رواية أم البنات الفصل الحادي عشر 11 بقلم ريهام علي
رواية أم البنات البارت الحادي عشر
رواية أم البنات الجزء الحادي عشر
رواية أم البنات الحلقة الحادية عشر
مر الاسبوع وجه اخر يوم للطلبه وسلموا مشروعهم وكانوا قاعدين مع بعض في المطعم الخاص بالفندق
ساره / اوف ياختاااااي اخيرا عقبال الامتحانات بقى ونخلص
سلمى / كانت بتبص لسليم وسرحانه
ساره / بصت مكان سلمى ما بتبص لقيت سليم واقف مع واحده بيتكلم معاها ويضحكوا
ساره / بصت لسلمى وقالت ايه يا سلمى مفيهاش حاجه دي طالبه
سلمى / بغيظ طالبه وهي اي طالبه يضحك معاها كده
ساره / بغمزه الله الله الجميل بغير بقى
سلمى / وقفت وقالت خليهم يشبعوا بعض ومشيت
ساره / سلمى بت يا سلمى استنى
وفي الوقت ده جه عليها محمد
محمد / ازيك يا ساره
ساره / ابتسمت وقالت الحمد لله
محمد / احمم ممكن نقعد مع بعض شويه بعيد عن صحابنا هنا
ساره / نعممم. ليه ان شاء الله
محمد / بتوتر و.والله متفهمنيش غلط أ.انا بس …..
ساره / ضحكت وقالت اوكي اوكي يلا بينا
محمد / اتنهد وقال يخربيتك افتكرتك بتتكلمي بجد و تكوني زعلتي مني
ساره / ربعت ايدها وقالت اممم هو انا يهمك زعلي اوي كده
محمد / حط ايده في جيبه وابتسم وقال مش عارف
ساره / بشده .. نعم
محمد / ق.قصدي يعني م.مش عارف أ.انا ايه اللي بيحصلي معاكي
ساره / ابتسمت وقالت ايه بيحصلك
محمد / طب ممكن نقعد لوحدنا الاول
ساره / اوكي يلا بينا
ولسه هيمشوا سليم نده عليها وقال
سليم / ساره هي فين سلمى
ساره / احمم مشيت زعلانه
سايم / ابتسم وقال اوكي انا هدور عليها بعد اذنكم ومشي
محمد / ايه ده هو دكتور سليم بيحب سلمى
ساره / اتنهدت بحب وقالت ايوه وهيتجوزوا ان شاء الله
محمد / ابتسم وقال عقبالك يلا بينا
ساره / يلا ومشيوا مع بعض
____________________________
في مكان على البحر
كانت سلمي واقفه وبتعيط جه من وراها سليم ووقف قدامها وابتسم
سلمى / مسحت دموعها وقالت جاي ليه كنت خليك معاها شويه واضحك كمان
سليم / قرب عليها ومد ايده مسح دموعها وسكت
سلمى / بصتله وقالت ساكت ليه
سليم / ابتسم وقال خرجي كل اللي مزعلك مني وانا هسمعك اهم حاجه بس متشليش مني ابدا و تزعلي
سلمى / بحب انا عمري مهزعل منك ياسليم انا بس اتجننت لما لقيتك واقف تضحك معاها
سليم / قرب لها اكتر ومسك أيدها وسند جبينه على جبينها وقال حبيبي بيغير على بقى ولا ايه
سلمى / انت لو تعرف انا بحبك قد ايه مش هتسال السؤال ده
سليم / ابتسم وقال تؤ مش عارف بتحبيني قد ايه ممكن تعرفيني
سلمى / بحبك اكتر من نفسي وقد روحي و قد عمري و أتنهدت وقالت مش لاقيه وصف بصراحه يحددلك مدي حبي ليك
سليم / غمض عيونه وقال ااااه يا سلمى كنت اتمنى دلوقت تكوني مراتي حلالي عشان حضنك واكسر ضلوعك من كتر ضمي ليكي
ولسه سلمى هتتكلم قطع كلامهم اتصال من تليفون سليم الاثنين اتخضوا وبعدوا عن بعض وهما بيضحكوا
