رواية مصيبة حياتي في شركتي الفصل الثاني 2 بقلم مريم سيد
رواية مصيبة حياتي في شركتي البارت الثاني
رواية مصيبة حياتي في شركتي الجزء الثاني
رواية مصيبة حياتي في شركتي الحلقة الثانية
ملك رنت علي عاليا والجرس طول وفارس مترقب هى هترد ولا وكان الجرس هيخلص بس عاليا فتحت وبهزارها المعتاد لوكه حبيبتي
ملك لولو حبيبتي حقك عليا
عاليا .. حق ايييه يابنتى وهو حصل اييه كبرى دماغك انا مش فى دماغي اصلا
ملك يعنى مش زعلانه من ابيه فارس
عاليا يابنتي وايييه اللى هيزعلنى انا هو اختلافنا ومفيش وفاق مابينا ايييه المشكله
ملك يعنى ماقالش كلام يزعلك
عاليا هو يقدر، هو انتى مش عرفانى ولااييه
. ملك بضحك عرفاكى طيب، بقولك ايه انا عاوزه اروح اكل كشرى من عند عم فتحى
عاليا قشطه يامزتى عايزة امتى،
ملك شوفى وقتك وقوليلى
عاليا.. وقت ايييه ماهو انا فاضيه شوفى انتى وفولى وانا راشقه
ملك خلاص هظبط ميعاد واقولك تمام ياقمرى
عاليا تمام يابنت الناس الكوبسين سلام يامزتى وقفلت معاها
ملك ها ياابيه شوفت طريقة كلامها ولاكانك زعلتها ولااى حاجه
فارس حاجه غريبه اتا قولت هتقول كلام مش حلو فى حقى..
ملك مش عاليا دى تقولك فى وشك مش فى ضهرك
فارس . انا عند وعدى هتأسفلها
ملك .. دى بتاعة حصرتك انا هقوم امشى
فارس.. استنى هبعت السواق يوصلك
ملك بزعل متتعبش نفسك ياابيه انا هركب تاكسى
فارس تاكسى ايييه لا طبعاً واتصل بالسواق يستنى ملك تحت وقفل معاه وقالها انزلى السواق منتظرك. تحت وملك هزت دماغها ونزلت وفارس كان نفسه يبعد اخته عن عاليا شايفها مش من مقامها بس فشل
عندملك
ركبت عربية اخوها وصلها لبيتهم دخلت واول مامتها شافتها بتقولها ايييه ياحبيبتي عملتى انتى ولولو
ملك معملناش للاسف ابيه فارس قال كلام مش حلو لعاليا
مامتها كلام مش حلو الاهو ازاى
ملك .. قالتلها انا معرفش تفاصيل بس انا سمعتها بتقوله ان ميشرفنيش ان اشتغل مع واحد زيك وهو قالى ان هى مصحباكى علشان انتى معاكى فلوس واتراهن معايا ان لو اتصلت بيها مش هترد عليا
مامتها وهى عملت ايه
ملك ردت طبعا وبقولها متزعليش قالتلى ولافارق معايا يابنتى انا مش بتاعة شغل سيبك واتفقت معاها نروح ناكل كشرى وابيه فارس قالى ان هو هيتأسفلها
. مامتها فارس يتاسف مش ممكن
ملك والله هوقالى كده
مامتها لما نشوف بس انا لازم اخد رد فعل معاه لازم ينزل على الارض الناس كلها مش شاغلين عنده
ملك والله ياماما كنت هقوله على اللى عاليا عملته معايا من غير متعرفنى
مامتها انا هقوله
ملك ياريت ياماما ويبطل يحكم على الناس من بره لازم يعرفهم الاول
مامتها هو ده اللي هعمله معاه اطلعى ارتاحي لحد مانجهز الغدا
ملك تمام وطلعت اوضتها ومامتها وبعدين يافارس فى طريقتك دى فى دخول زوجها
زوجها حبيبتي مالك انتي بتكلمي نفسك
مامة فارس والله من عمايل ابنك
زوجها عمل ايه تانى ياهاله
هاله.. حكت كل حاجه ليه وبعدها قالتله هو ده اللى حصل يامحمد قولى هعمل ايييه معاه
محمد ابنك مش هيتغير للاسف اتا سيبته لجده وهو اللى ربى عند داء الكبر ده
هاله لا ابنى لازم يتغير ويعرف. ان من تواضع لله رفعه
محمد ايدى على ايدك ونحاول نغيره
هاله. اسمع منى واناهقولك نعمل ايه
محمد قولى اتا واثق فيكى وفى تفكيرك
هاله . مش هو هزق عاليا صاحبة ملك.
