رواية موعد مع القدر (تحدي الإعاقة) الفصل الثالث 3 بقلم لبنى دراز
رواية موعد مع القدر (تحدي الإعاقة) الجزء الثالث
رواية موعد مع القدر (تحدي الإعاقة) البارت الثالث
رواية موعد مع القدر (تحدي الإعاقة) الحلقة الثالثة
البلاء قدر من أقدار الله المحتومة والله سبحانه وتعالى أقداره كلها خير وهو لا يأتي إلا بالخير.
بقلمى✍️_____________لبنى دراز
بيت محمود المنياوى
مع اشراقة شمس يوم جديد قامت منة مفزوعة من نومها بسبب حلم ازعجها
منة:: أعوذ بالله من الشيطان الرجيم ..يا ستار يارب ..و قالت لنفسها أهدى يا منة ده مجرد حلم وخلاص راح لحاله ..وقامت دخلت الحمام وأخدت شاور وأتوضت وصلت فرضها وعملت رياضتها المفضلة و رغم توترها و قلقها من الحلم إلا انها خرجت زى العادة الساعة 6:30 علشان تحضر الفطار لعيلتها الجميلة وتنادى
منة:: يااا أهل البيت ..يااا أهل الدار ..يااا باباااا.. يااا مامااا الفطار جااااهز ..يااا ميييدو..يااا صاصا يلا بسرعة
منى:: يابنتى أرحمينا من موال كل يوم ده مش معقول الدوشة دى ههههههههههه
محمود:: بنوتى حبيبتي ..ضحكة قلبي ..صباح الجمال يا منة يا أجمل هدية من ربنا .. بغمزة..ماتخافيش من حد وأعملى اللى انتى عايزاه..ياقلب أبوكى
منى:: والله.. بقى كدا يا محمود ..و بمكر قالت مش لسة كنت بتقولى مافيش يوم تصحينى انتى.. بدل فرح بنت العمدة اللى بتعمله بنتك ده.
منة:: بشهقة.. ايييييه .. وبهزار تمسك محمود من ودانه …امممم بقى كدا يا حودة ..انا بعمل فرح علشان اصحيكم
محمود:: بضحكة من قلبه ..ماتصدقيهاش .. دى بتوقع بينا ههههههههههه ..طيب ده انا كنت بقول لو يجى يوم نصحى كدا من غير دوشتك ..اوبس قصدى صوتك الجميل ..نِحّس كدا كأننا ماصحيناش
منة:: بضحكة صافية ..لحقت
نفسك يا بابتى ..قبل ما ازرجن وازعل ههههههههههه
محمد:: يااااابنتشى ..انتشى موش بتحسى بنفسك ولا ايييه
مصطفى :: بنوم و بيتاوب هو امتى يجى اليوم بقى اللى مانصحاش فيه ع صداعك بتاع كل يوم ده. ..يااااه لو نصحى كدا فى هدووووء من غير دوشتك دى يااااه
منى:: قلبها اتقبض وجالها احساس غريب ماحستوش قبل كدا وساكتة
منة:: يا سلام سى يا صاصا افندى ..وهو انت تقدر اصلا تصحى من غير دوشتى اللى مش عاجباك دى
صاصا :: ماهو انتى ..مش فاهمة ..انا بكون عاااايز اناااام وانتى مش بتسكتى لغاية ماتصحينى ههههههههههههه
محمد :: ههههههههههه إذاعة اتفتحت بث مباشر خمسة ازعااااج ههههههههههه
وطبعا كالعادة ضحك وتهريج ع السفرة بينهم مع أبوهم اما منى سرحانة وساكتة.
محمود:: انتبه .. منى .. منمن ..منايا ..هيييي روحتى فييين وبيشاور بإيده قصاد وشها..منى يا حبيبتى مااالك
منى:: هاا ..اه ..لا ..هاا قولت ايه ..فى ايه يا محمود
محمود:: مالك يا حبيبتى ..فيكى ايه قوليلى
منى:: مش عارفة ..فجأة كدا قلبى اتقبض ..وحاسة احساس غريب خايفة وقلقانة حاسة حاجة هتحصل..ربنا يستر
محمود:: وحدى الله يا قلبى.. واستغفرى ربنا اكيد مافيش حاجة هتحصل ان شاء الله.
