رواية نغم (وجع ودموع) الفصل الثاني عشر 12 بقلم لبنى دراز
رواية نغم (وجع ودموع) الجزء الثاني عشر
رواية نغم (وجع ودموع) البارت الثاني عشر
رواية نغم (وجع ودموع) الحلقة الثانية عشر
يا من ابتليت فصبرت، اعلم أن البلاء والحزن والألم الذي أصابك تكفيرٌ للسيئات، ورفعة للدرجات في الجنات؛ فقد صح عنه صلى الله عليه وسلم أنه قال: ((ما يصيب المسلم من نصب ولا وصب، ولا همٍّ ولا حزن، ولا أذًى ولا غمٍّ، حتى الشوكة يشاكها، إلا كفر الله بها من خطاياه))؛ رواه البخاري في صحيحه
فـ أعلم أيها المبتلى، يا من فقد حبيبًا له، اعلم أنك لست وحدك من ابتُليتَ بهذه المصيبة، فغيرك قد ابتلي بأعظم من مصيبتك، من الناس من فقد ابنًا أو أكثر، ومن الناس من فقد حبيبه وأنيسه، ومن الناس من حلت عليه مصائب كثيرة وهموم متتالية، وما من أحد إلا وقد أصيب بمصائب، والفراق في الدنيا لا بد منه؛ فقد صح عنه صلى الله عليه وسلم أنه قال:
((جاءني جبريل فقال: يا محمد، عِشْ ما شئت فإنك ميت، وأحبب مَن شئت فإنك مفارقه، واعمل ما شئت فإنك ملاقيه…))؛ صححه الألباني في صحيح الجامع
نغم بقلمى✍️_______________لبنى دراز
فـ المطار
وصل أحمد فـ نفس الوقت اللى وصلت فيه نغم و أتقابلوا ع باب المطار و اول ما شافته جرييت عليه
نغم:: بأنهيار .. ألحقنى يا أحمد خـ ـطفوا ولادى من حضنى سرقوهم منى و أحنا نايمين رجعهملى يا أحمد أبوس إيدك رجعهملى
أحمد:: أهدي يا نغم ما تخافيش أوعدك هحاول أعمل اللى اقدر عليه و أرجعهملك تعالى نسأل ع رحلة إيطاليا طلعت و لا لسة
نغم:: جرييت ع الاستعلامات و سألت .. لو سمحتى هى الطيارة اللى رايحة إيطاليا طلعت و لا لسة
الموظفة:: لحظة واحدة اتأكد و ارد ع حضرتك .. و بعد مراجعة البيانات .. طلعت يا أفندم من ساعتين
نغم:: بأنهيار .. طلعت ازاااااى ازاااااى الطياااااارة دى لااااااازم تررررجع لاااااازم و لـ أحمد ولاااادى فـ الطيارة يا أحمد أرجوووك أتصرف
أحمد:: أهدى يا نغم و لـ الموظفة ممكن أشوف كشف أسماء الركاب لو سمحتى
الموظفة:: ممنوع يا استاذ
نغم:: ممنووووع اييييييه بقوووولك ولااااااادى فـ الطياااااارة رووووحى فـ الطيااااارة دى
أحمد:: أهدي يا نغم بقولك و استنى نتأكد الأول و لـ الموظفة طيب ممكن معلش عايز أعرف وليد حسن العامري و غالية السواح موجودين ع الطيارة
الموظفة:: لحظة واحدة اتأكد .. و شوية و ردت لأ يافندم مافيش ع طيارة ركاب بالاسماء دى
أحمد:: بأمل .. طيب فـ رحلات تانى لـ إيطاليا النهاردة
الموظفة:: لحظة اتأكد لـ حضرتك .. لأ يافندم هى رحلة واحدة بس و قامت من ساعتين
أحمد:: طيب أتأكدى تانى من فضلك من أسماء الركاب
الموظفة:: بتراجع البيانات .. لأ يافندم مافيش خالص الأسماء دى فـ قايمة الركاب
نغم:: برعشة ماسكة صورة ولادها و بتديها للموظفة .. أبوس إيدك أتأكدى بصى كدا دول ولادى ما شوفتيش حد شايلهم و طالع بيهم الطيارة دى
الموظفة:: الطيارة مافيش عليها يافندم غير رجال أعمال و سياسيين فقط مافيش عليها أطفال نهائى
نغم:: بتوهان .. يعنى ايه ولااادى راحوا خلاص و قعدت ع الأرض بأنهيار .. ولااااااااااااااااااااادى لااااااااااااااااااااااا ياااااااااارب أنا عملت ايييييه عشان يحصل فيا كداااااا يااارب أبتلينى بأى حاجة خدى منى روحى بس بلاااااش تحرمنى من ولاااادى دول الحاجة الوحيدة اللى بقيالى فـ الدنيا دى يااااااارب أنا أتحملت وجع كتييير أتحملت مرارة اليتم و رضيت أتحملت قهر و ظلم و رضيييت يااااااارب و أتحملت و صبرت ع فراااااق طاااااارق و رضييييت يااااااارب ولاااااادى أخر أمل ليا فـ الدنيااااااا دييييي ااااااااااااااااه يارب مالييييش غيييرك أنت ياااااارب
أحمد:: نغم
نغم:: خدوا مني ولادى يا أحمد حرموووونى منهم زى ما أتحرمت من حبيبى بيـ ـحر قوا قلبى عليييييهم زى ما أتـ ـحر ق ع روحي اللى فارقتنى .. ااااااااه يا وجع قلبك يا نغم مكتوبلك تعيشى عمرك كله موجوعة
