رواية أم البنات الفصل السابع عشر 17 بقلم ريهام علي
رواية أم البنات البارت السابع عشر
رواية أم البنات الجزء السابع عشر
رواية أم البنات الحلقة السابعة عشر
كل يوم كانت بتمر الايام بشكل سريع وبدات نهايه السنه الدراسيه لسلمى وجه معاد اخر يوم امتحانات ليها في الجامعه
فاقت سلمي من نومها عشان تجهز نفسها عشان تروح الامتحان
وجت عليها خلود عشان تستلم معادها مع نونا
خلود / بابتسامه صباح الفل يا قمر
سلمى / صباح الخير يا خوخه
خلود / ايه كده خلاص اخر يوم النهارده
سلمى / اتنهدت وقالت اه بس ادعيلي بقى تكمل بخير كمان واطمن على نتيجتي
خلود / هتطمني يا حبيبتي باذن الله … وسكتت شويه وقالت بزعل ولوني هيعز عليا بعادك عني اوي يا سلمى
سلمى كانت لسه هتتكلم
نونه / خرجت من اوضتها وهى بتقول ومين سمعك يا خلود انا كمان هتجنن ومش مصدقه
سلمى / راحتلها ومسكتها عشان تقعدها على الكرسي وقعدت نونه ونزلت سلمى قصادها وقعدت على ركبتها وقالت طب ليه الدموع دي
نونه / بدموع مش عيزاني اعيط وانتي هتمشي وتسيبيني يا سلمى كمان انا يا بنتي من اول يوم جيتي فيه هنا وشوفت حنيتك عليا واهتمامك بيا اكتر من اولادي وانا كنت خايفه من اللحظه دي تيجي لحظة ان خلاص مش هاشوفك تاني واشوف عيونك وهي بتودعني ودموعها نزلت
سلمى كمان عيطت بسبب كلام نونه وحبها ليها يمكن في الاول كان شغل سلمى عند نونه بالنسبالها مجرد باب رزق ليها عشان تقدر تساعد نفسها ومتضغطش علي امها في حكايه المصاريف دي.. لكن بعد كده نونا بقت جزء مهم اوي بالنسبه لسلمى بقيت بالنسبالها الام في الغياب وكل واحد فيهم لعب دور مهم اوي في حيات الثاني ومش بسهوله كده الفراق بينهم يكون بالساهل
سلمى / بدموع لا يا حبيبتي ما تخافيش انا عمري ما هبعد عنك ابدا انا هعيش هنا مع سليم في اسكندريه عشان شغله وهبقى جنبك دايما وعمري ما هسيبك حتى لو حسم الامر اخدك تعيشي معانا و ابتسمت وقالت يا اما تستحمليني بقى انا وسليم ونيجي احنا نعيش معاكي ونقرفك
نونه / بابتسامه ونظره حزن يا ريت يا بنتي بس خلاص جت النهايه
سلمى / نهايه ايه بقى بقولك هنعيش هنا جنبك وهزهقك مني كمان
نونه / اخذتها في حضنها وطبطبت عليها وقالت تعرفي يا سلمى انا محظوظه اوي ان ربنا وقعك في طريقي
سلمى / وهي حضناها انا اللي محظوظه بيكي والله
نونا / خرجتها من حضنها ومسكت وشها بأيديها الاتنين وبصت في عيونها بحب وبنظره غريبه كانت سلمى ومش قادره تفهمها ولا تحددها وقالت سامحيني يا سلمى
سلمى / باستغرب من نظره نونا اسامحك علي ايه
نونه / اتنهدت وسكتت شويه وقالت هتتاخري على امتحانك يلا
سلمى / ابتسمتلها ولسه هتقوم ….
