رواية نغم (وجع ودموع) الفصل الحادي عشر 11 بقلم لبنى دراز
رواية نغم (وجع ودموع) الجزء الحادي عشر
رواية نغم (وجع ودموع) البارت الحادي عشر
رواية نغم (وجع ودموع) الحلقة الحادية عشر
كم هي صعبة لحظة الفراق عندها تنتهي الكلمات و تكتفي الدموع بالتعبير حزن القلب و دمعة العين واسترجاع كل الذكريات، هي الشيء الذي يبقى لدينا بعد الفراق.
💔💔💔💔💔
عندما تحين لحظة الوداع تمتلئ الأعين بالدموع تتـ ـفـ ـجر بر ا كين الأسى . فما أصعب لحظات الوداع . و خاصة من تحب و كأنها جـ ـمـ ـرة تـ ـحـ ـرق القلب . و كأنها سارق يسرق العقل . عندما تحين لحظة الوداع كل شيء يغيب و يـ ـمو ت يرحل و يـ ـحتـ ـرق و ينسى . و لا يبقى سوى قلبى الذى لا أدرى أين هو . لا تبقى سوى نـ ـار الاشواق تزداد فى مدفأة الحب . لا يبقى سوى قلب حائر و عين باكية
نغم بقلمى✍️_____________لبنى دراز
فـ شقة أحمد
حياة بتحضر الغدا و بعد ما خلصت ندهت ع أحمد عشان يساعدها تحط الاطباق ع السفرة و مافيش رد و خرجت من المطبخ تشوفه مش بيرد ليه و فجأة شافت
معتز:: قالب كيان البيت هو و أحمد و مافيش حاجة فـ مكانها
حياة:: بصريخ .. أعممممل فيكم ايييييه .. أرحموووووناااااى
معتز:: بضحكة مستفزة .. أمشي روحى جوة مطبخك يا حياة يلا يلا
حياة:: بغيظ .. معتزززز ما تستفزنيش يلا رتب اللى انت كركبته ده
معتز:: برفض .. لأ انا بلعب مع بابا مالكيش دعوة
حياة:: بزعيق .. قولتلك رتب اللى انت عملته ده يلاااااا أسمع الكلام
معتز:: قولتلك لأ لاااااأ انا بلعب
حياة:: ياض هضربك قولتلك لِم الدنيا دى
معتز:: مش هلم حاجة و هلعععععب بس ها
حياة:: لـ أحمد عاااااجبك كدا انا مش عارفة اسيطر عليه و أربيه من كتر دلعك فييييه
أحمد:: رفع إيده بأستسلام .. ماقدرش اتكلم .. باشمهندس معتز يعمل اللى هو عايزه
حياة:: طاااايب و ربنا لا أضربهولك و بتجرى ورا معتز خد ياض تعالى هنا لما أضربك تعاااالى هناااااا
معتز:: بعياط ..مالكيييش دعوة يا ماما مالكيش دعوة أنا و بابا بنلعب مالكيش دعوة بينا بقى
حياة:: بتقولى أنا ماليش دعوة يا أبن المتضايقة طاااايب هوريك
معتز:: قولتلك مالكيش دعوة أبوس إيدك سيبينا فـ حالنا انا و بابا
حياة:: بذهول .. أسيبكم فـ حالكم !! ازاى يعنى ؟ طب تعال بقى و مسكته بغيظ عضته
معتز:: بصريخ انا بكرههههك يا ماااماااا و لـ أحمد انا بكرههاااااااااا طلقهاااااااا و هاتلى ماما جديدة أبوس إيدك طلق المتوحشة ديييييييي
حياة:: برقت عينها من كتر الذهول .. أنا متوحشة !! و بتكرهنى !! يطلقنى !!! و كمااااان عايز ماما جديدة يا أبن أحمد طاااايب و دينى ما أنا سايباك و عضته مرة تانية
معتز:: ااااااااه ألحقنى يا باباااااااا
أحمد:: أخد معتز منها و فطسان من الضحك عليهم و لـ معتز عندك حق يا ميزو التغيير مطلوب برضوا يابنى خلاص هجيبلك ماما جديدة ههههههههههههه
حياة:: حطت إيدها فـ وسطها و بغيظ أكبر لـ أحمد بقى التغيير مطلووووب ماااااشى يا أحمد غيرنى لو تقدر .. غيرنى يلا و هاتله طلبه عشان ترتااااح انت و هو
أحمد::ههههههههههههه ما أقدرش طبعا يا حياتى بس أهدي شوية انتى هتعملى عقلك بعقل أبنك
حياة:: بنرفزة مرحة .. ده ده انا مش عارفة أقول فيه ايه ده مفعوص ماكملش الـ 4 سنين و بيعمل كدا اوماااال لو كبر شوية هيعمل فيا ايييييه هيودينى دار مسنيييين
أحمد:: بضحك لـ معتز عاجبك كدا عصبتلى الست اللى حيلتى .. أعتذر يلا لـ مامى و قول أسف
معتز:: مش تعضنى تانى و قول أسف
حياة:: برفعة حاجب و إيدها فـ وسطها .. نععععم يا قلب أمك هى مين دى ياض اللى تقول أسفة و لـ مييين
معتز:: بيقلدها و حط ايده فـ وسطه زيها .. انتى ماما حياة قول أسف ميزو قول أسف
حياة:: لـ معتز بغيظ انت بتتشرط يا أبن الـ ـجـز مة
أحمد:: بيضحك عليهم و مش عارف يتكلم و فجأة سمع رنة موبايله و شاف أسم طارق و لـ حياة و معتز اسكتوا بقى عشان أعرف أرد ع الراجل و فتح المكالمة و رد .. ايوا طارق انا جايلـ و قـ ـطـ ـع كلامه لما سمع
نغم:: بدموعها .. طارق مـ ـا ت يا أحمد و قفلت من غير ما تسمع رده
أحمد:: بصدمة .. الوووو نغغغغممم الووووو و اتصل تانى مافيش رد مرة أتنين تلاتة برضوا مافيش رد
حياة:: بخضة .. فى ايييه مالها نغم يا أحمد
أحمد:: بتوهان .. بتقول طارق مـ ـات يا حياة .. ده انا كنت هتغدا و أروحله انا رديت و كنت بقوله انا جايلك بعد ما أتغدا
