رواية نغم (وجع ودموع) الفصل الثامن 8 بقلم لبنى دراز
رواية نغم (وجع ودموع) الجزء الثامن
رواية نغم (وجع ودموع) البارت الثامن
رواية نغم (وجع ودموع) الحلقة الثامنة
قال – تعالى-:
أعوذ بالله من الشيطان الرحيم
«وَلا تَحسَبَنَّ اللَّـهَ غافِلًا عَمّا يَعمَلُ الظّالِمونَ إِنَّما يُؤَخِّرُهُم لِيَومٍ تَشخَصُ فيهِ الأَبصارُ* مُهطِعينَ مُقنِعي رُءوسِهِم لا يَرتَدُّ إِلَيهِم طَرفُهُم وَأَفئِدَتُهُم هَواءٌ».
💔❤💔❤
و قال جل فى علاه
أعوذ بالله من الشيطان الرجيم
« أَوَلَمْ يَسِيرُوا فِي الْأَرْضِ فَيَنظُرُوا كَيْفَ كَانَ عَاقِبَةُ الَّذِينَ مِن قَبْلِهِمْ كَانُوا أَشَدَّ مِنْهُمْ قُوَّةً وَأَثَارُوا الْأَرْضَ وَعَمَرُوهَا أَكْثَرَ مِمَّا عَمَرُوهَا وَجَاءَتْهُمْ رُسُلُهُم بِالْبَيِّنَاتِ فَمَا كَانَ اللَّـهُ لِيَظْلِمَهُمْ وَلَـكِن كَانُوا أَنفُسَهُمْ يَظْلِمُونَ».
نغم بقلمى✍️___________لبنى دراز
فـ الشارع
نغم خرجت جرى من الڤيلا فـ الشارع و مش شايفة قصادها غير كل الوجع اللى عاشته فـ حياتها و قررت فعلا تـ ـنـ ـتـ ـحر و تخلص من حياتها و لسة بترمى نفسها قصاد عربية معدية
طارق:: شافها .. نغغغغغم حااااااااسبييي و شدها بخوف عليه دخلها جوة حضنه .. أنتى بتعملى ايه يا مجنونة عايزة تـ ـمـ ـوتى نفسك ليييه
نغم:: بأنهيار و هى فـ حضنه .. تععععبت من كل حاجة يا طارق يااررريتنى كنت روحت مع بابا و ماما ياااارب لييييه ماخدتنيش معاهم
طارق:: بخوف أكبر .. أرجوكى كفاية ماتوجعيش قلبى عليكى لييييه بتعملى فيا كدا
نغم:: سيبنى يا طارق سيبنى أمـ ـو ت سيييبنى أروح لـ أبويا و أمى مش عايزة اقعد فـ الدنيا دى
طارق:: بوجع .. و تسيبنى يا نغم عايزة تسيبينى طيب أعيش ازاى من غيرك ده انتى بقيتى الهوا اللى بتنفسه بقيتى الحياة اللى عايشها لييييه يا نغم
نغم:: خرجت من حضنه و بأنهيار أكبر .. بتسألني ليييييييه يا طااااااارق لييييييه عشااااااان عمى اللى ماااااشى ورا كلاااااااام مرااااااته بييييعمل زى ما بتقوله .. تقوله أرميييها يرميييينى تقوووله هاتها و بيعها للدفع أكتتتتترررررر بيجرى ورايا عشااااااان يبيعنى و لما ربنا وقفك فـ طررررريقى و قوووولت أخيرا هرتاااااح بعد ما قووولت خلااااااص هلاقى حضن يضمنى و أعرف معاها يعنى ايه كلمة مامااااا اللى أتحرمت منها و كنت رغم خوووووفى من مقابلة والدتك بس قولت أكييييد عشان بتحبك هتحبنى و تبقى حنينة علياااااا .. بس لأ كل خوفى طلع صحححح و صحيت من أحلامى ع كاااابوس رفضها و أهانتها المستمررررة بس صدقنى انا مش بلوم عليها .. و قعدت فـ الارض بتعب والله مش بلومها هى معذورة و حقها تشك فيا طبعا ما أنا يتيمة و فقيرة و ماليش غير عمى اللى رمانى و نسيني و جاى دلوقتي يفتكرنى عشان يبيعنى و يرمينى تانى
طارق:: قعد قصادها .. حقك عليا انا أسف يا نغم ع كل وجع و كل إهانة سمعتيها من أمى
نغم:: من كتر انهيارها صوتها بيضعف .. ما تـ تـ أسـ…… و فقدت وعيها بين إيديه
طارق:: صرخ بخوف .. نغغغغغم فوووووقى أرجوووووكى .. الناس اتلمت ع عليهم تشوفهم
#:: هاتها بسرعة ع العربية نوصل أقرب مستشفى
طارق:: بتوهان و مش سامع الراجل اللى بيتكلم .. فوقى يا نغم أرجوكى بلاش تسيبيني أنا محتاجلك جنبى بقووولك فووووقى بقى
#:: قوم يا استااااذ عشان نلحقها .. كدا بحالتك دى هتخسرها لازم انت تفوق عشان تنقذها
@:: يلا يا أستاذ أسمع كلام الراجل الطيب ده و قوم شيلها وديها المستشفى ألحقها
طارق:: أخيرا أنتبه و رفع راسه شاف ناس كتير واقفة حواليه و اللى بيكلمه و اللى بيجيب له ماية عشان يفوقها و وقف شالها و ركب عربية الراجل اللى كان بيكلمه و راح بيها لـ أقرب مستشفى و اول ما وصل شالها و دخل بيها جرى و بيصرخ حد يللللحقنييييي مرااااتى بتروووووح منيييي
الممرضة:: جات بسرعة فتحت له اقرب أوضة كشف و دخلتها .. خليها هنا و هبعت للدكتور حالا
طارق:: لأ عايز دكتورة مش دكتور
الممرضة:: حاضر هشووف مين موجود
طارق:: بقلق .. أرجوكى بسرعة مراتى بقالها أكتر من نص ساعة مش بتفوق
الممرضة:: خرجت بسرعة و فعلا ندهت الدكتورة و رجعت معاها
الدكتورة:: دخلت بسرعة و شافت نغم و حاولت تفوقها و كشفت عليها و لـ طارق ايه اللى حصل
طارق:: بخوف .. كنا ماشيين فـ الشارع بنتكلم و فجأة وقعت مني و حاولت أفوقها مش بتفوق