نونه / شدتها تاني لحضنها وحضنتها بقوه وقالت كان نفسي اشوفك وانتي عروسه واخدك في حضني و ابكي من فرحتي بيكي وانا شايفه بنتي يوم فرحها وكان نفسي اروح لسليم واقوله خلي بالك عليها دي حته مني قبل ما تكون حته من امها وأتنهدت وقالت وكان نفسي العمر يطول اكتر واكتر واعيش معاكي وافرح باحفادي منك يا سلمى اوي …
سلمى كانت بتسمع الكلام نونه ومستغربه والاغرب كمان حضنها ليها مش حضن محبه لا ده كان حضن وداع وسفر
سلمى / خرجت من حضنها بهدوء وببطء وبصت في عيونها وقالت نونا انتي كويسه يا حبيبتي
نونه / بابتسامه كويسه ازاي وبنتي خلاص هتفارقني النهارده
سلمى / اتنهد براحه وقالت لا يا حبيبتي انا لسه هقعد معاكي كام يوم انا مفهمه ماما ان انا هقعد مع البنات شويه قبل ما ننزل ونسيب بعض ومش بس كده هنجيلك النهارده انا والبنات وسليم كمان وكلمت رافت وكلنا هنسهر معاكي للصبح و ابتسمت وقالت وبعدين مين قالك مش هتشوفيني بالفستان لا طبعا انتي ورافت هتيجوا
نونه / ازاي يا حبيبتي ومامتك هتقوليلها ايه علينا
سلمى / يا سلام بسيطه يا ستي هقولها انك قريبه سليم مفيهاش حاجه يعني ومسكت أيدها وباستها وقالت اهم حاجه انتي تكوني فرحانه بس ومشوفش دموعك دي تاني
نونه / ابتسمتلها بحنان وقالت ربنا يفرح قلبك يا بنتي ويديكي على قد نيتك ويراضيكي زي ما راضيتيني و جبرتي بخاطري
سلمى / وقفت وباست راسها وقالت ربنا ما يحرمني منك ولا من دعواتك الحلوه دي يلا انا هروح بقى عشان الحق الامتحان واخدت حاجاتها وراحت عند الباب ندهت عليها نونه من تاني
نونه / سلمى
سلمى / لفتلها وقالت نعم يا نونا
نونا / بنظره وداع هتوحشيني اوي
سلمي / ابتسمت وقالت مش هلحق اوحشك صدقيني انا على قلبك هنا هخلص امتحاني بسرعه وهنجيلك انا والبنات اوكي وبعتتلها بوسه في الهوا وقالت دعواتك بقى يلا سلام وخرجت سلمى وهي بتبص على نونه وقلبها مش مطمن عليها بس حاولت تداري
نونه / بعد ما سلمى خرجت أتنهدت وقالت مع السلامه يا حبيبتي
______________________________
في الجامعه عند سلمي
كانت وصلت سلمي وبداو الامتحان
وبعد وقت خرجت هي واصحابها فرحانين انهم خلاص ارتاح من الجامعه لكن جواهم زعلان كبير انهم هيفارقوا بعض ازاي وهم عشره خمس سنين بحالهم
سلمى / بابتسامه مبروك يا بنات الحمد لله اننا خلصنا على خير
ميرنا / بدموع مبروك على ايه اننا خلاص هنسيب بعض ومش هنشوف بعض ولا هشوفكم تاني وعيطت
مروه حضنتها وعيطت هي كمان
سلمي بصتلهم ودموعها نزلت
ساره / بصت عليهم وقالت ايه يا بنات ما توحد الله كده في ايه
ميرنا / وهي بتعيط انتي ايه يا بنتي ما عندكيش احساس احنا خلاص هنسيب بعض ومش هنتجمع تاني زي زمان
ساره / برضه مش هعيط ايه الكآبه دي خلينا نفرح بقى يا بنات احنا خلاص كده بقينا Senior
في الوقت ده جه عليهم سليم وقال ازيكم يا بنات وبصل سلمى لما لقاها بتعيط بصلها بخوف وقال بتعيطي ليه يا قلبي
سلمي بصتله بحب وابتسامته ومسحت دموعها
ساره / لا انا كده بقى هعيط بجد من الرومانسيه دي
سليم / في ايه يا سلمى وبص للبنات اللي كانوا بيعيطوا هما كمان وقال الله انتو كمان في ايه يا جماعه
ساره / هقولك انا حضراتهم بيعيطوا عشان خلاص خلصنا جامعه وانا بقولهم نفرح بقا احنا بقينا سنيور وهما بيقولولي معندكيش دم ينفع كده يا دكتور
سليم / والله عندهم حق
ساره / نعمممم
سليم / ضحك وراح عند سلمى وقال خلاص بقى اضحكي كده ياريتك كنتي زيها معندكيش دم
ساره / احمم انا حاسه ان حضرتك بتغلط وبتشتم
