رواية أأستحق هذا العذاب الفصل الخامس عشر 15 بقلم ميفو السلطان
رواية أأستحق هذا العذاب البارت الخامس عشر
رواية أأستحق هذا العذاب الجزء الخامس عشر
رواية أأستحق هذا العذاب الحلقة الخامسة عشر
..ترنح جبل وشعر بدوار اندفعت علي الفور تحتضنه فمسك فيها وركن عليها ..همست بلين ..تعالي ارتاح انت تعبان تناست هيا اي شيء وكل ما تفكر به صحته ذهبت به الي الفراش واراحته ودثرته.
فهتف بصعوبه ..غوري من اهنه .
تنهدت وجلست….. .،ماهتهببش الا اما تبقي منيح .
صرخ…. مالك بيا يا جبله مابتحسيش دا مرار مش طايج خلجتك العفشه .
تنهدت …هنزل اجبلك وكل ….
احس بالجنون هيا ملبوسه وكل ايه اللي هطفحه من يدها .،شعر بالوهن واغمض عيونه… نفسي اجوم ارزع دماغها في الحيط ماجادرش.. الهانم اللي عايزه تتجوز يا مري جايه تجهرني ..مالحجتش اهدي بلفلف في الشوارع عشيه والصبح تجهرني وكل شويه خدت حجك وخدت طين علي دماغك ماخدتش حاجه …مش عارف افكر اعمل ايه… هتهبل رجاله البلد منك لله يا بعيده ..اروح لمين يطلعلي العمل اللي مغروز في جتتي يا جهرك يا جبل .. .
عادت هيا ومعها صينيه كان مغمضا يشعر بالتعب جلست بجواره ففتح عيونه والغضب ينهشه ..هتف…. برضك مافيش فايده اجوم ارجدك .
ضحكت فهو يبدو كالاطفال ،،صرخ… انت بتضحكي علي ايه يا طينه انت .
تنهدت……،كل الوكل وهمشي .
هتف …..،مش متهبب وجومي غوري في داهيه ..
نظرت اليه وربعت يدها ..جبل انت عارف جمر زين ماهجومش .
صرخ ..اني مش عارف طين ولا فاكر حاجه كت عفاشه وراحت …
اغمضت عيونها وتنهدت ..طب كل طيب همشي علي طول ..فشد الصينيه وبدا ياكل كانت يده ترتعش ويوقع نصف الاكل عليه ..
اقتربت ومسكت يده بحنان واخذت المعلقه وبدات تطعمه فهتف .،مانشليتش لسه اما ابقي انشل حتي ما هاخدش منك حاجه .
الا انها وضعت المعلقه في فمه عنوه فنظر اليها بحرقه ظلت تطعمه وهو يتاملها..بدات ملامحه تلين وسهم فيها ينظر اليها فلانت ملامحه الغاضبه تماماوهيا لا تجرؤ ان تنظر اليه ..هتتجوزي خلاص دي اخرتها تبقي بتاعه حد تاني اخرتها …أحس بنار في جوفه ..هتف مندفعا بحرقه ودفع الصنيه دون قصد ،،هتتجوزي خلاص .
وقع طبق الشوربه علي يدها فصرخت …
هب ومسك يدها بلهفه ..ايه ايه حرجتك معلهش ماكنش جصدي.. .اغمضت عيونها ورنه لهفته بداخلها تدبحها ..
همس ..مالك بتوجع طب ..وقام بصعوبه واتجه الي الحمام يتسند الحائط فتحت عيونها ،،قامت مسرعه .،رايح فين .
هتف ..هجبلك مرهم ودخل الحمام دخلت وراءه مسك يدها ووضعها تحت الماء كان منحنيا عيونه منصبه علي حمار يديها وهيا تنظر اليه بعشق .،همست لروحها ..جبلي هو ده جبلي ..حاسه ان جلبي هينخلع .
اخذها وعاد بها وجلس عالفراش متعبا ..ومد يده يمسكها ارتعشت وبعدت يدها …لا هاتها هعملها .
هتف بنبره امره …بطلي واهمدي .
تنهدت بغلب وبدا هو بوضع الطريم برويه علي منطقه الاحمرار ويمسدها بنعومه .
تنهدت وهمست خلاص خلاص ..الا انه مسك يدها بقوه وقلبه لم يعد يحتمل فهتف مره اخري …هتتجوزيه صوح هتتجوزي .
