رواية نسمة حائرة الفصل الثامن عشر 18 بقلم سحر السحرتي

رواية نسمة حائرة الجزء الثامن عشر

رواية نسمة حائرة البارت الثامن عشر

رواية نسمة حائرة الحلقة الثامنة عشر

*خرجت نسمة واستمعت الى اخر حوارهم فقالت بصوت واهن
:مش هتنازل يا فارس عشان حق كل اللي ضحك عليهم انا طيبة بس مش للدرجادي هو أذاني كتير قوي
*حضنها بقوة وكأنه يعتذر لها عن قسوة الايام وحملها لانها لم تستطيع المشي وهي لم تمانع لاحساسها بالوهن والاجهاد
:مهاب خليك انت ولين هنا هنرجع على طول
*في التحقيق انكر باسل وكان يصر ان نسمة هي من دعته للغرفة واعطته المفتاح وكل شئ كان بموافقتها لكنهم اختلفوا
المحقق :الانكار مش هيفيدك كاميرات المطعم مصورة جيهان وهي بتاخد مفتاح فارس وبتديهولك غير ان معانا رسايلك معاها بتتفقوا على كدة مع اعترافها بكل التفاصيل والقضية لبساكم
*حاول باسل استعطاف نسمة كي تتنازل
:نسمة انا عندي ولد لو اتحبست هتبقي وصمة عار
:كنت فكرت فيه قبل ما تعمل كدة وكويس انه ولد مش بنت عشان ما يتردش فيها اللى انت عملته
:مش هسيبك يا نسمة وهرجع انتقم منك
:السجن تهذيب واصلاح وهتطول هنا لان القوانين هنا قاسية شوية وهتربيك وانت قاعد في السجن فكر كويس كام مرة اذتني اخر مرة كمان ما رحمتش انهياري واني فكرت انتحر بسببك لا مسكت ايدي في المول وكنت عايز تكمل بدل ما كنت تخطط ازاي تنتقم وتروح تدور على مين يقدر يساعدك في الانتقام مرة اخويا ومرة طليقة جوزي كنت خططت ازاي تمسك شغل والدك وتكبره بدل ما انت مغرقه في الديون اتفوووو
*عاد بها فارس الى الاوتيل ونامت بداخل حضنه وكالعادة كان جسمها ينتفض وتخرف بالكلام لكنه مسيطر هذه المرة كان يهدهد ويمسح على شعرها ويضمها بحنان وقوة حتى تهدء لكنه يحمل هم كيف سينسيها كل ما حدث
بقلمي سحر السحرتي
*في اليوم التالي اخذها على يخت في رحلة بحرية لانه يعلم انها تحب الماء وتنسى احزانها فيها فقرر ان يجعلها تفعل شئ مختلف فجعلها تغوص في الماء *اسعدها الغوص كثيرا وقررت الا تخرب ما تبقى من الاجازة من اجل خاطر فارس الذي وقف بجانبها كثيرا وانتقام باسل منهم كان بسببها وليس سهلا على الرجل الغيور مثل فارس معرفة ان زوجته قد حاول احد الاعتداء عليها
:ايه يا حبيبتي اتبسطي تحبي نغوص تاني
:اتبسطت قوووي بس خلاص كفايه ده مجهد قوي
:اما تتعودي مش هترضي تطلعي
:يا ريت
*سألها بقلق من كلمتها ومتخوف
:هو ايه اللي يا ريت
:يا ريت اتعود على الغوص انا حبيته قوي
*امسك يدها ليقربها منه ليحتضنها انتفضت
:اسفة يا فارس ما تزعلش يا حبيبي اديني يومين كدة احسن اعصابي تعبانة
:براحتك يا حبيبتي انا معاك خدي وقتك مش هغصبك على حاجة بس كنت هحضنك وحشتيني
*تلتمع الدموع في عينيها لكن منعت نزولها لتحاول تخطي هذه المرحلة
