رواية كذبة الحب الفصل الثامن عشر 18 بقلم صفاء حسني
رواية كذبة الحب البارت الثامن عشر
رواية كذبة الحب الجزء الثامن عشر
رواية كذبة الحب الحلقة الثامنة عشر
عايز أعرف أنت إزاى تخبي عليا مكان حنان رغم إني سألتك عنها قبل كدة ؟ اتجوزت صح ؟وجابت ولد؟…..
أسر😳 إتفاجئ أنه عرف باالولد …
أسر : وأنت يفرق معاك إيه …
ماهى : هو انت شوفت مازن امتى ؟…
اسر : استنى دلوقتي يا ماهى …
مازن : آه اقبلته من 4 سنين ووقتها اختفي من قدامى ومش رضي يرد علي….
اسر : علشان رجعت بعد ما كل حاجة انتهت يفرق معاك أي دلوقتي إنت عايز إيه و ليه بتنبش في الماضي ويفرق معاك أيه إن كانت إتجوزت ولا لأ مش إنت سافرت وسبتها وماتجوزتهاش بعد ما مات أبوها….
كذبة الحب
الكاتبة صفاء حسنى
الصفحه الرسميه روايات الكاتبة صفصف
مازن : يفرق كتير ولد صايع إتلمت عليه وإتجوزته واخدو فلوسي أنا وأبويا وأنا طلبت منها تسافر معايا بس هي رفضت …
أسر : تسافر معاك امتى دا انت يا شيخ معزيتهاش في أبوها وأنا كنت معاها في المستشفى وسمعت كل كلمة وبعت جواب وطلبت منها تنساك …
مازن : أنا إللي بعت بردوا ولا هي إللي رفضت ترجع وطلبت مقابل الفلوس وراحت إتجوزت شاب صايع تصرف عليه صح…
اسر :كل حاجه أي تقصد الفلوس إللي أخدتها أمها منكم صح …
مازن : يعني …
اسر : هي كانت متوقعه السؤال دا اتفضل ويطلع شيك …
اسر : أنت كل همك الفلوس صح ؟!!وهي كانت عارفة وبعتت لك الشيك دا ..
مازن : شيك إيه دا ؟!!!…
اسر :حقك …
مازن ياخد الشيك وينظر إليه …
مازن: آيه دا …
اسر : كل فلوسك إللي أخدتها أمها بالإكراه من أبوك حطتها حنان بحساب خاص باسمك …
مازن بذهول : طب إزاى هي…
ماهى : بقيت سيدة أعمال وجت علي القاهرة ..
مازن : آه بس أظن إتجوزت صح ؟!!
اسر :طب أنت شايف كدة تمام آه …
مازن : تمام إيه عايز أعرف إتجوزت مين وأسر أبنها إبن مين…
أسر بخوف ليكون عرف لكن يتجاهل سؤاله
آسر : دا ملكش فيه …
مازن :أنت صاحبي !! ولا خايف علي زعل ست الحسن لتطردك …
اسر : أولا هي متقدرش تطردني لأنها إنسانة محترمة… ثانيا لأن أنا وهى وماهي شركا مع بعض ومع أستاذ سيف واستاذ نور …
مازن : عجيبة أنت إللي بتدافع عنها رغم انك إللي حرضتني ألعب عليها علشان أوصل للي أنا عايزه ودلوقتي بتقول محترمة . يا شيخ دا أنا لما جيت وقلتلك أني إتجوزتها قلت إن إتسرعت.
اسر : آه قلت كدة لأنى مكنتش أعرفها لكن عارفك هوائي وكل يوم مع بنت مصدقتش إنك بتحبها وطلع شكى في محله رميتها وكمان جوازك منها طلع مزيف و هي ويسكت…
مازن : وهي إيه أنطق هي إزاى وصلت ليك ولعبت عليك وإزاى قدرت تخليك تكون شاهد علي جوازها ولا أنت إللي أختارت ليها العريس صح ..
اسر يقوم ويضرب مازن بالقلم : أحترم نفسك وأعتقد أنا أديتلك الشيك مع ألف سلامة …
ماهى : وحدوا الله كدة وأهدوا بس يا مازن أنا طول عمرى مش بحب اللف والدوران وحنان فعلا إنسانة محترمة هى كانت بتدور عليك بعد ما دفنت ابوها فورا وسلمت أمها للشرطة ومكانش عندها أي طريق توصل ليك وقابلت أسر بالصدفة قدام الفيلا القديمة بتاعتك وهو كمان كان جاي يشوفك…
كذبة الحب
الكاتبة صفاء حسنى
الصفحه الرسميه روايات الكاتبة صفصف
فلاش باك **
حنان تشوف اسر من فضلك مش أنت صديق مازن المحقق صح
اسر : آه إنتى مين ؟!!
