رواية أم البنات الفصل السادس عشر 16 بقلم ريهام علي
رواية أم البنات البارت السادس عشر
رواية أم البنات الجزء السادس عشر
رواية أم البنات الحلقة السادسة عشر
في المستشفي كانت عاليه نايمه وبدات تفوق لقت علي نايم علي الكرسي وراسه علي السرير وماسك ايدها
عاليه / ابتسمت وملست علي شعره بايدها التانيه بحب
علي / فاق علي لمسة عاليه ابتسم وقال حمدالله علي سلامتك ياحببتي
عاليه / ابتسمتله وقالت الله يسلمك يا حبيبي
على / مسك ايدها وباسها برقه وقال لو كنت اعرف هتكوني رومانسيه كده بعد الخطف كنت عملتها من زمان
عاليه / ضحكت بوجع وقالت هو حصل ايه
علي / انتي اخر حاجه فاكرها ايه
عاليه / خناقة عمي مع طه عشان ….. وسكت
علي / يااااه انتي فاتك كتير اوي حصل شويه اكشن بعدها بس ايه ملهمش حل
عاليه / ضحكت وقالت وانت اشتركت معاهم في الاكشن ده
علي / احممم لا انا كنت المخرج
عاليه / هههههه وسكتت شويه وافتكرت اللى كان عرفان عايز يعمله فيها
علي / اتنهد وقال ساكته ليه يا حبيبتي وبص لايدها وقالت حد يعمل في نفسه كده تموتي نفسك يا عاليه
عاليه / بدموع الموت اهونلي من ان اي حد يلمسني غيرك
على / ابتسم وقال طب يلا بقى عشان نرجع مامتك واخواتك هيتجننوا عليكي
عاليه / اه صحيح مليكه لقيتوها
علي / ايوه كانت راندا خطفاها عشان تنتقم من شهاب
عاليه / بنت ال….. هي محرمتش من العلقه بتاعه المره اللي فاتت بس انا هوريها بقى لما نرجع
علي / توريها ايه بس هي اساسا اتسجنت خلاص بتهمة انها كانت عايزه تقتل مليكه بس الحمد لله ربنا سترها
عاليه / أتنهدت وقالت الحمد لله ان اختي بخير
على / بحزن بس شهاب تعيشي انتي
عاليه / بصدمه ايه ازاي
على / حاول يفدي مليكه من رصاصه راندا جت فيه هو ومات
عاليه / عيونها دمعت وقالت ربنا يرحمه
علي / طب ايه بقى يلا عشان نلحق القطر واخد عاليه وسافروا على القاهره
__________________________
في بيت أمين شكري
كان الكل متجمع مع فاطمه منتظرين وصول عاليه
بعد شويه وصلت عاليه وجريت على فاطمه وحضنتها وعيطت في حضنها
فاطمه / بدموع فرحه الحمد لله انك بخير يا حبيبتي الحمد لله ربنا ينتقم منه علي اللي كان ناويلك عليه
عاليه / بدموع بصت لامها وقالت ماما اخويا لسه عايش
فاطمه بصتلها باستغراب والكل وقف مكانه مستغرب كلمة عاليه
فاطمه / انتي بتقولي ايه يا بنتي اخوكي مين
عاليه / اخويا احمد يا ماما انت مش كنتي بتقولي جبتي ولد بعدي علطول وبابا سماه احمد عشان يحمد ربنا علينا
فاطمه / ايوه
عاليه /ابتسمت بوجع وقالت مماتش يا ماما عمي هو اللي بدله بواحد من المستشفى ميت واخد اخويا ورماه في الشارع
