رواية العشق الأبدي 2 (توأم روحي) الفصل التاسع عشر 19 بقلم لبنى دراز

رواية العشق الأبدي 2 (توأم روحي) البارت التاسع عشر

رواية العشق الأبدي 2 (توأم روحي) الجزء التاسع عشر

رواية العشق الأبدي 2 (توأم روحي) الحلقة التاسعة عشر

عندما يرخي الليل ستائر عتمته، تنطلق أبواق الذكرى في قلبي، تدق طبول الاشتياق، صوت يناجي من أقصى الوجدان، فرمان صادر من قلب محتار، يعلن عن اقتراب موعد استنزاف نبضاته، هل من طبيب يعلمنا أخباره.. هل من بلسم شاف لحاله.. هل من قاضي عادل يفتى بأحواله.. يحكم إن كنا لقلبه أحبابه، أم كنا مجرد عابر طيب في سبيله، أحتاجه قربي حد الموت وأكثر.
توأم روحي بقلمى✍️________لبنى دراز
جنوا_إيطاليا 🇮🇹
فـ مكتب أوليفر داخل الكازينو قاعد بيتابع من خلال الكاميرات كل حاجة بتحصل فـ الصالة و اللى بيحصل فـ المبنى المجاور لـ الكازينو و فجأة رن موبايله بيعلن عن مكالمة من أليساندرو
أوليفر:: تحت أمرك بوص
أليساندرو:: أندريا
أوليفر:: حاضر بوص هنخلص عليه الليلة
أليساندرو:: لأ، أنا عايزه حي
أوليفر:: ليه بوص
أليساندرو:: و هو قاعد ورا مكتبه فـ القصر بتاعه و بيتابع أندريا من خلال الكاميرات.. رجالتك خابت أوليفر، و الولد الريفي ده قدر يعلم عليهم
أوليفر:: برجاء.. فرصة أخيرة بوص من فضلك، الليلة هنبعت جـsـته لـ جيوفاني
أليساندرو:: بحزم.. أنتهى أوليفر، أنا سيبتك طول الفترة اللي فاتت و مقدرتش تخلص منه وهو كل ليلة يقضى ع رجالتك، الولد ده هيبقى له شأن عظيم و هيفيد المنظمة جدا، انا عايز أقابله بنفسي
أوليفر:: بغيظ .. بس
أليساندرو:: بغضب.. مافيش بس، أندريا يكون عندى الليلة، فاهم أوليفر
أوليفر:: أمرك بوص.. قفل المكالمة و بكل الغضب اللى جواه كسر كل حاجة ع المكتب و بيكلم نفسه.. أزااااى ازاااااااى، أليساندرو أكييييد اتجنن، أزاى يضم الحثالة ده للمنظمة، مستحيل أندي ع جـsـتى تقابل أليساندرو، أنا لازم أخلص منك الليلة و بنفسي
فـ صالة الكازينو
قاعد أندريا ع ترابيزته بيبص فـ ساعته و هو بيصفر و يغنى زى كل ليلة، قربت منه
سوزانا:: بابتسامة.. جبت لك مشروب أندي، اتفضل
أندريا:: برفض.. سوزانا، بيبي، قولت لك اندي مش بيشرب و هو بيشتغل
سوزانا:: بحزن.. كل يوم تكسفني كدا أندي!! سوزانا زعلانة منك كتير
أندريا:: سوزي بيبي، لو شربت مش هعرف أحميكي من أوليفر و رجالته
سوزانا:: بتذمر.. ليه بقى أندي، من فضلك أندي كاس واحد بس
أندريا:: لأ سوزانا، انا فـ شغل و باخد منك فلوس، يبقى لازم أكون مركز فـ شغلى، و بغمزة.. انا بشرب مع صديقتى بس، يلا روحى شوفى شغلك
سوزانا:: بغيظ.. سي سنيور أندي، اريفاديتشي، وقبل ما تتحرك رن فونها و ردت.. الو
مجهول:: …………..
سوزانا:: ملامح وشها اتغيرت و هى بتسمع كلام الطرف التانى و مش بترد
و بعدها قفلت الخط
أندريا:: لاحظ تغيير ملامحها اثناء المكالمة للخوف و الرعب اللى ظهر عليها بصورة واضحة.. مالك سوزانا؟ مين بيكلمك
سوزانا:: بخوف.. مش مهم مين بيكلمني أندي، المهم قال ايه
أندريا:: بيبص لها مستني تتكلم و شايف توترها و هى بتلف بعينيها فى المكان كله.. مالك سوزانا خايفة ليه؟ اللى كلمك قال لك ايه؟
سوزانا:: خايفة عليك أندي
اندريا:: بدهشة.. خايفة عليا انا!! ليه؟
سوزانا:: قربت اوى منه و بهمس.. المكالمة دى من قصر أليساندرو، و اللى كلمني قال انه بيراقبك و شكله كدا عايز يضمك للمنظمة أندي
أندريا:: بتصنع عدم الفهم.. منظمة!!؟
سوزانا:: ع نفس وضعها و بترتعش و بتوطى صوتها أكتر و هى بتتكلم.. مافيا أندي
أندريا:: بخضة مصطنعة.. مافيا!!!
سوزانا:: اششش وطى صوتك احسن يسمعوك، قوم معايا بسرعة يلا و هفهمك كل حاجة
اندريا:: أقوم معاكى فين سوزانا؟ احنا لسة جايين
سوزانا:: قوم بسرعة مافيش وقت، أدخل تانى حمام ع ايدك اليمين فيه باب سري يطلعك ع شارع تانى خالص غير ده، اطلع استنانى و بعد 10 دقايق هطلع وراك
أندريا:: باب سري ازاى مش فاهم
سوزانا:: بنفاذ صبر، اوووه، الحيطة أندي اللى جنب الحوض دوس عليها هتتفتح أخرج منها و دوس عليها تانى تتقفل، يلا بسرعة اندي
بالفعل قام دخل الحمام و عمل زى ما قالت سوزانا وخرج من الكازينو وبص فـ ساعته و اتكلم
أحمد:: نسر، سمعت اللى حصل؟
رائف:: بتنهيد .. أه سمعت، خد بالك من نفسك يا قناص
أحمد:: ماتقلقش، ركز انت فـ المطلوب منك، لا إله إلا الله
رائف:: سيدنا محمد رسول الله
________________________
مصر🇾🇪
فـ مستشفى الحلم
دخل فارس و معاه حلم مكتب أدهم و سألوه بخوف و قلق ع جاسر و صدمهم بكلامه
أدهم:: وهو بينقل نظره بين فارس و حلم لـ أكتر من خمس دقايق، بعدها أخد نفس قوى و خرجه بهدوء.. جاسر مدمن يا فارس
حلم:: قعدت بتوهان.. ايه؟ جاسر!؟ أبنى أنا؟! مدمن طب ازاى؟
فارس:: واقف مصدوم و عينه ع حلم اللى قاعدة بتكلم نفسها و جواه.. جاسر مستحيل يعمل حاجة زى كدا بـ إرادته أكيد فى حاجة غلط
أدهم:: مشفق عليهم من الصدمة، هو نفسه مش مستوعب الخبر ده، بص ليهم.. ممكن تهدوا شوية و تفوقوا و تسمعوني؟
فارس:: مازال واقف مكانه مصدوم رفع عينه لـ أدهم.. جاسر مدمن!!؟ طيب أزاى يا أدهم و هو مابيشربش حتى السيجارة، هيشرب مخدرات ازاى تقدر تفهمني