حنان : أنا مرات مازن اللي كنت معاه يوم التحقيقات علشان يعرف مين السبب في موت أمه …
اسر : آه افتكرتك…
حنان : أنا كانت أعصابي تعبانة وهاجمته وهو قال يسافر وهيرجع بدور عليه هو فعلا سافر عند ابوه لأنه مريض بس توقعت أنه هيرجع بسرعة ومش عارفة أوصل له تقدر توصلني له بأي طريقة ممكنه …
ومن وقتها فضل أسر واقف معاها طول فترة المحاكمة وشاف إزاى بنت مخلصه وجدعة لحد يوم المحاكمة
أغمى عليها فجأة ….
ترجع ماهي …
ماهي : أنا وقتها كنت بتابع قضية مع المحامى وشوفتهم بالصدفة خصوصا بعد ما اغمى عليها جريت عليها وسألت اسر وعرفت أنها مراتك حتى استغربت..
ماهى : مالها !!!!
اسر :تعالي نوديه المستشفى
ماهى اخدنها علي المستشفى ويعرفوا أنها حامل مع مرور الاحداث ..
اسر يطلب منها تكتب جواب وتبلغه بالحمل …
حنان : مينفعش هو فاكر أني خدعته وهو كمان كذب عليا وخدعنى وأنا كنت ضحية لعب أمي عليهم وأنا (وتبدأ تبكي) مكنتش أعرف أنها أمى والله العظيم وكمان مش اتشرف انها تكون امى ليه سابنى أنا مكنتش علي أعصابي لما عرفت وقلت أبعد عنى علشان ميندمش بس هو صدق و أنا حامل وهو سافر واتخلي عنى …
ماهى : ممكن نثبت أن جوازك حقيقي مش تزوير وخصوصا أن في شهود ممكن يتحول لجواز عرفي مدام المأذون مزور…..
حنان : معرفش هو ينفع بس لا هو اتخلي عنى مش عايزاه ولا عايزة دى هو صدق انى خدعته ولعب عليا و أمى كمان أتفقت مع أبوه أنهم يمحوا كل شيء يخص الجوازه مقابل الفلوس دى وعقد الفيلا دا وانا هاجمتها ورفضت كل دا …
كذبة الحب
الكاتبة صفاء حسنى
الصفحه الرسميه روايات الكاتبة صفصف
ماهى : طب قررتي اي ؟!!! …
حنان : هاحتفظ بالولد وهاوافق على كتب كتابي من نور وهغير أسمى ومش هيقدر يوصلي لازم إبنى يعيش مرتاح ومش هخليه يدفع تمن هو ملهوش ذنب فيه زيي …
تفوق ماهي علي صوت مازن…..
مازن : كملي سكتوا ليه ؟!! …
ماهي : حاضر المهم هادخل في المفيد لما انت بعتلها الجواب دا والشيك دا هي قررت تبدا حياة جديدة علشان عرفت انك عمرك ما هترجع ليها واتجوزت ونزلت علي القاهرة
وبدأت في شغل المصنع مع شركاء جوزها ملابس صغيرة وأسر وأنا كنا دايما معاها ووفقنا علي شرطها …
مازن :شرط اي ؟!!!
ماهى تترجع فورا : أقصد شرط أن انا واسر نكون شركائها بنسب في الشركه كمان وهي بفلوس الشيك دا لكن طلعت ذكيه جدا وعقلها كبير جدا قدرت تطور في الشغل وبعد ما كان ليها أسهم صغيرة أصبحت ليها النسبة الكبيرة …
مازن آخذ الشيك ونظر فيه وجده شيك ب 150الف بإمضاء
مازن : بس انا مبعتش حاجة زى دي ؟!!
اسر بعصبية : بلاش كدب يا مازن لأن كل حاجة إنتهت من سنين فبلاش تعمل نفسك إنك مش عارف حاجة..