محمد اه. طيب ومال عاليا باللى انتى عايزاه تعمليه فيه
هاله.. انا هقابل عاليا واتفق معاها تعلمه الادب اصل هو قال لملك ان هو هيتأسفلها بس الصراحه اشك ان هو يعمل كده فهتفق معاها ان هى متقبلش منه اى كلام ومن الاخر تهزقه
محمد انتى شكلك بتحبى عاليا ابنك فى غضبه مابيشوفش قدامه
هاله والله علاج ابنك عند عاليا وبكره تقول هاله قالت
محمد والله ياريت البنت دى انا بحبها وعارف ان هى بتسد مع اى حد.
هاله هو ده اللي بقوله وهى الوحيدة اللى هتسد مع ابنك وهتعلمه الادب اللى احنا معرفناش نعلمهوله
محمد ايدى على كتفك وانا معاكى
هاله خلاص هتصل بالولو وهقابلها بره واتكلم معاها
محمد .. اقابلها معاكى
هاله.. اوك هتصل بيها دلوقتي
محمد اوك اتصلى وخدى منها ميعاد تتقابلوا فيه
هاله اوك ومسكت تليفونها ترن على عاليا
عاليا اول ماشافت الرقم ردت غالطول هلول حبيب القلب ياناس
هاله. قلبى وحشانى يالولو
عاليا وانتى اكتر ياقلب لولو قوليلى ميدو حبيبي عامل ايه
هاله كويس بيسلم عليكى وبيقولك ينفع تكوني فى الشركه متساليش عليا
عاليا يالهووووى حقه الصراحه معلش بس ابنك غلس ياهلول لولا مسكت نفسي كنت ارتكبت جريمه
هاله ملك حكتلى واتا عايزاكى علشان الموضوع ده
عاليا..عادى انا مش زعلانه ولافارق معايا من الاساس انا اخدت حقى منه
هاله عارفه بس انا عايزاكى علشان حاجه تانيه وعمك محمد هو كمان شوفى الوقت اللى يريحك ونتقابل فيه علشان اعرفك الموضوع
عاليا .. من عيونى انا تحت امركم شوفواوحضراتكم عايزنى امتى وانا مستعده
هاله .. اوك اييه رائيك. فى بكره على الساعه 3 فى كافيه؟
عاليا خلاص تمام ان شآء الله هكون موجوده قبل الميعاد
هاله .. حبيبتي نتقابل على خير سلام ياروحي
عاليا سلام حبيبتي سلميلي على ميدو
هاله وقفلت معاها وقالتله طبعا سمعت المكالمه
محمد اه سمعت بكره ان شآء الله بس تفتكرى هتوافق
هاله هتوافق اتا عارفه دماغ عاليا
محمد يارب بقولك ايه انا جعان
هاله.. حاضر هخلى ام محمود تجهز الغدا حالا
محمد .. عقبال ماتجهز اكون غيرت هدومى وصليت
هاله ماشي ياحبيبي ربنا يتقبل هى قامت تقول لام محمود تجهز الغدا وهو طلع يتوضى ويصلى
نروح لعاليا خرجت من اوضتها يامريومه فينك ياست ياللى متجوزك ابويا
مريم عايزه ايييه يازفته
عاليا جعانه ياجدعان ايييه الاكل لسه مخلصى
مريم.. لا يااختى لسه مخلصى تعالي ساعدينى بدل ماانتى واقفه كده بتتامرى
عاليا انا مين لا طبعاً اتا واحده مجروحه من المنيل اللى اسمه فارس
مريم يعني انتي سكتيله ماانتى طلعتي عليه القديم والجديد
