رواية نغم (وجع ودموع) الفصل التاسع 9 بقلم لبنى دراز
رواية نغم (وجع ودموع) الجزء التاسع
رواية نغم (وجع ودموع) البارت التاسع
رواية نغم (وجع ودموع) الحلقة التاسعة
لا تنظر إلى الأوراق التي تغيّر لونها و بهتت حروفها، و تاهت سطورها بين الألم و اليأس، سوف تكتشف أنّ هذه السطور ليست أجمل ما كتبت، و أنّ هذه الأوراق ليست آخر ما سطّرت، و يجب أن تفرّق بين من وضع سطورك في عينيه، و من ألقى بها للرياح، لم تكن هذه السطور مجرّد كلام جميل عابر، و لكنّها مشاعر قلب عاشها حرفاً حرفاً، و نبض إنسان حملها حلماً و اكـ ـتوى بـ ـنـ ـارها ألماً.
نغم بقلمى✍️____________لبنى دراز
فـ شقة طارق
قاعد هو نغم بيهزروا مع بعض و فجأة سمعوا جرس الباب و راحوا سوا يفتحوا الباب و اتفاجئوا بالضيف اللى جالهم
طارق:: بـ أستغراب .. أنت ؟! إيه اللى جابك و عرفت منين إننا هنا
نادر:: لـ طارق هو من الأصول أنك تسيب ضيوفك واقفين ع الباب يا دكتور و لـ نغم .. مش هتقوليلنا أتفضلوا يا بنت عمى و لا ايه
طارق:: بغيظ و غيرة .. كلامك معايا انا مالكش دعوة بيها و لـ نغم أدخلى جوة و اقفلى ع نفسك و مهما يحصل ما تخرجيش
محسن:: بسرعة .. لأ يا بنتى خليكى عايز اتكلم معاكى و لـ طارق أسمحلنا ندخل و لا هنتكلم من ع الباب كدا
طارق:: وسع من وش الباب و شاور بـ إيده انهم يدخلوا
نغم:: ماسكة فـ طارق بتترعش من كتر الخوف من وقت ما شافت عمها و أبنه
محسن و نادر دخلوا و وقفوا فـ الصالة
طارق:: لـ نغم أهدي يا حبيبتى ما تخافيش و لـ محسن و نادر خيييير
نادر:: هنتكلم و أحنا واقفين كدا هى دى الأصول برضوا يا دكتور
طارق:: بنفاذ صبر .. راعى انك فـ بيتى و بتغلط فيا و مع ذلك اريحك .. اه أنا راجل مابفهمش فـ الأوصول و أنتم اصلا ناس غير مرغوب فيكم هنا .. ها حلو كدا ؟ برضوا خييييير
محسن:: بندم .. عندك حق يا أبنى تقول أكتر من كدا .. بس أرجوك أدينى فرصة أتكلم مع بنت أخويا و أطلب منها تسامحنى و لـ نغم عمك مايستاهلش منك فرصة صغيرة حتى تسمعيه فيها يا نغم
طارق:: قولت كلامكم معايا مش معاها ثم انا سألت أنتوا عرفتوا منين إننا هنا و جايين ليييه
نادر:: أولا انا بعتذر عن غلطى فيك انا اسف .. ثانيا اسمحلنا نقعد و نتكلم و انت تعرف كل حاجة
طارق:: بغيظ .. أتفضلوا فـ الصالون و دخل قدامهم و هو محاوط ع نغم بدراعه من خوفه عليها منهم
نادر:: بجدية .. اسمعنى يا دكتور .. بابا من يوم اللى حصل فـ الڤيلا عندكم و هو تعبان و ندمان أشد الندم و قرر انه يرجع تانى الڤيلا عشان يعتذر لـ نغم و يطلب منها تسامحه بس حصلت شوية ظروف أخرتنا عن الزيارة دى و لما قرر إننا نزور نغم النهاردة روحنا الڤيلا فعلا بس الحارس اللى هناك بلغنا انك هنا و أدالنا العنوان
طارق:: بعصبية .. و انتوا عايزين نغم ليييه .. لسة عندكم حد تانى معاه فلوس أكتر و جايين تاخدوا نغم عشان تبيعوهاله
محسن:: بصدق .. أرجوك أسمعنى و لـ نغم أسمعينى يا بنتى أنا جايلك النهاردة عشان أرجّعلك فلوسك تمن بيت أبوكى الله يرحمه و بالأرباح كمان
نغم:: بتوتر بصت لـ طارق و رجعت بصت لـ محسن و ساكتة
طارق:: لـ محسن و إيه اللى يضمن لنا أن كلامك صح و أنك فعلا جاى ترجّع الحق لـ صاحبته
نادر:: مد إيده بـ ملف لـ نغم .. الأوراق دى فيها كل حاجة و فيها كل قرش يخص نغم ع مدار السنين اللى فاتت
نغم:: بصت لـ نادر و ما مديتش إيدها تاخد منه الملف
محسن:: بندم لـ نغم .. أنا من وقت ما سيبتك فـ المدرسة و بيعت البيت و أنا مش مرتاح فـ حياتى رغم أنى كان عندى شركتى و أملاكى كتير بس طمعت فـ البيت لأنه كبير و سمعت كلام الـ شيـ ـطان و بيعته و أخدت فلوسه زودت بيها راس مالي و كبّرت شركتى فعلا بس فجأة بعد السنين دى كلها خسرت كل حاجة و بيعت اللى ورايا و اللى قدامى
طارق:: حس بصدق كلامه .. و أنت جاى تقول الكلام ده ليه دلوقتي
محسن:: لأنى فوقت و عرفت غلطى يا أبنى و كنت لازم قبل ما أسدد ديون البنك أسدد دين بنت أخويا و أردلها حقها و زى ما قولت بالأرباح
نادر:: لسة مادد إيده بالأوراق لـ نغم .. ايه يا بنت عمى هفضل مادد إيدى كتير كدا
نغم:: بصت لـ طارق .. أخد الورق ؟
طارق:: شاورلها بدماغه .. خديه
محسن:: لـ نغم سامحينى يا بنتى أرجوكى عشان ربنا يسامحنى .. سامحينى عشان أعرف أنام و انا مرتاح
نغم:: خرجت عن صمتها أخيرا .. عايزنى أسامحك ؟؟ طيب قولى كدا أسامحك ع أيه و لا أيه؟ لو عايزنى أسامحك أمسح من عمرى الـ 10 سنين اللى فاتوا تقدر؟ تقدر يا عمى تمسح من عمرى كل دمعة نزلت بسببك؟ تقدر تخلينى أنسى مرارة اليتم؟ و بأنهيار .. تقدر تخلى جوازى من طاااارق طبيييعى و تخلينى أعيش أحساس البنت و هى فرحانة بأن حبيبها رايح لغاية باب بيتها و يطلب إيدها من أبوها .. تقدر تخلى غالية هانم تعاملنى كويس و تتقبل وجودى فـ حياة طارق و تغير فكرتها السيئة عننننى .. عايزنى أساااااامحك طيب ازااااااى .. و بدموع انت عارف أنا أتجوزت طارق ازاى .. فاكر يوم ما منال هانم و سامى راحولى الكلية و بهدلونى قصاد كل الطلبة عارف وقتها كان طارق دكتورى و بس ما كانش جوزى و لما شاف اللى حصل صعبت عليه و عشان يحمينى منهم كدب و قال انه جوزى .. و هى بتشاور ع طارق … طااارق ورط نفسه فـ مشاكلى من غير ما يعرفنى يا عمى بسببك و بسبب مراتك .. أنا أتعرضت لـ إهانات صعب حد يتحملها و برضوا بسببك و بعد ده كله جاى عايزنى أسامحك .. طيب أزاى
