رواية أم البنات الفصل العاشر 10 بقلم ريهام علي
رواية أم البنات البارت العاشر
رواية أم البنات الجزء العاشر
رواية أم البنات الحلقة العاشرة
في بيت امين شكري
كان الجرس بيرن واتفاجئت فاطمه لما فتحت الباب
فاطمه / استاذ صلاح خير
صلاح / ابتسم وقال خير يافاطمه متقلقيش كنت عايز اتكلم معاكي شويه
فاطمه / بعصبيه كلام ايه دا اللي ميتاجلش لبكره وكنت قولتهولي في المشغل
صلاح / خاف من رد فعل فاطمه وقال ف.فاطمه ياريت تهدي وتسمعي كلامي للاخر
فاطمه / بعصبيه وصوت عالي اسمع انت ياصلاح بيه يظهر اني غلطت اني موقفتكش عند حدك من البدايه لكن ملحوقه واسمع مني الكلام المفيد عشان متفضلش تلف وتدور كتير ……
اولاً : من بكره مش هتلاقيني في المشغل خلاص وهدورلي علي شغل تاني
ثانياً: تنسي انك كنت تعرف واحده اسمها فاطمه
ثالثا: ……
صلاح / قطع كلامها وقال لا يافاطمه ارجوكي اوعي تسيبيني وتتخلي عني انا يومي مبيكملش غير بيكي أ.انا خلاص مش هعترض طريقك تاني زي ما تحبي بس ارجوكي متحرمنيش من اني اشوفك حتي لو من بعيد ف.فاطمه انتي متعرفيش انا حبيتك قد ايه ومن اول يوم اشتغلتي عندي في المشغل حسيت اني محتجلك زي ما انتي محتجالي بس خلاص زي ما تحبي هبعد خلاص
فاطمه / انت هتبعد سواء برضاك او غصب عنك يا استاذ صلاح وانا كلامي مش هرجع فيه مشغلك انا مش هعتبه تاني واتفضل مع السلامه
صلاح / بصلها بحزن ولسه بيلف لقا مليكه واقفه
فاطمه / ادخلي يا مليكه وانت مع السلامه ياصلاح بيه
صلاح / بصلهم بدموع ومشي
دخلت مليكه وبصت لفاطمه باستغراب
فاطمه / مالك يابنتي بتبصيلي ليه كدا
مليكه / انا سمعت كل كلامه ياماما وواضح كمان انه بيحبك اوي ليه موافقتيش
فاطمه / اتنهدت وقالت بكل هدوء لاني لسه بحب ابوكي يامليكه واللي زي ابوكي مينفعش راجل يحل محله بسهوله
مليكه / بدموع بس بابا مات ياماما
فاطمه / امين مات صحيح لكن لسه ذكرياته محفوره في قلبي كل لحظه عدت علينا محفوظه جوايا اللي ابوكي عمله معايا يامليكه مينفهش يتمحي بسهوله لما يموت وراجل بكل بساطه يحل محله في حضني واتنهدت بحنين وقالت امين كان حبيبي ومازال حبيبي هعيش واموت علي ذكرياته وبس وكفايه انه سايبلي منه 3 اميرات ربنا يباركلي فيهم
مليكه / حضنتها بدموع وقالت انا بحبك اوي ياماما اوووي
فاطمه / باست راسها وقالت ربنا يخليكي ليا انتي واخواتك ياحببتي … بس متقوليش لاخواتك علي اللي حصل دا
مليكه / هزت راسها وقالت مفهوم ياماما حاضر
فاطمه / مسحت دموعها وقالت طب يالا بقا غيري هدومك وتعالي ساعديني في تجهيز الاكل
مليكه / خرجت من حضنها وقالت هوا ودخلت تغير هدومها
فاطمه / ابتسمت بحزن وقالت ربنا يقويني عليكم يارب ودخلت المطبخ تجهز الاكل
__________________________________
بعد مرور يومين ….
