رواية غمرني بحبه الفصل التاسع عشر 19 بقلم سحر السحرتي
رواية غمرني بحبه الجزء التاسع عشر
رواية غمرني بحبه البارت التاسع عشر
رواية غمرني بحبه الحلقة التاسعة عشر
*بدى القلق على وجه كريم ولكنه اراد ان يخرج سهر من هذه الحاله
: خير يا دكتور اسف ليه … اسف ان الاشعه ما كانش ليها لازمه صح والموضوع بسيط
: هو الموضوع بسيط لو مشينا على التعليمات
: طب كويس يا سهر شوفتي
سهر : كريم ممكن تسكت الدكتور ما قالش الاشعه فيها ايه
الدكتور: في ورم في المخ بس الحمد لله حميد مش خبيث
سهر :بمعنى اوضح المشكله فين
:هو في مكان حساس عشان كده ماثر على عينك وعامل الصداع و الدوخه اللي بتحصل
: والعلاج ايه
*صمت للحظه : عمليه
سهر :لكن
كريم: ايه يا سهر العمليه مش خطر
:كريم خليني افهم ولكن يا دكتور
:العمليه مش مضمونه لازم اللي يعملها يكون شاطر والا ممكن تحصل مضاعفات واثار جانبيه
:زي ايه
: ممكن تفقدي البصر او القدره على الحركه او اي ضعف في اي مكان
:طب ولو ما عملتش العمليه
:للاسف لازم تتعمل لان ممكن ياثر على العين مثلا او اي شيء ما فيش حاجه مضمونه وخصوصا انه بيكبر بس بيبكر ببطء
: ممكن استنى قد ايه على ما اعمل العمليه
: ليه
:اسباب شخصيه
*كريم بحده وقلق
: اسباب ايه
:يعني فاضل شهر ونص على عيد جوازنا ونفسي احتفل بيه مش ضامنه اطلع من العمليه سليمه او اطلع منها اصلا
:ايه الكلام الفارغ ده ازاي ما تطلعيش
:اسال الدكتور صحيح الكلام ده
:للاسف احتمال ….. الورم في مكان حساس لو ما اتشال بدقه ممكن …وكله بايد ربنا
*بدا كريم بالتحدث بعصبيه لكن سهر امسكت يده
:ما تخافش انا هبقى كويسه
:اكيد يا حبيبتي
بقلمي سحر السحرتي
*لمعت الدموع في اعينهم
: انا هشوف احسن دكتور يعمل لك العمليه و هعمل حفله كبيره بمناسبه علاجك وعيد جوازنا مع بعض
: لا هعمل العمليه بعدها وما فيش حفله انا وانت بس
:دكتور عايز اسماء احسن دكاتره بتعمل العمليه دي و ايميلاتهم
:هبعت لحضرتك كل حاجه
*اخذ سهر وعاد الى المنزل لم تتحدث بشيء في الطريق سوى بضع قطرات من الدموع
*دخلت الشقه توجهت الى الحمام توضأت وصلت وأطالت السجود
*بعد انتهائها قالت لكريم بمرح
:هعمل فشار و نتفرج على فيلم سوا وكويس ان بكره اجازه نروح القريه الريفيه و نركب خيل و هسبقك المره دي صح
*قام باحتضانها وقال بكل حب
:عيطي يا سهر خرجي اللي جواك
:مش عايزه اعيط انا صليت ودعيت ربنا ورميت حملي عليه بطل نكد بقى مش هنتكلم في اي حاجه بخصوص الموضوع ده
:سهر انا من بكره هعمل اجراءات سفرنا عشان تعملي العمليه
:كريم انا قلت اللي عندي مش هعمل حاجه قبل عيد جوازنا ما تتعبش نفسك
:بس كده ممكن تتعبي
: انا كده تعبانه وكده تعبانه يبقى اعمل اللي هيبسطني و اخليك تقفل سنه معايا بعدها تعمل اللي يعجبك تطلقني تتجوز واحده ثانيه هتبقى حر
*امسكها من ذراعها بعصبيه
:يعني ايه التخاريف اللي بتقوليها دي اطلق ايه و اتجوز ايه انت واضح ان الورم اثر على تفكيرك اذا كان في حياتي قبلك لكن مفيش بعدك