أحمد:: بـ ـغـ ـضب أكبر .. والله ما هسيبك يا ولييييييد الـ كـ ـلب حتى لو غبت سنيييين
نغم:: و هى قاعدة ع نفس وضعها بتوطى ع رجل أحمد .. أبوس رجلك يا أحمد رجعلى ولادى عشااااان خاطرى رجعهملى قولهم ياخدو روحى بس يرجعولى ولادى و انا أعيش خدامة تحت رجليكم كلكم بس رجعولى ولااااااادى
أحمد:: قومى يا نغم كفاية كدا
نغم:: ع نفس وضعها و قربت تانى ع رجل أحمد تبوسها
أحمد:: رجع رجله خطوة ورا و مسك نغم من إيدها وقفها قومى يا نغم أرجوكى كفاية تعذيب فـ نفسك .. قومى الناس أتلمت علينا و أوعدك مش هسكت لغاية ما ألاقيهم
نغم:: قامت و حالتها صعبة جدا لدرجة ان كل الناس اللى موجودة اتأثرت جدا و دعولها انها تلاقى ولادها و لسة هتتحرك مع أحمد وقعت مغمى عليها
أحمد:: بخضة .. نغغغغممم و شالها و ركب عربيته راح بيها ع المستشفى و أتصل بـ
حياة:: بلهفة .. الووو حبيبى فينك رنت عليك كتير قلقتنى عليك
أحمد:: بوجع تعالى ع مستشفى(…) حالا يا حياة و قفل قبل ما يسمع ردها
و دخل بـ نغم شايلها بين إيديه و بيجرى دكتووووور عااااايز دكتوووور بسررررعة
ممرضة:: بتزعق ليه يا استاذ وطى صوتك حضرتك فـ مستشفى مش فـ سوق
أحمد:: بزعيق و دينى و ما أعبد لو ما غورتى من وشى دلوقتي لا أكون دفنك مكانك غووووورى أندهيلى اى دكتووووور فـ الهباااابة دى
دكتور:: جه من وراهم خير يا حضرت بتزعق ليه بالشكل ده و مالها المدام
أحمد:: مغمى عليها و مش بتفوق و الأنسة بدل ما تشوف مالها بتدينى محاضرة
الدكتور:: بهدوء .. اتفضل دخلها هنا و شاور ع اوضة قريبة
و بالفعل دخلها أحمد الأوضة و الدكتور أبتدى يفوّق نغم و بيسأل أحمد عن اللى حصلها
أحمد:: أبتدى يحكى للدكتور كل اللى حصل لـ نغم و فـ نفس اللحظة شاف
نغم:: فاقت و بصراخ هيستيري .. و لااااااااااااادى إياااااااااااااد أسيييييييل طااااااااااااااااارق و قايمة تجري ع برة
أحمد:: مسكها قبل ما تخرج و لـ الدكتور أرجوووك اتصررف
الدكتور:: بسرعة طلب من الممرضة تجيب حقنة مهدئة و حقن بيها نغم
نغم:: بصوت ضعيف .. ولاااادى اياااد اسيييل رووحتوووا فييييـ….. و سكتت خالص بعدها
أحمد:: بقلق .. هى سكتت ليه
الدكتور:: ما تقلقش حضرتك هى نامت من مفعول المهدئ
أحمد:: خرج مع الدكتور برة الأوضة .. طيب هى حالتها ايه
الدكتور:: دى كدا حالة انهيار عصبي .. لازم تاخد بالك منها كويس لانها ممكن بسبب فقدها لـ جوزها و أولادها تأذى نفسها وياريت لو تعرضها ع دكتور نفسى يساعدها تتخطى الفترة دى
أحمد:: شكرا يا دكتور .. و قعد ع كرسى قصاد اوضة نغم و ساند دراعاته ع رجليه حاطط راسه بين إيديه و شوية و سمع
حياة:: بخضة.. بتجرى أحمد أحمد
أحمد:: رفع راسه .. تعالى يا حياة انا هنا
حياة:: بصدمة من شكله .. ماااالك فيك اييييه طمنى عليك
أحمد:: أترمى فـ حضنها .. ماعرفتش أحافظ ع الأمانة يا حياة أنا مش أمين يا حياة ولاد طاااارق راااحوا
حياة:: انت بتقووول ايييه انا مش فاهمة حاجة
أحمد:: وليد و غالية خدوا إياد و أسيل و هربوا بيهم يا حياة
حياة:: ازااااى ده .. دى نغم و انتبهت نغم هى فين نغم يا أحمد
أحمد:: قاطعها .. نغم جالها أنهيار عصبي و الدكتور أدلها حقنة مهدئة ونايمة فـ الاوضة دى .. و قال أعرضوها ع دكتور نفسي
حياة:: بوجع جرييت ع الأوضة شافت نغم نايمة و دموعها نازلة ع خدها و هى نايمة .. خدتها فـ حضنها صدقينى يا حبيبتى مش هاسكت غير لما أرجعلك ولادك لـ حضنك تانى
الممرضة:: دخلت .. لوسمحتى يا مدام كدا ماينفعش ارجوكى سيبيها ترتاح شوية
حياة:: بدموع .. حاضر حاضر بس طمنينى عليها هى هتبقى كويسة
الممرضة:: ان شاء الله هتبقى كويسة ماتقلقيش
حياة:: طلعت برة الأوضة قعدت مع أحمد .. هنعمل ايه يا أحمد
أحمد:: بتوهان .. مش عارف بجد مش عارف يا حياة دماغى واقفة مش عارف أفكر حاسس أنى متكتف
حياة:: طيب ما تعرفش خدوا العيال و راحوا فين