انصعقت من منظره وغضبه وضغطه علي يدها المها فهتفت….. اتجوز .
قال بغضب ودفع يدها ……ايه فاكره اني ماعارفش… جبل مافيش حاجه بتتخبي عنه .
ابتسمت بسخريه .،صوح والنبي دا حاجه جميله .
هتف غاضبا….بجولك هتتجوزيه الشايب ده ..هتتجوزي الشايب ليه .
نظرت اليه وهتفت ….عرفان .
هتف ،،هو الحاج اسمه عرفان ..اسم مش علي مسمي هيجدر عليكي انت دا مرار .
تنهدت وصمتت …فصرخ ..هتتجوزي شايب يا جمر هيا دي اخرتها ..لم ترد اثرت الصمت فقد كلت من تجنيه ..فاندفع بحرقه … .،هيدفع كام جولي .
احست بغضب لم تعد تحتمل فصرخت ..مالك انت يدفع والا مايدفعش يخصك في ايه .
هتف بغل ،،،مايخصنيش اني هيخصني ليه .
تنهدت وصمتت وهو يغلي فهتف ..هتتجوزيه ميته انطجي .
نظرت اليه بذهول …..مش بتجول مايخصكش عايز تعرف ليه .
هتف .،انت يا بت مالكيش رابط مالكيش حد يلمك ايه متسابه ابوكي الاهبل طالجك اكده بس اجول ايه زماناتكو فرحانين بالفلوس اللي هيكبها عليكو ماهو راجل اهبل واكيد اتغندرتي جدامه .
نظرت اليه وهتفت تكيده …وماتغندرش ليه عوجه والا مشلوله . داني جمر يا جبل والا نسيت جمر النجع زجت ماحب اتغندر الوح بلد .
فصرخ وخبطها بالمنشفه …….،تتغندري لراجل شايب يا جادره انت ايه ده منك لله .
هتفت ببرود …راجل زين وطيب وحنين .
هتف بسخريه ..زين والله دا ماجادرش يجوم من مكانه دا حاجه حزن .
تنهدت وهتفت مبتسمه ..اني راضيه .
هتف بحرقه..راضيه راضيه ..اه طبعا عشان فلوسه صوح . اه ماهو معاه متريش هتكبشي منه دايما عينك عالفلوس .
هزت اكتافها فهب .،هيديكي كام جولي .
هتفت ..والله هو جال هيجبلي الدنيا .
شعر بنار في جوفه ..يجبلك الدنيا هو واجع اكده ..سهم بحرقه يأكل نفسه …ايوه ماهي جمر تاخد العجل اعمل ايه دلوك .،الراجل الشيب هياخدها ..هتف غاضبا لو مفكره انك هتتجوزيه تنسي . هو مفكر انه جوي وهيجدر يتمها دا بعده دا شعره مافيهوش شعرايه سوده علي ايامهوالكين .
نظرت اليه بذهول ..وانت شفته فين .
ابتلع ريقه ..هاه شفته شفته انت مالك ايوه شفته .
قطبت جبينها ..انت جيت ورايا يا جبل .
صرخ بحرقه ..ايوه جيت ايوه مفكراني هسكت واسيبك طايحه تتجوزي بسهوله .
هتفت بغضب …. وايه هيمنعني .
هتف باصرار ….اني همنعك انت مفكره انك هتضحكي عالرجاله كل واحد شويه وترميه والراجل يطب فيها وتورثيه صوح . اني شوفته شكله اهبل ومصدج بس اني وعيته وفطمته ومش هسكت .
نظرت اليه ..وعيته وفطمته ..جولتله ايه يا جبل ..دمعت عيونها ونظرت اليه بوجع ..جولتله ايه انطج ..جولتله اني بترمي عالرجاله صوح .،هو اني جدامك عفريت اكده .