حياة:: حطت إيدها ع بؤقها من الصدمة و مافيش غير دموعها و بس و فجأة شافت
أحمد:: قام يجرى ع الباب بصريخ طاااااااارق لأ مش ممكن تسيبنى لااااااااااااااااااااااا يا طاااااااارق
حياة:: جريت وراه بدموع لحقته قبل ما ينزل أحمد انت هتروح بهدوم البيت كدا ؟؟ أدخل غير هدومك و انا كمان هغير هدومى و نروح لـ نغم
أحمد:: نغم .نغم يا حياة طارق وصانى عليها .. اااااااه يا طارق كنت عارف انك ماشى عشان كدا وصيتنى عليها يا صاحبى
حياة:: يلا يا أحمد عشان ما نتأخرش
و بالفعل غيروا هدومهم و نزلوا جرى ركبوا عربيتهم وصلوا معتز عند جدته سعاد و طاروا ع ڤيلا العامري
_________________________
فـ ڤيلا العامري
وصل أحمد و حياة و ركن عربيته بطريقة عشوائية و نزل جرى دخل الڤيلا و شايف زحمة و ناس كتير و طلع يجرى ع فوق لغاية ما وصل أوضة طارق و شاف
نغم:: قاعدة فـ الارض منهارة برة الأوضة و الباب مقفول من جوة
حياة:: جريت عليها بدموع و خدتها فـ حضنها .. قاعدة كدا ليه يا نغم أنتى مش مع طارق ليه
نغم:: بأنهيار .. طلعووووونى يا حياااااة طردوووونى من أوضتى حرموووونى أكون جنبه فـ أخر ساعات ليه ع الدنيا يا حيااااااة ااااااااااااااااه قلبى واجعنى اوى
أحمد:: بدموع و زعيق .. أزااااى كدا ميييين اللى طرررردك انننطقييي
نغم:: غالية هى اللى طردتنى
أحمد:: بعصبية .. هى اللى جوة ؟؟
نغم:: أيوا هى و وليد و شيرين
أحمد:: بيخبط جامد .. أفتح يا وليييييد أفتح البااااب ده بقوووولك
وليد:: فتح الباب شاف أحمد فـ وشه .. طاااارق مااااات يا أحمد صاحبك ماااااات
أحمد:: دخل الاوضة و دخلت معاه نغم و حياة و جرى ع طارق .. لييييييييه تعمل فيا كدااااا قولتلك بلااااااش الدكتووووور ده ماتسمعشششش كلاااامه .. قولتلى ايه هاااااا قولتلى اييييه ده أكبر دكتوووور فـ ألمانيا و سمعت كلاااااامه يا طارق و أدى النتيييييجة مشييت ليييييه و سيبتنى يا صاحبى
حياة:: بدموع .. أهدى يا أحمد عشان خاطرى عشان تقدر تقف مع نغم
أحمد:: قعد ع ركبه وحضن طااااارق .. ااااااااااااااه يا طااااااااارق ماتخافش يا صاحبى أمانتك فـ رقبتى لـ أخر يوم فـ عمرى هعمل كل اللى اقدر عليه يا طاااااارق كنت عاااارف يا حبيب أخوك انك ماااااااشى عشان كدا وصيتنى ع نغم و الولاد صدقنى مش هقصر معاهم
نغم:: قعدت ع السرير جنبه و حطت راسها ع صدره و ساكتة مافيش غير دموعها و بس
غالية:: شافتها و زعقت انااااااااا قووولت البت دى ما تدخلششششش هنااااااا مييييين اللى دخلهااااااا هى السبب هى اللى حرمتنى من أبنييييي
أحمد:: فاق من صدمته و قام وقف .. هى السبب فـ ايه يا غالية هانم
غالية:: هى اللى مـ ـوتت أبنى يا أحمد أكيييد سـ ـمـ ـمته .. طارق كان كويس الصبح و نزل راح الشركة مافيش فيه حاجة
أحمد:: مـ ـوتت أبنك أزااااى يعنى مش فاهم .. أنتى تعرفى إيه أصلا عن أبنك يا غالية هااااانم
وليد:: إيه اللى انت بتقوله ده .. أزاى تكلم ماما كدا يا أحمد .. و يعنى ايه تعرف ايه عن طارق
أحمد:: بعصبية .. طارق كان عيان يا وليد له سنين و كان بيتعالج برة مصر انتوا كنتوا تعرفوا ده؟
غالية:: بصدمة .. كان عيان ازاى !! أننطططق
أحمد:: أبنك يا غالية هانم كان عنده لوكيميا كانسر فـ الدم من قبل حتى ما يتجوز نغم و أكتشفه متأخر بس للاسف كان خلاص اتمكن منه و لما سافر ألمانيا من سنتين كان رايح يكشف و يتأكد و يتعالج
وليد:: بزعيق .. و لما هو كان عيان أحنا أزاى ما نعرفش الكلام ده .. ليييه طارق يقولك انت و ما يقوليش أنا لييييه
أحمد:: بدموع .. عشان كان خايف عليكم .. ما كانش عايزكم تتوجعوا عليه ماااا كاااانش عايز يشوف فـ عينيكم نظرة حزن واحدة عررررفت يا ولييييد ما قالش ليييييه
غالية:: عينيها ع نغم .. يعنى أبنى كان عيان و بيسافر يتعالج و أنننتتتى تبقى عارفة و تكوووونى جنبه و أنا أمه ما أعررررفشششش
أحمد:: بعصبية أكتر .. غالية هانم نغم ما كانتش تعرف زيكم بالظبط و برضوا لما سافرنا ألمانيا كانت فاكرة اننا بنروح الجامعة مش المستشفى طارق كان محملنى أمانة ان ما حدش يعرف و انا صونت الأمانة حتى مراتى ما قولتلهاش
غالية:: بتوهان .. قعدت بتكلم نفسها أبنى كان عيان كان بيتألم انا ازاى ماحسيتش بيه أزاى يا غالية ماتحسيش بـ أبنك أزااااااى