محسن:: وقف و مسك إيدها عارف يا نغم أنك عندك حق فـ كل كلمة .. أنا قسيت عليكى و ظلمتك كتير و ماكنتش العوض ليكى عن أبوكى و عارف أنك بسببى شوفتى كتير .. بس أرحمى شيبتى يا بنتى و أرحمينى فـ أخر عمرى و سامحينى خلينى أمـ ـو ت و أنا مرتاح أرجوكى
نغم:: عارف يا عمى رغم أنك ماعملتش حاجة تخلينى أسامحك عليها .. بس انا هاسمحك عارف ليه
محسن:: ليه
نغم:: بدموعها عشان أنا بنت مصطفى الهلالى فاكره ؟ مصطفى الهلالى اللى ما عشتش معاه كتير بس علمنى حاجات كتييير كأنه كان عارف انه هيمشى بدرى .. مصطفى الهلالى علمنى يعنى ايه كرم الأخلاق و يعنى ايه تسامح و يعنى أيه صلة رحم و عشان خاطر أبويا هسامحك لله
محسن:: بدموع باس راسها و أيدها حقك عليا يا بنتى أنا مش عارف أقولك أيه فعلا اللى خلف ما ماتش
طارق:: لسة هيتكلم سمع جرس الباب مرة تانية و قام خرج من الصالون عشان يفتح و أتفاجئ برضوا بـ اللى ع الباب
غالية:: إيه يا طارق هتسيبنى واقفة ع الباب كتير
طارق:: لأ طبعا يا أمى أتفضلى ده بيتك و مطرحك
غالية:: دخلت وقفت فـ الصالة .. انا جاية عشان ترجع معايا أنت و مراتك يا طارق الڤيلا من غيرك وحشة يا حبيبى
طارق:: معلش يا أمى أنا مرتاح كدا هنا
غالية:: بتلف بـ عينها فـ الشقة .. أنت غيرت نظام الشقة خالص
طارق:: نغم هى اللى عملتها و غيرت شكلها
غالية:: اممممم وماله .. بس النظام الاولانى كان أحلى ياريت ترجعه تانى
طارق:: أتفضلى أرتاحى يا حبيبتى تحبى تشربى ايه و لا أقولك أحنا نتعشى سوا و اسهرى معانا
غالية:: بأبتسامة .. أحنا هنتعشى سوا فعلا بس فـ الڤيلا يا طارق أنا قولتلهم يعملوا كل الأكل اللى انت بتحبه يا حبيبى
فـ الصالون
نادر:: بجد انا مش عارف أقولك أيه يا نغم بس اللى لازم تعرفيه انى من الأول رافض كل حاجة حصلت معاكى بس صدقينى كان غصب عنى كنت بسمع كلام أمى .. لكن ما قدرتش أتحمل أكتر من كدا
نغم:: و هى بتمسح دموعها .. خلاص يا نادر اللى حصل حصل و انا سامحتكم و كفاية إن بسبب اللى عملتوه معايا ربنا رزقنى بـ أحن أنسان عليا و فعلا لولا والدتك و أخوك و اللى عملوه فـ الجامعة ما كنتش أتجوزت طارق
نادر:: ربنا يخليكم لـ بعض يا نغم .. و بأبتسامة شكله بيحبك أوى و بيغير عليكى
محسن:: قام وقف و لـ نادر يلا بينا يا نادر و لـ نغم أتمنى فعلا تكونى سامحتينى من قلبك و ياريت لو أحتاجتى أى حاجة أو جوزك زعلك فـ يوم من الأيام ماتنسيش أن ليكى عم موجود و صدقينى هحاول أعوضك اللى فات
نغم:: شكرا لـ حضرتك
و بالفعل خرج محسن و نادر و نغم من الصالون و اتفاجئوا بـ غالية موجودة مع طارق و لما شافتهم
غالية:: لـ طارق .. مش تقول يا طارق أن الهانم مراتك عندها ضيوف
طارق:: ده محسن بيه عم نغم و أبنه نادر
غالية:: ببرود .. أهلا تشرفنا
محسن:: الشرف لينا أحنا يا هانم
غالية:: بهمس لـ نفسها سمعه طارق .. أه طبعا هو انتوا كنتوا تحلموا اصلا بالشرف ده .. و لـ نغم أزيك يا مرات أبنى
نغم::بذهول .. أزى حضرتك يا طنط
غالية:: ببرود .. يلا أدخلى لمى هدوم طارق و هدومك عشان ترجعوا معايا الڤيلا
طارق:: بهدوء يا أمى انا قولتلك انا مرتاح هنا كدا
غالية:: أنت عايز حفيدى يا طارق يتولد و يتربى بعيد عنى ده مش ممكن أبدا و لـ نغم قولي له اهو ع الاقل تبقى عينينا عليكى قصدى نعرف نراعيكى
نغم:: لـ طارق طنط عندها حق يا طارق هى من حقها تربي ولادك زى ما ربت ولاد أخوك
محسن:: بفرحة .. أنتى حامل يا نغم .. مبروك يا بنتى ألف مبروك يا حبيبتى و لـ نادر شوفت هبقى جدو و بنت أخويا هتجيبلى حفيد يا نادر
نادر:: مبروك يا نغم و لـ طارق مبروك يا دكتور ربنا يقر عينك بأبنك و يتربى فـ عزك
طارق:: شكرا ليك و عقبالك ان شاء الله
محسن:: مبروك يابنى ربنا يفرحكم دايما .. نستأذن أحنا
و بالفعل مشي محسن و نادر بعد ما رجّعوا لـ نغم فلوسها كلها و أتأكدوا انها سامحتهم
نرجع لـ طارق
غالية:: بتريقة .. لـ نغم هو ده عمك اللى رماكى زمان فـ الملجأ اوووه سورى قصدى المدرسة الداخلية
نغم:: بوجع .. أيوا هو
غالية:: اممممم دلوقتي راجع يعرفك بعد ما بقيتى مرات دكتور طارق العامري طبعا مش كدا
طارق:: عشان يلطف الجو .. لـ نغم حبيبتى ممكن تحضريلنا أحلى عشا من إيدك الحلوة دى .. و لـ غالية أمى حبيبتى تحبى تتعشي ايه بقى نغم بتعمل أكل تحفة تاكلى صوابعك وراه
غالية:: بأبتسامة غرور .. لأ يا حبيبى أنا قولتلك اننا هنتعشى سوا فـ الڤيلا يلا أدخل غير هدومك و هات شنطك و هات مراتك و تعال و أنا هنزل استناكم فـ العربية .. و خرجت فعلا من الشقة من قبل ما تسمع رده
طارق:: أستغرب طريقة غالية و بص لـ نغم .. إيه رأيك تحبى نرجع الڤيلا و لا بلاش ؟
