رواية أم البنات الفصل الثامن عشر 18 بقلم ريهام علي
رواية أم البنات البارت الثامن عشر
رواية أم البنات الجزء الثامن عشر
رواية أم البنات الحلقة الثامنة عشر
في بيت سليم
صحيت سلمى من نومها لقيت نفسها في اوضه غريبه
قامت بسرعه بس سمعت صوت سليم والبنات بيتكلموا مع بعض اتنهد براحه وخرجتلهم
سليم / شافها قام جرى عليها ومسك أيدها عشان يقعدها
ميرنا / ها يا حبيبتي عامله ايه
سلمي / هزت راسها بمعنى تمام
ساره / سلمى لو سمحتي اتكلمي ومتفضليش ساكته كده انتي سكوتك ده بيقلقنا عليكي اكتر
سلمى / بصت لساره وقالت ما تخافيش يا ساره انا كويسه
الكل بصو لبعضهم وأتنهدو وقالوا الحمد لله
مروه / حبيبتي ادعيلها وما تعيطيش عليها ابدا
سليم / شد سلمى وقال تعالى يا سلمى عايزك وبص للبنات وقالت بعد اذنكم واخظها وخرجوا في البلكونه شويه
سلمى / كانت بتبص للبحر ودموعها بتنزل منها وساكته
سليم / لفها ليه وقال تؤ تؤ تؤ مش عايز اشوف دموعك دي ابدا ومسح دموعها بأيده
سلمى / اترمت في حضنه وعيطت بصوت عالي وقالت آااااه يا سليم نونا راحت خلاص جمعتنا ببعض وهي اللي فارقت انا تعبانه اوي حاسه اني ناقصني حاجه من غيرها
سليم / كان بيمسح دموعها وهي في حضنه وقال ادعيلها يا قلبي ادعيلها انتي كده بتعذبيها لما تعيطي عليها والله وابتسم وقال وبعدين ازاي حاسه ان ناقصك حاجه وانتي في حضني يعني المفروض حضني ليكي دا يغنيكي عن اي حاجه ناقصه منك ولا ايه
سلمى / من بين دموعها ابتسمت وخرجت من حضنه وهي مبتسمه لكن الحزن ظاهر في عيونها اوي ودموعها نازله منها
سليم / قربلها وقال تعرفي ان شكلك مثير اوي كده بعيونك الحمرا دي وخدودك تتاكل كده ومشبعش منك
سلمى / ضحكت على كلامه قالت ربنا يخليك ليا يا سليم
سليم / اتنهد بحب وقالت ويخليكي ليا يا قلبي وعمري كله … وسكت شويه وقال عشان خاطري مش عايزه اشوف دموعك دي تاني
سلمى / غصب عني قلبي واجعني عليها اوي
سليم / اتنهد وقال طيب ما دام لسه قلبك واجعك عليها بقى اترمي حضن وعيطي براحتك وفتح دراعه ليها
سلمي / ضحكت وخبطته في دراعه وقالت يا قليل الادب
سليم / يا سلاااام قليل الادب ولما انتي لبستيني شبكة مامتك دلوقتي مكنتيش قليله الادب
سلمى / اتكسفت وقالت احم سليم بس بقى
سليم / قرب عليها بحب وقالت بحبك اوي
سلمى / وانا كمان بحبك اوي
سليم / بغمزه طب يلا ندخل للبنات جوه عشان اكتر من كده ممكن اتهور عليكي
سلمي / ابتسمت له وقالت يلا بينا ودخلوا للبنات
______________________________
مرت الايام و رجعت سلمى لبيتها من تاني وكان دايما امها واخواتها حاسين بزعلها وهي كانت بتحاول تبين عكس ده وتقولهم ان سبب زعلها انها خلصت الجامعه وفارقت اصدقائها
وبعد مرور شهر
كان على اتفق مع اهله انهم يروحوا يخطبوله عاليه وجه اليوم اللي اتفقوا فيه عشان يروحوا يقرواالفاتحه
____________________________________
في بيت امين شكري
كانت عاليه بتجهز عشان علي واهله جايين لخطبتها
كانت سلمي ومليكه معاها في الاوضه بيجهزوها وبيضحكوا مع بعض
عاليه / بعد ما خلصت لبسها بصتلهم وقالت ها ايه رايكم كدا
سلمي / زي القمر يالولو ربنا يسعدك ياحببتي
مليكه / كبرتي يالولو وبقيتي عروسه زي القمر ….. بس برضه لسه قصيره
عاليه / رفعت حاجبها وقالت ايه دا هو عقدة لسانك اتحلت شكلها بالنحنحه
مليكه / قصدك ايه يابت
عاليه / قصدي ايه .. قصدي هييييييييييح نحنحة سي مالك يا اوختشي
مليكه / اتلمي بدال ما….