مازن : أنا بجد مكتبتش الشيك دا …
اسر : لأ كتبته مع الجواب دا وبعته مع أبوك وأنا مش تايه عن خطك بس إللي عايز أفهمه أنت إزاى وصلت للقاهرة والشركة بتاعتنا كل دا علشان فلوسك ؟!! كنت إسئلني عليها من وقتها وأنا كنت رجعتها لك ولا كنت جرحتها وعملت التمثيلية دي …
مازن : هو ليه محدش مصدقني أنا مبعتش حاجة …
ماهي تفتح الجواب…..
ماهي : يعني دا مش كلامك …
سامحيني يا حنان أنا عارف انى ظلمتك لكن مش قادر أكمل معاكى بعد ما عرفت أنك بنت إللي كانت السبب في موت أمي ودلوقتي فهمت ليه أبوكي رفض نعرف بعض لأنه كان عارف بس يا ترى إنتى كمان كنتي عارفة طب فعلا مشتركة مع أمك واخدتي فلوس مقابل أني أبعد عنك رد علي ؟!!!!! إحنا فعلا زى ما قلتى في المستشفى طريقنا مش واحد إنتى عيشي حياتك وأنا كمان وإنسي كل اللي حصل ورجعي كل حاجة أمك أخدتها منى انا وأبويا وأعتقد الشيك دا مناسب مقابل جرحي ليكي أما لو عايزة تاخدي كل حاجة وتنتقمي أنا مش هسكت…
…
مازن : آه انا إللي كتبت الكلام دا لأنى وانا راجع مصر لما عرفت إن بابا كويس وضحك عليا وجاي بسرعة عملت حادثة واتجبست رجلي لمدة 8 شهور وكنت مغيب عن الدنيا لأن موبايلي أدمر مع الحادثة وكنت بكتب مذكراتي أو بتخيل اني بكلم حنان ودي كانت أول كلام كتبته وطلع دفترة ودا باقي الكلام لانى قطعت الورقة دى وكتبت دا
انا بعشقك يا حنان لو تعرفي حالي او تقدري توصليلي مش منعنى عنك إلا عجزى ونفسي ارجع لحضنك تعالي يا حنان أقف معايا ونبدأ من جديد
و دا إللي طلبته من أبويا يبعته ليها بس قال أنه مش لحق وأنها اتجوزت وسابت اسكندرية وسافرت مع جوزها …
ماهى تقلب في الدفتر وترد بس أبوك جاب الورقة دى ومعاها الشيك دا وقال أن الشيك تمن الأيام إللي أنت قضيتها معاها…
مازن : الله يسامحه ويرحمه اتصرف من دماغه وضحك علي وأخد أمضيتي علشان العملية وهي علشان يبعدنى عن حنان وطبعا حقها تتجوز مرة تانية وتعيش حياتها …
ماهى ما بين نفسها ( بس هى طلبت الطلاق من نور بعد ما قدرت تقف علي رجليها وخصوصا لما حسيت ان مشاعر نور مالت ليها يا ترى وافق واللي لا هو في الأول لازم مازن يواجه حنان وهى كمان لأن إللي لعب بيهم هو ايوه وبعد كدة ) …..
يقطع حديثها مع نفسها تليفون حنان ترد كانت حنان منهارة
حنان : ماهي إبني بيموت منى أنا مش هقدر أعيش من غيره…
ماهى : في إيه أي إللي حصل يا حنان إهدى كدة ..
حنان : وأنا راجعه من الشغل وهو بيلعب في الجنينة زى عادته وأنا بركن العربية جرى علي وجات عربية وخبطته مقدرتش أحافظ علي إبني ….
ماهى : لا حول والا قوة إلا بالله. انتى في مستشفى إيه وهو كويس دلوقتي ..
حنان : مستشفى كليوباترا الخاصة مش عارفة هو في العملياخ..
ماهى : طب إحنا جايين لك….
وتقفل….
اسر :خير !!!!
ماهى : إبن حنان عمل حادثة يا أسر وهي منهارة في المستشفى..
اسر : نعم يالا بينا …
مازن مش مستوعب كل إللي حصل وأن أبوه خدعه وحنان ضاعت من ايده بس إبن حبيبتي دلوقتي ما بين الحياة والموت أنا لازم أشوفها واقف معاها بس ممكن يكون جوزها معاها حتى لو هقول اني …انا عميل في الشركة آه عميل أنا هروح…
مازن يجرى وراهم بعد ما يفوق : ممكن أجي معاكم…..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية كذبة الحب)