:تحبي النهارده نجرب اكلة جديده ولة نخلينا في اللي نعرفه
:هههههه لا نجرب ولو وحشه نروح للي نعرفه
:خاربة بيتي على طول كدة مفيش اقتصاد ابدا تقولي انا صايمة
:يا بخلك اقتصد هنا وبعد غوص وسباحة حرام عليك
:يالا افلاسي على ايدك نفسي مرة تقولى ما تكلفش نفسك
:ههههه مش هيحصل طبعا دى انت لقطة
*عدت ايام الاجازة وهو بيفرجها على اماكن مختلفة وبعض الاوقات يتقابلوا مع لين ومهاب كان هذا اسعد أوقاتهم في مرة انشغلت نسمة فسال فارس لين
:لين هو تقريبا ظروفك زي ظروف نسمة اشمعنى نفسيتك مش زيها
:انا اه بابا كان معاملته سيئة معايا بس قعدت معاه فترة قبل الطلاق ولما كنت بشوفه بعد كدة كل مرة بكره اقابله عن المرة اللي قبلها من معاملته السيئة انما نسمة مامتها رفضت تشوفها نهائي وكان معظم الناس بتعيرها خصوصا عمتها واللي عملته بس كانت ماما بتعوضها عن حنان الام وعمو سليم بيعوضني عن الاب
:اه قلتيلي بس والدك ما حضرش الفرح برضة
:رفض يحضر بعد ماما ما اتجوزت بيتحجج عشان يهرب يجيب حاجة لجوازي هو عايش حياته وكل همه يقرف فينا بس ما زعلتش عشان عمو سليم كان موجود وبيعوضني عنه وجابلي كل اللي نفسي فيه واللي ما كانتش افكر فيه حتى اقولك على سر كان نفسنا انا ونسمة ماما تتجوزه قوي بس خفنا من بابا ياخدني
:هههههه دى انتم كنتم مخططين لكدة
نسمة:اه يا سيدي عمال تقرر في البنت سيبها في حالها وانت يا سي مهاب عادي كدة
مهاب : هو بيسالها في حاجه عيب اتهدي بقى
:انت بتشتمني قدام جوزي لم نفسك احسن ده عليه قبضة بوكس ولا محمد على كلاي
لين:وانت عرفتي من اين
:وهو بيضرب الزفت باسل كان نفسي اقوله اديله كمان يمين .. شمال .. قاضية ههههههه بس كنت مدهولة
فارس:انا سيبته عشان خاطرك لما ندهتي على انما انا كنت هخلص عليه غيري السيرة الزفت دي
نسمة :تصدق كل اما افتكر الموضوع اكتر حاجة بتضحكني دي يلا نقوم ننام بقى عشان الطيارة بكره ولو سمحتم محدش يقول لبابا على اللي حصل خليه بنا
*عادوا وكل منهم مارس حياته عادي نسمة كانت تذهب للعمل مع فارس وكما اتفقت معه تخرج قبله بساعتين لتذهب تحضر الطعام وتستعد واوقات تذهب الى ليلى لكي تساعدها وتتعلم منها عدى شهور على هذا اصبحت لين حامل وليلى اقتربت ولادتها
بقلمي سحر السحرتي
*احس فارس ان نسمة قلقة من تاخر الحمل فقرر ان يذهبوا للطبيب للاطمئنان
:بس انا مش عايزة اروح اكشف انا مبسوطة كدة
:ياستي انا عايز اطمن على نفسي
: بصراحه خايفه اعرف ان حد فينا السبب
:واذا طلع مفيش حد السبب ومحتاجين علاج بسيط يبقى ضيعنا علينا الفرصة
:طب نتفق قبل ما نروح
: على ايه
:لو السبب مني تسيبني لو منك انا موافقة وراضية
*اجلسها فوق ساقه وضمها وامسك وجهها الصغير بين يديه كأنها ابنته المدللة