في الغردقه
كانت الطلبه كلهم متجمعين عشان مشروع التخرج و كانوا مجتمعين على البحر وبيضحكوا
ساره وسلمى كانوا بيضحكوا مع بعض وكانت ساره بتشرب ميه بس خبط فيها حد من زمايلها ووقع عليها الميه وكان اسمه محمد
محمد / بص لساره وقال انا اسف بجد مكنش قصدي
ساره / كانت لسه بترفع عيونها عشان تهزقه بس بصت في عيونه وسكتت
محمد / ابتسم وقال اسف مره ثانيه
ساره / انتبهت لنفسها وقالت احم مفيش مشكله بس خلي بالك المره الجايه بقى
محمد / ابتسم وقال حاضر ومد ايده بالسلام وقال انا محمد
ساره / ابتسمت وسلمت وقالت اهلا انا ساره
محمد / فرصه سعيده يا ساره بس انا اول مره اشوفك
ساره / انا بصراحه مليش زمايل اولاد صحاب يعني انا اصحابي بنات وبس
محمد / عجبته ساره وقال طب ممكن نبقى اصحاب لو مش هيضايقك
ساره / بدون تفكير طبعا اكيد
محمد / ابتسم وقال عن اذنك واكيد هنتقابل ثاني ومشي
ساره / كانت سرحانه معاه وبتبص عليه
سلمى / جت من وراها وخبطت على كتفها و غمزتلها وقالت ايه الحوار
ساره / ضحكت وقالت مش عارفه والله يا سلمى اول مره مفكرش في كلام قبل مااقوله ولا احسب اني واقفه مع ولد وانتي عارفه الحكايه دي بالنسبالي محسوبه بس مش عارفه ايه خلاني اقف كده
سلمى / ابتسمت وقالت اممم بكره هنعرف ليه
ساره / ضحكت وقالت تفتكري
سلمى / ضحكت عليها وقالت يلا نكمل اللي كنا بنعمله
ساره / يلا وبدا ويكملوا اللي كانوا بيعملوه
____________________________
في الجامعه عند عاليه
كانت خارجه من جامعتها وسمعت حد بينادي عليها وبصيت عليها لقيتها رنا
عاليه / وقفت وقالت نعم
رنا / بزعل مصطنع عاليه بليز ممكن تساعديني
عاليه / بزهق اساعدك في ايه
رنا / علي مبيردش عليا وزعلان منى ممكن تكلميه وتصالحينا على بعض
عاليه / حاولت تداري فرحتها وقالت ليه زعلان منك
رنا / مش عارفه يا عاليه بليز كلميه وافهمي منه وقوليله اني مهما كان حبيبته ومهونش عليه وما يصحش يعمل فيا كده ويبعد عني ويجرحني
عاليه / اتغاظت منها لما قالت حبيبته وقالت في نفسها حبك برص يا بعيده
رنا / عاليه انتي ساكته ليه
عاليه / أتنهدت وقالت بقولك ايه انا مش فاضيه ليكم اتحرقوا مع بعض
رنا / عاليه بليز ساعديني انا بجد مجروحه منه اوي
عاليه / وانا مالي تنجرحي منه ولا تتهببي على دماغك
رنا / ازاي بس انتي مش دكتوره وتفهمي في جرح الاحبه ده و أتنهدت وقالت ولا هو جرح الاحبه ده ما لوش دوا
عاليه / بزهق طب هو فين دلوقتي
رنا / في شركه بابا
عاليه / باستغراب شركه ابوكي ليه
رنا / ها في شركه باباه يعني قصدي
عاليه / اوكي هبقى اكلمه
رنا / بجد يا عاليه واتنهدت وقالت يعني هتساعدي المجروحه من الحب باعتبارك دكتوره
عاليه / بصتلها بقرف وقالت لما يفتحوا ياختي في كليتنا قسم للمحن هابقى اساعدك واساعد اللي زيك وسابتها ومشيت
رنا / ماصدقت عاليه تمشي ومقدرتش تمسك نفسها من الضحك وطلعت التليفون تحكي لعلى اللي حصل بينهم
___________________________
في الغردقه
كان الطلبه خلصوا شغلهم وكل واحد طلع اوضته يريح شويه
في اوضه ساره وسلمى
سلمى / ساره انا مش جايلي نوم تعالي ننزل على البحر شويه
