رواية وحيد أمه الفصل الأول 1 بقلم رحاب القاضي
رواية وحيد أمه الجزء الأول
رواية وحيد أمه البارت الأول
رواية وحيد أمه الحلقة الأولى
_وقبل ما نبدأ اعرفكم علي بطلتنا النهارده واللي اسمها سميه، ست كبيره وطيبه وعندها ولد واحد كبرته لوحدها بعد ما جوزها راح..
_كانت الست سميه قاعده بتجهز في علب شوكلاته وعلب فاكهه وجاتو، وطلع ابنها محمد من اوضته وقال..
محمد _
ايه يا ماما ده كله؟..
ردت عليه سميه وقالت _
دي الحاجات اللي هاخدها معايا لعروسة ابني…
محمد بضيق _
يا ماما كتير والله ده احنا يدوب رايحين نحدد معاد الفرح، وبعدين انا الفلوس معايا علي قدي..
سميه بهدوء _
لا لا ما تقلقش انا جيبت الحاجات دي من المعاش ، وبعدين نتفق ولا ما نتفقش انا ما فيش حاجه تغلي علي عروسة ابني..
حضنها محمد وقال _
ربنا ما يحرمنيش منك ابدا يا ست الكل..
سميه _
ولا منك يا حبيبي روح يلاا ادخل البس هدومك عشان ما نتأخرش علي نسايبك..
ـ وبعد شويه كان محمد وسميه راحو لبيت العروسه اللي كانت قاعده مدايقه وهما بيتعشو، فا مال عليها محمد وسالها وقال..
محمد _
مالك يا حبيبتي ايه اللي مزعلك؟..
ردت عليه اسمااء وقالت _
ايه اللي جاب امك معاك يا محمد؟..
محمد بضيق رد عليها وقال _
هو ايه اللي انتي بتقوليه ده، بقي الست من الصبخ عماله تجهز في الحاجه عشان تجيلك وتفرحك وانتي تقولي كده يا اسماء؟..
اتنهدت اسماء بضيق وردت عليه وقالت _
انا مش قصدي كده يس تيجي في اي وقت الا النهارده.، انت عايز ماما وبابا يقولو ليا خطيبك جايب امه معاه وهو بيتفق وخطيبك ابن امه..
محمد بقلق قال ليها _
لا هي مش هتتكلم ولا هتقوا حاجه، بس بلاش تقلبي وشك عليها كده، واوعدك لو اتكلمت وقالت حاجه انا هعمل عكسها علي طول عشان اهلك ما يزعلوش..
مسكت اسماء ايده وقالت _
تمام يا حبيبي واوعي تزعل مني انا بس خايفه بابا وماما يدايقو والجوازه تبوظ..
محمد بسرعه رد عليها وقال _
لا لا لا ما تخافيش انا هعمل اي حاجه بس الجوازه دي تتم علي خير..
_بعد شويه خلصو اكل وقعدو يتفقو، وقال ابو اسمااء بهدوء..
ابو اسماء _
بس ما كانش ليه داعي الحاجات دي كلها تجيبوها يا ام محمد..
سميه بهدوء ردت عليه وقالت _
دي حاجه بسيطه والله يا حج، انا لو اطول اجيب الدنيا كلها لعروسة ابني هعمل كده..
لوت ام اسماء بوقها وقالت _
ما هي فعلا حاجه بسيطه، احنا الاكل والحاجات دي بنجيبها عادي بس ما شوفناش حضرتك جيبالها هديه دهب ولا حاجه تتباهي بيها بنتي قدام قرايبها..
حست سميه باحراج وردت عليها وقالت _
ما تغلاش عليها ومن عينيا اللي تؤمر بيه العروسه بعد كده هجيبه ليها..
ابو اسماء بجديه _
قولي يا محمد يا ابني انت جاهز علي امتي بقي عشان معاد الفرح واحنا نظبط حالنا؟..
رد عليه محمد وقال _
انا الخميس اللي بعد الجاي يا عمي هكون جاهز حتي القاعه هاكد حجزها علي اليوم ده بعد ما نتفق دلوقتي..
ردت عليه ام اسماء وقالت بضيق _
امممم وانت هتلحق في الوقت ده تجيب شقه لمامتك بعيد عن الشقه اللي هتتجوز فيها بنتي..