أحمد:: مش عارف كل اللى نغم قالته انهم خدوا عيالها و سافروا إيطاليا و لما روحنا المطار سألنا مالاقيناش أسمائهم ع الطيارة اللى طلعت
حياة:: ما يمكن هيسافروا ع طيارة تانية يا أحمد
أحمد:: أكيد مش هتفوتنى يا حياة سألت طبعا و عرفت أن مافيش أى طيران تانى خالص النهاردة غير طيارة واحدة و اتأكدت انهم مش عليها
حياة:: مش يمكن طيب سافروا عن طريق البحر
أحمد:: مش عارف لما تفوق نغم هنعرف منها كل حاجة و بعدين انتبه ان معتز مش مع حياة .. معتز فين يا حياة
حياة:: وديته عند ماما
أحمد:: طيب خدى بالك من نغم لغاية ما أرجع
حياة:: رايح فين
أحمد:: هروح المطار أجيب عربيتها من هناك و أركنها تحت البيت و أرجع تانى
حياة:: روح و ماتقلقش انا جنبها مش هسيبها
أحمد:: مشي فعلا و ركب تاكسى و راح أخد عربية نغم من المطار و راح بيها عند قبر طارق و نزل منها و قعد قصاد القبر و صرخ بعلو صوته .. ااااااااااااااااااااه سااامحنى يا طااااااااااارق ساامحنى يا صااحبى ماعرفتش أحافظ ع ولادك انا ضييييعت الأمااااااانة اللى أمنتنى عليها .. أخوك و امك خطفوووووهم و هربوا بيهم اااااااااااااه انا غبي غبااااااااااااي ياااااااريتنى ما كنت سيبتهم فـ الڤيلا من بعدك ياااااااااريتنى كنت خدتهم معاياااااااا
و من بين أسنانه .. بس أنا مش هاسكت مش هاسكت يا طارق هفضل وراهم لغاية ما الاقيهم و ساعتها هاشرب من دم ولييييييد و أرجع الولاد لـ نغم .. بعد شوية وقت رجع أحمد بالعربية و ركنها عند بيته و أخد تاكسى راح المستشفى يطمن ع نغم
_______________________
فـ المستشفى
بعد مرور أسبوع عرف فيه محسن و نادر اللى حصل لـ نغم و راحوا لها المستشفى يطمنوا عليها .. نغم ابتدت تفوق شوية بشوية من حالة الانهيار بس لسة مش قادرة تستوعب اللى حصل .. أحمد ما سابش ميناء و لا مطار إلا و سأل فيه عن رحلات إيطاليا و عن وليد و غالية و الولاد ما عرفش يوصل لـ حاجة .. حياة سايبة معتز مع جدته و قاعدة طول الاسبوع مع نغم فـ المستشفى و شوية و شافت
أحمد:: داخل تعبان و قعد بيأس .. عاملة ايه يا نغم النهاردة
نغم:: بتوهان .. مش عارفة
حياة:: انت عملت ايه طمنى
أحمد:: زى كل يوم ما وصلتش لـ حاجة
و هما قاعدين سمعوا خبط ع باب الاوضة و أذن أحمد بالدخول
محسن:: دخل و معاه نادر و لـ نغم .. عاملة ايه النهاردة يا بنتى
نغم:: بتعيط و بصت لـ عمها .. إياد و أسيل راحوا مني يا عمى
محسن:: هنلاقيهم يا بنتى أخوكى نادر مش هيسكت و كمان أحمد مش ساكت بس انتى فوقى يا حبيبتى عشان لما يرجعوا يلاقوكى كويسة
نغم:: بصت لهم و بدموع الوجع و القهر .. هو انا ليه مش مكتوبلى أفرح ليييه من صغرى و انا بتوجع ليييه هاااا ليه كل اللى بحبهم بيروحوا منى مرة واحدة الأول أتيتمت و أنا صغيرة وخسرت أبويا و أمى و بصت لـ عمها و أنت رميتنى و ما سألتش فيا و لما كبرت و قابلت طارق قولت خلاص الدنيا ضحكتلى ما لحقتش أفرح بأنهيار سااااااابنى و راااااااااح ماااااااات حبيب عمري ماااااااات و سابنى لـ ناس ما بتررررحمممش .. سيبتنى لمييين يا طاااااارق نغم مااااتت معاك يا حبيبى مشيت وخدت روحى معاك
حياة:: أخدتها فـ حضنها .. أهدى يا نغم عشان خاطرى ما توجعيش قلبى عليكى أرجوكى أهدي يا حبيبتى
نغم:: بأنهيار فـ حضن حياة .. أهدى ازاى يا حياااة أهدى أزاااااى الدنيا مش مكفيها كل اللى بتعمله فيا من صغرى اااااااااااااه حتى الحاجة الحلوة اللى بقيالى خدوها مني .. خدوا ولادى مني يااااااااااارب ولااااااااادى ماليش غيرهم رجعهملى يااااارب
أحمد:: بمحاولة للتخفيف عنها .. صدقينى هيرجعوا انا وعدتك انى هرجعهملك حتى لو طال الزمن هرجعهملك هيجى يوم و تلاقينى جايبهملك و جاى بس فوقى زى ما قال عمك عشان لما يرجعوا يشوفوكى كويسة
نادر:: شاور لـ أحمد و خرجوا برة الأوضة
أحمد:: خير يا أستاذ نادر
نادر:: ماوصلتش لـ حاجة؟!