:اشمعنى بقى طب ما انا كمان موافق وراضي
: ده كلام انت بتقوله ….. بس انا مش محتاجه اكون ام حبك عوضني حاجات كتير كانت نقصاني مفيش طفل او زوج ثاني ممكن يعوضني
:يااااه على الكلام الحلو يعنى بعد كل ده عيزاني اسيبك انت كمان بقيتي احلى حاجه في حياتي كفايه كل اللي بتعمليه عشاني انتي بقيتي طباخة هايلة
:هههه هايلة فين ده انت استحملت فشلي الزريع في الطبخ
:كفايه انك بتحاولي تساعديني وتسعديني و ما استغلتيش اني رجل اعمال وطلبت طباخة وخدامة حبيتي تشيلي مسؤولية بيتك بنفسك خلينا نروح ونطمن وبعدين نتكلم
*بعد الكشف والتحاليل جلسوا مع الدكتور
:مدام نسمة مفيش عندها مشكلة لكن استاذ فارس في صعوبة نتيجة فترة الادمان اللي انت عشتها لكن مع العلاج هتبقى كويس بس هتحتاج وقت
نسمة :يعني في صعوبة لكن مش مستحيل مع الوقت هتتحل
الدكتور: بالظبط كدة
فارس : تاخود وقت قد ايه
نسمة : مش مهم تاخود قد ايه
فارس : لو سمحت يا دكتور ممكن اعرف تقدير حضرتك
: مقدرش احدد ممكن شهر وممكن سنين حسب استجابة جسمك للعلاج بس مش هيطول لان بقالك فترة طويلة متعافي من الادمان وده هيساعد ان الوقت ما يبقاش كبير
نسمة : شكرا يا دكتور ممكن تكتب العلاج وهنمشي عليه
*عاوا الى المنزل وعلامات الحزن على وجه فارس ونسمة تريد اخراجه من هذه الحالة فجلست على ساقيه
:مالك احنا مش كنا متفقين وتوقعنا ان حاجه زي دي هتحصل وبعدين الدكتور قال صعب مش مستحيل المسالة وقت مش اكتر
:وكمان قال هتاخد سنين وعرفتي اني كنت مدمن
:كنت يا حبيبي وبقالك سنين متعافي وعمرك ما هترجع تاني انا متاكدة ومش عايزة اعرف ليه وازاي
:كان لازم تعرفي مني بس مش قادر اتكلم عن الفترة دي في حياتي بحاول الغيها كانها ما حصلتش
: هتغير ايه عرفت او لا حبك ليا هو هو احتوائك حنيتك انا بحبك زي ما انت بماضيك بحاضرك بمستقبلك كل ذرة في كيانك بحبها رضيت تتجوزني بكل عقدي ومشاكلي
: مش هتقدري تستحملي احساس الامومة عندك اقوى
:اشمعنى انت قدرت واستحملت شئ مفيش راجل يتحمله انه كان هيعتدي على اكتر من مرة واحدة فيهم وانا مراتك ايه اللى جبرك على كدة وحبي لك اكبر من الامومة وبعدين انا مش عايزة ابوظ جسمي دلوقت كويس كده
:نسمة الشيلة تقيلة عليك ارجوك خلينا ننفصل
:طب اقولك ندي نفسنا مهلة خمس سنين بعدها لو مش عايزة اكمل بامانة هقولك والدكتور قال ممكن بعد شهور يحصل حمل
:عوزاني اضيع من عمرك ٥ سنين
:انا لسة صغيرة على فكرة….. سؤال وتجاوب بصراحة لو انا اللى كنت بدالك كنت هتسبني
:عمري ما فكرت اسيبك مهما كان
:خلاص يبقى اتفقنا عملالك مفاجأة تجنن عايز عباية شادر السمك ولة سوق الخضار
:هههههه نفسك تكوني ارملة راسمة على جلطة
