رواية ثأر الحبيب الفصل السابع عشر 17 بقلم سما محمد
رواية ثأر الحبيب البارت السابع عشر
رواية ثأر الحبيب الجزء السابع عشر
رواية ثأر الحبيب الحلقة السابعة عشر
(انطلق بدر وليله مسرعين لدوار السيوفي وطوال الطريق كان بدر ينظر لليله التي كانت تنظر للعدم بصدمه واضحه دون سقوط اي دمعه من عينيها وعند وصولهم انطلقت ليله من السياره كالطلقه متجهه لغرفه والدها وبدر خلفها يرقض قائلا…..
بدر: على مهلك يا ليله استني انا جاي معاكى إكده هتجعي.
ليله:لازم الحجه يا بدر…لازم يعيش لحد ما يجولى كل حاجه.
(فتحت ليله الباب و دخلت كالصاروخ لغرفه والدها فوجدته مسطحا فوق السرير بتعب لما تتعرف بسببه على ملامح والدها القوي وما ان رآها فراج حتى حاول النهوض معتدلا قائلا بتعب…….
فراج: ليله انت جيتى يا بتي تعالي يا جلب ابوكى املي عيني منك.
(امسك بدر يد ليله وسار بها لفراش والدها فجلست ليله بجوار والدها تنظر له بجمود لا تشعر بشفقه عليه فقالت…
ليله :ماتتوقعش مني انى ابكي عليك انا اتربيت راجل ما عندوش جلب جولي بسرعه يا ابوي عملت فيا اكده ليه وما تجوليش تار لأنك جوزتني اللي كنت عايزني اجتله… كنت كرهني صح… رد عليا جول انك كنت كرهني.
فراج : كن روحي كانت متعلجه بشوفتك يا ليله دلوك اجدر اموت وما عادش ناجصني حاجه من الدنيا غير تسامحيني ابجى سامحيني يا بنتي…
(قال فراج تلك الكلمات و مات اسلم روحه لخالقه تاركا ليله تصرخ بقوه قائله ……..)
ليله : اسامحك على ايه يا ابوي جولى طيب اسامحك كيف من غير ما اعرف على ايه لا ما تموتش اكده فهمني الاول جوم رد عليا…
بدر : جومي يا ليله بزياداكي خلاص ما عادش ليه لازمه حديتك…
ليله : كيف يعني لا لازم يجولي على كل حاجه جوم يا فراااااااااااج….
بدر : جولتلك خلاص يا ليله عمي مات ما فيش رد لسؤالاتك…..
ليله : لا لازم يكون عنده رد ليا مش هو يرتاح و انا اتجنن جوم يا فراج فهمني ليه 28 سنه عذاب لازم تتكلم ما تموتش دلوك…….فراااااج…
( ظلت ليله تصرخ بتلك الكلمات فما كان من بدر سوا أن حملها وهي تصرخ وتنتفض بين يديه تحاول النزول وهو يحملها متجها بها للخارج لتصرخ قائله…….
ليله : نزلني يا بدر لازم يجولى ليه عمل في إكده يا فرااااااج يا ابوووووووووي….
بدر : مش هنزلك لازم تفوجي ابوك خلاص مات يا ليله ….. ابوك مات فاهمه يعني ايه مات…..
ليله : بجولك هملني يا بدر انا مش عيله صغيره لازم يجولى انا مين انا ليله و لا ابو الليل ليه خلاني عايشه مجسومه نصين انا مش فاهماني انا مش عارفه انا عايشه كيف……
بدر : بكفاياكى يا ليله انا جولتلك انتى ايه …..انتى ليلة حبيبتي ومراتي انتى ست مش راجل ابوكى مات افهمي بجى حرام عليكى إكده……
ليله : طيب نزلنى هسأله سؤال واحد بس وهمشى طوالى….
بدر : ولا نص سؤال ….مش هيرد عليكى صدجينى…ما توجعيش جلبى عليكى ……
(اوقفهم و هدأ من عصبيه ليله صوت رزة وهي تقترب منهم حامله ظرف اصفر كبير قائله……..
رزة : سيبيه يموت ويرتاح يا ستي وكل اجوبة اسئلتك هو سايبهالك جبل ما يموت في الظرف ده و وصاني اسلمهالك بيدي..……..
(وقتها فقط انزل بدر ليله ارضا وظل ينظر لها بخوف بينما هي امسكت الظرف ونظرت لبدر بقلق واضح ففتح بدر احدى الغرف ودخل هو وليله واجلسها فوق الفراش فامسكت ليله الظرف تفتحه بخوف ليقول بدر….
بدر : فيه ايه الظرف ده يا ليله خليني اشوفه انا احسن…
ليله : لا يا بدر أنا ايلى هجراه..دى وصية ابوى ….