أحمد:: للأسف ما وصلتش لـ اى حاجة
نادر:: طيب ثوانى كدا و طلع موبايله و عمل مكالمة .. السلام عليكم يا سيادة اللوا
# :: وعليكم السلام و رحمة الله ازيك يا نادر اخبارك ايه
نادر:: بخير يافندم ما دام حضرتك بخير .. كنت محتاج ميعاد من حضرتك لو وقت سيادتك يسمح
#:: تحت امرك اى وقت
نادر:: ينفع أجى لـ حضرتك دلوقتي
#:: تشرف يا نادر انا فـ أنتظارك بس خير
نادر:: لما أجى لـ حضرتك هحكيلك كل حاجة
#:: تمام و انا فـ انتظارك
نادر:: شكرا يافندم و قفل الخط .. و بص لـ أحمد اللى مش فاهم حاجة .. يلا بينا
أحمد:: انا مش فاهم حاجة يلا بينا فين
نادر:: فـ الطريق هفهمك بس يلا بينا دلوقتي
أحمد:: مشي بالفعل مع نادر فـ عربيته و هما فـ الطريق .. ياريت تفهمنى بقى احنا رايحين فين
نادر:: سايق .. بص يا دكتور سيادة اللوا اللى كلمته ده يبقى مدير مكتب الجوازات
أحمد:: بذهول .. مدير الجوازات ؟!
نادر:: أيوا يا دكتور مدير الجوازات و ده يبقى خال مراتى و علاقتى بيه طيبة
أحمد:: بغيظ .. بقى خال مراتك مدير الجوازات و ساكت كل ده
نادر:: أكيد لو عرفنا من وقتها ماكنتش هاسكت .. المهم يلا وصلنا و نزلوا من العربية دخلوا مكتب اللوا مدير الجوازات
اللوا:: بترحيب .. اهلا أهلا يا نادر .. نورتنى
نادر:: الدنيا منورة بوجودك .. أعرفك دكتور أحمد صديق
اللوا:: أهلا بيك يا دكتور
أحمد:: أهلا بحضرتك سيادة اللوا
نادر:: عندنا مشكلة صغيرة و محتاجين مساعدة حضرتك
اللوا:: تحت امركم خير
أحمد:: بسرعة .. أخت مراتى حماتها و أخو جوزها أخدوا ولادها و خرجوا بيهم برة البلد بعد موت جوزها ومش عارفين راحوا فين
نادر:: نغم الهلالى تبقى بنت عمى يا سيادة اللوا
اللوا:: لـ نادر .. بنت عمك ؟!
نادر:: أيوا يافندم بنت عمى .. بعد وفاة جوزها بفترة أهله اوهموها انهم هيسافروا إيطاليا يتفسحوا كام يوم و يرجعوا و بعد ما سافروا بكام ساعة بس اكتشفت انهم أخدوا أولادها معاهم و دول اطفال عمرهم 3 سنين ونص
اللوا:: سؤال هما معاهم ورق وصاية يقدروا ياخدوا بيه الولاد
أحمد:: لأ مش معاهم .. نغم هى اللى وصية عليهم .. و من وقت ما عرفت بقالى أسبوع سألت فـ كل الموانى و المطارات مالاقيتش أسمائهم فـ اى رحلة رايحة إيطاليا
نادر:: لـ أحمد ممكن يكونوا سافروا أى بلد تانى غير إيطاليا طالما ناويين ياخدوا الولاد
اللوا:: لـ نادر وارد جدا أدينى ساعة زمن و أقولك بالظبط بس عايز أسمائهم و التاريخ اللى سافروا فيه
أحمد:: وليد حسن العامري و والدته غالية محمود السواح و مراته اسمها شيرين بس مش عارف اسمها بالكامل و ولاده رغد و شادى و الاولاد الصغيرين إياد و أسيل طارق العامري و التاريخ يوم التلات الموافق 11/ 7
اللوا:: تمام مسافة ما تشربوا قهوتكم نعرف راحوا فين و بالفعل بعد شوية وقت و بعد مراجعة السيستم .. لـ نادر الأسماء دى خرجت فعلا فـ نفس التاريخ ده بس راحوا تركيا مش إيطاليا و الاولاد خارجين بورق وصاية بأسم عمهم
أحمد:: ده مش ممكن الورق ده أكيد مزور لانى بنفسى اللى مسجل ورق الوصاية لـ نغم مع طارق قبل ما يمـ ـوت
نادر:: ازاى يا أحمد مش فاهم
أحمد:: طارق كان مريض كانسر و قبل ما يـ ـمـ ـوت راح اتنازل عن كل حاجة لولاده و خلى نغم هى اللى وصية عليهم وكل حاجة متسجلة فـ المحكمة و معايا الاوراق شايلها فـ خزنتى الخاصة فـ بيتى
اللوا:: كدا يبقى فعلا خـ ـطفوا الاولاد
__________________________
فـ تركيا 🇹🇷
ڤيلا وليد
فـ نفس الوقت بعد ما وصلت غالية مع وليد و شيرين و الولاد و اللى حصل معاهم .. شيرين أكتشفت ان وليد عنده شركة استيراد و تصدير خاصة بيه فـ تركيا غير شركات العامري و كمان الڤيلا ملكه .. إياد و أسيل كانوا فاكرين انهم رايحين لـ بابا الجنة زى ما وليد قالهم و بعد كدا ابتدوا يعيطوا عايزين ماما .. غالية شوية تزعق لهم عشان يسكتوا و شوية تطبطب عليهم و الولاد بقوا بيخافوا منها و اللى بقت مهتمة بيهم شيرين اللى بقت بتتعامل مع غالية و وليد برسمية و مش طايقاهم بس مضطرة تستحمل و فـ مرة و هى قاعدة فـ اوضتها دخلت بنتها
رغد:: بهدوء .. مامى ممكن اتكلم مع حضرتك شوية
شيرين:: تعالى يا رغد خير يا حبيبتى
رغد:: ممكن أسأل حضرتك سؤال
شيرين:: أسألى يا حبيبتى عايزة ايه
رغد:: هو ليه حضرتك من يوم ما جينا
البلد دى و انتى بتنامى لوحدك فـ أوضة و بابى فـ أوضة و كمان مش بتقعدى تتكلمى معاه هو و أنة زى الاول
شيرين:: بصت لـ بنتها شوية .. كبرتى يا رغد و بقيتى تاخدى بالك من اللى بيدور حواليكى
رغد:: أكيد يا مامى انا عندى 8 سنين مش صغيرة يعنى
شيرين:: بأبتسامة .. طيب يا شقية أخوكى و ولاد عمك فين
رغد:: إياد و أسيل مش بيسكتوا عياط و عايزين طنط نغم و شادى بيحاول يلعب معاهم عشان يسكتوا
شيرين:: بوجع قلب و من غير وعى .. اه يا رغد قلبى واجعنى عليهم و ع نغم بس منهم لله أبوكى و جدتك خـ ـطفـ ـوا العيال من حضن أمهم و مكتفيني بيكم لو فكرت بس أتصل بـ نغم هياخدوكم مني و لو عملوا كدا أنا مش هستحمل و هروح فيها
رغد:: ياه يا مامى كل ده جواكى
شيرين:: فاقت من شرودها .. ايه هو اللى جوايا يا بنت انتى
رغد:: اللى حضرتك قولتيه دلوقتي
شيرين:: و ايه اللى انا قولته دلوقتي ؟!