نغم:: بقلق .. أرجع يا طارق ماتزعلش طنط منك دى مهما كان مامتك
طارق:: و انتى يا نغم انا عارف انك مش بترتاحى هناك
نغم:: حبيبى أنا راحتى معاك فـ أى مكان ماتقلقش هحاول أتأقلم المهم انك انت تكون مرتاح و مبسوط
طارق:: باس جبينها .. ربنا يباركلى فيكى يا أحلى نغم فـ حياتى
نغم:: و يباركلى فيك يا حبيبى .. يلا بقى نخلص و ننزل لـ غالية هانم مش حلوة مننا اننا نسيبها تستنى كتير فـ العربية
و بالفعل جهزوا شنطهم و غيروا هدومهم و نزلوا ركبوا عربيتهم و راحوا مع غالية الڤيلا
_______________________
فـ ڤيلا العامري
بعد ما وصلت غالية و معاها طارق و نغم ندهت بغيظ ع هنية
هنية:: جات جرى من المطبخ .. أمرك يا ست هانم
غالية:: خدى شنط سيدك طارق و نغم و طلعيهم فـ اوضتهم و بلغى سيدك وليد و شيرين هانم ان طارق بيه رجع و انزلى جهزى العشا يلا بسرعة اتحركى
هنية:: حاضر يا هانم
طارق:: هنية
هنية:: نعم يا دكتور
طارق:: سيبي الشنط تقيلة عليكى اطلعى انتى بلغى وليد و شيرين و انا هطلع الشنط
هنية:: بس يا بيه
طارق:: ما بسش أطلعى و انتى ساكتة و أسمعى الكلام
هنية فعلا طلعت بلغت وليد بوصول طارق و نغم و نزلت دخلت المطبخ تجهز العشى
غالية:: لـ طارق .. ليه ياحبيبى ما سيبتش هنية تطلع بالشنط
طارق:: يا أمى الشنط تقيلة عليها مش هتقدر تطلعهم
غالية:: بس هى شغالة هنا و بتاخد مرتب عشان تعمل اللى أحنا عايزينه
طارق:: يا أمى يا حبيبتى هى يعنى عشان شغالة يبقى نعذبها و نذلها بالمرتب اللى بتاخده .. الرحمة حلوة يا غالية دى مهما كانت انسانة برضوا
غالية:: بغيظ متدارى و عينها ع نغم .. طيبة قلبك دى هى اللى طمّعت الأوباش فيك يا طارق
نغم:: فهمت قصد غالية و ساكتة
طارق:: و بعدين يا ماما معـ….. و قـ ـطع كلامه رنة موبايله و أستاذن منها و دخل المكتب يرد ع المكالمة
نغم:: شافت طارق دخل المكتب أستأذنت من غالية و طالعة اوضتها
غالية:: بجمود .. أقفي عندك
نغم:: وقفت من غير ما تتكلم
غالية:: أوعى تفتكرى انى راضية ع جوازك من أبنى لكن مضطرة أستحملك عشان خاطره و عشان خاطر حفيدى ما يترباش ع إيد واحدة زيك أتربت فـ ملاجئ و لا مدارس داخلية أياً كان و أكيد تربية غير سوية .. لازم تفهمى انك أنتى هنا أخرك زى هنية و بس و ما تحلميش بأكتر من كدا فاهمة
نغم:: بدموع بـ ـتـ ـهد د بالنزول .. حاضر يا طنط حضرتك تؤمرى بـ حاجة تانى
غالية:: أيوا طنط دى ما تتقالش غير قصاد طارق بس غير كدا تقولى غالية هانم مفهوم و لا لأ عشان مش بحب أعيد كلامى مرتين
نغم:: دموعها نزلت و مش عارفة توقفها .. حاضر يا هانم حاجة تانى و لا أطلع أوضتى
غالية:: غورى
نغم:: طلعت السلم جرى من وجعها بسبب كلام غالية و قبل ما توصل للأخر
غالية:: وقفتها تانى .. أنتى يا حيوااااانة بطلى جرى ع السلم و حاسبى ع أبن طارق
طارق:: خرج من المكتب بعد ما خلص مكالمة و لـ غالية وليد لسة مانزلش
وليد:: من ع السلم انا هنا يا باشا حمد الله ع السلامة يا دكتور
طارق:: سلم ع وليد الله يسلمك يا كبير .. و لـ شيرين ازيك يا شيرى عاملة ايه و الولاد اخبارهم ايه
شيرين:: بخير الحمدلله .. حمد الله ع السلامة نورت بيتك يا طارق ياريت ما تمشيش تانى بقى الڤيلا وحشة جدا و غالية كمان وحشة من غيرك
وليد:: كلنا وحشين يا شيرى
و مانعرفش نعيش من غيره أبدا
طارق:: حبيبى يا ليدو ربنا يخليكم ليا
غالية:: و يخليك لينا يا حبيبى
طارق:: مش شايف نغم .. هى نغم طلعت فوق يا أمى؟!
غالية:: اه يا حبيبى طلعت قالت تعبانة و مش قادرة تتعشى
طارق:: طيب يا حبيبتى انا هطلع الشنط و أجيبها و ننزل
غالية:: بأبتسامة غيظ .. أه وماله يا حبيبى واجب برضوا حتى عشان خاطر البيبى
طارق أخد الشنط فعلا و طلع أوضته و فتح الباب و دخل شاف
نغم:: قاعدة حاضنة نفسها و بتعيط
طارق:: بخضة .. رمى الشنط من إيده و جرى عليها .. مالك يا حبيبتى فيكى أيه طمنينى حاسة بـ ايه قوليلى اجيبلك دكتور طيب
نغم:: اترمت فـ حضنه و مافيش غير دموعها اللى نازلة و بس
طارق:: يا نغم أرجوكى اتكلمى قوليلى مالك ما توقعيش قلبى أكتر من كدا فيكى ايه يا حبيبتى قولى
نغم:: تعبانة اوى يا طارق
طارق:: بقلق .. هى ماما قالتلك حاجة و انا فـ المكتب ؟
نغم:: لأ يا حبيبى صدقنى ما قالتش حاجة ده حتى رحبت بيا تانى و هى اللى قالتلى أطلع ارتاح فـ الأوضة لغاية ما يجهز العشى و هتبعتلى مع هنية
طارق:: من جواه حس ان غالية قالتلها حاجة و هى بتخبي و سألها .. متأكدة يا نغم؟
نغم:: بوجع .. أيوا يا حبيبى متأكدة يعنى هخبي عليك ليه لو فى حاجة أكيد كنت هقولك انا بس تعبانة شوية
طارق:: حاسة بـ أيه يا قلب طارق قوليلى و لا اقولك تعالى نروح للدكتورة عشان اطمن عليكى
نغم:: مافيش داعى يا حبيبى انا هنام و الصبح هكون كويسة ان شاء الله
طارق:: تعالى طيب ننزل نتعشى مع ماما و نطلع تانى
نغم:: معلش يا حبيبى انزل انت أتعشى أنا مش قادرة أنزل
طارق:: خلاص يا روحى انا هخلى هنية تجيب لينا عشا هنا
نغم:: بسرعة .. لأ بلاش يا طارق
طارق:: ليه ؟!