عاليا وربنا يستاهل انا كنت لسه بقول لطنط هاله انا مسكت نفسي عن ابنك ضحكت حقك الصراحه
مريم هى مامته كلمتك
عاليا اه وعايزه تقابلنى بكره الساعه 3هى وانكل محمد
مريم ليه
عاليا والله ياست الكل انا مش عارفه هى قالتلي عايزانى فى موضوع وبس
مريم .. طيب هى ملمحتش للموضوع
عاليا.. هزت راسه بعلامة النفى لا هى قالتلي كده وبس
مريم… خير ان شآء الله
عاليا ان شآء الله طيب هاتى اى تصبيره جعاته وربنا
مريم.. خلاص الاكل جهز وبابا على وصول واخواتك كمان اصبرى نص ساعه ناكل كلنا مع بعض
عاليا مدت بوذها وقالتلها ماشى هدخل افتح الفيس لحد مايوصلوا
مريم شوف البت بدل ماتقولى اساعدك ياماما
عاليا مين انا حبيبتي انتى بتتعشمى قيا كتيير وده غلط على صحتك ياماما
مريم… بقى كده ياجذمه عاليا جريت من قدامها دخلت اوضتها وهى بتضحك علي منقارتها لمامتها
عدى اليوم بكل مافى فيه وفى صباح يوم جديد
عاليا قامت فطرت مع باباها واخواتها ومامتها ومامتها دبستها فى غسيل الاطباق
عاليا وربنا انتى ام ولا بلاش
مريم ادخلي ياهبله واخلصى مش وراكى مشوار هتجهزى الغدا قبل ماتروحى مشوارك
عاليا نعم غدا انا مش بتاعة غدا وقفة مطبخ
مريم لا هتقفى وبقولك ايييه هتعملى بدل ماهخليكى تغسلى السجاد
عاليا وربنا ده اسمه ظولم
مريم اه انا ظالمه ليكى شوق فى حاجه
عاليا .. لا واتا اقدر ودخلت تكمل غسبل الاطباق وهى بتغنى اغنية شادية
والله يا زمن
والله يا زمن لا بايدينا زرعنا الشوك
ولا روينا يازمن وانت يازمن طرخ قفا خماسى من مامتها صوتك وحش
عاليا ايييه ياماما قفا المخبرين ده
مامتها … علشان صدعتينى يالا يابت انجزى بقالك ساعه بتغسلى فى طبقين
عاليا ساعه هو انا كملت 10دقايق
مامتها يالا بطلى رغى
عاليا حاضر وعاليا كملت اللى بتعمله وكمان جهزت الغدا ولبست ونزلت تقابل مامة فارس هاله وبابا فارس محمد
وصلت الكافيه ودخلت وقعدت والويتر جه سالها قالتله انا مستنيه ناس هما على وصول اول مايوصلوا هطلب
الويتر تمام يافندم وسابها ومشى وبعدشويه وصلت كلام من مامة وبابا فارس
عاليا قامت سلمت عليهم ومحمد بيقولها انا. زعلان وهجيب ناس تزعل
عاليا بضحك ليه بس
محمد يغني تكوني في االشركه ومتجيش تسلمى عليا
عاليا فى دى عندك حق بس انا لو كنت قعدت شويه كنت ارتكبت جريمه
محمد لدرجادى
عاليا… اه واكتر، انتوا عارفين انا بحبكم قد ايه بس الصراحه ابنكم كتله من الرخامه
هاله. ماهو علشان كده احنا جايين نتكلم معاكي بخصوص فارس
عاليا انا ماليش علاقه مفيش حاجه بينى وبينه