(اخذت ليله ظرف ابيض من داخل الظرف الاصفر كان عليه اسمها فتحته وامسكت بورقه وبدات في القراءه وكان محتوى الرساله هو…((إلى ابنتى الغاليه ليله )))
فراج : ((لما تكون الورجه دي بين ايديكى يا ليله هاكون انا ميت بالتاكيد عايزك تسامحيني يا بنتي على اي حاجه عفشه عملتها في حجك زمان ابويا واخويا عملوا حاجه انتى اللي اتحملتى نتيجتها لما ابويا وجد بدر اختلفوا على حته ارض كانوا عايزين يشتروها دخل صابر اخوي في الجصه ولعها ودارت عركه كبيره بين العيلتين مات فيها جدك وجد بدر امك حسنات كان مر عليها وجت طويل ما كانتش بتخلف وبعدين عرفت ان عبد الله خلف بدر جالي صابر وجالى عبد الله خلف ولد واكيد هيجي اليوم اللي يبعته ياخذ بالتار منيك بس انا جولتله لا عبد الله عاجل اكيد فهم ان ما فيش تار لان الاتنين ماتوا جالى بكره تشوف وبعد تلت سنين امك كانت خلاص حملت فيكى وجربت تولد جالي صابر مره تانيه وجالي ان عبد الله عارف انها حامل وهتولد وحالف انه لو ولد يجتله وياخد بالتار ولو بنت هيخطفها ويرميها في الصحرا كلاب السكك تنهشها دخل الشك لجلبي ومن غير ما اروح أسأل عبد الله لما امك خلفتك و ماتت وسابتني جررت انى اعيشك راجل باسم ابو الليل اجسى جلبك على كل الناس خفت على عرضك يا ليله ليكون عبد الله هينفذ صح اللي عمك وصلوا ليا علمتك ضرب النار وماسك السلاح خليت ما فيش في جلبك رحمه حرمتك من كل حاجه حلوه و مسكتك بدل العروسه نبوت انا عارف اني ظلمتك بس انا عملت اكده عشان احميك جولت انك تبجى راجل يخاف منه كبير وصغير احسن ما تبجى بنت يدوس عليها الناس خليتك تعرفى ان بدر عدوك واجنعتك إن ليكى عنديه تار من خوفي عليكى لايجتلك وياخد بالتار اللي مالوش وجود جولت تقتليه انتى الاول بس كنت غلطان لما كنتى خاطفاه اه كنت بموت من الخوف عليكى وانتى معاه لوحدك بس كنت بصبر روحي وعارف انك جويه ويوم ما رجعت يدك في يده وجال هيتجوزك وجه عبد الله طلبك وقال لي يومها على الكلمه اللي دمرت جلبي ان ننسى الجديم ونفرح وان مفيش تار من اصله لانهم جتلوا بعض عرفت اني ضيعت عمرك كله في وهم حاطه في راسي عمك صابر ونفذت أنا من خوفي عليكى…. ليله انا عايزك تسامحيني يا بنتي وحرصى من ولد عمك رعد ده كيف الثعبان انا كتبت باسمك كل حاجه وكمان وصيتي ليك انك متاجليش فرح زينه اخت بدر انا عرفت أنه يوم الجمعه كفاياك حرمان من الفرح افتكريني بالخير واعرفي ان ابوكى عاش طول عمره يطلع عليكى من ورا بابا اوضتك وهو خايف عليكى و سامحيني يا بنتي ….فراج…..
((قرات ليله تلك الرساله وانهمرت الدموع من عينيها بغزاره وقعت الورقه من يدها وهي تقف تنظر لبدر بصدمه قائله ……))
ليله :طلع كان خايف عليا يا بدر…. كان بيحميني يعني كان بيحبني… ابوي مات يا بدر من غير ما يشوف في عيني نظره حب واحده ولا خوف عليه انا ظلمته جوي انا…. انا تعبانه الحجني يا بدر……..
((قالت ليله تلك الكلمات ووقعت مغشيا عليها بين ذراعي بدر فلتقفها بدر برعب على حبيبته التي تلون وجهها باللون الاصفر تكسوه الدموع قائلا……….
بدر : ليلللللللله ردى عليا ما توجعيش جلبي يا حبة عيني…
((حملها بدر بين يديه وخرج بها مسرعا للسياره وقاد متوجها لمنزله وعند وصوله حملها متجها لغرفتهم وعندما راتهم زينه وجابر وعبد الله ايضا ركضوا خلف بدر للاعلى وما ان وصل وضعها فوق الفراش بخوف فسالته زينه عما حدث قائله……
زينه : يا مري مالها ليله يا بدر ايه اللى صابها جولي…
بدر: مش وجته يا زينه ….جابر انا عايزك تروح دوار السيوفي عمي فراج مات من شويه جولهم انك تبعي عايزك تجوم باللازم يا جابر عايز خارجه ما حصلتش في سوهاج كلها فاهم….
جابر : امرك يا ولد عمي انا على هناك طوالي ربنا يرحم امواتنا….
عبد الله : فراج مات معجوله الله يرحمك يا فراج اكده عملتها وسبجتني…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ثأر الحبيب)
