رواية فضيحه في الحي الشعبي الفصل الأول 1 بقلم منة محمد

رواية فضيحه في الحي الشعبي الجزء الأول

رواية فضيحه في الحي الشعبي البارت الأول

رواية فضيحه في الحي الشعبي الحلقة الأولى

دخلت انصاف شايله شنطه السوق وندهت ع مراه ابنها بصوت عالي ردت عليها حفيدتها ان امها بتحضر الفطار وخالتها مشت من بدري
انصاف دخلت ع مراه ابنها وحطت الشنطه وسألتها: اسماء هي فين اختك ايمان
اسماء لفت بهدوء: راحت تدور عن شغل من الصبح
انصاف بعصبيه: راحت تدور عن شغل من فجر ربنا سامع يا عاكف اخت مراتك خرجت من فجر الله تدور عن شغل الفيلم القديم ده اتعمل علينا كذا مره وبقي بايخ سامعني بس بعرفك لو جات وملقتش شغل تدبر مصاريف اكلها وشربها لنفسها فاهمني ولا مش فاهمني
عاكف بسخريه: هي مش عاجبها العجب ولا الصايم في رجب عايزه تقعد ع مكتب
اسماء: ان شاء الله تلاقي شغل قلبي بيقولي كده
انصاف: كله بسببك يا اسماء كله بسببك الاسعار ومصاريف البيت مبقتش مقضيه عندك عيلين اقلقي عشانهم بصرف كل يوميتي ع عربيه الخضار ع اكل اختك
اسماء بصوت مخنوق : دي بتاكل لقمتين بس يمه ومش بتطلب اي حاجه تانيه ابدا
انصاف بزعيق: سامع مراتك ازاي بترد عليا احنا ياختي مش مسؤلين عن اختك لو كانت امكم ماتت وابوكم عايش لنفسه وكل يومين يتجوز يبقي قله ادب
عاكف باستهزاء : قله ادب ايه ده راجل وقح هو مبسوط بحياته الجديده مع مراته العيله وشهر عسله الي مش بيخلص ابدا ولا بيسأل ع بنته الي احنا ربناها واهتمينا بيها ومش بيبعتلها قرش واحد وبقيت مضطر اجوزها واجهزها بس بعرفك انا مش هجوزها بدري امه البت دي تشتغل الاول وتصرف ع عيالي ودروسهم
اسماء بغضب: ليه وانت روحت فين عشان الي تتحمل مسؤليتهم
انصاف: اخرسي ليك عين تحاسبيه
عاكف قام وقف قدامها : هو انتي قلقانه عليها مش ع جوزك الغلبان الي طافح الدم طول الليل والنهار
اسماء نزلت دموعها وهي واقفه تبصلهم قد ايه اشرار
عاكف اتنرفز وزقها في كتفها بقوه: متنزليش دموعك غوري من قدامي في اي داهيه نوحي هناك زي ماتحبي وبعدين فين شاي امي اعملي الشاي لـ امي
انصاف شوحتلها: يله غوري امشي
عاكف: اشربي الكوبايه بتاعتي
انصاف: اشربها انت
عاكف: خديها يمه دي من غير سكر
انصاف: ناولني لقمه عيش بسرعه اطفح
……………………قصص منه محمد كاتب…………………
بالليل قاعدين قدام البيت وبيتكلموا بعد ما الكل خلد للنوم
اسماء: عملتي ايه يا ايمان اشتغلتي
ايمان بحزن: الراجل صاحب الشغل طلع سـ افل يا اسماء مفكرين عشان البنت محتاجه هتبيع نفسها حتي لما يبصولها للجواز يبصوا معاها ايه وهتجيب ايه واي شغلانه طالبين البنت متحرره مش ملتزمه بحجابها اما بقي البنات الي بتلعب بالبيضه والحجر بياخدوها حتي لو مكنش معاها شهاده بس المهم تعرف تسعد صاحب الشغل وزباينه كويس
اسماء بحنيه: عشان كدا منعتك تطلعي تدوري عن شغل وبعدين انتي يادوب معاكي دبلوم وعشان تتوظفي محتاجه واسطه كبيره فين الوسطه الي عندك كنتي بتدي دروس وحالتك ماشيه قوليلي ايه الكلام الي حرق دمك وخلاكي تطلعي تدوري ع شغل عاكف ولا امه
ايمان: محدش قال حاجه بس انا عندي عيون وشايفه الحمل زاد والمصاريف كترت ولو اشتغلت في شركه وقتها المرتب هيبقي اكتر واقدر اساعد وعشان ابقي صريحه معاكي مش عايزه ولادك يدخلوا مدارس حكومه زي خليهم يبقي معاهم لغات ويشتغلوا في اماكن محترمه
اسماء: بس تعليم عيالي مش مسؤليتك انا الي عاجزه اساعدك وبدعي ليل ونهار يجيلك ابن الحلال وينتشلك وياخدك بيته
…………………………..
