رواية أم البنات الفصل الخامس 5 بقلم ريهام علي
رواية أم البنات الجزء الخامس
رواية أم البنات البارت الخامس
رواية أم البنات الحلقة الخامسة
في الجامعه
كانت عاليه واقفه مع علي
على / انتي بتقولي ايه يا عاليه قلبك دق ليا وابتسم
عاليه / متفرحش اوى كده زي ما دق ليك هخليه يدق عليك وعلى دماغك ان شاء الله عشان تعرف ان الله حق
علي / ابتسم وحط ايده في جيوبه وقال مش مشكله يدق على دماغي براحته ضرب الحبيب زي اكل الزبيب
عاليه / بعصبيه حبيب مين انت هتصدق نفسك ياله
**وفي الوقت جت شذى صاحبتها بتجري عليها وقالت عاليه .. عاليه الحقي بسرعه
عاليه / بقلق ايه في ايه يا شذى
شذى / وهي بتنهج الحقي مليكه اختك وقعت من طولها وطلبولها الاسعاف
عاليه / اتخضت وقالت اختي ورمت كتبها على الارض وجريت مع شذى لمليكه
علي / عاليه .. عاليه استنى ولم كتبها وحطها في العربيه بسرعه وراح وراها
وصلت عاليه لقيت مياده وجيلان حواليها بيعيطوا ونزلت شافت مليكه لقيتها قاطعه النفس خالص
مياده / بصوت عالي بسرعه حد يستعجل الاسعاف بسرعه مليكه بتموت
عاليه / في ايه يا مياده حد زعلها يا جيلان
جيلان / بصت لراندا وقالت دي
عاليه / بصت لراندا وقالت انتي مين
راندا / انا اللي اختك عايزه تسرق خطيبي مني ومدت أيدها بصورتهم
عاليه / بصت في الصوره وبصت لراندا بغيظ وقالت يعني انتي سبب زعل اختي ورمت الصوره على الارض ومسكت راندا من شعرها ونيمتها على الارض وقعدت فوق وفضلت تضرب فيها وتشد في شعرها
على / كان بيبص عليها وبيضحك ومعجب جدا بشخصيتها
راندا / وهي بتنضرب … ابعدي عني ابعدي عني يا حيوانه
علياء / مين دي اللي حيوانه يا كلب البحر انتي وحياه ربنا ما هسيبك النهارده لهقطعلك شعرك اللي انت فرحانه بيه ده
راندا / بدموع ياااي عليكم واحده شرشوحه والتانيه خطافة رجاله
عاليه / شدت شعرها بقوه وقالت مين دي اللي خطافة رجاله ياحوله دا كان خطيبها يامسهوكه يامسهتنه انتي ولو عليا انا شرشوحه فانا هوريكي الشرشحه علي اصلها وفضلت تضربها
شذي / شدت عاليه من فوق راندا وقالت مش وقته يا عاليه دلوقتي نلحق مليكه الاول
عاليه / قامت من على راندا وهي بتنهج لقيت عليه بيبصلها ومبتسم .. قالت انت بتضحك على ايه انت كمان انت بتفرج على مسرحيه
علي / انتبه لنفسي وقال احمم لا ابدا هجيب العربيه ونوصلها المستشفى بسرعه
عاليه / شكرا مش عايزين منك حاجه اتكل من هنا
على / راح بسرعه وركب عربيته لقي كتب عاليه حطهم في التابلوه وراوحلهم بسرعه
علي / وسعوا انا هشيلها ويالا اركبوا
عاليه / بصتله بسخريه وقالت شهم اوي يالا ياعنتر زمانك شيل
علي / ضحك علي كلمتها وشال مليكه ركبها في العربيه وركبت عاليه ومياده وجيلان راحوا على المستشفى بسرعه
ووصلوا هناك وكان الدكتور مالك موجود وشاف عاليه جري عليها في ايه عاليه ولما شاف قال مليكه …مليكه حصلها ايه
عاليه / بدموع اغمي عليها قي الجامعه ومش بتفوق ابدا
مالك دخلها العنايه بسرعه وكشف عليها بعد ما كشف عليها خبط ايده في الحيط لان دا الوقت اللي كان خايف منه ومش عارف هيتصرف فيه ازاي 5
تستمر القصة أدناه
________________________
في الجامعه عند سلمى
بعد ما سليم خلص المحاضره وخرج سلمى كانت بتبص عليه
ساره / ايه يا بنتي سرحانه في ايه
سلمى / ها و.ولا حاجه ابدا
ساره / بصتلها باستغراب وقالت بت ياميمي بقالك فتره بتسرحي كده كثير يكونشي بتحبي