سلمي / قطعت كلامها وقالت ايه فيه ايه انتو هتتخانقوا النهارده كمان دا انتو ليلتكم مش معديه وبصت لعاليه وقالت وانتي المفروض تكوني متوتره مش طايحه فينا كدا
عاليه / فركت ايدها في بعض وقالت ومين قالك اني مش متوتره
مليكه / بتريقه .. لاااا واضح
عاليه / شوفتي يا ميمي بتجر شكلي اهي قوليلها تتلم بقا بدال ما العب في وشها
مليكه / ولا تقدري تعملي حاجه
عاليه / رفعت حاجبها واخدت نفس عميق وغمضت عيونها …
مليكه / شافتها كدا خافت منها وجريت بره الاوضه
سلمي / هههههههه يخرب عقلكوا والله انتو الاتنين عيال
عاليه / سيبك منها .. قوليلي سليم جاي
سلمي / طبعا سليم ومالك ماما قالتلهم عشان يبقوا في استقبالهم معانا
عاليه / ربنا يخليكو ليا يا ميمي
سلمي / حضنتها وقالت ربنا يسعدك ياحببتي
في الوقت دا جرس الباب رن
عاليه / خرجت من حضن سلمي وشهقت وقالت وصلو
سلمي / ههههههه اهدي بس دا اكيد مالك او سليم وسابتها وراحت تشوف
خرجت سلمي ولقت فاطمه بترحب بسليم ومالك
سليم / او ما شاف سلمي وقف مكانه وبصلها باعجاب بلبسها علي الرغم من بساطته والميكب الهادي بس كانت زي القمر
سلمي / ضحكت وقالت ايه هتفضل تبحلقلي كدا يا سليم
سليم / راح عندها ومسك ايدها ولفها وصفر باعجاب وقال هو خطوبة مين النهارده انتي ولا عاليه
سلمي / بدلع مش للدرجادي يعني
سليم / احلفلك يمين طلاق عشان تصدقيني
فاطمه ومالك / ههههههههه
سليم / همس لسلمي في ودنها وقال تصدقي كويس انهم ضحكوا وفوقوني
سلمي / فوقوك من ايه
سلسم / أصلي كنت هنسي نفسي وهلبسك شبكتك
سلمي / ههههههههه
فاطمه / احممم اتفضل يا سليم يا ابني اتفضل يا مالك
دخل سلمي ومالك وسليم قعدوا ودخلت فاطمه لمليكه تبلغها بوجود مالك بره وخرجت مليكه
مالك / اول ما شافها قام وقف وابتسم وسلم عليها
سليم / ايه دا لما انتو حلوين كدا اومال عاليه هتخرجلنا ملكة جمال ولا ايه
سلمي / اتغاظت منه وزغدته في كتفه وقالت بصوت واطي اتلم بدال ما اخزقلك عينيك
مليكه / هههههه انت بتجامل ياسليم وبصت لمالك وقالت ايه مش عجباك ولا ايه
مالك / قرب منها وقال مش هتكلم قدامهم انا هستني لما نبقي لوحدنا في بيتنا ووقتها هيبقي مش كلام بس هيبقي كلام بلس +18 فهماني وغمزلها وضحك
مليكه / اتكسفت منه وابتسمت بخجل
__________________________________
اثناء الكلام رن جرس الباب وقام فتح سليم باعتباره الابن الاكبر طبعا لفاطمه
سليم / فتح الباب وكان علي واهله رحب بيهم ودخلوا قعدوا بعد السلام بينهم
جيهان / كانت قاعده بتبص علي البيت بقرف وكانت بتقول لنفسها يااااي ايه النسب اللي يقرف دا بلا دكتوره بلا قرف انا عندي اجوزه واخده جاهله بس تبقي بنت ناس وهاي كلاس اوففف بس اصبر عليا بس ياعلي لما نروح فيلتنا ..