الدكتورة:: بص هى شكلها ضعيف و مش بتاكل كويس و ممكن ده يكون سبب فـ هبوط الضغط مرة واحدة انا هعلق لها محاليل ترفع لها الضغط شوية و هنعمل شوية تحاليل نطمن .. بس عايزة اعرف فى حمل و لا مافيش
طارق:: بصراحة مش عارف أحنا متجوزين بقالنا شهر و نص بس
الدكتورة:: تمام ماتقلقش يا استاذ ان شاء الله خير و سابته و خرجت تعمل اللازم لـ نغم
نغم:: فاقت و ندهت بتعب .. طارق
طارق:: قعد جنبها و ضمها فـ حضنه و بحزن ليه تعملى فيا كدا يا نغم هونت عليكى توجعى قلبى بالشكل ده
نغم:: بدموع .. غصب عنى صدقنى انا فـ لحظة حسيت الدنيا كلها أسودت فـ وشى سامحنى يا طارق عشان خاطرى
طارق:: بخوف .. كنت هـ ـمـ ـوت عليكى عشان خاطرى ماتعمليش كدا تانى انا مش هقدر اتحمل يجرالك حاجة يا نغم .. انا من غيرك ضايع
_______________________
فـ بيت والدة أحمد
فـ نفس الوقت أحمد و حياة كانوا عند والدته و أخواته و كالعادة طبعا مجننين كل اللى فـ البيت معاهم
حياة:: لـ سعاد بقولك ايه سوسو انا طالع فـ دماغى أزور مطبخكم ايه رأيك
سعاد:: و ماله يا حبيبتى زوريه براحتك التلاجة عندك ادخلى و اللى نفسك فيه طلعيه
حياة:: امممم عندك دقيق ؟؟
أحمد:: بهزار .. حياتى ناوية ع ايه يا قلبى ؟
حياة:: لـ أحمد .. مين انا مش ناوية ع حاجة أبداااا
سعاد:: لـ أحمد مالك يا واد انت بيها سيبها براحتها و لـ حياة عندي دقيق قولى بس عايزة تعملى ايه و مالكيش دعوة بـ الواد ده
أحمد:: اممممم ماشى يا ست ماما براحتك بس لما تـ ـو لـ ـعلك فـ البيت ماتجيش تعيطى
حياة:: وقفت و حطت إيدها فـ وسطها .. أ و لـ ـعـ ـلها فـ البيت ليه يا خوياااا ده انا طباخة بريمو أطلع منها انت بس و هى تعمر
أحمد:: بضحك .. ماشى يا ستى أطبخى براحتك و لـ نرمين أخته معاكى رقم المطافى يا بنتى
نرمين:: ما تقلقش يا ابيه هننقذ الموقف لو حصل حاجة
حياة:: برفعة حاجب لـ نرمين حتى انتى يا نرمو طاااااايب انتى و دكتور فرقع لوز ده مش هتاكلوا من القيقة اللى انا هعملها
نهلة:: بذهول .. هتعملى ايه يا حياة ؟!
حياة:: هعمل قيقة يا نهلوتى أى كيكة أى خليييط من الدقيق و البيض و اللبن و السمن و السكر و قليل من البيكنج بودر و نـ ـضـ ـر بهم ضـ ـر بـ ـا مبر حا و نرميهم فـ الفرن و هما و نصيبهم بقى هيصدعونا معاهم ليه
أحمد:: ليييه يا مفـ ـتر ية قدك دول عشان تعملى فيهم كدا .. مش كفاية الـ ـعـ ـذاب اللى هيشوفوه ع ايديكى يا حرام كمااان هتدخليهم الـ ـنـ ـا ر
حياة:: بغيظ لـ أحمد أه عشان يتربوا زى بعض ناس كدا
سعاد:: بضحك .. وماله يا حبيبتى ادخلى أعملى اللى نفسك فيه
حياة:: بسعادة .. حبيبتى يا مامتى تسلميلى يارب و بتغيظ أحمد و بتطلعله لسانها و هى داخلة المطبخ
أحمد:: بهزار .. وماله يا حياتى طلعى لسانك برااااحتك و لينا بيت يلمنا و بغمزة هنشوف هتعملى أيه مع الباى و التراى يا قمر
حياة:: من جوة المطبخ .. هو انا ما قولتلكش .. مش ماما عايزانى أبات معاها النهاردة اصلها بتخاف تنام لوحدها ههههههههههههه
أحمد:: لسة هيرد عليها سمع رنة موبايله و رد .. السلام عليكم و رحمة الله
طارق:: الووو أحمد ألحقنى
أحمد:: بخضة .. مالك يا طارق فى ايه
طارق:: بدموع .. نغم يا أحمد بتروح مني
أحمد:: قام وقف و رايح ناحية باب الشقة مالها نغم يا طارق حصلها ايه و انت فين كدا
حياة:: سمعته و طلعت تجرى وراه .. و بصريخ مالها نغم يا أحمد أختى مالهاااا فيها ايه انننطق
أحمد:: أهدي يا حياة انا هروح لـ طارق و اعرف فيها و أطمنك و لـ طارق انت فين انا جايلك حالا
طارق:: أحنا فـ مستشفى (….) و قفل الخط
حياة:: بدموع لـ أحمد خدنى معاك أرجوك عشان خاطري
أحمد:: يا حبيبتى أرتاحى انتى و انا هروح بسرعة اطمن و ارجع اطمنك صدقينى
حياة:: لأ رجلى ع رجلك هروح معاك استنى هدخل أغير هدومى بسرعة
أحمد:: حاضر يا حبيبتى و بالفعل استنى لما غيرت حياة هدومها و نزلوا جرى راحوا لـ طارق
_________________________
فـ شقة محسن الهلالى
فـ نفس الوقت بعد خروجهم مطرودين من ڤيلا العامري محسن و منال رجعوا شقتهم و قابلهم أبنهم
سامى:: بأبتسامة .. ها طمنونى عملتوا ايه وافقت نغم تسدد باقى الديون
محسن:: قعد بتعب .. لأ
منال:: بغيظ .. الهانم بنت عمك رفضت تدينا الفلوس و مش بس كدا جوزها كان عايز يمد ايده عليا و كمان حماتها طردتنا من الڤيلا