منى:: لا إله إلا الله سيدنا محمد رسول الله.. استغفر الله العلى العظيم وأتوب إليه..ربنا يسترها بقى..
محمود:: عليه افضل الصلاة والسلام ..تفاءلوا بالخير تجدوه ..ان شاء خير ماتقلقيش ياحبيبتى ..
الفطار خلص بعد وقت ظريف بينهم و قام محمود باس إيد منى وجبين منة وقال انا ماشى عايزين ايه اجيبهلكم وانا راجع
منى:: عايزينك ترجع بالسلامة يا حبيبى
منة:: بابتى حبيبى وجودك ف حياتى بالدنيا و ما فيها..
محمود سلم ع منى ومنة وخرج راح البنك والتوأم المشاكس راحوا المدرسة
بقلمى✍️_____________لبنى دراز
بيت عادل الألفى
سلوى:: حضرت الفطار لـ أسرتها الصغيرة وكانوا ف قمة السعادة
هدير:: صباااحو ورد يا مزتى ..عتلاق مزة جامدة طحن.
سلوى :: بنفاذ صبر..يابنتى ارتقى شوية ..انتى هتكونى دكتورة ماينفعش الاسلوب ده
عادل:: سيبيها يا سلوى ..خليها تعيش سنها ..و اكيد يعنى اسلوبها برة البيت غير كدا خالص ..مش كدا شقية ولا ايييه..
هدير:: حطت ايدها بطريقة كوميدية ع قلبها ..وقالت ..اااه قلبى الصغير لا يحتمل ..هحبك اكتر من كدا ايييه بس ..يا برنس الليالى يا قمر انت ياقمر
عادل :: اه منك يا شقية انتى مامتك زعلانة منك عشان طريقتك دى ..وهمس لها ..بس انا بقى عجبانى طريقتك جدااااا ..بس ماتقوليش لسوسو ..
هدير:: بنفس الهمس .. سوسو شكلها مسيطرة يا دولة ههههههههههههههههههه اوبس سوسو هتسمعنا ..
عادل:: شكلك عايزاها تنيمنا ع السلم ههههههههههههه
هدير:: واااه ياااا بووى ..السلم لااا يا عم مش لاعبة ..و بعدين سوسو ماتعملهاش تؤ تؤ تؤ..تستغناش عنك ياااا دووولة و انت مز جامد طحن وقمر ف نفسك كدا .
سلوى:: صبرنى يارب.. ع هدير و ابوها.. مش هنخلص من الحوارات الجانبية دى بقى ونفطر ..علشان نشوف اشغالنا ولا هنفضل كدا كتير..
هدير:: مالك بس يا فاتنة قلبى.. وقاهرة قلب المز الغولبان ده ههههههههههه اضحكى بقى وفرفشى كدا يا مزتى
وبعد مناغشة ومشاكسة هدير لـ باباها ومامتها خرجوا كل واحد ع شغله وفضلت هدير رتبت البيت وقعدت تذاكر لغاية ميعاد الدرس
_______________
بيت محمود المنياوى..
بعد 3 ساعات منة
فونها رن وكانت هدير
منة:: السلام عليكم ورحمة الله
هدير:: وعليكم السلام ورحمة الله ..ايه يا ست الحسن مش يلا بقى عشان مانتأخرش ع الدرس
منة:: خلاص هغيّر هدومي وانزل ع طول
هدير:: بسرعة ماتتأخريش
منة:: حاضر..حاضر مسافة السكة ههههههههههه
هدير :: بقولك ماتنسيش مذكرة الاحياء عايزة اصورها …وهجيبلك الفيزيا معايا
منة :: خلاص ..تمام ..بس هتيجى معايا النادى بعد الدرس ولا لأ
هدير:: وهى بتاكل جوافاية اكيييد طبعا
ويلا بقى أخلصى وانزلى
منة :: حاضر ..يلا سلام
وقفلت الفون وسلمت ع مامتها وقالتلها هترجع ع النادى عشان فى تمرين مهم النهاردة ونزلت جرى عشان تلحق الدرس وسلمت ع هدير
منة:: حبيبتى اللى وحشانى من امبارح .
