رواية أم البنات الفصل الثامن 8 بقلم ريهام علي
رواية أم البنات الجزء الثامن
رواية أم البنات البارت الثامن
رواية أم البنات الحلقة الثامنة
في العربيه
كان على وعاليه قاعدين مع بعض
عاليه / نعم عايز ايه يا علي
علي / اتنهد وقال اخرتها معاكي ايه يا عاليه
عاليه / انت اللي اخترتك ايه انا زهقت من لزقتك معايا دي انا مش فاهمه اصلا ازاي ماما طلبت منك توصلني كل يوم وازاي مامنالك بعد اللي حصل منك ده
على / لف بجنب لعاليه وقال امك مأمناني عليكي لانها عارفه ان عمك مش هيسيبك في حالك وبيراقبنا
عاليه / بصتله باستغراب وقالت ايه بيراقبني ليه
علي / معرفش ممكن تسالي مامتك وهي اللي طلبت مني اوصلك كل يوم الجامعه وارجعك عشان يصدق اننا مكتوب كتابنا بجد
عاليه / اوف وهنفضل في اللعبه دي لحد امتى ان شاء الله
علي / لحد ما تستلمو حقكم منه
عاليه / اتنهدت وقالت ماشي ربنا يهونها بقى عشان انا اتخنقت بصراحه
على / بصلها بزعل وقال اتخنقتي مني يا عاليه
عاليه / باستهزاء لا ازاي وانت تخنق برضه يا ابن الاكابر
علي / بصلها وأتنهد وابتسم وقال طب ممكن تفكري فيها شويه بعقل هتعرفي ان ربنا بيجمعنا مع بعض بعد كل موقف نقول فيه مستحيل نتقابل ونتكلم تاني فكري يا عاليه انا اه غلطت في حقك بس والله مكنش قصدي كده ولا كنت ناوي المسك ولا اذيكي وسكت شويه وأتنهد وقالت عاليه انتي شغلتيني من اول لحظه شوفتك فيها بكلامك وحركاتك وابتسم وقال وبضربة ايدك على خدي
عاليه / افتكرت لما ضربته بالقلم على وشه وابتسمت وبصت في الارض
على / ضحك وقال كانت أيدك ثقيله اوي بصراحه
عاليه / رفعت حاجبها وقالت تستاهل انت اللي غلطت الاول
علي / ضحك ورفع ايده الاتنين باستسلام وقال خلاص حرمنا يا باشا بس السماح
عاليه / ضحكت وشاورت بايدها وقالت هفكر
على / قرب منها ومسك ايدها بحب وقال بجد يا عاليه هتفكري
عاليه / اتوترت من لمسة أيده وقالت انت فهمتني غلط انا اه هفكر اسامحك وانسى اللي حصل انما اننا نرتبط ببعض دي حاجه محسوبه بالنسبالي انا مش هامن على نفسي معاك
علي / عدل نفسه وبص قدامه ومسك دركسون العربيه وقال وانا مش هفرض نفسي عليك اكتر من كده يا عاليه ولا هزل قلبي ليكي وسكت شويه وقال بس هفضل معلكم لحد ما تاخدوا حقكم
عاليه / بصيتله وقالت يعني ايه
على / لبس نظارته الشمس وقال يعني هسافر معاكم لعمكم عشان مامتك ولما ترجعوا بحقكم ان شاء الله اوعدك اني عمري ما هعترض طريقك ثاني وشغل العربيه
عاليه / انت رايح فين
علي / من غير ما يبصلها قال هوصلك على البيت ومشي بعربيته
__________________________
في السكن الخاص بسلمى واصحابها
صحيت سلمى من نومها لقيت البنات لسه مرجعوش من بره
جابت التليفون وكلمت ساره
ساره / ايوه يا سلمى
سلمى / انتو فين كل ده يا ساره أتاخرتو ليه
ساره / الحاجات هنا تحفه يا سلمى ياريتك جيتي معانا
سلمي / لسه هتتاخرو عندكم
ساره / يعني ساعه كده
سلمى / اوكي انا هجهز نفسي واروح لنونا
ساره / اوكي يا حبيبتي مع السلامه
سلمى / مع السلامه
وقفلت سلمي معاها وقامت جهزت نفسها عشان تروح لنونا ونزلت عند العماره
بصت لبلكونه سليم وأتنهدت وطلعت فوق فتحت الباب بس كان نور البيت كله مطفي
سلمى قلقت ونادت على نونه وقالت نونه .. نونه انتي فين انا مش شايفه حاجه خالص انتي هنا
وفي لحظه كان النور اتفتح واتفاجئت سلمى ………..
