رواية رحم للإيجار 3 (حب الفرسان) الفصل الحادي والسبعون 71 بقلم ريحانة الجنة
رواية رحم للإيجار 3 (حب الفرسان) البارت الحادي والسبعون
رواية رحم للإيجار 3 (حب الفرسان) الجزء الحادي والسبعون
رواية رحم للإيجار 3 (حب الفرسان) الحلقة الحادية والسبعون
بمجرد قربه من البيت وسكون الشارع ووجود عدد من العربيات السوداء المغلقة علي مسافات متابعدة عن بعضها ده شككه بشكل ملحوظ وخصوصا شخص زي فارس التفاصيل عنده شئ مهم ومستحيل يتغاضي عنه !! وقف بعربيته علي مسافة كبيرة منهم وانتبه لرنين فونه !! سحبه بتركيز وثبات علي كل مكان خاوليه !!
فارس بترقب وجمود : ايوة يا عواد !! هو فيه حاجة غريبة ولا انا شكاك !!؟
عواد علي بعد مسافة كبيرة منه وهو واقف بعيد ومتابع باقي رجالته واللي هما رجالة فارس !!
عواد بجدية : لا مش شكاك !! العربيات دي جات علي فترات ورا بعض وكل عربية فيهم اخدت مكانها وكأنهم مترتبين لمسافة ولسبب معين !! بس عموما احنا واخدين حذرنا كويس ومأمنين المكان كله بالشوارع اللي حاولينا بس ماحبناش نتدخل بشكل مباشر لحد ما نشوف ايه الحكاية وكمان انت توصل !!
فارس اتنهد بقلق : ماسة !! ماسة يا عواد !! فيه حد قرب من الشقة فوق !؟
عواد بنفي وتأكيد: لا طبعا مستحيل !! كل مكان متأمن من هنا لحد شقتك حتي الاسانسير ما تقلقش !!
فارس براحة مؤقته : تمام ! اقفل ثانية وخليك مستعد علشان انا كدة متأكد بمجرد نزولي من العربية الحرب هتقوم !!! تمام !!؟
عواد ابتسم بتأكيد: انها الحرب يا سيدي !!
فارس اتنهد بضيق: ماهو طول ما انت خفيف الظل كدة المصايب مش هتسيبنا !! سلام !
قفل معاه فارس واتصل علي ماسة بقلق !!
ماسة بمشاكسة : كل ده تأخير !! عندك غرامة تأخير وهدفعك دم قلبك بس اشوف وشك !!؟
ابتسم بخبث وراحة انها بخير: وانتي برضوا قد الكلام ده !! انا واحد مجرم وخارج عن القانون مافيش مخلوق يقدر يمشيها معايا ميري ولا يحاسبني !!
مارسة رفعت حاجبها بغرور وتحدي : كدة !! طيب تيجي هنا واشوف قوة القلب دي هتوديك فين يا سيادة المجرم !!؟ وما تنساش انا ماسة الحديدي يا روحي مش اي ست !!؟
فارس اتنهد بحنين : طيب انا عايزك تجهزي كل اسلحتك براحتك لحد ما اجيلك وانا مستعد لاي خساير يا بنت الاكابر !!
ماسة ضحكت بقوة: طبعا بنت اكابر بس هعمل ايه قلبي اتعلق بيك انت وساب كل رجالة الدنيا زي ما تكون مكتوبلي علي جبيني يا ابن السياف !!
فارس بخوف: ماسة عايزاك تاخدي بالك من نفسك الكام ساعة اللي جاية مفهوم !! وفيه عندك سلاحك ! اظن انا علمتك كويس ومش هتخذليني !! اياكي حد يقدر عليكي !!؟
ضاعة ابتسامتها بقلق عليه قبل قلقها علي نفسها : فارس هو فيه ايه !!
فارس بهدوء: مافيش حاجة يا قلب الفارس ! بس احتياطي ! انتي شايفة الوضع الحرج اللي كلنا فيه !! وخصوصا انا وانتي !!؟ مطلوبين احياء واموات !! خاليكي بس مركزة ومستعدة طول الوقت طول ما انتي لوحدك اتفقنا !!؟
ماسة وقتها عيونها كانت علي سلاحها علي الكومود واللي دايما فارس مجهزه ليها وبينضفه بإستمرار ومجهزه علي وضع الاستعداد !! سحبته بخوف وقلق ودقات قلبها بتزيد وتتلفت حاوليها !!
ماسة بتحاول تتماسك بثبات : حاضر ..ما تخفش عليا !! ده انا بنت الحديدي ومرات السياف !! اوعدك التغفيلة اللي حصلتلي المرة اللي فاتت مستحيل تتكرر !! المرة دي يا قاتل يا مقتول !!؟
اتچهمت ملامحه وغضبت وقاطعها بجدية وأمر : قاتل يا ماسة!! لازم تكوني قاتل مش مقتول !! فاهمة !! مافيش اختيار ليكي !! تكوني قاتل غصب عنك !!؟
ابتلعت غصة خوف وشك من كلامه بتأكدلها ان فيه شئ مريب هي مش عارفاه !!!
ماسة بتأكيد: قاتل يا فارس !! قاتل !
فارس اتنهد خوف عليها : طيب انا هسيبك دلوقتي وهرجعلك مش هتأخر !! بس اياكي ثم اياكي تسمعي اي صوت برا او تحت وتفكري تتحركي من مكانك !! انتي في مكانك لحد ما اجيلك واكيد مستعدة لو اي حاجة حصلت بس برضوا في مكانك مفهوم !!؟
وقتها قلبها دق اكتر بخوف وترقب وقربت من شباك الاوضة وعيونها بتدور عليه واتأكدت انه موجود تحت !! وان فيه حاجة هتحصل !! قفلت الانوار ووقفت بترقب وهدوء !!
ماسة بخوف عليه : فارس هترجع بسرعة مش كدة !!؟ اوعي تتأخر !!؟
فارس ابتسم بثقة وحنين : عدي علي ايدك كدة كبيري ساعة زمن واكون قصادك !! ما تخافيش !!! بحبك !!
ماسة بتتمالك دموعها بخوف: ماحبتش غيرك في عمري ولا هينفع احب غيرك !! انت ساكن هنا جوايا !!
فارس بحب : مع السلامة يا روحي !!
قفل معاها وسحب سلاحه واستعد واتنهد بحماس وتحدي وقرب بعربيته بشكل سريع وجرئ من اقرب عربية منهم واصتدم بيها بجنون !! وقتها اشتعلت الحرب فعلا !! زي ما قال عواد !!
*******🌹بقلم ريحانة الجنه🌹*******
دخل بهدوء وكانت العيلة متجمعة !! ابتسم وسلم علي الجميع وعيونه بتدور عليها بلهفة !!
أكمل قرب من جده اكمل الكبير وباس ايده : مساء الخير يا جماعة !! ازيك يا جدو عامل ايه حبيبي !!؟
أكمل الجد ابتسم: بخير حبيب جدك ! انت عامل ايه!! واخبار الشغل في مجموعة رعد ايه !! لو محتاج اي حاجة انا معاك في اي وقت !!
أكمل ابتسم بثقة وغرور ورثها منه في الشغل وكمان من ابوه مروان !!
أكمل : ينفع يا هندسة تقولي انا كدة !! ده انا حتي اسم علي مسمي !! أكمل !! يعني زيك اكمل الناقص وازوده كمان !!؟
أكمل الجد ابتسم : ماشي يا بشمهندس أكمل !! عموما انا عارف انك قدها وكلكم ادها انتم رجالة !! انتم رجالة العيلة اللي جاية !! المهم ما تنساش شغلك انت كمان اياك حاجة تقع منك!!؟
أكمل اتنهد بهدوء: ما تقلقش يا جدو انا متابع كل حاجة وكل الشغل ماشي مظبوط في كل حتة !!
