رواية نغم (وجع ودموع) الفصل الثالث عشر 13 بقلم لبنى دراز
رواية نغم (وجع ودموع) الجزء الثالث عشر
رواية نغم (وجع ودموع) البارت الثالث عشر
رواية نغم (وجع ودموع) الحلقة الثالثة عشر
أحياناً يغرقنا الحزن حتى نعتاد عليه وننسى أن في الحياة أشياء كثيرة يمكن أن تسعدنا، وأن حولنا وجوهاً كثيرة يمكن أن تضيء في ظلام أيامنا شمعة فابحث عن قلب يمنحك الضوء ولا تترك نفسك رهينة لأحزان الليالي المظلمة.
💔💔💔💔
لا تقف كثيراً عند أخطاء ماضيك، لأنها ستحول حاضرك جحيماً، ومستقبلك حطاماً يكفيك منها وقفة اعتبار تعطيك دفعة جديدة في طريق الحق والصواب. لا تتخيّل كل الناس ملائكة فتنهار أحلامك ولا تجعل ثقتك بهم عمياء، لأنك ستبكي يوماً على سذاجتك، كثيرة هي الأوهام التي تدمرنا ولا سيما حين ندرك حقيقة من يحبنا ومن يتسلى بنا
نغم بقلمى✍️_____________لبنى دراز
بعد مرور 15 سنة اللى حصل فيهم
نغم ابتدت تشتغل فـ شركتها بعد ما أقنعوها أحمد و حياة انها تركز فـ مستقبلها و كل فترة ينزلوا تركيا يدوروا ع إياد و أسيل و برضوا مش بيوصلوا لحاجة .. حياة كملت دراستها و عملت ماجيستير و دكتوراه و اشتغلت فـ الجامعة .. أحمد ساب مجال التدريس و اتفرغ لمساعدة نغم فـ الشركة .. معتز كبر و دخل الجامعة اول سنة كلية الهندسة و متعلق بـ نغم
جدا و بيعتبرها أمه التانية .. غالية زى ما هى جبروت و طول السنين اللى فاتت وهى بتقول لـ إياد و أسيل أن أمهم رمتهم بعد موت أبوهم و راحت أتجوزت و عاشت حياتها .. وليد شركته اللى فـ تركيا وقعت بسبب صفقة دخلها و خسرها .. شيرين ماقدرتش تسامح وليد و غالية و عاشت السنين دى كلها تراعى الولاد و بس و أهتمت بـ ولاد نغم زى ما وعدتها فـ الرسالة و كل ما غالية تقول حاجة عن نغم شيرين تقول عكسها ..
إياد واخد طبع و شكل طارق جدا .. و هو و أسيل مشتتين بين كلام غالية و وليد و كلام شيرين بس عندهم إحساس ان شيرين هى اللى بتقول الحقيقة و قرروا انهم ينزلوا يكملوا دراستهم الجامعية فـ مصر و يدوروا ع نغم بس يا ترى هيعرفوا يوصلوا ليها ولا لأ و قدروا يقنعوا وليد و غالية أنهم يرجعوا كلهم خصوصا بعد إنهيار شركة وليد الخاصة و كدا كدا شركات العامرى موجودة و مازال ليها اسمها و رجعوا فعلا مصر بعد ما باعوا ڤيلتهم القديمة و أشتروا ڤيلا جديدة و دخلوا الجامعة إياد دخل هندسة معمارية و أسيل هندسة ميكانيكا سيارات و النهاردة أول يوم دراسة ليهم
فـ شركة نغم
قاعدة فـ مكتبها و فجأة دخل
معتز:: بسعادة .. صباحو ورد يا نونتى
نغم:: بأبتسامة .. صباح الخير يا حبيبى .. ماروحتش الكلية ليه لغاية دلوقتي
معتز:: امممم ينفع يعنى أروح الكلية من قبل ما أصبح ع الجميل و أخد منها المصروف
نغم:: بس النهاردة اول يوم يعنى المفروض تكون هناك من بدرى عشان تبقى فاهم الدنيا ماشية أزاى يا ميزو
معتز:: أنا أعترض يا نونتى
نغم:: معترض ع ايه بقى يا استاذ
معتز:: اولا أسمى باشمهندس ميزو ثانيا طبعا الجامعة كلها فـ جيبى الصغير دهو و بيشاور ع جيبه
نغم:: يا سلام بقى الجامعة كلها فـ جيبك ده
معتز:: أينعم .. انتى ناسية حياتشى ولا ايه زمانها ظبطت الدنيا هناك و انا بقى أروح سلطان زمانى
نغم:: سكتت شوية و عينيها دمعت و أفتكرت إياد و أسيل
معتز:: أنتى بتعيطى يا نونا
نغم:: أبدا يا حبيبى انا بس عينى وجعانى شوية
معتز:: قرب منها و مسح لها دموعها .. نونا انا مابقيتش صغير و عارف انك بتفكرى فـ ولادك و بتقولى لو كانوا موجودين كان زمانهم رايحين الجامعة معايا دلوقتي صح يا نونا ؟!