سليم ومالك كانو بيتكلموا مع عبدالله وعلي ومرحبين بيهم وعبدالله كمان حب اسلوب التحاور بينهم واندمج معاهم بالكلام
بعد شويه دخلت فاطمه ورحبت بيهم وراحت تسلم عليهم
فاطمه / اهلا اهلا يا علي
علي / اهلا بحضرتك وشاور علي عبدالله وقال بابا وشاور علي جيهان وقال ودي ماما وشاور علي رنا وقال دي رنا اختي الوحيده
فاطمه / سلمت علي عبدالله وقالت اهلا اهلا يا استاذ عبدالله منورنا
عبدالله / اهلا بحضرتك بنورك
فاطمه / راحت تسلم علي جيهان عشان تبوسها وقالت اهلا اهلا ام علي
جيهان / مدت ايدها من بعيد بقرف وقالت هاي
فاطمه / وقفت بصتلها باستغراب وادايقت منها
الكل بص لبعضه وشافوا نظرات فاطمه ليها
علي / شاور لرنا بمعني تنقذ الموقف
رنا / فهمته وقالت أ.ايه يا طنط انتي مش هتسلمي عليا ولا ايه انا اه صغننه بس محيره
فاطمه / ابتسمت وسلمت عليها وقالت اهلا بيكي ياحببتي منوره
رنا / لا يا طنط دا نور النجفه
الكل / هههههههههه
فاطمه / وهيه بتضحك لا يا حببتي الدنيا كلها منوره بوجودكم اتفضلي
رنا / لا اتفضل فين بس انا عايزه اشوف المزه اللي خطفت قلب اخويا
قاطمه / قربت عليها وقالت متصعيش عليا انا عاليه حكيالي عن كل حاجه هاا وغمزتلها
رنا / احمم ..يا كسفتك السودا يا قرمط
فاطمه / هههههههه لا متتكسفيش عموما ثواني وهتطلع
جيهان / بكبرياء .. ايه العروسه بتتذوق ولا ايه بس يلا حقها بقا لازم تعمل كل حاجه عشان تطلع نفسها حلوه هيه هتتجوز اي حد
فاطمه / انا بناتي ….
سليم / قطع كلامها وقال بعد اذنك يا ماما اني هقطع كلامك وبص لجيهان وقال لما تشوفيها هتعرفي مين اللي عجب التاني ومين اللي لازم يعمل كل حاجه عشان يعجب التاني
جيهان / بسخريه ياااه دا ايه الثقه دي
سليم / ابتسم ورجع بضهره لورا وقال لا دا غرور
مالك / شاف الكل في حاله غير طبيعيه حب يغطي علي الموضوع وقال ها يا ماما مش هتخرجيلنا العرسه بقا
فاطمه / طبعا يا بني بس مش لما الضيوف يشربوا حاجه الاول
جيهان / لا لا لا ن.نشرب ايه لا طبعا
عبدالله / بص لجيهان بتحذير وبص لفاطمه وابتسم وقال لو هيه مشربتش انا هشرب انا وعلي طبعا
رنا / وانا يا حاج انتو بتنسوني ليه كدا بس وبصت لفاطمه وقالت يالا ياطنط انا هاجي معاكي المطبخ بنفسي عشان اتمم علي مشروبي
فاطمه / ههههههه اتفضلي ياحببتي
ودخلت فاطمه ورنا المطبخ
_______________________________
في المطبخ
رنا / احم طنط ممكن اطلب من حضرتك طلب
فاطمه / اتفضلي ياحببتي طبعا
رنا / احمم ياريت تعدي اي كلمه لماما النهارده عشان خاطر علي وعشان خاطري وخاطر بابا
فاطمه / اتنهدت وقالت قوليلي يا رنا بصراحه هيه مامتك مش موافقه علي بنتي
رنا / اتنهدت بوجع وقالت ماما عايزه ناس كلاس وبس وعايزه تخلص مني انا وعلي باقصي سرعه عشان تتفرغ لحياتها وللنادي ولصحباتها .. عارفه ياطنط انتي ممكن تستغربي انا بقولك الكلام دا ليه بس الصراحه علي من كتر ما حكالي عنك وعن تربيتك للبنات والله انا اتمنيت اقابلك من وقتها … كان نفسي ماما تبقي صحبتي وتيجي تقعد معايا وتقولي احكيلي يومك كان عامل ازاي النهارده انما ابدا عمرها ماعملت كدا .. انا لولا اني قريبه من علي اخويا يمكن كنت وقعت في الغلط لكن هو دايما معايا بصراحه وانا وهو اسرارنا واحده
فاطمه / اخدتها في حضنها وطبطبت عليها بحنان
رنا / وهيه في حضنها قالت الله يا طنط حضنك دافي اوي