فاطمه سمعت كده وقعت من طولها والكل جرى عليها دخلوها الاوضه ترتاح وكشف عليها مالك وبعد شويه فاقت
فاطمه / وهي بتعيط مين قالك الكلام ده يا عاليه
مالك / ماما لو سمحتي الانفعال خطر عليكي عشان الضغط
فاطمه / مهتمتش بكلام مالك وقالت ردي عليا يا بنتي مين قالك كده
عاليه / بدموع عمي هو اللي قالي كده يا ماما بنفسه وكمان قالي ان الارض اللي قال عليها دي مش حقنا ارضنا واحده تانيه
فاطمه / بعصبيه ودموع ارض ايه دي اللي هفكر فيها وانا ابني طول المده دي عايش ومحروم منكم ومنى وحاولت فاطمه تقوم
مالك / انتي رايحه فين بس الحركه غلط عليكي
فاطمه / بدموع غلط في ايه يا مالك يا ابني انا لازم اعرف الحقيقه كلها لازم اعرف ابني راح فين
كان في الوقت ده جرس الباب بيرن وفتح علي لقاه طه ابن عم البنات
فاطمه / جريت عليه وقالت ابني فين يا طه ابوك رماه في الشارع ليه .. ليه كل ده انا عملت فيه ايه
طه / اهدي اهدي يا امرات عمي وانا هفهمك على كل حاجه بالتفصيل
الكل قاعد بهدوء عشان يسمع طه
طه / كان معاه شنطه طلع منها ورق وقال الورج ديه في وصية جدي الاصليه مش المزوره اللي ابوي وريهالكم وجبل ما اعرفكم تفاصيل الوصيه دي في حاجه لازم تعرفيها يامرات عمي زين
فاطمه / انا مش عايزه اي حاجه ولا عايزه ارض ولا فلوس انا عايزه اعرف ابوك رمي ابني فين
طه / اسمعي كلامي الاول يا مرات عمي وأتنهد وقال
جدي مات جبل عمي بحوالي ثلاث سنين او اكتر مش عمي اللي مات الاول زي ما امي جالتلكم وكان عارف انك حامل في واد ويعلم ربنا انه كان فرحان لعمي امين كيف عشان كديه كتبله الارض اللي تعتبر ارض الخير ووصي ابوي بيها انها تكون لولد عمي امين وكمان ياخد حجه الشرعي في ميراثه عادي بخلاف الارض اللي كتبها ليه …. وانتي عارفه كيف جدي كانت كلمته سيف على رجبت اي حد عشان كديه ابوي مقدرش يتكلم ويعارض معاه
بعد ما انتي ولدتي ولدك وعلى اساس ان ولدك مات بس في الحجيجه انه مماتش لاه ابوي اللي كان وجتها في مصر جاراكم عشان يعرف عن عمي امين كل حاجه باذن من جدي بس عشان يطمن عليكم ويطمنه بعد ما تولدي وكان مستني اي فرصه تبجي فيها لوحدك عشان …. وسكت
وكمل كلامه وقال احمم المهم لما انتي ولدتي طبعا وروحتوا علي المستشفي هو حصلكم واتفج هناك مع ممرضه بانها تجبله الواد وتجولكم انه مات او اتخطف لكن الممرضه موافجتش خافت علي نفسها وعلي وكل عيشها … لكن ابوي زغلل عينها بالفلوس واتفج معاها يبدلوه بواد ميت واخد ولدك معرفش وداه لفين وطبعا انت. مشفتوش الولد اللي كان ميت ده لانه كان متكفن وعمي امين اخده ودفنه وجفلتوا علي كديه الحكايه …