تسنيم قربت منه وشدته من ودانه بعتاب : كدة يا وحش!! تدخل علي جدك علي طول !! طيب وناناه تسنيم ايه !! ما وحشتكش !!؟
أكمل التفت ليه بحب وابتسم وضمها بجنان وباسها من جبينها : ودي تيجي يا أميرة الستات !! ده انت القلب يا جميل !! انا بس كنت برد علي استجواب الباشا !! وكنت هجيلك طاير جوا علشان انا واقع من الجوع وقولت مافيش غيرها ام قلب حنين هتاكلني من ايديها !!؟
تسنيم بلهفة : حبيب ناناه جعان !! حالا يا روحي هجهزلك العشا اقعد انت ارتاح وثواني نتعشي كلنا !! ده انا بستني اليوم اللي بتيجي فيه واشوفك وعيوني تطمن عليك !! ده انت الغالي ابن روحي !! ابن حتة مني !! الله يرحمها ااااخ لو كانت عايشة وسمعتك بتقول جعان !! كان قلبها يوجعها اكتر ما كان تاعبها طول عمرها !! كل ما بشوفك بشوفها قصادي وعنيها عليك وخايفة عليك !!؟
أكمل ضم كفوفها وباسها بحنان وابتسم: الله يرحمها !! لو كانت عايشة ماكنتش هتحبني قدك يا ناناه !! ماهي كانت حتة منك وحنينة زيك !! وربنا حرمني منها لكن عوضني بيكي انتي !! ربنا مايحرمني منك ابدااا ودايما اشوف الحنية في عنيكي كدة !!؟
تسنيم اتنهدت بحنان : ولا يحرمني منك حبيبي ! ياالا اقعد بقي هنا وانا مش هتأخر عليك !!
أكمل الجد بسخرية: مين قدك يا حبيبي !! هي كدة تموت وتلاقي حد تخرج فيه شحنة العاطفة الجياشة اللي جواها !! تقولش انا مش مكفيها !! اتدلع عليها كمان يا سيدي !!
تسنيم بغيظ: وانت مالك انت يا حشري!! بتدخل بيني وبينه ليه !! طبعا ادلعه ده حبيبي ونور عيوني !! اطلع انت منها بس وخاليك بعيد !! بدل والله ما تتعشي الليلة انت فاهم!!؟
أكمل الجد بسخرية: وماله يا حبيبتي بلاها العشا بتاعك انا بقي هشوفلي حتة طرية كدة تدلعني وتعشيني ويمكن ترقصلي كمان!! وانتي خالي ابن بنتك ينفعك !!؟
تسنيم ضغطت اسنانها بغيظ : بقي كدة !! طيب جرب كدة ووريني وانا اخليها خرجتك مش زفتك !!؟
أكمل الحفيد ضمها بحنان ومشاكسة وغمزها : ياستي براحته خاليه يعملها كدة ويورينا !! وانا ليكي عليا اجوزك جوازة جنان واحد يدلعك ويعرف قيمتك يا ست الستات!!؟
أكمل الجد بغيظ وغيرة : امشي يا كلب برا مش عايز اشوف وشك تاني !! تجوز مين يا حيوان !! ده انا حتي لو هموت هموتها قبلي بدقيقة علشان مافيش راجل غيري يقربلها !! بس هقول ايه جحش الله يلعنك !!
تسنيم ضحكت بقوة وقربت من أكمل الجد وضمته بحنان : وهو انا فيه راجل غيرك يملي عيوني يا روحي !! ده انت واخد القلب كله معاك !!
أكمل الجد ابتسم وشدها وقعهدها في حضنه وهو بيغيظ أكمل حفيده : شوفت يا حمار!! ولا تقدر علي بعدي!! ده انا تأثيري قوي يا متخلف مش زيكم !! جيل خرع كدة وبيقع من اول مطب!!؟
أكمل لوي شفايفه بسخرية : كدة يا ناناه !! بالسرعة دي وقعتي فريسة ابتزازه ليكي !! ااااخ منكم انتم يا ستات مافيش فايدة !!؟
حمزة قرب من أكمل وضم اكتافه بمواساه : يا ابني انت بتحلم كان غيرك اشطر !! دول الاتنين دول بالاخص الداخل بينهم خارج علي ظهره ومدفون كمان !! اسألني انا !! بعاني معاهم من يوم ما اتولدت !!؟
فتون ابتسمت : يا جماعة انتم شاغلين نفسكم بيهم ليه بس!! هما احرار بقي !! ثم بصراحة انا طول عمري بحب حبهم لبعض!! دول حكايتهم عايزة فيلم !!؟
أكمل الجد ضم تسنيم بريبة ودراما : اعوذ بالله من عنيكم !! ايه ! مش كدة ! هو الحسد عيني عينك كدة !! مافيش خشي !! خبي نفسك منهم يا روحي دول عنيهم وحشة تجيبك الارض!!؟ ابقي اعمليلنا عروسة واخذأي بيها عنيهم واحد واحد النبراين دول !!؟
تسنيم ضحكت بقوة: هههههه ! عروسة !! بس انا مش بعرف اعمل الحاجات دي !؟؟
أكمل الجد: انا ياروحي اعملهالك !! وانا اللي هشكهم في عنيهم بالابرة واحد واحد وعنيهم الاتنين وححرقها كمان !!؟
كلهم ضحكوا بقوة !! وأكمل الحفيد بغيظ منهم : كدة الحمد لله نقعد نحب في بعض يا هانم وانا افضل جعان مافيش عشا شكلها كدة !؟ انتم كدة يادوب تسحبوا بعض علي اوضة النوم وتبقي ليلة مباركة يا عريس!!؟
تسنيم قامت من حضن أكمل بخجل: اختشي يا قليل الادب انت عيب كدة !!
ولوت شفايفها بقلة حيلة وهي بتغمز أكمل الجد : بس هقول ايه ما انت طالع لجدك !! اسمه ووصفه وشكله!! مجرم زيه !! اقعد يا حبيبي وانا مش هتاخر وثواني هيكون العشا جاهز !!؟
أكمل التفت لحمزة بحرج: احممم !! خالو هي چنا فين !! مش باينة يعني من اول ما دخلت !!؟
حمزة بص لفتون وابتسم هو كان شايف عيونه بتدور عليها من اول ما دخل !!
حمزة اتنهد بهدوء: چنا يا سيدي قاعدة في الجنينة الخلفية معاها اغاني جديدة بتراجعها وتشوف هتختار ايه للالبوم الجديد !! روحلها لحد ما ماما تجهز الاكل هي وفتون !!؟
أكمل اتنهد بحماس وابتسم: احمم !! طيب عن اذنكم اشوفها !!
مشي أكمل بخطوات سريعة ليها بحماس!!
أكمل الجد تابعه بعيونه واتنهد بحزن: حبيبي يا ابني!! الولد ده هو وهي زي مايكون الفرح بيخاف يقرب منهم!! نفسي اطمن عليهم !! نفسي اشوفهم مرتاحين ومبسوطين ! نفسي ربنا يعوضهم عن كل اللي شافوه ومروا بيه!؟
حمزة قرب منه وضم أكتافه برفق واتنهد بحزن علي بنته: ان شاء الله حبيبي ربنا هيعوضهم بكل حاجة حلوة ! هما بيحبوا بعض واللي بينهم مش قليل !! واكيد هيكون اقوي من اي وجع وازمات شافوها !!