أدهم:: قرب من فارس مسكه من إيده قعده ع الكرسي .. يا حبيبى انا عارف انها صدمة كبيرة بالنسبالك و ليا انا كمان، بس لازم نفوق و نعرف ده حصل ازاى
حلم:: بدموع لـ أدهم.. نفوق!؟
أدهم:: أيوا تفوقوا يا حلم، ماينفعش التوهة اللى انتوا فيها دى
حلم:: بانهيار.. نفوق من ايه و لا اييييه يا أدهم، نفووووق من اييييه، أنا تععععبت، سنييييين مش عارفة أفوق، سنييييين مش عارفة انااااام من كتر الخوف، مش عارفة ميييين بيأذينى فـ ولااااااادى، و أخوك قاعد سااااااكت مابيعملش حاااجة غير انه يوعد وبسسسس، لكن فعل مافيش، ولاااااادى بيروحوا مني واحد ورا التاني و هو سااكت بيتفرج و بس
فارس:: بص لها بصدمة من اللى بتقوله.. أنا يا حلم!!؟ بتفرج و ساكت!! أنا!!؟
حلم:: زاد انهيارها.. أيوا أنت، سنييين و أنت مش عااااارف توصل للى بيعمل فينا كدا و بيهددنا بولادنا، و بغضب.. أنت انسان ضعيف يا فارس، ضعيييف مش عارف تحمي ولادي من اللى بيأذيهم، أنسان أناني كل همك شغلك و بس، لكن أنا و ولادنا أخر همك
فارس:: بغضب.. أنا مش هحاسبك ع الكلام ده دلوقتي عشان مقدر الحالة اللى انتى فيها، نطمن بس ع جاسر الاول و بعدين نتحاسب
أدهم:: بزعيق.. بسسسس، ممكن تهدوا انتوا الاتنين؟ ده مش وقت خناق و تصفية حسابات، اسمعوني بقى
حلم و فارس سكتوا و انتبهوا لـ أدهم يسمعوا هيقول ايه
أدهم:: رجع قعد ورا مكتبه و بيكمل كلامه.. بعد الكشف و التحاليل اللى اتعملت، واضح ان جاسر ليه كام شهر بياخد المخدرات عن طريق القهوة
فارس:: بانتباه لـ أدهم رغم وجعه من حلمه و ع أبنه حبيبه.. قصدك ان ممكن يكون حد قاصد يعمل فيه كدا؟
أدهم:: بحكمة و هدوء.. فارس انت لسة قايل انه مش بيشرب حتى السيجارة يبقى بالعقل كدا هيشرب مخدرات؟ أكيد فى حد قاصد ده
فارس قام وقف و خرج بسرعة من المكتب من غير و لا كلمة و خرج خالص من المستشفى ركب عربيته و راح ع الڤيلا، أدهم خرج وراه هو و حلم و حصلوه بسرعة، وصلوا التلاتة فـ نفس الوقت و دخلوا الڤيلا و راحوا اوضة المكتب، فتح فارس اللاب بتاعه يراجع الكاميرات كلها و بالتحديد اللى موجودة فـ المطبخ، كل حاجة طبيعية، بس شافوا عفاف و هى بتعمل قهوة من برطمان مختلف غير اللى بتعمل منه فاتن، واستغربوا من عملتها و سمعوا الكلام اللى دار بينها و بين فاتن
“داخل الفيديو”
فاتن:: اشمعنى يا بت يا عفاف بتعملى القهوة لـ جاسر بالذات من البرطمان ده؟
عفاف:: الله و انا مالى يا ست فاتن، ده سي الدكتور ياسين هو اللى إدانى البرطمان ده و قال لي أعمل منه لـ سي جاسر عشان مش عارفة فيه أبصر ايه كدا فيتامينات عشان تساعده فى التركيز ع المذاكرة عشان الامتحانات
فاتن:: طيب يا شملولة أخلصى و طلعى القهوة و انزلى بسرعة ما تركنيش فوق
“عودة للواقع”
فارس:: رفع راسه لـ أدهم بصدمة.. أنت سمعت اللى انا سمعته!!؟
أدهم:: سمعت يا فارس، بس مش ممكن ياسين يعمل كدا
حلم:: بانهيار.. مش ممكن ليه يا أدهم، اللى يحاول يعتدى ع حبيبته و يأذيها، يعمل أى حاجة فاااااااااهم أى حااااااااجة
فارس:: لـ حلم بعصبية و هو بيكمل مراجعة الكاميرات.. ممكن تسكتي بقى شوية، و فجأة شاف ياسين فـ المطبخ بيطلب من فاتن قهوة ليه هو وجاسر وشافه بيحط حاجة فـ القهوة و خرج
حلم:: شافت نفس الفيديو و بصت لـ فارس.. لسة عايزنى أسسسسكت بعد اللى سمعته و شووووفته، لسة عايزنى اسكت و أبن أختك سبب كل اللى بيحصل لـ ولادى يا فاااارس
فارس:: عصبية.. قولت لك أسكتي يا حلم، أسكتي، أنتى السبب، أنتى اللى دخلتى عفاف البيت قولت لك مش مرتاح لها، و أهو طلع ظني فيها فـ محله
حلم:: أيه اللى جاب سيرة عفاف دلوقتى، ولا أنت مش قادر تستوعب اللى شايفه قصاد عينيك و تصدق أن ياسين هو السبب فـ أدمان جاسر أبنك، و بترمي بلاك ع البت الغلبانة دي
أدهم:: بزعيق.. بسسسس، ايه جرالكم انتوا الاتنين، هتقفوا لبعض و تتخانقوا و تنسوا ان فى كارثة حصلت و لازم نفكر و نشوف هنعمل فيها ايه؟ أعقلوا شوية، انتوا مش صغيرين للهبل اللى بتعملوه ده، شوفوا أبنكم و عالجوه الاول و بعدين ابقوا ولعوا فـ بعض، اتفضلوا قدامى ع المستشفى نطمن ع الولد يلاااا
وفعلا خرجوا من الڤيلا كل واحد فيهم ركب عربيته و رجعوا المستشفى، اول ما وصلوا و هم داخلين شافوا ياسمين واقفة قصاد اوضة جاسر هى و آدم
حلم:: قربت منها بسرعة و بغضب العالم كله اللى جواها.. جاية لييه يا ياسميييين؟ جاية تتأكدى أن ولاد أخوكي خلااااااص اتدمروووووا بسبب أبنك، جاية تتأكدي ان جاااااسر خلاااااااااااص ضااااااع بسبب ياسيييييين، حراااام عليكم، مشوفتوش مني غير كل خير، ده جزائى تدمروا ولادى ليييييييه؟ توجعوا قلبي عليهم لييييييه؟ حسبي الله ونعم الوكيل فيكم
فارس:: وصل لقمة غضبه.. حلم اسكتي، قولت قبل كدا ياسمين مالهاش ذنب فـ غلط أبنها، و مش هاقبل أى كلمة وحشة فـ حقها مفهووووم
حلم:: مش هاسكت يا فارس، فاهم، مش هاسكت غير لما أجيب حق ولادى، و اذا كنت انت ساااااكت عشان أختك، انا مش هاسكت، فاااهم، و مش هسيبهم لا هى و لا أبنها، أنا هامحيهم من ع وش الأرض لو جاسر و حور جرالهم حاجة، وانت عارف انى اقدر اعمل كدا كويس، و بصت حواليها شافت طقم التمريض والدكاترة اتلموا ع صوتهم العالي..