نغم:: حطت إيدها ع خده وبأبتسامة حزينة صح يا حبيب نونا يلا بقى روح ع كليتك النهاردة اول يوم و مش صح انك تتأخر
معتز:: طب هاتى بوسة و انتى حلوة كدا و هاتى يلا مصروفى بقى خلينى أمشى
نغم:: فتحت شنطتها و إديتله مصروفه اللى طلبه .. حاجة تانية يا كابتن ؟
معتز:: اه ماخدتش البوسة لسة
نغم:: أمشى يا ولد يلا و بطل رغى
معتز:: خلاص ماشى ما تزوقيش كدا .. أروح بقى أغلس ع البوص الكبير شوية سلام يا قمر و حدفلها بوسة فـ الهوا و مشي راح لـ أحمد
نغم:: بعد ما خرج معتز .. شردت فـ ولادها و مسكت صورتهم اللى ع مكتبها .. ياترى شكلكم بقى ايه دلوقتي ياترى يا ولادى عاملين ايه .. اااااااه يارب كل السنين دى تعبت يارب
________________________
فـ ڤيلا العامري الجديدة
نازلة أسيل فرحانة انها رايحة الجامعة اول يوم و شافت غالية قاعدة فـ الليڤنج و شيرين بتحضر السفرة عشان الفطار
أسيل:: صباح شريف أنة
غالية:: صباح الخير يا حبيبتى شكلك مبسوطة يا سيلا
أسيل:: أكيد أفندم حظرتونا مبسوط كتييير و لـ شيرين صباح شريف ماماتى
شيرين:: صباح الخير يا قلب ماما
شادى:: نازل من وراها .. أنتى يابنتى مش ناوية تعقلى بقى .. انتى هنا فـ مصر يا حبيبتى انسي الهبل ده بقى و بص لـ غالية و شيرين صباح الخير يا حلوين
غالية:: صباح الخير يا شادى
أسيل:: لـ شادى و أنت مالك يا بارد انا اتكلم براحتى مالكش دعوة
شادى:: يابت اسكتى هخنفك ايه مالكش دعوة دى انتى ناسية أنى أكبر منك
شيرين:: بس خلاص انتوا الأتنين أقعدوا أفطروا يلا عشان تلحقوا كلياتكم
شيرين:: مش عارفة يا ماماتى أبنك ده هيطلع دكتور أزاى ده العيانين هتطفش منه اول مايشوفوا شكله
شادى:: تصدقى يا بت أنتى أخرك أتجوزك و أقعدك فـ البيت تقشرى بصل بلاها تعليم خالص
إياد:: من وراهم بجدية .. صباح الخير
و مين قالك يا استاذ شادى أنى هوافق أجوزهالك أنت بالنسبة ليها أخوها الكبير و بس و ماتتعشمش بحاجة مش هتحصل
شادى:: بأندهاش لـ إياد .. جرا ايه يا عم إياد واخد الكلام جد كدا ليه انا بهزر معاها عادى هي يعنى اول مرة
إياد:: مش أول مرة يا شادى بس هتبقى أخر مرة فـ لو سمحت أتعامل معاها زى رغد مش أكتر
رغد:: صباح الخير يا بشر .. مين جايب فـ سيرتى
شيرين:: لـ رغد صباح الخير يا حبيبتى و يلا بقى بلاش نقار ع الصبح و اتفضلوا كلكم أقعدوا افطروا عشان تلحقوا وقتكم
إياد:: باس إيد شيرين معلش يا ماما أحنا هننزل عشان ما نتأخرش و لـ أسيل يلا يا سيلا
غالية:: طيب افطروا الاول
إياد:: معلش يا أنة هنفطر فـ الجامعة يلا سلام و أخد أخته و خرجوا فعلا
أسيل:: وهما خارجين من الڤيلا .. مالك يا إياد أول مرة أشوفك متعصب كدا
إياد:: صدقينى مش عارف يا سيلا من وقت ما رجعنا هنا و أنا مخنوق و حاسس فى حاجة هتحصل بس مش عارف إيه هى
أسيل:: تعرف و أنا كمان عندى نفس الأحساس بس بتجاهله و مش بفكر فيه و انت كمان لازم تعمل كدا
إياد:: حاولت يا أسيل صدقينى بس مش قادر ..و بتنهيدة ان شاء الله خير
أسيل:: تعرف نفسى أشوف ماما أوى نفسى أعرف هى مين فـ الاتنين .. هل هى المفترية اللى رمتنا لـ أنة و عمو عشان تتجوز و تعيش حياتها و لا هى المغلوبة ع أمرها اللى تعبت فـ حياتها كتير
إياد:: و هو بيشاور لـ تاكسى .. أنا عندى إحساس أنها التانية مش عارف ليه
أسيل:: تعرف و انا كمان عندى نفس الإحساس ده
إياد:: ركب التاكسي هو و أخته و لـ السواق جامعة(…) لو سمحت و لـ أسيل المشكلة إنى مش عارف أسأل مين .. أنة و عمو مستحيل يقولوا حاجة و ماما شيرين زى ما أنتى شايفة مش بتكلمهم من زمان كأنها عايشة لوحدها معانا و بس و أكيد مش هتبقى عارفة حاجة أكتر من اللى قالته
أسيل:: عندك حق يا إيدو انا حاسة ان فى سر بين ماما شيرين و عمو و أنة ..انا مستغربة أزاى تقدر تعيش كل السنين دى معاهم من غير ما تتعامل معاهم و متجنباهم خالص كدا
إياد:: مالناش دعوة هما كبار و الله أعلم حصل بينهم ايه .. يلا وصلنا انزلى
و نزلوا فعلا بعد ما حاسبوا السواق و هما داخلين معتز خبط أسيل بالعربية و هو داخل من البوابة الرئيسية للجامعة