ساره / وهي بتتثاوب اطلعي من نافوخي ومن الاوضه وشوفي هتروحي فين
سلمى / بدلع وبزعل كده برضه يا سرسور يرضيكي اروح لوحدي
ساره / طبعا يا قلب سريور بس طفي النور بقى وانتي خارجه ونامت على السرير
سلمى / بصتلها بغيظ وقالت نامي ياختي انا نازله
ساره / بالسلامه أحبي ونامت ساره
ونزلت سلمي مع عند البحر
في اوضه سلين خرج للبلكونه يمكن تكون سلمى واقفه فيها بس ملقهاش أتنهد وبص على البحر لقا سلمى قاعده قدامه فرح ولبس هدومه بسرعه ونزلها لقاها واقفه ومربعه ايدها
سليم / كده هغير من البحر انتي بتبصيله اكتر مني
سلمى / اتخضت وقالت سليم
سليم / ابتسم وقال هو اسمي حلو اوي كده
سلمى / اتكسفت ولسه هتمشي
سليم / مسك فيها وقالت مش هتمشي يا سلمى
سلمي / بتوتر سليم ارجوك انا مش عارفه اتلم مع اعصابي
سليم / ضحك وقرب منها وقالت طب ايه رايك اقولك على حاجه تبوظ اعصابك اكتر
سلمى / كمان هو انا كده وسالكه و أتنهدت وقالت عايز تقول ايه
سليم / ابتسم وقال تتجوزيني يا سلمى
سلمى / بصتله بفرحه وسكتت
سليم / مش هستنى منك رد دلوقتي وسكت شويه وقالت بصي تعالي نروح مع الناس اللي هناك دي نفرفش شويه كده معاهم ووقت ما تجهزي بردك بلغينى بيه اوكي
سلمى /ابتسمت وقالت اوكي
سليم / مسك ايدها وراحوا يقعدوا مع ناس كانوا بيغنوا على البحر وبيرقصوا
___________________________
عند شركه العايدي للسياحه
وصلت عاليه ودخلت سالت عن علي تلاقيه فين
السكرتيره / طب لحظه واحده اديله خبر
عاليه / هو معاه حد
السكرتيره / لا يا فندم
عاليه / يبقى ملوش لازمه تعرفيه
ودخلت عاليه مكتبه
على قام وقف وقال عاليه
كانت السكرتيره وراها وقالت اسفه يا فندم بس هي مرضيتش تقف عشان ابلغك
علي / مفيش مشكله يا ميار أتفضلي انتي
خرجت ميار من المكتب
على /بص لعاليه وقال اهلا يا عاليه اتفضلي
عاليه / راحت عنده وقالت انت تبعد عني انت وصحبتك المجروحه دي انا مش ناقصه قرف منكم
على / حاول يداري ابتسامته وقال قصدك ايه
عاليه / قصدي الست رنا صاحبتك
علي / ليه هيه جتلك ولا ايه
عاليه / اه يا اخويا جاتلي
على / غريبه يعني جتلك ليه
عاليه / بصوت رنا عايزاني اساعد المجروحه من الحب باعتباري طبيبه
على / ضحك بصوت عالي ههههههههه وقال وانتي قولتيلها ايه
عاليه / بغيظ قولتلها لما ادرس قسم المحن هبقى اساعدها
علي / هههههههههههههههه من كتر ضحكه مقدرش يقف وقعد على الكرسي وهو بيضحك
عاليه / انت بتضحك على ايه
علي /مكنش بيرد عليها وبيضحك
عاليه / مسكته من هدومه وقالت بطل ضحك بقا ورد عليا
علي / حاول يهدي نفسه وقال ارد في ايه بس
عاليه / كانت قريبه منه اوي وبصت في عيونه وقالت انت صحيح هتخطبها بعد ما هنرجع من الصعيد ونستلم حقنا
على / وقف وبص في عيونها وقال انتي تتمنى ايه
عاليه / كنت اتمنى مكنتش اقابلك
علي / بزعل ليه بس يا عاليه انتي للدرجادي مش طيقاني
عاليه / أتنهدت وقالت انت طلعتلي منين بس يا علي انا تعبت ولفت بضهرها