جدي كان زعلان جوي عشان خاطر عم امين كان نفسه في واد ليه يشيل اسمه …. عشان كديه قرر يصلح غلطته في حج عمي بانه يتنازلك انتي عن الارض بيع وشرا و بعد ما جدي مات امي الله يسامحها وابوي فكروا كيف ياخدو حجكم وكيف ياخدو الارض دي … عشان كديه لما جدي مات قرروا انهم ما يجولوش ليكم على الوصيه وانهم خلاص يعتبرو ان بكده الارض ارضهم بحكم انهم الورثه الشرعيين لجدي لان عمي امين من وجت ما خرج من الدوار وجدي جاله ملكش ورث عندي .. لكن في يوم ابوي ايجاله سعر حلو جوي في الارض دي وقرر بيعها ولما اتفج مع المحامي علشان يبيعوها اكتشفوا ورقه مكتوب فيها تنازل عن الارض بيع وشرا باسمك انتي واكتشفوا وصية جدي وهيه ورث عمي امين بحج الله بينه وبين ابوي زائد الارض تعويض ليكي عن جسوته معاكي وجت اللي حُصل …. ولما سالوا المحامي جالهم ما يجدروش يعملوا اي حاجه غير لما انتي تمضي على التنازل ده بانك مش عايزه الارض عشان تبقى من حجه و يتصرف فيها كيف ما يريد … ومن هنه دور ابوي عليكم عشان يلعب لعبته انه راجع يديلكم حجكم والارض بور وبيعها احسن وتمضي على التنازل مش بيع الارض وسكت شويه …. وقال وكان عارف ان مليكه عيانه وليها عمليه لكن قرر يبعد شوي لحد ما انتوا تتصرفوا في الفلوس والباجي انتم عارفينه طبعا اللي حصل بعد كديه
الكل كان بيسمع الكلام ومش مستوعب حقيقه حقد عرفان
سلمى / طب ليه جدي حرم بابا من الميراث في الاول
طه / عشان ……وسكت وبص لفاطمه
فاطمه / وقفت وقالت انا هاقولكم عشان ايه..
فلاااااااش باااااااااااك
في يوم كانت فاطمه لوحدها في الاوضه. وكان امين بره اتسحب عرفان ودخلها الاوضه..
كان كل اللي بيفكر فيه ازاي فاطمه تبقي ليه .. وليه اختارت امين اخوه ومختارتوش هو علي الرغم انها شافته الاول … طب ليه متحبهوش هو ….
عرفان كان تفكيره الشيطان مسيطر عليه بأن ازاي اخوك امين فايز عليه بكل حاجه حتي فاز بقلبه عليه ودا اداله سبب مقنع جدا من رايه هو بانه ينتهك حرمة اخوه في غيابه…
دخل عرفان لفاطمه اللي كانت نايمه وكانت بشعرها وبلبس خفيف وقف قدامها متنح ومش قادر يتخيل الجمال دا راح من ايده وبقا يقول لنفسه…..
عرفان / يا بوووووووووي علي جمالك ايه ديه هو فيه جمال كديه اوفففف يابختك يا امين بيضالك طول عمرك في الجفص …
وبقا يبص عليها نظرات شهوانيه وخلاص. الشيطان اتملك منه بالكامل وخلاه هيتهجم عليها
فاطمه / قامت مفزوعه من لمسة عرفان وهيه بتنهج وبتداري في نفسها وبتقول أ.انت ب.بتعمل ايه ه.هنا
عرفان / وهو بيبص علي جسمها قال آني مبعملش حاجه ولا عملت لحد دلوجتي بس خلاص مبجتش جادر اني هعمل حالا واخد حجي منيكي
فاطمه / قص….