___________________________
عند بيت امين شكري
كان وصل على بالعربيه وقف وفضل قاعد مكانه
عاليه/ بصتله باستغراب وقالت احمم مش هتنزل زي كل مره
على / من غير ما يبصلها قال لا
عاليه / زعلت قي نفسها و نزلت من العربيه ووقفت شويه
علي / شغل عربيته ومشي من غير ما يبصلها
وعاليه فضلت تبص عليه
علي كان شايفها في مرايه العربيه أتنهد وقال برضه هفضل احبك مهما حصل وكمل سواقته
اما عاليه فضلت تبص عليه لحد ما اختفى وطلعت على بيتهم وهي زعلانه
فاطمه / مالك يا عاليه زعلانه ليه وفين على
عاليه / اتنهدت وقالت مرضاش يطلع
فاطمه / باستغراب ليه
عاليه/ حكتلها اللي حصل بينهم من كلام
فاطمه / بلؤم اممم وانتي زعلانه ليه انتي مش مقتنعه بكلامك
عاليه / بكذب ا.آه طبعا مقتنعه
فاطمه / ابتسمت وقالت خلاص
عاليه / احم انا بس إضايقت انه قال هيسافر معانا وانا ناقصه خنقه منه يعمل فيها جوزي ده كمان
فاطمه / ضحكت وقالت طب ادخلي غيري هدومك دلوقتي عشان اختك على وصول تتغدوا مع بعض
عاليه / لا يا ماما ماليش نفس انا هدخل انام
فاطمه / طبطبت عليها وقالت براحتك يا بنتي
ودخلت عاليه لاوضتها وهى بتفكر في علي من اول يوم شافته في الجامعه لحد ما اتكلمو وهو قرر البعد
عاليه / أتنهدت وقالت طلعتلي منين بس يا علي انا طول عمري بخاف على قلبي من الحب ووجعه شوفتك نسيت كل حاجه ونسيت نفسي معاك وغمضت عيونها ونامت
________________________________
بعد شويه وصل مالك ومليكه للبيت وعرفت فاطمه بطلبه لأيد مليكه
فاطمه / ابتسمت وقالت ده يوم المنى يا ابني انت اكتر حد يستاهلها لاني شوفت في عيونك نظرة خوف كتيره اوي وكفايه وقفتك معاها في العمليه واتصالك بيها تفكرها بالادويه
مالك / بص لمليكه بحب وابتسم وقال بتشكريني على ايه بس انتو متعرفوش مليكه بالنسبالي ايه وبص لفاطمه وقال اوعدك عمري مهخذلك ابدا ولا عمرها هتندم في يوم عليا
مليكه / ابتسمتله وحطت وشها في الارض
فاطمه / ربنا يسعدكم يارب
مالك / طب تحبي نيجي امتى عشان نتفق على كل حاجه ونشوف طلباتك وطلبات مليكه
فاطمه / طلبات ايه دي يا مالك اللي هنتكلم فيها بقى انا هاديك حته من قلبي وهتناقش معاك في حاجات ملهاش لازمه يا ابني ….. وسكت شويه واتنهدت وقالت انا مهر بنت السعاده ومؤخرها راحت البال اما بقى بالنسبه لشبكتها فهي هتكون حضنك اللي تاخدها فيه وقت ماتحس بديقتها وقت ما تكون محتاجه منك الامان حضنك اللي متحرمهاش منه مهما كانت الظروف والايام والوقت يا ابني وبصتله وقالت هتقدر يا مالك على طلباتي
مليكه / كانت عيونها دمعت وهي بتسمع كلام امها
مالك / ابتسم وقام باس أيد فاطمه وباس راسها وقال وانا اوعدك اني عمري ما في يوم هزعلها منى او اخليها تشتكيلك يا ماما … وسكت شويه وقال لو سمحتيلي بعد كده هقولك يا ماما زي مليكه والبنات وياريت تعتبريني ابنك مش جوز بنتك
فاطمه / طبطبت عليه وقالت ربنا يرضى عنك يا ابني