قالت سميه بحزن _
هو يعني الشقه جهزناها وكبيره وانا هقعد في اصغر اوضه فيها..
ابو اسماء بحده _
يعني ايه الكلام ده يا محمد هو انت مش قولت ان بنتي هتتجوز وما لهاش دعوه بالست والدتك خالص؟..
رد عليه محمد بقلق وقال _
ما انا عند كلامي يا عمي هي مالهاش دعوه بامي خاالص، كل واحد هيشيل نفسه في البيت وبس..
ام اسماء بضيق _
طيب عشان نتفق بجد بقي المره دي انت ومراتك يبقي اكلكم وشربكم وغسيلكم وكل حاجه لوحدكم ومامتك لوحدها..
اتملت عيون سميه دموع وردت عليها وقالت _
انا ما عنديش مانع لو ابني موافق بالوضع ده وهيكون مرتاح..
_بصت ليه سميه بحزن وكانت من جواها بتتمني ان ابنها يختارها هي وينصفها قدامهم، وهو بكل برود بص لخطيبته وقال..
محمد _
والله لو ده اللي يرضي اسماء يبقي اتفقنا..
ابو اسماء _
طيب يا محمد يا ابني كلم بقي القاعه واكد. الحجز بتاع الخميس اللي بعد الجاي وربنا يتمم ليكم علي خير..
ــــــــــــــــــــــــــــــــــــــــــــــ
_عدت ايام الفرح والفرح نفسه اللي كان جميل وكانت الست سميه فرحانه جدا بيه وان ابنها الوحيد اتجوز وهيبقي ليه بيت وزوجه واولاد، بس اللي حصل لما رجعو البيت..
_في اوضة اسماء كانت مامتها قاعده معاها وقالت ليها بعصبيه وضيق..
ام اسماء _
هو ايه اللي عادي يا بنت انتي، ازاي يعني حمانك يوم دخلتك تبات معاكي في نفس الشقه..
اتوترت اسماء وردت عليها وقالت _
عادي يعني يا ماما هي الست هتروح فين يعني، دي مقطوعه من شجره مالهاش غير محمد..
ام اسماء ـ
يا خيبتك يا بنتي، حماتك دي مش ساهله وقعدتها معاكي هنا اكيد قصدها بيها انها تقولك انها ست البيت وانتي ولا حاجه..
وقفت اسماء وقالت _
يعني اعملها ايه يا ماما هي في حالها وانا في حالي..
ام اسماء بحقد _
لاااا انتي لازم تدبحي ليها القطه من الاول فاهمه ولا لا، اوعي تخليها تبقي هي ست البيت لا ده بيتك انتي وهي اخرها يومين وتمشي اصلها بعد شويه تقولك عيانه وجوزك يقولك امي شليها وشوفيها عايزه ايه وتبقي انتي الشغاله اللي جابه لامه..
اسماء بخوف _
يا نهاار مش فايت يا ماما، لو حصل كده انا هعمل ايه؟..
ام اسمااء _
انا هقول ليكي تعملي ايه…؟؟؟..
_طلعت ام اسمااء وقالت لمحمد اللي قاعد مع جوزها وامه بخبث..
ام اسمااء _
بقولك ايه يا محمد ادخل انت لعروستك والحجه سميه هتيجي معانا تبات عندي النهارده عشان تسيبكم عرسان مع بعض..
حست سميه باحراج من كلامها وقالت _
معلش يا اختي انا بس مش بعرف انام غير في فرشتي، وبعدين هدخل اوضتي وهما مش هيحسو بيا خالص..
لوت ام اسماء بوقها وقالت _
ابقي ارجعي لفرشتك الصبح يا حبيبتي بس عايزين نسيب العرسان مع بعض لوحدهم في ليلة العمر، وبعدين ده احنا بقينا اهل وبيتنا بيتك…
بصت ام اسماء لمحمد بحده وقالت _
ولا انت ايه رئيك يا محمد انا قولت حاجه مش مظبوطه..
خاف محمد حماته تعمل مشكله فرد عليها وقال بسرعه _
لا لا طبعا يا حماتي هو انتي بتقولي حاجه غلط، وانتي يا ماما معلش عشان خاطري النهارده روحي معاهم..
