رواية نسمة حائرة الفصل السابع عشر 17 بقلم سحر السحرتي
رواية نسمة حائرة الجزء السابع عشر
رواية نسمة حائرة البارت السابع عشر
رواية نسمة حائرة الحلقة السابعة عشر
*في الغرفة عند لين ومهاب
:هتفضل مبوز كده كتير
:انت شايفة الموضوع مايستاهلش
:اه مايستاهلش مش انت اول ما اقترحت اقعد جمبها ما اعترضتش
:كنت عايزك انت تعترضي
:عشان تزعل مني لكن لو انت اعترضت كنت هقول لها ما اقدرش ازعل جوزي ونضحك وما كانتش هتزعل
:وتزعل مني انا صح
:ما كانتش هتزعل منك لاني صاحبتها اكتر منك
:ما قدرتش انت عارفه نسمة حساسة قد ايه كفاية انت مامتها ما حضرتش الفرح مارضيتش ازعلها خصوصا اني كنت معاها وهي بتبلغها وشفت قد ايه اتكسرت بس كنت مستني منك تبصيلي حتي ولا عبرتيني
:اسفة زعلت منك انك ما تمسكتش بيا
:خلاص حصل خير ممكن بعد كده اما تقول هي حاجه تقوليلها هشاور مهاب
:حاضر بس بلاش تبقى مصعبها قوى ما تنساش ان جمايلها كتير علينا ولولاها ما كناش اتجوزنا دلوقت و عارفه انها مش مستنية حاجة بس نفسيتها محتاجة دعم مننا وخصوصا اننا أقرب اصدقاء لها
*تصالح مهاب ولين في اليوم التالي لم تحاول نسمة ان تتصل بهم حتى لا تضايق مهاب
:هي نسمة ما اتصلتش لحد دلوقتي ممكن تكون زعلت
:لا نسمة مخها كبير يمكن حست انها زودتها شوية
:هكلمها اطمن عليها
:ماشي بس ما تطوليش وما تتفقيش على خروج النهارده
*اتصلت لين على نسمة واطمئنت انها ليست متضايقة مما فعله مهاب ونسمة لم تعرض عليها الخروج سويا مرعاة لمهاب لكي يستطيع تمضية الوقت مع لين براحته
*كانت تجلس على الشط و فارس يعوم في البحر فخرج منه
:مالك سرحانة في ايه
:نفسي انزل الميه قوي ما كنتش بقدر انزل غير لما بابا يأجر شط خاص عشان اقدر البس المايوه
:اسف مش هتقدري تنزلى لان مش هستحمل الناس تبصلك وانت لابسة مايوه
:اخص عليك يا فيري وحياتي
:نسمة مفيش نقاش في الموضوع ده مش هستحمل تلبسي مايوه هدور على شاطئ خاص
:احبك وانت حمش طيب لو قلت لك انه بوركيني تنزلني معاك
:اذا كان كدة ماشي بس ما يكونش مجسم عليك
*وفجاة اذ بكرة شاطئ تصطدم بظهر نسمة …. إتفاجأت عند مشاهدتها وحاولت الا تظهر ذلك
:مش ممكن جي جي حبيبتي وحشتيني معقولة بقالي يوم ما شفتكيش اكيد دي مش صدفة
:انت بتعملي ايه هنا يا جي جي مش كفايه اللى عملتيه مع مراتي وحمايا
جي جي :فروستي حبيبي وحشتني موت عملت ايه فرجتهم على ذكرياتنا وواضح انك ما نستنيش بأمارة انك جاي هنا المكان بتاعنا ونفس الفندق تفتكر ذكرياتنا الحلوة اياها (وغمزت له بعينها)
نسمة :تفتكري هو جاي هنا عشان ذكرياتكم ممكن يكون مرتبط بالمكان مش بالشخص ما تحلميش قوي وبعدين ايه فروستي دي دلع بايخ قوي
فارس:زي ما قلت لك كدة بالظبط ومش عايز اشوف وشك ولو حتى صدفة وانت عارفة كويس انا ممكن اعمل ايه
جي جي:هو الفندق ملك حضرتك انا هروح مكان ما انا عايزة ومش هتقدر تمنعني ولة خايف تضعف
بقلمي سحر السحرتي