صرخ ..عفريتة انت شيطان انت واحده غداره ماينفعش تنسعدي في الدنيا دي… ايه ماكفاكيش اللي عملته فيا هاه عايشه تاخدي وترمي دا حتي اللي سيبتيني عشانه رامتيه متعوده ترمي بتغيري فينا يا بت حمدان ما بتخجليش واصل .،انت كيف الشيطان حيه بتتلون تلف علي الراجل من ده يحس بيها حواليه تعصره بعد اكده تخرج جلبه من جواته عارفه يا جمر بعد ماسيبتيني حسيت اني بتنفس ايوه لاني عرفتك علي حجيجتك جباضه ارواح تاخدي النفر من اهنه تمصي دمه وتسيبيه.. عايزاني اسيبك تمشي توقعي ده وده لاه تنسي اني هفضل زي العمل الرضي في حياتك اوريك اعمالك اخرتها ايه .
نظرت اليه وهتفت…. .،انت اتوجعت جوي اكده يا خساره كت فاكره ان جبل عمره ماهيتغير كت حنين جرالك ايه .
هتف غاضبا …..،جرالي لاه بسيطه تعالي انتش جلبك من جواتك وامزعه واجي اجولك جرالك ايه ….تعالي اعيشك حلم بتحلمي بعيله وحبيب ويطلع الحبيب غادر… تعالي اعيشك ايام الوجع بينهش وينخر زي الدود ماهو حب مدود يجرف .،كت هنهبل ايوه بصيلي كويس شوفي اخره عمايلك..عشت ايام سوده يوم ماسيبتيني عالارض راكع ذلتيني واني جلبي بينخلع جعدت اعيط زي النسوان حولتيني لجدع خرج بيت يجرف مذلول مستني الغندوره ترجعلي واخرتها الاجيها بتنجي الدهبات ..عيشتيتي ايام ماكتش بتنفس انجهرت وايامي اسودت من الحزن امي ماتت مالاجيتش حزن زياده يخش جوايا كان جلبي معبي الحزن كله ..بقيت ماشي مبطوح ..افكر اجول عملت ايه في دنيتي عشان احب جوي اكده …كانت هيا دامعه تشعر بالوجع تتمني لو تخبره ولكن ماذا يفيد لا تريد شفقه وتتمني ان يكمل في كرهه لها …
اكمل هو … بس اني انشفيت وربنا من عليا بان اعرف اخرجك من جلبي وفوج ده الكره يخش مكانه .
هتفت بوجع ،،دا مش كره دا غل يا جبل .
هتف غاضبا ،،ايوه يا جمر ان بكرهك والغل جواتي طايح ومني عيني اشوفك مذلوله ماحد يبصلك ماتنفعي لصنف راجل .
تنهدت وابتسمت فهيا فعلا لا تنفع لاحد .،
هتفت بهدوء .،طب لو عرفت اني ماعت انفع هتعمل ايه ..
هتف ،،،هحس ان جبل خد حجه وحج الرميه اللي رميتهاله ولحد موتي بدعي عليكي تعيشي عيشه سوده .
احنت راسها وابتسمت ،،،اعيش عيشه سوده .
صرخ ..نفسي جلبك يفضل محروج وعيشتك طين ماتفرحي كل يوم بدعي عليكي بس لاه مش عشان زعلان ..خلاص الزعل راح وجه مكانه حد يفرحني ..احست بذبحه في صدرها . يا تري وانت شايفاني اكده ندمانه اكيد زماناتك بتجولي كت صبرت اكبش من فلوسه ..
احنت راسها …تنهدت وقامت ودثرته وهتفت .،يلا نام انت تعبان .
نظر اليها مذهولا .شدها اليه وهتف ،،،انت مالك بارده اكده ماخايفاش من ربنا واصل انت ايه يا شيخه .
حاولت ان تشد يدها فاذا بتليفونها يرن .،تنهدت وابتعدت ..فوجدته الحاج عرفان ..ارتبكت …هتف غاضبا .،اي مين الشايب بتاعك بيتكلم بيطمن جوليله انك جاعده مع جدع خليه يشوف نسب الحزن .
تنهدت وابتعدت لطرف الحجره وظلت تحدثه كان يطمئن عليها ..همست،،تسلم يا حاج ماعارفاش من غيرك كت هعمل ايه في حياتي انت حنين جوي ربنا يخليك ..
قام جبل وسمع كلامها وشعر بالقهر اندفع واحتضنها فانتفضت وهمس بجوار اذنها ..جولي كمان وسمعني حنيته واصله لفين ..كانت تتململ فازاح مشبك شعرها ووضع راسه في شعرها احس بالجنون ،،
هتفت .،خلاص يا حاج هفكر معلهش اصل ماجدراش اتكلم ..