أحمد:: لأن كان كل تفكيرك أزاى تأذى مراته و تذليها ماكنتيش شايفة غير نغم و بس و زى ما حطيتى حجر ع قلبك و ماكنتيش بتحسى بالناس اللى بتذليهم و تهنيهم .. ربنا ردهالك و خلاكى ماتحسيش بـ أبنك اللى كان شااااايف و عااااااارف كل تصرفاتك مع مراته و سااااكت بسببها هى عارفة ليييييه
غالية:: ليه
أحمد:: لأن مراته بنت أصول عمرها ما اشتكت منك بالعكس كانت بتستحمل و بتقوله أنك بتعامليها كويس و بوجع لـ وليد .. روح أعمل تصريح الـ ـدفن و ياريت كل اللى فـ الأوضة يخرجوا مش عايز غير نغم بس و لـ نغم لو سمحتى هاتى شنطة طارق الخاصة هتلاقى فيها كفنه أشتراه بنفسه و قالى ع مكانه و طلب منى ماحدش يغسّله غير أنا و أنتى بس .. و بص لـ غالية و عشان كان عارف و متأكد ان مافيش حد هيصدق سجل الكلام ده بصوته و بعتهولى .. و شغل الموبايل
صوت طارق:: أسمعنى يا أحمد انت الوحيد اللى عارف ان أيامى خلاص قربت عشان كدا عايزك تعرف أنى أشتريت كفنى و حطيته فـ شنطة أوراقى الخاصة اللى فـ ضلفة مكتبى اللى فـ اوضتى عايزك وقت ما تسمع الخبر تتماسك و تقف فـ ضهر نغم و انتوا الاتنين بس اللى تغسّلونى و تكفنونى و التسجيل ده بصوتى عشان مافيش اى حد يكدبك وقت ما تطلب منهم الطلب ده
أحمد:: غمض عينيه بوجع بعد ماقفل الموبايل .. أظن دلوقتي تقدروا تخرجوا و خلونى أكرم طارق انا و مراته عشان نوصله لمثواه الأخير
و بالفعل كل اللى فـ الاوضة خرجوا غالية و شيرين و وليد و حياة و قفل الباب و أبتدا هو و نغم يجهزوا طارق و غسّلوه و كفنوه و خلاص ودعوه لأخر مرة هيمشى و مش راجع تانى و بعد الجنازة و العزا كل واحد رجع بيته و قضوا ليلة كانت صعبة ع الكل
__________________________
ڤيلا العامري
فـ أوضة نغم
بعد مرور شهرين داقت فيهم نغم العذاب ألوان ع إيد غالية بعد ما زاد جبروتها من بعد مـ ـوت طارق لما عرفت انه كاتب لها الشقة و بنى ليها شركة و كمان خلاها وصية ع الولاد بعد ما اتنازل لهم عن نصيبه فـ الشركات
نغم:: قاعدة فـ أوضتها سمعت خبط ع الباب و أذنت بالدخول
شيرين:: خبطت و لما سمعت الأذن دخلت و بأطمئنان .. عاملة ايه دلوقتي يا نغم
نغم:: بدموع .. هعمل ايه يعنى الحمدلله ع كل حال
شيرين:: مش هتنزلى بقى تشوفى شركتك و تبتدى تشتغلى
نغم:: أشتغل ؟
شيرين:: أيوا يا نغم تشتغلى عشان تخرجى م اللى انتى فيه .. أنتى من يوم اللى حصل ما خرجتيش م الڤيلا
نغم:: و تفتكرى غالية هانم هتسمحلى .. دى زى ما تكون ما صدقت أن طارق و سكتت ما قدرتش تنطق الكلمة .. عشان تتفنن فـ تعذيبي
شيرين:: أتعلمى أقفى قصادها يا نغم خليكى جريئة بلاش تخافى منها
نغم:: بدموع .. عايزانى أعمل ايه يا شيرين هى غالية حد يقدر عليها
شيرين:: أنتى مش طارق كتبلك الشقة بأسمك ؟
نغم:: أيوا كتبهالى كان خايف عليا من البهدلة عشان كدا كتبلى الشقة
شيرين:: خلاص قومى و خدى ولادك و خدى عربية طارق و أمشى سيبي الڤيلا و انفدى بجلدك منها و من جبروتها و ابتدى شغل و حققى حلمك
نغم:: بس غالية
شيرين:: مالكيش دعوة بيها و قومى أتحركى بسرعة قبل ما تاخد بالها
غالية:: دخلت فجأة و بـ ـغـ ـضب .. أخد بالى من إيه يا مرات أبنى
شيرين:: بخضة .. ماما ؟!
غالية:: أيوا ماما يا ست شيرين .. ماما اللى بتحرضى عليها واحدة زبااااالة و عايزاها تاخد ولاد أبنى منى و تمشى
نغم:: واقفة بتتنفس غيظ و لـ أول مرة صوتها يعلى ع غالية .. أيوا هاخد ولادى و أمشييييي و أبعد عننننك و عن قرررررفك و جبروووتك يا ظاااالمة يا مفتـ….. أاااااااه
غالية:: ضـ ـر بتها بالقلم .. انتى شكلك اتجننتي .. بقى انتى يا زبالة يا تربية الشوارع بتعّلى صوتك عليا انا ده انتى لا عيشتى و لا كنتى
شيرين:: اتصدمت من ضـ ـر ب غالية لـ نغم .. ماما ما ينفعش كدا
غالية:: لـ شيرين انتى تسكتى خالص حسابك معايا بعدين و لـ نغم و أنتى أنسي خالص أنك تاخدى ولاد طارق برة الڤيلا دى .. و أعملى حسابك قدامك حل من اتنين مالهمش تالت عايزة الولاد يبقى تتجوزى وليد و تقعدى زيك زي هنية خدامة و بس او تغورى ترجعى لـ الشارع اللى جيتى منه بعد ما تتنازلى عن كل حاجة كتبهالك طارق و تتنازلى عن ولاد طارق انتى فاااااهمة
نغم:: بذهول .. يعنى إيه اللى أنتى بتقوليه ده .. ده مش ممكن يحصل أبدا
غالية:: بجمود .. ده اللى عندى عاجبك و لا لأ
شيرين:: بصدمة من اللى سمعته .. و ده قرار مين ؟!