سامى:: بـ غـ ـضـ ـب .. أزااااى يعنى ترفض تديكم الفلوس و ازاى جوزها كان عايز يمد ايده عليكى و لـ محسن و أنت ازاى تسكت له يا بابا ؟
محسن:: لـ سامى أمك اللى غلطت فيه و بعدين انا قايلكم من الاول لو فكرنا نقرب منها جوزها مش هيسكت و أدى النتيجة استحملوا بقى اللى هيجرا
نادر:: طلع من أوضته ع صوت زعيقهم .. انتوا كنتم متخيلين ايه بالظبط .. لما تروحوا تقولوله سدد لنا ديوننا هيوافق ببساطة كدا
منال:: بزعيق .. نااااااادر يااررريت تسكت و ماتقولش كلام يـ ـحـ ـر ق دمى
نادر:: بنرفزة .. لأ يا ماما مش هسكت .. مش هسكت عن الحق تانى كفااااية بقى لغاية كدا كل اللى جرالنا ده و اللى لسة هيجرالنا نتيجة ظلمك انتى و بابا لـ نغم اللى أتيتمت و هى صغيرة و بدل ما تعوضوها عن أبوها و أمها رميتوها فـ المدرسة و سيبتوها و لولا خوفكم من كلام الناس كنتوا حطيتوها فـ ملجأ مش مدرسة مع أن النتيجة واحدة
سامى:: بزعيق .. لـ نادر انت اتجننت .. تكلم ماما و بابا بالطريقة ديييي اييييه خلااااص مافيش دم شايف حالتهم شكلها ايه و مش راحمهم
نادر:: سااااامى صوتك ما يعلااااش و ماتنساش أنى أخوك الكبير .. و بعدين هما كانوا رحموا البنت اليتيمة دى و سابوها فـ حالها ؟؟ اتقوا الله شوية بقى و كفاية كفااااااية ظلم فـ نغم لغاية كدا
محسن:: بتعب .. قصدك ايه يا نادر .. قصدك انى ظالم عايز تقول انى ظلمت بنت أخويا
نادر:: للأسف يا بابا دى الحقيقة
منال:: نااااااادر و بعديييين معاااااك عاااايز توصل لـ أيه بالظبط
نادر:: عايزكم تردوا الظلم و ترجعوا مال اليتيمة اللى كلتوه من غير وجه حق و تنسوا نغم خااااالص و سيبوها تعيش حياتها بهدوء مع جوزها و كفاية لغاية كدا بقى
سامى:: بيرفع أيده عشان يـ ـضـ ـر ب نادر .. لااااااااا انت اتجننت فعلا
نادر:: مسك إيد سامى .. و بـ ـغـ ـضـ ـب لو فكرت تعملها تانى هزعلك انت فااااهم و لـ محسن انا مش هقولك غير حاجة صغيرة اوى و بعد كدا انتوا أحرار و انا بريء من أفعالكم .. رجّع لـ نغم فلوس البيت اللى خدتها يا بابا لان كل اللى أحنا فيه ده بسبب أكل مال اليتيمة دى .. ربنا بيقول فـ كتابه الكريم
أعوذ بالله من الشيطان الرجيم
وَابْتَلُوا الْيَتَامَىٰ حَتَّىٰ إِذَا بَلَغُوا النِّكَاحَ فَإِنْ آنَسْتُم مِّنْهُمْ رُشْدًا فَادْفَعُوا إِلَيْهِمْ أَمْوَالَهُمْ ۖ وَلَا تَأْكُلُوهَا إِسْرَافًا وَبِدَارًا أَن يَكْبَرُوا ۚ وَمَن كَانَ غَنِيًّا فَلْيَسْتَعْفِفْ ۖ وَمَن كَانَ فَقِيرًا فَلْيَأْكُلْ بِالْمَعْرُوفِ ۚ فَإِذَا دَفَعْتُمْ إِلَيْهِمْ أَمْوَالَهُمْ فَأَشْهِدُوا عَلَيْهِمْ ۚ وَكَفَىٰ بِاللَّهِ حَسِيبًا
صدق الله العظيم .. و كمان رسولنا الكريم قال صلى الله عليه و سلم
(اتَّقُوا الظُّلْمَ، فإنَّ الظُّلْمَ ظُلُماتٌ يَومَ القِيامَةِ، واتَّقُوا الشُّحَّ، فإنَّ الشُّحَّ أهْلَكَ مَن كانَ قَبْلَكُمْ، حَمَلَهُمْ علَى أنْ سَفَكُوا دِماءَهُمْ واسْتَحَلُّوا مَحارِمَهُمْ).عليه افضل الصلاة و السلام
سامى:: بزعيق .. قصدك اييييه من المحاضرة دى يا شيييخ نااااادر قووول
نادر:: لـ سامى بغيظ كلامى مش معاك .. كلامى مع بابا و ماما و لـ محسن و منال انا قولت اللى يخلص ضميري و ينجينى من عذاب الأخرة و انتوا أحرار و سابهم و رجع أوضته تانى
منال:: بزعيق .. خلييييك فااااااكر يا نااااادر انت اللى أخترت بكرة لما كل حاجة ترجع أحسن من الأول ما ترجعش تقووول سامحونى ع غلطى فييييكم فاااااهم
محسن:: بندم .. نادر عنده حق يا منال فـ كل كلمة قالها كل اللى أحنا فيه ده ذنب نغم و حالنا مش هيتصلح غير لو رجعتلها فلوس بيت أبوها و سامحتنى
منال:: أنت هتسمع كلام المتخلف ده .. ايه علاقة زفتة نغم و البيت بالصفقة اللى خسرناها و الديون اللى علينا ده بدل ما تحاول تانى معاها عشان تدفعهالك تمشي ورا كلام نادر
محسن:: بـ غـ ـضـ ـب .. ايوا يا منااااال همشي ورا كلاااااام أبنى لانه بيقوووول الحقييييقة اللى كانت غايبة عنى سمعععت كلاااامك و انا معمى و نسييييت ان فى رب بيخلص و بدل ما أندم و أتوب لأ ماشي وراكى و مكمل فـ ظلم بنت أخويا و كانت النتيجة الحتمية اللى وصلنا ليها دى زى ما بيعت بيت أبوها و أخدت فلوسه لنفسى و سيبتها .. النهاردة خسرت كل حاااااجة و بيعت كل اللى أملكه .. ده غير انها أضطرت تلجأ للغريب و اتجوزت الدكتور بتاعها عشان يحميها مني .. أسمعى يا منال انا هعتبر نغم كانت شريكة معايا فـ الشركة و هرجّعلها فلوسها و بـ الأرباح كمان و بعد كدا ابقى أسدد باقى الديون للبنك