بتتفرجوا على اييييييه؟ كل واحد يرجع ع شغله و اللى هيفتح بُقه يعتبر نفسه مرفوووود، يلااااااااا غورووووا من وشي
ياسمين:: واقفة دموعها نازلة و مش فاهمة حاجة و فاكرة ان ثورة حلم و غضبها بسبب حور لكن ليه جمعت جاسر معاها، و ايه الكلام اللى بتقوله ده
فارس:: لـ حلم.. حلللللللم كلمة زيادة فـ حق ياسمين هتبقي طالق، كله الا ياسمين، أختي، فاهمة؟
ياسمين:: بصدمة.. فارس!!!
حلم:: بصدمة.. طالق!!!؟
فارس:: و بالتلاتة يا حلم
حلم:: بوجع .. قدرت تنطقها يا فارس!! قلبك ولسانك طاوعوك تقولها؟
فارس:: غمض عينيه بوجع أكبر.. و أنفذها كمان يا حلم، طالما بتغلطي فـ أختي، انا ماعنديش أغـ……
أدهم:: قاطعه بسرعة.. أظن كفاية كدا بقى، انتوا اييييه مش حاسين بالمصيبة اللى انتوا فيها؟! من وقت ما عرفتوا و انتوا بتتخانقوا، ده بدل ما تقفوا جنب بعض عشان تساعدوا جاسر تعملوا كدا؟
ياسمين:: بدموع.. ماله جاسر يا فارس جراله ايه؟ طمني عليه
فارس:: بهدوء عكس الـnـار اللى جواه ضمها فـ حضنه و باس راسها.. أطمنى يا حبيبتى جاسر كويس، أنتي مين قال لك؟
حلم:: شافت فارس بيضم ياسمين لحضنه حست بوجع قلبها، سابتهم و دخلت اوضة جاسر من غير ولا كلمة
آدم:: بقلق و توتر من الموقف اللى بيزيد تعقيد.. من شادي يا خالو هو اللى اتصل بلغني، انا والله كنت جاى لوحدي، بس ماما سمعتني و انا برد ع شادي و بصيت لاقيتها بتقولي لازم أجى معاك اطمن ع أبن اخويا
فارس:: أطمنوا يا آدم جاسر هيبقى كويس ان شاء الله
ياسمين:: بقلق.. ايه الكلام اللى بتقوله حلم ده يا فارس، ياسين ماله بـ جاسر؟
فارس:: بتنهيدة وجع.. بعدين يا حبيبتى، روحي بيتك دلوقتى، و لما يجي الوقت المناسب هتعرفى كل حاجة.. و لـ آدم.. خد أمك و أمشي يا آدم و متخليهاش تتعب و تيجى تاني
أدهم:: بوجع و أشتياق.. عاملة ايه يا ياسمين، طمنيني عنك
ياسمين:: بجمود.. كويسة يا دكتور
أدهم:: سامحيني يا حبيبتى حقك عليا، غصب عنى انفعلت عليكي
ياسمين:: بابتسامة سخرية.. اسامحك!! ليه هو انت كنت دوست ع رجلى بالغلط؟ انسى يا دكتور بعد أذنك.. و بصت لـ فارس بحب .. ربنا يطمنك ع جاسر يا حبيبى، انا هاسمع كلامك و أمشي دلوقتى بس ما اوعدكش انى هابطل أجي اطمن عليه
فارس:: معلش يا ياسمين، أسمعى الكلام أرجوكي و بلاش تيجى تاني، عشان خاطري
ياسمين:: بقلة حيلة.. حاضر يا فارس مش هاجي تانى، بس هاطمن عليه كل يوم منك فـ الفون.. أتحركت خطوتين عشان تمشي بس وقفت ورجعت تاني لـ فارس.. سامح حلم يا فارس بلاش تهدم بيتك وقت غضب، صدقنى انا مش زعلانة منها و مقدرة حالتها، اللى مريتوا بيه الفترة اللي فاتت صعب ع أى أم وحلم مش أى أم، رغم انى مش فاهمة لغاية دلوقتى علاقة ياسين ايه بتعب جاسر بس عشان خاطرى سامحها و أحتويها زى عوايدك معانا كلنا
فارس هز دماغه بالموافقة من غير ما يتكلم، ياسمين و آدم مشيوا من المستشفى و فارس قعد مكانه قصاد اوضة أبنه بياخد نفسه بصعوبة و مش عارف يفكر، و مافيش قصاد عينيه غير صورة ياسين و هو بيحط برشام فـ القهوة و صوت عفاف و هى بتقول انه هو اللى أدالها البرطمان، غمض عينيه بوجع و دموعه نازلة بصمت ع كل حاجة و ع حلم عمره والحال اللى وصلوا له بعد العمر ده كله
__________________________
جنوا_إيطاليا 🇮🇹
فـ نفس الوقت
بعد خروج أحمد من الباب السري، كلم رائف عشان يتأكد انه سمع و شاف كل اللى حصل و نهى المكالمة لما شاف سوزانا خرجت هى كمان من نفس الباب بتجري عليه
سوزانا:: يلا بسرعة أندي، مافيش وقت لازم نبعد من هنا، قبل ما يكتشف اوليفر اننا هربنا
أندريا:: انا مش فاهم بس ليه نهرب سوزانا!؟ و من ايه؟
سوزانا:: كل ده و مش فاهم، بقولك أليساندرو عايز يضمك للمنظمة، عارف ده معناه ايه؟
أندريا:: رفع كتافه و مد شفايفه و هز دماغه يمين وشمال دليل على عدم معرفته معنى كلامها
سوزانا:: معناه انهم يوشموك بأسم ألسياندرو، معناه انك تبيع روحك ليه، يخليك تقـtـل، تسرق، تخـtـف، يخليك تعمل اى حاجة أندي و ممنوع تعترض و إلا يقـtـلوك
اندريا:: برفعة حاجب.. اممممم، فين المشكلة اني اقابله سوزانا، عادي.. و شرد جواه.. ده انا مستني المقابلة دي بفارغ صبر
سوزانا:: بعصبية ممزوجة بخوف.. انت مش شايف مشكلة أندي؟ أليساندرو و رجالته معروف عنهم الوحشية، معروفين بأكلين لحوم البشر، بيعملوا اى حاجة تخطر ع بالهم
و اللى ييجي ع مزاجهم ماحدش بيقدر يقف قصادهم، انت طيب أندريا و نقي أرجوك بلاش تقرب منهم
أندريا:: شاف نظرة الخوف فـ عينيها وبعدم فهم حقيقي.. ليه خايفة عليا اوى كدا سوزانا
سوزانا:: عشان بحبك أندي
أندريا:: بصدمة.. بتحبيني؟!