فتون قربت منه واتنهدت بحزن ودموع : بس چنا وجعها اكبر يا حمزة !! چنا جواها جرح ما يفهموش الا ست زيها !!
أكمل الجد التفت ليها : مين قالك بس يا بنتي !! الاتنين جواهم وجع كبير وجرح ما تطيبهوش الا الايام والحب اللي بينهم!! زي ما هي في جرح كبير …هو كمان جرح اكبر ما يحسش بيه غير الراجل اللي زيه !! أكمل طول عمره راجل قوي وشديد… واللي حصله ومر بيه يكسر رجولة اي راجل ويهده !!؟ الاتنين يا بنتي محتاجين لبعض!! محتاجين يقوا بعض!! ربنا يسعدهم ويعوضهم !!
قرب منها بخطوات هادية ووقف مكانه وابتسم وهو بيضم ذراعه بغرور وهو بيسمع تسجيل الاغنية بصوتها من غير مزيكا علي اللاب توب الخاص بيها وهي سرحانة وساكتة !!
طب انا جاية معاك ! طب انا همشي وراك ! انا هصدقك وهجرب حظي وهعمل ضمناك !!
ابتسم اكتر واتنهد وهو شايفها بتفتح ملف فيه صور ليه كتير واختارت صورة منهم وقربتها باكبر حجم وهي بتبص في عيونه فيها وتبتسم واتنهدت وكملت كلمات الاغنية مع تسجيل صوتها بحيرة !!
حبيبي اصل عنيك بتقول انك ياما هنا وهناك !!؟
وابتسمت بتنهيدة وحيرة كبيرة من اللي جاي معاه !! ياتري هيكون شايل ليها ايه !! غمضت عيونها بتعب وفتحتها من تاني وهي بتقرب الصورة علي شفايفه وابتسامته في الصورة اللي بتحنن قلبها عليه في كل مرة تشوفها فيها بيبتسم ابتسامته اللي بتسحرها وتغيبها عن كل عيوبه !!!
كان نفسي اقول قلبي في حبك مش جاي !! بس اعمل ايه ! طب همسك نفسي ازاي !!؟
سلمت انا قلبي خلاص ..ياويلي في لقاك !!!
ابتسمت وهي بتتعجب من نفسها !! حتي ميلها للاغاني اللي بتختارها لشغلها بتميل للاغاني والكلمات اللي بتفكرها بيه !! وكأنها انكتبت ليه هو !!؟
چنا بحنين: غريب انت يا أكمل!! حتي في شغلي واخد عقلي وكأن مافيش في الحياة حاجة غيرك تحركني وتحرك كل شئ جوايا!! حتي عقلي !!
كلامي كله عليك عيوني عاشقة عنيك !! حبيبي اوعي تغيب لو يوم عني !! لا انا قد الشوق !!
غمضت عيونها بحنين ليه ولوحشتها ليه وهي بترجع بظهرها ترتاح للكرسي بإسترخاء وتعب !! وابتسمت لاخر كوبليه من الكلمات !!؟
يا ابو عيون جامدين !! انا معاك لو فين !
انا هسلم وهغمض عيني وانت اللي تسوق !!؟
همست بحيرة وأمل ان اللي جاي بينهم يكون اجمل من اللي فات وخالي من اي وجع وجرح !!؟
چنا : هغمض عيوني يا أكمل واسيبك انت اللي تسوق !! هسيبك انت اللي تختار بر نرسي عليه ! بس يارب يكون بر آمان !! يارب يا أكمل !! علشان بجد انا تعبت !!
انتبتهت عليه وهو بيقرب من عيونها بشفايفه ويبوسها وهي مغمضة بحنين ووعد !!
أكمل بحنان: غمضي وماتحمليش هم !! انا خلاص اتعلمت الدرس ومستحيل اسمح لشئ يوجعك او يجرحك في يوم !!
فتحت عيونها بلهفة لصوته ولمسته واتنهدت برجاء!!
چنا بخوف ودموع : انا خايفة !!
أكمل قعد جنبها واتنهد بحزن: خايفة مني!!!؟
چنا بدموع وتيه: خايفة من كل حاجة !! خايفة من اللي جاي! خايفة من الوجع!! خايفة اتصدم تاني فيك وفي نفسي!! جوايا لخبطة كتيرة اوي !! اصوات جوه دماغي بتقول كلام كتير كله عكس بعضه!! صوت يقولي ابعدي واتراجعي …صوت يقولي انتي بتحبيه وهتتعبي في بعده…صوت يقولي بتحبيه ايوة ..بس هو حبه وجع!! صوت يقولي هو بيحبك بجد ومحتاجلك !! صوت يقولي بيحبك ايوة بس حبه اناني !! صوت عاشر يقولي انسي الحب وايامه وجراحه وعيشي لنفسك !!
التفتت ليه وبصت في عيونه بدموع وكسرة : وقتها بتوجع واقول لنفسي طيب ماهو نفسي!! طيب ياريت حتي كان ليا منه حتة تفكرني بيه واعيش ليه العمر كله حتي وانا بعيد عن أكمل !! ارجع وافتكر وجعي !! وجع عمري كله واني مستحيل هيكون ليا منك حتة تربطني بيك!! طيب هو اللي جاي بينا ايه!! احنا حقيقي يا أكمل هنقدر نعدي ونتخطي كل اللي مرينا بيه !! هنقدر نبدأ من جديد بجد!!
شافت لمعة الدموع في عيونه ونظرة عيونه للارض بحزن وخزي وتأنيب لحاله وللي وصلها ليه !! ضمت ملامحه بكفوفها بحنان وبصت في عيونه بأسف…
چنا بأسف: ااانا اسفة!! مش قصدي اوجعك !! بس انا غصب عني مافيش عندي قدرة ولا استعداد اني اقول الكلام ده لاي حد غيرك !! موجعة منك يمكن ! لكن ببقي محتاجة افضفض واحكي ليك انت !! انت السبب في وجعي ايوة ! بس كمان انت الراحة والامان !! بخاف منك تجرحني بس كمان بطمن لما تكون جنبي !! انا جوايا الف حاجة وعكسها يا أكمل !! ارجوك افهمني وحس بيا وماتزعلش مني ارجوك !!؟
اتنهد بحزن : انا مش زعلان منك !! انا زعلان من نفسي زعلان اني كنت السبب اننا نوصل للمرحلة دي وللموقف ده !!؟
هتصدقيني لو قولتلك اني اوقات مش بلاقي لنفسي عذر !! اوقات بشوف نفسي شيطان اني قدرت افكر وقتها في اللي فكرت فيه !! بستغرب هو ده انا !! هو ده أكمل !! لا لا مستحيل يكون انا …انا بحس اني كنت مغيب .. مسحور … فيه شئ كان مغميني ولا عقلي!! برغم اني وقتها كنت رافض في البداية رفض قاطع عرض ماجد!! لكن كل ما بفتكر ان برغم الرفض الظاهر وقتها ده كان فيه شئ جوايا ضعيف موافق وراضي وعايز يغامر !! بقرف من نفسي اوي يا چنا ! بشوف نفسي رخيص و حد تاني غيري مستحيل اقبله!! بحس اني مش متحمل ان الانسان ده عايش جوايا لحد دلوقتي !! حاسس انه واحد غيري مشاركني جسمي وحياتي لكن مش انا !! صدقيني مش انا !!
چنا بآلم لكل ذكري موقف مر علي خيالها بعد كلامه غمضت عيونها بحزن ودموع !!