فاطمه / بتريقه اصلي بقا معايا فلوس
رنا / ههههههههههه
فاطمه / طب يالا نخرج لامك اصل زمانها هتفرقع
رنا / هههههه يالا بينا
واخدوا الحاجه وخرجوا كلهم بره
وبعد شويه دخلتلهم سلمي ومليكه وعاليه كانت في النص بينهم
علي / اول ما شاف عاليه انبهر برقتها وكسوفها وقام وقف وراح سلم عليها وهمسلها وقال ايه القمر دا
مليكه وسلمي / احم احم نحن هنا
علي / انتو بتطلعوا منين وبعدين انتو واقفين جنبها كدا ليه عاملين زي ريا وسكينة
سلمي ومليكه / هههههه طبعا طبعا دا احنا هنريحووووك
علي / خاف من صوتهم وقال يا اما ومسك ايد عاليه وقال تعالي بعيد عنهم
الكل / ههههههههههه
علي / راح عند عبدالله وقدمله عاليه وقال دي عاليه يا بابا ايه رايك
عبدالله / قام سلم عليها وقال بسم الله ما شاء الله قمر وغمزله وقال والله زوقك اتحسن ياض يا علي
عاليه / بغيظ نعممم وهو كان فيه حد غيري ولا ايه يا سي علي
علي / وشوش ابوه وقال ايه يا حاج انت جاي تهدي النفوس وبص لعاليه وقال بيهزر والله تعالي بقا لما اعرفك علي ماما وراح لجيهان وقال دي بقا ماما
جيهان / طبعا عاليه عجبتها من حيث الشكل لكن مش مقتنعه بيها برضوا بالنسبه لوضعهم اللي هيه شيفاه وقالت بقرف هاي وسلمت بايدها بس
عاليه / عملت كدا 😏 وقالت هاي .. هاي هايين ياحماتي
جيهان/ بغيظ ايه حماتي دي متقولي طنط زي الناس ولا انتي ما صدقتي خلاص
عاليه / اتغاظت من ردها وقالت حاضر يا تنت وبعدين انا اللي ماصدقت دا……
رنا / قطعت كلامها منعا للرد والمشاكل وقالت مرات اخويا حببتشي تعالي في حضن عمتك الحربايه
عاليه / ضحكت وقالت روح قلبي بتاعة قسم المحن عامله ايه وسلمت عليها
رنا / اتلمي بقا دا انا هبقي عمتك
عاليه / وشوشتها وقالت عمة مين ببوز امك مش لما تفرد بوزها الاول بس
رنا / هههههههه متقلقيش اتعودي عليه واتاقلمي
عاليه / شكلنا داخلين علي ايام عسل
رنا / ههههه علي يدي
جيهان / انتو بتتوشوشو في ايه
عاليه / بتريقه ولا حاجه يا تنت
فاطمه / اقعدي ياعاليه واقعدوا انتو كمان يا بنات
عبدالله / طيب يا ست فاطمه حضرتك عارفه طبعا اننا جايين نطلب ايد عاليه لعلي قولتي ايه
فاطمه / ابتسمت وقالت انا علي معنديش اعتراض عليه طبعا دا ابني وهو عارف غلاوته عندي قد ايه
عبدالله / افهم من كدا انك موافقه
فاطمه / ابتسمت وقالت علي بركة الله
علي / يبقي نقرا الفاتحه وقتي
فاطمه / ضحكت وقالت معنديش مانع
وقروا كلهم الفاتحه تحت نظرات علي لعاليه وغمزاته ليها
رنا / بعد ما خلصوا الفاتحه قامت وزغرطت زغروطه طووويله
علي / الله الله عليكي يا رنا فرحتيني بجد
رنا / وهي بتاخد نفسها ما انت متعرفش انا بقالي قد ايه بتدرب علي ام الزغروطه دي
الكل / هههههههههههه
علي / خرج من جيبه علبه قطيفه وفتحها وكان فيها خاتم سوليتير وقام وقف وقال لفاطمه تسمحيلي البسهولها
فاطمه / طب مش تستني للشبكه افضل
عبدالله / لا يا مدام فاطمه الخاتم دا هديه مني لعاليه انما لسه الشبكه عاليه تنزل تختارها براحتها
عاليه / بعد اذنك ياماما وبصت لعبدالله وقالت انا مش عايزه شبكه انا مكتفيه بالخاتم دا بس
علي / ليه يا عاليه دا حقك
عاليه / ليه الانعره الكدابه دي هو الخاتم وبس
جيهان / كانت بتبص لعاليه باستغراب وكانت مبسوطه من جواها لكن هرمون الحما طلع عندها وقالت بكبرياء ايه انتي اكيد عارفه الخاتم دا يسوي كام بقا عشان كدا مش عايزه دهب غيره