سوزانا:: أيوا أندي بحبك و خايفة عليك
أندريا:: بس انا عندي صديقة و بحبها سوزانا
سوزانا:: بحزن.. مش مهم أندي، المهم انك تبعد عن أليساندرو، ده أخطر راجل فـ المنظمة و اهم ضلع فيها، و مافيش حد قرب منه غير و دمره
أندريا:: بخبرته حس الصدق فـ نبرة صوتها و نظرة عينيها.. متخافيش سوزانا، انا اعرف أحمي نفسي كويس منه
سوزانا:: بتقرب منه عايزة تحضنه، بعد عنها بسرعة قبل ما تلمسه و باستغراب.. ليه مش عايزنى احضنك أندي!؟
أندريا:: قولت لك سوزانا انا بحب روڤى صديقتى و هى بس اللى بعمل معاها كل حاجة، سامحينى ماقدرش أخونها
سوزانا:: بابتسامة حزينة.. هنيئاً لها برجل مخلص مثلك أندي
أبتسم لها أحمد و جواه بيتمنى يسمع صوت حبيبته يطمنه انه هيقدر يعدى
الصعب و يكمل، و فجأة سمع صوت رائف فـ ودانه بيصرخ فيه.. فوق يا قناص بلاش تسرح و ركز، حياتك فـ خطر، أنتبه أحمد انه لسة واقف مكانه قرب الباب السري، بسرعة شد سوزانا من إيدها وطلعوا يجروا بعيد عن الكازينو لغاية ما قدروا يستخبوا فـ كوخ صغير وسط الحقول، و هو بيلف بعينه يتأكد ان مافيش حد وراهم شاف مبنى عالى جدا ع بُعد، و ركز نظره عليه فترة طويلة
سوزانا:: أنتبهت لـ نظرة عينه.. ده مبنى المنظمة أندي، رغم انه معروف لـ الكل لكن صعب جدا حد يخترقه
أندريا:: باستفهام.. ليه يعنى؟
سوزانا:: معمول له نظام حماية بالليزر، و شبابيكه كلها مصنوعة من أزاز ضد الرصاص، و أبوابه مصفحة، ده غير ان حواليه سور عالى و عليه حراسة خاصة لزعماء المنظمة التلاتة، يعنى مستحيل أختراقه بأى طريقة
أندريا:: ضيق بين عينيه و هو مركز نظره ع المبنى.. للدرجة دي سوزانا، شكلها منظمة خطيرة جدا
سوزانا:: جدا أندي، خطيرة جدا، لغاية النهاردة مافيش حد قدر يقرب من المبنى، واللى بيحاول يقرب بيـmـوت فـ الحال أندي
أندريا:: امممممم، بشرود و هو بيكلم نفسه بهمس.. أخيرا يا قناص وصلت لـ هدفك
سوزانا:: شايفاه بيحرك شفايفه و عينه مازالت ع المبنى بس مش سامعة بيقول ايه.. مالك اندي؟ بتفكر فـ ايه؟
اندريا:: بص لها لما انتبه لنفسه.. يعنى ممكن أدخل المبنى ده لو بقيت فـ المنظمة؟
سوزانا:: بشك.. انت شاغل بالك ليه بالمبنى أندريا؟
أندريا:: عادى سوزانا، تصميم المبنى عاجبنى مش اكتر، بفكر أروح اتصور جنبه، و فكرت لو مش كنت هربت من اليساندرو دلوقتي كنت قدرت اتصور جنب المبنى العملاق ده
سوزانا:: هو انت فاكر لو اشتغلت مع أليساندرو هتدخل المبنى ده؟
أندريا:: بعدم فهم مصطنع.. هو مش اى حد تبع المنظمة بيدخل المبنى؟
سوزانا:: أندي حبيبى، المبنى ده مش أى حد بيدخله حتى لو فـ المنظمة، المبنى ده بكل ما فيه ماحدش بيدخله غير 3 بس، أليساندرو، فرانك، كيفين،
زعماء المنظمة التلاتة
أندريا:: بنظرة شك.. أنتى عرفتى ازاى اسماء زعماء المنظمة
سوزانا:: بثقة.. أنا مش بس أعرف اسماؤهم انا كمان أعرف كل حاجة عنهم و أعرف كل ركن و كل زاوية فـ المبنى ده فيها ايه أندي
أندريا:: عرفتى ازاى سوزانا؟
سوزانا:: بدموع.. بابا كان الضلع الرابع أندي، و كان بيحكي لي كل حاجة عنهم، قـtـلوه عشان رفض إني أدخل المنظمة، كان خايف عليا منهم بعد ما اتقـtـلت ماما قصاد عينيه من الشرطة و معرفش ينقذها
أندريا:: باستغراب.. نعم!!؟ ايه الكلام ده؟ باباكى كان الضلع الرابع؟ طب جيوفاني ده يبقى مين؟ انا مابقيتش فاهم حاجة سوزانا
سوزانا:: بتوضيح.. أندي حبيبى، بابا اسمه ليوناردو و كان واحد من اهم رجال المنظمة، حب ماما و اتجوزها و بعد ما خلفونى بخمس سنين ماما ماتت بسبب شغلهم، وقتها سافرنا ألمانيا و سابنى هناك بأمانة صديقه ألبرت عشان يحمينى منهم و رجع إيطالي تاني بلغهم انى مُت ، من سنتين عرفوا بوجودى وانى لسة عايشة طلبوا منه اشتغل معاهم، ليو رفض، اقنعوه بانهم صرفوا نظر عن طلبهم و بعد فترة أليساندرو بعت رجالته وقـtـلوه جوة ڤيلته وصلوا له جوة اوضته بكل سهولة أندي، رجعت من ألمانيا أنا و ألبرت و دخلت وسطهم عشان انتقم لـ بابا منهم
أندريا:: تفتكري أنهم مش عارفين انك بنت ليوناردو؟
سوزانا:: نو، مش عارفين، هما فاكرين انى بنت جيوفاني الفقير اللى جاى من مقاطعة تانية يدور ع شغل هو و بنته عشان يعرفوا يعيشوا و قدرت بعد محاولات كتير انى اشتغل فـ الكازينو عشان اقرب منهم أكتر و أقدر أنفذ اللى بفكر فيه
أندريا:: طيب فين ألبرت سابك ليه وسطهم
سوزانا:: أندريا حبيبى، جيوفاني هو ألبرت، دايما حواليا بيحمينى و بيساعدنى
أندريا:: بيسمعها بتركيز شديد و بيفكر فـ كل كلمة بتقولها و بيحاول يطلع منها بأى معلومة تفيده من غير ما تشك فيه، و بسخرية.. وتفتكري بقى انك هتقدري تنتقمي منهم بعد كل اللى قولتيه ده؟
سوزانا:: بجدية.. لو ساعدتنى أندي هاقدر
أندريا:: بصدمة مصطنعة.. أنا!!؟ اساعدك!!؟
سوزانا:: أيوا انت أندي، انت الوحيد اللي قدرت تقف قصاد أوليفر و رجالته، و أليساندرو قرر يضمك للمنظمة لما شاف قوتك، عشان كدا هربتك قبل ما يبعتلك
أندريا:: أهااا، يعنى هربتيني عشان اساعدك تنتقمى مش عشان بتحبينى و خايفة عليا
سوزانا:: قربت منه و مسكت إيده.. صدقني أندريا انا الأول فكرت انك تساعدني لما شوفتك عملت ايه فـ أوليفر و رجالته، بعد كدا لاقيتني حبيتك أندي، حبيتك جدا لدرجة انى خوفت عليك لما جالى الاتصال من القصر وهربتك منهم، و الباقى انت عارفه، أرجوك اندريا ساعدنى أخد حق بابا من زعماء المنظمة
اندريا:: بخوف مصطنع.. لأ، مستحيل سوزانا ماقدرش
سوزانا:: من فضلك أندي ساعدني، أرجوك
اندريا:: بنظرة مكر و كأنه هيبعد و يمشي.. لالالالا، مش ممكن سوزانا، انا يادوب أشتغل بودى جارد زى كدا او ادخل فـ خناقة مقابل كام يورو، لكن اساعدك تنتقمى من زعماء المنظمة، لالالالا مستحيل مستحيل، انا ماشي سوزانا و مش هتشوفينى تانى، أريفاديتشي سوزانا
سوزانا:: بدموع.. من فضلك أندي ماتسبنيش، أرجوك دى أخر مرة هاطلب منك حاجة
اندريا:: لأ سوزانا دى فيها روحي، ممكن يقـtـلوني، اسكوزا، أنا اسف
سوزانا:: اوعدك أندريا مش يقدروا يعملوا حاجة لو ساعدتنى
أندريا:: وقف و رجع ليها تانى كأنها صعبت عليه.. خلاص سوزانا ماتعيطيش، و قولى لي عايزانى اساعدك ازاى؟