فهتف هو .،اصلها متحضنه يا حاج اني ببوسها يا حاج ..
خبطته بعنف .،ضحك وهتف .،خلي بالك يا حاج جمر لما بتبقي حرنانه ماهتجدرش عليها يا غلبان .
كانت تزيل بيده من علي جسدها وهو شعر بانها تخصه واراد ان يفتعل فضيحه وهيا تضربه .
هتفت .،هامسه ….بعد عيب اكده …اختشي..
قال عرفان …مالك معاكي حد اسيبك .
هتفت …..،هاه لاه يا حاج ماعيش حد اني بس .
شهقت عندما ادارها وانهال عليها وهيا تشعر انها ستموت ووقع التليفون منها وهو يتحكم فيها بقوه وينهال عليها وهيا لم تعد قادره ان تصلب نفسها .
تجلد واحتضنها وقلبه سيخرج من مكانه ..،متخيله هيجدر يبقي معاكي اكده دا جلبه هيجف في لحظه .
دفعته ونزلت تلتقط الفون وتعتذر للرجل وهو يقف ينظر اليها يتاملها….. ..هتكوني ليه كيف ماهينفعش ماهيجدرش عليكي انت فرسه عايزه اللي يعيشك الدنيا .كان يتاملها بحرقه وقلبه يغلي من فكره ان تكون لرجل ….قطب جبينه ،،مالك انت يا حزين تعيش والا تتهبب ربنا يخدك بتفكر في ايه يجدر ويتهبب .
هنا انهت تليفونها واستدارت غاضبه .،انت واحد جليل الحيا ماشفتش ربايه.. انت اتخبلت عايز تفضحني .
اقترب منها شعرت بالخوف وهتف .،افضحك مين اني ….اقترب وركن عليها وهيا مرعوبه ترتعش ظل يتاملها .،بتترعشي ليه اكده اصحك تجولي جبل لساته بياثر في جمر .،رفع يده الي رقبتها. فصرخت بخوف …. بعد .
رفع حاجبيه ……ايه ده ….خايفه والا ايه..ابتسم وعيونه لمعت … جديده دي يكونش جبل لساته موجود …نزل بوجهه امام وجهها…. دا ساعتها الدنيا هتتغير والفرح هيخش جلبي بزياده.
نظرت اليه ورجف قلبها ونظرت اليه بوجع .
ظل يتاملها …وابتسامته تتسع ..دا صوح عالاخر ..جمر لساتها بتحس شايف جوات عيونك ..حاسه بيا وبجربي يا فرحك يا جبل وبياثر فيها …احتضنت نفسها بوجع .. …ضحك ……لتكوني فاكره اني فرحان اني باثر فيكي .،لاه خالص ،،بس فرحان اني باثر فيكي وانت ماهطولنيش …جدامك راجل يبص لدي ودي ولا يبصش ليكي واصل. هاه جمر اللي الخلج كت بتموت عليها ماهتعديش علي عين الجبل .
احست بنار داخلها .،ماذا لو عرف ما بها سيقف ويتبجح ويذلها دمعت عيناها فابتسم ايه ده دا صوح يادي الهنا وضع يده علي قلبها .،جلبك بيدج كيف الطبل ليه اكده ماصدجش .
نزلت دمعه من عينها وهمست ….بعد بقه حرام عليك .
التصق بها فارتجفت ورفع وجهها ….بصيلي في عيوني شايفه ايه .
هتفت بقهر ..،ماشيفاش ماعتش حاجه تتشاف .
هتف ……عليكي نور ماعت حاجه جوا اهنه يدي علي جلبك بيصرخ وعيونك شايف فيهم شوج بتحاولي تخفيه وحاسه بس اللي حاصل دلوك اني جريب …جبل اجرب من روحك بس انت هتفضلي تبصيلي من تحت وعيونك لفوج عليا وجلبك بيدج …خليه يدج يا جمر حسره عاللي سيبتيه خليه يدج هوان وعيشه توجع وشوج لحاجه ماهتكونش ليكي .
هتفت بقهر .،اني ماعايزاش حاجه .
مسك وجهها بعنف …..،اخرسي بطلي كدب جتتك بتترعش بين يدي جتتك هتموت عليا حاسسها …. راحه فين انتي تتجوزي الشايب ده ليه هيبسطك هتحسي بجتتك اكده بتتنفض كيف دلوك دانت في ثانيه روحتي مني .
