رواية أم البنات الفصل التاسع عشر 19 بقلم ريهام علي
رواية أم البنات البارت التاسع عشر
رواية أم البنات الجزء التاسع عشر
رواية أم البنات الحلقة التاسعة عشر
في بيت امين شكري
كانت سلمي بتتكلم مع سليم في التليفون
سلمى / ما تتكلم يا سليم في ايه
سليم / اتنهد وقال انا عارف مكان اخوكي
سلمى / وقفت ومش مستوعبه اللي سمعته وقالت بدموع أ.انت بتقول ايه يا سليم بجد انت عارف مكان اخويا
سليم / اتنهد وقال ايوه عارف وعارفه كمان وانتي كمان عرفاه يا سلمى
سلمى / دموعها زادت اكتر وقالت سليم ارجوك قولي انا عرفاه ازاى
سليم / اخوكي يبقى رافت يا سلمى
سلمى / سمعت الخبر اغمي عليهم محستش بنفسها
سليم / سلمى .. سلمى انتي معايا الو .. الو يا سلمى ردي عليا
قفل واتصل عليها مره ثانيه مردتش عليه .. قلق اكتر وكلم فاطمه تروح تطمن عليها دخلت فاطمه تشوفها وهو معاها على الخط صرخت لما شافتها واقعه في الارض
فاطمه / بدموع بنتي .. بنتي مالك يا نور عيني
جم عليها مليكه وعاليه على صوتها وحاولو يفوقوها وبعد شويه فاقت
فاطمه / مالك يا بنتي في ايه
سلمي / اترددت تقول لامها اللي عرفته من سليم بس قررت تفهم الاول .. وقالت ابدا يا ماما وعيونها دمعت وقالت لما قريت وصيه نونه بس افتكرتها وزعلت عليها
فاطمه / طبطبت عليها بحنان وقالت ربنا يرحمها يا بنتي وقامت وقالت ابقي طمني سليم اصل قلقان عليكي
سلمى / حاضر يا ماما هكلمه وخرجوا كلهم ومسكت التليفون بسرعه تكلم سليم
سليم / ايوه يا حبيبتي قلقتيني عليكي
سلمي / سيبك مني دلوقتي وقولي انت متاكد من كلامك ده بجد ولا ايه
سليم / ايوه يا حبيبتي متاكد منه
سلمى / طب ازاي احكيلي
سليم / حاضر هقولك لما انتي حكيتي لنونه الله يرحمها عن اللي حصل مع عاليه وعمك اعترف انه اخد اخوكي ورماه في الشارع .. بعدها ناس لقوه في الشارع فعلا يومها واخدوه بس الناس دي يبقى سامح السعيد اخو نونه ومراته ثريا
فلااااااااااش باااااااااااك
نونه كلمت اخوها سامح السعيد وقالتله انها عيزاه في حاجه مهمه وراح فعلا عشان يقعد معاها ويتكلموا
نونا / قولي يا سامح انتم كنتو لقيتو رافت فين
سامح / ملامحه اتغيرت وقال ايه فكرك بالموضوع ده دلوقتي يا نونه
نونا / يا سامح متعصبنيش بس أحكيلي ارجوك
سامح / حاضر يا نونه هقولك … انتي عارفه ان انا وثريا مبنخلقش بس يوم مالقينا رافت كنا راجعين يومها من القاهره كنا بنكشف عند دكتور مشهور صاحبة ثريا قالتلنا عليه بس للاسف قالنا نفس الكلام وكنا راجعين في حاله ما يعلم بيها الا ربنا وكانت ثريا منهاره
وقفت بالعربيه وحاولت احتويها في حضني وأطبطب عليها بس كانت منهاره اكتر.. وفي عز ما كنت بطيب خاطرها لقينا راجل لابس جلابيه صعيدي ولافف وشه مش باين غير عيونه بس .. شايل شنطه في أيده وحطها ومشي وكان بيتلفت وراه زي الحرامي بالظبط بس انا وثريا لمحناه
ثريا / ايه ده يا سامح الشنطه دي وليه الراجل خايف اوي كده و هو بيحطها
سامح / مش عارف والله يا ثريا يلا ملناش دعوه خلينا نمشي ..
