رواية عمياء وسط الذئاب الجزء الثاني الفصل الرابع والثلاثون 34 بقلم محمد طه

_وأول ما أم محمد وهبه يدخلوا عند نهله
تطلب نهله كوبايه العصير..
لأنها كانت عطشانه أوي..
وتشرب كوبايه العصير كلها
_هبه ف سرها_
بالهنا والشفا يا حبيبتي..
ومبروك عليكي أول جرعه..
ومعلش بقي سامحيني..
عشان أي حد يخص البت العميا هيتأذي
_أم محمد_
أنتي يا زفته واقفه سرحانه ف إيه..
يلا نضفي الغرفه عيزاها على سنجه عشره
_هبه بدلع_
أوامرك يا خالتي
_(أم محمد ونهله يخرجو ف البلكونه)_
_نهله بصوت واطي_
إيه اللي رجع البت دي تاني
_أم محمد_
الدكتوره هيا اللي رجعتها..
بتقول إنها اتغيرت وبقت واحده تانيه..
غير اللي كنا نعرفها..
بس أنا مش مرتحالها ومش مصدقاها..
وأنا مش عيزاكي تديلها ريق حلو..
وعيزاكي تعامليها زي الخدامه
_نهله_
مش يمكن تكون فعلا اتغيرت..
واتعلمت من اللي حصلها
_أم محمد_
الأشكال اللي زي هبه دي عمرها ما هتتغير..
أسأليني أنا..أنتي لسه صغيره ومش عارفه حاجه
__(من داخل مكتب المديره)__
شاكر بعت صوره الراجل اللي ف المستشفي للدكتوره
_الدكتوره بصدمه_
إيه ده..دا الراجل اللي جا هددني..
هوا إيه اللي بيحصل..
فجأه كده الراجل اللي هددني..
يبقي بين الحياه والمو،ت..
وسمير اللي كان بيمو،ت يرجع للحياه من تاني..
مستحيل اللي بيحصل دا يكون صدفه..
_(وتتصل بشاكر)_
_الدكتوره_
شاكر تعالا المستشفي بسرعه
_شاكر_
حاضر يا دكتوره..
أنا بس ف مشوار هخلصه وآجي لحضرتك
_الدكتوره_
مشوار إيه يا شاكر..
أوعي تكون عند الظابط نوره
_شاكر_
لأ يا دكتوره..دا مشوار تاني خالص..
لما آجي هقول لحضرتك على كل حاجه
_____________________________
__(عند ميري وسهيله)__
_(ميري قاعده زعلانه وسرحانه وبتفكر)_
_سهيله تولع سيجاره_
مالك يا ميري..
أنا أول مره أشوفك متضايقه كده..فيه إيه
_ميري بغضب_
فيه إن أنا بخسر شغلي..وياريتها تاجي على الشغل..
دا إحنا الاتنين هنخسر أرواحنا بسبب غبائك..
وأنتي ولا هامك ولا على بالك
_سهيله بكل برود تاخد نفس من السيجاره..
وتروح تدي السيجاره لميري
_سهيله بهدوء_
إهدي بس كده يا ميري..
وكل حاجه هتمشي تمام وزي ما إحنا عايزين..
وإن كان على هبه هجبهالك لو ف سابع أرض..
وهرمهالك ج،ثه تحت رجليكي
_ميري تكتم غيظها_
وهتوصلي لهبه إزاي يا سهيله
_سهيله ببرود_
إنتي اللي هتوصلي لهبه..وهقولك توصليلها إزاي..
إنتي تاخدي بعضك كده وتروحي تعملي جلسه مساج
بس أهم حاجه تطلبي راجل هوا اللي يعملك المساج
وأول ما هتقلعي وتسترخي قدامه..
وإيديه تلمس جسمك..هيبدأ عقلك يفكر
_ميري بغضب_
والله إنتي سافله
_سهيله بضحكه عاليه_
ميرسي يا أختي..دي شهاده منك أفتخر بيها
_ميري بغضب_
سهيله هوه إنتي ليه مش حاسه..
بالمشكله اللي إحنا فيها..
ليه مش حاسه بالمصيبه اللي إحنا فيها بسببك..
أنا لأول مره ف حياتي أقصر وأهمل ف شغلي..
لأول مره ما أبقاش عارفه أفكر..