همت ان تدفعه فمسك يدها علي قلبه فارتعشت .،،عايزه تبعديني يا جمر من حياتك وتعيشي لاه ماهيحصلش انت بعدتيني مره وماهيحصلش تاني .بس هفضل في حياتك عذاب وبس تتحسري علي اللي كان في يوم حبيب ..هكون جدامك كل لحظه وكل ثانيه اخلي جلبك ده ينعصر .،مامصدجش فرحتي وانت بتتنفضي بين يدي.
صرخت وابعدته ،،،انت واحد مخبول وبتتوهم حاجات روح يا غلبان ال بين يدك وبين زفتك روح نام باينك سخنان واستدارت مسرعه تلم الطعام وتنزل من امامه .
وقف هو هائجا بقي اكده…. اني سخنان يا بت حمدان ..ماشي عموما هنشوف انت بتحسي كيف الخلج والا الجته ماتت لو صوح اللي حاسه ماهسيبهاش هخفلج الجوازه واعيشها مرار ماحدش عاشه لو فعلا حاسه بحاجه …عاد الي الفراش وركن عليه وشعر بالتعب واذا ببنت خاله تتصل .
دخلت قمر مره اخري تعطيه الدواء فسمعته .،ايوه يا نادين حبيبي معلش والله تعبت لا ازاي اجدر انا ليا مين غيرك ..كانت تقف تشعر بالوجع ..هتف ..انا فعلا يا نادين كنت اهبل اسيبك تروحي من ايديا وجريب خالص هنكون مع بعض تيجي تنوري الجصر ..نعلن الخطوبه ..حاضر هجيلك ونتفج ..
كانت تقف دامعه ..هيخطب خلاص .يا رب اربط علي جلبي …اااه يا جلبي ..
انهي التليفون ونظر اليها وضحك ،،اي محصوره اياك اني هخطب .
هتفت وهيا تضع الدواء ..محصوره ليه ان شاء الله وزي مانت هتتجوز اني كمان هجوز .
مسك يدها بغضب ،،بس افرج اني هتجوز غندوره وانت هتتجوزي راجل شايب ماينفعش .
نظرت اليه وهتفت ….مين جال انه ماينفعش اني جربت الصغيرين طلعو ماينعوش بالجوي ونظرت اليه ساخره.
لوي ذراعها…… لمي نفسك بدل ماجتلك .
شدت يدها ……،يلا خد الهباب ده عشان اغور اعطته الدواء واقتربت منه ووضعت يدها علي راسه فوجدته ساخنا فهتفت غاضبا اهوه السخنيه رجعت عشان تبقي تسيب فرشتك دا مرار ،
هتف غاضبا ،،مالك بمراري غوري بقه .
نظرت اليه غاضبه وذهبت لتاتي بطبق مره اخري .،اجعد بقه بلا حزن الدكتور جال لازم السخنيه تنزل واقتربت وبدات تضع له الفوطه فرماها جانبا فقامت وكلما وضعتها يرميا فهتفت .،ماتسكت بقه الله عشان امشي دا حزن ايه ده .،
نظر اليها واغمض عيونه وتنهد كانت تنهيداته قاتله فهتف …اما اغمض اشوف يومك الاغبر ده ماعتش متحمل اشوف خلجتك .
فضغطت عليه بالفوطه ففتح عيونه غاضبا .،اتلمي بدل ما اجوم ارجدك انت عايزه تنضربي .
نظرت اليه ساخره…. انضرب ليه ان شالله كت ابويا والا اخويا .
هتف .،ابوكي المكحكح والا اخوكي اللي مات محروج وارتاح منك ومن عمايلك .
.
احست بوجع ينهشها فصرخت…. مالك باخوي هاه مالك بيه شمتان ان اخوي مات كمان انت ايه يا اخي .
نظر اليها مذهولا…. .،تصدجي مالاجيش كلام اجوله كميه عفاشه في دماغك تكفي بلد هشمت في اخوكي الميت ليه ..اني لو هشمت هشمت فيكي وبحالك اللي يجطع الجلب بخت كت انتي مكانه وانساب لعيله الغلبان ..حاجه تجرف ولو ان ده مش كفايه بتمني يكون صابك حاجات تانيه تجهر تخليني اشمت عن حج ساعتها اجيب صجات واشمت يا بت حمدان واتشفي فيكي وفي اي نصيبه او وجع يطولك .