منال:: بغيظ .. انت بتقول ايه يا محسن انت اكيد مش فـ وعيك
محسن:: لأ يا منال انا واعى لكل كلمة بقولها و زى ما سمعتى كدا هشتغل و ابتدى من الصفر عشان اسدد الديون كلها دين نغم و بعدين دين البنك و ده أخر كلام عندى و لو عايزة تكملى معايا ع الوضع ده يبقى كتر خيرك مش عايزة براحتك هسيبلك البيت و ورقتك هتوصلك
و بالفعل بعد جدال كبير بين محسن و منال قررت انها مش هتكمل و تطلق لانها مش مقتنعة بكل الكلام اللى قاله نادر و محسن
_______________________
فـ المستشفى
أحمد و حياة وصلوا المستشفى و اتصل أحمد بـ طارق عرف منه مكانهم و راحوا جرى عليهم
حياة:: دخلت جرى و حضنت نغم بدموعها .. مالك يا نغم حصلك ايه قوليلى بس جرالك ايه
نغم:: بتعب .. أهدي يا حياة أنا كويسة قدامك أهو
حياة:: شافت المحاليل متعلقة .. و بقلق طيب معلقة المحاليل دى ليه مااالك بقولك
طارق:: بهدوء ظاهر و جواه خوف و قلق متدارى .. عادى يا حياة المحاليل بس عشان حصلها هبوط بسبب قلة أكلها
أحمد:: واقف ع باب الاوضة من برة .. حمد الله ع سلامتها يا طارق
طارق:: طلع لـ أحمد و كله وجع .. نغم حاولت تـ ـنـ ـتـ ـحر يا أحمد
أحمد:: بصدمة .. ايه؟! انت بتقول ايه
طارق:: قعد ع الكرسى بتعب .. لحقتها قبل ما ترمى نفسها قصاد العربية
أحمد:: قعد جنبه .. و هى تعمل كدا ليه .. ايه اللى حصل وصلها للحالة دى
طارق:: بوجع .. عمها و مراته و أمى .. و أبتدا يحكى اللى حصل كله من وقت ما جه محسن و منال لغاية ما خرجت نغم جرى من الڤيلا و هو جرى وراها
أحمد:: يا ستار هو فى كدا و بغيظ انا مش عارف ازاى فى أهل بالشكل ده أذا كان محسن الهلالى و لا محمد أبوضيف بجد نفسى أخـ ـنـ ـقهم و أخلص العالم من شرهم
طارق:: قلبى واجعنى عليها اوى يا أحمد ماعرفتش أعملها حاجة و انا شايفها بتنهار قصادى و بتقع بين إيدى مغمى عليها .. و بغيظ و رحمة أبويا لا أدفع عمها التمن ع كل اللى عمله فيها
أحمد:: أهدى يا طارق أطمن عليها الأول و بعدين ابقى شوف موضوع عمها ده
طارق:: بتأكيد .. عندك حق أطمن عليها الأول و بعدين ربنا يعدلها فـ الباقى .. هقوم اشوف الدكتورة و أطمن منها
أحمد:: تحب أجى معاك و لا قادر تروح لوحدك ؟
طارق:: قبل ما يرد عليه شاف الدكتورة جاية .. طمنينى يا دكتورة نغم مالها عندها ايه
الدكتورة:: بأبتسامة لـ طارق .. مبروك يا أستاذ مدام نغم حامل
طارق:: بصدمة و فرحة .. بجد ؟! بتتكلمى بجد يا دكتورة يعنى أنا هبقى أب
أحمد:: بسعادة حضن طارق .. مبروك يا صاحبى ربنا يكملها بخير و تقوم بالسلامة و يتربى فـ عزك يا حبيبى
طارق:: الله يباركلى فيك يا أحمد يارب و عقبالك انت كمان يا غالى
الدكتورة:: دخلت لـ نغم أطمنت عليها و شافت المحاليل و الضغط و كل حاجة اتظبطت
حياة:: طمنينى يا دكتورة أختى مالها جرالها ايه
الدكتورة:: بصت لـ نغم ياريت تهتمى بأكلك أكتر من كدا و ترتاحى ع قد ما تقدرى الفترة دى لان المجهود فـ الشهور الأولى بيبقى خطر
نغم:: بعدم فهم .. شهور اولى أيه اللى حضرتك بتتكلمى عنها انا مش فاهمة حاجة
حياة:: لـ الدكتورة .. ممكن بس أفهم ايه علاقة الهبوط بسبب قلة الأكل و المحاليل بالشهور حضرتك
الدكتورة:: بأبتسامة لـ حياة طبعا ليه علاقة طالما فى حمل .. و بصت لـ نغم عشان كدا لازم تتغذي كويس و ترتاحى ع قد ما تقدرى
نغم:: حضرتك قولتى حمل؟!
الدكتورة:: أيوا
حياة:: بذهول .. مين اللي حامل لامؤاخذة ؟!
الدكتورة:: بأبتسامة .. مدام نغم
حياة:: بفرحة و تنطيط .. هييييه هييييه أخيرا هبقى خا….. و قبل ما تكمل كلمتها وقعت اغمى عليها
نغم:: صرخت وهى فـ مكانها حياااااااااة
الدكتورة:: بسرعة بتحاول تفوقها
طارق و أحمد:: دخلوا جرى ع صرخة نغم و شافوا حياة واقعة و الدكتورة جنبها بتفوقها
أحمد:: شالها و حطها ع سرير تانى قصاد نغم .. حياة مالك يا حبيبتى جرالك ايه
حياة:: فاقت شوية .. مش عارفة يا أحمد انا كنت فرحانة لـ نغم و فجأة ماحسيتش بنفسى
الدكتورة:: بتقيس لها الضغط .. ضغطك واطى اوى و محتاجة محاليل ترفعه شوية واضح انك كمان مش بتاكلى كويس
أحمد:: هى فعلا يا دكتورة ليها كام يوم مالهاش نفس للأكل و بتنام كتير
الدكتورة:: حضرتك جوزها ؟!