ولسه هنمشي لقينا الشنطه دي بتتحرك خوفنا اكتر بس سمعنا صوت واطي زي بكاء طفل
في اللحظه دي انا وثريا بصينا لبعض ومن غير تردد نزلنا بسرعه وروحنا عند الشنطه دي فتحناها لقينا فيها طفل جميل اوي
ثريه / شالته وهي بتبكي وضمته لحضنها و من بين دموعها ابتسمت لسامح وقالت ابني يا سامح ده ابني رافت
سامح / ابتسم وقال يبقى رافت احنا هناخده نربيه ويمكن يبقى عوضنا عن الخلفه وفعلا اخدوه وسموه باسمهم
وبعد ما نونه عرفت الحقيقه قررت تتصل بسليم عشان يتاكدوا بطريقه غير مباشره وهو انهم يعملوا تحليل لرافت وسلمى ويشوفوا العينه متطابقه كاخوات ولا لا وده طبعا بعد ما نونا حكت لسليم وعرفته وطلبت منه يساعدها من غير ما سلمى تعرف باي حاجه
وفي يوم كان سلمى وسليم في خروجه مع بعض
سليم / حبيبتي انتي شكلك تعبان ليه كده حاسس وشك اصفر
سلمى / لا يا حبيبي انا كويسه ممكن يكون بس من السهر والمذاكره
سليم / اتنهد وقال طب قومي معايا للمعمل نعملك تحاليل نطمن عليكي
سلمى / يا سليم مش مستاهله والله متبقاش قلوق كده
سليم / بصلها بحب وقال لا طبعا مستاهله يلا قومي واخد سلمى وراحوا معمل تحليل عشان يقدر ياخدوا منها عينه الدم من غير ما تحس بحاجه
.. بس كان قبلها متفق مع صاحب المعمل انه يخلي عينه سلمى دي جنب عشان يقدروا يعملوا التحليل ليها هي ورافت وكمان سامح نفذ نفس الخطه مع رافت
بعد ما التحاليل ظهرت وأتاكدوا من تطابق النتيجه والجينات الوراثيه
نونه كانت ماسكه التحليل و قاعد معاها سليم وسامح
سليم / اتنهد وقال طب دلوقتي العينه متطابقه هنعرفهم ازاي
سامح / كان سرحان ومبيردش ومش متخيل ان رافت يضيع منه هو كمان بعد موت ثريا مراته وكان في حاله لا يرثي لها
نونه / ما ينفعش نبلغهم اي حاجه دلوقتي على الاقل لازم نصبر شويه عشان نقدر نقولهم الحقيقه لان رافت وسلمي على وش امتحانات وحاجه زي دي ممكن تضيع مستقبلهم هم الاتنين
سليم / صح وانا كمان من رايك يا نونه وبص لسامح وقال ولا حضرتك رايك ايه يا استاذ سامح
سامح / بضياع مش فارقه كده كده رافت هيروح منى تبلغوه دلوقتي تبلغوا بعدين مش هتفرق خلاص النتيجه واحده رافت هيبعد عني
نونا / اتنهدت بزعل على اخوها لانها عارفه رافت بالنسباله مش مجرد ابن دا كان بيعتبره صاحبه وونيسه الوحيد بعد مراته
وقالت ربنا يقدم اللي فيه الخير بس انت ما يرضلكش برضه يا سامح ام قلبها يفضل موجوع على ابنها كده
سامح / لا طبعا ما رضاش اللي انتم شايفينه أعملوه انا همشي وسابهم ومشي
نونا / الله يكون في عونك يا سامح
سليم / مش عارف اقولك ايه بس في الموقف ده
نونا / وقالت ادعي ربنا يعديها علي خير بس
سليم / يا رب
بااااااااااااااااااك
سلمى / كانت بتبكي بانهيار وقالت اخص عليك يا سليم تخبي عليا كل ده
سليم / وحياتك عندي كنت ناوي اعرفك كل حاجه بس لما تخلصي امتحانات بس جت نونا توفت وحصلت دربكه كتيره اوي