هاله .. لا هيبقى فيه
عاليا يعني ايه
محمد . هتيجي تشتغلى معايا انا
عاليا.. اسفه ماينفعش ابنكم قالى كلام صعب
هاله ماهو علشان كده احنا عايزينك تطلعى عينه وانتى فى الشركه ومحمد هيبقى فى ضهرك
عاليا .. صدقونى ماينفعش
هاله لا هينفع اسمعى منى انتى بس
عاليا .. طيب ازاى اتا انطردت من الشركه وبعدها ارجع هشتغل فيها ازاي
محمد هو انتي ناسيه ان الشركه بتاعتى ولا اييه اعين اللى يعحبنى
عاليا طيب لو ابنكم رخم عليا انا معنديش كنترول على لسانى
هاله ومحمد . ايوه هو ده اللى عايزينه
عاليا بضحك شكلكم بتحبوه اوووووى
محمد .. فارس ابنى نتيجة تربيه غلط. جده كان بيقوله فارس لازم تكون فوق والناس كلها تحت
عاليا ياساتر لبه كلنا ولاد تسعه
محمد للاسف بابا ميعرفش الكلام ده للاسف وربى فارس على كده
عاليا.. معلش انا اسفه بس، هو مترباش بربع جنيه تربيه
هاله.. وعلشان كده احنا جايين نقولك ربيه ومتخافيش كلنا فى ضهرك ها موافقه
عاليا ساكته وبتقلبها فى دماغها توافق وتعلم الاخ هتلر ده الادب ولا تعمل اييه
هاله ايييه يالولو شاكته
مريم سيد ام البنات
عاليا.. ساكته ونفسها بتقولها وافقى يابت يالولو الاخ فارس عايز تاهيل نفشى وتربيه من جديد
هاله.. ايييه يابنتي روحتى فين
عاليا معاكي ياطنط
هاله ..قولتى ايييه
عاليا .. موافقه بس لو ابنك عمل حاجه كده ولاكده هعمل معاه الجولاشه
محمد.. اعملى اللى انتى عاوزه تعمليه
عاليا يعنى اتكل على الله ونبدا
هاله ومحمد اتاكلى على الله
عاليا بضحك احنا اتفقنا على فارس المرتب ايييه نظامه
محمد.. بضحك اللى انتى عايزاه
عاليا .. بصوا انا مش طماعه 20000ج
هاله بضحك ومحمد موافقين
عاليا يالهووووى ياريتنى كنت زودت شويه وضحكت انا بهزر انا هنفذ الاتفاق بدون اى حاجه
مح لا طبعا انتى هتشتغلى معايا وهتبقى السكرتيره بتاعتى ولازم يكون فى مقابل مادى لده
عاليا .. انا مش اعرف اشتغل سكرتيره
هاله عمك هيعلمك متشليش هم لحد ماتعلمى ابنى الادب وبعدين تشتغلى فى تخصصك
عاليا خلاص ماشي علشان عيونكم موافقه بس ممكن انا وابنكم ناكل بعض
محمد… خدى راحتك على الاخر
عاليا.. خلاص ماشي وربنا يسترها بقى
هاله ان شآء الله هيتسرها وابنى هيتربى على ايدك
محمد مرتبك 5000حلو ولاقليل
عاليا يالهووووى لاده كتييير اوووووى
محمد لامش كتير ان شآء الله من بكره تيجي تسلمى شغلك
عاليا ان شآء الله ملك هتعرف
هاله . اكيد هقولها علشان تبقى معانا على الخط
عاليا طيب تمام اصل ممكن لماتلاقينى بتخانق مع فارس تزعل منى..