أسيل:: وقعت فـ الأرض.. أه رجلى أه ألحقنى يا إياد
إياد:: بخضة .. حبيبتى انتى كويسة قومى هاتى إيدك حصلك حاجة ؟
أسيل:: لأ يا حبيبى حاجة بسيطة الحمدلله بس رجلى وجعتنى من الواقعة
معتز:: نزل جرى من عربيته .. بلهفة انتى كويسة يا انسة أنا أسف و الله ما أخدتش بالى
إياد:: بعد ما أطمن أن أخته كويسة مسك فـ معتز انت مين اللى علمك السواقة يا حيوان انت .. ماشى تخبط فـ خلق الله و بعدين تقول أسف هينفعنى بـ أيه اسفك ده لو كان جرالها حاجة ها
معتز:: أهدى يا نجم هو انا كنت قاصد يعنى و بعدين انا نزلت و اعتذرت و هى أهى باين انها كويسة و زى القمر اهى ..و لـ أسيل منورة يا عسل
إياد:: أحترم نفسك يا أخ انت ايه مش مالى عينك أنا بتعاكسها قصادى كدا و انا واقف
معتز:: يا عم هو انا جيت جنبها خبطتها من غير قصد و بعتذر لها ماتخافش يعنى مش هشقطها منك اشبع بيها
إياد:: لااااااا ده انت قليل الأدب بقى و عايز تتربى
معتز:: لأ لو ع التربية يا حيلتها انا متربى كويس الدور و الباقى ع اللى مقضيها من اول يوم كدا عينى عينك
إياد:: خلاص فقد السيطرة ع اعصابه و لسة هيـ ـضـ ـرب معتز
أسيل:: صرخت إيااااااد خلاص أرجوك و رحمة بابا سيبه انا كويسة و يلا بينا ندخل الكلية
إياد:: ساب معتز و لـ أسيل حاضر يا حبيبتى تعالى اوصلك للقسم بتاعك الأول و بعدين اروح انا القسم بتاعى و فعلا سابوا معتز و دخلوا راحوا كليتهم
معتز:: و هو بيركب عربيته عشان يدخل الكلية .. ايه المجنون ده كل ده عشان خبطت المزة بتاعته دى حتى خبطة صغنونة اومال لو كان كـ ـسر فـ دراع و لا رجل كان طلع بروحى ده و لا ايه ههههههههههههه
و بالفعل دخل إياد و وصل أسيل لـ القسم بتاعها و رجع راح القسم بتاعه و هو داخل المدرج شاف معتز قاعد فـ اول بنش و مافيش مكان فاضى غير جنبه و فضل واقف يدور ع مكان غيره و معتز انتبه له و شاور له يقعد جنبه و قعد فعلا بضيق بس شكره ع الموقف ده
_________________________
فـ المقابر
بعد ما خلصت شغلها و يومها فـ الشركة قامت خرجت من مكتبها و نزلت ركبت عربيتها وراحت قعدت عند قبر طارق تكلمه زى عوايدها
نغم:: بدموع .. وحشتني أوى يا حبيبى أمتى بقى يجي اليوم اللى نتقابل فيه .. تعبت من غيرك أوى يا طارق .. عارف النهاردة معتز دخل الجامعة زمان ولادنا كمان دخلوا الجامعة زي معتز .. كان نفسي أشوفهم و هما رايحين الجامعة و أوصلهم بالعربية لغاية كليتهم و ارجع بعد ما يخلصوا محاضرات أخدهم و نخرج نتغدا برة و يحكولى عن اول يوم فـ حياتهم الجامعية عامل أزاى .. وحشوني أوى يا طارق تعبت من كتر ما بدوّر عليهم و مش بلاقيهم .. تعرف انا السنة دى هجيبلهم فـ عيد ميلادهم ڤيلا و عربية و بأبتسامة حزينة كلها وجع .. أصلهم خلاص يا حبيبى كبروا ع اللعب اللى كنت بجيبهالهم .. عارفة انت أكيد بتسأل الڤيلا لمين و العربية لمين .. بص يا سيدى الڤيلا هتبقى هدية إياد هبنيها بنفسى و أجهزها و ان شاء الله السنة الجاية فـ عيد ميلاده هأفرشهاله عشان لما يرجع يلاقيها جاهزة و مستنياه هو و عروسته .. أما العربية أكيد طبعا انت عرفت لمين ايوا بالظبط كدا أسيل و السنة الجاية ان شاء الله هعملها وديعة فـ البنك بقيمة هديتها .. تلاقيك بتقول دلوقتي هو انتى واثقة اوى كدا انهم هيرجعوا ؟! أيوا يا حبيبى واثقة و عندى يقين فـ الله أنهم هيرجعوا مهما طال الزمن مسيرهم هيرجعوا لـ حضنى و يعرفوا الحقيقة .. عارف اول ما يرجعوا هاخدهم و نطلع الحج و بعدها أخدهم و نسافر نلف العالم كله و أعيش ليهم و بيهم و بس .. بس هما يرجعوا يا حبيبى .. أكيد طبعا هاجيبهم و أجيلك عشان تشوفهم
_________________________
فـ الجامعة
فـ نفس الوقت
بعد ما خلّص إياد محاضراته و هو خارج من المدرج شاف أسيل جاية بتقرب عليه
أسيل:: خلّصت يا أيدو و لا لسة عندك حاجة تانية ؟
إياد:: خلاص يا حبيبتى خلّصت و أنتى خلّصتى ؟
أسيل:: أه يا حبيبى خلاص