سوزانا:: ندخل المبنى و نخترق نظام الحماية اللي فيه و ندمره، وقتها هيبقوا مكشوفين و نقدر نقـtـلهم التلاتة مرة واحدة
أندريا:: بتمثيل الخوف .. ايه؟ مستحيل، نو نو نو، لو كشفونا هيخلصوا علينا، مستحيل ادخل المبنى سوزانا
سوزانا:: ماتخافش اندريا انا أعرف أزاى أخليك تدخل المبنى، انت مش كان نفسك تتصور فيه؟
أندريا:: مازال ع وضعه يتصنع الخوف.. خلاص سيبينى أفكر سوزانا، و يلا بقى نمشي من هنا، قبل ما يلاقونا لانهم أكيد اكتشفوا هروبنا من الكازينو
وفعلا مشيوا من الكوخ بعد شوية وقت و راحوا اوتيل ع اطراف المدينة يستخبوا فيه كام يوم عشان يبعدوا عن رجالة أليساندرو، بعد دخول سوزانا اوضتها و اتأكد أحمد من نومها رجع الاوتيل اللى قاعد فيه و طلب من رائف يبلغ الجهاز بأخر التطورات و يبلغهم بطلب سوزانا، و بعد كام ساعة جاله الرد بالموافقة بس مايكونش لوحده لكنه رفض و صمم انه هيدخل المبنى لوحده زى ما كان متفق معاهم مع تغيير فـ الخطة اللى متفقين عليها
“فلاش باك”
أحمد:: وهو بيعرض صور افراد المنظمة و صور المبنى.. انا هدخل المبنى لوحدي و انتوا هتفضلوا بعيد مش هتقربوا للمبنى مهما كانت النتيجة
رائف:: بغيظ.. يعنى ايه الكلام ده بقى ان شاء الله ؟
أحمد:: يعنى مش مطلوب منكم غير تأمين دخولى المبنى و بس، و تفضلوا فـ الهليكوبتر ع مسافة قريبة وقت ما ابعتلكم اشارة تقربوا، اكتر من كدا مش مطلوب منكم
رائف:: بعصبية.. اللى بتقوله ده جنان يا احمد
أحمد:: بهدوء .. فين الجنان اللى قولته فـ كلامى يا سيادة الرائد
رائف:: بعصبية أكتر و خوف .. أنك تدخل وسط الناس دى لوحدك يا أحمد، ده الجنان بعينه، و انا مش هاسمح لك تعمل كدا
أحمد:: وقف بغضب.. رااااائف انا هنا اللى أسمح او ماسمحش فاهم، أنا ماعنديش استعداد اعرض حد منكم للخطر، فى ارواح ناس متعلقة فـ رقبتنا، لازم نجيب الميكروفيلم بأسرع وقت، عشان كدا هدخل لوحدي مفهوم
“عودة للوقت الحالى”
رجع أحمد الاوتيل اللى فيه سوزانا و اتأكد انها لسة نايمة و انها ماحستش بخروجه او رجوعه، قعد ع السرير يفكر فـ روڤان لغاية ما غلبه النوم و هو قاعد مكانه
__________________________
فـ مصر🇾🇪
فـ المستشفى
دخلت حلم اوضة جاسر شافته نايم بسبب المهدئات اللي أدهم بيديهاله، قعدت جنبه و دموعها نازلة بتمسح بإيدها ع شعره و بتقرب تبوس خده و هى بتكلمه.. فوق عشان خاطري يا جاسر بلاش توجع قلبي عليك، بتعمل فـ نفسك كدا ليه بس يابنى، انا عارفة انه غصب عنك بس وغلاوتك يا حبيبى مش هاسكت و هجيب لك حقك من اللى عمل فيك كدا
أدهم:: دخل عشان يطمن ع جاسر و سمعها.. هوني ع نفسك يا حلم عشان تقدرى تعدي بـ جاسر من الفترة دي
حلم:: و هى ع نفس وضعها و بدموع مغرقة وشها.. ولادى بيضيعوا مني يا أدهم، شقى عمري بيروح مني قصاد عينى و انا واقفة عاجزة، اول مرة ابقى واقفة متكتفة مش عارفة أعمل حاجة، ولادى الأربعة يا أدهم، أحمد بقاله أكتر من شهر ماعرفش عنه حاجة و قلبي مقبوض و خايفة، حور و اللى حصل لها من ياسين، جاسر نايم قصادك لا حول ليه و لا قوة وبرضو بسبب ياسين، و تسنيم اللى عايشة تايهة مش قادرة تفتكر اى حاجة رغم ان كلنا حواليها لكن حاسة انها غريبة فـ وسط أهلها، آااااااااااااااه، قلبي واجعنى اوى يا أدهم.. غمضت عينيها و اترددت فـ ودانها كلمت فارس.. تبقى طالق.. بصت لـ أدهم فارس قلبه طاوعه يحلف بالطلاق يا أدهم، قدر ينطقها و يكررها، قد كدا انا ولا حاجة بالنسبة له، هونت عليه اوى كدا
فارس:: كان واقف ع باب الاوضة و سامعها و جواه.. عمرك ما هونتي يا حلم عمري كله، غصب عنى انفعلت، انتى السبب اللى وصلتينى لـ كدا أنا عمري ماكنت ضعيف ولا انانى، عارف و مقدر وجعك وخوفك ع ولادنا، بس انا كمان أب و بموووت من الخوف عليهم زيك و أكتر، سامحينى يا عمري انا ماعرفش ازاى قلبي خذلنى ولسانى طاوعنى و نطقتها
أدهم:: لمح فارس واقف ع الباب و شاف نظرة عينيه رايحة فين و بإشفاق عليهم الاتنين.. أدخل يا فارس واقف بعيد كدا ليه؟
فارس:: قرب كام خطوة و حاسس انه مربوط بسلاسل فـ الارض مش قادر يرفع رجله و بصوت ضعيف.. طمني ع جاسر يا أدهم أرجوك
أدهم:: جاسر هيبقى كويس يا حبيبى ان شاء الله، هو دلوقتى نايم بسبب المهدئات اللي فـ المحلول، ماتقلقش فترة و هتعدي، المهم اننا ننقله مصحة لعلاج الإدمان بسرعة عشان يتعالج صح
حلم:: بعصبية.. أبنى مش هيتنقل من هنا يا أدهم
فارس:: بنفس العصبية.. يعنى ايه أبنى مش هيتنقل من هنا؟ انتى مدركة انتى بتقولي ايه؟
أدهم:: بنفاذ صبر منهم.. الكلام مايبقاش كدا و لا هنا، اتفضلوا انتوا الاتنين قدامى ع المكتب
وخرجوا فعلا من عند جاسر راحوا مكتب حلم، قعدوا الاتنين غضبانين
أدهم:: واقف بينهم وبص لـ حلم بهدوء.. مش عايزة ليه أبنك يروح مصحة يا حلم؟ انتى مش عايزاه يتعالج من اللى هو فيه و يرجع لك بسرعة؟
حلم:: بوجع.. مين قال لك يا أدهم أنى مش عايزاه يتعالج، انا بموت و انا شايفاه بالمنظر ده، لكن مايروحش مصحة إدمان و مستقبله يضيع لو اتعرف انه كان مدمن
فارس:: بزعيق.. أنتى اتجننتى؟ مش عايزاه يروح المصحة و عايزاه يتعالج طب ازاى
حلم:: وقفت قصاده و بعناد و هى بتشاور ع مكتبها و اوضتها الخاصة.. جاسر هيتعالج هنا فـ المكتب ده و جوة الاوضة دي و لو حكمت هجيب له أكبر دكاترة فـ العالم كله و اعالجه من اللى هو فيه، و بغضب من بين أسنانها.. بس مش هيخرج من هنا
فارس لسة هيتكلم شاور له أخوه يسكت
أدهم:: بجدية.. استنى يا فارس .. و لـ حلم.. خلاص اللى انتى عايزاه يا حلم هنفذه، قولى عايزة ايه و انا هعمل اللى هتقولى عليه
حلم:: جاسر هيتنقل فـ اوضتى هنا و انا هقعد معاه مش هسيبه
أدهم:: بهدوء.. تمام يا حلم، بس الاوضة لازم تتأمن كويس مايبقاش فيها اى حاجة ممكن يأذى نفسه بيها
حلم:: من الناحية دى أطمن الأوضة ما فيهاش غير سرير بس و كمود و شباكها عالى و عليه حديد و حتى الحمام مافيش فيه غير مراية ممكن تتشال
أدهم:: كويس اوى كدا و من حسن حظ جاسر ان الموضوع ما طولش معاه
فارس:: باستغراب.. كام شهر يا أدهم و تقول ما طولش؟!