نغم:: يا حبيبى يعنى طنط جات لغاية بيتك هناك عشان ترجع معاها الڤيلا و بتجهزلك الأكل اللى بتحبه معقول يعنى بعد ده كله و تسيبها تتعشى لوحدها ماينفعش طبعا
طارق:: خلاص يا حبيبتى يبقى انزلى معايا يلا نتعشى سوا مع ماما
نغم:: يا حبيبى بجد مش قادرة أنزل
طارق:: يبقى مش نازل أتعشى و أدى قعدة و فضل قاعد جنبها ع السرير
نغم:: يووووه يا طارق بقى قوم انزل عشان خاطرى و سيبنى براحتى
طارق:: برفعة حاجب .. ما هو شوفي بقى و م الأخر لو مش هتنزلى معايا انا كمان مش نازل يا إما هشيلك و انزل بيكى طالما مش قادرة قولتى اييييه
نغم:: بتنهيدة .. غلبتنى معاك يا طارق
طارق:: هااااا أختاري يلا
نغم:: أمري لله حاضر هنزل معاك
طارق:: بأبتسامة قرب منها شالها .. حبيبتى لازم تاكلى كويس عشان خاطر حبايب قلبى اللى جوة دول
نغم:: بخجل .. طيب نزلنى و انا هاكل كويس
طارق:: تؤتؤتؤتؤ مش هنزلك غير عند السفرة تقعدى كدا هانم و انا هأكلك بـ إيدى و كمان هشيلك و أحنا طالعين عشان ماتتعبيش يا روحي
و فعلا نازل بيها شايلها و شافتهم
غالية:: همست بغيظ أه يا بنت الـ …..
وليد:: أهدي يا ماما عادى مافيهاش حاجة يعنى
غالية:: بنرفزة .. أيه مافيهاش حاجة دى .. هى هتبتديها دلع و مسخرة من اولها و أبنى وسطه ينقطم ايييه ع رجليها نقش الحنة خايفة تدوس ع الارض تبوظه
شيرين:: ماما أحنا قولنا ايه أستحملى و أقبلى عشان خاطر طارق
طارق:: قرب و نزل نغم .. معلش يا جماعة اتأخرت عليكم و لـ نغم أرتاحى يا حبيبتى و شدلها الكرسى عشان تقعد و قعد جنبها
نغم:: بتوتر .. مساء الخير
وليد:: مساء الخير يا نغم حمد الله ع السلامة
شيرين:: أهلا بيكى نورتى
نغم:: متشكرة جدا لـ حضراتكم
طارق:: لـ نغم ايه يا حبيبتى الرسميات دى .. أنتى هنا فـ بيتك و الكل هنا أهلك خدى راحتك و اتعاملى معاهم عادى و لـ وليد مش كدا يا ليدو
وليد:: أكيد طبعا نغم اخـ… قطع كلامه لما غالية بصت له بغيظ من غير طارق ما ياخد باله .. أه أه أكيد طبعا يا طارق
غالية:: زعقت بغيظ .. هنييييييية انتى يا ززززفتتتة يا هنيييية
هنية:: جات جرى أفندم يا ست هانم
غالية:: الشوربة بردت غووورى سخنيها بسرعة
طارق:: ماما الشوربة سخنة يا حبيبتى مش باردة
غالية:: و انا قولت بااااردة ايييه هتكدبنى يا طارق
طارق:: استغرب ردة فعلها .. لأ العفو يا أمى حاشى لله و قال لـ هنية خدى الشوربة و هاتى غيرها لـ ماما يا هنية لو سمحتى
هنية:: حاضر يا دكتور و فعلا هنية اخدت البولة اللى قصاد غالية تغيرها
غالية:: شايفة طارق بيأكل نغم بإيده .. و بهمس لـ نفسها اتدلعى براحتك يا زبالة ان ما طلعته ع جتتك بلا أزرق مابقاش انا غالية السواح
و بالفعل بعد شوية وقت خلص العشى مابين نظرات غالية اللى كلها شر و غيظ و بين طارق اللى بيحاول يخلى مراته ماتحسش بغربة وسط أهله
_________________________
فـ شقة أحمد الأسيوطى
قاعدة مع حماتها بتضحك و تهزر و كالعادة مجنناها و فجأة
حياة:: بأستفسار .. قوليلى يا ماما
سعاد:: بهزار .. يا ماما
حياة:: يا ماما بقى بجد
سعاد:: قولى يا عيون ماما عايزة ايه
حياة:: لما أحمد جه و كلمك عليا قالك ايه و انتى قولتيله ايه و لا اتفاجئتى بيا فـ حياته
سعاد:: شوفى يا حياة أحمد من صغره مش بيعمل حاجة هو و أخواته من غير ما يقولولى صحيح انا مش بتدخل فـ قراراتهم بس بقول رأيى و هما أحرار يتحملوا نتيجة أختياراتهم و يوم ما شافك أحمد من اول مرة لما هزقتيه فـ الكلية جه و كلمنى عنك و فضل طول الليل يحكى و يتكلم عنك والمرة اللى راحلك فيها المكتبة و بضحك .. لما كنتى هتـ ـضـ ـربيه بالشبشب ههههههههههههه فاكرة
حياة:: يا كسوفى حتى دى حكالك عنها ههههههههههههه كان رايح بالصدفة و اتفاجئ انى بشتغل هناك
سعاد:: لأ يا حبيبتى كان رايح و عارف انك شغالة هناك
حياة:: بذهول .. ده بجد ؟!