معتز:: كان خارج من المدرج و شافهم و فضل واقف متابع كلامهم و بيتريق فـ نفسه عليهم .. خلاث يا حبيبى اه خلاث يا حبيبتى الحب و لـ ـع فـ الدرة ياخويا منك ليها جاتها نيلة اللى عايزة خلف .. طب و الله ما أنا ماشى اما اشوف أخرتها ايه معاكم
أسيل:: إياد ممكن أطلب منك طلب
إياد:: حبيبتى تؤمر مش تطلب قولى عايزة ايه
أسيل:: عايزة أزور قبر بابا ممكن ؟
إياد:: أكيد يا حبيبتى ممكن طبعا ثوانى أتصل بـ ماما أقولها و نروح
أسيل:: بلاش يا إيدو بليييز عايزة يبقى لينا خصوصيتنا مش عايزة حد يعرف ولا حتى ماما أرجوك
إياد:: بس كدا غلط يا حبيبتى ماينفعش نمشى من غير ما نقول لـ ماما لو أتأخرنا هتقلق علينا خصوصا أننا لسة ما نعرفش اى حاجة هنا
أسيل:: بدموع .. أرجوك يا إياد أنا تعبت من فرض سيطرتهم علينا نفسى بجد نبقى انا و أنت بس لوحدنا .. أنت بس اللى أخويا و انت معايا مش عايزة حاجة تانية غيرك
معتز:: متابعهم و بهمس لـ نفسه يخـ ـربـ ـيـتكم العشق الممنوع ده و طلعتوا أخوات .. ده كدا أحلوت أوى
إياد:: حاضر يا حبيبتى أستني بس نسأل نروح المقابر ازاى و هو بيتكلم معاها شاف معتز واقف قريب منهم و نده عليه .. لو سمحت يا كابتن
معتز:: بدهشة مصطنعة .. أنا !! حضرتك بتكلمنى
إياد:: أيوا ممكن طلب لو سمحت
معتز:: اممممم ع حسب
إياد:: ع حسب أيه يعنى مش فاهم
معتز:: ع حسب الطلب اللى هتطلبه أقولك ممكن و لا لأ
إياد:: تصدق أنت أنسان بارد و أنا غلطان انى كلمتك
معتز:: براحتك يا نجم
أسيل:: لـ معتز .. بلييز من فضلك ممكن تساعدنا
إياد:: لـ أسيل .. بعصبية و بعدين معاكى بتتكلمى ليه مع المستفز ده
معتز:: أغلط أغلط براحتك أنا كنت ناوى أساعدك عشان القمر دى بس انت ماتستاهلش
إياد:: لأ انت بجد بنى أدم مستفز فعلا و لـ أسيل يلا يا بنتى نبقى نسأل سواق التاكسي و هو هيوصلنا
و بالفعل خرجوا من الجامعة و شاور إياد لـ تاكسي و سأل السواق ع مقابر(….) و طلب منه يوصلهم و فعلا وصلهم و قبل ما ينزلوا من التاكسي سألوا التُربى عن مدفن عائلة العامري
______________________
فـ المقابر
نغم قاعدة قصاد قبر طارق بتتكلم و تحكى وجعها زى عادتها معاه لغاية ما بتحس انها ارتاحت و هى قايمة حست برعشة غريبة فـ جسمها لـ اول مرة و ضربات قلبها بتزيد و بصت لـ القبر و اتكلمت .. مش عارفة يا حبيبى حسيت بحاجة غريبة اول مرة تحصلّى ربنا يستر و غمضت عينيها ياترى هشوفكم تانى يا حبايبى و لا انكتب عليا فرقكم طول عمري .. شوية و قالت انا ماشية يا حبيبى و هبقى أجيلك تانى فـ نفس الميعاد و دعت كتير و قرأت قرآن و خرجت ركبت عربيتها و يادوب أتحركت وصل إياد و أسيل بـ التاكسي
إياد:: لـ السواق ممكن تنتظرنا من فضلك
السواق:: تحت أمرك يا كابتن ممكن
إياد و أسيل نزلوا و وقفوا قصاد قبر طارق و قلبهم الاتنين بيدق جامد و نزلوا ع ركبهم الاتنين و قعدوا بدموع و وجع الحرمان
إياد:: وحشتنى أوى يا بابا وحشنى حضنك أوى روحت و سيبتنا أنا و أختى لوحدنا فـ الدنيا دي
أسيل:: بدموع .. اااااااه يا بابا مافيش فـ حياتنا أى حاجة كاملة كل حاجة ناقصة وجودك و وجود ماما .. أتحرمنا منك و عارفين أنك فـ مكان أفضل بكتير و أتحرمنا من ماما و هى عايشة و مش عارفين هى فين
إياد:: بوجع .. أنا مش ناسى وصيتك ليا فاكر كل كلمة قولتهالى قولتلى
عايزك تاخد بالك من ماما و من أختك هما من بعد ربنا مالهمش غيرك .. اوعى فـ يوم تخليهم يناموا زعلانين اوعى تخلى دموع نغم تنزل لانها أجمل نغم فـ حياتى .. أنا نفذت وصيتك يا بابا و خليت بالى من أختى و هفضل أخلى بالى منها .. بس نغم سابتنا يا بابا رمتنا لـ أنة و سابتنا عشان تعيش حياتها
أسيل:: بس أنا مش مصدقة يا بابا أنها تعمل كدا ماما شيرين بتقول عليها كلام حلو .. بس أنة بتقول أنها قالت عيالكم عندكم ربوهم انتوا و أنا هعيش حياتى و أشوف نفسى
إياد:: بأنهيار .. اااااااااااااااااااه يا بابا لو تقدر ترد عليا وتقول نغم ميييين فـ الأتنين انا تعباااااااان أوى و محتاج حضنك أوى محتاااااج أرتااااااح نفسى أعرف مكانها و أسألها ليييييه سيبتينا لييييييه أتخليتى عننا بسهولة و لو كانوا خدونا غصب عنك استسلمتى لييييييه يا مامااااا