على / لفلها وقال وانا تعبت اكتر منك وحلفتلك اني مكنتش ناوي اءذيكي …. يا عاليه اللي بيحب بجد ما بيقدرش ياذي حبيبه ليه مش عايزه تصدقيني دي مامتك صدقتني وآمنتني عليكي وكل مره بقعد معاكي بقولك نفس الكلام وانتي ترجعينا تاني لنقطه الصفر واخر مره رجعتينا لنقطه تحت الصفر ….. انتي متعرفيش حالي كان عامل ازاي لما غبت عنك الاسبوع اللي فات كنت هتجنن واشوفك بس اللي كان مصبرني هي صورتك
عاليه / ابتسمت وقالت و جبت صورتي منين
على / ابتسم وقال لقيتها في الكتاب اللي وقع منك يوم ما شذي بلغتك ان مليكه اغمي عليها وانت رميتي الكتب وجريتي
عاليه / امممم يعني معنى كلامك ده ايه
على / اتنهد وقال لسه مش فاهمه
عاليه / بدلع تؤ تؤ لسه مش فاهمه
علي / قرب منها ومسك ايدها بحب وقال بحبك يا عاليه بحبك اوي
عاليه / اتنهدت بسعاده وقالت انت واقع بقى
علي / انا مش بس بحبك انا بعشقك
عاليه / ضحكت وقالت طب ورنا
علي / ضحك وقال المجروحه باسم الحب
عاليه / وهي بتضحك اه بتاعه قسم المحن
في الوقت ده يا دخلت رنا عليهم
رنا / سمووووو عليكووووو
علي / وهو بيضحك اهو بتاعه قسم المحن جت اهي وراحت رنا وقفت جنب علي
رنا / بصت لعلي وقالت اي خدمه عملت معتك الصح
على / حاوطها بدراعه وباس راسها وقال ربنا يخليكي ليا يا حبيبتي
عاليه / خبطته على صدره وقالت حبك برص من ليها احنا كنا لسه بنتكلم في ايه وبصوت عالي وبعصبيه انت عايز تجنني
على / مسك ايدها وقال اهدي اهدي بس يا عاليه هفهمك رنا دي تبقى مين
عاليه / باستغراب مين
على / ضحك وقال رنا دي اختي
عاليه / بصتلها و ابتسمت وقالت لا والله
رنا / هزت راسها وقالت ايوه يا ستي اخته
عاليه / ضحكت بسخريه وشقفت بأيدها وقال برافو لا برافو المسلسل ده
على ورنا بصوا لبعض واستغربوا رد فعلها
عاليه / ايه كنت منتظرني احضنك عشان عرفت انها اختك وان قلبك مش مع حد تاني يا اخي يا ريته كان مال لحد تاني ولا انك عملت عليا تمثيليه حقيره زي دي وبصتله بقرف وقالت كل مادا بتصغر في نظري لحد ما هيجي الوقت ومش هشوفك فيه ومشيت
علي / قعد على الكرسي ومسك راسه بايده الاتنين
رنا / راحت عنده وقالت متزعلش مني يا علي انا اسفه دي فكرتي
على / رافع وشه وقال وانتي ذنبك ايه المشكله في دماغها هي
رنا / معلش يا حبيبي سيبها شويه وهي هتهدى اكيد
على / اتنهد وقال كده مبقاش قدامي اي حل تاني ليها معايا
رنا / ربنا يعدلهالك يا علي ويجمعكم بخير يا رب
علي / يا رب
_____________________________
عند سليم وسلمى
كانوا قاعدين بيتفرجوا على الناس اللي بترقص وبيسقفولهم
بس جت عليهم بنت وقالت قاعدين ليه يلا قومو ارقصو معانا
سليم / لا احنا هنتفرج عليكم بس
البنت / شدتهم وقالت لا طبعا يلا ارقصوا وأستمتعوا ووقفتهم وكملت رقص
بس في الوقت ده اشتغلت اغنيه ندى شراره (جيت منين)
سلمى / ضحكت وبصت لسليم وقالت تصدق الاغنيه دي جت في وقتها
سليم / باستغرب اغنيه ايه دي
سلمي / أسمعها بتوصفني جدا وضحكت
مالي حاسة بإرتباك … وبحالة مش عادية
عقلي اتجنن معاك … مش عارفة ايه اللي فيه
قوم فض الإشتباك … او خبي عليك شويه
ده انا واقعة فيك بجد …
من كلمتين يا دوب … بلاقيني في حته تانية
ما بشوفش فيك عيوب … وبراقبك ثانية ثانية