احمد:: من وراها لـ أمه .. بقى كدا يا سوسو أقولك اسرارى و تخرجيها كدا بسهولة كانش العشم يا أم أحمد
حياة:: لـ أحمد بغيظ أستنى يا عم أنت شوية أركن ع جنب و لـ سعاد كملى يا ماما كملى الباشا عرف ازاى انى شغالة فـ المكتبة دى
أحمد:: قعد و ضمها فـ حضنه .. اقولك انا يا حياتى بصى يا ستى انا بحب أجهز الكتب و الملازم بدرى قبل بداية السنة و كنت فعلا حطيت المنهج و لما روحت لـ سعيد صاحب المكتبة أتفق معاه عشان الطباعة شوفتك بس وقتها كان لسة فاضل اسبوعين تقريبا ع بداية الدراسة و ماكنتش أعرف انك طالبة هندسة بس عايزة الحق شدتينى من اول مرة شوفتك فيها و لما رجعنا الجامعة و شوفتك و عرفت انك طالبة عندى فـ الدفعة الجديدة عملت كل كنت بعمله معاكى عشان الفت نظرك
حياة:: امممممم قولتلى بقى
سعاد:: بس عارفة يا بت يا حياة أحمد أتربى ع إيدك فعلا و هدي أكتر من الأول كتير
حياة:: بصت لـ سعاد و رجعت بصت لـ أحمد ده ع كدا بقى كان مجننك يا ماما
أحمد:: يووووووه كان باب بيتنا مش بيلحق يتقفل من كتر خبط الجيران اللى جاية تشتكى انى بعاكس بناتهم
حياة:: يـ ـخـ ـر ب شيطانك مش عاتق حد خالص كدا
أحمد:: خلاص يا قلبى انتى جيتى و توبتينى عن المعاكسة خالص
حياة:: لسة هترد عليه سمعت جرس الباب و قامت تفتح و شافت الضيفة اللى ع الباب و اتصدمت و سكتت
أحمد:: لاقاها غابت .. مين يا حياة اللى ع الباب
حياة:: مصدومة و مافيش رد
أحمد:: قام يشوف حياة و يشوف اللى ع الباب .. و بأندهاش .. أنتى
سما:: هو انا ينفع أدخل و لا ما ينفعش
أحمد:: طبعا ينفع أتفضلى
سما:: شكرا لـ حضرتك يا أبيه و اسمحلى اقولك أبيه بأعتبار انك جوز أختى الكبيرة
حياة:: أخيرا خرجت عن صمتها .. و بأنهيار أخت مين ها أنا مش أخت حد انتى فاهمة مش أخت ححححد
أحمد:: أهدي يا حبيبتى أختك مالهاش ذنب فـ اللى عمله أبوكى
حياة:: بعـ ـصـ ـبية .. برضوا هتقولى أختك و أبوكى .. بقوووولك أنا مش أخت ححححد انا مالييييش أب و لا أم و لا أخواااات أفهم بقى
أحمد:: ضمها فـ حضنه .. خلاص حقك عليا أنا أسف بس عشان خاطرى أهدي
سما:: بدموع .. انا أسفة انى جيتلك يا حياة بس صدقينى انا فرحت جدا لما عرفت ان ليا أخت و كنت عايزة أتقرب منك لكن واضح جدا انى كنت غلطانة أنا اسفة كمان مرة و لسة هتخرج من الشقة ندهت عليها
سعاد:: أستني يا بنتى ما تمشيش اتفضلى أدخلى
سما:: شكرا يا طنط بس ما بقاش ينفع خلاص
أحمد:: أدخلى يا سما ماينفعش تيجى لغاية بيت أختك و تمشي من ع الباب
سما:: بصت لـ حياة اللى واقفة منهارة فـ حضن أحمد .. أدخل يا حياة ؟
حياة:: مش قادرة تتكلم بس هزت دماغها بالموافقة
سعاد:: أدخلى يا بنتى دى حياة مافيش أطيب منها بس هى صعبان عليها نفسها
سما:: دخلت و قعدت .. انا عارفة يا طنط و الله هى غصب عنها بس صدقينى أنا ماليش ذنب .. انا والله ماكنتش أعرف انى عندى أخت أكبر منى انا اصلا ماكنتش أعرف ان بابا كان متجوز حد تانى غير ماما
حياة:: و أديكى عرفتى عملتى ايه بقى .. قدرتى تغيري الواقع و لا هتشيلى عنى عذاب 16 سنة من عمري عشتهم فـ مرمطة و ذل من أمك و أبوكى و طليقته و جوزها و انا طفلة صغيرة و لا هتشيلى عنى وحدتى و كـ ـسـ ـرة نِفسى و انا بشتغل من صغرى عشان أساعد نَفسى و أكمل تعليمى
سما:: بدموع صدقينى لو اقدر اعمل حاجة مش هتأخر .. أنا من يوم ما شوفت أبيه أحمد عند بابا فـ الشركة و عرفت هو كان جاى ليه و أنا هتجنن أزاى أنا عندى أخت ماعرفهاش .. طول عمري كنت فاكرة انى بنت وحيدة ع الولدين بس فجأة أكتشفت ان عندى أخت زى القمر أكبر منى بسنتين بس
حياة:: جايز انتى ماتعرفنيش بس انا عارفاكى و فاكراكى و ياما انـ ـضـ ـربت من أبوكى بسببك
سما:: بسببى أنا ليه
حياة:: أمك كانت تشغلنى فـ البيت و مرمطتنى ع حق .. و أول ما يرجع أبوكى من الشغل تجرى تعيطله و تشكيله مني بنتك ضـ ـربت بنتى .. بنتك بجحت فيا عشان بقولها عيب تعملى كدا فـ أختك و طبعا محمد أبو ضيف مايكدبش خبر و ينزل ضـ ـرب فيا
سما:: هو انتى ليه مش بتقولى بابا كل شوية أبوكى أبوكى .. ما هو أبوكى أنتى كمان
حياة:: بوجع .. بابا .. انا معرفش الكلمة دى ما قولتهاش من 11سنة تقريبا انا ماليش أب .. عينها ع أحمد أنا أبويا و أخويا هو أحمد و بس و مامته هى أمى اللى عوضتنى بحنانها عن حرمانى من حنان الأم و أخواته عرفت معاهم يعنى ايه أخوة هما دول عيلتى اللى ربنا رزقنى بيهم و عوضنى بيهم عن اتنين الحيوانات بالنسبة ليهم ملايكة و عندهم رحمة عنهم
سما:: صدقينى بابا حد حنون جدا و طيب جدا لما تعرفيه هتحبيه اوى
حياة:: بأبتسامة سخرية .. حنون اوى اه ما انا عارفة حنون لدرجة تخليه ينسى ان عنده بنت راميها فـ مدرسة داخلية حتى ماكانش بيدفعلى مصاريفها لا هو و لا طليقته و لغاية ما مديرة المدرسة فقدت الأمل فيهم بقت كل سنة تعملى قرار أعفاء من المصاريف و ده من كرم ربنا عليا أنه حنن قلب المديرة و أعتبرتنى زى بنتها