نظرت اليه دامعه …..يعني ماهصعبش عليك يا جبل لو فيا نصايب .
ضحك ،،تصعبي .،مين ده .،داني هدور بصاجات اعرف الخلج نصايبك واللي حط عليكي واجول ده بسبببي وبسبب دعايا عليكي .
نظرت اليه واشاحت بوجهها .،اجول ايه يا ربي ..فاكر ان ماحصليش حاجه واني الحزن كله فيا عايز يشمت ابن العزايزه .،اه يا جلبك يا جمر .
هتفت بوجع ..الورج عايز يتعمل .هتف ..جومي في داهيه ماهعملش اوراج .
لم تعد تحتمل ..ماخلاص بقه اتلم في يومك الطين اني سكتالك من الصبح .
نظر اليها بغضب ..كنك بتعلي صوتك عليا صوح .
صرخت ..مابعليش مابعليش كانت تصرخ عن اخرها ..ثم صمتت فجأه واشاحت بوجهها …قامت ولمحت اللاب تبعه ..فقالت اهه هفتحه عشان اجيب الملف الرئيسي ونخلص من الجعده الهباب دي …جول …كلمه السر ايه …ظل ساهما واشاح بوجهه . ..
هتفت ..ماتجول كلمه السر ايه عايزه اتهبب امشي اخد الورج .
هتف بجمود ..جمر .
تجمدت و اتسعت عيونها عن اخرها ورجف قلبها ..ايه بتجول ايه .
كانت يدها ترتعش ولاحت شبه ابتسامه علي فمها ..
هتف بسخريه ..ايه كلمه السر جمر مستغربه ليه ..ضحك .،لتكوني مفكره انه عشج واني حاطط اسمك اهنه حب والا بفكر في اللي فات .
ضحك عن اخره ..لااه داني حاطه عشان غلي ناحيتك مايروحش كل اما انسي افتكر كل اما حاجه ترجعني اعلي واعلي …اسمك محطوط اهنه لحد ما تبقي ممسحه ماعتيش تنفعي للدنيا واصل .
احنت راسها ودمعت عيونها وفتحت اللاب …هو اني هفضل اكده لحد امتي ..ايه مرطه النفس دي اني هسيب الشغل ايوه هدور علي شغل خلاص …ماعتش جادره … ..تنهدت ..ابتلا يا جمر ده ابتلي جولي الحمد لله مسحت دموعها وابتسمت ..الحمد لله راضيه يا رب وببتسم ااهه ومستنيه دعوه اخوي تتحجج . ايوه …ظلت ساهمه لتستدير فوجدته ناءما..طرفت بعيونها ونظرت اليه ..قامت بهدوء ..همست بلين جبل انت نمت ..
جلست بجواره وظلت تنظر اليه بقهر ..كان العشق كما هو لم ينقص ذره بل زاد بلوعته وتجسدها امامها وضياع حبيبها نهش قلبها .. اقتربت وهمست في نفسها …..اعمل ايه نومتك وعيونك اكده مجفوله شايفه جبلي الجديم لما بتفتحهم بخاف منك والله بخاف ..يا رب ايه ده تعبت .. جلست بجواره وركنت ..اغمضت عيونها لوهله تعيش حلم جميل ..تعيش لحظه حالمه مع حبيبها ودنيتها التي ضاعت …كانت تتلمس وجهه ومدت يدها تغوص في شعره عايز تشمت فيا عايز… اه لو تعرف اللي بيا اه هتشمت وتجيب ناس تشمت .،مسحت دموعها ..لاه وبقي حاسس باللي جوايا ناحيتك والله نار بتنهش جواتي …فرحان بيه …بس مش فرحان بيه تاخده فرحان بيه تذل وتجهر .،نظرت اليه فوجدت ملامحه لينه ..اقتربت بهدوء وداعبت خده بحنان واقتربت اكثر تتامل ملامحه اللينه اقتربت من وجهه وهامت في ملامحه ابتسمت بهيام ففتح عينه مره واحده ..راي ما راي ارتعبت وابتعدت اندفع وقلبها بعنف و …
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أأستحق هذا العذاب)