سلمى / انا لازم اروحله الاول قبل ما اعرف ماما اي حاجه
سليم / وأنا معاكي يا قلبي نروحله بكره كمان لو حابه
سلمى / طبعا انا هروحله عشان ابقى معاه مش لازم يفارقني ولا يفارق ماما واخواتي تاني ابدا
سليم / ايه بقى انا كده هابدا اغير من رافت
سلمى / تغير من رافت يا مجنون ده اخويا هتغير منه كمان
سليم / اتنهد بحب وقال واغير من الهوا اللي حواليكي يا سلمى انا بحبك وبعشقك عشق الجنون
سلمى / وانا كمان بحبك اوي يا سليم بس ده ميمنعش اننا زعلانه منك
سليم / خلاص بقى والله اسف ووعد مني لما اشوفك هصالحك بحضني
سلمى / ضحكت وقالت شكلك هتبقى شقي اوي
سليم / وافقي انتي بس نحدد فرحنا وانا هوريكي الشقاوه على اصولها
سلمى / احم سليم ايه اللي بتقوله ده
سليم / ضحك وقال حلو الكسوف برضه
سلمى / ابتسمت وقالت طب انا هقفل بقى وهكلمك بكره عشان نسافر بدري
سليم / طب ومامتك هتقوليلها ايه
سلمي / اتنهدت وقالت ممكن اقولها هزور نونه في قبرها وأرجع الورث لاولادها من تاني
سليم / اوكي يا قلبي من بدري هبقى اجهز وهعدي عليكي تصبحي على خير
سلمى / وانت بخير مع السلامه
وقفلت معاه ونامت ،،،،،،،،،،
_______________________________
اشرق صباح يوم جديد
سلمى صحيت من النوم مجهزه نفسها عشان تسافر اسكندريه هي و سليم
وخرجت بره الاوضه ولقيت فاطمه واخواتها البنات
سلمى / صباح الخير
الكل / صباح النور
فاطمه / باستغراب رايحه فين يا سلمى
سلمى / ابدا يا ماما هسافر اسكندريه عشان ارجع الورث لاولاد نونه واجيب ورق مهم ليا من جامعتي وهقابل البنات هناك
فاطمه / لوحدك
سلمى / لا يا حبيبتي سليم جاي معايا طبعا
فاطمه / ابتسمت وقالت ربنا يخليكم لبعض يا حبيبتي
عاليه / يا رب يا مامتي ويخليني انا ولوشتي لبعض والنحانيح مالك ومليكه لبعض
الكل / هههههههههه
مليكه / بغيظ وبتقلد صوتها ويخلينا انا ولوشتي لبعض دلوقتي بقى لوشتك ياختي الله يرحم ايام الخناق كنت شبه توم وجيري
عاليه / خلاص بجى يا مليكه الجدع بجى زين اهو وبجى خطشيبي
الكل / ضحك عليها
في الوقت ده الباب خبطت وفتحت سلمى
سلمى / لقت سليم على الباب وقالت اتفضل ادخل
سليم / لا ندخل فين يلا عشان ما نتاخرش علي القطر
فاطمه /يا بني ادخل ما يصحش تقف كده
سليم / والله يا ماما هنتاخر لما نرجع هبقى اجي واقعد معاكم براحتي
فاطمه / ماشي يا حبيبي براحتك وانا هجهزلكم الاكل اوعو تاكلو بره
عاليه / ياكلوا بره !! الهي لو اكلتوا بره من غيري يا سليم ترجعوا اللي طفحتوه
سليم / بصلها بقرف وقال لوكل اوي يا بيبي اختك
عاليه / لسه هتقوم …
مليكه / مسكتها وقالت اهربوا بسرعه اهربوا بسرعه هتاكلكم
خرجت سلمي وسليم وهما بيضحكوا عليها
مليكه / زقت عاليه وقالت اتهدي بقى يا شيخه هديتي حيلي
عاليه / مش سبتيني ليه اجيبه من لوزه