سليم / لأ خااالص انا بهزق بس
البنات / ههههههههههههه
سليم / افرحوا كدا يا بنات وعيشوا اللحظه صدقوني اللحظه دي مش هتكرر تاني متضيعوهاش بقا في الدموع .. خلو الدموع لوقت الوداع ودلوقتي استمتعوا واخرجوا
سلمى / بصتله بحب وقالت عندك حق يا حبيبي
ساره / ها يا بنتي راعو شهر السناجل حرام بقاا
سلمى / غمزتلها وقالت سناجل برضه ها
ساره / ابتسمت وقالت ط.طب ايه هنروح لنونا امتى يا بنات
سليم / لا مع نفسكم طبعا النهارده سهره ليا ولسلمى مخصوص عشان نحتفل
سلمى / لا يا سليم انا اتفقت مع نونا النهارده هنروحلها كلنا
سليم / يا قلبي خليها لبكره مفرقتش
سلمى / وحياتي يا سليم
سليم / اتنهد وقال بس بشرط
سلمى / باستغرب شرط ايه
سليم / قرب عليها وهمس في ودنها وقال البسك شبكة مامتك حالاً
سلمى / اتكسفت وبصتله وضحكوا هما الاتنين
ساره / بتضحكوا على ايه
سليم / وانتي مالك يا سوسه وبص للبنات وقال يلا يا بنات انا عازمكم على حاجه بسيطه كده بمناسبه التخرج
ساره / سقفت بايدها وقالت أشطا ايوه بقى
سليم / وقف وقال بتحذير ورفع صباعه وقال انا قولت حاجه بسيطه ماشي وبص لساره وقالت ماشي يا ساره اظن انا عارفك
مروه / وهي بتضحك يا حبيبتي يا سرسور سمعتك وحشه اوي كده
ميرنا وسليم وسلمي / ههههههههههه
ساره / وهي بتتريق على ضحكتهم قالت وانا باكل ايه يعني ده انا حتى اكلي خفيف خالص يا دكتور حضرتك ظالمني
سليم / ضحك وقالت ربنا يستر يلا بينا
_______________________________
في بيت نونا
كان رافت وخلود جنب نونا وهي نايمه على السرير وبيعيطوا لانها خلاص فارقت الحياه
رافت / وهو منهار بدموعه ليه .. ليه كده يا عمتي كده تسبيني ليه بس مش كفايه ماما سابتني انتي كمان بتبعدي عني هعيش لمين يا نونا هافرح مين لما ادخل الكليه اللى بتمناها هشتكي لمين غيرك من وحدتي هروح لمين بس هروح لمين.. وغمض عيونه بوجع وعيط
خلود / وهي بتعيط طبطبت عليه وقالت وحد الله يا رافت دا قدرها وعمرها انا حسيتها الصبح والله وهي بتسلم على سلمى اكنها بتودعها
رافت / وهي فين سلمى
خلود / راحت الجامعه عندها امتحان وكانت عامله حسابها تسهر معاها النهارده هي واصحابها
رافت / بص لنونه ودموعه نزلت وقال خلاص يا خلود خلاص راحت اللي كانت بتجمعنا على الحب راحت كل حاجه حلوه من بعدها
خلود / وهي بتمسح دموعها لازم نبلغ اولادها يا رافت عشان الدفن
رافت / انهار في دموعه اكتر لما سمع كلمه دفن وقال بوجع آااااااااااه خلاص يا نونا هتروحي للتراب يحضنك وانا هترمي في حضن مين من بعدك آاااااااااااه هون عليا فراقها يارب 1
_____________________________
في مكان هادي
كانت سلمى و اصحابها البنات وسليم قاعدين بيشربوا حاجه بس سلمى كانت ساكته وكان قلبها مقبوض وسليم لاحظ دا من سكوتها
سليم / سلمى انتي كويسه
سلمي / اتنهدت وقالت مش عارفه حاسه اني مخنوقه وقلبي مقبوض
سليم / من ايه يا حبيبتي
سلمي / هزت كتفها وقالت معرفش
ساره / بصتلهم وقالت ايه يا دكتور مش وقته همس خالص
سليم / اسكتي يا سوسه واطفحي الايس كريم
ساره / بتريقه تشكر يا ذوق واكلت الايس كريم
الكل كان قاعد بيضحك عليهم بس في الوقت ده تليفون سلمي رن وشافت مين كان رقم رافت ردت عليه وقالت
سلمي / ايوه يا روفي
رافت / بدموع انتي فين ياسلمى
سلمي / بقلق رافت انت بتعيط في ايه
رافت / بدموع نونه
سلمى / وقفت بخوف وقالت مالها نونه في ايه
رافت / انهار في دموعه وقال نونا ماتت يا سلمى
سلمي / ما استحملتش الخبر وقعت من طولها مغمى عليها