*ثم احتضناها بعنف
: انت الحب كله انا ما اقدرش ابعد عنك لحظه ….مفكره اني زهقت منك وانت معايا في الشغل والبيت ….انا كل دقيقه بتعلق بيكي اكتر
*اخذ يقبلها بجنون في كل اجزاء وجهها ويبكي
: انت متخيله ان لو جرى لك حاجه هقدر اعيش من غيرك … انا قابلك كنت عايش ميت وبعدك برده
*بكت وهي تحتضنه
:لو ما متش هتقدر تستحمل اتشل او ابقى عاميه
:كفايه انك هتبقي جنبي وفي حضني
:هتستحمل لغايه امتى … انت كراجل عايز حب واهتمام وده الفتره الجايه مش هقدر اعمله
:اخذته كل اللي كنت محتاجه اخذته وزياده يكفيني العمر كله شفت منك حب وحنان واهتمام يكفي الدنيا كلها لو عشت عمري الباقي عليه هيكفي ويفيض
: كريم انا فكرت كويس احنا لو بعدنا عن بعض و اتطلقنا الم البعد بالطلاق هيبقى اخف من الموت
: ليه بتجيبي سيره الموت
:لانه وارد
: ما تقوليش كده
:اسمعني للاخر و هتعرف ان معايا حق لو مت هبقى طليقتك و هتعرف تعيش مستريح …. لو حصل مضاعفات برده مش هتبقى ملزم تتحمل او تخدم واحده مشلوله او عاميه … اما لو بقيت كويسه هنرجع لبعض ونعيش سوا زي ما كنا
: للدرجه دي مش شايفاني راجل اقدر اشيل مراتي واقف جنبها
:انت ليه دايما شايفها كده ليه ما تحسبهاش زي ما انا بحسبها اني بحاول اخليك تشعر باقل درجه من العذاب …. لو جرى لي حاجه انا متاكده انك بتحبني وهتتعذب في بعدي
:فعلا واضح اني بحبك وفي اول اختبار بتخلى عنك
:كريم احنا هنتفق دلوقتي يوم عيد جوازنا هو نفسه يوم طلاقنا ولو مش موافق هبدأ اجراءات الطلاق من بكره
: ليه بتعملي كده
:عشان انا عندي 26 سنه لو جرى لي حاجه هتتحملني سنه اثنين وبعدين هتقدر تتحملني بقيه عمري ما أظنش مش هستحمل أهمالك او شفقتك طول الطريق وانا بفكر لغايه لما لقيت أن ده الحل المناسب
: سهر حبيبتي كل دي افكار بعيده تماما عن الصحه كلها غلط بسبب صدمتك تفتكري لو بدلنا الادوار وانا اللي حصل لي كده هتسيبيني
:انت عارف الاجابه عمري
: يبقى ليه مستكتره عليا اقف جنب حب عمري … انا بقى عندي 40 سنه كنت بدور عليك في كل الستات اللي عرفتهم ولا واحده فيهم كملت جزء من اللي كنت بدور عليه انت كملت كل الاجزاء بضحكه منك
*قام بتقبيلها بشغف وعنف كي يشبع من شهدها وحبها التقطت انفاسها وقالت وهي تبكي بحرقه
:كريم انا خايفه قوي
*احتضنها بقوه
:خافي بس طمني نفسك اني بحبك و جنبك ومش هسيبك مهما كان ومهما حصل
: بجد يا كريم انت عارف ايه اصعب من الم المرض
:عارف يا قلب كريم من جوه
بطلي تفكير طائش بقى انا عايز فشار بالجبنه و هنشغل فيلم كوميدي
*ردت بضحكه وابتسامه
: لا رومانسي
:الرومانسي بتاعك اخره نكد بلاش انت خلاص مثلتيه واخدتي الاوسكار دلوقتي
بقلمي سحر السحرتي
*بعد عده ايام دخل كريم مكتب سهر وكان غاضبا جدا وتكلم بحده
:ممكن افهم انت بتعملي ايه
: ايه يا حبيبي اهدى وبلاش تزعق كده هبتي قدام الموظفين
*قامت ووضعت كف يدها على خده بنعومه فنفضها لاسفل
: عايز افهم انت بتخططي لايه بالظبط