محمد…. وايييه اللى هيزعلها
عاليا ..ملك بتجب اخوها فارس اوووووى لو شافتنى واتا بتعامل معاه بطريقه مش حلوه ممكن تزعل منى بس لما تكون عارفه هتعرف تتعامل معاه ومعايا
هاله عاليا عندها حق اه ملك ساعات بتزعل من فارس بس هو بالنسبالها حاجه كبيرة اوووووى
عاليا.. هو ده اللي انا اقصده هو اخوها اه هى بتحبنى بس بتحب اخوها اكتر
محمد خلاص ياستى هاله تفولها علشان نبقى كلنا مع بعض فى تنفيذ الخطه
عاليا. تماموز
هاله بقولك ايه نتصل بملك وتودينا محل الكىشرى اللى اتفقتوا عليه مع بعض
عاليا ياسلام عز الطلب وملك تعرف الخطه وتعرف ان تنفيذها من بكره…
هاله خلاص هاتصل بيها تجلينا هنا وبعدها ننتحرك واتصلت بملك وقالتلها تعالي فى الكافيه وبعد شويه ملك جت واتفاجات بوجود عاليا
ملك . لولو حبيبتي وحشانى
عاليا حبيبتي وانتى اكتر
ملك. ايييه النظام وايببه اللم مش عارفه بيقولوها اييه
عاليا لم الشامى على المغربى
ملك ايوه هى دى
هاله اقعدى بالوكه واحنا هنقولك على كل حاجه ومامتها حكت كل حاجه واتفاقهم مع عاليا على فارس..
ملك.. حضرتك بتكلمي بجد
هاله اه طبعا هو الكلام ده فى هزار
ملك. بس انا اخاف على فارس اخويا دى مفتريه
عاليا .. هههههههه لدرجاتى
ملك يعني انتي مش عارفه فاكره الواد شهاب عملتى فى ايبه وخلتيه نقل من الكليه
عاليا هههههههه فكرتينى ده كان عيل غلس ورخم. ويحمد. ربنا ان رسيت على نقل من الكليه
هاله مش هو ده الولد. اللى كان بيضايق ملك
عاليا ايوه هو بس انا علمته الادب
ملك على يدى بعد كده ماكانش حد. يجرا يقرب منى واسمعهم يقولوا دى تبع عاليا الالمانى
عاليا فكرتينى باللذى مضى
محمد ضحك. هننزلى الملاعب بس المرادي عبده مونه
عاليا مع ابنك هاخد. كل شغل محمد رمضان واعمله ميكس
هاله ياحبيبي يابنى والله صعبان عليا
عاليا احنا لسه مببدتناش يا هلول
هاله بضحك لا بس هو ابن حلال ويسناهل
الكل…. ضحك واتحركوا للمحل الكشرى اكلوا وبعدها وصلوا عاليا لبيتها واول مادخلت مامتها بتقولها طمنيني ايييه الاخبار كانوا عايزينك. فى اييه
عاليا… هحكيلك ياماما بس هدخل اتوضى واصلى وبعدين لينا قاعده مع بعض
مامتها خلاص ماشي ادخلي وانا هستناكى
عاليا دخلت تتوضى وتصلى وبعد ماخلصت قعدت مع مامتها وحكت ليها كل حاجه
عاليا حضرتك سمعتى كل حاجه ايييه رائيك
مامتها.. رائى في ايييه
عاليا فى اللى سمعتيه
مامتها.. انتى كبيره بمافيه الكفايه واكيد مدام وافقتى هتبقى قدها
عاليا بصراحه انا وافقت علشان خاطر طنط هاله وانكل محمد حسبت من كلامهم ان هما زعلانين عليه وهماعايزينه ينزل معانا على الارض وان الناس كلها سواسيه
مامتها بس هما غلطانين ان هما سبوه لجده
عاليا حضرتك اكيد عارفه لو الجد شديد اوقاسى محدش يقدر عليه وكمان سى الاستاذ فارس كان اول حفيد للجد فمسك فيه وهما معرفوش ينطقوا معاه