واتفقت فاطمه انهم ياجلو اي حاجه لحد ما سلمى ترجع ويسافروا الصعيد ويرجعوا
____________________________
في بيت نونا
وصلت سلمى وكانوا النور كله مطفي بس في لحظه اتفتح النور وأتفاجئت سلمى بالبلالين والتورته والبنات واصحابها ساره وميرنا ومروه وسليم ونونا ورافت وبداو كلهم يغنو لسلمى لعيد ميلادها اللي كانت مش فاكره عنه حاجه اصلا وكانت احلى مفاجاه بالنسبالها من اصحابها وانهم فاجئوها وفرحتها كانت اكبر بسبب وجود سليم ونونه ورافت…وسليم طبعا بالاخص😉
بعد ماخلصو الاغنيه لعيد ميلادها شدتها ساره عشان تطفي الشمع وطفت سلمي الشمع والكل بدا بالتهاني
ساره / حضنتها وقالت كل سنه وانتي صاحبتي واختي يا ميمي
سلمى / حضنتها وقالت وانت طيبه يا ساره
مروه / كل سنه وانت طيبه يا سلمى وعقبال مليون سنه وحضنتها
سلمى / وانت طيبه يا ميرو
ميرنا / حضنتها وقالت كل سنه واحنا اصحاب دايما يا سلمى ونحتفل دايما بعيد ميلادك ربنا يسعدك
سلمى / وانتي طيبه يا ميري ربنا يسعدك يارب مع يوسف
رافت / راح عندها ومد أيده بالهديه وقال كل سنه وحضرتك طيبه ياسلمى وعقبال مليون سنه
سلمى / ابتسمت وحضنته قالت حبيبي يا روفي وانت طيب يارب واشوفك اعظم دكتور
رافت / يسمع منك ربنا عشان اتجوز بقى
الكل / هههههه وضحكو عليه
نونا / كانت قاعده على الكرسي قالت ممكن تسيبوهالي بقى احضنها شويه وبصت لسلمى وقالت تعالى يا سلمى
سلمى راحت عندها ونزلت على ركبتها
نونا / مسكت وشها بايديها الاتنين وقالت كل سنه وانتي فاكراني وبتدعيلي كل سنه والضحكه دايما مش مفارقه وشك كل سنه وانتي اعظم مهندسه في الدنيا وكل سنه وانتي طيبه يا نور عيني يا حبيبتي وبنتي واختي وكل حاجه ليا عوضتني عن قسوه شوفتها من اقرب حد ليا وكلامك ليا اللي كان زي بلسم لجروحي وسهرك معايا في وقت ضيقتك وأتنهدت وقالت لو فضلت اتكلم من هنا لحد السنه الجايه مش هعرف اوصفلك يا سلمى انتي ايه بالنسبالي وحضنتها وقالت كل سنه وانت سعيده يا بنتي والسنه الجايه تكوني اسعد يارب
سلمي / حضنتها اكتر وقالت ربنا يخليكي ليا يا نونا ولا يحرمني منك ابدا
سليم كان واقف مربع ايده على صدره وسعيد بحب نونه لسلمى لانه عارف من نونا قد ايه سلمي ملت عليها دنيتها و كان مبتسم
بعد وقت خرجت سلمي من حضن نونه ووقفت وقالت انا مش عارفه اوصفلكم قد ايه انا فرحانه وسعيده بمفاجئتكم ليا دي وبصت لسليم وقالت وخصوصا حضور حضرتك يا دكتور سليم
رافت / توصفيلنا بقى فرحتك دي بانك تقطعي التورته الحلوه دي عشان الحق اكل منها حته قبل ما امشى
الكل / ههههههه
سلمى / بس كده من عيوني وبدات تقطع التورته
بس سليم سابهم وخرج في البلكونه
ساره / غمزة سلمى وقالت خديله طبق واديهوله
سلمى / انا مكسوفه
ساره / مكسوفه من ايه بس وأبتسمت وقالت انتي عارفه هو اللي اقتراح نعملك عيد ميلادك هنا
سلمى / بفرحه بجد لا بتهزري وهو عرف منين عيد ميلادي
ساره / ابتسمت وقالت هقولك