دخل لابس بنطلون جينز ازرق ساقط وقميص كروهات بالاوان فاقعه ورافع نضاره شمس ع شعره وكرشه قدامه مترين
نظمي دخل سحب كرسي وقعد وقال لعاكف: بقولك ايه حاول معاها بسرعه
عاكف: لو كان بأيدي كنت جوزتهالك وقتي لكن ما باليد حيله لما بجبلها سيرتك بيركبها الف عفريت بسكت ومبقدرش اتكلم معاها والبركه في سمعتك سابقاك
نظمي: وهي معقول هتفضل ترفض لا انا مش هتحمل
عاكف بشخط: اعملك ايه حسن صورتك قدامها قد ما تقدر
انصاف بتفتح في الكياس بفرحه : يا بني ايه لزومه كل الحاجات دي تجيبها
نظمي: ده واجبي يا خالتي انا واحد منكم ونسيب لعاكف
انصاف هزت له دماغها بأبتسامه: عندك حق يابني
نظمي: خالتي اقنعي ايمان توافق عليا انا طلبت ايدها من فتره طويله
انصاف واحنا مش هنلاقي احسن منك ده انت ابن اختي واهلك ماشاء الله عندهم محلات موبيللات وانت وسيم وزي الفل
نظمي: وده الي بقوله لو ابنك ينجز كان زمانها ملكه في بيتي خالتي انا مش عايز منها اي حاجه هخدها بشنطه هدومها حتي دي مش عايزها انا بحبها
عاكف: هو انت عبيط معقول تاخدها كدا ده اهل الحاره لسانهم اطول من الرصيف اديني المهر وانا هتصرف
اسماء بحده: مفيش داعي حد يقلق ع مستقبل اختي هجوزها للي يستاهلها ووقت ما اقرر انا
نظمي ليه كده يا ام هادي الغلط
عاكفاتك ع اسنانه: خشي جوه لحدما نكمل كلامننا
اسماء اتعصبت منه: ليه انت بتتكلم عن جواز اختي وعايزني اخش جوه
عاكف بحده : هو انا مش بقولك خشي جوه
اسماء بنفس الحده: وانا مش هخش جوه
عاكف رفع ايده وضربها بالقلم وهي حطت ايدها ع خدها ومبرقه عيونها بصدمه
نظمي اتوتر وقام من مكانه :انا ماشي وهاجي بعدين
عاكف عيونه بشر ع اسماء وسلم وهو بيقول: تمام نتقابل بعدين
انصاف بصتلها بغل وقالت: هو انتي يا بت متعرفيش حاجه عن الاحترام تصغري جوزك قدام الغريب
عاكف زعق: بتهنيني قدامه يله خشي جوه امشي
……………………قصص منه محمد كاتب………………..
في غرفه نومهم الخاصه
عاكف: انا زعلان عشان ضربتك جامد مكنش قصدي بس قوليلي ايه سبب اعتراضك ان ايمان تتجوز نظمي
اسماء بصتلته: لانه دخل السجن بتهمه التحرش بالبنات ومشاكله مش بتخلص وبيشرب خمره وبيلعب قمار والمحل مديون ازاي اجوز اختي من واحد مش قادر حتي يعيش نفسه
عاكف: اظن عارف كلام الناس فالحين يرموا التهم ونظمي واحد مظلوم بس انتي مع كلامي البنات الي بيرميهم ابوهم ويتخلي عنهم مش بيتجوزه من ظابط ولا رجل اعمال احمدي ربنا انك متجوزه وعايشه في بيت محترم غير كده مكنش حد هيبص في وشك وكنتي زمانك مخلله في بيت ابوكي بتخدمي مراته زي السندريلا ومحدش هيجي يدور عن جزمتك اعقلي واسمعي الكلام انا كبير العايله وهجوزها وانتهي الكلام
اسماء بخوف: لكن يا عاكف
عاكف بتعصيب: رجعنا لـ ام الكلام تاني لو مش هتقتنعي هقوم اضربك وانا متفق مع كل كلامك ع نظمي بس هو شاب متهور بس قلبه طيب وصدقيني بكره حاله يتصلح ويستقيم لما يتجوز ايمان كل الشبان كده قبل الجواز طايشين اما بعده بيعقلوا ويستقيموا ع الصراط واختك هتخليه يستقيم صدقيني
اسماء: قلبي مش مقتنع بالجوازه دي
عاكف بغيظ: وانا اعمل ايه لقلبك واحساسه اسمعي ليا وفكري ويله اطفي النور ونامي عندي شغل الصبح
…………………………………………………….