عرفان / قبل ما فاطمه تكمل كلمتها كان بيحاول يعتدي عليها
لكن فاطمه كانت بتحاول وتعافر بكل طاقتها وفضلت تصرخ وتنادي علي أمين بعلو صوتها
عرفان كان خلاص شيطانه متملك منه تماما ومش سامع حتي صوت استغاثتها
لكن حوريه سمعت صوتها وهيه بتصرخ طلعت لاوضتها بسرعه وشافت عرفان وهو بيحاول يتهجم عليها
حوريه / راحت عندها بسرعه وزقت عرفان بعيد عنها وقالت انت بتعمل ايه يا حيوان وضربته بالقلم
عرفان / فاق من اللي كان بيعمله وعرف ان حوريه شافته اتلخبط اكتر وحب يقلب الموضوع عليهم وقال.. ا.ايه بعمل ايه د.دي هيه اللي طلبتني ولعلمك مش اول مره
فاطمه / اخرس قطع لسانك دا انا مش بطيقك
عرفان / ضحك بشر وقال هو دا المسلسل .. جدامكم مش طيقاني ومن وراكم بتغريني في الرايحه والجايه
حوريه / اخرس يا حيوان انا بنت بنتي أشرف من الشرف واستحاله تعمل كدا انت اللي ديلك نجس من يومك
وفي الوقت دا دخل العمده شكري وامين
امين / ايه دا فيه ايه
عرفان / اسال مرتك
شكري / واه اتكلم عدل اومال عن مرت اخوك
عرفان / لا يا بوي دي متستاهلش تبجي مرته دي و***
امين / بغضب عرفاااااان انت بتتكلم علي مراتي مش واحده من الشارع
عرفان / والله حريم الشارع انضف منيها
امين / راحله ومسك هدومه بغضب وقال اخرس يا وسخ مش فاطمه اللي تستاهل شتيمتك دي دي ضفرها برقابتك
شكري / اكتمو خشمكم ديه وبص لفاطمه وحوريه وقال حصل ايه
حوريه حكتله علي اللي حصل واللي شافته وكانت فاكره ان العمده شكري هيحكم بالعدل لكن حكمه كان عادل لاولاده بس وبالنسبه لفاطمه كان حكم بالاعدام
شكري / سكت شويه وبصلهم واتنهد وقال يظهر اني غلطت من الاول اني وافجت علي جوزاة امين من فاطمه
امين / ابا انت بتقول ايه
شكري / وقف وخبط بعكازه الارض وبص لحوريه وفاطمه وقال اتفضلوا خدو حجكم وامشوا من هنه مش مره اللي تفرج بين ولاد العمده شكري لاه… وبص لعرفان وقال وانت حسابك معايا بعدين
فاطمه / يا ابا الحاج ا.انا مظلومه والله حرام تحرمني انا وامين من بعض عشان غلطه من ابنك ط.طب قول انت ا.اي حكم تاني بس غير ان امين يطلقني والنبي
شكري / خبط بعكازه بعصبيه اكتر وقال انا جولت كلمتي ومش هرجع فيها اتفضلي يا حوريه خدي بتك وامشوا من هنه وورقتها وكل حجوجها هتوصلها
امين / لا يا ابا انا مش هسيب فاطمه ابدا مهما حصل
شكري / بصله بغضب وقال انت بتجول ايه انت هتكسر كلمتي
امين / هكسرها المرادي لانك مش عادل في حكمك يا ابا
شكري / بغضب لو خرجت معاها يبجي ابني امين مات
امين / دموعه نزلت وقالت الموت بالنسبالي اني ابعد عن فاطمه يا ابا وبراحتك مدام هتعتبرني مت يبقي مبروك عليك ابنك الحيله وبص علي عرفان
شكري / امين بالنسباله مش بس ابنه دا بيعتبره اخوه وصاحبه ونافعه كتير بتعليمه ومش بالساهل عليه يبعد عنه ويفرط فيه وقال بتردد أ.امين ي.ياولدي ف.فكر في كلامك تاني لسه جدامك وجت
امين / مبقاش فيه تفكير تاني يا ابا وجاب العبايه لبسها لفاطمه وحط الطرحه علي شعرها وحاوطها بدراعه وخرجو مع حوريه