فلاااااااااااش بااااااااااك
كانت ساره في الجامعه وقابلت سليم
ساره / احم ازيك يا دكتور
سليم / ساره كويس انك لوحدك ممكن تيجيلي على المكتب حالا
ساره / في حاجه يا دكتور
سليم / لما تيجي هعرفك
ساره / اوكي هجيلك بعد المحاضره
وبعد المحاضره راحت ساره لسليم مكتبه
سليم / اتفضلي يا ساره أدخلي
ساره / دخلت وقالت نعم يا دكتور تحت امرك
سليم / احم اكيد سلمى حكيتلك على اللي حصل
ساره / حاولت تدارس ابتسامتها وقالت ايوه
سليم / انا والله مقصدش حاجه غلط
ساره / طب ليه حضرتك متكلمتش معاها هيه وقولتلها
سليم / هتصدقيني لو قولتلك خايف عيني تيجي في عيونها
ساره / طب فيه فرصه كويسه ممكن تتقابلوا فيها
سليم / فرصة ايه
ساره / عيد ميلادها احنا هنعمله ليها ايه رايك
سليم / ابتسم وقال طب انا عندي فكره حلوه اننا تعملها عيد ميلادها في بيت نونا عشان تبقى معاها ايه رايك
ساره / موافقه طبعا هبلغ البنات ونجهز كل حاجه
سليم / متجهزوش حاجه انا هجيب كل حاجه لازمه انا وانتم بس عليكم تحضروا
ساره / اوكي يا دكتور ووقفت وقالت عن اذنك
سليم / مع السلامه
بااااااااااااااااااااك
ساره / بس يا ستي هو ده اللي حصل
سلمى / بصت على سليم وبصت لساره وقالت هخرجله انا واخدت طبق لسليم وخرجتله في البلكونه وقالت أتفضل
سليم / أبتسم وقالت كل سنه وانت طيبه
سلمى / ميرسي يا دكتور وانت طيب متشكره اوي
سليم / ابتسم وقال جاهزه للسفر
سلمى / اه طبعا ربنا معانا
سليم / كان بيبصلها وساكت
سلمى / اتكسفت منه وقالت ه.هو انت بتبصلي كده ليه
سليم / اتنهد وقال هتعرفي بعدين
سلمى / هزت كتفها وقالت اوكي
__________________________
في بيت امين شكري
كانت فاطمه ومليكه وعليه قاعدين مع بعض
فاطمه / طب حد منكم كلمها يابنات
عاليه / انا قولت خليها على اخر الليل كده عشان نبقى مع بعض
فاطمه / صحيح يا عاليه الدكتور مالك طلب مني يد اختك وانا وافقت
عاليه / بفرحه بجد يا ملوكه
مليكه / ابتسمت وهزت راسها
عاليه / قامت حضنتها وقالت مبروك يا قلبي ربنا يسعدك
مليكه / عقبالك يا لولو
عاليه / بصت لفاطمه وسكتت
فاطمه / ايه بقى مش هتكلمو اختكم نفرحها معانا بخبر خطوبه مليكه ونقولها كل سنه وهي طيبه
عاليه / حاضر يا ماما هدخل اجيب التليفون ودخلت عاليه عشان تجيب التليفون
مليكه / ماما هي عاليه مالها
فاطمه / اتنهدت وقالت ربنا يريح قلبها يا بنتي ادعيلها
___________________________
في بيت نونا
كان رافت مشي خلاص والبنات بيجهزوا عشان يمشو هما كمان
ساره / احنا هنمشي بقى يا سلمى عشان منتاخرش عن كده ومتتاخريش بكره وسلمت عليها وسلموا عليها باقي البنات ومشيوا
سلمى بصت على نونه لقيتها قاعده مع سليم وبيتكلموا
في الوقت ده تليفونها رن واخدت التليفون وطلعت بره البلكونه وكانت عاليه
سلمى فتحت الخط ولسه هتتكلم سمعت صوتك وامها ومليكه وعاليه بيغنولها بمناسبه عيد ميلادها
سلمى عيونها دمعت وهي بتضحك
