رواية أم البنات الفصل الثالث عشر 13 بقلم ريهام علي
رواية أم البنات البارت الثالث عشر
رواية أم البنات الجزء الثالث عشر
رواية أم البنات الحلقة الثالثة عشر
اشرق صباح يوم جديد والكل قام من نومه ونزلوا يفطروا تحت معاهم
عرفان / اهلا اهلا ببنات اخوي الغالي وبص لفاطمه وقال صباح الخير يا ام البنات
فاطمه / صباح النور يا ابو طه
عرفان / بص للبنات وقال يالا يابنات افطروا وروموا عضمكم كديه الوكل كله بالسمن البلدي
فاطمه / يجعله عامر يارب
عرفان / اللهم امين وسكت شويه وقال ام انا لجيتلك حتة مشتري بس ايه لجطه للارض
فاطمه / اتنهدت بهدوء وقالت والله يا ابو طه انا فكرت فيها امبارح لقيت لو بعت الارض كمان اللي لينا هنا يبقي بقطع حبل الود فانا فكرت اني اسيبها للزمن وياعالم الزمن لما بيلف بنحتاج ايه …وبصتله وقالت ولا ايه
عرفان ورسميه بصوا لبعض واتصدموا لان دا عكس اللي كانوا مخططينله تماما
عرفان / و.وماله يا ام البنات ت.تفكيرك زين برضك
فاطمه / رينا يخليك لينا ياابو طه
والكل قعدوا يفطروا مع بعض الا رسميه وعرفان نفسهم اتسدت طبعا
* ومرت الايام وجه معاد رجوع فاطمه والبنات للقاهره وكانوا وافقين بيسلموا عليهم
عرفان / نورتونا يا ام البنات وياريت تكرروا الزياره دي تاني
فاطمه / اكيد طبعا يا ابو طه
وسلموا عليهم كلهم وراحوا علي المحطه وركبوا القطر
________________________________
بعد مرور يومين
رجع فاطمه والبنات .. وكانت سلمى وفاطمه بينضفوا البيت والبنات كانوا في الجامعه
رن جرس الباب وفتحت سلمى وأتفاجئت بسليم
سليم / ابتسم وقال وحشتيني مقدرتش استني اكتر من كده
سلمى / ضحكت وقالت يا مجنون انت مش معادك بكره
سليم / هتفرق يعني النهارده من بكره وبعدين هفضل واقف على الباب كده
سلمي / ابتسمت وقالت اسفه أتفضل
دخل سليم وقعد
سلمى / ثواني هدي لماما خبر بس
دخلت سلمى وبلغت مامتها وغيروا هدومهم وقعدوا معاه
فاطمه / يا اهلا بيك يا سليم يا ابني
سليم / أهلا بحضرتك يا ست الكل وسكت شويه وقالت ولونك لو سمحتيلي أبقى اقولك يا ماما
سلمى / بصتله بحب وابتسمت
فاطمه / ابتسمت وقالت طبعا يا ابني
سليم / احم اكيد سلمي فهمتك انا جاي ليه وانا بكرر طلبي تاني انا بطلب منك ايد سلمى لاني مش هلاقي زيها في الدنيا ومستعد لكل طلبات حضرتك
فاطمه / ابتسمت وقالت طلبات ايه يا سليم يا ابني و اتنهدت وقالت هقولك نفس الكلمتين اللي قولتهم لمالك انا مهر بنتي السعاده ومؤخرها راحه البال وشبكتها هي حضنك يا سليم اللي مهما بس الظروف قسيت عليكم متحرمهاش منه ابدا …
هي دي طلباتي في جوازة بناتي ها هتقدر على طلباتي يا سليم
سليم / ابتسم وقام باس ايدها وباس راسها وقال واوعدك اشيلها في عيوني
فاطمه / وانا مش عايزه منك اكتر من كده
سليم / بلؤم طب تسمحيلي بقى البسها شبكتي
فاطمه / باستغرب يعني ايه
سليم / غمزلها وقال احضنها مش شبكتها هي حضني
فاطمه وسلمى / ههههههههه
سليم / وهو بيضحك طلع خاتم من جيبه وقال ممكن البسهولها
فاطمه / طب مستعجل ليه خلي الخطوبه في الاجازه تبقى هي واختها مع بعض
سليم / انا اسف بس عايز يبقى فيه حاجه شبه رسمي عشان لما اقف معاها في الجامعه يبقى الكل عارف ومحدش يقدر يتكلم
فاطمه / ابتسمت وقالت عندك حق اتفضل يا ابني
سليم / قام من مكانه وراح لسلمى ولبسها الخاتم وباس ايدها برقه وهمسلها وقال كان نفسي البسك الشبكه اللي ماما امرتني بيها بس ملحوقه لما نتجوز وغمزلها
سلمي / ضحكت وحطت وشها في الارض
سليم / طب ايه بقى فين اخواتك مش هتعرفيني عليهم