چنا بوجع: ااااااه يا أكمل !! اااااه من ده امتحان شديد!! انا كمان اضعف من اني كنت اتحمله ولا اتحمل اللي حصل من بعده !!
بصت في عيونه بتيه وانكسار: عارف!! انا كل ما بقف قصاد المرايا وابص علي نفسي وتيجي عيوني علي بطني !! بضمها بوجع مهما اوصفهولك مستحيل تفهمه ولا تتخيله ! بضمها وكأني بواسيها واوسي نفسي بموت وانا بحاول اصدق انها مستحيل تيشل جواها حتة مني …هتفضل بطني دي طول حياتي فاضية من غير رحم يضم حتة مني ومنك مهما حاولنا !! انا موجوعة ! موجوعة اوي يا أكمل ..
أكمل ضمها بحنان وتأنيب لضعفه واللي اتسبب ليها فيه : تبقي مش فاهمة حبي ليكي لما تقولي اني مش حاسس بيكي وبوجعك ! ازاي ما احسش بيكي وانا كنت من قبلك ومازالت في نفس موقفك ده !؟ انتي ليه بتتجاهلي عجزي وعقمي اللي ابتليت بيه يا چنا!!؟
چنا خرجت من حضنه بدموع: بس يمكن انت مع السنين ومع العلاج ومع الصبر يجي يوم وتقدر تخلف ولو حتي طفل واحد بس!! لكن انا مستحيل ده يحصل انت فاهم مستحيل!!؟
أكمل ابتسم بحنان : ولو قولتلك اني عملت اتصالات العالم كله مع اكبر دكاترة في السويد وإيطاليا وعرفت انك تقدري تعملي عملية زرع رحم وتخلفي من تاني !! هتقولي اني برضوا مش فاهم وجعك ولا حاسس بيكي !!؟
چنا محت دموعها وبصتله بإهتمام وتركيز : ايوة بس انا اللي اعرفه انها مجرد تجارب معدودة في العالم كله ولسة مش معترف بيها وكمان مش كل الحالات جسمها بيقدر بستقبل الرحم المزروع ده !! والموضوع كله نسبة بسيطة في النجاح !!؟
أكمل ابتسم : لا ياستي ده كان من كام سنة بس… حاليا الموضوع بقي فيه تقدم اكتر وستات كتير خضعوا للعملية دي وقدروا يخلفوا .. وكمان الدكتور قالي ان من اكتر الاسباب اللي ممكن تساعد نجاح العملية واستقبال الرحم جوه المتلقية ان المتبرعة بالرحم تكون من اقاربها ! يعني اختها ! امها ! خالتها ! وتكون في غير الحاجة انها تخلف تاني الجينات والقرابة بتساعد علي قبول الجسم للرحم المزروع!!
چنا اتنفست براحة وأمل: انت بتتكلم جد يا أكمل!!
أكمل ابتسم بحزن : اكيد بتكلم جد بس ما تنسيش اني لسة زي ما انا عاجز يا چنا ! وده اللي كان جايبني ليكي النهاردة !
چنا بدهشة : مش فاهمة ! تقصد ايه اللي جابك بالظبط !!؟
أكمل اتنهد بوجع وحزن من عرضه عليها واللي مش عارف ردها هيكون عليه ايه !؟
أكمل بجدية : زي ما قولتلك انا كنت بسعي وادور علي علاج لحالتك وان شاء الله نقدر نعملك العملية دي وتنجح وانا هعمل المستحيل علشان ارجعلك الجزء الغالي اللي راح منك بسببي وترجعي من تاني عندك أمل تكوني أم ! حتي لو فيه صعوبة ان طنط فتون تتبرعلك بالرحم او خالتك حياة! هجيبلك متبرعة من أي مكان في العالم ومستعد ادفعلها ملاين الدنيا وكل شئ بملكه بس توافق وتتبرع بالرحم ليكي !! وهفضل جنبك ومعاكي لحد ما تتعافي وتقفي علي رجلك وتقدري تقرري وقتها اذا كنتي هيكون عندك استعداد تكملي معايا وأكمل مشوار علاجي ويمكن ربنا يراضيني انا كمان ونقدر نخلف ويكون لينا طفل من بعض !! او توفري علي نفسك كل المعاناه والصبر دول وتشوفي حياتك بعيد عني !! برغم ان الكلام ده اتقل من صخور العالم علي لساني وقلبي اني اقوله او حتي اتخيله ! لكن مافيش قصادي غير كدة ! علشان من جواكي ما تقوليش حبه أناني تاني !! انا هفضل جنبك للنهاية والاختيار هيكون ليكي لوحدك ووقتها صدقيني مهما كان اختيارك ! لا هلومك ولا هعاتبك !
چنا ضمت ملامحه بحنان ودموع : وانت متخيل بعد كل اللي مرينا بيه وخصوصا بعد كلامك ده انا هقدر اتخلي عنك !! متخيل اني ممكن اعيش في حضن راجل غيرك !!؟
غمض عيونه بغيرة ووجع : بلاش تقوليها في وشي ارجوكي !! الخيال لوحده بيقتلني ! مش قادر اتخيلك مع راجل غيري يا چنا ! هموت !! والله هموت من القهرة وقتها مش هتحمل !! انا وقتها مستعد ارمي نفسي من فوق جبل علشان اموت او لو عشت افقد الذاكرة وانسي اني حبيتك في يوم وانك بقيتي لحد غيري!!؟
چنا ابتسمت بحنان: مستحيل !! مافيش راجل غيرك يملي عيوني وقلبي !! ولا قدرت ولا عرفت اشوف غيرك!! والدليل اني بعد كل اللي حصل رجعتلك برجلي ورميت نفسي في حضنك !؟
أكمل ضم كفوفها لقلبه بخوف ورجاء: يعني مش هتسبيني!! هتفضلي جنبي ومعايا ! هنكمل سوا ونحارب كل اللي بيواجهنا سوا واحنا مع بعض!!؟
چنا حركت رأسها بتأكيد وابتسمت: هنكمل سوا وهنفضل سوا وعلشان تكون متطمن انا وانت حالا حنحدد معاد كتب الكتاب وهنرجع لبعض وكل خطوة هنحاول فيها سواء ليا او ليك هنعملها واحنا مع بعض!! كل أمل هنحلم بيه هنحلم بيه واحنا سوا ومع بعض!! وعايزة اقولك ان حتي لو في النهاية وبعد السعي والمحولات دي كلها وفي الاخر ربنا مش رايد لينا طفل حتي لو انا زرعت الرحم وحتي لو حاولنا في علاجك ومافيش فايدة ! وقتها نتبني طفل ونربيه ونحبه ونعوضه عن حرمانه من اهله وهو يعوضنا عن حرمانا من الخلفة !!
أكمل ابتسم براحة ورجاء من ربنا : طيب انا عندي فكرة !! احنا بمجرد ما نكتب كتابنا ونرجع سوا نتبني طفل وفي نفس الوقت نحاول في حالتي وحالتك ويمكن ربنا وقتها يوفقنا في كل خطوة نعملها علشان الطفل اللي اتبنناه ده !! ولو ربنا رزقنا بعدها بطفل نربي الاتتين سوا واكيد مش هنفرق بينهم علشان احنا دوقنا الحرمان والوجع !! ايه رئيك !؟؟
چنا ابتسمت بسعادة وموافقة: موافقة طبعا !! نكتب الكتاب ونتبناه ! بس بشرط انا عايزة اتبناه بيبي صغير لسة يادوب مولود لو قدرنا !! عايزة اعيش معاه كل التفاصيل وكمان علشان يكبر وهو مش شايف غيري امه ويتعلق بيا ويحبني !! ممكن !!