:ايوة كدة يا حتة من قلبي اضحك وانا هروح احضر للمفاجأة بس بلاش تتصدم
:يا خوفي طب اطلب الاسعاف واستعد ولة ايه
:عيب هبهرك بس اوعي تاخد على كدة وتقولي كل يوم من ده
:او يبقي ده اخر يوم هههههه
*القت عليه الوسادة فضحك على طفولتها ودخلت لتستعد وقضوا وقت لطيف نسى فيه كل الحزن وقرر ان يأخذ العلاج ويعطي نفسه وقت مثلما طلبت لكن ليس نفس المدة
*بعد اسبوع اتصلت لين على نسمة
:الحقي ماما بتولد تعالي بسرعة مش عارفة اتصرف
*ايقظت فارس وذهبت سريعا للمستشفى كانت ليلى قد انجبت بنت مثل القمر اسماها سليم بسمة كي يكون في حياته النسمة والبسمة
*اخرجت نسمة لسانها للين لان الاسم قريب من اسمها
:بسمة هتنسي بابا نسمة ( واخرجت لسانها بدورها)
*لاحظ فارس فرحة نسمة باختها ظن انها مفتقدة الاطفال ولاحظت نسمة شروده اعطته بسمة كي يحملها ويفرح معها
:ما تفكرش كتير عقبالنا وكلها مسالة وقت اصبر
:هصبر بس تجيبي بنت زي القمر شبهك
: هههههه كفايه عليك مصيبة واحدة هتجيب لنفسك ٢
*مرت الايام نسمة تزور بسمة وفارس مراقب اهتمامها وحاسس بها
*عدت شهور ولين ايضا انجبت طفل اسمته سليم والدها غضب منها اكتر لكن سليم فرح جدا
*فارس مازال متضايق لانه حارم نسمة من شعور الامومة وهي تحاول ان توصل له ان الامومة شئ متعب جدآ وان ليلى ولين مجهدين وهي سعيدة انها تستطيع عيش الحب معه لان مع الولادة ووجود الاطفال سيقل الاهتمام وقد يهرب الحب لكن فارس غير مقتنع واحس انها مراوغة منها
بقلمي سحر السحرتي
*بعد شهر نسمة احست ان فارس متغير معاها كانت في طريقها لمكتبه دخلت وجدت معه امراءة في وضع صعب وملابسة مفتوحة نظرت له نظرة احتقار واغلقت الباب بقوة ورائها وخرجت تجري
*فارس حاول يجري ورائها لكنها كانت اسرع وركبت سيارتها وانطلقت عاد الى المكتب اخذ هاتفه ليعمل تتبع لها وجدها تركت هاتفها في المكتب حتى لا يجدها
*جلس شارد يفكر الى اين ذهبت اتصل على لين وليلى واوهمهم انه يطمئن عليهم وفهم من المحادثة ان نسمة لم تذهب هناك
*تذكر انها تحب الماء ركب مركب ولحقها وجدها جالسة في المركب وتبكي قبل ان يتحدث رفعت كف يدها امام وجهه حتى لا يتكلم
:يا ريس استنى الاستاذ راجع معاك اتفضل انا ساعه وهكون فى البيت من حقي اكون لوحدي
*اضطر فارس ان يذهب وقلبه يتمزق من الخوف عليها ولكنها وعدت بعدم أذية نفسها ويلعم انها قد الوعد
:عادت نسمة الى البيت كان فارس بانتظارها دفعته في صدره بكلتا يديها لدرجة انه رجع للخلف وكانت تتكلم بصوت عالي
:عملت كده ليه قلت فرصه ٥ سنين لسة الشهر الجاي عيد جوازنا اول سنة مش قادر تديني فرصة لما جيت أسافر منعتني لما طلبت منك الطلاق رفضت مش عايزني ااقف جمبك ليه عايز تحرمني منك ازاي هتعرف تنام من غيري هتصحى الصبح وانا مش جمبك ازاي ….