نزلت دموع سميه وردت عليه وقالت _
حاضر يا ابني اللي انت عايزه..
_نزلت سميه مع ابو وام اسمااء وركبت معاهم التاكسي واول ما وصلو البيت دخلت ام اسمااء وقلعت الجزمه بتاعتها وقعدت علي الكنبه وقالت..
ام اسماء بخبث _
يالهوي يا ست سميه اليوم بجد متعب اووي بس معلش بقي ما هي بنتي الوحيده ان ما كنتش اتعب ليها اتعب لمين؟..
سميه بهدوء ردت عليها وقالت _
ايوه طبعا ربنا يفرحك بيها وتشيلي عيالها قريب..
ام اسماء بخبث قالت ليها _
بقول ليكي ايه يا حبيبتي انا والله رجليا واجعيني اووي، معلش بس تدخلي تجهزي لينا الاكل جوه عندك في المطبخ..
بصت ليها سميه بحده وردت عليها وقالت _
معلش انا كمان رجليا واجعيني والله وبتحرك بالعافيه، وبعدين انا ما اعرفش اعمل حاحه غير في بيتي والمطبخ بتاعي ما اتعودتش اعمل حاجه في بيت حد…
اتعصبت ام اسماء منها اووي بس قبل ما تتكلم لقيت جوزها قام وقال لسميه..
ابو اسماء _
معلش يا ام محمد بس ام اسمااء بتحب تهزر وتقول حاجات غريبه، تعالي انا هفتح ليكي اوضة اسمااء تباتي فيها..
سميه بضيق _
تسلم يا حج ربنا يبارك فيك ياارب..
_دخلت سميه عشان تنام، وقربت ام اسماء من جوزها وقالت وهي متعصبه..
ام اسماء _
شايف الوليه اللي نيتها مش خير عماله تلقح عليا بالكلام ازاي، قال بيتي ومطبخي وفرشتي، فرشولها في القبر بدري بدري قادر يا كريم…
ابو اسماء بضيق رد عليها وقال _
يا وليه انتي لمي نفسك بقي الست نايمه جوه، وبعدين خفي تصرفاتك دي عشان بنتك حتي اللي بقيت في بيتها..
ام اسمااء بعصبيه قالت _
شوف هو كمان يقول بيتها قال، وبعدين قولي بقي انت ازاي يا راجل انت تفتح ليها اوضة بنتك وتخليها تبات فيها..
قال ابو اسماء بسخريه _
اومال عايزاني ابيتها فين فوق راسي..
ام اسماء ردت عليه وقالت _
في اي زفت، بس انت اللي قلبك حنين عليها زياده عن اللزوم..
ــــــــــــــــــــــــــــــــــــــــــــــ
_تاني يوم الصبح صحيت سميه وما طلعتش من اوضتة اسماء اللي كانت بايته فيها خالص، ولما اذن الضهر قامت وطلعت استئذنت منهم ومشيت، وحتي محدش هان عليه منهم يقولها تقعد تفطر او يطلبو ليها تاكسي يوصلها، واول ما وصلت بيتها لقيت انها ما جابتش المفتاح معاها فخبطت علي الباب…
صحي محمد وقال _
دي خبطة ماما تلاقيها جات، انا هقوم افتح ليها…
ردت عليه اسماء وقالت بسرعه وخبث _
لا يا حبيبي خليك نايم وانا خلاص صحيت وهروح افح ليها انا..
_طلعت اسماء تفتح الباب بعد ما لبست الروب بتاعها، ووقفت ورا الباب من غير ما تفتح وقالت بحده..
اسمااء _
ايوه ايوه مين؟..
ردت سميه وقالت وهي واقفه علي الباب _
انا يا بنتي افتحي..
قالت اسماء بخبث ـ
انتي مين انا مش عارفه الصوت..
قالت سميه بتعب وهي واقفه قدام الباب _
انا الحجه سميه حماتك يا بنتي..
لوت اسماء بوقها وقالت _
اممممم هو انتي جيتي، طيب اصبري دقيقه وهفتح ليكي..
سميه بتعب _
بسرعه والنبي يا بنتي الخشونه شاده عليا ورجلي وجعتني اووي..