سلمى / بحب ؟؟؟
ساره / ايوه بتحبي فيها ايه يعني
سلمى / اتنهدت وقالت انتي عارفه يوم ما كنتم عند نونا حصل ايه بعد ما مشيتوا
ساره / بلهفه حصل ايه … حصل ايه
سلمي / ضحكت وحكتلها على اللي حصل
ساره / اممم قولتيلي بقى هو مركز معاكي اوي كده
سلمى / رجعت شعرها لورا ودانها بكسوف وقالت قصدك ايه
ساره / بغمزه يا بت يعني مش فاهمه
سلمى / ابتسمت وسكتت
ساره / انتي لسه هتسكتي وتفكري يلا روحيله واعتذريله عن كلامنا مع بعض في المحاضره
سلمى / لا طبعا اتكسف اروح لمكتبه يا ساره
ساره / هاجي معاكي بس هستناكي بره وشدت سلمي وراحوا علي مكتب سليم
____________________________
في المشغل عند فاطمه
كانت قاعده وحست بقلبها مقبوض
فاطمه / مسكت قلبها واتنهدت وقالت خير يارب
أم عامر / خير يافاطمه مالك
فاطمه / مش عارفه ليه قلبي مقبوض
ام عامر / اللهم اجعله خير يارب روقي ياحببتي واستعيذي بالله من الشيطان الرجيم كدا
فاطمه / اعوذ بالله من الشيطان الرجيم واتنهدت وقالت ربنا يطمني عليكم يا بناتي يارب وكملت شغلها
______________________________
في مكتب سليم
راحت سلمي لسليم وخبطت سلمي على الباب
سليم / من جوه أتفضل
سلمى / فتحت الباب بتوتر وقالت م.ممكن ادخل
سليم / ابتسم وقال طبعا ياسلمي اتفضلي
سلمى / راحت عنده ووقفت وقالت ا.أنا اسفه على كلامي في المحاضره
سليم / ابتسم ورجع بضهره لورا وقال بس انا مكنش قصدي عليكي انتي وساره على فكره
سلمى / اتكسفت واتوترت وقالت ط.طب عن اذنك ولسه هتمشي…..
سليم / راح عندها بسرعه ووقف قدامها وقال رايحه فين
سلمى / ه.همشي ا.انا كنت جايه اعتذرلك عن كلامي وافتكرت الكلام موجه ليا انا وساره وخوفت لتدايق مني
سليم / ابتسم وحط ايده في جيوبه وقال اممم يعني خوفتي على زعلي على كده انا مهم بالنسبالك بقى
سلمى / ابتسمت وخرجت تجري
سليم / راح على مكتبه وهو بيضحك وقعد يفكر فيها
اما سلمى خرجت تجري من اوضته ولحقتها ساره وهي بتضحك وبتقول استني يا بت يخرببيتك نفسي اتقطع
سلمى / وقفت وحطت أيدها على قلبها وقالت حاسه ان قلبي كان هيقف لما قالي انا مهم بالنسبالك اااااه مززز ابن الايييه
ساره / الله الله بقي سلمى بقت تقول مز من امتى ده
سلمى / ابتسمت وقالت مش عارفه ايه اللي بيحصلي يا سرسور بجد
ساره / بتحبي ياعيون سرسور
سلمى / ابتسمت وقالت بحب ايه بس
ساره / مسكت دراعها وقالت طب يلا عشان نحضر المحاضره التانيه ولما نروح هقولك وراحوا على المحاضره مع بعض
__________________________
في المستشفى
كان على وعاليه ومياده وجيلان واقفين بره
خرج الدكتور مالك وعاليه جريت عليها وقالت طمني يا دكتور مليكه عامله ايه دلوقتي
مالك / اتنهد وقال للاسف لازم العمليه تتعمل في اسرع وقت والا ….. وسكت
عاليه قعدت على الارض منهاره في الدموع وجيلان ومياده معاها
مشي مالك على مكتبه وعلى راح وراه
علي / دكتور ممكن تفهمني حالتها ايه بالظبط وعمليه ايه دي
مالك / مين حضرتك
على / انا زميل عاليه في الجامعه ممكن تفهمني
مالك / مليكه عندها مشكله في القلب ولازملها عمليه في اقرب وقت بس للاسف الامكانيات مكانتش تسمح بالعمليه دي لانها مكلفه جدا فكانت بتاخد دوا بس كان غالي ومن الواضح انها ما أخدتوش بقالها اسبوع تقريبا او عشر ايام عشان كده مبقاش في بديل للعمليه بالعلاج ولو حتى لفتره مؤقته