*اقتربت منه ووضعت يدها على صدره فشدتها نسمة من ذراعها بقوة
: بقولك ايه ده بقى ملكية خاصة ايدك الجميلة دي ما تلمسوش تاني لتوحشك
جي جي :ايه الكلام البيئة ده
نسمة:هو لغاية دلوقت كلام بعد كده هيبقى فعل فاهمه
جي جي :على فكرة انا حبي في قلبه لسة موجود وبكرة تشوفي
نسمة : انا لو شفته معاكي في اوضة النوم مش هصدق عشان عارفة ومتاكدة هو بيحبني قد ايه غوري بقى من هنا بدل ما اشلفطك
*احتضن فارس نسمة ونظر ل جي جي نظرة اخافتها فاسرعت وانصرفت
:نسمة انا اسف ما تزعليش
:مش زعلانة يا حبيبي بتعتذر على ايه انا هروح البس المايوه
*وهي ماشية قامت بأجراء عدة مكالمات
:اونكل فخر ازيك يا حبيبي عامل ايه ممكن اسالك هي جي جي طليقة فارس اسمها ايه
:ليه يا نسمة
:اصل فيه بوكيه ورد جالنا وتوقيع جي جي فهمي وكنت خايفة تبقى هي قلت اخبيه عشان فارس ما يزعلش
:لا اسمها جيهان المنزلاوي ارجوك ما تسمعيش اي حاجه تقولها وسليم حكالي على اللى حصل عين العقل تصرفك ولما ترجعى هفهمك بنفسي
:مش محتاجة افهم يا اونكل هي ماضي وانتهى ومش هسيبه يخرب الحاضر بتاعي
*اجرت مكالمة اخرى بعد محادثة فخر
:ثعلب الثعاليب ازيك عامل ايه
:مبروك يا نونو معلش ماقدرتش احضر الفرح رغم انك عزمتيني كان عندي مأمورية انت اللى مورطاني بقى في الشغل ده
:مفيش مشكله تتعوض في فرحك
:بجد هتحضري فرحي
:عيب احنا اخوات محتاجة منك خدمة
:انت تؤمري
:محتاجه تهكر تليفون حد
:انت اللي محتاجة مني اهكر دى انت هكرتيني شخصيا
:ما جبتش اللاب معايا ومعرفش غير الاسم هما اتنين مش واحد
*قصت عليه الموضوع وشكوكها فوعدها انه سيقوم بمساعدتها لكنه سياخذ بعض الوقت لان الاسم ليس كاملا
:اتاخرتي كدة ليه يا نسمة
:اصل لبس البتاع ده صعب قوي
*عندما كانت ترتدي المايوه اتصل فارس على مهاب
:اسف يا مهاب ينفع تيجي انت ولين على الشط تقغدوا معانا شويه اصل طليقتي جت وضايقت نسمة بكلمتين فقلت لما بتقعد مع لين مزاجها بيتغير لو مش هتقدر عادي واسف مرة تانية
:على ايه احنا كنا نازلين ولما نسمة ما طلبتش نتقابل فقلت مش عيزانا
:لا ازاي بس هي حست انها غلست عليك فقالت تسيبكم براحتكم
:لا ما كانش قصدي تفهم كده معلش مضغوط دقايق ونكون عندكم
*اتجه فعلا لين ومهاب ليتقابلوا معهم على الشط فتح مهاب ذراعيه لنسمة كأنه سيأخذها في حضنه
:نسمتي حبيبتي سمعت انك زعلتي مني تعالي اما اصالحك
*امسك فارس ذراعه بقوة
:تصالح مين عنها ما اتصالحت وارجع اوضتك تاني
*ضحك الجميع على فارس لانها حركة مزح دايما متعود عليها مهاب مع نسمة لكنها لا تكتمل
:بتضحكوا على ايه فهموني
لين:اصله دائما بيعمل كدة بس هي بتقوم ضرباه بوكس او بتحدفه باي حاجه لو لحق يمسكها وكدة يبقوا اتصالحوا
نسمة:بس انا مش زعلانة دي انا فكرتك انت الزعلان
مهاب:انا اقدر ازعل من نسمتي
فارس: مهاب ما تزودهاش بدل ما ازعلك بجد
*ضحكوا جميعا على غيرة فارس ونزلوا البحر سويا ولعبوا وسعدوا ثم عاد كل منهم الى غرفته