رغد:: حضرتك قولتى حاجات كتير .. و بعدين سكتت شوية كأنها بتفكر فـ حاجة
شيرين:: مالك يا رورو بتفكرى فـ إيه
رغد:: ممكن أحكيلك حاجة حصلت بس مش تقولى عليا بنت نوتى و فتّانة ؟!
شيرين:: حاجة ايه دى اللى حصلت و عايزة تحكيها
رغد:: أبتدت تحكى .. بصى يا مامى بعد عمو طارق لما مـ ـات كنت نازلة ألعب مع شادى فـ الجنينة و سمعت
“فلاش باك”
وليد:: مالك يا غالية ليكى فترة ساكتة و متغيرة فيكى ايه
غالية:: مافيش بس بفكر فـ حاجة كدا
وليد:: حاجة ايه دى
غالية:: عايزاك تتجوز نغم
وليد:: بصدمة .. ايه ؟! لأ طبعا مستحيل ده يحصل و بعدين انتى ازاى عايزة تخلصى منها و ازاى عايزانى اتجوزها لأ مش ممكن طبعا
غالية:: بهدوء .. أسمعنى بس دلوقتي أخوك كتب كل حاجة يملكها بأسم ولاده و هى وصية عليهم و أكيد هيجى يوم و تتجوز
وليد:: لأ يا أمى مش هتجوزها مستحيل اتجوز ع شيرين و كمان مرات طارق لأ مش موافق
غالية:: من امتى بتعارضنى يا وليد و بترفض كلامى ولا خلاص كلمة غالية بقى مالهاش قيمة
وليد:: حبيبتى كلامك ع عينى و راسى بس نغم لأ لأ
غالية:: يا وليد اسمعنى بس و أفهم الجواز ده مش هيتم أصلا بس أحنا هنقول كدا عشان متأكدة انها هترفض نقوم نخيرها مابين توافق تتجوزك ولا تتنازل عن ولادها و كل حاجة كتبهالها أخوك
وليد:: هو انتى متخيلة يا غالية انها هتوافق ع حاجة زى دى
غالية:: ده اللى هيبقى ظاهر للناس
وليد:: بعدم فهم .. ايه الكلام اللى مش مفهوم ده انا مش فاهم حاجة
غالية:: افهم يا وليد .. اللى هيبقى ظاهر للناس انى هجبر زفتة دى ع الجواز منك او تتنازل ع الولاد و طبعا هى هترفض و هيبقى فى كلام كتير بس اللى هيحصل اننا هناخد الولاد و نسافر برة مصر من غير ما حد يعرف
وليد:: بصدمة أكبر .. نععععم !!
غالية:: وطى صوتك ده مش عايزين حد ياخد باله
وليد:: ازاى يا غالية أنتى تفكرى فـ حاجة زى دى .. ده مش ممكن
غالية:: بـ غل .. لازم أحرمها من ولادها زى ما حرمتنى من أبنى .. انا ماقدرتش أخلى أخوك يطلقها لانه كان بيحبها و هى بسهوكتها دى أتمكنت من قلبه و خليته يكتبلها الشقة و ارض عملهالها برج و شركة لازم أخليها تـ ـمـ ـوت بحسرتها لما تصحى من نومها و ماتلاقيش ولادها
وليد:: بس مستحيل نعرف نعمل كدا يا أمى .. أنتى ناسية ورق الوصاية اللى متسجل بأسمها
غالية:: أكيد ما نسيتش بس كل حاجة وليها حل و لا ايه
وليد:: قصدك اننا نعمل ورق وصاية مضروب
غالية:: بالظبط كدا نعمل ورق مضروب و اكيد مش هتبقى صعبة عليك
وليد:: لأ يا أمى انا مش موافق ع حاجة زى دى لو اتكشفت هنروح فـ داهية لأ لأ مش ممكن مستحيل
غالية:: يا عبيط افهم احنا هنعمل كدا و مافيش حد خالص هيعرف حاجة حتى شيرين و نشغلهم بفكرة جوازك منها او التنازل و احنا نبقى بنجهز للسفر براحتنا
وليد:: و نسافر ليييه أصلا يا أمى ما خلينا قاعدين فـ بلدنا و صلحى علاقتك بـ نغم و هى هتفضل معاكى هى و الولاد
غالية:: بغيظ .. وليييييد انا قولت اللى عندى و انت هتنفذه و انت سااااكت فاهم و لا لأ و ياريت بسرعة عشان خلاص مش قادرة أتحمل الزباااالة دى أكتر من كدا
وليد:: بعدم أقتناع حاضر يا أمى