مامتها .. ربنايهديه ليهم وانتى خلى بالك على الواد الغلبان
عاليا ملك لسه قايله كده
مامتها.. ربنا يسترها ومحدش فيكم يطلع فى اخبار الحوادث
عاليا بضحك ده شئ اكيد
مامتها ضحكت هتاكلى
عاليا…اكلت معاهم فى محل الكشرى المفضل ليا
مامتها برقت اكلت الناس كشرى من الواد بحه
عاليا ايوه. ماملك بتاكل معايا
مامتها يالهوي عليكي الناس دى متعوده على العك بتاعك
عاليا هههههههه انا مالى هما قالوا وانانفذت اسبببك بقى ادخل افتح الفيس وحشنى من بدري
مامتها. ادخلى يااختى ماهو ده اللي انتي فالحه فيه
عاليا .. بستها بوسه على الهوا ودخلت على اوضتها
نروح لبيت فارس كان راجع مع رجوع ابوه وامه واخته
فارس . اييه ده انتوا كنتوا بره
باباه اه كنا بنتغدى بره
فارس غربيه انكم بتتغدوا بره اول مره تعملوها
هاله اضلنا كان نفسنا فى الكشرى طلعنا اكلتا ورحعنا غالطول
فارس بالف هنا طيب كنتوا قولتولى كنت جيت اكلت معاكم
هاله.. المره الجايه يالا انا تعبانه من الوقفه عايزه اطلع ارتاخ يامحمد
محمد. تعالي ياقلبي نطلع وخدها وطلع وفارس بيقولها صحبتك عامله ايه ولاقت شغل ولا
ملك.. حضرتك بتسال ليه
فارس مفيش بطمن بس
ملك اه هى كويسه وكمان لاقت شغل بس هى ماقلتش هتشتغل فين هى قالتلى هتشتغل فى مكان كويس وكمان مفاجاه
فارس مفاجأة يعني ايه
ملك اش هعرفنى هى قالتلى كده وبس هطلع انا علشان هلكانه
فارس الف سلامه عليكي اطلعى بس ابقى اعرفى هتشتغل فين
ملك.. حاضر وطلعت وهى بتقولي لنفسها يعينى دانت هتتصدم صدمة عمرك
فارس بيقول لنفسه انت مالك بتسال عليها ليه ومز امتى فى واحده شاغله تفكيرك لا وكمان بنت لسانها زى القطر لا بس يافارس هى مختلفه الوحيده اللى وقفت قصادك واتخنقت معاك ولا هممها انت مين ولا بتشغل ايببه طلع هو كمان اوضته يرتاح
عدى اليوم ومامة عاليا بتصحيها
عاليا. هو حضرتك عملالها بالعند معايا
مامتها. وانا عملت ايه يابنت المجنونه
عاليا كل مره تصحينى وانا عاوزه اعرف مين المز اللى جايلى وراكب فسببه بمبى
مامتها هههههههه مش هو كان حصان
عاليا طيب بذمتك فى حصان يمشى فى شوارع المحروسه لا وكمان 2024
مامتها لا فى دى عندك حق قومى ياهبله يابنت للهبله اخلصى والبسى، علشان تفطرى قبل ماتنزلى
عاليا انزل اروح فين
مامتها انتي يابت مش معاكى ميعاد مع ابوفارس
عاليا. اه صح دانا كنت ناسيه
مامتها. طيب قومى ياموكوسه
عاليا حاضر ياقلب الموكوسه وقامت لبست وخرجت تفطر معاهم ابوحميد الغالى ياناس وحشنى يارياسه
باباها..بضحك صباح الورد يابكاشه اييه لبسه ورايحه فين كده
عاليا .. مش انا بقيت من ارباب العمل وشويه وهكون مليونيره
مامتها مليونيره مره واحده ربنا يهديكى ياعاليا يابنتي يالا اتكلى على الله علشان اتا خلاص مرارتى اتفقعت منك