أدهم:: قرب من فارس و حط أيده ع كتفه.. أيوا يا فارس ماطولش فى ناس بتقعد سنين تاخد المخدرات و متعرفش تبطلها وعشان تتعالج منها بتتعذب لغاية ما جسمهم ينضف منها، لكن جاسر لسة فـ الاول و سهل جدا اننا نلحقه، هو هيتعب شوية بس هيخف بسرعة ما تقلقش
حلم:: لـ أدهم .. أبعت هات دكاترة متخصصين فـ حالته من برة و مافيش مخلوق يعرف حاجة عن الموضوع ده
أدهم:: بتأكيد.. ما تقلقيش يا حلم، كل اللى انتى عايزاه هعمله و اكتر كمان، بس ياريت تخليكى طبيعية و ترجعى بيتك و اى حد يسألكم عن جاسر انتوا الاتنين تقولوا انه سافر برة يتفسح و يغير جو كام يوم و يرجع
فارس:: بتنهيدة وجع.. اللى تشوفه صح أعمله يا أدهم.. قال كلمته و خرج من المكتب راح يطمن ع جاسر و هو جواه كل وجع الدنيا اللى كسر قلبه و دغدغ روحه و زاده فوق عمره عمرين من كم الهموم اللى شايلها
حلم:: قعدت بتعب و بتتكلم بصعوبة يادوب صوتها مسموع لـ أدهم.. أخرج أعمل اتصالاتك يا أدهم حالا و ابتدي العلاج بسرعة أرجوك
أدهم:: ماتقلقيش حالا هاعمل اتصالاتى، بس انتى اتفضلى روحى أرتاحى، انتى من امبارح و انتى كدا
حلم:: بتهز دماغها يمين وشمال.. مش هاسيب أبنى يا أدهم غير لما أطمن عليه، اتفضل انت شوف شغلك
سابها أدهم و خرج يتصل بأفضل دكاترة متخصصين فى علاج الأدمان و هى حطت دراعتها ع المكتب وحطت راسها عليهم و بتبكى بحرقة ع ولادها و اللى بيجرالهم و مش عارفة مين اللى بيعمل فيها و فيهم كدا، و ع فارس قلبها عشقها الأبدي اللى قدر ينطق اصعب كلمة ممكن تسمعها فـ حياتها، أخر حاجة كانت تتوقعها انه يقولها
_________________________
جنوا_إيطاليا 🇮🇹
فـ اوضة سوزانا
بعد مرور كام يوم فضل أحمد مستخبى مع سوزانا فى الاوتيل كأنه بيفكر يساعدها ولا لأ، و كمان يتأكد ان مافيش حد وراهم من رجالة أليساندرو و أوليفر، بعدها بلغ سوزانا انه وافق يساعدها مقابل عشرة مليون يورو، وافقت سوزانا وابتدت تشرح له المبنى من جوة شكله ايه و تعرّفه طرق الدخول جوة ازاى و امتى يدخل
سوزانا:: بجدية.. شوف أندي موجود تحت المبنى دور كامل فيه ممر طويل بيوصل أخره ع شاطئ ستورلا، و الممر فيه فتحات تهوية و إضاءة خفيفة، يعنى تقدر تمشي فيه لغاية ما تدخل المبنى، بس فى مشكلة واحدة
أحمد:: بتوتر مصطنع.. مشكلة ايه سوزانا!!
سوزانا:: أندي حبيبى عشان تقدر تدخل من الممر لازم تخلص من الحرس اللى واقفين ع فاتحة الممر من ع الشاطئ، و بعدها تحاول تتخطى شبكة الليزر
أحمد:: بتفكير و هو بيتصنع القلق .. اممممم، سوزانا بيبى، انا أقدر اتخلص من الحرس بسهولة بس أزاى أقدر اتخطى شبكة الليزر كل المسافة دى، ده مستحيل، انا كدا ميت بالتأكيد
سوزانا:: نو اندي، شبكة الليزر بتشتغل مسافة صغيرة جدا قرب فاتحة الممر بس و طول المسافة مافيش ليزر لغاية ما توصل الدور اللى تحت المبنى
أحمد:: طب و الكاميرات سوزانا، أكيد الممر فيه كاميرات
سوزانا:: أكيد أندريا، بس أنا اعرف أماكنها و اقدر اقول لك ازاى تفصلها
احمد:: باندهاش.. أنتى عرفتى المعلومات دى ازاى سوزانا
سوزانا:: بابا أندي كان بيحكي لي كل حاجة عن المبنى ده، ليو هو اللى عمل كل ركن جوة المبنى بإيديه أندريا من الممر لغاية السطح، حتى الغرفة السرية
احمد:: باستفسار أكتر و هو بيبص فـ ساعته و ايده ع ودنه.. ايه حكاية الغرفة السرية دي سوزانا
سوزانا:: لاحظت انه كل شوية يبص فـ الساعة و يحط ايده ع ودنه.. ليه كل شوية تشوف ساعة أندريا و تحط ايدك فـ ودنك
أحمد:: بتصنع الخوف.. حالة بتيجى لي لما بخاف سوزانا وانا دلوقتى مرعوب، بس اعمل ايه وعدتك اساعدك
سوزانا:: بامتنان.. جراتسي أندي، شكرا كتير انك وافقت تساعدني أجيب حق ليو وانتقم من اليساندرو و باقى الزعماء
أحمد:: اوووه، بيبى انا وافقت اساعدك مقابل الفلوس، ده لو خرجت حي سوزى
سوزانا:: أسمع كلامي أندي و اوعدك تخرج حي و تاخد الفلوس، و بحزن .. تتجوز حبيبتك و تنسى سوزانا
أحمد:: مش ممكن انساكي سوزانا
سوزانا:: بسعادة.. بجد اندريا، يعنى انت حبيت سوزانا أندي
أحمد:: اتهرب و غير الكلام.. شوفتى بقى سوزانا مش قولتي ايه حكاية الغرفة السرية دي، قولى بسرعة بقى عشان ننفذ الخطة ع طول
سوزانا:: الغرفة دي موجودة فـ الدور العاشر اندي بابها الوحيد اللي بيتفتح ببصمة عين الأربع زعماء و تواريخ ميلادهم
أحمد:: بتركيز و هو بيبص فـ ساعته.. فيها ايه الغرفة دي سوزى
سوزانا:: دى بيكون فيها كل الملفات و الاوراق الخاصة بشغل المنظمة اللى مافيش حد يعرفه غير الزعماء بس
أحمد:: باهتمام .. و دى أدخلها ازاى سوزانا
سوزانا:: هديلك شفرة فيها بصمة عين بابا و تاريخ ميلادى انا هيتفتح الباب
و تدخل الغرفة
أحمد:: تمام
و بعد ساعتين شرحت فيهم سوزانا كل حاجة عن المبنى، طلب منها أحمد انه يدخل اوضته ينام شوية قبل ما ينزلوا عشان يروحوا المبنى و بالفعل وافقت و اتفقوا انهم يتقابلوا بعد خمس ساعات و ده بالتحديد الوقت اللى بيكون موجود فيه اليساندرو و فرانك و كيفين داخل المبنى، سابها فعلا احمد و رجع اوضته يجهز نفسه و يحضر شنطته و يراجع مع رائف خطة تأمينه و يتأكد ان السماعة اللى فـ ودنه و المايك اللى فى ساعة مظبوطين، فتح اللاب بتاعه ع إيميل روڤان بعت لها فويس يطمنها و يطلب منها تدعي له و استنى لما ردت عليه بـ فويس سمع صوتها و دعواتها، نام ساعتين و قام اتوضى و صلى ركعتين لله و دعى ربنا كتير، خرج راح لـ سوزانا و ابتدوا يتحركوا ناحية شاطئ ستورلا عشان ينفذ المهمة، فـ نفس الوقت رائف عمل اتصالاته و بالاتفاق مع جهاز المخابرات الإيطالية و تم تجهيز طيارة هليكوبتر ع مسافة قريبة من المبنى فـ انتظار اشارة أحمد فـ أى وقت.
