رواية الزعيمة الفصل الثاني 2 بقلم سوارا
رواية الزعيمة الجزء الثاني
رواية الزعيمة البارت الثاني
رواية الزعيمة الحلقة الثانية
بتفوق من ذكرياتها وبتبص على الميدالية بحزن
نادرة بدموع : وعدتني هتيجي على طول ودلوقتي عدى 12 سنه ومجتش !!
بتسمع صوت طرقات على الباب ، بتقفز من السرير بسرعه وبتخبي الميدالية بين هدومها
حسينه بتفتح الباب لما ما بتلاقيش رد
حسينه باستغراب : نادرة انتي بتعملي ايه؟
نادرة بتوتر : مممـ مش بعمل حاجه
حسينه بتبصلها بشك : على العموم انا سألتك لاني بخبط وانتي مش بتفتحي ولقيتك واقفه مش بتعملي حاجه !
نادرة بتغيير الموضوع : كنتي عايزه ايه؟؟؟
حسينه بتوتر : عمك مجدي جاء وعايزك
نادر بتومئ لها بهدوء وبتمشي..
حسينه بخوف وهي بتحط ايدها في قلبها : استرها يارب.. وبتقعد على السرير وهي خايفه من المواجهه
: ادخل!!
نادرة بتفتح الباب براحه : ماما قالتلي انك طلبتني
مجدي بيفهم وبيشاور لها بهدوء تقعد ، نادرة بتقعد
مجدي بيتنهد بخوف : ابن عمده البلد اللي جنبينا شافك وطلب ايدك !!
نادرة بتبصله بقوه : وانت عارف رأيي طبعا .. امال بتندهلي ليه؟
مجدي بتوتر من نظراتها : لأنك لازم توافقي عشان امك
نادرة بشك : عشان امي ليه؟ .. مالها امي مش فاهمه !!
مجدي وهو بتأتأ : امكك انـ.نـ.نا..وبيتنهد بخوف.. انا وامك بنحب بعض وعايزين نتجوز
نادرة بعصبيه وزعيق : يعنييي ايه الكلام ده؟.. عايز تتجوز مرات صاحبك اللي استأمنك على حرمته وحرمه بلد كامله هو مسؤول منها ؟! .. انت بتبص على حرمة صاحبك وبتحب فيها ؟!
مجدي بعصبيه : نااااااادرة الزمي حدودك كويس !! .. وبعدين انا ما ببصش عليها صاحبي ما.. ت وهي مرا جوزها اتو..فى واتر.. ملت وهي في شبابها في العشرينات هتضيع عمرها وشبابها لحد امتى عشانك ؟
نادرة بحدة وهي بترفع سبابتها : انا ابويا ما ما..تش فاهم؟.. هوا قال إنه هيرجع
مجدي بسخرية : لحد امتى هتفضلي تنكري مو..ته؟.. ابوكي ما.. ت احنا مشينا بعدها وملقيناش ليه لي اثر في بلدكم ولا حي ولاميـ..ـت!!
نادره بضحك : وانت قولتها بنفسك ولا ميـ..ـت !! .. وبعدين انا ملاحظالك من زمان وعامله مش شايفه
مجدي بتوتر : اييييييه؟
نادرة بجمود : امي بتطلعلك بالليل على طول لما تتأكد اني نمت أو بالأصح عامله نايمه.. ايه اللي قلبها لجوازة دلوقتي؟
مجدي بصدمه وتوتر : انتي عارفه معنى الكلام اللي بتقوليه ده ايه ؟
نادره بجمود : انا عارفه كويس انا بقول ايه !! .. زي ما انت عارف كويس ان كلامي ده صح !!
مجدي بعصبيه : نادررررة آخر مره هقولك احترمييي نفسك.. فاهمه !! .. دي تبقى امك وانا ابوكي اللي مربيـ..
نادره بحده وهي ترفع سبابتها : إياك تقول انك ابويا ولا حتى زيه لأنك مش ابويا ..!!
حسينه بعصبيه وهي بتدلف للغرفه : نادره كلمي عمك مجدي باحترام .. وانا مش باخد رايك انا بعرفك اني هتجوزه واحنا غلطانين عشان احترمناكي وقولنا ناخد برأيك هتتجوزي يعني هتتجوزي ورجلك فوق رقبتك .. وبكره كمان !!
نادره بتحدي ورفعه حاجب : وروني بقى ازاي هتجوزوني غصب عني !!
الكوافيرة بابتسامة وهي بتحط لمستها الأخيرة : خلصت ماشاء الله تبارك الله طالعه زي القمر !!..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الزعيمة)