خلود ماما نفسي اعرف حضرتك متعودتيش ليه لحد. دلوقتي على عمايل عاليا
عاليا بابظبط ياماما زى ماسوما العاشق بيتكلم كده انا يابنتي عايزة اعرف بجيبى، تون صوتك ده منين
مامتها علشان هى بنت مش عايشه فى دور، عبده موته
ادهم.. هههههههه حلوه ياماما
عاليا هوفى احلى من كده اسكتى ياماما دانا كنت مخوفه كل شباب الحامعه منى
باباها جدعه يابت يالولو بنت ابوها بجد
عاليا وربنا انا ماليا غير يابوحميد ياحبيب الملاييين سلام اشوفكم على الغدا او العشا لسه معرفش هاجى
مامتها خلى بالك على نفسك
عاليا حاضر سلام عليكم ونزلت وهى بتدعى ان ربنا يوففها للى هى رايحاله
فى بيت فارس
ملك.. نازله وهى لابسه ودخلت كان باباها ومامتها قاعدين صبحت عليها
باباها ومامتها ردو عليها الصباح وبعدين ملك عاليا رنت عليا هى متوحها للشركه
باباها .. قوليلها تطلع تستنانى فى مكتب السكرتيرة بتاعتى وقوليلها هى عارفه كل حاجه تقوله بس ان هى من طرف البشمهندس محمد الالفى
ملك حاضر هقوم اتصل عليها هو ابيه فارس هنا ولا راح على الشركه
مامتها لا لسه منزلش روحي كلميها لينزل فجاه ويسمعك
ملك اوك وخرجت وفارس قابلها رايحه فين ياملك
ملك نسيت. حاجه فوق هطلع اجيبها وانزل عالطول
فارس طيب بسرعه علشان اخدك معايا
ملك مش هتاخر وطلغت تكلم عاليا
عاليا سمعت صوت فونها شافت رقم فونها بيرن ردت لوكه بنت الناس الاغنيا
ملك بضحك لولو حبيبتي عامله ايه
عاليا عامله كويسه 😂
ملك .ماشي ياست الكويسه خرجتى ولا لسه
عاليا انا فى التاكسى اهو وقربت اوصل
ملك طبعا هتسالى على مكتبه المهندس محمد الالفى وفوق عبير السكرتيره عارفه كل حاجه
عاليا تماموز متاخروش عليا قبل فارس بلاجواد ده يجيى
ملك متقلقيش احنا هنفطر وجاييبن عالطول
عاليا . تيجوا بالسلامه سلام يامزتى
ملك سلام ياحبى وقفلت معاها ونزلت وغمزت لباباها ومامتها وقعدت فطرت معاهم وفارس قام يالا ياملك علشان منتاخرش
باباه سيبها انا هاخد ملك معايا
فارس هو حضرتك هتيجي بدرى انهارده يعني
باباه.. وايييه المشكله انت ناسى ان انهارده فى اجتماع مهم للرؤساء الاقسام علشان المشروع اللى احنا داخلينه
فارس اه عارف بس ميعاده الساعه 11يعنى لسه بدري
باباه لا ماهو انا عايز اقعد معاك ومع حمزه قبل الاجتماع نتكلم فى كام نقطه
فارس تمام فى انتظار حضرتك واستاذن ومشى وملك قامت ا ودعت مامتها والاب ودع زوجته وخرج وركبوا عربيته واتوجهوا للشركة وبعد وقت وصلوا ومحمد طلغ كانت عاليا فى انتظاره قالها تعالى معايا ياعاليا
عاليا حاضر يافندم ودخلت وراه
محمد اقعدي يالولو علشان نتفق هتعملى معاه اييه
عاليا هو جاى دلوقتي
محمد اه انا هبعت عبير تجهز شوية حاجات وابعتله يجيلى اتعاملى معاه انتى بقى