أحمد:: ايوا
الدكتورة:: تمام هعملها شوية تحاليل نطمن عليها
و بالفعل خرجت الدكتورة و بعتت الممرضة تاخد منها عينة الدم عشان التحاليل و بعد فترة رجعت و قالت لـ أحمد ان حياة هى كمان حامل و طارق و نغم فرحوا لـ أحمد و حياة و بعد شوية وقت خرجوا من المستشفى و رجعوا بيوتهم و هما فرحانين بخبر الحمل
________________________
فـ ڤيلا العامري
بعد خروج طارق جرى ورا نغم و طرد محسن و منال.. رايحة جاية بعصبية و مافيش حد عارف يكلمها
غالية:: بزعيق هنيييييية أننننتى يا زفتتتتة يا هنية
هنية:: جات تجرى و جواها ربنا يستر من أمنا الغولة دى .. أمرك يا ست هانم
غالية:: غووورى أطلعى اوضة طارق و هاتى هدوم اللى ما تتسمى نغم و أرميها فـ الزبالة و لا و لـ ـعـ ـي فيها انتى فاهمة اتحرررركى يلا
هنية:: ازاى بس يا ست هانم
غالية:: بـ غـ ـضـ ـب .. اننننتتتتى لسسسسسة هتقفى تسألينى قوووولت غوووووورى من غير كترررر كلااااام
وليد:: بهدوء لـ هنية روحى دلوقتي يا هنية و لـ غالية الأمور ما تتاخدش كدا
غالية:: أومااال تتاخد أزاى يا باشمهندس ها قول تتاخد ازااااى
وليد:: تتاخد بالعقل يا امى .. نقعد نهدى و نفكر و كل حاجة ليها حل
غالية:: بنرفزة .. أى عقل ده اللى عايزنى اتعامل بييييه .. اناااااا غالية السوااااح بيتى بقى مزار للحثالة و تربية الشوارع بسبب مجايب أخوووك
شيرين:: بهدوء .. يا ماما انا قولتلك أكسبى طارق مش ابعديه عنك .. أنتى باللى انتى عايزة تعمليه ده هتخسريه خالص حاولى تهدي
غالية:: طااارق هو فيييين طااااارق ما هو جرى ورا الهاااانم تربية الملاجئ بتاعته و مافكرش فـ أمه اللى اتهانت فـ بيتها بسبب الاشكال الزبالة اللى ناسبهم
شيرين:: جواها هو انتى حد بيقدر عليكى .. و قالت برضوا يا ماما ماينفعش اللى انتى عايزة تعمليه ده غلط صدقينى
وليد:: لـ غالية شيرين عندها حق يا ماما أهدي و استحملى و بلاش تعاندي فـ طارق .. أنتى عارفة كويس انك طول ما انتى بتتصرفى بالشكل ده مع نغم هيفضل متمسك بيها .. سيبها و انسيها خالص و هو هيجيله وقت و يعرف بنفسه انها مش من مقامه و هيزهق منها و يرميها لوحده
غالية:: يا سلاااام يا سي وليد و انا بقى هفضل مستحملة لغاية أمتى ان شاء الله هااا أفرض أخوك ما زهقش منها و فضل متمسك بيها افضل انا بقى قاعدة و سايبة بيتى للأوباش كدا يدخلوا و يخرجوا ع كيفهم و لا اييييه
وليد:: عشان خاطر طارق يا ماما أستحملي و اصبري
غالية:: لأ مش ممكن .. البنت دى مش هترجع هنا تااااانى و طارق هيطلقها و رجله فوق رقبته و ده أخر كلام و سابتهم و طلعت اوضتها
_______________________
فـ شقة طارق
رجعوا شقتهم بعد خروجهم من المستشفى و فرحانين بالضيف الجديد اللى هيشرفهم
طارق:: بسعادة .. مبروك يا أجمل نغم فـ حياتى
نغم:: بأبتسامة مبروك علينا أحنا الاتنين يا حبيبى
طارق:: سند نغم .. تعالى بقى ارتاحى جوة ع السرير و مش عايزك تعملى اى مجهود خالص فاهمة
نغم:: جواها فرحانة بأهتمام طارق .. وبعدين معاك من اولها كدا قاعدة ع السرير انا مش بحب كدا
طارق:: دخل اوضة النوم هو و نغم و وصلها السرير .. نغم حبيبتى الدكتورة قالت ايييه .. قالت ترتاحى خاااالص وبلاش مجهود و كمان تاكلى كويس
نغم:: فرحان يا طارق ؟!
طارق:: أكيد يا قلب و روح طارق .. انا من يوم كتب كتابنا و أنا بتمنى اللحظة دى بتمنى يكون عندى طفل منك يا نغم و ياما دعيت فـ سجودى حتى من قبل ما تكونى مراتى ان ربنا يجمعنا سوا و يرزقنى منك بالذرية الصالحة و الحمدلله ربنا استجاب دعائى
نغم:: تعرف يا طارق أنا بشكر ربنا فـ كل وقت أنك جوزى و كتير بقول لـ نفسى لو ما كانتش مرات عمى جات الكلية هى و أبنها و انت شوفتهم .. ما كنتش أتجوزتنى و لا حتى فكرت فيا
طارق:: ليه بتقولى كدا يا نغم .. انا قولتلك أصلا أنى حبيتك من اول يوم شوفتك فيه و اللى عملته مرات عمك ده مجرد سبب عشان تكونى من نصيبى .. تعرفى هى ربنا سخرها لينا من غير ما تعرف .. بزعل مصطنع بس ع فكرة بقى انا زعلان منك
نغم:: زعلان منى انا
طارق:: أه و مقموص كمان
نغم:: امممم حبيبى زعلان و انا ماقدرش ع زعله .. و بمعاكسة بتقرصه من خدوده .. بس أعرف زعلانة ليه يا بيضة بس
طارق:: بتريقة .. بيضة بتعاكسى حمادة ابن اختك انتى ها ماشى ماشى يا نغمى
نغم:: خلاص ماتزعلش قولى بقى زعلان ليه
طارق:: بقى بتقولى لـ عمك لو كنت سيبتنى فـ حالى ما كنتش اتجوزت طارق ينفع كدا يعنى
نغم:: بدلع .. تؤ أخص عليا ماليش حق
طارق:: شوفتى بقى حقى ازعل و لا مش حقى
نغم:: حقك ع قلبى يا أحلى حاجة حصلت فـ حياتى
طارق:: قعد جنبها و خدها فـ حضنه .. اااااه يا نغم
أنتِ لحني ولهفتي وليلي وليلتي، أنتِ لوحتي ولُغتي وولائي ولحظتي، أنتِ لؤلؤتي ولُبّ قلبي، أنتِ لملمة شتاتي وضياء قمري. .. أنا بحبك أوى يا نغم
نغم:: و أنا كمان يا طارق بحبك و بـ ـمـ ـوت فيك و ماقدرش اتخيل حياتى من غيرك .. و أنت الذى جئت مختلفاً لستُ صديقاً و لا حبيباً لكنك حياة
طارق:: ااااه يانى منك يا نغمى و أنا كمان ماقدرش اتخيل حياتى من غيرك يا أم عتريس
نغم:: بصدمة .. نعم ؟! عتريس مين !!