على / وقف وقال العمليه دي تتكلف كام يا دكتور
مالك / كل اللي موجود منهم 70,000 وباقي 80 الف
علي / تمام يا دكتور جهز كل حاجه للعمليه وبعد ساعه بالظبط الفلوس هجيبهالك
مالك / ابتسم وقال بجد
علي / ابتسم وقال ايوه عن اذنك هاجيبلك الفلوس واجي وخرج على وراح على شركه ابوه
___________________________
في شركه العايدي للسياحه
دخل علي لابوه المكتب
عبد الله / وقف وقال على خير يا ابني في حاجه
على / لا يا بابا ما تقلقش بس في حاله خيريه كده لواحده هتعمل عمليه وحالتهم على قدهم و نص المبلغ جاهز والنص التاني لسه ممكن حضرتك تساهم بحاجه
عبد الله / راح على مكتبه قال كام يابني المبلغ
على / ابتسم وقال 80,000 يا بابا
عبد الله / كتب الشيك ومد ايده وقال تفضل يا ابني
على / بص في السيك وقال بس ده ب 100,000
عبد الله / عشان مصاريف المستشفى والعلاج واي حاجه تحتاجها
علي / راح حضنه وقال ربنا يزيدك يا بابا
وخرج بسرعه وراح على البنك سحب الفلوس وراح على المستشفى
وصل على المستشفى ودخل للدكتور مالك وحط الفلوس قدامه وقال أتفضل يا دكتور الفلوس
مالك / واقف وقال بسرعه كده
علي / مفيش وقت يا دكتور هتجهز للعمليه امتى
مالك / مسك التليفون وقال حالا هبلغهم واتصل بيهم يحضروا اوضة العمليات
خرج علي عشان يروح يشوف عاليه لقاها نايمه على كتف واحده وبتقول
عاليه / يارب تقوم بالسلامه يا ماما يا رب وما يحرمناش من بعض ابدا
فاطمه / متخافيش يا حبيبتى ربنا معانا وعمره ماهيتخلي عننا ابدا ادعيلها انت وطبطبت عليها وابتسمت
على / كان واقف وفهم ان دي امها وكان معجب بيها وبايمانها وبص عليهم بصه اخيره وخرج بره المستشفى
مالك / راح لفاطمه وعاليه وقال هنعملها العمليه حالا
فاطمه / بقلق طب والفلوس يا دكتور
مالك / ابتسم وقالت كلها اندفعت مفيش وقت عن اذنكم
فاطمه / حضنت عاليه بفرحه وقعدوا يدعولها تخرج بالسلامه
………………………………
وبعد مرور وقت طويل من العمليه خرج الدكتور مالك هو مش مصدق نفسه من الفرحه وراح لفاطمه وعاليه وقال الحمد لله العمليه نجحت
عاليه وفاطمه من فرحتهم عيونهم دمعت
فاطمه / الحمد لله احمدك واشكر فضلك يارب
عاليه / وهي بتمسح دموعها طب هتخرج امتى من العمليه
مالك / حالا هتخرج للعنايه لحد ما تفوق
فاطمه / ربنا يخليك يا ابني تعبناك
مالك / على ايه بس انا معملتش غير واجبي وسابهم ومشي
وبعد شويه خرجت مليكه ودخلوها للعنايه
_____________________________
بعد مرور اسبوع
مليكه فاقت ودخلوها غرفه عاديه
مالك كان دايما جنبها ومبيسبهاش ابدا
عاليه وفاطمه كانوا دايما مع مليكه
علي كان واحشه عاليه جدا لانها مكانتش بتنزل الجامعه
سلمي نزلت لما عرفت بعملية مليكه عشان تبقي جنبهم
اما سليم لاحظ غياب ساره عن الجامعه وكمان كان بيقعد يستناها في البلكونه في الميعاد اللي بتروح فيه لنونه بس مكانتش بتيجي قرر انه يطلع لنونا يقعد معاها ويسال عنها
_____________________________
طلع سليم لبيت نونا ورن الجرس وفتحله رافت
رافت / ايوه مين حضرتك
سليم / انا سليم جاركم تحت و كنت جاي اطمن على نونا
رافت / ابتسم وقال ما دام قولت نونا يبقى تعرفها كويس أتفضل
ودخل رافت سليم لاوضه نونا
نونا / ابتسمت وقالت اهلا ياسليم يا ابني أتفضل
سليم / راح عندها وباس جبينها وقال عامله ايه يا نونه
نونه / الحمد لله يابني
رافت / تحب تشرب ايه