عاليا .. اشطا بس لو حصل ومسكنا فى بعض ابقى بلغ المطافى
محمد المطافى مش البوليس
عاليا بضحك لا المطافى
محمد هههههههه متقلقيش عندنا طفايات
عاليا.. بضحك حلو اوووووى اسيبك انا بقى علشان تبدا الشغل
محمد ربنا معاكي
عاليا يارب دعواتك وخرجت ومحمد بلغ عبير تجهزله ورق الاجتماع وتنزل الاقسام تبلغ المديربن بميعاد الاجتماع وفى نفس الوقت اتصل بفارس يجيله هو حمزه
فارس قاله حاضر واتحرك من مكتبه لمكتب باباه وهو داخل استاذه عبير انا داخل لمحمد بيه
عاليا . حاطه الهيد فون فى ودانها وعامله نفسهامش سمعاه
فارس عيير عبير ايييه انتى مش سمعانى
عاليا.. عامله مش سامعه خبط المكتب هى رفعت وشها
فارس انتى بتعملى ايه هنا وفين عبير
عاليا وانت مالك ومعرفش عبير فين
فارس بت اتعدلى انتى متعرفيش بتكلمى مين
عاليا ومش عاوزه اعرف انت مين من الاساس ولافارق معايا
فارس لا انتى اتهبلتى هو مين اللي عينك هنا مع دخول حمزه السلام عليكم
عاليا وعليكم السلام مين حضرتك
حمزه انا المهندس حمزه الشيمى جاى للمحمد بيه
عاليا اتفضل حضرتك هو فى انتظارك وحمزه دخل
فارس والله وانا ايييه
عاليا محمد بيه ماقلش ان هو عايزك
فارس لا دانتى مجنونه بقى
عاليا جن لما يلغبطك بقولك لسانك يطول لسانى هيطول تحترم نفسك ماشي بدل ماافرج عليك امة لا اله الاالله
فارس يابت انتي مجنونه دى شركتى واللى هدخله ده ابويا
عاليا ماليش فيه هو ماقلش ان هو عايزك
فارس صوته على خرج محمد وحمزه
محمد ايييه يافارس صوتك عالى ليه
فارس المتخلفه اللى حضرتك جايبها قاعده علي الكرسي مش عاوزه تدخلتى
عاليا متخلفه فى عينك اييه ياحلو متهدى كده وقول هديت
فارس بابا قولها تسكت بدل اقسم بالله امسح بكرامتها الارض
عاليا . لا ياض واناهسمى عليك بقولك ايه لومتعرفش مين عاليا العنانى اسال عليا علشان متغلطش غلطة هيثم وائل
محمد وحمزه ضحكوا ومحمد بيقوله هى متعرفش انى محتاجك وانا اللى قولتلها متدخليش غير حمزه ونسبب اقولها انك جاى ليا
عاليا قوله عم الحلو بدل ماهو نافش ريشه كده عامل زى الديك الرومى
فارس هو مين انا
عاليا هو غيرك انزل يابابا معانا على الأرض انت لو كنت اتكلمت بااحترام كنت دخلتك
فارس بابا البنت دى تمشي دى بت لوكل وبيئه
عاليا لولا وجود محمد بيه كنت خليتم تدور على قطع غيار لكرامتك
محمد انت اللى غلطت يافارس هى ماقلتش، حاجه
فارس كل ده ماقلتش حاجه
محمد كل فعل ليه رد فعل
فارس والله طيب تمام
محمد يالا اتاخرنا وانتى يالولو
عاليا قلب لولو اؤمرنى
محمد بغمزه وعلامة 👍 اتصلى بعبير شوفيها خلصت الورق ولا
عاليا اوكشن ياريس
فارس مبرق وبيقول ايييه البت دي مالها واخده على بابا كده ليه لا دى الحكاية فيها انه وانالازم اعرفها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مصيبة حياتي في شركتي)