نسمة: فيري حبيبي
فارس: عارف يا خاربة بيتي جعانة
:عرفت من اين
:اصل الميه بتجوع نستحمى ونغير وننزل
:استنى انت رايح فين انا هدخل الحمام الاول وما تفتكرش ان اللي حصل على الشط هيعدي بالساهل انا عديته بس عشان لين ومهاب معانا والست جي جي كانت مرقبانا وما احبش حد يشمت فيا
*استغرب فارس من كلامها فقد ظن ان الموقف مر دون ان يؤثر بها …. بعد دقيقة نادت عليه
:فارس تعالى افتحلي سوستة المايوه مش عارفه افتحها
:هو مين اللي كان قفلهولك
:خليت الهوس كيبنج قفلتهولي خلص بقى
*دخل فارس لكي يساعدها لكنها كانت قد فتحته فعلا و اغلقت باب الحمام و همست في اذنه
:ما تزعلش يا حبيبي انا خايفة يكون التليفونات متهكرة اصل شاكة في حاجة كدة وعلى ما أتاكد نحاول نتكلم على اننا زعلانين على مانشوف اخرتها
:ومين اللي هياكد لك ده
:فاكر ياسر
:ياسر مين
:الثعلب المكار اللي خطفني
:ماتفكرنيش انا دمي بيغلي كل اما افتكر
:حرام عليك ده طيب وغلبان وما كانش هيغتصبني يعني ولا هيعمل حاجة وحشه فيا واعمل حسابك هنبقى نحضر خطوبته قريب
:حاضر يا حبيبتي مش هتيجي اقولك كلمتين
: ههههه لا مش دلوقت جعانة قوي وحياتي عندك
:خلاص يا نونتي خلصي بسرعة على ما اشوف التليفونات فيها حاجة
:وهتعرف ازاي انت خلتني اسيب اللاب بتاعي
:عيب عليك انا جبت بتاعي الباسورد بتاعك ايه
:عيد ميلادك يا حبيبي
بقلمي سحر السحرتي
*حضنها وقبلها في راسها وخرج يستكشف الهواتف لم يجد شئ خرجت نسمة فدخل بدوره
:امان ياقلبي مفيش حاجه
:اما نرجع بعد الاكل هعملك حتة مفاجأة فظيعة
:اه يا خوفي من مفاجأتك الحق اكتب وصيتي
*خرجوا يتغدوا سويا لم تتصل بلين ومهاب ليجدوا مساحتهم وكما قال فارس لنسمة: ما نبقاش كاتمين على نفسهم …لكن طبعا لا يمر اليوم هكذا جي جي كانت في نفس المطعم ووقفت بجانبهم على نفس الطاولة وتمايلت بدلع مبالغ فيه وقالت
:نفس المطعم واكيد نفس الاكلة بتعيد ذكرياتك معايا لو تحب انا موجودة سيبها في الفندق وانا جاهزة اروح معاك كل مكان وابسطك زي زمان
*كانت نسمة تجز على اسنانها وممسكة سكينة المطعم لاحظها فارس ونظر لجي جي كي ترحل
:خلاص ماشية عشان اصحابي مستنيني بصتك دي ما بقتش تخوفني زي الاول باي يا عروسة
نسمة: هو مفيش عندها غير الهدوم دي انت كنت بتحبها ومتجوزها ازاي بالشكل ده
:كنت لسه صغير وطايش تقريبا كنت مغيب تحبي نقوم نروح مكان تاني لو اضايقتي
:لا يا حبيبي مش هريحها واعمل اللي هي عيزاه
:على فكرة انا بحب الاماكن دى وعايز اشاركك كل حاجة حلوة جربتها
:يعني مش بتبدل ذكرياتك معاها بذكريات معايا
:انت ازاي بتقولي كدة كنت فاكرك فهماني من غير ما اتكلم
:ما تزعلش مني فكرة وجت في دماغي واتفقنا نقول كل حاجة بصراحة وكنت قلقانة من النقطة دي
*امسك يدها وقبل كفها ووضعه على خده
:اكيد مش زعلان واكيد عايزك تدوقي كل اكل حلو اكلته وتروحي معايا كل مكان حلو روحته بس هأجلها لبعدين وهنجرب حاجات جديده واماكن جديده سوا وهنبدا بالاكل نختار حاجات مختلفة