وبعد امين وفاطمه عن ابوهم ونزلوا مصر تاني واشتغل في شركه بمرتب كويس وقدر يعيشوا منه وكانت فاطمه بتشتغل في البيت علي مكنة خياطه خاصه بيها وساعدوا بعض وعاشوا حياتهم
بااااااااااااااااك
فاطمه / هو دا اللي حصل
الكل كان ساكت وطه كان حاطت وشه قي الارض
فاطمه / بدموع طب ابني الاقيه فين يا طه
طه / بص في الارض وقال كان على عيني يا مرات عمي لو اعرف حاجه والله كنت جولتهالك طوالي لكن كل اللي اعرفه انه رماه في الشارع بس
فاطمه / بدموع آااااااه هو انا مش مكتوب عليا الراحه يا ربي
طه / قام وقف وقال أتفضلي يا مرات عمي الورج ده يوكد كل كلامي اللي جولته وهينفعك ولو احتاجتيني باي حاجه اني سداد وتحت امرك وصدجيني لو عرفت حاجه عن ابنك هجولهالك
فاطمه / بصتله بدموع وقالت تسلم يا ابني
طه / استاذنك آني وخرج وسابهم
دخلت فاطمه اوضتها ودموعها على خدها
سلمى / بدموع انا خايفه على ماما اوي
سليم / طبطب عليها وقالت مش سهل عليها يا حبيبتي اللي سمعته ربنا يقويها
ماليكه / هو الواحد مش مكتوبله الفرحه ليه بس يا ربي
عاليه / ربنا يهونها عليكي يا ماما
_______________________________
اشرقت صباح يوم جديد
صحيو البنات من نومهم ولقوا الفطار جاهز وفاطمه في المطبخ
البنات بصوا لبعض باستغراب وراحوا لفاطمه
البنات / صباح الخير يا ماما
فاطمه / بابتسامه يا صباح الفل يا حبايب ماما يلا عشان نفطر
البنات استغربوا اكتر وقعدوا عشان يفطروا بس كانوا بيبوصوا لبعضهم ولامهم باستغراب
فاطمه / بابتسامه ايه يا بنات مالكم
سلمى / ماما انتي كويسه
فاطمه / ابتسمت وقالت انتي شايفه ايه
عاليه / ما هو ده اللي مخلينا مستغربين يا ماما
مليكه / ماما انتي امبارح كنتي منهاره والنهارده بتضحكي وتتكلمي معانا كده عادي ازاي يعني
فاطمه / اتنهدت وبصتلهم وقالت ايه يا بنات امين انا اللي كنت بقوي كل واحده فيكم وقت ضعفها بفكرها بايمانها وكل حاجه حلوه حواليها وكنت دايما افكرها بالايه دي ( وعسى ان تكرهوا شيئا وهو خير لكم ) مش هعرف اصبر نفسي واقويها….. وسكتت شويه وقالت ربنا ليه في كل حاجه حكمه احنا منعرفهاش واكيد في حكمه من غياب اخوكم عنى ويمكن ربنا يجمعني بيه تاني ويا عالم ويمكن يكون مات وربنا رايد نتقابل عنده في جنته وانا راضيه باي حاجه منه الحمد لله وباست كفة ايدها بمعني الحمد والشكر
البنات / ابتسموا وقامو باسو راسها وباسو ايديها
فاطمه / بابتسامه ودموع بقى عايزيني افكر في زعل وانتم معايا ده انتم اغلى من نور عيني وحضنتهم وقالت جايز ربنا يجمعني تاني باخوكم ونتلم كلنا سوا
سلمى / ان شاء الله يا حبيبتى ربنا ما يحرمنا منك ابدا
فاطمه / ويخليكم ليا يا حبايبي يا رب
______________________________
في فيلا عبد الله العايدي
كانت خناقه جامده جدا مع علي بسبب ان جيهان عرفت علاقته بعاليه
جيهان / يعني ايه بتحبها اشمعنى دي ما انا اخترتلك كتير ومع ذلك اصريت لما تخلص جامعتك وتشتغل في شركه ابوك وبعد كده هتفكر تتجوز جاي دلوقتي بتقولي خلاص انا اخترتها