غالية:: بنفس الجمود .. ده قرارى انا و كويس انى لاقيتك هنا وفرتى عليا أعادة الكلام مرة تانية و لـ نغم و أنتى معاكى فرصة تفكرى لغاية ما تخلص عدتك يا توافقى ع جوازك من وليد او تغورى من غير ولاد طارق و سابتهم و خرجت من الاوضة
نغم:: أترمت ع السرير بأنهيار .. ياااااااااااااارب أنا هفضل كدا طول عمري فـ العذاب ده أعمل ايييييه حلها من عندك يارب
شيرين:: قعدت قصادها و هى مش مصدقة غالية و لا اللى عملته و جواها خافت نغم توافق تتجوز وليد .. هتعملى ايه يا نغم
نغم:: من بين شهقاتها .. أنا مستحيل أوافق ع التخريف اللى قالته ده مش ممكن اتجوز حد غير طارق و مش هسيب ولادى مهما حصل
شيرين:: أسمعى منى انتى رتبى أمورك بسرعة و لما كل اللى فـ الڤيلا يناموا خدى ولادك و أهربى و ما تروحيش الشقة لانها اول مكان غالية هتروح تدور عليكى فيه
______________________
فـ الليڤنج
بعد ما نزلت غالية من عند نغم ندهت ع هنية
هنية:: جات جرى .. أمرك يا هانم
غالية:: بنرفزة .. غورى اندهى الزفت اللى اسمه مجدى من ع البوابة
هنية:: حاضر يا هانم و خرجت تنادى الحارس و هى بتكلم نفسها .. ربنا يهدك يا بعيدة انتى ايه يا شيخة جبروت انا مش عارفة ربنا ماخدكيش ليه و ساب الدكتور الكُمل ده ربنا يرحمك يا دكتور من بعدك الڤيلا مالهاش طعم
مجدى:: شايف هنية جاية ناحيته و بتكلم نفسها .. مالك يا هنية بتكلمى نفسك ليه
هنية:: أمنا الغولة قصدى الست هانم عايزاك جوة
مجدى:: عايزة ايه ما تعرفيش
هنية:: بزعيق .. و انا اعرف منين يعنى كنت هصاحبها و لا هصاحبها فز قوم روحلها وشوفها عايزة ايه و أخلص
مجدى:: حاضر .. و فعلا راح يشوف غالية عايزة ايه و دخل الڤيلا .. تحت أمرك يا هانم
غالية:: بتجبر .. أسمع يا زفت أنت شوف زمايلك و تنبه عليهم كلهم ممنوع نغم تخرج من الڤيلا و تزود حراسة معاكم ع باب الڤيلا الورّانى مفهوم و لو خرجت هخـ ـر بيتكم انت فاااااهم
مجدى:: حاضر يا هانم أمرك
غالية:: غووور يلا
مجدى خرج من الڤيلا و هو بيـ ـضر ب كف ع كف و لـ نفسه لا حول ولا قوة إلا بالله ربنا معاكى يا باشمهندسة هتلاقيها منين و لا منين
___________________
فـ أوضة نغم
قررت تسمع كلام شيرين و تهرب و فعلا لمت اللى تقدر عليه من هدومها و هدوم ولادها و أخر حاجة كان لابسها طارق فـ شنطة و استنت لما الكل نام و راحت اوضة ولادها صحيتهم بهدوء و نزلت بيهم و خرجت ركبت عربية طارق و يادوب اتحركت لغاية البوابة
مجدى:: وقفها .. ممنوع يا هانم
نغم:: بنرفزة .. ايه هو اللى ممنوع
مجدى:: عندى أوامر أمنعك من الخروج
نغم:: لو سمحت يا مجدى سيبنى أخرج
مجدى:: أسف يا باشمهندسة غصب عني
نغم:: بدموع .. أرجوك يا مجدى ربنا يخليك سيبنى أمشى من هنا
مجدى:: صعبت عليه نغم .. غصب عني والله يا هانم .. غالية هانم لو عرفت هتـ ـقطـ ـع عيشى و أنا عندى عيال عايز أربيهم
نغم:: سيبنى أمشى أبوس إيدك و ماتخافش انا هشغلك فـ الشركة معايا ماتقلقش
مجدى:: أسف يا هانم أرجوكى انا مش قد غالية هانم دى ممكن تـ ـد مرنى و حضرتك مايرضكيش بيتى يتـ ـخـ ـرب
نغم:: سكتت شوية بتفكر فـ حاجة .. ماشى يا مجدى و لا يهمك و لسة هترجع بالعربية
مجدى:: كأنه فهم هى بتفكر فـ ايه .. نغم هانم من فضلك ما تحاوليش تخرجى من الباب الخلفى لان غالية منبها ع الحرس اللى هناك كمان و حضرتك ماترضيلناش بالأ ذية
نغم:: بقلة حيلة .. لأ يا مجدى أكيد مش هرضالكم الأ ذية .. و رجعت تانى ركنت العربية مكانها و دخلت هى و الولاد الڤيلا و شافت
غالية:: بتريقة .. تؤتؤتؤتؤ يا خسارة تعبك جه ع الفاضى .. شكلك وحش اوي و انتى عاملة زي الشحاتين كدا و بتتحايلى ع الحرس عشان يخرجوكى
نغم:: بأنهيار .. أننننتتتتى اييييييه جبرررووووت منك لله يا غالية منننننك لله حسبى الله و نعم الوكييييل فييييكى ربنا ينتقم منننننك
غالية:: ببرود .. قولى مابدالك أدعى من هنا لـ سنة قدام ولا هيأثر فيا و زى ما قولتلك ماعندكيش أختيار يا تتجوزى وليد يا تسيبى عيالك وكل حاجة خدتيها من طارق و تغورى
نغم:: مش هيحصل أبدا يا غالية فاااااهمة مش هيحصل ابداااااا حتى لو فيها موتى
غالية:: يبقى حكمتى ع نفسك يا حلوة
نغم:: بزعيق .. تعمليها يا غالية تعمليييها .. هستنى اييييه من واحدة شبعت من بعد جووووع ده غير عقدة النقص اللى عندهاااا و بتطلعهااااا ع الغلابة روووحى يا شيخة منك لله
غالية:: مسكتها من شعرها و من بين أسنانها .. أسمعى يا بت أنتى أنا ماحدش يعلّى صوته عليا و اللى أقوله لازم يتنفذ و رجلك فوق رقبتك فاهمة و لا لأ وزقت راسها وقعتها قصاد الولاد اللى صرخوا و جريوا ع امهم و خايفين من غالية
غالية:: بغيظ ندهت ع وليد .. ولييييييد أنت يا ولييييييد
وليد:: نازل جرى ع السلم و شاف نغم واقعة ع الأرض .. خير يا أمى فى ايه