انت سمعتني بقول لجي جي حتى لو لقيتك معاها في السرير مش هصدق وانا صادقة والخطة الخايبة بتاعتك دي ما صدقتهاش ومش هصدق انت ادتني كلمة انك هتستنى ٥ سنين خليك راجل والتزم بكلمتك بس اشك انك راجل
*صفعها بالقلم وصرخ بها
:انا راجل غصبن عنك
:واضح الراجل بيمد ايده على واحده ست
:انا اسف انا مش عارف عملت كده ازاي
:لا عارف كل حاجه انت بتحاول تكرهني فيك باي شكل عشان اسيبك وانا هنفذ من النهاردة انا في اوضة وانت في اوضة
:اللى يريحك اعمليه
:مش مصدقه امتي بقيت بالقسوة دي انت اتفقت معايا اننا ننام في حضن بعض حتى لو زعلانين كنت متوقعة تقوم تاخدني في حضنك وترفض اللى بقوله
:انا مش عايز اغصب عليك
:ولة الكلام جه على هواك واللي انت مخططله انت تستاهل العقاب من بكره انا اجازه من الشركة وهسافر السخنة اتعود علي الانفصال بقى
:هتسافري لوحدك
:لازم اتعود ابقى لوحدي مفكر بعد الانفصال هرجع بيت بابا لا هاخد شقة لوحدي واقعد فيها
:انا مش موافق على السفر لوحدك
:مش من حقك احنا خلاص هننفصل
:وتفتكري باباك هيوافق على كدة
بقلمي سحر السحرتي
*رفعت اصبعها في وجهه بتحذير
:بابا مش هيعرف حاجه دلوقتي وانا بحذرك انت ما تعرفنيش هزعلك تصبح علي خير تعالي خد اللي هتحتاجه من الاوضة وبكرة ابقى انقل حاجتك براحتك بعد ما اسافر
:انت هتاخدي الاوضة بتاعتنا
:اظن مش مطلوب مني اغير مكان نومي كمان وانت اللي عايز تنفصل
*ايقن فارس انه اطلق الوحش بداخل نسمة وان الايام القادمة لن تمر بخير
*دخل غرفتها بهدوء يتسحب بعدما غابت في النوم واخذها بداخل حضنه وكان يبكي ويهمس
:اسف يا حبيبتي لازم اعمل كده انا بحبك قوي بس لازم اكون مش اناني ومش لازم تضيعي سنين عمرك معايا انا غلطت كتير وانا صغير وانت ملكيش ذمب تتحملي نتيجة الغلط ده
*نسمة كانت تسمعه وتبكي لكنها قررت ان تقسو عليه وتعلمه الادب حتى يظل عمره الباقي يرفض تركها ذهبت في نوم عميق بعد ان اطمئنت انها بداخل حضنه
*استيقظ فارس قبل نسمة حتى لا تعرف انه نام بجانبها
*استيقظت نسمة اخذت دوش وجهزت حقيبتها ونزلت امام فارس بكل ثقة الذي كان الغضب ممتلئ بداخله بسبب عندها وسفرها بمفردها
:هتعملي اللي في دماغك برضة مش كده
*تحدثت بكل هدوء لتغيظه اكثر
:ما احلاها عيشة المنفصلة تصدق احساس جميل اسافر لوحدي لا ظابط ولا رابط ولا اشيل هم حد شكرا الفضل يرجعلك هو صحيح انا عملت في نفسي كدة ليه انا كنت برنسيسة خلاص هانت هرجع برنسيسة وكمان شقة لوحدي
:انت بتحلمي عمو سليم مش هيوافق
:تفتكر لما اعيطله واحسسه اني مكسورة ومجروحة من زوجي الخاين ومش هينفع اقعد معاه عشان عايزة اداوي جراحي بنفسي مع وعد مني انه هيبقى وضع مؤقت وانا لي سحري على بابا ياااااه احساس رهيب
:مش هسيبك تسافري لوحدك عايزة تروحي تقعدى عند باباك اتفضلي
:ممكن اقولك هروح واطلع من هناك وارجع في كلامي زي العيال اسفه زيك
*امسكها من ذراعها كان سوف يكسر في يده
:نسمة ما تختبريش صبري
:هتضربني تاني زي امبارح فرجني رجولتك
:انت ازاي قلبتي كدة اتحولتي
:البركة في خططك الفاشلة سلام عايزة الحق انزل البحر ويمكن اغطس كمان بااااي