فاطمه / كل سنه وانت سعيده يا حبيبتي
سلمي / ربنا يخليكي لينا يا ماما وانتي طيبه
مليكه / كل سنه وانت طيبه يا ميمي يلا بقى انزلي اجازه
سلمى / وانت طيبه يا ملوكه بس خير عيزاني انزل ليه
مليكه لسه هتتكلم قطعتها عاليه وقالت اخيرا يا بنتي الدكتور النحنوح اعترف وجه طلب ايدها خلاص
سلمي / بفرحه بجد يا ملوكه الف مبروك يا حبيبتي
مليكه / عقبالك يا روحي
سلمي / ابتسمت وسكتت
عاليه / كل سنه وانت طيبه يا ميمي وحشتيني اوي
سلمى / وانت طيبه يا لولو
فاطمه / طمنيني عليكي يا بنتي وعلى اخبارك
سلمي / الحمد لله يا حبيبتي …. د.ده حتى البنات عملولي عيد ميلاد هنا صحيت من النوم لقيتهم مجهزينلي كل حاجه
فاطمه / ربنا يديم صحبتك الحلوه دي يا سلمى يا بنتي انتي طيبه اوي عشان كده ربنا رزقك باصحاب كويسين
سلمي / اوي اوي يا ماما والله
فاطمه / طب يا حبيبتي مش هنطول عليكي بس اعملي حسابك على السفر
سلمى / اه صحيح يا ماما فكرتيني انا عندي مشروع التخرج تبع الجامعه في الغردقه ومسافره الاسبوع الجاي ده
فاطمه / مفيش مشكله يا حبيبتي نأجل سفرنا الاسبوع اللي بعده المهم تكوني فاضيه واهم حاجه مصلحتك
سلمى / ربنا يخليكي ليا يا حبيبتي
فاطمه / ربنا ينولك مرادك يا بنتي مع السلامه يا حبيبتي
سلمي / مع السلامه يا ماما وقفلت سلمي معاهم وسرحت مع الهوا والشجر والبحر ودموعها نزلت
بس حست بايد بتخبط على كتفها لفت لقيت سليم
سليم / كان مبتسم بس اول ما شاف دموعها قطع ابتسامته وقال بتعيطي ليه
سلمى / مسحت دموعها وقالت ابدا مفيش دي ماما واخواتي كانوا بيكلموني يطمنوا عليا بس وحشوني اوي
سليم / معلش هانت عشان تنزلي ليهم اجازه المهم كنت عايزه اقولك حاجه مهمه بقى
سلمى / باستغراب خير
سليم / خرج من جيبه علب قطيفه وطلع منها سلسله مكتوب عليها سلمى وقال كل سنه وانت طيبه
سلمى / الله دي ليا انا
سليم / لأ خديها أتصوري بيها ورجعيها تاني وابتسم وقال طبعا ليكي امال ليا انا
سلمي / ضحكت وقالت بس ده كتير عليا اوي
سليم / هو فعلا كتير بس يلا نكسب فيكي ثواب
سلمى / ضحكت وقالت انت مبتعرفش تتكلم جد ابدا
سليم / ابتسم وقال عيزاني اتكلم جد
سلمى / ابتسمت ومردتش عليه
سليم / اتنهد وقالي هتكلم جد المرادي وسكت شويه وقال انتي عارفه هو كان موجود قدامي اسم سلمى بالانجليزي وكان اجمل بصراحه بس انت عارفه ليه صممت على اسمك بالعربي في اختياري لهديتك
سلمى / ابتسمت وقالت ليه
سليم / عشان اسم سلمى فيه نفس حروف اسمي بس هي الحروف معكوسه وعشان كل ما تبصيلها تفتكريني دايما
سلمي / بصتله بحب وقالت يعني ايه كلامك ده يا دكتور سليم
سليم / اتنهد وقال انا ممكن اقولك معنى كلامي ايه بس بشرط
سلمي / ابتسمت وقالت شرط ايه
سليم / تقوليلي يعني ايه كلامك ده يا سليم مش يا دكتور سليم
سلمى / اتكسفت ورجعت شعرها لورا ودنها وقالت بتردد احم ي.يعني ايه ك.كلامك ده يا .. يا
سليم / كان بيسمعها بتركيز وقال يا ايه..