طارق:: بضحك أبننا يا روحى .. عتريس طارق العامري ايه رأيك بذمتك مش أسم أورچينال ههههههههههههه
نغم:: اخص عليك بقى طارق و نغم و أبنهم اسمه عتريس تؤتؤ مش حلو خالص
طارق:: و مازالت نغم فـ حضنه .. طيب بلاش عتريس أيه رأيك فـ حزمبل ههههههههههههه
نغم:: بتذمر .. إيه حزمبل ده كمان .. أنا بقول سيبنى أنا أختار ألاسم و انت تكتبه و بس اوك؟!
طارق:: خلاص يا روحي أختارى انتى الأسم و نشوف هتختارى أيه
نغم:: بص يا سيدى أذا ربنا رزقنا بـ ولد هسميه إياد و إذا كانت بنت هسميها أسيل إيه رأيك
طارق:: بسعادة .. الله الأسمين أحلى من بعض إياد و أسيل خلاص يا أم إياد ماشى كلامك و يارب يارب يطلعوا توأم ولد و بنت
نغم:: يارب يا حبيبى يكتبلك اللى فـ نفسك .. تؤ بس اتنين يا روقة و انا لوحدى كتير عليا
طارق:: بتَمني .. يارب بس يرزقنا بالتوأم و أنا مش هسيبك لحظة و شرد بخياله و أتكلم بلاوعى .. مش هسيبك لحظة واحدة من وقت ما تولدى هنربيهم سوا ساعة بساعة و يوم بيوم و هيكبروا قصاد عينينا و نوديهم سوا المدرسة و أنتى تغيري من أسيل عشان هتبقى عايزة تنام فـ حضن بابى و كمان إياد يفضل يتخانق معايا عشان عايزك معاه و انا أكيد مش هسيبك ليه ده بُعده و تجري بينا السنين و يكبروا و يتخرجوا إياد يبقى مهندس و أسيل دكتورة و يتجوزوا و يوم فرحهم بقى هنبقى كبرنا بس هتفضلى أجمل نغم فـ حياتى و ساعتها هعملك فرح تانى و أجيبلك فستان أبيض تانى و نعمل عرسان و نجدد شبابنا و نغيظهم .. ياااااه يا نغم أمتى ييجى اليوم ده خايف أوى ما أشوفش اليوم ده
نغم:: قلبها وجعها و هى بتسمع طارق و بخوف .. ربنا يحققلك كل ما بتتمنى يا حبيبى و ييجوا بالسلامة و تعيش و نربيهم سوا لغاية ما يوصلوا لـ بيوتهم و نربي ولادهم و ولاد ولادهم كمان
طارق:: بأمل .. يااارب يا حبيبتى .. يلا بقى نامى عشان انتى تعبتى النهاردة ولازم ترتاحى
و بالفعل نامت نغم من كتر تعب اليوم و طارق قعد جنبها يفكر فـ اللى جاى لغاية ما غلبه النوم و نام و هو قاعد مكانه
________________________
فـ شقة أحمد
بعد ما رجع من المستشفى هو و حياة اتصل بوالدته يبلغها بخبر الحمل
أحمد:: بسعادة .. الوووو يا أم أحمد يا قلب أحمد من جوة
سعاد:: و عليكم السلام و رحمة الله يا نور عين أم أحمد
أحمد:: زغرطى يا سوسو و طبلى و أرقصى بسرعة يلا و لا أقولك أزغرطلك أنا و انتى زغرطى معايا .. لولولولولى
سعاد:: بأندهاش .. مالك يا قلب أمك فيك ايه صوتك فرحان فرحنى معاك
أحمد:: بفرحة خلااااص يا قلب أبنك هتبقي تيتااااااا و قريب هتشيلى حفيدك بين إيدك يا أم أحمد
سعاد:: بفرحة .. و النبي بجد !! اتكلم يا واد قووول بجد والنبي مراتك حامل
أحمد:: و الله بجد يا أمى حياة حامل و كلها كام شهر و تشيلى معتز بين إيديكى يا حبيبتى
سعاد:: مبروك يا ضنايا ربنا يكملها بخير يا حبيبى إدينى حبيبتى أباركلها و أطمن عليها
أحمد:: حاضر يا حبيبتى و شاور لـ حياة تاخد الفون
حياة:: أخدت الموبايل من أحمد .. الوو ايوا يا ماما
سعاد:: مبروك يا قلب أمك ربنا يكملك حملك بخير يا ضنايا و تقومى بالسلامة
حياة:: بخجل .. الله يبارك فـ حضرتك يا حبيبتى .. يتربى فـ عزك و خيرك يارب
سعاد:: اسمعى يابت يا حياة انتى من هنا و رايح مش هتقعدى فـ شقتك من بكرة تيجى و تجيبى هدومك انتى و أحمد و تييجوا تعيشوا معانا هنا لغاية ما تقومى بالسلامة و تشدى حيلك كدا فاهمة و لا لأ
حياة:: بضحك و فتحت الاسبيكر .. يالهههوى يا ماما ده كان سيادة السفير يجرى ورانا .. ده تلاقيه ما صدق ان أحمد مشي و سابله الاوضة هيرجع تانى و معاه بلوته كمان ههههههههههه
سعاد:: مالكيش دعوة بـ أسر انا هقعد معاه فـ الأوضة و أسيبلكم أوضتى
أحمد:: بضحك لـ حياة و امه ع الموبايل ع فكرة بقى انا اللى ما صدقت خلصت منه و من شخيره ههههههههههه مش عارف انا دبلوماسي ازاى ده بالسيمونية اللى بيعملها كل ليلة و هو نايم هههههههههه
سعاد:: بس يا واد مالكش دعوة بـ أسر و أسمع الكلام و هات مراتك وتعالى يلا هستناكم
أحمد:: لأ ياست الكل خدى راحتك فـ اوضتك و سيبى أسر براحته و ماتخافيش ع حياتى هعرف أخد بالى منها و لو تعبت اوى هبعتلك تيجى او أجيبهالك
سعاد:: أسمع الكلام يا أحمد ما تتعبش قلبى معاك مراتك لسة فـ اول حملها و ده حاجة جديدة عليها و محتاجة رعاية
أحمد:: صدقينى يا أمى انا قادر أراعيها متخافيش عليها بس يلا انتى شدي حيلك و حضري حاجة معتز باشا زى ما وعدتينى قبل ما اتجوز
سعاد:: من عينى يا حبيبى انا عيونى لـ معتز و أبو معتز و ام معتز بس انت خلاص يعنى قررت انه ولد و اختارت اسمه كمان
أحمد:: اومال انتى فاكرة أبنك أى حد أحنا بعون الله نشوط فـ المرمى نجيب الهدف ع طول و بكرة أفكرك يا أم أحمد و هتكونى أول أيد تشيله أن شاء الله