فاطمه / جايين حالا زمانهم على وصول عشان نتغدى مع بعض وبصت لسليم وقالت انت هتنام فين يا سليم ولا هترجع اسكندريه النهارده
سليم / لا انا هستنى نرجع انا وسلمي مع بعض بقى وهبات في شقتنا هنا احنا لينا هنا شقه بس انا استقريت في اسكندريه
فاطمه / طيب يا ابني انا كنت فاكرك هتبات في اوتيل ولا حاجه
سليم / لا يا ماما ما تقلقيش
* وفي الوقت ده جت عاليه و بصتله باستغراب وهي مبتسمه
عاليه / دكتور سليم صح
سليم / يااااااه هو انا مشهور اوي كده
عاليه / وهي بتضحك لا ابدا بس سلمى وصفتك لينا بالظبط كانها بترسم لوحه
سليم / بص لسلمى وابتسم وقال انتي مين فيهم بقى اكيد انتي عاليه
عاليه / ضحكت وقالت يااااه هو انا مشهوره اوي كده
سليم / ههههههه لا يا ستي بس سلمى قالتلي ان عاليه بتتكسف شويه
سلمى / جري ايه يا سليم انت جاي تهدي النفوس بيني وبين اخواتي ولا ايه
عاليه / لا لا استني هنا هي قالتلك ايه عني بالظبط
سليم / رافع ايده ببراءه وقال كل خير والله
عاليه / بصت لسلمي ورفعت جاجيبها وقالت كل خير امممم مش مطمنالك يا عنتر بس عموما هعرف منها بعدين
وفي الوقت ده دخلت مليكه وسلمت عليهم وأتعرفوا ببعض وقعدوا واتغدوا مع بعض هما الكل وبعد شويه روح سليم على شقه مامته
______________________________
في بيت سليم
كان سليم قاعد في شقه مامته وبابه خبط قام يفتح الباب
سليم / باستغراب رودينا
رودينا / ازيك يا سليم
سليم / اهلا يا رودينا خير
رودينا / انا شوفتك وانت جاي مصدقتش نفسي وقولت اجي اطمن عليك واشوفك لو محتاج حاجه
سليم / متشكر يا رودينا
رودينا / ط.طب تعال أتعشي معنا
سليم / شكرا انا اتعشيت مع خطيبتي
رودينا / بصدمه خطيبتك …. أ.انت خطبت يا سليم
سليم / بصلها بقوه وقال ايوه
رودينا / ازاي
سليم / زي ما انتي أتجوزتي وسبتيني وبعتيني
رودينا / بدموع ما بعتكش والله يا سليم
سليم / ضحك بسخريه وقال امال تسميه ايه اللي حصل منك ده
رودينا / بصتله بدموع وقالت سميه ضعف وياس بس خلاص ندمت دلوقتي
سليم / وللاسف ندمك دا ما ينفعنيش في حاجه لان خطبت خلاص و بحب خطيبتي اوي و هنتجوز قريب
رودينا / بدموع م.مبروك يا سليم الف مبروك وسابته وجريت
سليم / قفل الباب واتنهد وافتكر سلمى وابتسم وقال مش واحده زيك يا رودينا تخسرني حب سلمى ابدا مستحيل اسيبها عشانك وطفى النور ودخل اوضته ونام
_______________________________
في القطر
جه ميعاد سفر سلمى و سليم و كانوا راكبين القطر مع بعض
سليم / ضحك وبص لسلمى وقال فاكره اول مره شوفنا بعض فيها
سلمى / ضحكت وقالت مستحيل انساها من يومها وانا قلبي معاك
سليم / لفلها بجنب وقال وانا من يومها قلبي دق ليكي وكنت بقول لنفسي يا تري هقابل لسانك المبرد دا تاني بس اتضحلي ان اللسان مبينطقش كل حاجه وان اللي في القلب في القلب
سلمى / اتكسفت وقالت بحبك كتير
سليم / اتنهد وقال ما تيجي البسك شبكه مامتك اللي قالت عليها وغمزلها
سلمى / ضحكت وقالت بس بقي احنا في القطر
_____________________________
وفي اليوم التالي
في الجامعه عند سلمى
كانت واقفه بره مع اصحابها بيتكلموا ويضحكوا وجه عليهم سليم
سليم / صباح الخير يا بنات
البنات / صباح النور يا دكتور الف مبروك
سليم / ميرسي عقبالكم يا رب وبص لسلمى وقال تعالى عايزك
البنات / طب يا سلمى هندخل احنا المحاضره
سلمى / ابتسمتلهم وقالت اوكي وبصت لسليم وقالت ايه مش هندخل المحاضره ولا ايه
سليم / لا طبعا هندخل بس في حاجه هنعملها كده
سلمى / هتعمل ايه