إزعل هتقوم حروب … مش واحدة لا تمانية
هو انت اي حد ؟ … هو انت اي حد ؟ …
انا نفسي اطير … فرحانة جدا ودايبة وبغير
حاسة بسعادة وده إحساس خطير
مجنونة بيك نفسي افضل قصادك واقول لك بحبك كتير
وده مش كلام … ده انا جاية اغرق عينيك إهتمام
وده وعد عليا وقرار والتزام
لو كنت اطول كنت امسح حياتي ونبدأ من الليلة اوام
سليم وسلمي وكانوا بيحاولوا يرقصوا على الاغنيه مع الناس
سليم / ضحك وقال فعلا كانها بتوصف حالتك الاغنيه دي
وهنا سلمي بدات تغني مع الاغنيه وهي بتقول
هو انت جيت منين ؟ … حبيتك بالتلاتة
سهرانة بتاع يومين … عايزاك وبإستماتة
مبسوطة حبتين … لا حبتين تلاتة
لا ده الموضوع يخض
من غير اي إتفاق … عقلي بثانية انت اخدتو
تاه مني ولما فاق … مش ثابت زي عادتو
ملهوف كلو اشتياق … بيروحلك وبإرادتو
من الفرحة مش بيرد … من الفرحة مش بيرد
سليم كان فرحان جدا بطريقة تعبير سلمي
وهنا سلمي قربت منه اوي وهي بتقول
انا نفسي اطير , فرحانة جداً جداً … بغير
حاسة بسعادة , وده إحساس خطير
مجنونة بيك , نفسي افضل قصادك واقول لك بحبك كتير
سلمى / قربت من سليم وهمستله وقالت بحبك كتير
سليم / بصلها باستغراب وشدها لبعيد عن المزيكا
سلمى / وهي بتضحك مشيت ليه كده وشدتني
سليم / بابتسامه اصل سمعت كلمه كده وصت المزيكا منك وحبيت اتاكد منها بس في مكان هادئ
سلمى / اتكسفت وقالت احم كلمت ايه
سليم / بصلها ورفع حاجبه وقال يا سلام واتنهد وقرب منها بحب ومسك أيدها وسند جبينه على جبينها
(تخيلوا معايا يا جماعه اللحظه كده) 😉😂
وقال سلمى انتي قولتي ايه
سلمى / كانت حاسه بامان بقرب سليم كالعاده وبلمسه أيده ليها غمضت عيونها وقالت قولت بحبك بحبك اووي
سليم / فتح عيونه بفرحه وقالت يعني موافقه نتجوز
سلمى / ابتسمت وقالت هو ده اليوم اللي بتمناه من يوم ما شوفتك يا سليم من يومها وانت خطفت قلبي مش عارفه ازاي
سليم / اتنهد وقالوا وانتي كمان لما نمتي في القطر كان نفسي امشي واسيبك وكنت متغاظ منك اوي بس صعبتي عليا مقدرتش امشي واسيبك نايمه اصلك كنتي زي القمر
سلمى / ابتسمت وقالت وانا نايمه بس
سليم / ضحك وقال انتي قمر في كل حالاتك واتنهد وقال عارفه نفسي في ايه دلوقتي
سلمي / نفسك في ايه
سليم / نفسي احضنك اوووي بس هحاول اتحكم في نفسي لحد ما نكتب كتابنا عشان متخافيش مني تاني
سلمى / اتنهدت وقالت اخاف منك ازاي يا سليم وانا احساسي بقربك مني هو الامان
( خلوا بالكم بس وانتم بتقروا عشان تتخيلوا المنظر الجميل ده هما كل ده واقفين ماسكين أيد بعض وساندين جبينهم على بعض يعني حاجه اخر محن والله العظيم) 😂 نرجع ثاني👇
سليم / وانا اوعدك عمرك ما هتحسي بقربي منك غير بالامان وبس
سلمى / ربنا يخليك ليا يا سليم
سليم / ويخليكي ليا يا قلب وعقل وعمر سليم
هيييييييييح نسيب الكابل دا وهنرجعلهم بعد شويه 😂😂
______________________________
في الغردقه علي البحر
كان سليم وسلمي قاعدين مع بعض على البحر بيتكلموا
سلمى / سليم انا عايزه اعرف عنك كل حاجه انا معرفش عنك حاجه خالص
سليم / ابتسم وقال حاضر يا ستي هقولك..