في قصر كبير الكل بيجري شمال ويمين في استقباله وبعد سلام طاغي قعدوا ع السفره
عزت: بجد يا تميم رفعت راسي لما اخدت الصفقه خلتني افتحر بيك
تميم بغرور: شكرا يا خالي بس مكنش فيه داعي ابدا بستقبالي بهتمام للدرجه دي
علا: فيه سببين الاول هو نجاحك في الشغل وخمن انت التاني
تميم: وانا هعرفه منين قولهولي بنفسك
علا بأبتسامه واسعه: النهارده عيد ميلادك واتصلت بيك وفكرتك
عزت : وانا اتصلت بيك بالليل وقلت لك كل سنه وانت طيب علا يا بنتي ايه اخبار التورته الي عملتهاله لتكون اتحرقت
علا بضحكه: لاء انا جهزتها قلت ناكل الاول وبعدين اقدماله
صبا والده علا قالت له : علا عملت لك التورته بنفسها
كاريمان ام تميم: فعلا عملتها مخصوص عشانك صحيت من بدري تعملها يله هاتيها يا علا
علا : حاضر يا عمتو
صبا بتقدمله الاكل: اتفضل يابني
تميم: طبعا هتفضل بس الاول ماما تتفضل
كاريمان اخدت منه مبتسمه: شكرا ياحبيبي يله كل
تميم عاقد حواجبه: بس غريبه اول مره تهتموا بيا وبعيد ميلادي حتي لما اخدت الشهاده وكنت الاول ع الجامعه محدش فيكم اهتم بيا هو فيه حاجه
عزت: ابدا عملت الشغل الي يخليني افتخر بيك
علا للخدم : حطوا التورته والهديه هنا
تميم لف وبص لحاجه متغطيه ع لوح خشبي وبسؤال: ايه ده
علا بسعاده: مفاجاه ليك
تميم وهو بيقوم من مكانه: هقوم اشوفها
تميم رفع الملايا الحمره وكانت صورته مرسومه بالفحم
كاريمان بصت للصوره : الله دي حلوه اوي
تميم ابتسم ع جنب وقال: فعلا نايس
علا بنظرت حب : كل سنه وانت طيب
تميم بجفاء : شكرا
………………..قصص منه محمد كاتب…………………..
واقفين فوق السطح بيلموا في الغسيل
ايمان بصتلها : فيه ايه مالك مكشره كده
اسماء: عشان ربطوا اسمك بأسم نظمي
ايمان رفعت كتافها: الوضع الي عايشين فيه هيجب لي ايه غير واحد زي نظمي
اسماء: وانا مش هجوزك منه انا مش عايزكي تعيشي عيشتي ولا تتحملي الي انا مستحملاه
ايمان ابتسمت بقهر وقالت: وانا اختك ومعنديش مميزات كبيره عشان يجيلي احسن من نظمي ويتجوزني ويمكن اتجوز في بيت زي بيتك
اسماء بعصبيه : متقارنيش نفسك بيا دايما انتي مش هتعيشي في ذل زي ايه الي ناقصك جميله وسمعتك زي الجنيه الدهب وقلبي بيقولي ان رب العالمين هيكتبلك نصيب حلو اوي اصبري وهتشوفي
ايمان: متخلنيش احلم بالامراء انا بنت بسيطه جدا احلامي ع قدي عمري ما حلمت بألامير الي هيجي يخطفني من هنا سيبك انا كل همي القي شغل واعتمد ع نفسي في كل حاجه
اسماء بنزلت دموعها: متقوليش انك مش عايزه تتجوزي انتي مش عارفه قد ايه قلقانه عليكي وع جوازك ومستقبلك
ايمان: وهو الضمان ع المستقبل هو الجواز وبس
اسماء: معنديش اجابه بس ايوه الجواز اهم حاجه في الحياه وخصوصا للبنات الي زينا الي ملهمش اهل
ايمان: انا بعترف الجواز مهم لكن الي اهم منه ان تكون العلاقه مبنيه ع السعاده مش عشان نحول حياتنا لجحيم
اسماء: وانا بدورلك ع الافضل
ايمان: وانا مش بدور ع احسن حاجه انا نفسي في راجل يحبني ويحترمني ويمكن يبقي عادي في ظروفه الماديه الاهم يكون ابن حلال ومخلص وصادق معايا
اسماء: ان شاء الله ده الي يحصل معاكي
ايمان قربت عليها وضمتها واسماء اخدتها جوه حضنها وهي بتمسح ع شعرها
استوب ورايكم في اول حلقه عشان اكمل وتعالوا نشوف هيحصل ايه في ايمان