عاليه / بصت لامها وهيه متغاظه
فاطمه / شاورتلها بمعني تكون هاديه في ردها
عاليه / بصت لجيهان وقالت لا والله معرفش ولا يهمني اعرف اصلا اصل انا هتجوز علي مش هتجوز الخاتم
جيهان / اتغاظت من ردها اكتر وبصت الناحيه التانيه
علي / بعد اذنك يا طنط هاخد عاليه نقف بره شويه في البلكونه
فاطمه / اتفضل يا بني
عبدالله / اخرجوا انتو وانا هتفق مع حماتك علي كل حاجه
علي / اوك
وخرج عاليه وعلي للبلكونه
___________________________________
في البلكونه
عاليه كانت واقفه ساكته وباصه قدامها وعلي فهم سكوتها انها زعلانه من امه
علي / حببتي انا عارف ان ماما دايقتك بكلامها بس وحياتي عندك استحمليها دي مهما كان امي مش عايز اجي عليها
عاليه / لفتله وابتسمت وقالت انا زعلت ان دي اول مقابله لينا وكان كلامها كدا مبالك اللي جاي … واتنهدت وقالت بس متقلقش انت مامتك علي راسي من فوق هستحملها عشانك مهما عملت
علي / مسك ايدها وباسها برقه وقال متقلقيش هنعيش في بيت لوحدنا
عاليه / لا يا حبيبي انا معاك في اي مكان ومتقلقش عليا انا هعرف اتعامل
علي / لااا من الناحيه دي انا مطمن عليكي
عاليه / هههههههه ظالمني انت…
علي / هههه خدي يشهد
_____________________________
في القعده
كان عبدالله استغرب طلبات فاطمه اللي قالتها زي ما قالت لمالك وسليم
عبدالله / انتي بتقولي ايه يا مدام فاطمه هيه دي طلباتك
فاطمه / ابتسمت وقالت ايوا هيه دي
عبدالله / طب انا عايز حضرتك تقوليلي المهر عيزاه كام المؤخر الشبكه بكام كدا يعني ولو علي طلباتك دي طبعا هتتنفذ عاليه هتبقي بنتي زي رنا ومستحيل اسيبه ياذيها او يدوسلها علي طرف
سليم / وهو بيضحك قال عبدالله بيه متتعبش نفسك حماتي مبتطلبش الا الطلبات دي وبالنسبه للطبات الفعليه دي زي ما حضرتك عايز هيه مبتتناقش فيها ودا اللي حصل معايا ومع مالك
عبدالله / اتنهد وقال مدام فاطمه حضرتك بتحرجيني والله .. انا مش مصدق ان لسه فيه حد كدا بس عشان اخلاق حضرتك دي انا اوعدك هقدر عاليه بنتك اوي وهشيلها في عنيا
فاطمه / وانا مش طالبه غير كدا يا استاذ عبدالله
في الوقت دا خرج علي وعاليه من البلكونه
عبدالله / قام راح عند عاليه وباس جبينها وقال مبروك يا بنتي وسلم علي علي وقال مبروك يا بني ووشوشه وقال يازين ما اخترت
علي/ الله يبارك فيك يا بابا
عبدالله / يالا يا جيهان انتي ورنا
جيهان / وانت يا علي مش هتيجي
علي / لا انا هقعد لسه شويه
عاليه / نورتينا يا تنت
جيهان / بقرف ميرسي
رنا / سلمت علي عاليه وقالت مبروك يا عروسة اخويا
عاليه / الله يبارك فيكي يا رنا عقبالك
ونزلوا كلهم وراحوا علي الفيلا
__________________________________
في عربية عبدالله العايدي
كانت خناقه ما بين عبدالله وجيهان
جيهان / يعني ايه انت مش شايف مستواهم ازي يا عبدالله ازاي توافق كدا
عبدالله / طبعا موافق عليها دي بنت لقطه وبعدين حلوه ودكتوره واخواتها تعليمهم حلوه زيها حتي نسب اخواتها يشرف
جيهان / بس لوكل اوووي
عبدالله / برطم مع نفسه وقال هتقلبلي علي بنت سلطح ملطح
جيهان / عبدالله انت بتقول ايه
عبدالله / مفيش . مفيش ممكن نسكت بقا خلاص هوه عجباه عاليه خلاص نبارك ونسكت وبص لجيهان بتحذير وقال وقسما بالله لو دايقتي البنت ولا امها بكلامك اللي زي الشطه دا هيبقي ليكي حساب معايا انتي فاهمه
جيهان / انت بت….