على / كان واقف حاطط أيده في جيوبه وبيسمع لكلام امه بلا مبالاه وقال ها يا ماما خلصتي
جيهان / بعصبيه على ما تعصبنيش عليك
رنا / والله يا ست الكل انتي اللي معصبه نفسك على الفاضي ماسيبيه يتجوز اللي هو عايزها هو حر
جيهان / نيفر ازاي يعني هقول لصحباتي ايه لما يسالوني ابنك اتجوز بنت مين هقولهم ايه بس
رنا / وشوشت علي وقالت الحق امك قلبت علي رجاء الجداوي بالظبط فاضلها تلبس روب بريش وهتبقى التوينز بتاعها وربنا
جيهان / بنت انتي بتوشوشيه بتقوليله ايه
رنا / ابدا يا ست رجاء ق.قصدي يا ماما انا بقوله طاوع امك واقطع علاقتك بالبت دي كله الا زعلك يا حاجه
على / بصلها وقال نعم يا اختي ده اللي قولتيه طيب وبص لجيهان وقال هقولك انا كانت بتقولي ايه ولسه هيتكلم……
رنا / حطت ايدها على بوقه وقالت شششش اتهد يخرب بيتك ووشوشته وقالت سيبها شويه وانا هكلمهالك
علي / بصلها وقال اكيد
رنا / حبيبي يا لوشه اكيد اخلع انت
على / اوكي ولسه هيمشي…
جيهان / رايح فين انت كمان يا ولد انا مخلصتش كلامي
رنا / رايح يقطع علاقته بالبنت دي يا ست الكل طبعا اهدي انتي بس وشاورت لعلي وقالت اخلع انت
طلع على اوضته يكلم عاليه وقعدت جيهان تقلب في تليفونها
رنا / راحت قعدت جنبها وقالت ماما انتي مش موافقه ليه على البنت دي
جيهان / اوافق ازاي يعني انتي مجنونه
رنا / انا مش شايفه فيها حاجه وبعدين عاليه كويسه جدا ودكتوره كمان
جيهان / ايه وانتي كمان عرفاها وأتعرفتي عليها ده الموضوع من زمان بقى وانا نايمه على وداني
رنا / وفيها ايه يا ماما وانتي من امتى حاسه بينا و أتنهدت وقالت بصي يا ماما بلاش نضحك على بعض انا وانتي عارفين كويس انك عايزه تجوزي علي مش عشان تفرحي بيه لا .. انتي عايزه تخلصي من مسئوليته في رقبتك وتحمليها لمراته ونصيحتي ليكي لو عايزه تكوني مطمنه على على مع مراته وافقي على عاليه لانها كويسه اوي و سيبك بقى من بنت مين وابوها يبقى مين لانه هو هيعيش معاها مش مع اهلها وسباتها ومشيت
جيهان / لنفسها والله عندك حق يا بت يا رنا مش يمكن تكون كويسه وانا ظلماها يلا هنشوف وأوافق نعملهم زياره وربنا يسهل
_______________________________
بعد مرور عدة ايام
رجعت الحياه لطبيعتها من تاني للبنات ورجعت سلمى لجامعتها
وفي يوم كانت سلمي قاعده مع نونه وحكتلها عن كل اللي حصل من عمها ليهم وعن اخوها اللي مش عارفينه عايش ولا مات
نونا / كانت ساكته وهي بتسمعها
سلمى / مالك يا نونا ساكته ليه
نونا / بزعل ابدا بس صعبان عليا حال مامتك دلوقتي الله يكون في عونها
سلمى / اتنهدت وقالت هنعمل ايه ربنا يقويها ويصبرها
في الوقت ده تليفون سلمى رن وكان سليم ابتسمت وقالت هقوم ارد عليه يا نونا ده سليم
نونه / بابتسامه أتفضلي يا حبيبتي
وقامت سلمى تكلم سليم
نونه / لنفسها معقول ممكن اللي بفكر فيه ده يكون صح !!!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أم البنات)