هدير:: مزة قلبى يا ناس ..يا خراشى ع جمال امك ..ادوووب انا ههههههه
منة:: يابنتى اعقلى بقى احنا ف الشارع.. خدى المذكرة اللى طلبتيها ..وفجأة
اوبس عاجبك كدا نسيت الكشكول بتاع الدرس بسببك يا هدير صربعتينى و خلتينى نزلت جرى
هدير: بصت ف الفون . لسة ف وقت يا منة أرجعى بسرعة هاتيه وهستناكى هنا..
منة: راحت بسرعة جابت كشكولها ورجعت وهى بتعدى الشارع بسرعة عربية كانت هتخبطها وربنا سترها ..
هدير:: مش تاخدى بالك يا منة
منة:: مش عارفة يا هدير مالى من الصبح متوترة مش ع بعضى وكل شوية تحصل ليا حاجة وقلبى مش مطمن
هدير:: يابنتى ماتقلقيش خير ان شاء الله يمكن بس ..علشان الامتحانات قربت وانتى خايفة لا ماتطلعيش الاولى يا سوسة زى كل مرة
منة:: بتضحك ده ع اساس انك انتى كمان مش دحيحة وبتطلعى من الاوائل برضوا
وبعد شوية وصلوا السنتر واخدو الدرس وطلعوا ع النادى عشان التمرين
منة:: مش مركزة ف التمرين كل شوية تغلط ومتوترة
أيمن:: بينادى ع منة.. بيسألها ..مالك يا منة فى حاجة حصلت معاكى؟
منة:: لا يا كابتن مافيش
أيمن:: طيب مالك شكلك مش مركزة النهاردة
منة:: دى حقيقة ..مش عارفة من الصبح وانا كدا متوترة خالص وقلقانة ومش مركزة ف اى حاجة
أيمن :: بص للفريق…وقال يا بنات break (راحة) 10دقايق
وراح قعد مع منة وهدير علشان ترتاح شوية..مالك بقى يا منة؟
منة:: مش عارفة حلمت حلم وحش اوى ومن وقتها انا خايفة ومتوترة..
أيمن:: خلاص ماتحكيش الحلم وأنسيه خالص وأهدى ده مجرد قلق بس .رهبة من الامتحانات مش أكتر
منة: مش عارفة يا أيمن جايز بس انا عمرى ما كانت عندى رهبة الامتحانات دى..
بعيد شوية قاعدة ماهى مع شيلتها
ماهى:: طبعا لازم ناخد break
طالما حبيبة القلب تعبانة ومتوترة لكن لو واحدة فينا تعبانة مش مهم تو*لع
روبى :: يابنتى بلاش غل وحقد بقى ..ع فكرة غيرتك واضحة عليكى اوى اوى
يسرا:: اتلمى يا روبى ..انتى مش شايفة ماهى متنرفزة ازاى؟ و أنتى بتنرفزيها بزيادة ..سيبيها ف حالها بقى ..وبعدين هى مين دى اللى بتساويها بـ ماهى الشرنوبى ..
روبى:: وهى ماهى عيّنتك المحامى بتاعها يا يسرا بتتكلمى بلسانها
ماهى :: عايزة ايه يا روبى كل شوية غيرانة.. غيرانة ..مش دى يا حبيبتى اللى ماهى الشرنوبى تغير منها ..ويلا بقى من هنا عشان زهقت منك ومن زنك..