عبدالله / قطع كلامها وقال بصوت عالي فااااهمه
جيهان / ف.فاهمه
رنا / وشوشت ابوها وقالت احبك يا مسيطر
عبدالله / طول عمري يابت …
__________________________________
بعد ما مشي عبد الله وجيهان ورنا كانت فاطمه قاعده هي وبناتها و سليم ومالك وعلى كانوا قاعدين مع بعض في سهره عائليه جميله
بس قطع فرحتهم جرس الباب وفتح سليم
سليم / ايوه مين حضرتك
الشاب / انا شادي رضوان المحامي وكنت جاي مخصوص للانسه سلمى امين شكري
سليم / رفع حاجبه بغضب وقالت جاي لمين يا خويا سمعني تاني كده
شادي / هو حضرتك مين عشان تكلمني بالاسلوب ده
سليم / مسكه من هدومه وقال اسلوب ايه ده انا هوريك الاسلوب علي ابوه وعايز تعرف انا مين انا جوزها يا سيدي
شادي / انا اسف يا فندم مش قصدي انا بس …
قطع كلامه الكل راح عند الباب و بيسال في ايه
شادي / انا اسف يا جماعه انا جاي للانسه سلمى امين شكري
سلمى / باستغراب انا جايلي انا
شادي / هو حضرتك طب قولي لجوزك يعتقني بقى
سلمى / مين حضرتك
شادي / انا شادي رضوان .. محامي مدام نوره السعيد
سلمى وسليم بصو لبعض بتوتر
وسليم بدا يفك ايده شويه ونزلها عنه خالص
شادي / وهو بياخذ نفسه يخربيتك كنت هتموتنى
فاطمه / مين نوراه السعيد دي يا سلمى
سلمى / دي .. دي..
شادي / رفع حاجبه وقال هنتكلم على الباب ولا ايه انا جاي مشوار من اسكندريه مخصوص يا جماعه والله عايز اشرب لو بوء مايه
فاطمه / اه طبعا يا ابني اتفضل
دخل الكل وقعدوا مكانهم بهدوء
اما سلمى وسليم كانوا في حاله لا يرثى لها
فاطمه / ممكن تقولي مين نوراه السعيد دي وجاي لبنتي ليه
شادي / حاضر يا فندم هفهمك كل حاجه وفتح شنطته وطلع منها ورق وقال دي وصية مدام نوره ليكي يا سلمى اتفضلي واداها لسلمى
سلمى اخدتها منه وهي بتعيط
شادي / خرج ورق كمان وقال ده تنازل رسمي ليكي ولخلود طبعا انت عرفاها ورافت السعيد انتم التلاته كل واحد فيكم ربع الثروه والربع الرابع يتفتح بيه ملجا ودار ايتام ودار مسنين باسمها
سلمى / بدموع تنازل ليا انا ليه
شادي / بابتسامه هو حضرتك متعرفيش انتي كنتي ايه بالنسبالها ولا ايه
فاطمه / وقفت بغضب وقالت لو سمحتوا حد يفهمني مين نوراه دي وليه تكتبلك ثروتها باسمك
شادي / قام وقف وقال مدام نواره السعيد او بمعنى اصح نونا سلمى كانت بتشتغل عندها بيبى سيتر
سلمى غمضت عيونها بوجع وخوف من زعل امها
فاطمه / دموعها نزلت وقالت بتشتغل عند مين انت مجنون انا بنتي ما اشتغلتش عند حد
شادي / ازاي يا فندم الانسه سلمى اشتغلت عند مدام نوراه خمس سنين
فاطمه / بصت لسلمى تعاتبها بس لقيتها مغمضه عيونها و راجعه بضهرها لورا وقالت سلمى متنطقي ساكته ليه الكلام ده صحيح يا بنتي
سلمى مردتش عليها
سليم / استغرب وهزها بس لقاها مبتستجبش معاه
الكل جري عليها عشان يشوف مالها
مالك / وسعوا يا جماعه وسعوا عشان النفس ومسك ايدها يشوف النبض وقال برفيوم بسرعه