*ركبت سيارتها واتصلت على ليلى
: لولي صباحو بسمتنا عاملة ايه …. سلمي عليها هي وسولي الصغير عشان مسافرة يومين تبع الشغل
:صوتك مش عاجبني يا قلب ماما
: اوقات بحس فعلا انك خلفتيني واخدوني منك في المستشفي هههههه
:يعني في حاجه وشايفة انك تسبي البيت حل
:لازم ابعد شويه يمكن يحس ببعدي يرجع عن قراره وما يعملش كدة تاني
:طب تعالي اقعدي معانا
:خايفة اضعف وارجع وبعدين مش فايقة لدوشة العيال وعشان مهاب ولين ياخدوا راحتهم عارفه ان مهاب محرج من القعدة عندك و لو جيت هيتحرج اكتر عموما انا في السخنة ما تقلقيش كلهم ٣ ايام لو بابا سأل عني
:طب ما تيجي تفضفضي مع امك بعدين سافري
:مش هينفع هو اكيد شايف من التتبع انا رايحة فين بوسيلي الولاد وبابا كمان خليني احل مشاكلي بنفسي وما تقلقيش على انا بقيت جامدة
بقلمي سحر السحرتي
*وصل فارس العمل ومتابع تحركات نسمة سلم لمهاب مكانه واخبره انه ونسمة اجازة واسرع على السخنة حجز الغرفة التي بجانبها وكان بها باب مشترك بينهم طلب المفتاح من مدير الفندق وهو صديقه ويعرف انه زوجها
*نسمة كانت على يخت في البحر وغاصت لبعض الوقت محاولة ان تنسى عادت للغرفة اخذت حمام وشغلت اغاني حزينة عن الفراق كان فارس يسمعها من غرفته ونامت
*فتح فارس الباب المشترك ودخل واستغرب انها نائمة منذ مدة ولم تأكل طوال اليوم
*نام بجانبها في السرير وحضنها وجدها تنتفض طبطب عليها وهدهدها وهي تخرف وتبكي وهي نائمة : هموت من غيرك يا فارس ما تسبنيش انا بحبك بيخنقوني هواااء مخنوقة
*استيقظت مفزوعة وهي تصرخ وجدت فارس بجانبها امسكت به كالطفل الصغير واحتضنته وهي تبكي وتضربه في صدره
:اناني ما بتحبش الا نفسك عديم الاحساس
:انا اسف اسف مش عايز اسرق عمرك
:انت عمري انت كل حاجه حلوة انت الهوا اللي بتنفسه من غيرك كنت بتخنق كنت بحاول اعيش من غيرك كل حاجة ملهاش طعم هتقدر ازاي تسيبني وتبعدني عنك
:مش هقدر كنت هموت بس عايز اسعدك
:سعادتي في قربي جمبك ليه عايز تسرق الحلم الحلو اللي في حياتي اول حلم يتحقق انا ما كنتش متخيلة انك ممكن تحبني او تبصلي مش نتجوز دلوقت كأنك بتحطني في قبر وبتدفني وانا حية
:بعد الشر عليك مش عايزك تندمي بعد كدة
:انا ندمت فعلا اني ما عرفتكش من زمان الحب اللى انت ادتهولي يغرق العالم كله انا اخدته كله لوحدي متخيل اني ممكن اتجوز غيرك متخيل ان حد تاني غيرك يلمسني مستحيل كنت هتقدر تتحمل ده
:مستحيل حد يلمسك غيري انا روحي تطلع
:يعني مش هتفكر تسيبني تاني ولا حتى بعد ٥ سنين
:ابدا عمري ما هفكر اسيبك
:احلف ان مهما حصل مش هتسيبني
:والله عمري ما هسيبك مهما حصل ومهما كان
:طب بوسني على الخد ده عشان في ايد مرزبة ضربتني هنا شوف صوابعك لسة معلمة ازاي ومخبياه بالمكياج
:مين الحيوان اللي عمل كده
: واحد حمار مالناش دعوة بيه اهو مشي لحال سبيله ومش هيرجع تاني
:انت بتتحولي بسرعة
:بذمتك مش اجنن ومسلية التحولات دي موهبة
: هو انا وقعني فيك غير التحولات بحبك يا مجنونة
*يدلع ورقة
: ما بقتش بصدقها بس همشيها
:ليه قلبك ابيض انت اتحولتي تاني