غالية:: شاطر يا حبيبى دلوقتي بقى كل اللى مطلوب منك تمهد لـ شيرين انك عامل لها مفاجأة بس ما تقولش ايه هى غير فـ الوقت المناسب و انا هبتدى أجبر زفتة نغم ع جوازها منك .. لغاية ما تخلص كل إجراءات السفر و بعدها نقول ع مكان غير اللى رايحين فيه خالص
“عودة للوقت الحالى”
شيرين:: بتسمع رغد و دموعها نازلة و مش قادرة تستوعب ازاى فى ناس بالشر ده
رغد:: و عارفة يا مامى سمعت أنة كمان بتقول لـ بابى لما يتحدد ميعاد السفر أبقى حط منوم لـ نغم فـ العصير و خلى هنية تطلعه و بعد كدا تبقى حاسب كل الشغالين و خليهم يمشوا و كمان هو قال لـ أنة ع الڤيلا دى و الشركة اللى هنا
شيرين:: وليه ماقولتيش يا رغد من بدرى يا حبيبتى كنا لحقنا نعمل حاجة قبل فوات الأوان كدا
رغد:: أنا ماكنتش عارفة و كمان حضرتك بتقولى دايما لما نسمع حاجة مانقولش عشان كدا عيب
شيرين:: عندك حق يا رغد بس أعمل ايه دلوقتي يا حبيبتى لو أتكلمت هياخدوكم مني زى ما خدوا إياد و أسيل من نغم و لو سكتت مش هتحمل عذاب ضميرى و أنا شايفة الولاد هيـ ـمـ ـو توا ع مامتهم و أكيد هى كمان ربنا وحده عالم بحالها .. أنا بين نارين يا بنتى و مش عارفة أعمل ايه
رغد:: حطت صابعها فـ بؤقها بتفكر فـ حاجة و فجأة .. مامى ايه رأيك تبعتى لـ طنط نغم رسالة تقوليلها
شيرين:: أنتبهت لـ كلام بنتها و كأنها كانت غريقة و رغد أنقذتها بالكلام ده .. و بتنهيدة راحة .. ازاى كانت غايبة عنى الفكرة دى فعلا انا ابعتلها رسالة و أقولها كل حاجة و كمان أبرء نفسي لان أكيد نغم هتفتكر انى مشتركة معاهم
رغد:: خلاص أفتحى الكمبيوتر و أبعتى منه الرسالة
شيرين:: صح يا رورو هاتى بوسة بقى و روحى ألعبى مع أخواتك و ما تقوليش حاجة من اللى حصلت هنا لـ اى حد
رغد:: باست شيرين من خدها و قبل ما تخرج من الأوضة قالت حاضر يا مامى
شيرين:: بعد ما خرجت رغد من الاوضة .. فتحت اللاب الخاص بيها و فتحت النت بعتت رسالة لـ نغم .. نصها .. نغم أرجوكى سامحينى غصب عني انا ما كنتش أعرف انهم هياخدوا الولاد صدقينى و لما حاولت امنعهم غالية هـ ـد دتنى تاخد مني ولادى أنا كمان و تهرب بيهم كلهم .. صدقينى انا اتفاجئت باللى عملوه و مش بإيدى حاجة أعملها .. أنا مش عارفة أنام و ضميرى بيعذبنى و حاسة بالذنب و صدقينى مش عارفة أحنا فين بالظبط بس كل اللى اعرفه اننا روحنا تركيا بس أوعدك أنى هحافظ ع ولادك و أراعيهم زى ولادى بالظبط
و بعد ما بعتت الرسالة و اتأكدت انها وصلت مسحتها من عندها و قفلت النت تانى و جواها بتتمنى نغم تسامحها لما تشوف الرسالة
________________________
فـ مصر🇪🇬
فـ شقة أحمد
بعد ما خرجت نغم من المستشفى صمم أحمد و حياة ياخدوها معاهم و مايسيبوهاش لوحدها عشان ماتتعبش و هى قاعدة فـ الليڤينج مع حياة دخل
أحمد:: السلام عليكم و رحمة الله يا بشر
حياة:: و عليك السلام و رحمة الله يا حبيبى راجع بدرى يعنى
أحمد:: أبدا ما كانش عندى حاجة النهاردة عشان كدا رجعت
نغم:: شاردة و ما حسيتش بوجود أحمد خالص و دموعها نازلة بصمت
حياة:: بأنتباه .. بعدين معاكى يا حبيبتى اهدي و ان شاء الله هنلاقيهم و نرجعهم
أحمد:: قعد قصادها .. طيب قوليلى عايزة ايه و انا أعملهولك حالا يا نغم
نغم:: بصت لـ أحمد .. مستعد تعمل أى حاجة ؟!