مليكه جريت تجيب برفيوم وفاطمه قاعده جنبها واخدتها في حضنها
شويه وجت مليكه وجابت معاها البرفيوم وفوقوها
سلمى / فاقت ولقت نفسها في حضن امها أتشبثت فيها اكتر وعيطت وقالت سامحيني يا ماما انا اسفه
فاطمه / بدموع كده كده يا سلمى يهون عليكي تعملي فيا كده يا بنتي بتشتغلي من ورايا عشان تساعديني وتساعدي نفسك ليه يا بنتي ليه حملتي نفسك فوق طاقتها كده ما انا كنت دايما اقولك ربنا بيبعت رزقكم والله مش عارفه ازاي
سلمى / وهي بتعيط مسكت أيدها وفضلت تبوس فيها وقالت حقك عليا يا ماما والله حقك عليا والنبي ما تزعليش مني والله كنت بحاول اخفف عنك بس مش اكتر
فاطمه / وهي بتعيط مسمحاكي يا ضنايا مسامحاكي
شادي انا اسف يا جماعه والله بس دي وصية مدام نوراه ودي امانه
فاطمه / شكرا يا بني كلك ذوق
شادي / استاذنكم أنا
خرج شادي والكل كان في حاله صمت وذهول بعد اللي سمعه
سليم / وقف وقال انا هروح بعد اذنكم
فاطمه / وليه مستعجل يا ابني
سليم / معلش يا ماما محتاج ارتاح وبص لسلمى وقال ابقي طمنيني عليكي
سلمى / هزت راسها بمعنى ماشي
ومش سليم وقف على ومالك واستاذنوا هما كمان ومشيوا وأتبقى فاطمه وبناتها
مليكه / بدموع ليه يا سلمى يا حبيبتي عملتي كده ليه اشتغلتي
سلمى / مكنتش عايزه احمل ماما فوق طاقتها والله يا مليكه وبعدين انا لقيتها فرصه كويسه انا مش هعمل حاجه انا كنت براعيها 12 ساعه في اليوم بس وواحده تانيه كانت بتكمل ال 12 ساعه الباقيين و كنت بذاكر و مقصرتش في مذاكرتي بدليل اننا كنت من اوائل الدفعه كل سنه
عاليه / راحت وحضنتها وهي بتعيط وقالت يا حبيبتي يا سلمى
فاطمه / والست اللي كنتي عندها دي يا بنتي ملهاش اولاد يراعوها
سلمى / ايوه ليها تلات اولاد لكن رامينها وما بيسالوش فيها ابدا
فاطمه / اتنهدت وقالت يبقى فلوسها اولادها اولي بيها يا بنتي مش احنا
سلمى / عندك حق يا ماما ده اللي كان في دماغي والله
فاطمه / وقفت وقالت انا هدخل اريح شويه تصبحوا على خير و لسه هتمشي
سلمى / ندهت عليها وقالت ماما حضرتك زعلانه مني
فاطمه /راحتلها وحضنتها وقالت كمان يا بنتي هزعل منك وانتي كنتي بتحاولي تساعديني من غير معرف انا زعلانه انك خبيتي عليا لاني مش متعوده منكم على كده
سلمى / حضنتها وقالت اسفه يا ماما
فاطمه / ولا يهمك يا بنتي وسابتها ودخلت اوضتها وسابتهم وكل واحد دخل اوضته
____________________________
في اوضة سلمي
دخلت سلمي اوصتها ومسكت الظرف اللي فيه الوصيه وبدات تقرا فيها وهي بتعيط
👈 الوصيه