:هو انا هعديها لك كدة بالساهل انت حتى بعد القلم ما فكرتش تاخدني في حضنك كنت اديتلك الخد التاني تضربه انا بتصالح بحضن وبوسة وانت استخسرتهم فيا
:تتقطع ايدي اللي اتمدت عليك
:بعد الشر يا قلبي بس كانت تقيله قوي اتاري الواد اللي اسمه باسل كان بيفرفر في ايدك
:ما تجبيش سيرة الزفت ده علي لسانك
:صحيح هي السكر اللى كانت معاك فى المكتب موظفة عندنا فى الشركة
:اشمعنى
:تترفد من بكرة بدل ما اعمل لها عاهة مستديمة
:لا كنت مأجرها اطمني
:ذوقك وحش قوي على فكرة وكنت فهماك من الاول ومتوفعة هتعمل ايه بس حبيت اشتغلك السؤال بقى انت كنت معاها كدة من بدري ولة كنت مخطط اني ادخل عندك اوصفلي خطتك الفاشلة
:بعت مهاب مشوار وقلت له قبل ما يروح يديلك الملف وتجبيه ضروري على طول وشفتك من كاميرا المراقبة وكالعادة بتدخلي عزبة ابوك من غير ما تخبطي
:اخبط ايه جوزي ولية نص الشركة مش تحمد ربنا اني سيبالك الادارة هههههه
:هو انت كنت متوقعة اني جاي
:طبعا واصلا حجزت الغرفتين اللى بينهم باب وقلت لهم اما يجي جوزي اعملوا انكم بتحجزوها له المدير صديق مشترك نسيت يا حبيبي انا مش بلعب
:يعني مش هعرف اخلص منك
:قاعده علي قلبك….. يلا بقى اكلني ما اكلتش
:حسيت انك مستنياني عشان كده ههههه البسي يلا
:البس ايه اطلب يجي هنا دى انا محضرلك حتة مفاجأة
:لا مش عايز شفت شادر السمك وسوق الخضار مش فاضل غير السلخانه
هتندم صدقني
:انا عايز اندم ارحميني بقى
:انت لا تتوقعني
:ابوس ايدك بلاش
:اهيه بوس نلحق بوسة في اي حتة هههههههه
:اذا كان على كدة تعالى الحقي حاجات كتير عندي لك شوية كلام
*اتصالحوا وقضوا يومين حلوين في السخنة وعادوا تمر الايام وفارس يحب نسمة اكثر وهي تتمسك به اكثر وتحاول ان تسعده بكل الطرق
بقلمي سحر السحرتي
*نبهت على كل العائلة الا يسالهم احد عن الخلفة والعيب من من احتراما لهم
*مرت سنتين على جوازهم ونسمة طوال هذه الوقت لم تلمح انها تحتاج للامومة لان اختها وابن لين كانوا تعويض لها
:نسمة هو انت لسة ما زهقتيش من الانتظار
:شاكلك راسم على نكد هتفتح الموضوع تاني ونتخانق ونزعل من بعض لا يا سيدي ما زهقتش وبعدين انا بروح ساعتين اقعد مع اختي وابن لين اللى بقت مقيمة عند بابا عشان تستغل ماما وقال ايه العيال يلعبوا مع بعض وبجد الموضوع صعب قوي ومسؤولية كبيره فهمت ولة هتعمل خطة فاشلة جديدة
:فهمت كنت بس بطمن انك لسة ما زهقتيش مني
:تفتكر انا عمري ازهق منك … اسكت مش جبت لبس جديد
:انا طالع انام تصبحي على خير عندي اجتماع بدري
:طب اسمع طه هههههههه
*دخل فارس مكتب نسمة وجدها تضع رأسها فوق المكتب وشبه نائمة
: نسمة خير يا حبيبتي في حاجة
:مش عارفه مرة واحدة لقيت دماغي تقيلة وبطني بتوجعني يظهر ان الاكل اللي طلبته فيه حاجة
:طب تعالي نكشف
:انا طلبت ينسون هشربه وهبقي كويسه
:انت متاكدة طب انا عندي اجتماع لو ما اتحسنتيش بعده نروح نكشف
:لا استنى استنى انا حاسه انى مش قادره
*وقفت لتحضر حقيبتها فقدت الوعي لحقها فارس قبل ان تسقط على الارض وحملها وجرى بها على المستشفي
#يا ترى حصل ولة الاكل كان بايظ