الكل جري عليها وسليم شالها وحطها على الكرسي وكان بيحاول يفوقها
بس لفت نظر ساره التليفون مسكته وكان رافت لسه على الخط
ساره / ايوه يا رافت في ايه قولت ايه لسلمى خليها يغمى عليها كده
رافت / بدموع نونا ماتت يا ساره
ساره / بصدمه ايه انت بتقول ايه
الكل التفت لصوت ساره
سليم / في ايه يا ساره
ساره / بدموع نونا ماتت
الكل كان مصدوم وحاولوا يفوقوا سلمى عشان يروحوا عندها
_____________________________
في بيت امين شكري
كانت فاطمه و عاليه ومليكه قاعدين مع بعض بيضحكوا
مليكه / اخيرا حنيتي عليه يا مفتريه
عاليه / لا وايه لجل الحظ الهباب انا احن من هنا واتخطف من هنا ما شاء الله عليا مبروكه
فاطمه / ربنا يسعدكم يابناتي يا رب ويطمني على سلمى
مليكه / ليه يا ماما في ايه في حاجه
فاطمه / ابدا يا حبيبتي بس قلبي واكلني عليها
عاليه / ما احنا لسه مكلمينها مش طمنتك عليها
فاطمه / اتنهدت وقالت ايوه يلا ربنا يسترها
عاليه / لا والنبي يا مامتي فكيها كدا دا حتي علي واهله جايين عايزين نفرفش كدا
مليكه / ايوا ياعم يسهلوا بقا
عاليه / لا ابوس ايدك سيبي الجوازه سالكه مش ناقصه قر خالص
مليكه / انا بقر
عاليه / ياستي مبتقريش بس سيبيها سالكه واشبعي بنحنحة سي مالك
مليكه / طبعا ياختي هشبع دا ملوكي
عاليه / بغيظ ودا لوشتي
فاطمه / هههههههه ربنا يسعدكم يا بناتي يارب
_______________________________
في بيت نونه
كان اولادها متجمعين انور وايمن وامجد ومعاهم سامح السعيد اخوها والد رأفت وخلود
اولاد نونه كانوا ثابتين في مكانهم ومحدش فيهم قلبه أتحرك من مكانه من الحزن عليها عكس اخوها ورأفت وخلود
بس اخوها ورافت شيء طبيعي يزعلو اللي كانوا مستغربينه هو زعل خلود عليها وانهيارها بالشكل ده
في الوقت ده دخل سليم و سلمى و اصحابها سلمى جريت عليها وهي بتعيط لقيتها نايمه على السرير وجسمها كله متغطي بالملايه
وقفت على الباب وحست برجليها مش قادره تتحرك ناحيتها كانت بتتمنى لو يكون كابوس على الرغم من بشاعة الكابوس بس ارحم من الحقيقه
قربت سلمى ناحيه نونه ببطء بس دموعها كانت بتنزل بسرعه رهيبه وغريبه اوي وكان واولادها واقفين مستغربين رد فعلها هي كمان
في كل خطوه سلمي كانت بتمشيها ناحيه نونا كان شريط ذكرياتها خلال المده اللي عاشتها معها بيتعاد قدام عيونها … وكل لحظه وكل حضن وكل ضحكه وكل دمعه نزلت منهم هما الاتنين وايدهم بتمسحها لبعض وكل الاوقات اللي عدوا عليهم مع بعض كانت سلمي بتفتكرها
قربت سلمى عند نونه وحضنتها وهي متغطيه وقالت بدموع ووجع آااااااااااه يا نونا كنتي بتودعيني حسيتها بس قولت لا اكيد هرجعلها ونسهر مع بعض زي كل يوم ونحتفل اني أتخرجت خلاص وهرجع اعيش معاكي من تاني وقامت من حضنها وكانت بتبص عليها كانها بتتكلم معاها وقالت مش انتي قولتي كان نفسك تشوفني بالفستان قومي بقى عشان تشوفيني و كلنا جينا اهو زي ما اتفقت معاكي الصبح قبل ما أنزل كلنا جايين نسهر معاكي ….. وأنهارت في دموعها اكتر وقالت هسهر مع مين بعد كده هحكي وجعي لمين يا نونه انا وانتي كان وجعنا واحد وفرحتنا واحده ازاي هعيش حياتي من غيرك …. انتي كنتي اماني في غربتي والحضن اللي بيقويني عشان اقدر اكمل واواجه واعمل كل اللي بتمناه … مين هيقويني دلوقتي وحضنتها ثاني وقالت آاااااااااه يا قلبي يا نونه سلمى اتكسرت خلاص من بعدك وبعادك عنها هيكسرها اكتر واكتر آااااااااااه
الكل كان منهار على حال سلمى فراق الاحباب صعب اما اولاد نونه فكانوا في حاله تبلد تام