سلمى بنتي طبعا لما تقري الكلام ده يبقى انا في مكان افضل بكتير عايزه اقولك اني حبيتك اوي وكنت اتمنى انك تكوني بنتي بحنيتك عليا وكلامك الجميل اللي كان دايما بيواسيني علي قسوة بعد اولادي عني وعايزه اشكرك على اجمل ايام قضيتها معاكي يا سلمى… بجد يا بنتي انتي وخلود ورافت كنتوا دايما احسن منكم انكم نفسكوا تبذلوا قصارى جهدكم عشاني وعشان كده يا بنتي بحق السعاده اللي شوفتها على أيديكم يبقى انتم كمان لازم تشوفوا مني السعاده بجد وعشان كده انا وصيت بتركتي تتوزع عليكي انتي وخلود ورافت كل واحد ربع والربع الرابع يبقى لدار ايتام ودار مسنين تكون مجهزه على اعلى مستوى و تتسمى باسمي ( نونه ) واوعى فى يوم يا سلمى تفكري ترجعي الورث لاولادي وتقولي هما أحق بيه مني لا يا سلمى يا بنتي انتوا اللي احق بيه … هما طبعا مفكرين ان هما هيورثوا كل حاجه خلاص بعد موتي لكن ميعرفوش ان كل حاجه باسمي انا وده كتبه ليا جوزي الله يرحمه قبل ما يموت وهو وصاني معرفهمش عشان اشوفهم هيسالوا عني لاني امهم وملزومه منهم ولا عشان الفلوس وانا مش هقولك على قسوت قلوبهم اكيد انتي شوفتيها و هتشوفيها يوم ما أقابل وجه رب كريم … وعارفه ان هما مش هيزعلوا عليا بس انا زعلانه عليهم يا بنتي لاني عارفه ان هيحصل فيهم وكده واولادهم هيرموهم في الشارع وعشان كده بوصي بدار المسنين دي عشان يلاقوا مكان ليهم ….. واخر حاجه هقولهالك يا بنتي اوعي تفرطي في حقك وربنا يباركلك فيه.. وفي حاجه مهمه كمان يا سلمى مش هقدر اكتبهالك بس كل اللي اقدر اقولهولك اني سيبالك مع سليم هديه جميله اوي هتفرحكم كلكم وخصوصا والدتك ومتزعليش مني اني خبيتها عنك كل الفتره دي بس مكنش ينفع اقولك عليها … وسليم هيفهمك السبب مع السلامه يا اغلى من حياتى
نونه
سلمى / كانت بتقرا الوصيه وبتتقطع مع كل حرف وكل كلمه وكل جمله وهي بتقراها وضمت الورقه بكل وجع قالت آاااااه يا نونا آااااه هتوحشيني اوي اوي وحضنت الورقه وفضلت تعيط
في الوقت ده اتصل سليم بيها وردت عليه
سلمى / ايوه يا سليم
سليم / اتنهد وقال بتعيطي ليه
سلمي / كنت بقرا وصيه نونه كنت بتقطع يا سليم مع كل كلمه كتباها وأتنهدت بوجع تنهيده طويله اوي وقالت مش قادره اصدق يا سليم مش هشوفها تاني
سليم / يا حبيبتي ارضي بقضاء ربنا بقى وعيشي حياتك وخلينا نعيش حياتنا وأتاكدي انك عمرك مهتنسيها عشان كده دايما ادعيلها
سلمي / ان شاء الله ومسحت دموعها وقالت اه صحيح يا سليم نونه بتقولي في اخر الوصيه انها سيبالي معاك هديه ومكانش ينفع تقولي عليها وانت هتفهمني ليه .. هديه ايه دي وليه مقالتليش عليها
سليم / كان ساكت ومش عارف يرد
سلمى / بقلق سليم انت كويس
سليم / اتنهد وقال كويس يا حبيبتي متخافيش
سلمى / طب في ايه وليه سكت كده لما سالتك
سليم / لا لا ابدا
سلمى / فيه ايه يا سليم متقولي فيه ايه
سليم / حاضر يا سلمى هقولك نونه سايبالك معايا ايه
سلمي / ايه ..
سليم / انا عارف مكان اخوكي
سلمى / وقفت من مكانها وقالت ب.بتقول ايه بجد انت عارف مكان اخويا طب مين اخويا
سليم / اخوكي يبقى رأفت يا سلمي …..
،،،،،،،،،،،،،،،،،،،،،،،،،،،،،،،،،،،،،
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أم البنات)