سليم / لا ولا حاجه انا جاي اطمن على نونه وهمشي
رافت / طب انا في الاوضه يا عمتو لو احتجتي حاجه
نونه / ماشي يا حبيبي
وسابهم رافت وخرج
سليم / ابتسم وقال انا جاي اطمن عليكي
نونه / ابتسمت وقالت تطمن عليا انا بس
سليم / ضحك وقال دايما فهماني كده
نونه / هههههه طبعا هو انا عجزت من شويه
سليم / اتنهد وقالت طمنيني عليها انا هتجنن عليها
ابتسمت / وقالت هي كويسه متقلقش
سليم / طب غايبه ليه بقالها اسبوع
نونا / ابدا اختها كانت تعبانه وعملت عمليه وهي نزلتلها عشان تبقى جنبهم لان هما ملهمش غير بعض هي واخواتها البنات وامهم
سليم / ياااه ملهمش حد ابدا
نونه / كل واحد يا ابني ملهي بحياته محدش فاكر حد وسلمى لها اختين مليكه وعاليه وامهم بس
سليم / ومين فيهم اللي عملت العمليه وعندها ايه
نونا / مليكه هي اللي عملت العمليه كان عندها مشكله في القلب بس الحمد لله بقيت كويسه
سليم / اتنهد وقال طب وسلمى عامله ايه
في الوقت ده تليفون نونه رن وبصت لقيتها سلمى اللي بتتصل
نونا / ضحكت وبصت لسليم وقالت ابن الحلال دايما على البال
سليم / ابتسم وقال دي سلمي
نونا / طبعا حبيبتي لازم تطمن عليا كل يوم وفتحت نونا الخط وقالت حبيبه قلبي وحشتيني اوي
سلمى / وانتي كمان يا نونه وحشتيني اوي طمنيني عليكي
نونه / انا كويسه يا حبيبتي متخافيش رافت معايا هنا مكانك
سلمى / اتنهدت وقالت طب سليم يا نونه طمنيني عليه مجالكيش
سليم ونونه بصوا لبعض وابتسموا
سليم / اخد منه التليفون وقال لا طبعا جتلها
سلمى / اتوترت وقالت د.دكتور سليم ا.ازي حضرتك
سليم / طمنيني على مليكه الاول عامله ايه دلوقتي
سلمى / كويسه الحمد لله
سليم / اتنهد وقال انا قلقت لما لقيتك مبتجيش الجامعه بقالك فتره وخوفت اسال صحابك يفهموني غلط فقولت اطلع لنونه افضل وبالمره اطمن عليها
سلمى / ياريتك تزورها كل يوم لحد ما ارجع
سليم / ليه انتي ناويه تقعدي عندك كتير سلمى/ معرفش لسه بس اطمن على مليكه وهرجع
سليم / اوكي ربنا يطمنكم عليها
سلمى / متشكره اوي مع السلام
وقفل مع سلمى وبصل لنونا
نونا / ايه يا سليم ساكت ليه
سليم / ابدا مفيش وسكت شويه…… وقال هي سلمى بتشتغل عندك من امتى
نونا / من اول يوم جت فيه الجامعه
سليم / يااااه بقالها اربع سنين
نونه / ابتسمت وقالت هحكيلك حكايتها يا سليم عشان انا عارفه نفسك تعرف عنها كل حاجه بس خايف تسال
سليم بص لنونه باستغراب ان قادر تفهموا
نونا / ابتسمت وقالت اسمع يا سيدي…………
_________________________
مر كمان اسبوع
وكانت مليكه أتحسنت خلاص وكانت فى اوضتها في المستشفى وكان معاها سلمي وعاليه بيتكلمو ويضحكوا مع بعض
مليكه/ وهي بتضحك بتعب بس خلاص بقى يا عاليه مبقتش قادره
عاليه / خلاص ايه يا بنتي والله لو مش شذى شدتني انا كنت سويتها بالارض الجزمه دي اللي كانت السبب في انك تزعلي
سلمى / وهي بتضحك من يومك مفتريه يا لولو
عاليه / مفتريه ليه بس يا ميمي انا بس شدتها من شعرها ونكشتهولها خليتها شبه سوكا العبيطه وضحكت وقالت كانت عايزالها صوره للذكرى
مليكه / افتكرت صورتها مع شهاب وقالت بدموع انا مش عارفه هو عايز مني ايه تاني
سلمى / طبطبت عليها وقالت متزعليش نفسك يا مليكه سيبيه منه لله وهو هيردلك حقك منه
** في الوقت ده الباب خبط وكان الدكتور مالك
مالك / وهو مبتسم صباح الخير
البنات / صباح النور
مالك / بص لمليكه وقال وشك منور خالص النهارده ايه اخبارك ايه