(نأسف لقطع المحن )😂✋
سليم / بص في التليفون وكانت نونا بص لسلمى وقال مش وقتها خالص المكالمه دي
سلمي / وهي بتضحك من دي
سليم / دي نونا وفتح الخط وقال حبيبه قلبي كنا لسه في سيرتك والله
نونا / يا واد يا بكاش انت هتقولي برضه المهم فين سلمى بكلمها مبتردش ليه
سليم / ضحك وقال معايا هنا
نونا / ااااه قولتلي بقى كنت في سيرتي
سليم /ضحك وقال معاكي سلمى اهي وادي التليفون لسلمي
سلمى / وحشتيني يا نونا
نونا / وانتي كمان يا حبيبتي طمنيني عليكي
سلمى / كويسه يا حبيبتي هنرجع بكره ان شاء الله
نونا / تيجي بالسلامه يا رب
سلمي / طمنيني رافت بيجيلك
نونا / ايوه يا حبيبتي بييجي وبيمشي في ميعادك بالظبط وبيقولي عشان سلمى متزعلش مني
سلمى / اتنهدت وقالت رافت ده بالنسبالي اخويا والله يا نونا ليه مكانه خاصه في قلبي كده من اول ما شوفته مش عارفه ليه
نونا / وهو كمان نفس احساسه بيكي والله اهم حاجه مبسوطه عندك
سلمي / بصت لسليم ابتسمت وقالت وحد يكون مع سليم وميكونش مبسوط
سليم بعتلها بوسه في الهوا
نونا / ربنا يسعدكم يا رب يلا اسيبكم بقى
سلمى / اوكي يا نونه خلي بالك من ادويتك متنسيهاش
نونه / حاضر يا حبيبتي في رعايه الله
سلمي / مع السلامه وقفلت معاها
سليم / انا كده هغير من نونه ورافت
سلمى / ضحكت وقالت يا حبيبي الناس كلها عندي في كفه وفي ناس تانيه في كفه تانيه
سليم / رفع حاجبه وقال طب وانا في انهي كفه
سلمى / ابتسمت بحب وقالت لا انت مش في كفه انت في قلبي
سليم / ابتسم وقرب عليها وغمزلها وقال ما تيجي نتجوز هنا ونخلص بدال ما تهور عليكي
سلمي / اتوترت منه وجريت
سليم / ضحك وقال يخرب عقلك انتي بتصدقي علطول استني بس هفهمك وجري وراها
___________________________
عند مالك في المستشفى
كان مالك قاعد في مكتبه وخبط الباب ودخل منه شهاب
مالك / شافوا وقف وقال اهلا يا شهاب اتفضل
شهاب / دخل وقعد على الكرسي واتنهد
مالك / قعد وقال تصدق وفرت عليا مشوار اصلي كنت ناوي اجيلك
شهاب / باستغراب ليه
مالك / المهم انا اعرف انت جاي ليه
شهاب / اتنهد وقال انت عايز ايه من مليكه
مالك / ضحك بسخريه وقال والله السؤال ده تسأله لنفسك مش ليا انا انت اللي عايز منها ايه وانت اللي فسخت خطوبتكم بنفسك
شهاب / مش انا والله اهلي هما اللي ضغطو عليا اسيبها لما عرفوا بظروف التعب اللي عندها
مالك / اممم وهو انت ملكش راى يعني عشان ترفض
شهاب / بتردد م.مهماا اللي خ.خوفوني وقالولي مش هتبقى قد الجواز و.وهتفضل تتعب واحتمال اولادنا كمان يورثوا منها المرض
مالك / ضحك بسخريه وانت طبعا معارضتش كلامهم
شهاب / هز راسه بمعنى اه وقال بس دلوقتي ندمان ونفسي ارجعلها بس عرفت انك خطبتها وبصلوا وقال انت خطبتها ليه