أحمد:: لـ سما .. حياة تعبت كتير فـ حياتها انا صحيح ماعرفتهاش غير لما دخلت الكلية بس من اول مرة شوفتها حبيتها و صممت أعرف حكايتها و عرفت كل حاجة عنها و اول ما عرفت أوصل لـ باباكى ع طول طلبت إيدها منه و أكيد أنتى عارفة الباقى
سما:: لـ حياة أنا بجد تعبت لغاية ما عرفت عنوان بيتك و عايزة بجد نتقرب من بعض أكتر و كمان عايزاكى تسامحى بابا و تقربى منه و تعرفيه كويس
حياة:: بدموع بصى انا ماعنديش مانع اننا نتقرب أكتر لكن أسامح أبوكي مستحيل يا سما و لو عايزة فعلا تكسبينى بلاش تجيبى سيرته قصادى نهائى
و بالفعل أضطرت سما توافق ع كلام حياة ع أمل ان ييجى اليوم اللى فعلا حياة تقدر تسامح أبوها فيه
___________________________
فـ الجامعة
بعد مرور كام شهر اتقابلت حياة و نغم ع البوابة الرئيسية للجامعة و كل واحدة فيهم نازلة من عربية جوزها
حياة:: نغووومة وحشتينى من أمبارح أبت عاملة أيه و القرود اللى جوة دول عاملين معاكى ايه
نغم:: ازيك يا بلوتى و انتى كمان وحشتينى يا حياة انا بخير و قرودى بخير انتى عاملة أيه و الواد ميزو حبيبي عامل ايه
حياة:: معتز حبيبى بيصبح ع خالتو حبيبته و بيبعتلها بوسة .. و لـ طارق صباح الخير يا دكتور
طارق:: صباح الخير يا حياة و بحذرك مالكيش دعوة بـ قرودى قصدى ولادى بدل ما أخليكى تشيلى مادتى
أحمد:: بغيظ لـ طارق .. يا سلام بقى تخليها تشيل المادة عشان عيالك اللى مش عارفينهم دول ليه أن شاء الله كانوا عيال مين يعنى يا أخويا
طارق:: ولاد طارق العامري طبعا يا أبن الاسيوطى عندك أعتراض
نغم:: بضحك .. مش معقول انتوا كل يوم كدا خناق بسبب الولاد و لسة ما اتولدوش اومال لما يتولدوا هتعملوا ايه
حياة:: هيـ ـقـ ـطعوا بعض طبعا يا بنتشى .. بقولك سيبك منهم و تعالى نروح المدرج و بعتت بوسة فـ الهوا لـ أحمد سلام يا مودى
أحمد:: ردلها البوسة فـ الهوا سلام يا قلب مودى أشوفك بعد المحاضرة
طارق:: لـ نغم الاتنين مافيش فايدة فيهم خايف يجى يوم و يتمسكوا أداب هههههههههههه
أحمد:: خليك فـ حالك أنت يا خويا مالكش دعوة بينا.. انا حر انا و مراتى
طارق:: طيب يا فالح يلا ع محاضراتك و لـ نغم خلصى المحاضرة و كلمينى
نغم:: حاضر يا حبيبى و لـ حياة يلا يا بلوة
حياة:: يلا ياختى و هما ماشيين .. قوليلى يا بت عاملة ايه مع العقربة حماتك لسة حاطاكى فـ دماغها
نغم:: تعبت معاها اوى يا حياة مش عارفة أعملها ايه طول الوقت إهانة و تجريح و طول ما طارق موجود فـ الڤيلا قاعدة فـ النص بينى و بينه و مش بتدينا فرصة نتكلم خالص
حياة:: بتقعد فـ النص أزاى يعنى مش فاهمة
نغم:: اول ماتشوفه داخل من باب الڤيلا تجرى عليه و تدخل بينى و بينه بحجة أنى معاه هنا فـ الكلية و لما نتطلع نغير هدومنا و ننزل تفضل قاعدة فـ النص بيننا سواء ع السفرة او حتى فـ الليڤنج لغاية ما نطلع أوضتنا بيكون ع نن عينيها كدا اننا طالعين
حياة:: انتى ازاى مستحملة سـ ـمها ده
نغم:: بقلة حيلة .. هعمل ايه يا حياة مش عايزة أكون سبب في التفرقة بين طارق و مامته عشان كدا ساكتة و مستحملة أهاناتها ليا كل شوية
حياة:: ماتقولى لـ طارق ع أهاناتها ليكى و اللى بتعمله معاكى
نغم:: انتى هبلة يا حياة ؟! بقولك مش عايزة أكون سبب تفرقة و زعل بينه و بينها تقوليلى احكيله عن عمايل مامته
ماينفعش طبعا
حياة:: بغيظ .. خلاص خليكى كدا مستحملة الأهانة و المرمطة و معاملة الخدامين اللى بتعاملهالك دى
نغم:: كل حاجة تهون عشان خاطر طارق يا حياة
حياة:: نعععم يا عينيا .. ليييه ان شاء الله ياختى
نغم:: طارق مايستاهلش مني كدا يا حياة .. كفاية أوى اللى عمله معايا و ورط نفسه عشان يحمينى من عمى و الكلام الجارح اللى قالتهوله أمه أكتر من مرة .. انا ما صدقت ان العلاقة بينهم اتصلحت و رجعت طبيعية
حياة:: بس انتى دلوقتي ع وش ولادة و ماينفعش حـ ـرقة الـ د م دى كل يوم
نغم:: اتعودت خلاص عليها المهم يلا ندخل المدرج و نحضر المحاضرة و ربنا يستر و يكمل اليوم ع خير
حياة:: ليه فى حاجة و لا ايه
نغم:: تعبانة اوى و حاسة بوجع فـ ضهرى جامد
حياة:: و هما داخلين من باب المدرج .. يا نهار فحلقى ده انا كمان حاسة بنفس الوجع و بشغل نفسى معاكى عشان ما أفكرش فيه
نغم:: أن شاء الله خير و ربنا يستر
و بالفعل دخلوا و قعدوا مكانهم و بعد شوية دخلت الدكتورة المحاضرة و أبتدت فـ الشرح و فـ نص المحاضرة
نغم:: زاد عليها الوجع و كاتمة جواها و مافيش غير دموعها و بس
حياة:: زاد وجعها و ماقدرتش تستحمل و صرخت .. ااااااااااااااه لااااااااااااااااااااااا ألحقوووووونى
د/ هدى:: وقفت الشرح و جريت عليهم مالكم فى ايه
حياة:: الحقوووونييييي بووووولد حد يندهلى أحممممممد
د/هدى:: بقلق أهدي طيب يا حياة و هبعتله و بصت لـ نغم شافتها كاتمة نفسها و بتعيط اوعى تكونى بتولدى أنتى كمان
نغم:: بدموع الوجع .. مش عارفة بس حاسة بخبط جامد فـ ضهرى و مش قادرة أخد نفسي
د/هدى:: بسرعة أتصلت بـ طارق الووو
طارق:: بابتسامة صباح الخير يا دكتورة أؤمرينى