أحمد:: جربينى
نغم:: عايزة أسافر ادور ع ولادى
حياة:: تسافرى تدورى فين بس يا نغم
أحمد:: مسك إيد حياة و بصلها عشان تسكت . و لـ نغم حاضر هنسافر ندور عليهم بس إدينى فرصة أرتب أمورى فـ الجامعة و أخد أجازة
نغم:: طيب انا عايزة أروح الڤيلا
حياة:: عايزة ترجعى هناك ليه تانى بس
نغم:: أشم ريحة ولادى فيها و بأنهيار ولادى وحشووونى أوى يا حياة
حياة:: قربت منها خدتها فـ حضنها .. هونى ع نفسك يا نغم كدا هتتعبى و يجرالك حاجة
أحمد:: مش قادر يستحمل منظرها .. قومى يا نغم غيرى هدومك و لـ حياة و انتى كمان غيرى و تعالوا نروح الڤيلا
نغم:: بجد يا أحمد
أحمد:: اه بجد يلا
و فعلا قامت نغم و حياة و غيروا هدومهم و اخدوا معتز و نزلوا كلهم راحوا ڤيلا العامرى اللى أصبحت زى المهجورة من بعد ما غالية مشت الناس اللى شغالين فيها قبل ما تسافر
و اول ما دخلت نغم جرييت ع اوضة ولادها
حياة:: لسة هتجرى وراها
أحمد:: سيبيها يا حياة
حياة:: أسيبها ازاى يا أحمد انت مش شايف حالتها عاملة ازاى
أحمد:: شايف يا حبيبتى بس هى محتاجة تستوعب اللى حصل عشان تقدر تتخطاه
حياة:: بس يا أحمد دى ممكن
أحمد:: ما بسش سيبيها و تابعيها من بعيد لو حسيتى انها ممكن تأذى نفسها يبقى وقتها نتصرف بس لازم زى ما قولتلك تتخطى اللى حصل ده عشان تقدر تكمل المشوار
عند نغم
قعدت ع سرير إياد و حضنت مخدته وحشتنى أوى يا حبيبى ياترى عامل ايه انت و أختك من غيرى .. ياترى قالولك ايه عنى ااااااااااه ياااااارب
قامت و قعدت ع سرير أسيل و خدت غطاها فـ حضنها و بتشم فيه ريحة بنتها و بدموعها اللى غرقت المخدة و الغطا وحشتووونى أوى ياااارب طمنى ع ولادى و بعد كدا قامت و دخلت اوضتها و هى حاضنة ريحة ولادها فـ غطاهم و مخدتهم و قعدت ع سريرها و افتكرت طارق و قامت طلعت أخر حاجة كان لابسها و ضمتها لـ حضنها و كأنها استمدت من ريحته القوة برغم دموعها و وجعها اللى مش بينتهى و قامت من مكانها و قعدت ع المكتب و فتحت اللاب بتاع طارق تتفرج ع الفيديوهات اللى كان بيصورهالهم دايما و الصور و فجأة قررت تفتح النت تدور ع اى حاجة توصلها لـ ولادها و شافت رسالة شيرين و صرخت .. حياااااااااة أححححممممممد
أحمد و حياة طلعوا يجروا ع صوتها
أحمد:: مالك يا نغم فى ايه
نغم:: بدموع .. ولادى يا أحمد لاقيت ولادى
حياة:: بفرحة بجد يا نغم لاقيتهم .. بس ازاى و فيين
نغم:: لفت اللاب لـ حياة و أحمد بصوا كدا شيرين بعتتلى رسالة انا هبعتلها هرد عليها هقولها ولادى فين
أحمد:: بأمل .. أبعتيلها و ردى عليها بسرعة و حاولى تقنعيها تقولك هما فين
حياة:: أستنى يا أحمد شيرين بتقول أن غالية هـ ـد د تها لازم نتأنى شوية و نفكر الأول
نغم:: بزعيق لـ حياة مااااايهمنيييش تهـ ـددها أو لأ .. أنااااا عااااايزة ولااااااادى و بس فااااااهمة ولااااااادى و بس يا حياة ده اللى يهمني
حياة:: حاضر يا حبيبتى بس أهدي عشان تعرفى تردى ع رسالتها و أن شاء الله خير
نغم:: قعدت ع المكتب و بعتت رد الرسالة لـ شيرين و كان نصها
لييييه تعملى فيا كدا ده انا وثقت فيكى يا شيرين و صدقت انك بتحبينى و بتعتبرينى أختك ليييييه تساعديهم ياخدوا ولادى من حضنى لييييييه يا شيرين لو عايزانى أسامحك بجد و تكفرى عن ذنبك قوليلى ولادى فين ردى عليااا و قولى مكانكم فييين بالظبط
أحمد:: لـ نغم .. كدا كويس أستني بقى لما ترد عليكى و نسافر ع طول نروح نجيبهم
حياة:: أن شاء الله تشوف الرسالة و ترد بسرعة .. و لـ نغم يلا بينا بقى نرجع
نغم:: حاضر يا حياة
و فعلا مشييت نغم من الڤيلا بعد ما أخدت كل حاجة تخصها و تخص طارق و أخدت المخدة و الغطا بتوع ولادها و رجعت ع شقتها و بعد إصرار أحمد و حياة عليها أقنوعها تسيب حاجتها فـ الشقة و تاخد بس اللاب و الموبايل بتوع طارق معاها و ترجع تانى معاهم و تستنى رد شيرين عليها
وبالفعل رجعت معاهم
________________________
فـ تركيا🇹🇷
ڤيلا وليد
فـ أوضة شيرين نفس وقت رسالة نغم
دخل وليد لـ شيرين فـ أوضتها يحاول يخليها تنزل تقعد معاهم زى الاول
وليد:: بأبتسامة .. شيري حبيبتى هتفضلى قاعدة كدا لوحدك كتير
شيرين:: سابت اللاب اللى كانت فاتحاه و ببرود .. عايز ايه يا وليد
وليد:: قعد جنبها ع السرير .. عايز مراتى حبيبتى ترجع تانى زى زمان تقعد معانا و تحكى فـ كل كبيرة و صغيرة فـ حياتنا
شيرين:: قول للزمان أرجع يا زمان يا وليد
وليد:: ليه بس يا حبيبتى ايه اللى غيرك كدا يا شيرى .. ايه اللى حصل لكل ده
