ليلى :: نعععععمم ..هى مين دى ياعينيا اللى جاية تشمت ..دى اختى وبنتها.. انا هشمت فيهم ليييه
سلوى :: باين ع وشك وكلامك انك شمتانة ف بنت اختك
ليلى::بقولك ايه ياست انتى لا ده وقته ولا مكانه الكلام ده
اه وبمناسبة المكان هو محمود مش لاقى مستشفى انضف من دى عشان يعالج فيها بنته ..ولا هيبخل ع منة ..مش ضحكة قلبه زى مابيقول😏 ولا اييه
منى:: بانهيار وصريخ ليييللللى بقولك اييييه انا مش مستحمممملة ..ولغااااية كدا وكفااااااية غلط ف بنتى و جوزى اكتر من كدا..عشان لا بنتى بتتصرمح ولا جوزى بخيل ..بنتى جااااية ف حادثة وطبيعى الاسعاف تنقلها هنا و اكييييد مش مستنيين حضرتك تيجى تعرفينا نعمل ايه ومانعملش ايه فااااهمة.
ليلى:: ببرود.. تصدقى انى غلطانة انى جاية اطمن ع بنتك انا اللى استاهل و اكتر من كدا كمان
سلوى:: بقولك ايه يا ليلى ..يلا حبيبتي الزيارة خلصت هنا ومنة ممنوع عنها الزيارة اصلا يلا بقى ..ابقى تعالى وقت تانى ..يلا مع السلامة
ليلى :: انا ماشية ياختى ماتزوقيش..بلا هم
____________
بعد مرور يومين ف المستشفي التخصصى
الدكتور للاسف مافيش حل غير عملية جراحية ونسبة نجاحها ضعيف جدا
محمود …………….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية موعد مع القدر (تحدي الإعاقة))