روبى:: تعرفى انتى بنى ادمة مغرورة و حقودة وانا غلطانة انى استمريت فى علاقتى معاكى
وسابتها ومشيت
ماهى :: عملت مكالمة فون وقالت كلمة واحدة ..نفذ ..وقفلت الخط
يسرا:: مش فاهمة حاجة وسألت ماهى و لكن
ماهى:: ………….مافيش
رد
بقلمى✍️____________لبنى دراز
بعد ساعتين خلص التمرين وزى كل يوم أيمن بيوصل منة وهدير بعربيته ف طريقه
وبيضحكوا ع طريقة هدير وهى بتقلد مامتها وبتقول يابنتى ارتقى شوية ..انتى هتكونى دكتورة ماينفعش الاسلوب ده ..بأسلوبها الساخر وفجأة حصلت حاجة غير متوقعة
أيمن:: بأستغراب.. حاسس بحاجة غريبة ..مش عارف ..تقريبا كدا مافيش فرامل
منة:: انت بتقول ايه يا أيمن
هدير::بتعيط لما سمعت أيمن قال مافيش فرامل
أيمن :: بيحاول يتحكم ف العربية عشان البنات متخافش لكن مش قادر ..واخيرا قال لهم نطو من العربية
منة وهدير:: خايفين وبيعيطوا بدموع ومن غير صوت
والعربية بتروح وتيجى يمين وشمال وأيمن مش عارف برضوا يتحكم فيها خالص ومش عارف يتصرف ازاي وخايف علي البنات جدا
و زعق جااامد وقال لازم تنطووا من العربية مااااافيش فرااامل ومااافييش وقت انا مش ضاااامن ممكن يحصل ايييه يلااااا بسررررعة.. وزعق بصوته كله
هدير بدون تردد :نطت من العربية من خوفها من زعيق أيمن
منة ::خافت تنط وأيمن بيزعق وهى خايفة وخلاص مافيش وقت العربية ف لاحظة ممكن تنفجر ..
أيمن : بص لمنة وقالها يا منة مفيش وقت مش مستعد أخسر حد في الحادثه دي. نطى يااا منة بسرعة أرجوكى
منه جسمها كله ثابت ومش قادره تتحرك …
أيمن : انا لازم اتصرف بسرعة وقال …سامحينى يا منة ع اللى هعمله …وحاول يوصل للباب اللي جنب منة وهي متنحة.. وفتح الباب اللى جنبها وزقها وكانت خلاص العربيه بتعمل شرار ولحق نفسه…. ونط هو كمان بسرعه وعيونه بتدور علي منة.. والعربية ماشية وبعد شوية فعلا العربية أنفجرت قصاد عينه بس ما اهتمش بالعربية قد ماكان خايف ع البنات وبالذات منة قام بتعب ومش قادر بيدور ع هدير ومنة
شاف هدير جاية عليه ومش قادرة تدوس ع رجلها لكن كويسة نوعا ما وهو دراعه ورجله بيألموه بس عايز يطمن ع منة وبيلف بعينه شافها واقعة ع الارض…..وجري عليها بخوووف مننننة.. وهدير بتحاول توصل لصاحبتها ورجليها تعباها ….أيمن قرب من منة وشافها فاقدة الوعى وضهرها بينزف لانه اتخبط في حديد الرصيف…. أيمن بزعيق: منة انتي سمعاني ….ردي عليا يا منة
منة:: ……….
هدير بعياط : حصل ليها اي يا أيمن هي مش بترد ليه …
أيمن بخوف وقلق : الاسعاف بسرعه
بعد شوية جات الاسعاف ونقلتهم ع المستشفى وتم عمل الاسعافات اللازمة لـ هدير وأيمن وكانت اصابتهم بسيطة مجرد كسور بسيطة وكدامات
اما منة كانت اصابتها خطيرة
وكانت تحت الملاحظة و دكاترة خارجة و دكاترة داخلة
وأيمن وهدير قلقانين مش عارفين ييطمنوا وبعد ساعتين كمان خرج الدكتور وقال ل أيمن احنا عملنا اللى علينا ولكن أمر الله………..
أيمن ::…………..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية موعد مع القدر (تحدي الإعاقة))