أمل ابتسم من طفوليتها دي وضمها لحضنه براحة: طبعا ممكن كل اللي تتمنيه وتحلمي بيه ممكن!! ولو مش ممكن انا امكنه علشان عيونك يا چنة عمري كله!!!
چنا خرجت من حضنه وبصت في عيونه بحب : انت اتغيرت اوي يا أكمل !!؟
ابتسم وهو بيداعب خصلات شعرها بحنان : وياتري اتغيرت للاحسن ولا للاوحش!!؟
چنا اتنهدت : تؤتؤتؤ ! للاحسن طبعا وده اللي تاعبني وهيتعبني معاك !!!
عقد حاجبه بدهشة: ليه بس يا نكدية !! ما انتي بتقولي للاحسن اهو !! ليه التعب بقي!!؟
چنا مررت اصابعها علي ملامحه وشفايفه: علشان بقيت اجمل ! واحن !! وحبيتك اكتر !! وححبك اكتر واكتر !! يعني معاناتي معاك هتكون الضعف بعد كدة !!؟
أكمل حاوطها من خصرها بتملك وقربها لحضنه برغبة وهمس: انا اللي في اللحظة دي معاناتي الضعف مضاعف في مليون !! بقولك ايه !! ما تيجي نعمل تيست للدخلة المتأخرة دي دلوقتي لحد كتب الكتاب !! واهو بقي الجنينة واسعة وهواء وخضرة ووجه قمر والليل بنجومه وقمره !! قولتي ايه !!؟
چنا بعدته عنها وضحكت بقوة : هههههه!! وقح يا روحي من يومك !!
أكمل شدها من تاني لحضنه بتصميم: اسمعي بس هقولك ده انا سمعت ان جدك وناناه خروبها في الجنينة دي يمكن وشها يكون حلو علينا وربنا يفتحها في وشنا !!؟
چنا بتضحك بقوة: ههههههههه! بذمتك مش مكسوف من نفسك وانت بتقول ربنا يفتحها علينا وانت عايزنا نخربها قبل كتب الكتاب !! ده انت بجح !؟
أكمل غمزها بوقاحة: يابنتي انتي ناسية انك كنتي مراتي!! علي فكرة انا سمعت ان طلاق المكره لا يقع وانا كنت مكره ومش موافق علي الطلاق ! يعني اعتبري نفسك لسة مراتي !!؟
چنا رفعت حاجبها بدهشة: لا ياشيخ!! مكره !! ده انا اللي هكرهك في حياتك كلها لو ما قومتش تمشي من قصادي دلوقتي !!؟
أكمل بعناد: عليا الطلاق ما همشي انا قاعد اتعشي مع ناناه حبيبة قلبي!! بتجهزلي العشا ماجتش منك يا برطة !؟
چنا قامت وقفت بغيظ: كدة!! بقي انا برطة !؟
أكمل بتاكيد: ايوة..برطة ومعدومة الاحساس والرومانسية اقولك تعالي نجرب الحنينة تقلبيهالي محاضرة وعظ ! روحي منك لله ضيعتي اللحظة الحلوة !!! قال ومطربة المشاعر قال! يجوا يشوفوا الوكسة !؟
چنا بعدت عنه وهو بيراقبها لحد ما وصلت لخرطوم كبير بيستخدموه في الجنينة للزرع والشجر وفتحت المياه بقوة وحطت ايديها في وخصرها بتحدي وبصتله بغيظ!! أكمل قام وقف بتحذير!
أكمل: عارفة ما يكون اللي في دماغي صح! هزعلك اقسم بالله ووقتها مش هعملك زرع رحم بس! لا هعملك زرع مخ علشان هشيل مخك واركب مكانه قلوظ !!
چنا ذمت شفايفها بغيظ : هو اللي في دماغك وهوريك مين عديمة المشاعر والاحاسيس!!
أكمل بيجري وهي وراه بالمياه وغرقته والمياه مندفعة بقوة وغرقته بشكل هستيري كل ده وسط ضحكات منهم خارجة بصفاء ذهن وقلب رايق ومرتاح !! هو كمان شدها بقوة واخد منها المياه وغرقها هي كمان وكأنهم بيغسوا بعض من الهموم والتعب والحزن !! وكأن المياه دي بتمحي دموعهم وخوفهم اللي كان ساكن قلب كل واحد فيهم لحد من لحظات معدودة !! وكأنهم اطمنوا وارتاحوا !!؟
أكمل بعد المياه بعيد عنهم وضمها لحضنه وسط ضحكهم العالي واللي سمع كل العيلة ووقفوا بعيد يتفرجوا عليهم وهما بيبتسموا وسعداء !!؟
أكمل الجد ضامم تسنيم بسعادة: مش قولتلك مالهمش غير بعض!! الواد طالع لجده خطفها في لمح البصر ابن الكلب!!؟
تسنيم براحة: نفسي دايما اشوفهم مبسوطين !! وأكمل حبيبي بالاخص !! ده شاف وجع من صغره يهد جبل !!؟
أكمل بوقاحة: طيب بقولك ايه ماتيجي لحد ما يحموا بعض هما ندخل احنا كمان نحمي بعض ونأجل العشا !! اهي حملة نضافة جماعية بقي !! بس خدي بالك انا هعملك شاور مزحلق ما تقوليش لحد عليه!! هروقك وهضيعلك وجع ركبك ده!!؟
تسنيم ضحكت: هههههه يا راجل انت اتهد بقي !هو انا بقيت حمل شقاوتك دي !! انا كبرت خلاص وانت كمان كبرت اعترف بقي!!؟
أكمل بنفي: لا يا روحي انا لسة شباب !! انتي بس اللي مابقتيش تحبيني !! لو بتحبيني تسمعي الكلام !!؟
تسنيم باسته من خده ولحيته بحنان : خلاص يا روحي اوعدك بعد العشا هعملك كل اللي انت عايزه ولا تزعل !!؟
أكمل بتاكيد طفولي: واحميكي!؟!
تسنيم ضحكت بقوة: هههههه! وتحميني حاضر بس اضحك !!
أكمل ضحك وباسها من جبينها بحب: ربنا ما يحرمني من ضحكتك اللي بتهون عليا كل صعب دي يا تسنيم الحياه كلها !!
دخلت في حضنه براحة واتنهدت : ولا يحرمني منك يا أكمل!! ده ابويا واخويا وحبيبي وابني وكل اللي ليا احنا دنيتنا كلها مع بعض ولبعض من صغرنا !!
أكمل اتنهد وهو بيبص علي چنا وأكمل براحة وسعادة: وهما شبهنا وزينا ! عاشوا مع بعض من صغرهم وشافوا مقاسي ووجع ! ويارب كل ده ينتهي والفرح يدخل حياتهم طول العمر !!
تسنيم بصت عليهم وابتسمت: يارب يا أكمل ! يارب!!
چنا بتلتقط انفاسها بصعوبة من بين ضحكهم : بحبك!
أكمل بيخاد نفسه بسعادة وقرب من شفايفها يبعد عنها قطرات المياه اللي غرقتهم بالكامل وباسها بقوة وحنين ولهفة عاشق !!
أكمل: بحبك! بحبك اكتر من نفسي يا كل نفسي وحياتي! بحبك
******🌹بقلم ريحانة الجنه🌹******
كانت قريبة من مكتبه وهي في ممر المستشفي شافت دكتورة جديدة لسة متعينة عندهم بتقرب من مكتبه ومعاها كوب واضح فيه شئ ساخن !! الغيرة قتلتها وقربت من المكتب ودخلت وراها بهدوء
نور بإبتسامة هادية: انا لقيتك شكلك مرهق وتعبان وانت بتمر من شوية قولت اجبلك اعشاب سخنة تهدي اعصابك شوية !!