هدى:: بسرعة يا طارق اتصل بـ أحمد و تعال انت و هو نغم و حياة بيولدوا
طارق:: بصدمة .. حضرتك قولتى ايه طيب أنا جاى حالا ..و ساب المحاضرة حتى من غير ما يعتذر من الطلبة و جرى و بيتصل بـ أحمد و مافيش رد اتصل مرة و اتنين و برضوا مافيش رد
أحمد:: جوة المحاضرة و تليفونه فايبرشن و أنتبه انه بيرن كتير و شايف أسم طارق أعتذر من الطلبة يرد و فتح عليه أخر مرة .. أيه يابنى بترن كتير ليه خير حصلت مصيبة و لا ايه
طارق:: بغيظ .. أنت فين يا زفت انت مابتردش من اول مرة ليه
أحمد:: ما انت عارف يا بنى أدم طول ما أنا جوة المحاضرة بعمل الفون صامت
طارق:: طيب أخلص مراتك بتولد فـ المدرج
أحمد:: بضحك .. انت بتهزر صح حلوة مراتك بتولد دى
طارق:: بزعيق مش وقت أستهبال يا أحمد أخلص نغم و حياة فـ المدرج و الاتنين بيولدوا و انا رايح لهم أنجز و قفل الفون و كمل جرى لغاية المدرج اللى فيه نغم
أحمد:: يا نهار مالوش ملامح حياة بتولد و هنا و أعتذر من الطلبة و هو بيجرى .. معلش يا شباب أبنى شرف فـ مدرج سنة تانية هروح ألحقه
و بالفعل خرج يجرى من المحاضرة هو كمان يلحق حياة
نرجع تاني مدرج البنات
حياة:: بصريخ .. هوووو فييييين اللى كان السبب فـ اللى انا فيييييه ده حد يجيبهووووولى يا نااااااس
هدى:: يا حياة أهدي شوية دلوقتي ييجى
حياة:: ااااااااه يارب كان نفسه أبنه يبقى مههههنننننندس اهووووو طالع نابغة زى أمممممه و نازلة ع سنة تاااااانية يا ناااااااس
طارق:: دخل مخضوض و جرى ع نغم شافها ع نفس وضعها ساكتة و كاتمة وجعها و بتعيط و بس .. نغم مالك يا حبيبتى
نغم:: ألحقنى يا طارق بـ ـمـ ـوت مش قادرة
طارق:: و هو بيشيلها بعد الشر عنك يا حبيبتى ماتخافيش هتبقي كويسة هنوصل المستشفى و كل حاجة هتبقى تمام
أحمد:: وصل فـ نفس اللحظة و شايف حياة و سامع صريخها و رغم خضته .. قصدك طالع نابغة زى أبوه أبن أبوك يابنى و الله
حياة:: أننننت هتهزرررررررر ألحقنيييييي بقولك الواد نازل يحضر المحاااااااضرة أخلللللللص
أحمد:: شالها و خارج بيها من المدرج طيب أهدي شوية هيبتى ضاعت وسط الطلبة يا حياتى
حياة:: بدموع يعنى خايف ع هيبتك و مش خايف عليا و ع معتز ماااشى يا أحمد
أحمد:: جرى بيها ع عربيته و طار ع المستشفى
و بالفعل وصل هو و طارق المستشفى فـ نفس الوقت و كل واحد فيهم شايل مراته و داخل جرى و خدوهم الدكاترة دخلوهم غرفة العمليات و بعد شوية وقت خرجت نغم و معاها توأمها إياد و أسيل و اتنقلت اوضتها و كمان خرجت حياة و معاها أبنها معتز و راحت هى كمان أوضتها و بعد شوية كمان أتصل طارق و بلغ غالية بولادة نغم و أتصل أحمد بلغ سعاد بولادة حياة و بعد شوية وقت تانيين خرجت نغم و حياة من المستشفى و كل واحدة راحت ع بيتها فيهم اللى مبسوطة و فيهم اللى هتبدأ رحلة معاناة جديدة
_________________________
فـ ڤيلا العامري
أوضة طارق
بعد مرور سنة و نص عانت فيها نغم و داقت الأمرين من غالية بسبب إياد و أسيل و تحكمها فيهم و برضوا نغم مستحملة و مش بتشتكى دخل اوضته و شافها بتعيط زى العادة و سألها
طارق:: قعد جنبها ع السرير .. وبعدين معاكى يا نغم هو انا كل ما أدخل عليكى الأوضة ألاقيكى بتعيطى مالك بس يا حبيبتى
نغم:: نغم مسحت دموعها بسرعة .. مافيش يا حبيبى صدقنى انا بس عينى وجعانى شوية
طارق:: بحنان .. قعد جنبها انا عارف يا نغم انك مش مرتاحة هنا و متأكد ان ماما بتزعلك كتير .. يا حبيبتى تعالى نرجع شقتنا أفضل من هنا خلاص الولاد كبروا شوية و نقدر نستقل بيهم و نراعيهم سوا
نغم:: بابتسامة حزينة .. ع فكرة بقى انت غلطان خالص يا دكتور انا مرتاحة جدا هنا و كمان ماما غالية عمرها ما زعلتنى
طارق:: يا نغم يا حبيبتى ما تفتكريش انى مش واخد بالى هى بتعمل ايه معاكى عشان الولاد
نغم:: بمرح .. انت اصلا بتاخد بالك من حاجة اسكت أسكت هى بتعمل كدا قدامك بس عشان تغيظك بس من وراك مافيش أحن منها و قد أيه بتخاف عليا و ع الولاد
طارق:: متأكدة يا نغم
نغم:: متأكدة جدا يا قلب نغم و بطل بقى كل شوية تطلع بحوار ماما مزعلاكى ده عشان كدا انا هزعل منك و اقول انك انت اللى مش عايزنى أعيش هنا و عايز تمشينى من الڤيلا
طارق:: بصراحة أه انا بتلكك و عايز نمشى من هنا نخـ ـطف اسبوعين تلاتة شهرين كدا لوحدنا قولتى أيه
نغم:: قعدت ع ركبتها و حاوطت إيديها حوالين رقبته .. يا حبيبى أنا معاك فـ أى مكان و أى وقت انت بس شاور و نغم تقول شبيك لبيك
طارق:: يلا طيب بسرعة حضرى الشنط و جهزى الولاد عشان عامل لك مفاجأة
نغم:: و هى ع نفس وضعها .. مفاجأة ايه دى بقى
طارق:: خبطها بخفة بدماغه فـ جبينها .. و انا لو قولتلك دلوقتي هتبقى مفاجأة ازاى يعنى يا فالحة
نغم:: بهزار .. أى يا دماغى راسك تقيلة ينفع يعنى تعملى أرتجاج فـ المخ .. كل ده عشان ماتقولش ايه هى المفاجأة مش عايزة أعرف يا عم
طارق:: قومى يلا حضرى الشنط و بلاش رغى كتير هنتأخر
و بالفعل جهزت نغم الشنط و الاولاد و نزلوا كلهم و قابلتهم
غالية:: واخدين الشنط دى و رايحين فين كدا فـ الوقت ده