:ايه القرف اللى طلبناه ده ارجع ياعم اطلب اللي تعرفه مش عارفه اكل ههههه
:هههههه عندك حق بلاش اللي ما نعرفوش
:اه في الاكل بس انما الاماكن نروح اللي تعرفه برضه ههههههه
*كانوا يضحكون بصوت عالي وجي جي تستمع اليهم وسوف تنفجر من الغيظ وتعمد فارس وهو يقف ان يحتضن نسمة ويقبلها ومراقب لنظرات جي جي
*عادوا لغرفتهم دخلت نسمة الحمام وطلبت من فارس اغلاق عينيه استعدادا للمفاجأة وهو نفذ وهو خائف خرجت وطلبت منه ان يفتح
:ايه ده مش فاهم هو المفروض ده لبس اغراء ولة حفلة تنكرية
:ايه لبسي مش عاجبك اشمعنا في الافلام بيلبسوا لبس ممرضة بيبقى اغراء وده مش عاجبك
:انت لو قاصدة تشليني مش هتعملي كده انت قصدك جلطة واموت على طول هي جلابية المعلمة بتاعة شادر السمك دي ممكن تكون اغراء مين فهمك كدة
:انا افتكست قلت اغير واشوف حاجه مختلفة
:اااااه افتكستي ومختلفة زي موضوع الكشري لا يا حبيبتي روحي غيري وبلاش افتكاسات تاني عشان هطب منك في الارض واتشل وكل ما بتفكري في حاجة مختلفة بتطلع متخلفة
:اخص عليك خيالك مش واسع تخيلني كدة وعيش اللحظة
:اتخيلك معلمة في السوق وبتبيعي سمك صح
:كان نفسي تقولي اي حاجه بتلبسيها بتبقى مختلفة عليك بتغيرها وبتبقى تحفة
:غيري هدومك يا نسمة عشان هنام واسيبك
:خلاص ما تزعلش طب غمض عنيك وانا هبسطك
:مش مغمض يا نسمة اما اشوف اخرتها معاك ايه
:فيري غمض بقى بجد المرة دي حاجة واو مش هتندم
:لا انا خايف على نفسي منك
: يا ابني لابساها تحت هقلعها بس
:لو حاجه زي الهباب ده بجد هضربك
:لا اوعدك
*هدئت النور وشغلت اغاني وقالت له افتح
*صفر بأعجاب شديد : ايوة كدة هي دي المفاجأت جبتي بدلة الرقص التحفة دي من اين
: ما تكسفنيش بقى واحدة صاحبتي جابتها هدية الجواز كنت هرجعها بس قالت لي هتحتجيها
:عندها نظر ومين اللي مديلك لبس المعلمة
:هههههه لا دى انا قلت اهزر معاك شويه
: اذا كان كل مرة هتهزري بالشكل ده وبعده بدلة ماشي بتعرفي بقى ترقصي ولة نكتفي بهذا القدر
: هبهرك هههههه
:يا خوفي هههههه
:شغل انت حاجه عدلة بس
*صفر مرة اخرى : ايوة هي دي المفاجأت ولة بلاش
*قضوا وقت لطيف ضحك ورقص وحب
بقلمي سحر السحرتي
*في الصباح على الشاطئ اتى لفارس اتصال من رقم غريب
:الو مين معايا
: استاذ فارس معاك ياسر الثعلب المكار هي نسمة حكت لحضرتك عليا
:اه طبعا اهلا وسهلا
:نسمة كانت طلبت مني طلب بس مش هقدر اقول لها انا وصلت لايه عشان خايف عليها
:خير في حاجه ايه اللى حصل
:جي جي طليقتك متفقة مع باسل على انها تحاول توقع بينكم لغاية لما تتخانقوا وباسل بيخطط انه انه
:انه ايه ما تنطق قلقتني
:عاوز يعتدي على نسمة عشان ينتقم منها ومنك
:انت اكيد بتهزر مش ممكن يكون بالبشاعة دي
:ده كل اللي عرفته لو عايز الرسايل بينهم ابعتها
:مصدقك اللي مش مصدقه انهم يوصلوا لكده