سعاد:: ربنا يديلك اللى فـ نفسك يابنى يارب و يسعدك يا حبيبى
أحمد:: و يسعدلى قلبك يا ست الكل يارب
و قفل مع أمه المكالمة و قرر يحتفل مع حياة بالحمل بعد ما ساعدها تدخل ترتاح فـ سريرها نزل بسرعة و اشترى تورتة الشيكولا اللى بتحبها و جاب لها هدية و رجع قدملها الهدية و قطع التورتة واحتفلوا بطريقتهم و جنانهم بالضيف الجديد اللى هينور حياتهم
_________________________
فـ ڤيلا العامري
تانى يوم راح الڤيلا و هو داخل من الباب الرئيسى شايف غالية قاعدة هى و شيرين بيفطروا فـ الجنينة
طارق:: داخل بهدوء سلم ع غالية و باس إيدها .. صباح الخير يا ماما و لـ شيرين .. صباح الخير يا شيري
غالية:: ببرود .. صباح الخير يا دكتور .. لسة فاكر تيجى تسأل ع أمك
شيرين:: بأبتسامة .. صباح الخير يا طارق .. اقعد افطر معانا
طارق:: لأ شكرا انا فطرت من بدري
شيرين:: خلاص هروح اقولهم يعملولك القهوة بتاعتك
طارق:: شكرا يا شيرى و لـ غالية مالك بس يا أمى
غالية:: مش عايز تقعد تفطر معايا يا طارق .. طبعا ما هى الست نغم مش هتسيبك تنزل تفطر مع أمك
طارق:: و بعدين يا أمى انتى ليه مش عايزة نغم و مش قادرة تقبليها و تحبيها زى ما أنا بحبها
غالية:: عشان مش من مستوانا يا طارق مش دى اللى اتمنهالك أبدا
طارق:: يا حبيبتى مافيش حاجة اسمها مش من مستوانا .. كلنا سواسية عند ربنا مافيش فرق .. ده غير انى بحبها و اتمنى انك تحبيها و تعوضيها عن أمها اللى مـ ـاتـ ـت و هى لسة صغيرة و اتحرمت منها
غالية:: مش هيحصل يا طارق .. مش ممكن يحصل ابدا
طارق:: حتى لو عرفتى أنها حامل فـ حفيدك
غالية:: بصدمة .. نععععم ؟! هى مين دى اللى حامل .. انا غالية السواح يبقى حفيدى من تربية الشوارع دى .. ده مش ممكن أبدا
طارق:: بوجع متدارى .. كنت عارف يا أمى انك هتقولى كدا .. عشان كدا قررت أنى هعيش انا و نغم فـ شقتى
غالية:: بنرفزة ..أنت بتقول ايه
طارق:: اللى سمعتيه يا أمى بعد اللى حصل أمبارح و أهانتك المستمرة لـ نغم ما ينفعش نرجع تاني هنا .. انا ما عنديش استعداد أعرض مراتى للأهانة تانى و أخسرها و أخسر أبنى اللى لسة جاى فـ السكة
غالية:: قصدك ايه يا دكتور بكلامك ده
طارق:: قصدى انى هطلع أخد هدومى و هدوم مراتى من فوق و أمشي و ما تخافيش هجيلك كل يوم أطمن عليكى بس مراتى لأ مش هتيجى هنا تانى .. و سابها فعلا و دخل الڤيلا عشان يلم هدومه
غالية:: بـ غـ ـضـ ـب .. أمشي يا طااااارق و سيب أمك أمششششي و روح للجربووووعة بتاعتك اشبع بيها خليها تنفعك
طارق:: نزل بعد شوية بالشنط بتاعته .. خليكى فاكرة انا حاولت يا أمى و كان نفسي أعيش انا و مراتى معاكى هنا و أنتى اللى تربي أبنى .. لكن انتى اللى أضطرتينى أعمل كدا و خلتينى أمشي و أسيبلك الڤيلا ..انا ماشي يا غالية سلام و سابها و مشي فعلا
غالية:: بغيظ بعد ما مشي طارق .. اااااه يا ناااااااارى اللى كنت خايفة منه حصل
شيرين:: مالك بس يا ماما كنتى خايفة من ايه و أيه اللى حصل
غالية:: الست هانم اللى اتجوزها طارق طلعت حامل و أبنى خايف عليها مني و هيعيش فـ شقته عشان ما يعرضهاش للأهانة.. بقى انا طلعت فـ الأخر اللى بهين الهانم تربية الشوارع .. ماااااشى يا طاااارق برااااحتك
شيرين:: قولتلك يا ماما ما صدقتنيش و النتيجة أهى .. بسبب عدم قبولك ليها و طريقتك معاها خليتى طارق مشي من الڤيلا
غالية:: بنرفزة .. أنتى هتجننيني يا شيرين ازاى يعنى اتعامل مع البنت دى مش قادرة أقبلها .. بنت سهتانة كدا و مش سهلة و لا أهلها دول شكلهم بيئة اوى مش ممكن يكون في ناس بالشكل ده
شيرين:: بهمس لـ نفسها الله يرحم أبوكى اللى ماكانش لاقى ياكل دلوقتي بتتنططى ع خلق الله .. و قالت يا ماما ياااحبيبتى هفضل لغاية أمتى اقولك أكسبى طارق
غالية:: بـ عـ ـصـ ـبية شيرييين خلااااص هو اللى أختار الجربوعة بتاعته اللى معرفش جابها من أنهى مـ ـصـ ـيبة و ساب أمه اللى بتحبه و تعبت و كبّرت لغاية ما بقى دكتور محترم كل الناس بتشاور عليه .. خلييييه يبعد و يمشي براحته مش هدور عليه تانى خلااااص
شيرين:: طيب و أبنه اللى جاى فـ السكة ده مش هتبقى عايزة تشوفيه و هو بيكبر قصاد عينيكي زى ولادى أنا و وليد
غالية:: بتكبر و جواها بتتمنى تشوفه .. لأ
شيرين:: بمكر .. يا ماما طب عينى فـ عينك كدا
غالية:: قولت لأ و بعدين انا أضمن منين أنه أبنه أصلا مش يمكن بلوة و البت دى لبستهاله
شيرين:: يا ماما انتى عارفة ان حاجة زى كدا مش هتعدي ع طارق يعنى أكيد الحمل ده منه و البيبى ده أبنه
غالية:: برضوا لأ لأ يعنى لأ
شيرين:: يا ماما أسمعينى بس كدا و فكرى فـ كلامى قبل ما تردى