سلمي / ضحكت وقالت يا سليم
سليم / اتنهد بابتسامه وقرب منها ومسك ايدها بحنيه وقال سلمى انا بحبك
سلمى / بصت لايده اللي ماسكه ايديها وبصتله وقالت قولت ايه
سليم / ضحك وقال بقولك بحبك يا سلمى بحبك اوي
سلمى / من توترها جريت على نونه اللي كانت قاعده وسمعت كل كلامهم وبتضحك وحضنتها اوي وخرجت من حضنها بصت لسليم ودخلت اوضتها
سليم / دخل نونه وهو بيضحك وقال ينفع تجري كده من غير ما تسمعني ردها
نونا / ضحكت وقالت سيبها دلوقتي انا عرفاها مش قادره تتلم على اعصابها من الكلام اللي سمعته
سليم / راح للنونه وباس راسها وقال ربنا يخليكي ليا انا هنزل انام مش محتاجه حاجه
نونا / تسلم يا ابني تصبح على خير
سليم / وانتي من اهله وبص على اوضة سلمى وابتسم وخرج
_____________________________
في فيلا على العايدي
كان قاعد في اوضته سرحان وماسك صوره عاليه وبيسمع اغنية
رنا خبطت على باب اوضته ودخلت عليه وقعدت جنبه
رنا / مالك يا علي بقالك فتره مش مظبوط خالص وبصت لصوره عاليه اللي كانت في أيده وابتسمت وقالت دي بقى اللي مشقلبه حالك بالشكل ده
علي / اتنهد وقال تعبان اوي يا رنا من غيرها
رنا / انت بتحبها يا علي
علي / انا عديت مرحله الحب دي من زمان اوي انا عاشق يا رنا
رنا / ابتسمت وقالت ما هيه البت مزه بصراحه وتتحب بس مش غريبه ان دي اللي قدرت تخطف قلب علي
على / بصلها وابتسم وقال انتي عارفه انك اقرب حد ليا هنا وقعدتك دي جاتلي في وقتها
رنا / طبعا يا علي احنا لينا غير بعض بس احكيلي بقى حكايتك معاها ايه بالظبط
على / حكالها كل عن كل حاجه من اول يوم شافها فيه لحد ما سببها قدام بيتهم ومشي
رنا / ضحكت وسكتت
علي / بتضحكي على ايه
رنا / عليك طبعا
علي / مش فاهم
رنا / معقول مش فاهم لحد دلوقتي انت بمجرد ما حكيتلي تعاملها معاك فهمتها
علي / فهمتي ايه بقى
رنا / فهمت انها بتعشقك هي كمان بس بتكابر وشخصية اللي زي عاليه دي بتبقي تبان جريئه اووي بس من جواها طفله متمرده بتخاف تبين ضعفها لحد مهما كان بس اسمع كلامي انا وصدقني عاليه بتعشقك هيه كمان
على / بفرحه بجد يا رونا بس ازاي وهي بتعاملني كده واعمل ايه بس معاها
رنا / ضحكت هههههههه وقالت هقولك تعمل ايه عشان تتاكد
على / ابتسم وقال قولي
رنا / اسمع …………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أم البنات)