مليكه / وهي بتضحك هههههه يخربيتك الله يكون في عون على منك والله
عاليه / ابتسمت وقالت لا متخافيش التهور ده بيطلع عليكم انتو بس انما لوشا حبيبي طبعا لا
فاطمه / فينك يا علي تسمع لوشه حبيبي منها
مليكه / ما تخافيش يا ماما سجلتلها وبعتهاله كمان
عاليه / برقت عيونها لمليكه وقالت بجد
ماليكه / خافت وطلعت تجري على اوضتها
فاطمه / وهي بتضحك عليهم ربنا يسعدكم يابناتي يا رب
_____________________________
في الاسكندريه
بعد مرور وقت وصل سليم وسلمى للاسكندريه واتجوا لفيلا سامح السعيد وبعد شويه نزلوا عند الفيلا
بس اتفاجئوا بناس كتير سلمى وسليم بصوا لبعض باستغراب ودخلو يسالوا البواب
سليم / لو سمحت هو في ايه جوه
البواب / و هو بيمسح دموعه قال سامح بيه تعيش انت
سلمى / شهقت وقالت طب ورافت
البواب / ربنا يصبره واقف جوه طبعا بس هيعمل ايه وهو لوحده كده
سلمى / بدموع يا حبيبي يا اخويا
البواب / ها
سليم / شد سلمى ودخلوا جوه عند الناس
رافت / اول ما شاف سلمي جرى عليها واترمي في حضنها وقال وحشتيني اوي أوي يا سلمى يا اختي
سلمى / خرجته من حضنها بدموع وابتسامه وقالت اختي انت بتقول اختي يا رافت انت عرفت الحقيقه
رافت / هز راسه بمعنى اه وقال لسه عارف امبارح من بابا سامح الله يرحمه قالي الحقيقه وودعني خلاص يا سلمى هو ونونا خلاص ودعوني وعيط بحرقه واترمي في حضنها
سلمى / حضنته بوجع وقالت لا يا حبيبي متعيطش انا لسه عارفه امبارح انا كمان من سليم هو اللي قالي
سليم / بتساؤل رافت هو سامح قالك الحقيقه امته
رافت / امبارح
سليم / ايوه امبارح امتى كده
رافت / يعني كانت الساعه 11 تقريبا
سليم / نفخ بزهق وسكت
سلمى / في ايه يا سليم
سليم / يظهر اننا السبب في موته
سلمى / ليه بتقول كده
سليم / بعد ما قفلت معاكي كلمته وقولتله سلمى هتيجي بكره لرافت عشان تقوله الحقيقه وهو قالي في انتظاركم بس حسيته زعلان اوي
رافت / عيط وحضن سلمى
سلمى / حضنته وقالت كفايه دموع يا رافت يلا عشان نخلص جنازة ابوك وتقفل الفيلا وتيجي معانا على البيت عشان ماما
من ورا سلمى جه ايمن ابن نونه وقال
ايمن / ويروح معاكي بيتك ليه وبيت اولاد عمته موجود وبص لرافت وقال ولا ايه يا رافت
رافت وسليم وسلمى بصو لبعض باستغراب
ايمن / ايوه متستغربوش ابن خالي هيجي معانا اهو نعوضه عن الحرمان اللي دوقناه لامنا صدقوني احنا نفسنا نكفر عن ذنبنا بجد عن اللي عملنا في امي وهنكفر عنه برافت لاني عارف قد ايه ماما كانت بتحبه وبتعتبره زينا ويمكن اكتر
سلمى وسليم ورافت ابتسموا من كلام ايمن
سلمى / متشكره طبعا يا ايمن بيه على موقفك النبيل ده بس اخويا هيجي معايا ولو حابب تكفر عن ذنوبك فعلا في غلطتك لوالدتك يبقى نفذ وصيتها وابنيلها دار المسنين و دار ايتام زي ما طلبت
ايمن / باستغراب دار مسنين و دار ايتام واخوكي انا مش فاهم حاجه انتي ازاي عرفتي ان دي وصية ماما