عند أحمد
وصل هو و سوزانا ع الشاطئ و قربوا من فتحة الممر و شاف اتنين حراس واقفين ع المدخل و شاور لـ سوزانا ترجع لكنها رفضت
أحمد:: همس بعصبية.. أرجعى سوزانا من فضلك خلينى أعرف أنفذ المطلوب
سوزانا:: نو اندي، هدخل معاك المبنى
أحمد:: نو سوزانا، و لو مصممة يبقى اتفضلى أدخلى لوحدك و أنا ارجع
سوزانا::بغيظ.. يعنى ايه أندي؟
أحمد:: يعنى أدخل لوحدى او أرجع، قولتى ايه؟
سوزانا:: خلاص أندريا اتفضل ادخل لوحدك و انا هبعد بس حاول مش تتأخر
احمد:: سابها و مشي قرب من فتحة الممر و كانت عبارة عن فتحة داخل جبل شكل المغارة، استخبي ورا صخرة عالية قريبة جدا من المدخل و نده ع اول حارس.. بس بس
الحارس قرب من مصدر الصوت شاف أحمد فـ وشه و بحركة سريعة كان لف رقبته بطريقة معينة وقعه ميت فـ الحال و قرب من الحارس التانى بحذر عمل نفس الحركة وقعه ميت هو كمان، و قرب من المدخل وقف قصاده ثوانى يفكر ازاى يتخطى شبكة الليزر و فـ اقل من ثانية هداه تفكيره يرسل إشارة لـ رائف يشغل ميوزك فـ ودنه يرقص عليها مع الليزر علشان يقدر يتخطاه و بالفعل ابتدى يرقص ع الموسيقي و يعمل حركات بهلوانية مرة ينط من فوق خط الليزر و مرة يعدي من تحته و مرة يزحف ع بطنه و فضل يرقص حوالى عشر دقايق لغاية ما قدر يتخطى فعلا الليزر و بعدها طلع جهاز صغير من جيبه شوشر بيه ع الكاميرات عشان يقدر يتحرك بحرية، وصل فعلا لنهاية الممر فـ وقت قياسي و شاف شبكة الليزر، بعت إشارة تانية لـ رائف يشغل نفس الميوزك و عمل نفس الحركات مع الليزر و تخطاه و نجح انه يدخل المبنى و طلع لغاية الدور العاشر بهدوء و خفة و سرعة من غير ما حد يحس بيه، و كل دور يطلعه يحط فيه قـnـبلة متبرمجة على وقت معين، لكنه اتفاجئ بوجود عدد كبير من الحرس واقفين قصاد الدور العاشر، ابتدى يفكر أزاى يشتتهم بسرعة، وقف ورا عامود عريض فـ نص الدور طلع سـ ـلا حه و حط فيه كاتم صوت أخد نفس قوى وخرجه بهدوء و طلع حاجة صغيرة من جيبه حدفها جنب حد من الحرس عشان يصطاده و لما قرب منه ضربه طلقة فـ دماغه وقعه و كرر نفس الحركة و قدر انه يقتل أربع حراس من اللى واقفين و اتحرك من مكانه بخفة لمكان تانى فـ نفس الدور داخل أوضة قريبة من الغرفة السرية، و لكن دائما تأتى الرياح بما لا تشتهى السفن، قبل ما يوصل للغرفة سمع صوت خطوات بتقرب منه و فجأة ظهر قصاده واحد من الحرس و طلع سـ ـلاح يضرب أحمد، فـ اقل من الثانية كان أحمد نط عليه غرس خنجر صغير فـ رقبته وقعه، فـ نفس اللحظة حس بيه أكتر من حارس و ابتدى يواجه الحرس و يستخدم 2 مسدس مرة واحدة لما رجالة أليساندرو شافوه و ضربوا عليه nـار، حاول يتفادى الرsـاص بكل الطرق، لغاية ما قدر يخلص على مجموعة كبيرة من الحرس، و أخيرا وصل الغرفة السرية و استخدم الشفرة اللى أدتهاله سوزانا و فتح الباب و دخل الغرفة شاف فيها بابين قصاد بعض و بينهم مكتب كبير عليه جهاز كمبيوتر و ع الحيط وراه خزنة صغيرة بأرقام سرية، قرب بسرعة من المكتب و طلع من شنطته جهاز صغير يشفر بيه أرقام الخزنة و نجح انه يفتحها و أخد الاوراق و الميكروفيلم اللى جواها، قرب من الكمبيوتر و فـ ثوانى معدودة فتح الجهاز و حط فيه فلاشة و دخل ع فولدر مكتوب عليه سري للغاية، فتح الفولدر و قبل ما يحمل الملفات اللى عليه، فجأة عينيه برقت و ايده وقفت و حس برعشة بتسري فـ جسمه بسبب الصدمة من اللى شافه
__________________________
فـ مصر 🇾🇪
فـ فيلا فارس
بعد مرور الكام يوم دول فـ نفس وقت تنفيذ مهمة أحمد، رجعت حلم الڤيلا بعد ما نقلت جاسر اوضتها الخاصة فـ مكتبها و اتأكدت من وصول الدكاترة اللي هتتابع حالته و سابت معاهم أدهم، و بلغت الكل انه فعلا سافر يغير جو، عفاف رجعت من الاجازة و كأن مافيش حاجة حصلت، الوضع كان طبيعي جدا فـ الڤيلا باستثناء حلم وفارس كل واحد فيهم قاعد فـ اوضة لوحده، حتى حور بقت قاعدة ع طول فـ اوضتها مابتخرجش منها بعد اللى حصل معاها غير قليل جدا تنزل الجنينة شوية و تطلع
فـ اوضة تسنيم
كانت واقفة فـ التراس بعد المغرب بشوية بتحاول تفتكر اى حاجة عن حياتها قبل الحادثة و شايفة حور قاعدة فـ الجنينة لوحدها، رن فونها بأسم يزن و ردت
تسنيم:: بابتسامة.. الو، يزن ازيك
يزن:: أحلى الو دى ولا ايه، وحشتينى
تسنيم:: بخجل.. و بعدين معاك بقى
يزن:: عاملة ايه يا توتة
تسنيم:: بحزن.. تايهة يا يزن، مش قادرة افتكر اى حاجة، خايفة أفوق و افتكر، أكتشف انى مش بنت فارس و حلم بعد ماشوفت فـ عيونهم حب حقيقى و فرحة و خوف عليا خايفة افقد كل ده، و فـ نفس الوقت عايزة أفتكر انا مين، حياتى قبل الحادثة كان شكلها ايه، مش قادرة يا يزن
يزن:: بحب.. تسنيم حبيبتى، لازم تكونى واثقة من جواكى ان فارس و حلم دول أهلك اللى بيحبوكى حتى لو مارجعتلكيش الذاكرة، و صدقينى كل حاجة مع الوقت هتتحل