أسيل:: بنفس الانهيار .. قووووووم قووول لينا الحقيقة أرجووووك أنت أكتر واحد عااااااارف مين الصح و مييييين الغلط أحنا بجد تعبنا و الله تعبنا من كتر ما بنسمع من كل حد شوية تعبنا و مش عارفين حاجة خاااالص
سواق التاكسي سامعهم صعبوا عليه من كتر صراخهم و أنهيارهم و نزل من التاكسي .. أنا أسف أنى بتدخل بس لو بتحبوا والدكم بلاش تعملوا كدا .. ده حرام انتوا كدا بتعذبوا نفسكم و تعذبوه معاكم .. أدعوله بالرحمة ده سيدنا النبي عليه الصلاة و السلام قال
إذا مات ابنُ آدمَ انقطع عملُه إلا من ثلاثٍ : صدقةٍ جاريةٍ ، وعلمٍ ينتفعُ به ، وولدٍ صالحٍ يدعو له .. و انتوا شكلكم صالحين أدعوله أفضل من اللى بتعموله ده
إياد:: عليه أفضل الصلاة و السلام .. أحنا فعلا بندعيله دايما فـ كل وقت بس دى أول مرة نزور قبره و ماكنتش أعرف أنها صعبة كدا
السواق:: أنا أسف أنى اتدخلت والله بس كان لازم انبهكم
إياد:: مافيش داعى للاسف و شكرا لـ حضرتك .. و قام وقف و بص لـ أخته يلا يا حبيبتى قومى عشان نرجع البيت ماما زمانها قلقانة علينا
أسيل:: قامت بتعب و أترمت فـ حضن أخوها .. مش عايزة أمشى يا إياد عايزة أفضل هنا مع بابا أرجوك خلينا شوية كمان
إياد:: حبيبتى يلا نمشى دلوقتي و أوعدك نيجى تانى بس دلوقتي لازم نرجع الڤيلا .. أنة و ماما هيقلقوا علينا لانهم مايعرفوش اننا هنا
أسيل:: حاضر يا حبيبى يلا بينا بس أنت وعدتنى هتجيبنى تانى
إياد:: كل ما تحبى تيجى هجيبك حتى لو كل يوم هو أنا عندى كام أسيل يعنى هى واحدة بس حبيبتى و توأمى
و فعلا مشيوا من المقابر بعد ما أياد وعد أخته يجيبها تزور قبر طارق فـ اى وقت رجعوا ع الڤيلا و شكلهم باين عليه التعب
______________________
ڤيلا الأسيوطى
رجع من الشركة و شاف أمه قاعدة فـ الليڤنج لوحدها سلم عليها و باس إيدها و راسها
أحمد:: عاملة ايه يا حبيبتى
سعاد:: بخير يا حبيبى طول ما أنت وأخواتك و ولادكم بخير
أحمد:: تسلميلنا يا ست الكل .. معتز و حياة لسة ما رجعوش ؟
معتز:: دخل من وراه ها أنا ذا من الهاتف الداعي .. و لـ سعاد ناناه حبيبة قلب ميزو وحشتينى يا قمر
سعاد:: شوف الواد البكاش انا برضوا اللى حبيبة قلبك و لا نونتك اللى مش شايف غيرها
معتز:: تؤتؤتؤتؤ كله الا نونا دى روحى روحى روحى
أحمد:: بتريقة .. يا أخى طلعت روحك
معتز:: بحزن مصطنع .. كدا يا بوب أخث ع كدا انا زعنان و لازم اشتكيك للقيادة العليا لما تيجى
أحمد::بهزار.. و أهون عليك يا ابنى تشتكينى ده انا زى أبوك حتى
معتز:: أبدا لااااازم اقووو…..
حياة:: دخلت من وراهم السلام عليكم .. و باست راس سعاد ازيك يا ماما و لـ معتز عايز تقول ايه يا ميزو
معتز:: بيرد ع حياة .. مين أنا
حياة:: ايوا انت عايز تقول ايه
معتز:: بص لـ أحمد .. أه أه كنت بقول انى جعاان جدا
حياة:: برفعة حاجب .. امممممم مع انى مش مصدقة بؤقك ده بس هعمل عبيطة و اصدقك
أحمد:: و أيه الجديد يا روحى طول عمرك عبيطة
حياة:: برقت لـ أحمد بذهول .. أيه ؟!
معتز:: لـ أحمد بهمس روحت فـ داهية يا بوب أعدل كلامك بسرعة
أحمد:: بنفس الهمس كله منك يا حيـوان ولـ حياة .. قصدى يا روحى طول عمرك قلبك كبير و بتعملى انك مصدقة الكـ ـلب ده
معتز:: ضيق عينه .. بقى كدا يا بوب أغلط أغلط ما انت أبويا هو انا أقدر افتح بؤقى و بهمس و اقول انك عاكست بنت الجيران مثلا مااااشى
سعاد:: بضحك .. حمد الله ع السلامة يا حبايبى كويس جايين كلكم مع بعض يلا أطلعوا غيرو هدومكم ع ما يتحضر الغدا و انزلوا كملوا مناقرة فـ بعض
وفعلا طلعوا كلهم يغيروا هدومهم و ينزلوا
حياة:: و هما طالعين لـ أحمد .. نغم ما جاتش معاك ليه
أحمد:: مشييت من الشركة من بدرى و فونها مقفول و لما سألت نهى عليها قالت ماتعرفش عنها حاجة
حياة:: يبقى راحت تزور قبر طارق زى عوايدها .. أنا مش عارفة هتفضل كدا لـ أمتى ناسية نفسها و موقفة حياتها
أحمد:: و هو بيفتح باب اوضتهم .. تقدرى تقوليلها الكلام ده ؟؟؟