سلمى وسليم بصوا لبعض وسكتو
رافت / خرج من حضن سلمى وقال ان هفهمك يا ايمن كل حاجه انا مش ابن خالك سامح السعيد لان انا ابقى اخو سلمى واسمي الحقيقي احمد امين شكري ووالدتي اسمها فاطمه
ايمن / يعني ايه برضه مش فهمت
سليم / اننهد وقال دي حكايه طويله اوي يا ايمن بس كل اللي هتعرفه دلوقتي هو رافت انه يبقى اخوه سلمى وخالك سامح السعيد مبيخلفش اصلا هو ومراته ثريا ولقوا رافت في الشارع عمو اللي رماه بسبب خلاف مع ابوه على الورث وسامح بيه الله يرحمه لقاه واخده رباه وسماه على اسمه
ايمن / بصلهم وابتسم وقال يعني انت مش ابن خالي وخالي ملهوش اولاد يعني ملهوش ورثه غيري انا واخواتي
سلمي وسليم ورافت / ورث ؟؟
ايمن / ضحك وقال طبعا ورث وانتو كنتو فاكرين اني كنت هاخده مثلا اربيه والكلام الفاضي اللي قولته ده لا طبعا انا كنت هاخده عشان يبقى ورثه تحت أيدي واعمل فيه اللي انا عايزه
سلمى / هزت راسها يمين وشمال وقالت يا خسارة تربيتها فيك لو كانت ربت كلب كان هيبقى وافي ليها عنك
ايمن / بعصبيه اخرسي ورفع أيده عشان يضربها
سليم / مسك ايده و قال حيلك انت رايح فين انت كمان وزق أيده وقال المره الجايه هقطعهالك انت فاهم
ايمن / بصلهم بقرف وقال بره يلا كلكم بره وخدي اخوك ده معاكي مش عايز حاجه تفكرني باشكالكم الزباله دي بره
سلمى / كان عندها حق في كل كلمه قالتها عنك وانا بهبلي وغبائي كنت هسلم كل حاجه ليك من تاني لا ده بعدك يا ايمن بيه
ايمن / تقصدي ايه بالكلام ده هااا
سلمى / هتعرف قصدي بعدين وبصت لرافت وقالت يلا يا رافت
رافت / بدموع مش هينفع امشي قبل ما ادفن ابويا يا سلمى
ايمن / ضحك بسخريه وقال ابوك مين ياله انت هتعيش الدور يلا خدها وامشي من هنا خلاص ملكش اب عندنا
رافت / بدموع ايمن بالله عليك سيبني ادفنه وهمشي
ايمن / بعصبيه قولت بره يعني بره وبصوت عالي برررررررره
رافت / بص على الفيلا بدموع واخد سلمى وسليم وخرجوا
اما ايمن وقف يتفرج على الفيلا وحط ايده في جيوبه واتنهد وقال والله فرصه حلوه اوي وفكر في فكره تانيه خالص هنعرفها بعدين ،،،،،،،
_______________________________
في مكان هادى
كان قاعد سلمى وسليم ورافت مع بعض يفكروا هيعملوا ايه في اللي جاي
رافت / ايه يعني نونه كاتبتلنا انا وانتي وخلود الورث كله
سلمى / اتنهدت وقالت ايوه المحامي هو اللي جه وبلغني وقالي كل حاجه
رافت / وهو ايمن ولا انور اولادها لو عرفوا هيسيبونا يا سلمى ده مش بعيد يقتلونا عشان ياخدوا حقهم مننا ولا يهمهم حد
سليم / عقد حواجبه قال يقتلوكم ليه يعني هي سايبه للدرجه دي
رافت / انت متعرفش عنهم حاجه يا دكتور سليم متعرفش حاجه عن قسوه قلوبهم وتفكيرهم ويمكن انت شوفت جزء منها النهارده ويوم وفاه نونه
سليم / ايوه بس البلد مش سايبه لدرجه يقتلكم وبعدين نونه مش مجرد كلام كتباه في وصيه لا ده تنازل رسمي عن ميراثها ليكم انتم التلاته وموصيه بالربع يتبنى به دار ايتام وبيت مسنين