سامر التفت ليها وابتسم بهدوء: متشكر اوي يا نور! تعبتي نفسك … بس ديما كانت بتجبلي شاي اخضر دلوقتي ! متشكر تاني ليكي !
نور بغيرة وتردد: هو فعلا انت ودكتورة ديما مخطوبين!!؟
سامر ابتسم بهدوء لانه فاهم قربها منه وتعلقها بيه لكن للاسف هو قلبه متعلق بالغبية العنيدة ديما !!؟
سامر : ايوة ديما تبقي بنت عمتي وخطيبتي في نفس الوقت ! ليه بتسألي !؟
نور بحزن : لا ابدا اانا بس سمعت الكلام ده اول ماجيت المستشفي من قريب بس ليه مش بشوف في ايدك دبلة مثلا !!!
سامر بص لصوباعه اللي بيتمني تسكن فيه دبلتها واتنهد بحزن …
سامر : لا ابدا اصل لسة حفلة الخطوبة ما اتعملتش يعني شوية انشغلات كدة ومشاكل للعيلة وقريب هنعمل الخطوبة وتكوني معزومة فيها !!
نور بصت في عيونه بحزن وحسرة : تعرف!! ديما محظوظة بيك اوي يا دكتور سامر !!
سامر بحرج : احممم ليه بتقولي كدة!! ليه ما اكنش انا اللي محظوظ بيها !!؟
نور بوجع : علشان انت ممكن تتحب من ستات كتير حتي لو كانت من بينهم ديما !! انما انك تحبها هي بالاخص وتكون بالوفاء ده كله ليها!! ده شئ نادر وبجد هي تتحسد عليه !!؟
سامر اتنهد بحزن: وانت عرفتي منين بقي اني وفي ليها !! ايه خلاكي تقولي كدة !!؟
نور بحرج: بصراحة انا سمعت كلام كتير عنكم هنا ومش هينفع اقول مين ولا قالوا ايه!! بس اللي عايزة اقوله انك مش راجل عادي !! انت راجل يتعملك تمثال ! انت نعمة كبيرة في حياة اي ست تحبها !!؟
ديما كانت واقفة برا وبتسمع كلامهم وكانت خلاص فقدت السيطرة علي غيرتها ..دفعت الباب اللي كان موارب بقوة وهي في قمة غضبها !!
ديما بعصبية : انتي مش عندك شغل يا نور ولا ايه!!؟ خير جاية لدكتور سامر ليه !؟
سامر وقتها ابتلع ريقه بترقب لهجوم رياح عاصفة !!
سامر بهمس ضرب مقدمة راسه بقوة: جالك الموت يا تارك الصلاه!! هتفلق البت نصين دلوقتي !!؟
نور بحرج وتوتر : انا!! ااانا اااصلي !!!
ديما بغيرة : ايييييه !! ساعة هنغني انا انا !!
نور بعصبية : هو حضرتك بتكلميني كدة ليه !! هو فيه ايه !! هو فيه حاجة رسمية تمنع اني اجي لدكتور سامر مثلا !!
ديما بتقرب منها بخطوات هادية وشرسة ومتوعدة !!
سامر لوي شفايفه بخوف: احييبه هتاكل البت !!
وقرب منها بسرعة ووقف بينهم : يا ديما مالك بس !! اهدي كدة ومن غير انفعال الموضوع مش مستاهل انا هفهمك !!؟
ديما دفعته هو بقوة بعيد عنها بوعيد : انت تركن هنا خمسة بس علشان جايلك دلوقتي تمام !! بس نشوف الاخت رسمية دي عايزة ايه !!؟
سامر بقلق منها : وانا مالي يا ليمبي دلوقتي ما انتي دخلتي وكنت واقف محترم وربنا هي غباوة وخلاص!!؟
ديما بغيظ منه : قولتلك استني انت دلوقتي احسنلك !!؟
سامر سكت وشاورلها علي شافيفه بسكوت انه مش هيتكلم وهمس ليها بخفوت : حاضر هسكت اتفضلي كليها وقرقشي بالهنا والشفا بس ابقي خدي بالك من العظم البت مسلوعة ومافهاش لحم هتعورك في زورك !!؟
ديما بغيظ: اسكت بقولك احسن هرتكب فيك جناية دلوقتي !!؟
سامر بعد عنها بسرعة ورفع ايده ببراءة واستسلام : حاضر ..حاضر ! اتفضلي
وكمل بخفوت وهو بيبص للسما: يارب !! يارب استرها وما تفضحنا علشان دي يا هتخلي فضيحتي بجلاجل يا هتاخد تأبيدة في البت المسكينة اللي هتاكلها دي !!
ورجع بص لنور لحزن ودراما : قلب امك كنتي طيبة والله وبتعملي اعشاب سخنة !! هبقي اجي ازورك في المستشفي بحزمة اعشاب بقي ده لو فضلتي عايشة وما زورتكيش بيها علي قبرك !! الله يرحمك يا غالية كنتي وردة مفتحة !!؟
ديما وقفت قصاد نور بغيظ ونور بتبص ليها بتحدي: قولتيلي بقي عايزة حاجة رسمي تقولك ممنوع تدخلي لدكتور سامر يا عنيا !!؟
نور عقدت ذراعها بتحدي : ايوة طبيعي ادخله واتكلم معاه !! مش هو مسؤل عن المستشفي دي ولا انا غلطانة !!؟
ديما حركت راسها بتاكيد درامي ساخر: لا عندك حق انتي صح !! لا وكلامك مقنع !!
سامر لوي شفايفه بسخرية : احيييه !! هتعمل منها فتافيت انوار دلوقتي مش نور واحدة!! لازم تتسحبي من لسانك يا نور ماكنتي تسكتي !! دي شرانية انا عارفها !!!
ديما قربت من مكتب سامر واخدت ورقة صغيرة من مجموعة ورق ملون لاصق طبيعي لما بتتحط علي أي مكان بتتلزق وكتبت عليها سامر ممنوع يا نور !!
واخدتها بسرعة ولازقتها علي جبين نور بغيظ وضربتها بكفها في ذراعها بقوة !
ديما: اهو يا حلوة ! حلو كدة ! شوفي دي بقي خاليها لازقة في نافوخك جوه وبرا كدة علشان تفكرك رجلك دي ما تعتبش المكتب ده تاني فاهمة ولا افهمك اكتر ! بس لو فهتك اكتر مش هخلي دكتور في الزفتة دي بما فيهم الدكتور سامر يا عنيا يعرف يلاقي فيكي حتة سليمة بعدها !!
نور اتفاجأت من فعلتها واتعصبت وشدت الورقة بغيظ : علي فكرة انتي انسانة همجية ومش طبيعية ! انتي ازاي دكتورة انا مش فاهمة !! انتي مكانك العباسية او الشارع مش مستشفي محترمة!! انتي خطر علي العيانين والدكاترة كمان !!؟
سامر غمض عيونه بدرامية : غلطت !! غلطت وما كنش لازم تغلط !!
ديما لوت شفايفها بسخرية: بالظبط كدة يا حلوة اصل انا كنت تخصص بهايم وزواحف !! يعني بعرف اتعامل مع قرايبك اللي هما الثعابين والعقارب عارفاهم!!
نور دفعتها بقوة وهجوم : انتي انسانة مستفزة وعديمة التربية وانا هقدم فيكي شكوي في النقابة واقسم بالله هوقفك عن الطب خالص!! انتي شرشوحة حقيقي مش دكتورة !!!