حياة:: دخلت الاوضة .. قولت كتير يا أحمد و هى برضوا مصممة ع موقفها
أحمد:: يبقى سيبيها براحتها يا حبيبتى هى أدرى بمصلحتها
حياة:: صعبانة عليا يا أحمد .. يا حبيبى نغم لسة صغيرة فى بنات فـ سنها لسة ما اتجوزوش و هى عايشة ع أمل يمكن ما يحصلش
أحمد:: ضم حياة لـ حضنه يا حبيبتى عارف أنها لسة صغيرة و ناس كتير اتقدمولها من رجال أعمال و دكاترة جامعة و كمان أسر أخويا بس هى عايشة ع ذكرى طارق و أمل انها تلاقى ولادها دى حياتها الشخصية ما نقدرش نفرض عليها تعيشها أزاى هى حرة
حياة:: يا أحمد بس
أحمد:: و بعدين بقى هنفضل نتكلم عنها كدا كتير .. أنا بغير ع فكرة
حياة:: يا سلام بقى بتغير من نغم برضوا
أحمد:: و هو بيقرب منها و بهمس .. انا مش بس بغير من نغم ده أنا بغير منها و من ميزو و بغير من أمى اللى قاعدة تحت دى كمان لما تدلع فيكى قدامى .. و لسة هيبوسها سمع خبط الباب أهو هادم اللذات جه عاجبك كدا .. أدخل يا أخرة صبري
حياة:: و هى بتضحك .. مش ده ميزو حبيبك قابل بقى ههههههههههههه
معتز:: الله بقى انتوا لسة ما غيرتوش ليه انا جعااان
أحمد:: بغيظ .. حد قالك يا بارد انهم نقلوا المطبخ أوضة النوم بتاعتى
معتز:: لأ يا بوب .. بس حضرتك يا حبيبى لسة مانزلتش انت و الليدى حياة فـ طبيعى مافيش أكل غير لما تنزلوا و انا جععععااااان
أحمد:: طيب انزل و أحنا هنغير هدومنا و ننزل وراك
معتز:: نط ع السرير و هو بيهز دماغه تؤتؤ لألألأ .. أنا قاعد هنا لغاية ما تخلص حضرتك و تنزل معايا
أحمد:: أنزل ياض بقولك و أنا هنزل وراك
معتز:: لأ مش نازل غير و رجلى ع رجلك يا بوب عشان أضمن انك تبطل شقاواة
حياة:: ههههههههههههه اسيبكم تخلصوا ع بعض قصدى تخلصوا مع بعض و أغير انا هدومى و أنزل و سابتهم فعلا و دخلت الحمام تاخد شاور
_______________________
ڤيلا العامري القديمة
راحت بعد ما رجعت من المقابر تشوف و تسأل اى حد حوالين الڤيلا يمكن تعرف اى حاجة عن ولادها و فجأة شافت حارس أمن ع الڤيلا و نزلت جريت عليه
نغم:: بأمل .. لو سمحت عايزة أقابل وليد العامري ضروري
الحارس:: مافيش حد هنا بالأسم ده يا هانم
نغم:: بعصبية .. مافيش حد هنا بالأسم ده أزاى بقولك عايزة وليييد العامري
الحارس:: يا هانم قولت لـ حضرتك مافيش حد هنا اسمه وليد العامري .. حضرتك ممكن تكونى غلطانة فـ العنوان روحى أسألى فـ حتة تانى
نغم:: بعصبية و زعيق .. و أنا بقولك دى ڤيلا العامري و اللى فيها وليييد العامري انا مش هتوه عن الڤيلا وسع من وشى خلينى أدخل بقولك
الحارس:: ماينفعش يا هانم و بعد أذنك اتفضلى من هنا
نغم:: و لو ما اتفضلتش هتعمل ايه .. وسع بقولك
الحارس:: يا هانم لو سمحتى ما تضطرنيش أطلبلك البوليس .. فـ نفس الوقت راجعة عربية سودا فاخمة وقفت قصاد البوابة و نزل صاحبها منها
شريف:: فى ايه يا حلمى مين الهانم و عايزة ايه
حلمى:: شريف باشا الهانم مُصرة تدخل و بتقول انها عايزة واحد اسمه وليد
نغم:: بغـ ـضـ ـب .. لـ شريف انننننتتتت مييييين وبتعمل اييييييه هنااااااا ولييييييد العامري فييييين أنننننططططق
شريف:: بهدوء .. اتفضلى معايا لو سمحتى ندخل جوة نتكلم
نغم:: بقلق .. ندخل جوة فين انا ما أعرفكش عشان أدخل معاك .. انا عايزة وليد العامري قول هو فيييين حالا
شريف:: بأبتسامة ما تقلقيش يا هانم انا مش لوحدى جوة فى والدتى و ولادى موجودين
نغم:: تمام .. و دخلت فعلا جوة و قلبها بيزيد وجعه مع كل خطوة بتخطيها جوة الڤيلا
شريف:: متابعها و شايف دموعها بس مش فاهم حاجة و .. دخل سلم ع والدته و رحب بـ نغم .. أتفضلى يا هانم
والدة شريف:: أهلا وسهلا يا بنتى اتفضلى و بهمس لـ شريف مين دى
شريف:: بنفس الهمس .. دلوقتي نفهم اصبري شوية يا أمى و لـ نغم حضرتك تشربى إيه
نغم:: أنا مش عايزة أشرب حاجة و برجاء .. أرجوك قولى وليد العامري فييين و انت مين و بتعمل ايه هنا
شريف:: بأبتسامة واحدة واحدة عليا يا هانم و انا هقولك أنا مين .. انا شريف الطحان رجل اعمال اما بعمل ايه هنا فـ انا قاعد فـ بيتي
نغم:: بصدمة .. بيتك؟!