مالك / ضحك باستهزاء وقال والله السؤال ده مش من حقك تساله بس تعالي انا وانت كده نقارن بعض في نفس الموقف لما عرفنا بظروف تعبها
انت : اول ماعرفت بتعبها بدات تتغير وتبعد عنها
انا : اول يوم شوفتها قلبي أتحركلها على الرغم اني مكنتش عارف انها مرتبطه وحبيتها اكتر لما عرفت بمرضها
انت : بعدت عنها وفارقت ومفكرتش تسال تطمن عليها
انا : كملت معاها وقربت وكنت حافظ مواعيد ادويتها وعارف ان البرشام ده لو خلص النهارده اكلمها تتجدده عشان متتعبش
انت : محاولتش تعرف يا ترى مرضها ده ليه علاج ولا لا
انا : مسكتش وكنت كل يوم اتواصل مع دكتور من كل بلد ومن كل جنسيه وابعتله التحاليل والاشعه لحد ما عرفت ان ليها عمليه بس كان المبلغ كبير عليهم ومضحكش عليك وكان كبير عليا
انت : عرفت ان ليها عمليه مسالتش حتى من باب المساعده
انا : كنت بحوش قرش على القرش عشان اقدر ادفعلها اي حاجه للعمليه عشان تعملها في اقرب وقت ومتاخدش كميه كبيره من العلاج لان ليه اثار جانبيه لحد ما الحمد لله تمت العمليه ومش من فلوسي عشان متقولش اننا استغليتهم ودفعتهم لان انا محتكمش على المبلغ اللي كان مطلوب للعمليه والحمد لله بقيت كويسه زي ما انت شوفتها … بس كل الحكايه اني فضلت واقف جنبها لحد ما خفت وكنت دايما اسال عليها
وسكت شويه وبصله قال ها يا شهاب لو انت مكان مليكه هتحب مين
لسه شهاب هيتكلم …. قطع مالك كلامه قال اكثر حاجه البنادم بيفضل فاكرها يا شهاب مين اتخلى عنه ومين وقف جنبه في وقت محنته … وانت للاسف اتخليت
شهاب / سكت ومردش عليه وقام وقف وسابه ومشي
مالك / رجع بضهره لورا وافتكر مليكه وابتسم وقال عمري ما هتخلى عنك ابدا مهما كانت الظروف يا مليكه وابعد عنك زيه
________________________________
مرت الايام
ورجعوا الطلبه من الغردقه وتاني يوم كان سليم قاعد في المكتبه بيشتغل
خبطت سلمي وفتحت الباب وقالت ممكن ادخل
سليم / ابتسم وقالت طبعا اتفضلي
سلمى / دخلت وقفلت الباب وراها وقالت انا جايه اسلم عليك عشان مسافره
سليم / هتسافرى دلوقتي
سلمى / اه معاد القطر بعد ساعه
سليم / طب كنتي خليكي لبكره ترتاحي من مشوار الغردقه
سلمى / يا دوب بقى عشان اقعد مع ماما واخواتي يوم قبل ما نسافر الصعيد
سليم / قام من على مكتبه ولف ليها وراح عندها مسك أيدها وقال هتوحشيني اوي اسبوع بحاله هيعدي عليا من غير ما اشوفك
سلمي / ابتسمت وقالت وانت كمان هتوحشني اوي
سليم / متنسيش تكلمي مامتك في موضوعنا عشان نخليها رسمي
سلمى / ابتسمت وقالت حاضر يا حبيبي بس انت كمان خلي بالك من نفسك ومن نونه
سليم / قرب عليها وباس جبينها برقه وقال خلي بالك من نفسك
سلمى / ابتسمت وقالت لا اله الا الله
سليم / محمد رسول الله كلميني لما توصلي طمنيني عليكي
سلمي / اوكي يلا مع السلامه
وخرجت سلمى وقعد سليم يشوف شغله
_____________________________
في الجامعه عند عاليه