انا اسمي سليم ايوب عندي 33 سنه انا اساسا من القاهره بس نقلت جامعه اسكندريه السنه دي وده طبعا من حسن حظي عشان اقابلك وغمزلها
سلمى ابتسمت وسليم كمل كلامه وقال انا كنت دكتور في جامعه القاهره قعدت سنتين بس حسيت ان مقدرتش اكمل هناك عشان كده طلبت اني اتنقل لجامعه اسكندريه واكون لوحدي
سلمى / باستغرب ليه هو انت ملكش حد
سليم / اتنهد بوجع وقال بابا متوفي من واحنا صغيرين ماما كانت هي اللي بتشتغل وتصرف علينا ومليش اخوات كان ليا اخ واحد مات وهو صغير وقع من على السلم وهو بيتزحلق على الترابزين وقع ومات كانت حادثته بعد وفاة بابا بسنه واحده بس ومن وقتها مكنش ليا حد غير امي وامي ملهاش غيري وبس …. لما هي كمان ماتت مكنش ليا غير جيراني بصراحه هما كانوا كويسين معايا اوي لحد ما حصل موقف منهم كده
سلمي / باستغرب موقف ايه
سليم / اتنهد وقال كنت بحب بنتهم وكنت خاطبها اسمها رودينا كنا بنحب بعض بس كانت ظروفي صعبه مقدرتش اني اجهز نفسي لاني كنت لسه بحضر للدكتوراه كان نفسي يكون ليا اسمي الاول وكياني لكن هما كانوا مستعجلين عليها وخصوصا ان اللي كان جايلها فرصه كويسه جم قالوا لي يا تحضر نفسك وتتجوزها يا تسيبها تشوف نصيبها
طبعا كانت صدمه بالنسبالي لاني كنت بعتبرهم اهلي بعد موت ماما الله يرحمها وكمان حسيت منها انها متردده مش متمسكه بيا زي الاول فمحبتش اننا اضغط عليها وانا اللي سبتها ومن وقتها وانا طلبت اني اتنقل لجامعه اسكندريه وانقل فيها بحيث اني اكون لوحدي وابعد عنهم
سلمى / بتردد ي.يعني انت حبيت قبلي
سليم / ضحك وقال انا حكيتلك كل حاجه عشان مش عايزه اخبي عنك اي حاجه مهما كانت انا مكذبتش ايوه انا حبيتها بس صدقيني لو كان لسه ليها في قلبي ذرة حبب مكنتش حبيتك ولا اعترفتلك بالكلمه دي …. وقرب منها ومسك أيدها وقال سلمى انا عايزك تفهمي حاجه عايزك تفهمي اني راجل والراجل مش بالساهل انه يعترف بكلمه بحبك لاي واحده الا لما بتكون دخلت قلبه اوي بيبقى حاسس انه نفسه يدخلها ما بين ضلوعه ويقفل عليها انتي بقى بالنسبالي مش حبيبتي وبس انتي حبيبتي وروحي وقلبي وعمري وعقلي …. انا حبيتك من اول لحظه شوفتك فيها اتمنيتك تكوني معايا بجد بس لسانك كنت عايزه قطعه وضحك وكمل كلامه قال صدقيني يا سلمى مش عايز اعترافي ليكي اني كنت بحب واحده قبل كده دا ياثر على علاقتنا ببعض انا وانتي الحب بينا لازم يكون اقوى من اي حاجه ومدام اعترفنا بحبنا لبعض لازم نكون قد الاعتراف ده
سلمى / ابتسمت وهزت راسها بمعنى ماشي
سليم / قرب ايدها لبوقه وباسها برقه
سلمى / ط.طب وانت مش عايز تعرف عني حاجه
سليم / ضحك وقال لا انا عارف عنك كل حاجه من زمان نونه حكتلي كل حاجه عنك تحبي انا اسمعلك
سلمى / ضحكت وقالت دي نونا دي طلعت فتانه اوي
سليم / ضحك وقال كانت حاسه بيا وعارفه اني بحبك بس كنت خايف اقولك او بمعنى اصح كنت خايف ادخل تجربه جديده لا أتجرح منها تاني…..سلمى اوعديني عمرك ما تسيبيني مهما الظروف قسيت علينا في يوم
سلمى / اوعدك يا سليم عمري ما هسيبك ابدا وانا وانت أيدينا هتفضل في ايد بعض لو كبرنا هنكبر مع بعض لو نزلنا الارض هننزل مع بعض كل خطوه هنمشيها مع بعض هتبقى بدايه لحبنا و احنا بنشوف حبنا بيكبر قدامنا
سليم / قرب منها وقال بغمزه ما تجيبي حضن علي الكلمتين الحلوين دول
سلمى / ضربته في كتفه قالت انت قليل الادب
سليم / ضحك وقال خلاص باهزر معاكي
وقرب منها وقال اخر حاجه كنت اتخيلها اني ارجع احب واعيش حياتي من تاني
سلمي / ابتسمت وقالت ياسلااام
سليم / بلاش والنبي الابتسامه دي لما بتظهر غمازاتك بتجنن اكتر
سلمي / هههههههه لا لا انت حالتك بقت صعبه اوي اعقل كدا يا دكتور
سليم / بغمزه الدكتور انحرف علي ايدك وشكله هيتحنن حالا
سلمي / وقفت وقالت تصبح علي خير وسابته وجريت
سليم / استني يابت استني بهزر والله ياسلمي ههههههه واتنهد وقال آااااااه يا سلمي يافرحه جاتلي في وسط حزن كبيييير وابتسم وراح لاوضته ،،،،،،،،،
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أم البنات)