:فهمني ايه اللي حصل بالراحه كده مخليك متنرفز
: عبد الله كلمني ان جنابك اتنازلتي عن اسهم الشركه و رجعتيهم باسمي
*بمنتهى الهدوء و البرود
: وده مزعلك في ايه و منرفزك قوي كده
: بتعملي كده ليه ومن غير ما تقولي لي
:هتفرق في ايه اقول لك انا اخذت قراري خلاص
: ليه فهميني
:حقك يا كريم لو جرى لي حاجه هيبقى ورث و هتلاقي عادل جوز سمر ناطط هنا في الشركه لو له سهم واحد و يضايقك وتقول داهيه في معرفتك و يكرهك في اليوم اللي قابلتني فيه
*امسك كلتا يديها وقبلها
:وانت ليه بتفترضي ان هيجرى لك حاجه
:هو مش احتمال وارد لازم احافظ على حقك ومن الاول انت كتبته باسمي وانا رافضه يبقى يرجع من غير ما تعرف أو اخد موافقتك (قالت بمرح) واحده بواحدة يعني
:سهر لو اكتشفت انك بتعملي حاجه ثانيه من ورايا هسيب لك البيت اسبوع
*بدلال ردت وهي تضع يدها فوق صدره
:ما تخليها ساعه واحده وده برده عقاب قاسي
: يبقى بتعملي حاجه ثانيه
:اه بخطط ازاي هنحتفل بعيد جوازنا انا وانت
:مش مستريح لك
*بنظره بريئه مفتعله
: ده انا غلبانة
*خرج وهو غاضب واغلق الباب بعنف لا يدري ماذا تخطط
بقلمي سحر السحرتي
*مرت الايام وهو متوجس منها خيفه وها هو يقترب عيد زواجهم الخاص
:سهر فاضل ثلاث ايام على عيد جوازنا مش ناويه تعرفيني مخططك عشان اعمل حسابي او من باب العلم بالشيء اعتبريني زي جوزك يعني
: هههههه اكيد بس انا رتبت كل شيء هنسافر نقضي ثلاث ايام زي بتوع شهر العسل وفي اخرهم هقع بين ايديك على الشط زي بطله فيلم حبيبي دائما ايه رايك
*رد بمنتهى العصبيه :انت بتحاولي تعملي فيا ايه بالظبط
:ابدا يا حبيبي بهزر معاك
:هزار سخيف ومش قابله مره ثانيه اوعي تنطقي بالكلام ده
*قبلته في خده
:خلاص ما تزعلش يا كيكو زعلك وحش قوي عايزاك الكام يوم دول تنسى اي حاجه وحشه ممكن تحصل ونقضي يومين حلوين نفتكرهم وممنوع النكد بتاعك خالص
: ده على اساس ان انا اللي بنكد
:طبعا يا حبيبي معروفة الرجاله اساس كل حاجه وحشه و بيلزقوها في الستات
: كده طب تعالي بقى
*حملها بين يديه
:هتعمل ايه
: هعرفك ان انا اساس كل حاجه حلوه و هتشوفي
: استنى مش دلوقتي اما نسافر
:ايه اللي يمنع دلوقتي ولما نسافر
*بضحكه :صحتك يا حبيبي
:انا هوريكي بتتريقي على صحتي
*ظل يكح بعدها كادت ان تسقط من يده وهي تضحك وتربت على ظهره
:بسم الله ما يحسد المال الا اصحابه قول ما شاء الله يا حبيبي وحاسب لا توقعني مش قد الشيء بتشيل ليه
:خدي بالك انت بتغلطي في الشبح
: هههههه لا يا حبيبي نزلني احسن تروح مني وتتحول شبح بجد
:كده يا سهر هوريك
: لا خلاص يا قلبي حقك علي بهزر
:خلاص سامحتك اخر مره تشككي في قدراتي
:طبعا يا حبي
*استعدت تسهر للسفر مع كريم
*قضيا اجمل ثلاثه ايام من حياتهم بين الحب واللعب والضحك
*في صباح اخر يوم استيقظ كريم يستعد للعوده وجد سهر غير موجوده وتركت له رساله مكتوبه
#ماذا كتبت له في الرساله واين ذهبت
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غمرني بحبه)