سليم / ابتسم وقالها على اللي عايز يعمله
سلمى / لا ياسليم اتكسف طبعا انا مش هقدر
سليم / لا هتقدري يا سلمى
سلمى / بقولك هتكسف
سليم / قرب عليها بغمزه وابتسم وقال هتقدري ولا ألبسك شبكه مامتك
سلمي / ضحكت ودخلت تجري على جوه
سليم /ضحك عليها ودخل هو كمان وراها و مسك المايك وقال صباح الخير انا اسف طبعا اني غبت عنكم المره اللي فاتت بس لما تعرفوا هتعذروني وابتسم وبص لسلمى وقال باركولي انا خطبت
الكل / كان بيسقف
واحد من الطلبه الشباب/ مبروك يا دكتور وصفروا
واحده من الطلبه البنات / مين دي يا دكتور
سليم / ابتسم وقال طبعا هتعرفوها ثواني وراح سليم لعند سلمى ومسك أيدها ونزلوا ومسك المايك وقال دي خطيبتي ايه رايكم بقى وضحك
سلمى اتكسفت وحطت وشها في الارض
الكل قام من مكانه وفضلوا يسقفولهم والشباب يصفروا
سليم / همس في ودان سلمى وقال كده عشان الكل يعرف ومحدش يقول نص كلمه لو شافونا واقفين مع بعض
سلمي / ضحكت وقالت عندك حق يا سليم سليم / اتنهد وقال طب مش هلبسك شبكتك بقا
سلمى / ضحكت راحت قعدت مكانها
وبدا سليم بشرح المحاضره
^^^^^^^^^^^^^^^^^^^^^^^^^^^
مرت الايام واتخطبوا مالك ومليكه وسلمى وسليم لبعض اما على وعاليه كان كل يوم حبهم يزيد بس مكنوش بيتكلموا مع بعض خالص
♧♧♧♧♧♧♧♧♧♧♧♧♧♧
في الجامعه عند مليكه
كانت خارجه وقابلت شهاب وقفها
شهاب / ابتسم وقال الف مبروك يا مليكه
مليكه / ابتسمت وقالت الله يبارك فيك يا شهاب عقبالك
شهاب / متشكر اوي على اذنك
ولسه مليكه خارجه بس عربيه شدتها وخطفتها
بس شهاب ماخدش باله من مليكه وكان دخل الجامعه اما العربيه اخدت مليكه ومشيت
____________________________
في الجامعه عند عاليه
كانت خارجه وقابلت علي واقفت قدامه وابتسمت
عاليه / راحت عنده وقالت ازيك يا علي
علي / الحمد لله ازيك انتي
عاليه / تمام ……. وسكتت شويه وقالت علي انا جعانه
علي / بصلها باستغراب وقال يعني ايه
عاليه / ابتسمت وقالت ممكن نتغدى مع بعض
على / ابتسم وقال طبعا يلا بينا
وخرجت عاليه وعلى مع بعض
______________________________
في الجامعه عند سلمى
كانت خلصت محاضراتها وراحت لسليم مكتبه و فتحت الباب لقيته واقف مع واحده وهي ماسكه أيده
سليم / اول ماشافها شد ايده منها بسرعه وقال س.سلمى انتي فاهمه غلط
سلمي / خرجت تجري بدموع
سليم / عاجبك كده يا رودينا فهمتني غلط
رودينا / هي دي خطيبتك وابتسمت بشر
سليم / مسك دراعها بغيظ وقالت متفكريش باللي حصل ده ممكن يفرق بيني وبينها فاهمه و سابها وطلع يجري ورا سلمي
_________________________
في مكان كانت العربيه اللي خطفت مليكه
وصلت ونزلوا مليكه وجت عندها واحده وشالت الغطا من على عيونها
مليكه / باستغراب راندا ….. انتي اللي خطفاني
راندا / ضحكت بشر وقالت ايوه
مليكه / ليه كل ده
راندا / قربت منها وقالت عشان اخلص منك انتي اللي واقفه بيني وبين شهاب
مليكه / وانا مالي بشهاب انا مخطوبه لحد تاني دلوقتي
راندا / لكن هو مش فاهم كده ولسه حاطك في دماغه
مليكه / اتنهدت وقالت انتي واعيه للي بتعمليه ده انتي هتروحي في داهيه
راندا / ضحكت بشر وقالت ومين هيعرف بس اننا اللي وراها
مليكه / باستغراب يعني ايه الكلام ده
راندا / ضحكت وقالت هتعرفي بعدين وسابتها ومشيت
اما مليكه دموعها نزلت من الخوف
____________________________
في الجامعه عند سلمى
كان وصل سليم ليها ولقاها بتعيط
سليم / قرب منها وقال انتي فهمتي غلط
سلمى / بدموع مين دي يا سليم عشان تمسك أيدك كده