:هما لغاية دلوقت مش عارفين يهكروا تليفوناتكم لانهم عرفين ان نسمة هتعرف بس مراقبينكم كويس خلي بالك منها هي مش هتستحمل
:متشكر قوي بلاش تبلغها انا مش عارف اعمل ايه بصراحه
:انا عندي اقتراح لو تحب اساعدك
:ياريت الحقني
:توقعهم في شر اعمالهم وتخلص منهم للابد
:قتل ما اقدرش
:قتل ايه انت هتلبسني مصيبة انا مش بتاع قتل قصدي نحبسهم بالقانون انا هتكلم مع الظابط اللي بشتغل معاه واخليه ينسق مع البوليس عندك عشان يبقى كل شئ قانوني وهديله كل اللي عندي عشان تبقى ادلة عليهم لكن نسمة ما تعرفش
:تمام اشرحلي الخطة بالظبط…… ياسر كدة مش هينفع نسمة تتفاجئ المرة اللي فاتت كانت عارفة وحاولت تنتحر انا لازم اشرح لها كل حاجه
:انا خايف يكون رد فعلها يشككهم وتفشل الخطة
:ما تقلقش انا اخاف يجرالها حاجة مش هقدر اخسرها
:اللي تشوفه اعمل اللي في مصلحتها
:ايه يافارس كل ده تليفون مش قلنا اجازة من الشغل
:عندك حق تعالي ننزل الميه
: حملها علي يديه ونزل بها البحر وقص عليها كل شئ واكد عليها ان تصبح تصرفاتها طبيعية والاهم
:نسمة ارجوك بلاش رد الفعل بتاع المرة اللي فاتت
:خلاص يا فارس انا غلطت ومش هكررها بس هو ليه مصر قوى كدة انه ينتقم مني مش مكفيه اللي حصل
:مش عارف يا حبيبتي يمكن لما ضربته عموما هنعرف لما يتقبض عليه …. جي جي جاية اطلعي كأنك تعبتي وانا أحاول اجر ناعم معاها
بقلمي سحر السحرتي
*تقربت جي جي منه في الماء بعد خروج نسمة للشاطئ ومثلت انها نائمة ووضعت الطاقية على وجهها لكي ترى من ثقوب الخوص ما يدور
*تحاول جي جي بكل الطرق التقرب من فارس لكنه لم يستجب في البداية حتى لا تشك
:فارس انت بجد نسيتني وبطلت تحبني
:عايزه ايه يا جي جي انا راجل متجوز دلوقتى ابعدي بقى
:حرام عليك انا لسة بحبك ومش قادرة انساك
:احنا خلاص اتطلقنا وكل اللي بنا انتهى
:انت اللى طلقتني وانا كنت رافضة اسيبك احنا كنا مبسوطين مع بعض افتكر ايامنا الحلوة
:اسف يا جي جي ما تحاوليش
*بعد مناقشات وامام رفضه للعودة لها لم تجد حل سوى
:اه شد عضلي الحقني يا فارس هغرق الحقني
*اسرع فارس لنجدتها ولكنه يحفظها عن ظهر قلب ويعرف انها خدعة حملها بين يديه وتعلقت برقبته ووضعت رأسها على صدره لمحت نسمة وهي تستيقظ وتتمطع فقبلته في شفتاه
*انزلها فارس وابعدها عنه وصلت نسمة بسرعة الصاروخ عندهم
:هو اللي حصل ده بجد ولة نمت وحلمت بيه
جي جي:هو ايه اللي حصل كنت بغرق وهو انقذني فشكرته
نسمة:يبقى تعالي اما اقولك العفو (وجذبتها من شعرها)
فارس : بس يا نسمة بلاش تخلف ما حصلش حاجة
نسمة: هو ايه سيادتك اللى ما حصلش تبوسك عادي كده وفي شفايفك كمان والله عال قوي
فارس:هما الناس المتحضرة بتشكر بعض كدة بلاش بقى شغل الفلاحين ده
نسمة:وانا متخلفة وفلاحة ومش متحضرة وايه رأيك بقى انا ماشية
*و قامت بدفع جي جي بكلتا يديها اسقطتها على ظهرها في الماء وخرجت فامسكها فارس وساعدها لكي تتيقن انها بدات في الايقاع بينهم فمالت على صدره وتدلعت وهي تتكلم