رافت / مش هيسكتوا والله انا عارفهم
سلمى / انا كنت جيالك وعامله حسابي اروحلهم واتنازلهم عن الميراث بتاعي لكن هوصيهم بدار المسنين و الايتام زي ما طلبت مني لكن بعد ما شوفت الحقاره دي منه النهارده توصل معاك بانه يطردك عشان يورث هو واخواته قولت لنفسي لا ومستحيل كمان انا هاخد حقي كله من ورث نونه
سليم / باستغراب سلمى انتي مستوعبه كلامك
سلمى / . ايوه يا سليم مستوعباه جدا وعارفه انا بقول ايه عشان كده بقولك حقي انا هاخده كامل بس طبعا مش ليا ابدا وأتنهدت وقالت هي مش طالبه بان ربع من الورث يبقى لدار الايتام ودار مسنين انا بقى بنصيبي هعملها دار الايتام ودار مسنين في القاهره والاسكندريه
رافت / طب واولادها هنعمل فيهم ايه
سلمي / بتحدى عايزين شركاتهم يبقوا يشتروا نصيبهم مني غير كده انا اللي هقفل هاقفلهم انما انت وخلود براحتكم طبعا انا مش هضغط على حد فيكم عشان ياخد فلوسه ولوني عارفه خلود هتخاف على اهلها وهتنازل من غير تفكير
سليم / اتنهد وقالت وعلي ايه وجع القلب ده بس يا سلمى انا خايف عليكي
سلمى / وانا مش هكذب عليك واقولك مش خايفه على نفسي بالعكس انا خايفه وخايفه اوي كمان وعارفه ان اللي جاي هيبقى بمثابة حرب بيني وبينهم بس ما فرقتش بقى ….وسكتت شويه وقالت سيبك بقى من كل ده وبصت لرافت و ابتسمت وقالت المهم انك رجعتلنا بالسلامه يا حبيبي
رافت / ابتسم بوجع وقال متعرفيش احساسي كان ايه لما بابا قالي الحقيقه يا سلمى احساس صعب أوي
سلمى / عارفه يا حبيبي الحمد لله ده ربك هو اللي دبرها من عنده شوفت انا اشتغلت عند نونا كل السنين دي وحبيتك زي اخويا وكانت معزتك عندي زي مليكه وعاليه ومكنتش عارفه السبب بس عرفته خلاص
رافت / ابتسم بسعاده وقال قوليلي يا سلمى ماما واخواتي شكلهم ايه
سلمي / اتنهدت وقالت انا كل خوفي على ماما من اللحظه دي والله يا رأف…… وسكتت وابتسمت وقالت قصدي يا احمد ماما كانت بتقولنا ان بابا كان مسميك احمد
رافت / ابتسم وقال احمد.. رافت متفرقش المهم اني معاكم وخلاص
سلمى / الحمد لله يا حبيبي أتجمعنا من مع بعض من تاني وان شاء الله مش هنفترق ابدا
رافت / ان شاء الله يا حبيبتي
سليم / كان قاعد بيتفرج عليهم وهو ساند ايده علي الترابيزه ومبتسم وقال والله انا حاسس اننا قاعد في مسلسل تركي وناقصلكم بس اغنيه التتر تنزل
سلمى ورافت / ههههههه
سليم / طب يلا بقى يا حلوين عشان نلحق نرجع بدري
رافت / وقف وقال انا قلبي بيدق بسرعه اوي وخايف
سلمى / ابتسمتله وقالت بيدق من الفرحه يا حبيبي مش من الخوف
سليم / يلا بقى بطلوا رغي
ومشيو هما التلاته عشان يرجعوا على القاهره
،،،،،،،،،،،،،،،،،،،،،،،،،،،،،،،،،،،،،،،،،،،
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أم البنات)