سامر بيقين انها الجولة الاخيرة : انا لله وانا اليه راجعون!! نتقبل عزائك يا غالية !! في الجنة ونعيمها يا نور!! كنتي منورة يا حبيبتي والله بس الله يرحمها لسانها جابلها الكافية !!
ديما قربت منها بوعيد ونهاية للحوار: كدة انتي جبتي اخرك معايا ! علشان انا ماسكة نفسي من الصبح واقول عيلة شبه البرص بلاش امد ايدي عليها بس انتي جبتيه لنفسك بقي هوريكي الشرشوحة دي هتربيكي ازاي!!؟
سامر حك شعره بتفكير وهو بيكلم نفسه: مش برص اوي يعني!! هي ايوة تشوفيها وانتي ماشية ماتعرفي هي جاية ولا رايحة فلات فلات يعني بش شغال ليها سوقها برضوا في رجالة بتحب السلوعة دي ماننكرش !!
ديما لوت ذراع نور بقوة وهي عارفة بتلويه ازاي وعارفة انها هتخلع ذراعها !! نور بتتألم بقوة !
نور: ااااه انتي يا مختلة سيبي ايدي والله لندمك علي اللي بتعمليه ده !!
وبصت لسامر بغيظ: ما تقولها حاجة يا سامر! دي هتكسر ذراعي !!؟
سامر بحسرة : والله كان نفسي بس انا بحتاج ايديا في العمليات يا نور !! دي مايقدر عليها الا ربنا !! ادعي يا نور ربك مستجيب للمظلوم يا بنتي !!؟
نور بغيظ: لا انتم اكيد بتهزروا هو احنا فين هنا!!؟
سامر قرب من ديما يحاول يفك قبضتها من ذراع نور بصعوبة !
سامر : يا بنتي سبيها بقي مالك قافشة في ذراعها ليه كدة زي ما تكوني لقيتي عضمة وجعانة!! ارحمي اللي خلفوني هنبطل طب ونقفل المستشفي علي ايدك يا ظالمة اقسم بالله ارحميني !!؟
ديما بتصميم واستماتة: والله ما هسيبها الا لما اربيها رسمية كفتة دي!! مش انا بتقول عليا شرشوحة انا هوريها دكتور برص دي والله لخرجها من هنا علي نقالة علشان لسانها ينفعها !!؟
نور بتتوجع: اااااه ! ايدي يا غبية !! اوعي بقي والله ما انا قاعدة في المستشفي دي دقيقة واحدة وهروح النقابة واقدم فيكي شكور !!
ديما بغيظ لسامر: شايف وجه البرص دي بتبرطم ازاي!! وتقولي سبيها طيب والله لموتها!!
سامر بغيظ منهم الاتنين ضرب نور في كتفها بخفة وغيظ!
سامر: ما تسكتي بقي شوية !! لسانك ده هيشلفطك ! خاليني اسلكك من ايديها وهي قافشة فيكي زي اللي عطر في حرامي غسيل كدة ! اسكتي شوية !!
سامر جاهد بصعوبة لحد ما فض الاشتباك بينهم وبعد نور عن قبضة ديما بعد معاناه !!
سامر بياخد انفاسه بصعوبة : حسبي الله فيكم !! هي كدة النسوان مايجيش من وراها خير ابدا ربنا يهدكم !!
نور بتتألم وضامة ذراعها بغيظ من ديما : والله ما هسيب حقي وهتشوفي !!!
سامر بغيظ منها ضغط علي شفايفه بغيظ: ما تبس بقي قولتلك لو مسكتك تاني عليا الطلاق ما هتسيبك الا وهي ايديها في زورك !! اتلمي وروحي شوفي حد يردلك دراعك اللي اتخلع ده ! انا ههديها واجيلك حقك عليا يا نور !!؟
ديما شدته من قميصه بغيرة : تهدي مين وتروح لمين انت كمان !!؟
سامر ببراءة : مين يروح فين !! انا كل اللي محتاجه دلوقتي اروح الحمام اقسم بالله بصي علي تكة واغرقكم انا جبت اخري !!؟
نور بتحدي لديما : ممكن تردلي ذراعي يا دكتور سامر علشان لو مش انت انا هشتكيها ودلوقتي حالا ماحدش هيردلي ذراعي غيرك علشان تبقي تعمل فيها بلطجية ديما هانم !!؟
ديما بتهجم علي نور تاني وسامر منعها وشدها !!
ديما : سيبني بقولك !! والله لجيب لسانك ده واقطعه قصاد عينك يا برص انتي يا ام لسانين !!؟
سامر بيمنع ديما بقوة وبغيظ من نور: يا ستي انتي انا دكتور زفت قلب وصدر وكلي وجهاز بولي عليا الطلاق ماليا في العظام !! ابوس دماغك امشي بقي انا فرهدت !!؟
نور خرجت بعصبية وهي بتتوعد لديما : ماشي !! والله ما هسيبك وهاخد حقي منك وهتشوفي !؟؟
سامر بعد ديما وزق نور برا المكتب وقفله بسرعة ووقف وراه ولقي ديما جاية عليه بملامح غاضبة !! بص حاوليه بترقب !
سامر ببراءة: فيه ايه !! اقسم بالله انا كنت بخلص بس ! انتي بتبصيلي كدة ليه !!؟
ديما شدته من قبل قميصه بعصبية : ماهو لو انت تبطل نحنحة يا نحنوح وتبطل تفتح مكتبك زي الخرابة كدة لكل من هب ودب وتعمل فيها الدكتور الوسيم المسمسم !! ماكنش كل ده حصل!! بس ازاي ! لا.. لازم تفرح بلمة النسوان حاوليك !! وانا امشي الم من وراك !!
سامر ابتسم بغرور : طيب وانا مالي !! هي الستات اللي بتحبني !! كلهم عندهم نظر الا انتي عديمة النظر والاحساس !!؟
ديما لملامح طفولية : ومين قالك يا غبي انت اني ما عنديش احساس زي كل الستات !!
سامر حاوطها من خصرها وهمس بوقاحة: اشوفه !!؟
ديما عقدت حاجبها بغيظ: هو ايه ده يا متخلف!!؟
سامر ببراءة: الاحساس !! مالك بس بلاش ظنك السافل ده !!؟
ديما بتخبي ابتسامتها !! ابتسم وقربها منه اكتر بحنين !!
سامر : بتحبيني يا ديما !!
ديما بصت في عيونه بحب: قولتلك قبل كدة . ماحبتش غيرك!!
سامر برغبة : قوليها تاني كدة !!؟
ديما بتيه في عيونه: بحبك ! وانت عارف بلاش تعمل عبيط وكل شوية تسألني !؟؟
سامر اتنهد بتعب: ديما احنا هنفضل كدة لحد امتي !!
ديما بعدم فهم لقصده : كدة اللي هو ازاي مش فاهمة !!
سامر بعتاب: هو مش انتي كنتي خلاص واخدة قرار اننا نتجوز!! ليه بتماطلي بقي وليه لسة خايفة !!؟
ديما بتفكير من ترددها وخوفها واللي بدات تخاف حقيقي انه يخسرها سامر في يوم من الايام!! وانه مش طول العمر هيكون عنده الصبر عليها بالشكل ده !! رفعت عيونها ليه بعزم !
ديما : الليلة كلنا هنتجمع عند جدو مهاب ! وعايزاك تحدد معاه ومع بابا معاد خطوبتنا ! ولحد ما كل اللخبطة في العيلة دي تخلص نبقي نحدد معاد جوازنا !!