طارق:: مسافرين يا أمى كام يوم رحلة تبع الجامعة
غالية:: اه طيب مش كنت تفتكرنى بيوم حتى من الكام يوم دول و تاخدنى معاك
طارق:: أسف يا حبيبتى غصب عني بس الرحلة للاسف مافيهاش مرافقين
غالية:: و لما الرحلة مافيهاش مرافقين ليه واخد نغم معاك
نغم:: بصت لها و سكتت و بهمس لـ نفسها لا حول ولا قوة إلا بالله أرحمينى شوية بقى ربنا يرحمك
طارق:: يا أمى حضرتك ناسية ان نغم لسة طالبة فـ الجامعة يعنى من حقها تطلع الرحلة
غالية:: أه وماله اطلعوا يا حبيبى و اتهنوا و بلاش أنا خلينى قاعدة كدا
طارق:: حبيبتى يا ماما لما أرجع بالسلامة ان شاء الله اوعدك اننا نطلع كلنا مع بعض رحلة خاصة بينا في المكان اللى يعجبك .. يلا اسيبك بقى دلوقتي عشان نلحق نوصل و بالفعل خرج من الڤيلا بعد ما سلم عليها و ركب عربيته
نغم:: امممممم بقى بذمتك الجامعة عاملة رحلة برضوا يا نصاب انت
طارق:: بضحك .. أكيد لأ طبعا أنا اللى عامل الرحلة مش الجامعة و ربنا يسامحنى ع النصباية دى بقى .. بس لو ما قولتلهاش كدا مش هتخلينا نخرج من الڤيلا
نغم:: اممممم قولتلى بقى .. و حضرتك عامل الرحلة دى فين بقى ان شاء الله
طارق:: 15 يوم فـ ألمانيا إيه رأيك
نغم:: واااااو ألمانيا مرة واحدة
طارق:: و مش بس كدا هنطلع منها و نروح فرنسا و كمان أحمد و حياة معانا و هيبقى شهر عسل من جديد
نغم:: بفرحة .. بجد يا طارق
طارق:: بجد يا قلب طارق
وصلوا بالفعل المطار و ركن عربيته و اتقابل مع أحمد و حياة و معتز و دخلوا خلصوا إجراءات السفر و قعدوا فـ صالة الانتظار مستنيين ميعاد الرحلة
حياة:: أنا مبسوطة اوى اول مرة أركب طيارة و أسافر برة مصر
أحمد:: شايل معتز .. ربنا يقدرنى يا حبيبتى و ماتبقاش أخر مرة ان شاء الله
حياة:: ان شاء الله يا مودى
نغم:: شايلة إياد .. أنا كمان يا حياة مبسوطة اوى و مش مصدقة نفسي
طارق:: بأبتسامة و هو شايل أسيل .. لأ صدقى يا روحى هنسافر و ننبسط شهر بحاله مابين ألمانيا و فرنسا و نتصور صور كتيييير فـ كل مكان هنروح فيه أحنا و ولادنا
نغم:: بسعادة ربنا مايحرمنيش منك أبدا طارق
طارق:: بتنهيدة .. و لا يحرمنى منكم يا حبيبتى
أحمد:: بهمس لـ طارق أنت ماقولتليش لغاية دلوقتي سببها ايه الرحلة المفاجأة دى
طارق:: عايز أفسح مراتى و ولادى يا عم أنت .. عندك أعتراض
أحمد:: أكيد لأ ما عنديش أعتراض بس واخدنا معاك لييييه
طارق:: أما أمرك غريب يا أخى صعبان عليك يعنى انى عزمتك تيجي معايا طب انا غلطان أمشى ارجع بيتكم يلا
أحمد:: لأ يا حبيبى انا راشق .. فيها لا أخفيها
طارق:: خلاص اسكت و يلا قوم عشان ندهوا ع رقم الرحلة بتاعتنا
و بالفعل ركبوا الطيارة و بعد كام ساعة وصلوا ألمانيا و خرجوا من المطار ركبوا تاكسي وصلوا بيه الاوتيل اللى هينزلوا فيه و بعد ما أرتاحوا كل واحد فـ اوضته
طارق:: اتصل بـ أحمد .. الووو
أحمد:: الوهين تلاتة يا خويا خير
طارق:: عايزك تنزل تقابلنى فـ الكافيه تحت بس لوحدك
أحمد:: حاضر بس ليه
طارق:: أنزل يا أحمد و هتعرف كل حاجة
أحمد:: حاضر نازل و فعلا نزل بسرعة لـ طارق و اول ما شافه .. خير يا طارق قلقتنى فى إيه
طارق:: أقعد يا أحمد و أفهمنى كويس أرجوك
أحمد:: بقلق .. مالك يا طارق فى ايه
طارق:: بوجع .. أنا عندى لوكيميا
أحمد:: بصدمة .. أيه ؟! أيه اللى أنت بتقوله ده
طارق:: غمض عينه و بوجع أكبر .. زى ما سمعت يا أحمد انا عندى كانسر فـ الدم و للاسف الدكاترة فـ مصر قالوا الحالة متأخرة
أحمد:: مصدوم من اللى بيسمعه و بدموع قام و شد طارق لـ حضنه .. مافيش حاجة اسمها الحالة متأخرة دول أكيد مابيفهموش و بعدين أنت عرفت منين أصلا الكلام ده
طارق:: خرج من حضن أحمد .. انا بقالى شهرين تعبان يا أحمد حاسس دايما بإرهاق و همدان فـ جسمى و نزيف مناخيرى المستمر و أعراض تانية كتير و لما كشفت و عملت التحاليل أتأكد شك الدكتور
أحمد:: بقولك أيه انا الكلام ده مش داخل دماغى أحنا طالما هنا انت تكشف من جديد و تتأكد ان مافيش حاجة خالص عندك انت فاهم
طارق:: بتنهيدة وجع .. هو ده اللى ناوى عليه أصلا عشان كدا قولتلك تيجى معايا .. انا تواصلت مع أكبر دكاترة متخصصين فـ اللوكيميا هنا و هبتدى رحلة الكشف و العلاج من بكرة ان شاء الله و عايز منك تقول لـ حياة بالظبط نفس الكلام اللى هقوله لـ نغم و هو اننا هنستغل الفرصة و نروح الجامعة الصبح نقابل أصدقائنا هنا و نشوف ايه التطورات الجديدة فـ مجالنا و وقت ما نكون فـ المستشفى يبقوا فاكرين اننا فـ الجامعة و لما نخلّص و نرجع نخرج و نتفسح
أحمد:: بوجع .. حاضر يا طارق
طارق:: أرجوك يا أحمد خليك طبيعى مش عايز حياة و نغم ياخدوا بالهم من حاجة
و بالفعل أحمد حاول يبان طبيعى رغم وجعه ع صاحب عمره و من تانى يوم أبتدت رحلته مع الدكاترة عشان العلاج
نغم بقلمى ✍️_____________لبنى دراز
نغم:: طااااااااارق لااااااااااااااااااااااا
غالية::…………..؟؟؟؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نغم (وجع ودموع))