سليم / اتنهد وقال دي رودينا اللي كانت خطيبتي وانا حكيتلك حكايتنا كلها يا سلمى ومخبتش عنك حاجه
سلمى / ايوه بس انت قولتلي انها اتجوزت وسافرت
سليم / والله انا اتفاجئت بيها بتقولي انها أتطلقت وعندها امل اننا نرجع لبعض
سلمى / دموعها نزلت وقالت ايه
سليم / اتنهد وقالي حبيبتي انا صدتها في الكلام والله و كانت بتسلم عليا وقت ما دخلتي صدقيني يا سلمى انا عمري ما هفكر ابص لغيرك
سلمى / مسحت دموعها وسكتت
سليم / قرب عليها ومسك أيدها بحب وقالت مصدقاني يا سلمى
سلمى/ بصتله بحب وقالت مصدقاك عشان بحبك يا سليم
سليم / سند جبينه علي جبينها وقال بعشقك وسكت شويه وقالت ما تيجي البسك شبكة مامتك بقى
سلمي / ضحكت عليه وقالت مفيش فايده فيك
(اه بقى ناس هايصه وناس لايصه) 😂
____________________________
في مكان هادى
كان على وعاليه قاعدين مع بعض
عاليه / احممم علي هو انت لسه زعلان مني
علي / ابتسم وقال هو انا زعلت منك قبل كده اصلا
عاليه / ضحكت وقالت اصلا
على / ضحك وقال اه اصلا …. سكت شويه واتنهد وقال يا عاليه انتي مش عارفه انتي ايه بالنسبالي انا بحبك من اول لحظه شوفتك فيها
عاليه / اتنهدت بحب ودموعها نزلت
علي / طب ليه الدموع دي
عاليه / علي انا بخاف على نفسي اوي وخايفه أتجرح منك انا طول عمري عايشه مليش في حوارات البنات دي عشان هتعب اوي لو قلبي انجرح وخصوصا لو منك وأتنهدت وقالت عارف يوم ما حصل منك الموقف ده يوم عيد ميلاد روان على قد مكنت زعلانه منك ومش طايقاك على قد ما كان نفسي اقرب عليك واحضنك واشتكيك لقلبك
على / ابتسم وقرب عليها وقال افهم من كده ايه
عاليه / ضحكت وقالت لسه مش فاهم
علي / تؤ ممكن تفهميني بقى عشان انا غبي
عاليه / قربت عليه وسندت أيدها على الترابيزه وهمستله وقالت بحبك
(ياختاااااي مبروك عليكم انتم كمان يلا نكمل محننا)😂
على / اتنهد بفرحه وابتسم براحه وقال ياااااه يا عاليه اخيرا انتي طلعتي عيني يا شيخه عشان تنطقيها وقربب منها وقال بعشقك
عاليه / ابتسمت وسكتت
علي / طب ايه مش هنتجوز بقى
عاليه / ضحكت وقالت يااااه جواز على طول كده طب قول نتخطب الاول
علي / لا لا خطوبه ايه مش هقدر استنى بصراحه
عاليه / طب مش تعرف ماما الاول
على / ضحك وقال مامتك عارفه كل حاجه وعارفه اني بحبك
عاليه / ابتسمت وقالت يا سلام انتوا مظبطينها مع بعض بقى
علي / ههههههه ابدا والله هي بس قالتلي لو صادق في حبك صحيح استحملها وخليك وراها لحد ما تسامحك
في الوقت ده تليفون عاليه رن برقم امها
عاليه / ابتسمت وقالت دي ماما و فتحت الخط وقالت ايوه يا ماما
فاطمه / ايوه يا عاليه هيه مليكه اختك معاكي
عاليه / باستغرب مليكه لا مش معايا وبعدين هي بتخلص بدري النهارده
فاطمه / ايوه ما هو ده اللي قالقني وكمان تليفونها مقفول وكلمت مالك راح يشوفها في الجامعه بس زمايلها قالوا خرجت من زمان
عاليه / وقفت وقالت يعني ايه طب انا جيالك يا ماما سلام
على / بقلق في ايه يا عاليه مالها مليكه
عاليه / بدموع معرفش يا علي ماما بتقول خرجت من زمان وتليفونها مقفول وزمايلها في الجامعه قالوا انها خرجت
علي / طب يلا نروح على البيت ان شاء الله خير
عاليه / بدموع يا رب وراحو يركبو العربيه وركب على ولفت عاليه عشان تركب بس حست بأيد بتحط حاجه على بوقها وفقدت الوعي
علي بص عليها لقي ناس واخدينها
على نزل بسرعه وحاول يمسك في حد منهم بس واحد منهم ضربه على دماغه خلاه يفقد الوعي هو كمان ،،،،،،،،،،،،،
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أم البنات)