:عملت لك مشكلة ممكن اشوفك اعتذر واشكرك على انقاذك لي
:بعدين يا جي جي لازم اروح اشوفها مش هسيبها كده
:طب اشوفك بالليل اعزمك على العشا في المكان بتاعنا لو سمحت
:ماشي هكلمك نتفق
*جرى وصعد الى الغرفة وجد نسمة تبكي
:نسمتي بتعيطي ليه انت مش عارفة ان ده هيحصل
:مش بالطريقة دي زي ما يكون جابت جاز ودلقته على وولعت فيا والنار مسكت في كل جسمي شفتها كانت بتبوسك ازاي
ضمها فارس وقبلها على شفتيها
:امسحي طعم القرف اللي جه على شفايفي احسن حاسس اني وقعت في مقلب زباله
:وانا مالي اخاف اتعدي اظن كل يوم من ده على ما نعرف عايزين ايه
:لا خلاص شكلها صدقت وعايزة تتعشى معايا انا هخرج بعد شويه اعمل اننا اتخانقنا واديها ريق حلو واطمعها اني بدأت احن لها
:يا حنين وانا اولع صح
:نسمة بلاش شغل العيال ده انا لو صديتها ما اضمنش ممكن يفكروا يعملوا فيك ايه بعد كدة ارجوك كملي خلينا نخلص ونربيهم … ههههههه
:بتضحك على ايه
:افتكرت شكلك وانت جيباها من شعرها
:والله كنت هاكلها قلمين كمان بس انت اللي منعتني
:طب المرة الجاية مش همنعك اما اشوف هتعملي فيها ايه
:بجد هو في مرة تانية دى انت عجبتك البوسة بقى
: انا مفيش حاجه بتعجبني غير منك تعالي اقولك كلمتين
:لا زعلانة منك
: انا عارف هصالحك ازاي تعالي بس
*بعد فترة من الوقت خرج فارس وقام باغلاق الباب بقوة وبدأ ينفخ كانت جي جي قادمة ورأته فاستغلت الوضع
:فارس حبيبي مالك
:المتخلفة مش بتفهم حاجه جايه من كوكب تاني
:خلاص ما تزعلش تعالي نتعشى سوا انا عزماك في المكان بتاعنا زي زمان استنى تحت دقيقتين هغير وانزلك ولة تحب تستنى عندي في الاوضة
:لا هستناك تحت مش طايق نفسي ما تتاخريش
*ذهبوا الى المطعم وفارس بيحاول يتجاوب معها بهدوء حتى لا تشك تقربت منه جي جي اكتر فاكثر لكي تغفله وتاخذ منه مفتاح الغرفة الخاص به
:هروح الحمام يا فارس اظبط الميك اب بتاعي
*ذهبت من امامه وقابلت باسل في ركن بعيد عن رؤية فارس واعطته المفتاح
:حاولي تعطليه على قد ما تقدري
:كان نفسي ابقي معاك اشوف مناخيرها وهي بتتكسر لسة راسي بتوجعني من شدة شعري
:هاخد حقك وحقي ولو عرفت اصورها كمان مش هتاخر عشان تتفرجي وتملي عينك
:اه ابقى ابعته له يتفرج عشان يبقى يطلقني ويرميني انا
*ذهب باسل ودخل الغرفة كانت فارغة ظن انها خرجت لكنه سمع صوتها تغني في الحمام
:فارس انت جيت عملالك مفاجأة المرة دى…… انت بتعمل ايه ودخلت هنا ازاي
*صفر بإعجاب من قميص النوم الذي ترتديه ونظرات حقيرة تتفحصها اسرعت لترتدي الروب سبقها وخطف الروب من يدها
:على فين يا حلوة دى احنا ليلتنا عسل
:اطلع بارة واوعى تفكر تلمسني هصرخ والم الناس
:صرخي هقول اني جاي بمزاجك وفاتح بالمفتاح بتاعك هتبقى فضيحة لك وجوزك هيطلقك اعقلي كده وننبسط شوية مع بعض يمكن يعجبك الحال ونفضل مع بعض احسن من جوزك دى انا هريحك قوى