غالية:: بزهق .. عايزة تقولى ايه
شيرين:: دلوقتي انتى مش عايزة طارق يبعد عنك و زعلانة انه مشي و دى مش اول مرة يعملها و المرة دى مش هيرجع تانى بسبب رفضك لـ للبنت اللى اتجوزها
غالية:: أخلصى يا شيرين لازمتها ايه المقدمة اللى تـ ـحـ ـرق الـ د م دى .. عايزة تقولى ايه من غير لف و دوران
شيرين:: بسرعة و من غير تفكير فـ رد فعل غالية .. عايزاكى تروحى لـ نغم ترجعيها هنا
غالية:: بعـ ـصـ ـبية .. انتى قووولتى ايه .. انننتى شكلك اتجننتي انا غالية السواح أروح للجربوعة دى
شيرين:: و مش بس كدا ده انتى كمان هتراضيها و تتحايلى عليها انها ترجع تعيش هنا
غالية:: ده مش ممكن يحصل أبدا انتى فاهمة
شيرين:: لأ يا ماما هيحصل لو عايزة فعلا طارق يرجع تانى هنا و تشوفى أبنه و تربيه بنفسك لازم تعملى كدا و لازم تقبلى نغم و تعامليها كويس عشان خاطر طارق مش حد تانى
غالية:: قامت و سابتها و هى طالعة أوضتها و أنا قولت لأ
شيرين:: لـ نفسها انتى حرة يا غالية هتخسرى كتير بعِندك ده .. انا عملت اللى عليا و هى براحتها بقى
_______________________
فـ شقة طارق
بعد كام يوم من غير أى أحداث طارق و نغم قاعدين بيتفرجوا ع التليفزيون شوية و قام
طارق:: حبيبتى انتى مش جعانة ؟؟
نغم:: تؤ مش جعانة
طارق:: بس انا بقى جعان و بصراحة مش بحب أكل لوحدى
نغم:: بس انا مش عايزة أكل يا طارق
طارق:: اممممم بس إياد و أسيل جعانين و قالولى يا بابى عايزين ناكل
و مامى بتستهبل و سيبانا من غير أكل طول اليوم
نغم:: برفعة حاجب و حاطة إيدها فـ وسطها .. يا سلام بقى هما قالولك مامى بتستهبل
طارق:: أيون حصل حتى اسأليهم كدا
نغم:: أكيد هسألهم بس لما يشرفوا ان شاء الله
طارق:: ان شاء الله يا روحي يشرفوا بالسلامة و انا هعملهم كل حاجة حلوة
نغم:: اسمها هنعملهم كل حاجة سوا .. ربنا يخليك ليا و ليهم يا حبيبى
طارق:: باس جبينها و يخليكى لـ قلبى يارب .. و تعالى بقى ندخل نعمل سوا أحلى عشا لـ أحلى نغم و إياد و أسيل
نغم:: بتمسك طارق من خدوده ياخواتى أحلى طارق ده و لا ايه
طارق:: بس يا بت اسكتى خدودى ورمت أروح الجامعة ازاى بكرة انا
نغم:: بتذمر .. الله احنا مش لسة فـ الاجازة هتروح ليه بقى
طارق:: الاجازة قربت تخلص يا كسلانة و لازم نستعد للسنة الجديدة و كمان انا بحب أحضر المنهج بتاعى و الكتب و الملازم بدرى
نغم:: اممممم قولتلى .. و بزهق بس انا زهقت يا طارق من وقت لما رجعنا من السفر ما نزلتش الشركة
طارق:: بصى بقى يا حبيبتى خلاص نزول الشركة تانى مش هتنزلى انتى دلوقتي مش محتاجة للشغل ده غير بقى القطاقيط اللى هيشرفونا و كمان كليتك و مذاكرتك يعنى كل ده هيشغل وقتك و مش هيبقى عندك فراغ و لا ملل
نغم:: بغيرة .. يا سلام ياخويا و اسيبك تروح الشركة لوحدك لـ الست وفاء المتدلعة دى لأ طبعا. مش هيحصل
طارق:: بمرح .. حبيبى الغيران ده يا ناس .. ماتخافيش ياقلبى انا قاعد معاكى مش رايح الشركة الا لو فى حاجة ضرورى و هاخدك معايا ايه رأيك
نغم:: بتتنطط زى الاطفال .. يس يس يس .. تعال بقى نعمل أحلى عشا
طارق:: بضحك حاسبى يا مجنونة كل التنطيط ده عشان قولت مش هروح الشركة من غيرك
نغم:: بدلع .. أعمل ايه بقى بحبك و بغير عليك من البت البايرة اللى هناك دى
طارق:: كم أعشق تلك النظرات الصامتة التى تشرق كالشمس من عينيكِ فتذوب ملامح وجهي بين ثنايا جفونكِ الغائرة أعشق فيكِ كل شيء عفويتكِ و غيرتكِ و قسوتكِ
و رقتكِ و بسمتكِ و صمتكِ و دمعتكِ حتى طريقة جلستكِ أعشقها … ااااااه يا قلبك يا طارق يا بنتى أرحمينى انا مش قدك قومى يلا ندخل المطبخ و لا أقولك بلاش عشا أحنا نحلى الأول و بعدين نتعشى و لسة بيقرب منها يشيلها عشان يدخلوا اوضتهم فجأة سمعوا جرس الباب
نغم:: بخضة .. انت مستني حد يا طارق؟!
طارق:: لأ يا حبيبتى مش مستنى حد
نغم:: بتوتر .. طيب تفتكر مين هيجيلنا دلوقتي
طارق:: مالك يا نغم مخضوضة ليه كدا ما اللى ييجى ييجى اهلا و سهلا
نغم:: خايفة يكون عمى و مراته انا عارفة انهم مش هيسيبونى فـ حالى
طارق:: يا حبيبتى ماتخافيش ماحدش فيهم هيقدر يقربلك طول ما انا عايش و لسة هيقوم يفتح الباب
نغم:: انت رايح فين خليك ما تقومش عشان خاطرى
طارق:: يا حبيبتى هفتح الباب و ارجعلك مش حلوة اننا نسيب اللى واقف ع الباب كدا مستنى
نغم:: حاضر بس انا هاجى معاك
طارق:: بأبتسامة .. خلاص يا روحى تعالى نفتح الباب سوا
و بالفعل راحوا يفتحوا الباب مع بعض
و أتفاجئوا بـ اللى ع الباب
نغم بقلمى✍️____________لبنى دراز
حياة:: ااااااااااااااه لااااااااااااااااااااااا ألحقوووووونى
نغم:: …………..؟؟؟؟؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نغم (وجع ودموع))