سامر بصدمة وفرحة عيونه لمعت وابتسم: انتي بتتكلمي جد !؟؟
ديما ابتسمت وحركت راسها بتأكيد: ايوة بتكلم جد !! انا ما عنديش استعداد اخسرك ابدا !! انا بحبك يا سامر ! والله بحبك وما اقدرش اعيش من غيرك !!
سامر شالها ولف بيها المكتب بسعادة : وانا يا عيون وطحال سامر بموت فيكي واموت من غيرك !!
ديما : هههههه ! خلاص طيب نزلني يا مجنون انت !! خالينا نشوف البرص دي حصلها ايه !! خدت بالك انت هتشتكيني في النقابة !!؟
سامر نزلها وضمها لحضنه : سيبك انتي من البرص وغيرها دلوقتي !! ثم النقابة كلها مع جدك مهاب ده مشيبهم كلهم ! المهم اللحظة دي محتاجة مكافأة !!
ديما عقدت حاجبها : مكافأة زي ايه !!
سامر قرب من شفايفها بهدوء : زي دي كدة !!
باسها بقوة وهي حاولت تتراجع وتبعد لكنه منعها وقربها منه اكتر بتصميم !! بعدت عنه بعد معاناه من ضمته ..
ديما بخجل وغيظ : انت سافل علي فكرة وانا هلغي الخطوبة تتشك في بقك يا وقح!!
سامر ضحك بقوة وهو بيداعب خصلات شعره بغرور: سافل مين !! اقسم بالله انا اكتب كتابك واحبسك في اوضة ضلمة وهربيكي علي كل السنين دي وخصوصا طولة لسانك وايدك دي !! بصي غولب السنين هطلعه عليكي !!
ديما عقدت ذراعها بتحدي وغرور: ابقي وريني شطارتك ساعتها علشان اكسرلك ذراعك وقتها !!
سامر قرب منها بحب وهمس: بحبك !
ديما بخجل وهمس: بحبك يا سافل !
*******🌹بقلم ريحانة الجنه🌹*******
فارس واقف مع عواد بيلتقط انفاسه بصعوبة بعد المعركة الشرسة اللي دارت بينهم وبين رجالة حازم واتباعه واللي كان معظمهم اجانب من جنسيات مختلفة !! وهو بيبص علي كم الجثث حاوليهم من رجالته والباقي من رجالتهم !!
فارس بإرهاق : فيه حد منهم لسة عايش!؟
عواد بتعب شديد: فيه اتنين في قبضة الرجالة في العربية هناك .. واحد منهم بيخلص ما افتكرش انه هيعيش لساعة كمان ! والتاني يعني لسة فيه الروح اصابة مش تقيلة !!
فارس اتنهد: تمام تاخدوهم تعالجوهم وعايز اي واحد منهم عايش لو قدرت ! وخاليهم عندك لحد ما يشدوا حيلهم واجيلهم حتي زي ماقولتلك لو واحد منهم بس كفاية مفهوم !!؟
عواد بدهشة: هنعالجهم ليه!! ما رصاصة لكل واحد منهم ونخلص !؟
فارس اتنهد بنفاذ صبر: غبي!!! طول عمرك غبي! انا عايز واحد منهم اقدر اعرف منه اي معلومة حتي لو صغيرة !! الوقت خلاص بيخلص وحازم واللي وراه انا لازم اوصلهم لو في اخر الدنيا !! انت فاهم اعمل اللي قولتلك عليه وبس !! انا هطلع اشوف ماسة !! زمانها اعصابها اتدمرت من اللي حصل وسمعته هنا ! وانت والرجالة نضفلي الزبالة دي مش عايز الصبح يطلع وفيه اثر لاي حاجة حصلت هنا مفهوم !؟
عواد بتاكيد: مفهوم ! طيب هسيبلك حراسة للصبح ماشي!
فارس بص حاوليه : لا فيه رجالة كتير ماتت مننا واللي معاك يادوب يساعدوك ويروحوا يشوفوا جروحهم ويرتاحوا والصبح انا هبعت لباقي الرجالة تجيني من سينا ! تصبح علي خير !!
مشي عواد وفارس داخل بيته لكن اللي لفت نظره من اول ما فتح الباب اللخبطة اللي شافها !! واثار الدم علي الارض في كل مكان !! وقتها خرج سلاحه برعب علي ماسة واتحرك بهدوء يدور عليها مش لاقيها !! لحد ما وصل لجثة واحد من رجالة حازم مقتول علي الارض والدم حاوليه !! وقتها رفع عيونه يدور عليها برعب وخوف لحد ما لقاها بتقرب واقفة بعيد وماسكة سلاحه اللي كان معاها بثقة !!
ماسة ابتسمت: كان يلزمك في حاجة !!؟
فارس وقتها نزل سلاحه واتنفس براحة وطمن !! وقرب منها وابتسم بغخر وهو بيداعب خصلات شعرها المتلخبط بعد اللي هو نفسه لسة مش عارفة!!؟
فارس بأنفاس عالية : قاتل يا وحش !! وعدتي ووفيتي يا متوحشة !!؟
ماسة وقتها دمعت وكأن الصلابة اللي كانت جواها والقوة اللي كانت فيها اتهدت ووقعت !! كانت مجبرة تكون قوية وتعافر !!
ماسة بتعب: انا كنت خايفة !!؟
فارس ضغط علي شفايفه بغيظ : عارف! مش سهل انك تقتلي حد ! وخصوصا لاول مرة !! حقك عليا انا كان لازم اكون معاكي هنا في اللحظة دي !! بس تحت كانت مجزرة وكنت مجبر اكون هناك !! اسف يا روحي !!
وخرجها من حضنه بحنان وضم ملامحها بفخر وابتسم: بس انتي كنتي قدها !! بنت اكابر بصحيح وماحدش يقدر عليكي!! هي دي ماسة الفارس !! مش كدة ولا ايه !؟
ماسة ابتسمت وهي بتمحي دموعها وضحكت بطفولية شديدة : ده شحورته!! عملته كمين ! هههههههههههه..
فارس ضحك لضحكتها : ايوة بقي ياواد يا غجري انت!! سمعني بطولاتك !!
ماسة ضمته بخوف: ماتسبنيش لوحدي تاني علشان خاطري !! حتي لو فيه حراسة الدنيا حاوليا انا بطمن وانت معايا وبس!؟
اتنهد بهدوء: حاضر يا عيوني اوعدك !! علي فكرة انا من بكرة هخدك ونقعد في قصر الحديدي .. والحراسة هتكون عليكم اكتر واشد وتكوني مع بابا وماما كمان في غيابي اتفقنا !!؟
ماسة ابتسمت بفرحة : اتفقنا !؟؟
فارس ابتسم لفرحتها وخرج فونه واتصل بعواد !!
فارس: تعالي هنا فوق فيه واحد عايزك تاخدوا مع الباقين !! بس بسرعة !؟
فارس قفل معاه وضمها من خصرها لحضنه : يطلع عواد علشان ياخد الكلب ده واخدك بقي تحت الشاور جوا علشان نفوق كدة وتحكيلي واحنا تحت المياه عن البطولة الجامدة دي !!
ماسة بغرور: خاف مني بقي انا بقيت سوابق خلاص!! يعني ممكن اقتلك !؟
فارس غمزها : وانتي لسة هتقتليني !! ده انتي موتيني وحيتيني من زمان !!
ماسة اتعلقت في رقبته بنعومة: هو انا بحبك كدة ازاي !؟
فارس بوقاحة: تحت الدش هقولك حبتيني ازاي وليه!؟
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية رحم للإيجار 3 (حب الفرسان))