انور / بتأفف وجه الكلام لسلمى وقال لو سمحتي كفايه انتي بتعذب فيها ابعدي بقى عشان نبدا مراسل الغسل والدفن
سلمى / بصتله بدموع وقالت بعذبها وضحكتله بسخريه وقالت على اساس انك كنت بتخاف عليها اوي ومقطع السكه عليها
ايمن / بعصبيه انتي اتجننتي ولا ايه انتي هتكوني احنا عليها مننا احنا اولادها انما انتي تبقي مين
سلمى / دموعها نزلت من تاني وبصت على نونه وقالت انا كنت بلسم بيداويها من جرح بعادكم عنها يا ايمن بيه
انور / بسخريه طب يا بلسم هانم أتفضلي عشان كده ما ينفعش عايز انزل انا متعطل وعندي شغل
سلمى / بعصبيه ودموع شغل يا اخي ملعون ابو الشغل على الفلوس اللي تخلي حالكم كده انا نفسي اعرف انتو اولادها بجد ازاي ده منظر ناس امهم قدام عيونهم خلاص ماتت انتم مش مستغربين من حالكم ان انا واحده زي دي وشاورت على خلود وقالت نكون منهارين عشانها وانتم بالتبلد ده
انور / مسك ايدها بعصبيه وقال بت اتلمي
سليم / راح عليها وشد أيده وقال أيدك متلمسهاش مش من حقك
انور / انت مش شايف كلامها
سليم / عندها حق انا مجرد جار ليها ومش عارف هعيش ازاي في العماره دي من بعدها وانت ابنها وعادي كده
انور / بسخريه لا عيش يا حبيبي عيش وخد راحتك واتفضلوا يلا عشان نشوف هنعمل ايه
سليم / حاوط سلمى بدراعه وقال يلا يا سلمى انتي خلاص ملكيش حد هنا عشان تقعدي
سلمى / بدموع عندك حق ومشيت معاه
رافت / نده عليها وراحلها حضنها وهو بيعيط وقال ابقي اسالي عليا يا سلمى خلاص مبقاش ليا غير بابا
سلمى / حضنته وهي بتعيط وحزينه على فراقه هو كمان ولسه هتمشي ….
امجد / نده عليها وقال يا انسه استني
سلمى / بصتله بدموع وقالت عايز ايه انت كمان
امجد / انا مقدر حبك لوالدتي عشان كده ممكن تقبلي مني الشيك ده واعتبريه مكافاه نهايه الخدمه
ايمن / بعصبيه امجد انت بتعمل ايه
امجد / ملكش دعوه ده مني انا لسلمى ولخلود وبص لسلمى وقال أتفضلي
سلمى / بصت للشيك وقالت اعمل بيه صدقه جاريه عليها
امجد / اتكسف من ردها ونزل ايده
خلود / بدموع وانا ولا مال الدنيا يكفيني ابتسامتها في وشي ورايي انا كمان تعملها صدقه جاريه ليها
ايمن / بسخريه متشكرين لموقفهم النبيل ده وشرفتونا
سلمى / بصتله بقرف وخرجت هي والبنات مع سليم
سامح / قام وقف قصاد ايمن وقال انت عمرك ما هتتغير
ايمن / خالو كفايه كلام بقى ارجوك خلينا نشوف هنعمل ايه انا مش فاضي لكل ده
رافت / بعصبيه هو ايه اللي مش فاضي احنا بنعزم عليك باكل دي امك ومتوفيه يعني ده مفروض عليك مش بتجبي عليها
انور / خلصتو خلاص
سامح / طول عمرك اناني و هتفضل اناني يا خساره يا اولاد اختي المفروض الموقف دا يعلمكم حاجه للزمن بس هنقول ايه شيطان الفلوس مسيطر عليكم
في الوقت ده حضرت ناس عشان الغسل والتكفين واخدوها ودفنوها فى مقابرهم خلاص
______________________________
في بيت سليم
كانت سلمى والبنات قاعدين في شقه سليم وسلمى مش قادره لا تتكلم ولا تعيط وكانت ساكته
البنات كانوا خايفين عليها ومن سكاتها بس بعد وقت حسوا انها بدات تنام وفعلا نامت مكانها من التعب
سليم / قام وشالها وبص للبنات وقال هنيمها جوه على السرير يا بنات عشان ترتاح اكتر
ساره / يبقى افضل يا دكتور
دخل / سليم الاوضه ونيم سلمي على السرير وغطاها كويس وقعد جنبها وملس على خدودها بحنيه وأتنهد ورجع براسه لورا وقال آااااااااه يا نونه رميتي عليا حمل كبير اوي مش عارف هعمل فيه ايه،،،،،،،
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أم البنات)