كانت خلصت يومها وخارجه قابلت على
عاليه / لنفسها ياما نفسي اجري عليك واحضنك اوي واقولك واحشني صوتك وحشني هزارك معايا مناكفتك فيا كل حاجه وحشاني اوي يا علي
على / لنفسه آااااه مش عارف اخرت حكايتنا ايه نفسي احضنك اوي ونفسي تسامحيني بقى
وكل واحد فيهم بص للتاني وقال اللي عنده ما بين نفسه ومشي
_____________________________
في بيت امين شكري
وصلت سلمي وضربت الجرس وفتحت لها فاطمه
فاطمه / بفرحه يا روح قلبي وحضنتها وطبطبت عليها وقالت حمد لله على سلامتك يا حبيبتي وحشتيني اوي
سلمي / الله يسلمك يا ماما وانتو كمان وحشتوني اوي ودخلت شنطتها وقالت فين البنات وحشوني اوي
مليكه / كانت خارجه من اوضتها جريت عليها وحضنتها وقالت وحشتيني اوي اوي يا سلمى
سلمى / وانتي كمان يا ملوكه وبصتلها وقالت ايه ده هو الحب بيحلى اوي كده
مليكه / زغدتها وقالت بس بقى
فاطمه / ضحكت وقالت ربنا يسعدكم
عاليه / كانت راجعه وكانت مكشره بس اول ما شافت سلمى اتنطتت مكانها وقالت بفرحه ميمي وجريت عليها وحضنتها وقالت وحشتيني اوي
سلمى / وانتي كمان يا لولو طمنيني عامله ايه يا دكتوره في الجامعه بتاعتك
عاليه / اتنهدت وقالت الحمد لله
فاطمه / حضنت بناتها الثلاثه وقالت ربنا ما يحرمني منكم ابدا يا رب
سلمي / ويخليكي لينا يا ماما يا رب
فاطمه / طب يلا غيري هدومك عشان نتغدى مع بعض
سلمى / هاخد شاور بسرعه و اغير هدومي
مليكه / يلا يا ماما هساعدك
عاليه / وانا كمان هغير هدومي و اجي اساعدكم
بعد شويه بداو بتجهيز الاكل وقعدو كلهم يتغدوا مع بعض بفرحه وسعاده
سلمى / الله يا ماما اكلك كان واحشني اوي
فاطمه / بالف هنا يا حبيبتي
سلمي / بتردد احمم م.ماما في موضوع مهم كنت عايزه اقولك عليه
فاطمه / ايه يا حبيبتي
سلمى / بتوتر ف.في ح.حد كان عايز يجي يتقدملي
فاطمه / بفرحه بجد يا سلمى مين ده
سلمى / ابتسمت وقالت الدكتور بتاعي
عاليه / ايوه يا بقى يا بت يا ميمي يا مدوخه الدكاتره نظرات في المحاضره بقى وكده
سلمى / ضحكت وقالت مدوخه ايه بس انتي عارفه اول مره شوفنا بعض فيها في القطر وانا مسافره شتمته واتفاجئت بيه انه دكتوري في أهم ماده ليا
مليكه / وهي بتضحك وعملتي ايه
سلمي / ابتسمت وقالت هعمل ايه يعني سلمت اموري لربنا واهوه دبرها من عنده وحبينا بعض
البنات وفاطمه بصو لبعض وابتسموا
سلمى / اخدت بالها من كلمتها وقالت احمم ق.قصدي ي.يعني حبني … وسكت شويه وقالت قولتي ايه يا ماما
فاطمه / بابتسامه يشرفني بعد ما نرجع من الصعيد ان شاء الله
سلمي / بفرحه بجد يا ماما وقامت حضنتها
عاليه / هأو وبتقولك حبني يعني قولي عشقنا بعض يا ميمي وغمزتلها
سلمي / بصتلها وقالت بس ياغلسه
فاطمه / طبطبت على سلمي وقالت ربنا يسعدكم يابنات يا رب
البنات / يا رب
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أم البنات)