شيرين:: بأستغراب .. إيه اللى حصل ؟! انت بجد مش عارف .. انا مستغرباك بصراحة
وليد:: مستغربانى ليه بس يا حبيبتى
شيرين:: أنت ازاى بقيت كدا ازااااى يا وليد .. قدرت ازاى تحرم ولاد أخوك من حضن أمهم .. انت أيه يا أخى ما بيصعبوش عليييك و انت شايفهم طول الوقت عياط و مانعين الأكل عشان عايزين نغم .. مابيصعبووووش علييييك و انت شايف أمك بتزعق لهم و تحاول تخليهم يكرهوا أمهم
وليد:: أمى عايزة مصلحة الولاد يا شيرين
شيرين:: بزعيق .. و هى مصلحتهم انهم يتربوا يتامى أب و أم و أمهم عااااايشة .. هى مصلحتهم انهم يتحرموا من أمههههم حراااام عليييييكم .. أخرج يا وليد لو سمحت و سيبنى فـ حالى
وليد:: أرجوكى يا شيرين انسي و تعالى نرجع زى الاول و ولاد طارق هنعوضهم انا و انتى و نكون ليهم أب و أم و نخليهم ينسوا نغم خالص
شيرين:: أرجوك انت كفاية بقى و سيبنى فـ حالى .. أنا مش قادرة أتحمل أكتر من كدا .. مش قادرة أنام و انا حاسة انى عاملة جر يمة ضميرى بيأنبني و انت و أمك كتفتونى بتهد يدها .. أخرج يا وليد و لا أقولك انا هسيبلك الأوضة و أخرج أنا
و يادوب قامت و قبل ما تخرج من الاوضة
وليد:: سمع رنة رسالة ع اللاب و فتحها و فجأة .. شيريين اقفى عندك
شيرين:: وقفت مكانها ع باب الأوضة من غير ما تلتفت او ترد
وليد:: قرب منها بـ اللاب .. ممكن أفهم ايييه ده و بيوريها الرسالة
شيرين:: قرأت الرسالة و سكتت و جواها سامحينى يا نغم ياريت أقدر
وليد:: بـ غـ ـضب .. أننطققققى سااااكتة ليييه أنتى بعتى رسااالة لـ نغغغغم قولتيلها احنا فييييين
شيرين:: بـ غـ ـضـ ـب أكبر .. أيواااا بعتلها رساااالة ايوااااا يا وليييييد بعتلها عشااااان أرتاح من عذاب ضمييييرى ايواااااا ولو كنت أعرف أحنا فيييين بالظبط كنت قولتلهااااا عشااااان تيجى تاااااخد عيالها منكم يا ولييييد .. اااااااااااااه
وليد:: ضـ ـربها بالقلم بكل قوته .. أننننتى يظهر انك اتجنننتى ع الأخررررر .. أسمعى انا مش هجيب سيرة لـ غالية عن اللى انتى عملتيه بس قسماً بالله لو أتكررت تااااانى لا أكون مطلقك و ارجعك مصر و أخد العيال و أسيب تركيا خاااااالص و خلي بقى ضميرك ينفعك و انتى قاعدة جنبها هناااااك من غير ولادك
و أخد اللاب فـ إيده و سابها و خرج من الأوضة
________________________
فـ مصر🇪🇬
فـ شقة أحمد
رجعت نغم مع حياة و أحمد بعد ما بعتت الرسالة و فضلت أيام و ليالى مستنية رد شيرين عليها و للاسف شيرين ما ردتش عدى 10 أيام و ما قدرتش تصبر أكتر و فـ يوم و هما قاعدين سهرانين قصاد التليفزيون قالت
نغم:: أحمد
أحمد:: نعم
نغم:: فاكر لما قولتلى انك مستعد تعمل اى حاجة عشانى ؟!
أحمد:: فاكر يا نغم و مازلت بقولك مستعد أعملك أي حاجة
نغم:: أنا عايزة أسافر تركيا أدور ع ولادى بنفسى
حياة:: بصدمة .. نعم ؟! ازاى يعنى يا نغم
نغم:: ازاى ايه يا حياة
حياة:: ازاى هتسافرى و تدورى بنفسك يا نغم هى تركيا دى شارع ؟ دى دولة كبيرة يا حبيبتى و انتى مش عارفة هما فين بالظبط
نغم:: هسافر يا حياة هلفها كلها بلد بلد حى حى حارة حارة هدخل بيت بيت مش هسيييب شبر فيها إلا و هسأل فيييه عن ولادى
حياة:: بس يا نغم انتى كدا …
نغم:: بمقاطعة .. انا اييييه انا ماحدش حاااااسس بـ الـ ـنـ ـار اللى فـ قلبى انننتى أبنك فـ حضنك و هى هناك خافت و قعدت فـ حضن ولاااااادها و انااااااا اللى بتكـ ـوى كل يوووووم بـ ـنـ ـار فرااااااقهم اناااااا مش حد تاااااانى
أحمد:: أهدى يا نغم و انا هعملك اللى أنتى عايزاه بكرة الصبح هطلع ع شركة الطيران و أحجز تذكرتين لـ تركيا و نسافر سوا و مش هنرجع غير و هما معانا ان شاء الله
حياة:: خدتها فـ حضنها و بدموع .. سامحينى يا حبيبتى حقك عليا انا بس خايفة عليكى .. اقولك انا كمان هاجى معاكم و نسيب معتز عند ماما سعاد و نلف تركيا كلها ان شالله نقعد سنة
و بالفعل تانى يوم حجز أحمد تذاكر سفر لـ تركيا و سافروا مش عارفين يبتدوا منين و لا يسألوا فين بس فضلوا يلفوا فـ كل بلد و يسألوا فـ السفارة و فـ اى مكان ممكن يوصلهم لـ وليد و غالية بس للاسف ما قدروش يوصلوا لـ حاجة و رجعوا بعد ما فقدوا الأمل انهم يلاقوهم
نغم بقلمى ✍️ ____________ لبنى دراز
إياد:: ليييييه سيبتينا لييييييه أتخليتى عننا بسهولة ليييييييه يا ماما
نغم::…………..؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نغم (وجع ودموع))