غالية:: خد الزبالة دى و أرميها فـ اوضتها فوق و أقفل عليها و خد الولاد خليهم مع ولادك فـ اوضتهم و ممنوع تشوفهم لغاية ما تختار حاجة من الاتنين يلاااا
وليد:: حاضر يا أمى و لـ نغم قومى معايا يلا اطلعى قدامى
نغم:: بدموع .. أبوس أيدك يا وليد سيبنى عشان خاطر طارق خلينى أخد ولادى و أمشى من هنا ربنا يخليك
وليد:: أطلعى و انتى ساكتة يا نغم خروج من هنا مش هيحصل و عايزة رأيى لو عايزة عيالك وافقى ع الجواز أحسنلك
نغم:: بأنهيار .. مش هواااافق يا ولييييد مش هتجوزك و لا هسيب عيالى انت فااااااهم و قول لـ غالية انا مش هواااااافق
وليد:: دخلها اوضتها و قفل عليها و أخد الولاد دخلهم اوضة ولاده
إياد:: بيصرخ مااااااامى ماااااامى انا عايز مامى طارق قال مش تخلى نغم تعيط انت وحش وليد وحش تخلى مامى تعيط
أسيل:: بتعيط و ماسكة إيد أخوها من الخوف .. بس إيدو أنة هتـ ـضـ ـربنا عشان أحنا عيط اسكت
إياد:: لأ انا عايز مامى سيلو بابى قال مش تخلى نغم يزعل
وليد:: بزعيق وبعدين معاكم انتوا الاتنين ادخلوا يلا مع رغد و شادى و اسكتوا
وفعلا الولاد دخلوا مع ولاد عمهم و من كتر العياط ناموا
_____________________
فـ اوضة نغم
بعد ما دخلت اوضتها قعدت ع سريرها بقلة حيلة و مش عارفة تعمل ايه و مسكت موبايلها و أتصلت بـ أحمد
نغم:: بدموع لـ نفسها رد بقى يا أحمد
أحمد:: سامع صوت فونه.. مين اللى هيتصل فـ وقت متأخر كدا .. و مسك الفون شاف نغم .. و رد بخضة خير يا نغم فى ايه مالك حد من الولاد جراله حاجة
نغم:: بدموع .. ألحقنى يا أحمد غالية أخدت ولادى مني و حبستنى فـ أوضتى
أحمد:: بعصبية .. و هى بتعمل كدا ليه
نغم:: عايزانى اتجوز وليد او اتنازل عنهم و عن كل حاجة جبهالى طارق
أحمد:: بتلوى دراعك يعنى
نغم:: أيوا بتلوى دراعى بس انا مش هوافق يا أحمد
أحمد:: ماتخافيش يا نغم أهدي و نامى و اول النهار ما يطلع هتلاقينى انا و حياة عندك
نغم:: حاضر يا أحمد بس ما تتأخرش عليا ربنا يخليك
أحمد:: ماتخافيش أطمنى و نامى شوية و الصبح هتلاقينى عندك
و قفلت مع أحمد وفضلت طول الليل قاعدة مكانها تعيط ع حالها لغاية ما غلبها النوم مكانها
__________________
فـ اوضة وليد
قاعدة متغاظة من تصرفات وليد و غالية و قالت
شيرين:: بغيظ .. حرام عليكم اللى بتعملوه فـ البنت ده
وليد:: ببرود .. هو أحنا عملنا فيها ايه يعنى
شيرين:: بتلووا دراعها يا وليد بعيالها
وليد:: ماما عايزة مصلحتها يا روحي
شيرين:: عايزة مصلحتها ولا عايزة نص الشركات اللى بأسم عيالها و هى وصية عليهم
وليد:: الشركات دى كلها بتاعتى .. انا اللى بنيت و كبرت ماتجيش واحدة زي دى تاخد ع الجاهز
شيرين:: أسمع بقى و من الاخر لو عايز تتجوز مرات أخوك المأذون اللى هيجوزكم قبل ما يكتبلك عليها يطلقنى منك قووولت اييييه
وليد:: بوجع من الكلمة .. عايزة تطلقى يا شيرين بقى بعد العمر اللى بيننا ده قدرتى تقوليها
شيرين:: للاسف انت بقيت واحد تانى أنا معرفوش بقيت واحد سلبي اوى و طماع و ظالم زى امك
وليد:: ياااااه انتى شايفانى وحش كدا
كل ده عشان مش عايز امى تزعل
شيرين:: مش ع حساب الحق يا وليد أرضى أمك بس ما تجيش ع مرات أخوك .. بدل ما تقف فـ ضهرها و تسندها و تكون لها أخ بتيجى عليها و تلوى دراعها عشان خايف ع زعل غالية
وليد:: بخبث .. خلاص حقك عليا انا هقول لـ غالية انى مش موافق اتجوزها انا بحب شيرين و لا يمكن اتجوز عليها أبدا
شيرين:: بجد يا وليد هتقول لـ غالية الكلام ده
وليد:: طبعا يا روحي انا عندى كام شيري يعنى ..بس يلا ننام بقى عشان نرتاح .. النهار قرب يطلع و بعدين عاملك مفاجأة حلوة
شيرين:: مفاجئة أيه دى
وليد:: هتعرفيها فـ وقتها يا قلبى يلا نامى دلوقتي تصبحى ع خير
_______________________
فـ صباح يوم جديد
فـ الليڤنج
قاعدة غالية مع وليد بيتكلموا فـ حاجة معينة و اول ما نزلت شيرين سكتوا و بعد شوية سمعوا جرس الباب و فتحت هنية و كان
أحمد:: دخل هو و حياة .. صباح الخير يا غالية هانم
غالية:: بأبتسامة باردة .. أهلا يا أحمد صباح الخير .. خير مش بعادة يعنى تيجى بدرى اوى كدا
أحمد:: بجمود .. نغم فين يا هانم
غالية:: بخبث .. نغم مين .. ماعندناش حد بالاسم ده
حياة:: بغيظ .. نغم فين يا ولية انتى أختى فييييين انننطققققى
أحمد:: أهدي يا حياة و اسكتى و لـ غالية ياريت تبعتى الاستاذ اللى جنبك ده يطلع يفتح لـ نغم و ينزلها هى و ولادها
غالية:: و لو ماعملتش كدا يا دكتور هتعمل ايه
أحمد:: هعمل تصرف ما يعجبكيش يا هانم
غالية:: أعتبر ده تهـ ـد يد
أحمد:: أعتبريه زى ما تعتبريه
وليد:: انت مش ملاحظ انك زودتها يا أحمد فى ايه بينك و بين نغم عشان العصبية دى كلها