مليكه / ابتسمت وقالت الحمد لله وبصتله وقالت متشكره اوي لحضرتك على كل اللي عملته معايا
مالك / بتشكريني على ايه يا مليكه انا اللي المفروض اشكرك على كل لحظه حلوه واحساس حلو حسيته معاكي
عاليه / ورفعت حاجبها وقالت نعم
مالك / انتبه لنفسه وقال ق.قصدي يعني أ.ان عمليتها دي ف.فادتني كثير جدا يا انسه عاليه
عاليه / ابتسمت وقالت والله بجد
مالك / بص لسلمى ومليكه وقال احم متخلصوني منها بقى
سلمى ومليكه وعاليه / ههههههه
قطع ضحكتهم خبط على الباب ودخل منه شهاب ومعاه بوكيه ورد
عاليه / وقفت بعصبيه وقالت انت عايز ايه تاني
شهاب / بص لعاليه وبص على مليكه وقال ايه يا عاليه انا جاي اطمن على مليكه بس مش اكتر
سلمى / تطمن عليها بصفتك ايه
عاليه / شاورت لسلمى وقالت استني يا سلمى وبصت لشهاب وقالت بص يا ابني انت هصدق جو انك متعرفش حاجه وجاي تطمن على مليكه ده وهعديها واظن انت كده اطمنت عليها وأتفضل مع السلامه
شهاب / اتنهد وبص لمليكه وقال مليكه لو سمحت وحياه اللي ما بينا تسامحنى انا…..
عاليه / قطعت كلام وقالت اللي كان مابينكم واللي بينكم انتها من زمان يا شهاب وانت اللي نهيته وكلامك معايا انا وانا بقولك اتفضل مع السلامه
شهاب / بصلها بقله حيله ومد ايده بالورد وقالت طب اتفضلي
عاليه / شوفلك اي قرافه وزعه عليها وقفلت الباب في وشه وبصتلهم وقالت بني ادم مستفز
سلمى / شاورت لعاليه على الدكتور مالك
مالك كان مسهم ومش بيتكلم
عاليه / احم دكتور مالك ده يبقى كان خطيب مليكه
مالك / احم مفيش مشكله انا مسالتش يعني ولا اهتميت دا يبقي مين
عاليه / شوحت بأيديها وقالت اتنيل بقى وانت مفضوح
مليكه وسلمى / هههههههه
مالك / بصلها وقال بتقولي حاجه ياعاليه
عاليه / ابتسمتله وقالت ولا حاجه يا دكتور
مالك / ابتسم وقال طب عن اذنكم وخرج هو بيضحك عليهم
عاليه وسلمى ومليكه اتفتحوا في الضحك
سلمى / انا هنزل اجيب اي حاجه ناكلها على ما ماما تيجي
عاليه / لا لا خليكي انتي وانا هنزل
وخرجت عاليه وجت تنزل من على السلم خبطت في حد
عاليه/ اااااه مش تفتح يااعمي
على / ابتسم وقال وبعدين في لسانك ده
عاليه / انت.. انت جاي ليه
على / جاي أطمن على مليكه مش اكتر
عاليه / وتطمن عليها بصفتك ايه ان شاء الله يلا مع السلامه انت كمان
على / اتنهد وقالت خلاص بقى يا عاليه انسي وسامحيني
عاليه / اسامح مين يا امور انت متقولي نتجوز بالمره
على / ضحك وحط أيده في جيبه وقالت ياريت
عاليه / اه ده لما تشوف حلقه ودنك انت بتحلم انسي يا علي لان انا ما يشرفنيش اسمي يبقى على اسم واحد زيك
على / أتغاظ منها ومسكها بغيظ وقال انتي شايفه نفسك على ايه يا بتاعه انتي … انتي مين اصلا عشان تكلميني كده انت واحده بيئه وميشرفنيش اشغلك عندنا للنظافه يا بيئه
عاليه / بغيظ أترقصتله وهي بتقول البيئه دي شغلت تفكيرك يا ابن الاكابر
على / اتغاظ منها اكتر وقال مهو لولا ابن الاكابر كان زمانك لابسه اسود على اختك اللي كانت هتموت وانتم ممعكوش حق العمليه
عاليه / بدموع تقصد ايه
علي / بكبرياء ربع ايده على صدره وقال ايوه انا اللي حنيت عليكم ودفعت باقي فلوس العمليه الناقصه عشان اختك تعمل عمليه ومتموتش … ها لسه برضه ما يشرفكيش تبقى على ذمه واحد زيي قدر ينقذ اختك من الموت بفلوسه
عاليه / ……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أم البنات)