تسنيم:: تعرف رغم كل همومهم و مشاكل شغلهم بس مش مقصرين معايا فـ حاجة حتى حور و جاسر مش مقصرين معاهم برضو، بيهتموا بكل تفصيلة فـ حياتنا، بفخر.. فارس و حلم دول حاجة كبيرة أوى، انا بتمنى أخف و افتكر كل حاجة عشان أقدر أعوضهم عن الفترة الصعبة دى
يزن:: أن شاء الله يا حبيبتى هتفتكري كل حاجة و ساعتها هاخـtـفك منهم و نعوضهم سوا عن تعبهم ده
تسنيم:: لاحظت حركة سريعة ورا الشجر بس مش شايفة حد و بتركز اوى لدرجة انها مسمعتش يزن بيقول ايه
يزن:: لاقها اتأخرت فـ الرد.. ألو، تسنيم انتى معايا؟ مش بتردى ليه؟
تسنيم:: لسة هترد ع يزن شافت حد لابس قناع و بيكتم نفس حور بمنديل و بصريخ.. حوووووووور حوووووووور .. و خرجت جري من اوضتها و هى بتصرخ و تنادى ع حور
حلم:: قاعدة فـ اوضة المكتب بتراجع شوية اوراق خاصة بشغلها و خرجت جري لما سمعت صوت تسنيم و بخضة.. فى ايه؟ حور مالها يا تسنيم؟ انطقى
تسنيم:: بانهيار.. حـ حـ حور اتخـtـفت يا ماما، فى حد كتم نفسها و شالها جري بيها برة الڤيلا
حلم:: بصريخ.. حوووووووور بننتتييييي و خرجت جري ع الجنينة و هى بتصرخ بأسم حور و تنادى ع الحرس و تشتم فيهم و هى منهارة و مش عارفة تعمل ايه
فاتن:: خرجت جري منهارة هى كمان و بتصرخ بأسم حور و فجأة شافت تسنيم بتقع من طولها و صرخت.. تسنيييييييييم اسم الله عليكي يا بنتى
حلم:: جريت ع بنتها بخوف بتحاول تفوقها و مش عارفة.. تسنيم فوووقى يا حبيبتى عشان خاطري ماتوجعيش قلبى و بانهيار أكبر و هى بين نارين ياااااااااااااااارب، بناااااااااتى.. وصرخت فـ فاتن بسرررررعة اندهى عفاف تجيب ماية و اتصلى بأدهم اتحررررررركى
فاتن:: بخوف .. عفاف مش جوة من بدرى و ماعرفش راحت فين
حلم:: واقفة مش عارفة تعمل ايه و بتصرخ بأسم بناتها و هى لوحدها فارس مش موجود
بعد ساعة وصل بدر بعد ما حد من الحرس بلغه اللى حصل و قلب الڤيلا برة و جوة و حواليها مافيش اى أثر، و أكتشف ان الحراس اللى واقفين ع البوابة الخلفية متخدرين و واقعين جنب الباب من برة، فـ نفس الوقت وصل أدهم و امل و سيف و عاليا حتى ياسمين و قصى و أخواتها هشام و حسام و كل شباب و بنات العيلة ماعدا فارس أدهم و ياسين بعد ما اتصلت بيهم فاتن، الدنيا اتقلب رأساً ع عقب و فارس ما ظهرش، فجأة
حلم:: رن فونها برقم برايڤت و ردت بلهفة.. ألووو
المجهول:: لو عايزة بنتك أركبي عربيتك و تعالى ع العنوان اللى هبعتهولك، قفل الخط و بعت لها رسالة فيها العنوان
حلم:: بصريخ.. الوووووو، حوووور بنتيييييي و قامت تجري بسرعة و هى بتصرخ فـ أدهم تسنييييم يا ادهم خد بالك منهاااااا و ركبت عربيتها بسرعة و خرجت من الڤيلا
عند فارس
قاعد مع فارس أدهم فـ قطاع الأمن الوطني و بيتابع من خلال كاميرا المراقبة التحقيق مع حد داخل غرفة التحقيقات، و رن فونه بنفس الرقم البرايڤت
فارس:: فتح المكالمة و سمع صوت حد بيضحك
المجهول:: هاهاهاهاهاهاهاهاها
فارس:: بقبضة قلب.. أنت مين؟
المجهول:: بضحكة شر.. مش لازم تعرف انا مين، استقبل هديتى و هكلمك تانى هاهاهاهاهاهاهاها.. بعدها قفل المكالمة و بعت فيديو خـtـف حور لـ فارس
فارس:: سمع رنة الرسالة و فتحها بلهفة و شاف حوريته و هى بتتخـtـف
و بصريخ.. ياااااااااااااا أبن الكلب، حووووووور، خرج جرى ركب عربيته و جري زى المجنون و تتبع الـ GBS اللى فـ سلسلة حور و هو بيفتكر يوم ما جابلها السلسلة هى و تسنيم
“فلاش باك”
فارس:: بابتسامة.. حورياتى الحلوين عاملين ايه
حور و تسنيم:: جريوا عليه.. حلوين بوجود أعظم بابى فـ الكون
فارس:: باسهم فـ جبينهم الاتنين و طلع لكل واحدة فيهم شنطة هدايا.. حبايب بابي و حورياته، ايه رأيكم فـ الهدية دي
حور:: فتحت هديتها و انبهرت جدا بشكل السلسلة.. وااااو تحفة يا بابي، باسته فـ خده .. ميرسيه يا حبيبى ربنا ما يحرمناش منك ابدا
فارس:: باس جبينها مرة تانية و لا يحرمني منكم ابدا يا حبايبى، المهم بقى انا عايزكم تلبسوا السلاسل دى و مهما يحصل ماتتقلعش من رقبتكم
تسنيم:: باستفسار.. ليه يا بابي
فارس:: باس جبينها برضو.. عشان يا حبيبة بابى السلاسل دى فيها GBS و طول ما انتم لابسينهم هابقى مطمن عليكم
“عودة للوقت الحالى”
فارس سايق العربية بأقصى سرعة و بيخبط بغضب ع الدركسيون و بيصرخ.. اااااااااااه و دينى لافعصك تحت رجلى يا حيواااااااااان، وصل أخيرا فـ عشر دقايق لأخر مكان وقف فيه الـ GBS و لكن أكتشف انه فـ صحرا و مافيش اى مكان او اى حاجة
توصله لـ حور، فضل يلف حوالين نفسه زى المجنون، وقعد فـ الارض ع ركبه من كتر التعب و هو بيحط ايده ع دماغه و بيصرخ..ااااااااااااااااااااااااه
رن فونه بنفس الرقم البرايڤت و فتح بلهفة.. هاقتلللللللك و ديني لاقتلللللك
المجهول:: بنفس ضحكة الشر .. عايز بنتك تعالى ع العنوان اللى هبعتهولك، سلام يا باشا، هاهاهاهاهاهاهاهاها
و بعت له العنوان فـ رسالة بعد ما قفل المكالمة