أحمد:: بغـ ـضـ ـب مسك وليد من رقبته اننننتتت تخرررررس خااااالص انت فاااااهم ما اسمعششش صوووووتك نغم دى اخت مراتى و مرات صاحبى .. قسماً بالله اى كلمة زيادة عنها هدفنك مكانك فااااااهم
شيرين:: بصراخ ولييييد ..و لـ أحمد أرجوك سيبه يا دكتور و انا هطلع أفتح لـ نغم بس سيبه لو سمحت
أحمد:: زق وليد وقعه ع الكرسى ..و لـ شيرين انا سيبته عشان خاطرك انتى بس يا مدام شيرين و ياريت تستعجلى و تطلعى تفتحى لـ نغم و تجيبلها ولادها
شيرين:: حاضر حاضر .. بس ولادها مع ولادى فـ اوضتهم بلاش يشوفوا المشاكل دى
أحمد:: خلاص تمام اتفضلى لو سمحتى اطلعى افتحيلها
و بالفعل طلعت شيرين جرى عشان تفتح لـ نغم الباب
غالية:: لـ أحمد .. هو انت فاكر بالشويتين اللى انت عملتهم دول خوفتنى . فاكر يعنى كدا غالية السواح خافت .. لأ فووووق يا دكتور مش غالية اللى تتـ ـهـد د فـ بيتها و تسكت
حياة:: قاصدة تنرفز غالية .. و مش إحنا اللى يتلوى دراعنا لا مؤاخذة و نسكت يا خالتى ام طارق
غالية:: بنرفزة و عصبية .. مين خالتك ام طارق دى يا بيئة يا زبااااالة انتى
أحمد:: غالية هااااااانم ياريت تلزمى حدودك وبلاش تغلطى فـ مراتى
شوية و نزلت نغم جرى اترمت بأنهيار فـ حضن حياة
حياة:: شششش أهدي خلاص ماتخافيش أحنا معاكى اهو
نغم:: من بين شهقاتها .. عايزين يجبرونى اسيب ولادى او يجوزونى وليد و انا ما اقدرش أعمل كدا ما أقدرش اتجوز حد بعد طارق ولا أقدر اسيب ولادى يا حياة
أحمد:: أهدي يا نغم ماحدش يقدر يجبرك تعملى حاجة انتى مش عايزاها ماتخافيش
نغم:: أنا عايزة ولادى يا أحمد أرجوك
ماتسيبهمش ياخدوهم مني
حياة:: أهدي يا حبيبتى ماحدش يقدر ياخدهم منك
أحمد:: بوجع ..نغم أنتى وصية عليهم بعد طارق الله يرحمه و ده ورق متسجل فـ المحكمة و اللى مسجله طارق بنفسه قبل ما …. و بتنهيدة يعنى مايقدروش يعملوا حاجة طالما انتى ما أذنتيش ليهم او اتنازلتى عن الوصاية فهمتى يعنى مستحيل ياخدوهم منك
غالية:: و اخرته ايه الفيلم الهابط ده بقى ان شاء الله يا دكتور أحمد
أحمد:: انتى عايزة أخرته وماله .. اقولك أيه أخرته .. نغم هتفضل قاعدة فـ ملكها و ملك ولادها معززة مكرمة و مش هتتجوز وليد و بمجرد ما تخلص عدتها هتنزل شركتها و من بين أسنانه .. و قسماً عظماً لو حد مسها بكلمة لا أكون دفنه مكانه .. ها عرفتى أخرته كدا يارب تكون النهاية عجبتك
غالية:: بغيظ .. ده مستحيل يحصل انت فاهم
وليد:: بأبتسامة خبيثة .. وماله يا أحمد ماشى كلامك
غالية:: بعصبية لـ وليد .. انت اتجننت ايه اللى انت بتقوله ده
وليد:: بنفس الابتسامة .. يا حبيبتى وماله نغم مش موافقة تتجوزنى مافيش مشاكل انا كمان ماقدرش اتجوز ع شيرين حبيبتى ده غير فعلا نغم من حقها تقعد مع ولادها لانهم قُصّر و هى الوصية عليهم
أحمد:: برفعة حاجب و من جواه مش مرتاح .. لو حد فيكم فكر بس مجرد تفكير انه يمس نغم بسوء مش هعمل حساب لـ أى حاجة و هخليكم تشوفوا أحمد تانى خالص
وليد:: أطمن يا دكتور أحمد نغم من اللحظة دى أختى الصغيرة
حياة:: ضيقت عينيها أوى وبصت لـ وليد ع فكرة و بتشاور ع مكان قلبها انت من هنا مش حلو
أحمد:: لـ نغم ماتخافيش ماحدش فيهم يقدر يعملك حاجة طول ما انا موجود و فـ أى وقت حد منهم كلمك اتصلى بيا هتلاقينى عندك و لـ حياة يلا يا حبيبتى
حياة:: خدى بالك من نفسك هكلمك كل شوية أطمن عليكى
نغم:: بدموع ربنا ما يحرمنيش منكم
وبالفعل مشي أحمد و حياة وطلعت نغم مع شيرين عشان تاخد ولادها من اوضة ولاد عمهم
غالية:: بعد ما خرج أحمد و حياة من الڤيلا و شيرين و نغم طلعوا فوق .. بعصبية لـ وليد .. ممكن أفهم أيه الهبل اللى كنت بتقوله ده
وليد:: يا أمى يا حبيبتى كان لازم أهدي الدنيا شوية .. انتى ماكنتيش شايفة أحمد كان عامل أزاى لو الدنيا ماهديتش كان ممكن ياخد نغم و العيال و يمشى
غالية:: مايقدرش يعملها
وليد:: يقدر يا غالية لان طارق عامل ورق وصاية ليه و مسجله و لو كان خد نغم ما كانش حد قدر يمنعه ده غير لو هى خرجت بالعيال مستحيل ترجع هنا تانى
غالية:: بصدمة .. نعععععم !! قصدك ايييه
وليد:: قصدى أن أبنك مأمن أحمد ع كل حاجة و بورق رسمى موثق حتى وصيته ع نغم .. و الكلام ده ماحدش يعرفه غير أحمد و انا اكتشفته لما كنت بعمل إعلام الوراثة بتاع طارق ..عشان كدا لازم نهدى خالص الأيام دى لغاية……….
غالية:: عندك حق يا وليد مضطرة اسكت و استحمل شوية
و فعلا غالية أضطرت تسكت لغاية ما تعمل اللى بتفكر فيه
_______________________
فـ أوضة وليد
بعد شوية وقت رجع وليد من برة و طلع اوضته و شاف شيرين قاعدة بتقرأ كتاب
وليد:: بابتسامة مكر .. بتعملى إيه يا حبيبتى
شيرين:: بزهق .. زى ما انت شايف بسلى نفسى
وليد:: إيه رأيك فـ رحلة 15و لا 20 يوم كدا فـ إيطاليا نتفسح و نلفها كلها
شيرين:: بأستغراب .. ده بجد ؟!