شريف:: أيوا بيتى و ده رد سؤالك التالت أنا اشتريت الڤيلا من وليد العامري من فترة قريبة و لسة ناقل فيها من يومين بس
نغم:: بتوهان .. وليد هنا .. وليد باع الڤيلا طيب ولادى فين و بصت لـ شريف و دموعها مغرقة وشها .. ما قالش عنوانه ايه ما تعرفش باع الڤيلا و راح فين
شريف:: للاسف ما أعرفش حاجة عنه من بعد ما سجلنا العقود و أخد فلوسه
نغم:: جات تقف عشان تخرج من الڤيلا داخت و أختل توازنها وقعت ع الكرسي مكانها
والدة شريف:: حاسبى يا بنتى .. و لـ شريف بسرعة يا حبيبى هاتلها شوية ماية .. و رجعت لـ نغم مالك يا بنتى فيكى إيه .. و عمل فيكى إيه وليد ده عشان تبقى دى حالتك
نغم:: غمضت عينيها بوجع خـ ـطف ولادى من حضنى من 15 سنة هو و أمه بعد مـ ـوت جوزى و سافروا تركيا و لغاية دلوقتي مش عارفة الاقيهم
شريف:: و هو بيقدملها كوباية الماية .. أنتى أرملة أخوه مش كدا
نغم:: أيوا أنا
شريف:: انا أسف يا هانم بس واضح ان حضرتك ماتعرفيش بموضوع بيع الڤيلا
نغم:: أنا معرفش أى حاجة خالص عنهم من 15 سنة .. و هى لسة بتتكلم موبايلها رن و ردت بلهفة من بين دموعها .. الوووو وليد رجع يا أحمد ولادى رجعوا يا أحمد
أحمد:: أهدي يا نغم .. مش فاهم منك حاجة بتقولى ايه
نغم:: بزعيق .. بقوووولك وليييييد رجع ولييييد فـ مصرررر
أحمد:: أنتى فين و عرفتى أزاى
نغم:: وليد باع الڤيلا يا أحمد
أحمد:: بصدمة .. أيه باعها أزاى ده مستحيل مش ممكن ده كدا ممكن يروح فـ داهية
نغم:: بنرفزة .. انا ما يهمنييييش أزاى باعها انا يهمنى ولادى و بس فاااااهم ولااااادى هنااا فـ مصررر و ده اللى يهمنى
أحمد:: أنتى فين دلوقتي
نغم:: أنا فـ الڤيلا
أحمد:: طيب تعالى و نفكر مع بعض و نشوف هنعمل ايه
نغم قفلت المكالمة و قامت أعتذرت من شريف و والدته و استأذنت و خرجت ركبت عربيتها و مشييت و هى حاسة بتوهان مش عارفة تفكر لغاية ما وصلت قصاد شركة العامري
________________________
فـ شركة العامري
وليد قاعد فـ مكتبه بيتابع شغله مع رغد بنته و فجأة شاف فـ الكاميرات نغم و هى بتنزل من عربيتها و بسرعة بلغ الأمن يقولوا انه مش موجود
عند نغم
بعد ما لفت بعربيتها كتير لاقت نفسها قصاد شركة العامري و نزلت دخلت الشركة بـ شر و غـ ـضـ ـب السنين و لـ حارس الأمن
نغم:: بلغ اللى مشغلك انى عايزة أقابله
الحارس:: حضرتك تقصدى مين
نغم:: بـ غـ ـضب ..صاحب الشركة دى .. وليد العامري
الحارس:: بس وليد باشا مسافر
نغم:: وأنا بقولك بلغ الباشا بتاعك انى عايزة أقابله سمعت و لا لأ
الحارس:: يا هانم بقول لـ حضرتك الباشا مش موجود
نغم:: أنت مصمم انه مش موجود مااااشى و بقت تتلفت حواليها شوية لغاية ما شافت الكاميرا و بصت للحارس و هى بتشاور عليها مش دى الكاميرا اللى مستخبى وراها تمام رفعت وشها ليها أسسسسمع يا ولييييد يا عاااامري أنا عارفة و متأكدة أنك موجووود دلوقتي و شايفنى و سامعنى كويييس خليييك رااااجل مرة واحدة فـ حياااااتك يا تنزل تقابلنى يا تؤمر رجالتك يدخلونى
وليد:: سامعها و مش عارف يعمل ايه
رغد:: بأستغراب .. مين دى يا بابى
وليد:: دى واحدة مجنونة يا بنتى كل فترة تيجى تهلل كدا و تعمل شوية قلق و شوشرة و بتمشى
نرجع لـ نغم
نغم:: أنزل يا وليييد خليك راجل و انزل واجهني انزل قوووول ولاااااااادى فييييين يا حراااااامى يا خاااااااطف .. أنزل قوووولى إيااااااد و أسييييل فييييين وديت ولاااااادى فييين عملت فيييهم إيييييه
الحارس:: أرجوكى يا هانم ماينفعش كدا حضرتك واقفة قدام شركة محترمة و اللى بتعمليه ده مايصحش
نغم:: ضحكت بوجع .. شركة محترمة بأمارة اييييه هاااا بأمااااارة ايه .. و بـ ـغـ ـضب أكبر . الشركة المحترمة دى أنا هقفلهالكم أنت فااااااهم و بصت للكاميرا مرة تانية .. صدقنى هخليك تندم يا وليد العامري ع كل دقيقة كنت السبب فيها أنت و غالية عن حرمانى من ولادى .. أنا هعرفكم نغم الهلالى هتعمل ايييه خليييك كدا مستخبى زى الفيران يا جباااااان ..
و مشييت ركبت عربيتها و هى مش عارفة تعمل ايه تانى
عند وليد
وليد:: بتنهيدة راحة .. أخيرا غارت و رفع سماعة مكتبه و كلم الأمن لو جات مرة تانية أطلبلها البوليس
الأمن:: يافندم هى بتيجى دايما تسأل عن حضرتك بس أول مرة تهلل كدا
وليد:: بنرفزة .. انت سمعت يا بنى أدم اللى انا قولته لو جات مرة تانية فـ أى وقت بلغ عنها فاااااهم .. و حط السماعة من غير ما يسمع رد الحارس
رغد:: ساكتة خالص بس جواها معقول دى طنط نغم .. و بصت لـ وليد و شردت فـ أحداث كتير كانت بتحصل بينه و بين غالية او بينه و بين شيرين و ما كانتش فاهماها
و بعدها قامت استأذنت منه انها ترجع البيت لانها خلصت شغلها و مشييت فعلا و جواها حيرة بسبب الموقف اللى حصل قدامها
________________________
فـ ڤيلا الأسيوطى