أو اعمل ايه واتصرف إزاي وكل دا بسببك
_بقلم…محمد طه عبد المجيد
_سهيله تتصنع الزعل_
للدرجادي يا ميري أنا بقيت عقبه ف طريقك
_ميري_
إنتي نقطه الضعف الوحيده ف حياتي
_سهيله_
خلاص يا ميري أنا هنت،حر وأريحك مني خالص
_(وتبدأ سهيله بالتحرك ناحيه الباب للخروج)_
_ميري بقلق على أختها_
رايحه فين
_سهيله باستفزاز_
رايحه أعمل جلسه مساج..قصدي رايحه أنت،حر
_______________________________
__(في القسم)__
_سمر أخدت محامي وراحت لسمير القسم..
والمحامي دخل للظابط نوره عشان يطلع..
على محضر القضيه
_(في طرقه القسم)_
_سمر بصوت واطي_
إيه اللي حصل..لغيت الخطه ليه..
هوا أنته مش واثق فيا ولا إيه
_سمير_
سيبك من اللي حصل..
المهم دلوقتي تخلي الدكتوره تحت عنيكي ال24ساعه
_سمر_
حصل..والبنات كلهم ف المستشفي..
ومراقبين الدكتوره خطوه بخطوه..
بس أنا لازم أفهم إيه اللي حصل..
وأنته ليه قلبت على الدكتوره..
وإيه علاقه الدكتوره بنور..
ما تفهمني يا سمير..
عشان أبقي عارفه أنا هتصرف إزاي
_سمير_
أنا متهم برئاسه شبكه مخله بالآداب..
ومتهم بق،تل أختي واتنين كمان..
ومتهم بخ،طف نور
_سمر بصدمه_
أنته بتقول إيه..أنته أكيد بتهزر..قول إنك بتهزر
_سمير_
مفيش وقت للهزار يا سمر..
أنا متأكد إن الدكتوره هيا رئيسه الشبكه
_سمر بذهول_
الدكتوره..طب إزاي..مش ممكن
_سمير_
التقرير الطبي بتاع مدير المستشفى اللي كان قبلها..
اللي هيا قت،لته..مش هيا اللي ماضيه عليه..
والتقرير بتاع داليا أختي برضوا مش هيا اللي ماضيه عليه _(ويوطي صوته)_ والتقرير بتاع عماد اللي إنتي
خلصتي عليه..كل التقارير دي..
فيه دكتور تاني هوا اللي ماضي عليها
_سمر تكمل_
والتقارير دي كلها الدكتوره هيا اللي قالت..
إنها هتكتبها بنفسها وهتمضي عليها
_سمير_
والدكتوره هيا اللي قالتلنا إننا متهمين..
ف قضيه تف،جير المبني..
وهيا متأكده إننا ملناش يد ف التف،جير..
بس قالتلنا عشان آجي أبرأ نفسي..
وف الحقيقه هيا بتجرجرني على هنا..
عشان تشيلني التهم دي كلها
_سمر بقلق_
سمير أنته لازم تهرب من هنا..
أنا مش هعرف أتصرف برا لوحدي
_سمير_
أنا لو هربت دلوقتي..يبقي هأكد كل التهم دي عليا..
نمسك بس دليل واحد على الدكتوره..
وبعدين أخرجلها..
المهم إنها متغبش عنك لحظه واحده..
ومتخليهاش تشك ف حاجه..
آه كنت هنسي..أخبار الأربع بنات إيه
_سمر_
إشتغلو ركلام ف كباريه..
ومأجرين شقه قريبه من الكباريه..
وأنا بجهز بنت عشان تشتغل معاهم وتسكن معاهم..
عشان النفس اللي بيتنفسوه يوصلني
________________________________
__(في المستشفى)__
_نهله كل كوبايه عصير بتشربها..
بتكون هبه هيا اللي محضراها..
وبيكون ف كوبايه العصير جرعه هيروين..
لحد ما نهله خلاص بقت مدمنه على كوبايه العصير
_وبعد منتصف الليل
هبه تروح إستراحه دكتور لسه حديث التخرج..
ولسه مستلم الشغل جديد ف المستشفي..
وتدخل وتقفل الباب وراها وتولع النور
_الدكتور باستغراب_
إنتي مين وعايزه إيه
_هبه ما تردش عليه وتبدأ تقلع هدومها……..

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية عمياء وسط الذئاب الجزء الثاني)