وليد:: ايه يا حبيبتى مالك استغربتى ليه .. أه بجد
شيرين:: من أمتى القرارات المفاجأة دى يا وليد
وليد:: مش قرارات مفاجأة و لا حاجة يا روحي ما هى دى المفاجأة اللى قولتلك عليها من فترة كنت بحضر لها
شيرين:: ليه برضوا
وليد:: يا حبيبتى انتى شايفة غالية نفسيتها تعبانة بعد مـ ـوت طارق و كلنا تعبنا كتير بعده قولت نطلع نغير جو شوية برة و نرجع و كدا كدا الشركة هتابعها من خلال النت يعنى ماعنديش مشاكل ظبطت كل الامور خلاص
شيرين:: طيب كويس و السفر أمتى
وليد:: بكرة الفجر
شيرين:: بصدمة .. ايه ؟! بكرة الفجر أزاى ؟! انا كدا مش هلحق أحضر الشنط
وليد:: يا حبيبتى خدى حاجات خفيفة ليكى و لـ الولاد و الباقى نبقى نشتريه من هناك
شيرين:: هى نغم هتيجى معانا و لا ايه
وليد:: لأ يا روحي مش هينفع اولا نغم لسة فـ عدتها ماينفعش تسافر ثانيا انتى عارفة العلاقة بينها و بين ماما متوترة فـ خليهم يبعدوا عن بعض شوية الاتنين هيرتاحوا .. يلا بقى يا قمر قومى جهزى الشنط و انا هروح اشوف غالية خلصت و لا لسة و انزل اشترى شوية طلبات لزوم السفر
شيرين:: حاضر
و بالفعل قامت شيرين جهزت الشنط ليها هى و وليد و لـ ولادها و استغلت فرصة ان وليد مش موجود و راحت لـ نغم
فـ أوضة نغم
قاعدة فـ اوضتها و طلبت من هنية لبن لـ ولادها و عصير ليها و اخدت ولادها فـ حضنها و بتحكيلهم عن طارق و قد ايه كان حنين جدا عليهم و فجأة سمعت خبط ع الباب و أذنت
شيرين:: سمعت الأذن و دخلت .. و بابتسامة مساء الخير يا نغم
نغم:: بنفس الابتسامة .. مساء الخير يا شيرين
شيرين:: لـ إياد و أسيل إيه ده إيدو و سيلو هنا سهرانين ليه يا حلوين
إياد:: مامى قول إيدو و سيلو نام معايا
أسيل:: عارفة شيري مامى قول بابى سافر الجنة عند ربنا
شيرين:: اه يا حبيبتى بابى سافر عند ربنا
إياد:: بزهق .. يووووه هو بابى ييجى أمتى مامى بقى
نغم:: واخدة ولادها فـ حضنها و بتعيط و مش عارفة ترد
شيرين:: حبيبى اللى بيسافر عند ربنا مش بيرجع تانى
أسيل:: يعنى بابى مش ييجى تانى شيري
شيرين:: لأ يا روحي بابى مش هييجى تانى بس أحنا اللى هنروحله
إياد:: بفرحة .. بجد شيري و لـ نغم تعيطيش مامى شيري قول نروح عند بابى
نغم:: بدموع .. أه يا حبيبى أحنا اللى هنروح بس مش دلوقتي
هنية:: خبطت و سمعت الأذن و دخلت .. أتفضلى يا ست نغم اللبن و العصير اللى طلبتيه
نغم:: شكرا يا هنية
هنية:: تحت أمرك يا ست نغم تؤمرى بحاجة تانى
نغم:: لأ يا هنية شكرا اتفضلى انتى و لـ شيرين بعد ما نزلت هنية و بتمد إيدها بـ كوباية العصير .. أتفضلى يا شيرين
شيرين:: بأبتسامة .. لا يا حبيبتى شكرا مش عايزة .. انا بس جيت اسلم عليكى قبل ما تنامى عشان مسافرين الفجر
نغم:: بقبضة فـ قلبها .. مسافرين؟!
شيرين:: أه يا نغم هنسافر هنروح إيطاليا اسبوعين تلاتة كدا نغير جو شوية و نرجع
نغم:: جواها مش عارفة ليه قلبها اتقبض لما سمعت سيرة السفر .. مين اللى هيسافر يا شيرين
شيرين:: كلنا يا ستى أنا و وليد و الولاد و غالية
نغم:: بخوف .. ليه
شيرين:: لاحظت توترها و خوفها .. مالك يا بنتى فى ايه قلقانة ليه كدا
نغم:: ابدا انا مش قلقانة و لا حاجة بس مستغربة مش أكتر
شيرين:: ماتستغربيش .. كل الحكاية ان وليد شاف غالية نفسيتها تعبانة من بعد طارق قال انه يسفرها تغير جو شوية و هياخدنا معاه كلنا و انتى بقى ياستى فكى عن نفسك شوية انتى و ولادك لغاية مانرجع
نغم:: ان شاء الله تسافروا و ترجعوا بالسلامة
شيرين:: مش عايزة حاجة من إيطاليا
نغم:: شكرا يا شيرين
شيرين:: سلمت عليها و ودعتها .. تصبحى ع خير
نغم:: و انتى من أهل الخير
و بعد ما خرجت شيرين رجعت اوضتها نغم شرّبت اللبن لـ الولاد و شربت العصير بتاعها و نامت ع طول
_______________________
يوم السفر
دخلت غالية و وليد بشويش أوضة نغم و أخدو الولاد و هما نايمين و نزلوا بيهم بعد ما نزلوا شنطهم و حطوهم فـ العربية
شيرين:: شافتهم نازلين بـ الولاد و بصدمة .. أيه ده ؟! انتوا شايلين إياد و أسيل كدا ليه رايحين بيهم فين
وليد:: هش وطى صوتك
شيرين:: اوطى صوتى ليه يا وليد انتوا ناويين ع ايه
غالية:: ناوية ع كل خير يا مرات أبنى
شيرين:: بعدم فهم .. أنا مش فاهمة حاجة ممكن تفهمونى
وليد:: هناخدهم معانا أرتاحتى كدا
شيرين:: بصوت عالى شوية .. هتاخدوهم معاكم ازاى يعنى من غير علم أمهم و لـ غالية أنتى كدا بتـ ـخطـ ـفيهم و انا لايمكن اسكت عن حاجة زى دى
غالية:: وليييد خد الولاد فـ العربية بسرعة
وليد:: حاضر يا أمى و أخد فعلا الولاد و طلع بيهم مع ولاد ركبوا العربية