رجعت نغم بعد يوم طويل و راحت عند حياة و أحمد و دخلت استقبلتها
حياة:: بخضة .. نغم مالك يا حبيبتى شكلك عامل كدا ليه
نغم:: قعدت بتعب .. وليد العامري رجع يا حياة وليد رجع و أكيد ولادى رجعوا معاه
حياة:: وانتى عرفتى أزاى انهم رجعوا
أحمد:: بقلق .. لـ نغم أنا كلمتك من بدرى كنتى فين كل ده
نغم:: لفيت بالعربية كتير لغاية ما لاقيت نفسي عند شركة العامري
حياة:: يا حبيبتى انتى ما تعبتيش كل شوية تروحى عند الڤيلا و الشركة و مش بتلاقى حد
نغم:: لأ ما تعبتش يا حياة و مش هتعب و مش هبطل أروح و أسأل و أدور عليهم هنا و هناك بس خلاص هانت هاااانت أوى
أحمد:: هتعملى ايه
نغم:: هبلغ عنه .. وليد وقع فـ شر أعماله لما نزل و باع الڤيلا و غبائه صورله أنى مش هعرف أنه رجع
أحمد:: نغم أهدي و فكرى كويس لو قصدك انك تبلغى عن بيع الڤيلا فـ ده مش من حقك
نغم:: أنا مش فارق معايا الڤيلا يا أحمد أنا اللى فارق معايا ولادى و بس ولادى لسة قُصّر لسة تحت وصايتى و هو خدهم برة مصر بورق مزور لااااازم أكشف تزويره
حياة:: أيوا برضوا مافهمناش عايزة تعملى ايه بتفكرى فـ إيه
نغم:: مش عارفة عشان كدا جيتلكم تفكروا معايا و تساعدونى
أحمد:: طيب أهدي دلوقتي و أطلعى أرتاحى و بعدين نبقى نفكر مع بعض و نشوف هنعمل ايه
نغم:: لأ أنا هقوم أرجع بيتى .. محتاجة اقعد لوحدى
معتز:: نازل من ع السلم و لـ نغم .. بقى كدا يا نونا عايزة تمشي من قبل ما تشوفينى و تقعدى ترغى معايا عن اول يوم ليا فـ الجامعة كدا و تعرفى عملت ايه و شوفت مين و كدا يعنى
نغم:: معلش يا معتز يا حبيبى انا مش قادرة محتاجة فعلا أكون لوحدى و يا سيدي الأيام جاية كتير نبقى نقعد و نرغى براحتنا
معتز:: لألألألأ غير مسموح مافيش منه الكلام ده يا قمر حضرتك هتقعدى كدا و نرغى مع بعض ماليش فيه
أحمد:: سيبها يا ميزو دلوقتي و بلاش تغلس عليها لانها تعبانة و أكيد مش رايقة لـ صداعك
معتز:: و أنا قولت لأ مش مسموحلها تمشى
حياة:: بغيظ .. أنت ياض ما بتفهمش ليييه مش قولنا انها تعبانة بلاش تتعبها برغيك ده دلوقتي
نغم:: ميزو حبيبى معلش سيبنى النهاردة بس أفوق و بعد كدا نقعد و نرغى كتير .. يلا سلام و قامت فعلا خرجت من الڤيلا و ركبت عربيتها راحت بيتها تقعد مع نفسها و تفكر هتعمل ايه مع وليد
_____________________
ڤيلا العامري الجديدة
فـ نفس الوقت رجعت رغد من الشركة و هى مشتتة و محتارة مش عارفة تفكر و شافت
شيرين:: نازلة من ع السلم .. بأبتسامة حمد الله ع السلامة يا حبيبتى
رغد:: الله يسلمك يا مامى .. هى أنة فين
شيرين:: قاعدة فـ أوضتها .. بتسألى عليها ليه خير
رغد:: عادى يا مامى .. بسأل بس عشان ماشوفتهاش و أنا داخلة .. إياد و أسيل رجعوا ولا لسة
شيرين:: رجعوا من شوية و كان شكلهم باين عليهم التعب بس طلعوا دخلوا اوضتهم وما نزلوش تانى
رغد:: طيب كويس هطلع أطمن عليهم
شيرين:: بـ شك .. مالك يا رغد فيكى ايه يا حبيبتى طمنينى
رغد:: بحزن .. مافيش حاجة يا مامى
شيرين:: رغد حبيبتى انتى لو خبيتى ع الدنيا كلها مش هتخبى عليا .. قوليلى مالك شاركينى اللى جواكى يا رغد و أحكيلى مالك
رغد:: مش عارفة يا مامى أقولك ايه فى حاجة حصلت النهاردة فـ الشركة غريبة و ما فهمتهاش
شيرين:: خير يا حبيبتى إيه اللى حصل و بعدين ما سألتيش باباكى ليه عشان يفهمك
رغد:: مش عارفة يا مامى أنا لما سألته عشان أفهم رده كان غريب جدا
شيرين:: أحكيلى طيب ايه اللى حصل
رغد:: و أحنا قاعدين بنراجع شوية ملفات خاصة بالشغل طنط نغم جات و قعدت تزعق ع بوابة الشركة عشان حارس الأمن يدخلها او بابى ينزل يقابلها و فضلت تقول كلام كتير زى انا عارفة أنك موجود انزل يا حرامى قول ولادى فين قول إياد و أسيل فين
شيرين:: بشرود .. جه اليوم اللى كنتى خايفة منه يا شيرين اااااه يارب يعديها ع خير
رغد:: يوم ايه يا مامى اللى خايفة منه
شيرين:: بأنتباه .. قوليلى يا رغد أنتى متأكدة أنها نغم يا حبيبتى
رغد:: أنا فـ الاول ما كنتش أعرفها و لما سألت بابى قالى انها واحدة مجنونة بتيجى كل شوية تعمل شوشرة قصاد الشركة وتمشى.. بس بعد كدا لاقيتها بتقول انها نغم و أستغربت لما لاقيته بيكلم الأمن و يقولهم قولولها انه لسة مسافر و لو جات مرة تانية اطلبولها البوليس
شيرين:: غمضت عينيها بوجع .. هو ده اللى انا كنت خايفة منه طول السنين اللى فاتت
و قامت سابت رغد فـ حيرتها و طلعت اوضتها هى كمان و مش عارفة تعمل ايه اما رغد زادت حيرتها أكتر و أكتر و قررت تصبر و تشوف ايه اللى هيحصل فـ الأيام الجاية
نغم بقلمى✍️_____________لبنى دراز
انا هسيب البارت مفتوح لتوقعاتكم
ياترى هيحصل ايه ؟؟
مين هيوصل الأول ؟؟ نغم و لا ولادها
ولا أحمد ؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نغم (وجع ودموع))