اسماء بحده _
ايوه بدأنا اهو، وبعدين بقول ليكي استني هروح اغير هدومي واجي افتحلك…
سميه بعصبيه قالت ليها _
هو انا لسه هستني لما اروح تغيري هدومك وتفتحيلي؟..
ردت عليها اسماء بسخريه _
اصلك كبرتي علي اللي انا لابساه ده عيب..
_سكتت سميه وقعدت علي السلم بتعب وكل الي طالع ونازل يبص عليها…
طلع محمد من اوضته وقال _
مين اللي كان بيخبط يا اسماء هي مش ماما؟..
ردت عليه اسماء بخبث وقالت _
لا يا حبيبي، انا طلعت وخوفت لا ما تكونش طنط وفضلت اقول مين مين ما حدش رد…
محمد بهدوء _
طيب كويس وما فتحتيش لانها مش ماما والله وواعلم كان مين، ولو كنتي فتحتي وكان حد غريب وانتي بالمنظر ده كنت هدايق…
ابتسمت هي وقال _
وانا عارفه ايه اللي بيدايق جوزي ومش هعمله…
_جهزو الفطار مع بعض وقعدو يفطرو وهما مبسوطين وفجأه الباب خبط تاني وقام محمد فتح وكانت مامته، فا قال ليها محمد..
محمد _
اهلا يا ماما حمد لله علي سلامتك كل ده عند نسايبي ده انا افتكرت انك هتباتي تاني..
ردت عليه سميه وقالت بضيق _
لا يا حبيبي انا جايه من بدري بس قاعده علي السلم..
سالها محمد وقال _
وايه اللي مقعد حضرتك علي السلم يا ماما، ليه ما خبطيش..
ردت عليه سميه بحده وهي بتشاور علي اسماء _
اسال مراتك السؤال ده، مش تسألو ليا انا..
قامت اسماء وعملت نفسها مش فاهمه حاجه وقالت ـ
انا ومالي انا يا طنط هو انا قولت ليكي تقعدي علي السلم…
سميه بضيق ردت عليها وقالت _
هو مش لما انا خبطت من شويه انتي رديتي عليا وقولتي هتغيري هدومك وتيجي تفتحي ليا، بس ما جيتيش وفضلت قاعده علي السلم واللي واللي جاي يبص عليا..
نزلت دموع اسماء بتمثيل وقالت ـ
لا والله العظيم انتي ما رديتي عليا، ولو كنتي رديتي انا كنت فتحتلك عادي يا طنط هغير هدومي ليه عشان افتحلك يعني..
قرب منها محمد وقال _
طيب ممكن تهدي انتي بتعيطي ليه انا مصدقك والله…
اتصدمت سميه في ابنها وقالت اسماء ليها _
بس هي ليه بتعمل كده من تاني يوم جواز ليا بتعمل كده وتنكد عليا، ياريتني سمعت كلام بابا وماما….
بص محمد لماته وقال بحده _
عاجبك كده هي عملت ليكي ايه علي الصبح عشان تفتري عليها كده..
سميه ببكاء _
والله العظيم مش بكدب اللي حصل انا قولته..
اتنهد محمد بضيق وقال ليها _
لو سمحتي يا ماما ادخلي اوضتك دلوقتي وكفايه لحد كده نكد علينا واحنا عرسان…
ـ بكت سميه من معاملة ابنها ليها ودخلت اوضتها، وقعدت في اوضتها النهار كله ولما جاعت اووي طلعت المطبخ عشان تعمل ليها اكل وكانت حاسه ان رجليها مش شايلينها، وكانت اسماء قاعده في الصاله بتكلم مامتها واول ما شافت سميه قالت بحده..
اسماء _
ايوه اهي طلعت من المقبره بتاعتها، لا لا يا ماما كل واحد في حاله طبعا، المهم ما تنسيش تنضفي اوضتي وتمسكي الفرشه اللي نامت عليها وترميها انا مستحيل لما اجي انام مكانها..
قربت منها سميه وقالت وهي مدايقه ـ
انتي بنت مش محترمه..
وقفت اسماء قدامها وقالت بكل برود _
وانتي ست كذاابه ومش محترمه برضو…
_تفتكرو هيحصل ايه؟..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وحيد أمه)