شيرين:: بزعيق .. وليييد بلااااش يا وليد حراااام عليك تاخد العيال من أمهم سيبهم لو نغم قامت مالاقيتهمش هيجرالها حاجة أرجوك سيبهم
غالية:: بغيظ شدتها من شعرها أسمعى يا بت أنتى لو عايزة عيالك تكبر فـ حضنك و ما تتحرميش منهم تمشي و انتى حاطة الـ ـجـ ـزمة فـ بؤقك أنما هتتكلمى و تبرطمى كتير هتقعدى جنب الزبالة اللى فوق دى و أبقى قابلينى لو عرفتى توصليلنا فاهمة يا حلوة و لا لأ
شيرين:: و إيديها ع إيد غالية اللى ماسكاها بيها و بوجع .. أنننتتى بتعملى كدا ليييه حراااام عليكى يا ظالمة يا مفترية انتى اييييه عشان ربنا حرمك من أبنك عايزة تحرمي أم من ولادها اييييه الجبرووووت اللى انتى فيه ده
غالية:: وهى ع نفس وضعها و ماسكة شيرين من شعرها .. ده أخر ما عندى و شكلك كدا عايزة تتحرمى انتى كمان من عيالك و ندهت وليييييد
وليد:: نعم يا امى خير
غالية:: دقيقة واحدة يا تجرجرها وراك يا ترمى عليها يمين الطلاق و تبقى تدور بقى ع عيالها
وليد:: لـ شيرين يلا يا شيري أمشي خلينا نخلص عشان نلحق الطيارة و بعدين يا حبيبتى انا قايلك انها رحلة اسبوعين تلاتة بس عاملة أزمة ليه بقى و ياستى لما نوصل هنتصل بـ نغم نقولها ان الولاد معانا بنفسحهم يلا بقى يا حياتى
شيرين:: بقلة حيلة و جواها مش مطمنة .. حاضر يا وليد طالما رحلة أسبوعين بس و بهمس حسبي الله و نعم الوكيل فيكم
و بالفعل مشيت معاهم و هى مضطرة من خوفها انها تتحرم من ولادها و فـ المطار بعد ما طلعت الطيارة أكتشفت أنهم رايحين تركيا مش إيطاليا
فـ اوضة نغم
صحييت نغم من نومها و حاسة بصداع رهيب جدا و دماغها تقيلة و لسة بتفتح عينيها مالاقيتش ولادها و بهيستيريا بتنادى عليهم .. إيااااااااد أسييييل ولاااااادى و طلعت تجرى زى المجنونة ع اوضة وليد مالاقيتش حد و جريت و هى بتصرخ
إيااااااااااااد أسيييييل غااااااالية دخلت اوضة غالية مافيش حد و جريت ع اوضة ولادها مش موجودين
نزلت السلم جرى و بتنادى هنيييييية يا هنييييية مافيش اى حد و لا حياة لمن تنادى طلعت تجرى ع برة فـ الجنينة مافيش اى حد خالص ولا شغالين و لا جناينى و لا الحرس و بأنهيار دخلت الاوض تانى تفتح فـ الدواليب كلها فاضية حتى هدوم عيالها قعدت فـ اوضة ولادها فـ الأرض و بكل الوجع اللى فيها ولاااااااااااااااااااااااااادى ااااااااااااااااااااااااااااه
فـ الطيارة
وليد:: قاعد جنب شيرين .. خلاص بقى يا شيرى فكيها يا حبيبتى و أنسي خلينا ننبسط بقى
شيرين:: بغيظ .. أنسى أيييه يا وليد أنسى ايه .. أنت سرقت ولاد أخوك من أمهم عارف يعنى أيه سرقتهم
وليد:: يا حبيبتى لا سرقتهم و لا حاجة دى فسحة زى ما قولتلك بس هتبقى طويلة شوية
شيرين:: فسحة ؟! أى فسحة دى اللى تخليك تحرم عيال من أمهم مش كفاية اتيتموا و اتحرموا من أبوهم و هما صغيرين كمان تحرمهم من أمهم .. أاااى فسحة دى اللى تخليك تكدب عليا و تفهمنى أننا رايحين إيطاليا و أكتشف اننا رايحين بلد تانية خالص تقدر تقول يا وليد اى فسحة دى اللى تخلى امك تهـ ـدد نى تاخد مني ولادى لو اتكلمت و فتحت بؤقى عشان إياد و أسيل .. يا خسارة يا وليد يا خسارة
عند نغم
نزلت جرى ع السلم بهدوم البيت و حافية و كل ما تمشى خطوة تقع و تقوم ..تقع و تقوم لغاية ما وصلت و ركبت عربية طارق و جريت ع المطار و هى فـ العربية أتصلت بـ أحمد
نغم:: بأنهيار من بين شهقاتها .. الوووو ألـ ألـ ألحقنى يا أحمد
غـ غـ غـ غالية و وووليد خـ خـ خـ ـطـ ـفوا ولاااااادى
أحمد:: بخضة.. مالك يا نغم أهدي عشان أفهم بتقولى ايه
نغم:: غالية و وليد خـ ـطـ ـفوا ولادى و سافروا إيطاليا ألحقنييييي
أحمد:: كان فـ مكتبه فـ الجامعة و قام وقف و طلع جرى .. انتى بتقولى ايييه امتى ده حصل
نغم:: أنا صحيت من النوم مالاقيتش حد و الڤيلا فاضية خالص
أحمد:: بـ ـغـضـب .. و الله لـ أهد الدنياااااا ع دمااااااغهم
نغم:: انا عايزة ولادى يا أحمد أبوس إيدك رجعهم لـ حضنى تانى عشان خاطرى
أحمد:: و هو بيركب عربيته .. أوعدك أنى هعمل كل اللى أقدر عليه عشان أرجعهملك .. انتى فين دلوقتى
نغم:: انا رايحة المطار أرجوك يا أحمد عايزة ولادى
أحمد:: بسرعة انا جايلك يا نغم مسافة الطريق و قفل و ساق عربيته بأقصى سرعة و بـ غـ ـضـب بيخبط ع الدركسيون غبى غباااااااااى ما كانش لازم اسيبهم فـ الڤيلا بعد اللى حصل كان لااااازم أفهم ان ورااااهم سررر و دينى و ما أعبد لا أخليك تندم يا وليييييد يا عااااامري
نغم بقلمى✍️____________لبنى دراز
@:: ممنوع يا استاذ
أحمد::………..؟؟؟؟؟؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نغم (وجع ودموع))