:انت بتعمل كدة ليه انا ما عملتش حاجة فيك
:ما عملتيش سنين الجامعة كلها بجري وراك وانت مش معبراني ومناخيرك في السما مفيش واحده الا وقدرت عليها مفيش واحده ما كانتش مبهورة بيا الا انت
:عشان كان عندي ظروف خاصة مقدرتش ارتبط ارجوك ابعد عني يا باسل انا مش منهم
:ما هو ده اللي مخليني عايزك اكثر واديك اتعالجتي وبقيتي صاروخ وانا دلوقت مش قرفان هتيجي بالذوق ولة جوزك اللي ضربني يعرف اللي حصل لمراته لما يشوفه على جسمك
بقلمي سحر السحرتي
*بدأ يتهجم عليها وهي تصرخ وتقاوم الى ان استطاعت ان تخربش وجهه بأظافرها فصفعها عدة مرات وامسك رأسها ليقذفها في الحائط لكن امسك فارس يده ومنعه الذي دخل ومعه الشرطة وضربه عدة لكمات فشلت الشرطة في ابعاده من شدة غضبه الى ان سمع نسمة تنادي باسمه وهي منهارة
:فارس سيبه …. تعالى ارجوك محتجالك
*كانت تحاول ارتداء الروب لتستر نفسها
*القاه فارس على الارض واسرع باحتضانها وهي منهارة من البكاء ولم تستطيع الوقوف فحملها
:ما كنتش اعرف ان الموضوع صعب قوي كده
:انت ايه اللى لبسك كده اصلا
:فكرته انت معرفش انها هتبقى بسرعه كدة ايه كمية الحقد دي معقول انسان عايش مع نفسه بالشكل ده ازاي … هو انت كنت عارف انه هيحاول يتهجم على النهارده
:لا طبعا بس لما انتبهت ان مفتاح الاوضة اختفى شكيت وجيت جري واتصلت على ياسر وهو اتصل على البوليس اللي حصلني اهدي بقى وانا موجود
*دخلت لين تجري على نسمة وحضنتها
:في ايه انت كويسة مهاب شاف البوليس نازل ومعاه اللي اسمه باسل قالي أجري اطمن عليك
*بصوت يكاد يكون منقطع:انا كويسه ما تقلقيش اخرجي طمني مهاب انا هنام وهبقى كويسة
:هو ايه اللي حصل يا فارس فهمني وايه اللي جاب باسل والبوليس
:معلش يا لين هحكي لك بعدين ارجوك ساعديها تلبس لاننا هنروح القسم دلوقت انا هطلع لمهاب
:دي منهارة خالص هتروح ازاي
:معلش لازم نروح عشان نخلص بقى من الكابوس ده
:حاضر بس جسمها كله بيترعش انا هجيب لها عصير من الثلاجة تهدي نفسها والبسها
*خرج فارس لانه كان منهار اكثر من نسمةلرؤيتها ومرورها بكل هذه الاحداث المهلكة للروح وعدم استطاعته فعل شئ وكأنه عاجز لكن عليه أن يتماسك
*وقف مع مهاب وحكى له كل شئ
:باسل كان معانا في الجامعه وكان انسان حقير بس ما تخيلتش للدرجه دي توصل به السفالة نسمة كانت دايما بتصده وعمرها ما ارتبطت وده كان مجننه وحاول كتير ومالقاش منها رجا فكرته نسي الموضوع
:لا ما نسيش وكل فترة يخطط ينتقم لكبريائه
:الله يكون في عونها اتبهدلت كتير رغم انها بتحب الناس كلها وبتساعد اي حد فارس نسمة طيبة قوي
:عارف دي اكتر حاجه شدتني ليها
:لا قصدي انها بعد ده كله ممكن تتنازل عن القضية مش بتحب تأذي حد ولا تسجن حد
:نعم تتنازل دى وافقت على الخطة مخصوص عشان يتحبس ويتربى ولو هي اتنازلت انا لا
#هل ستتنازل وهل سيستطيع باسل الخروج من القضية
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نسمة حائرة)
