رواية انكسار الياسمين الفصل الثامن والعشرون 28 بقلم أمل مهدي
رواية انكسار الياسمين الجزء الثامن والعشرون
رواية انكسار الياسمين البارت الثامن والعشرون
رواية انكسار الياسمين الحلقة الثامنة والعشرون
وغير صوتك محد ايعدل المزاج
بحه عندك عندي سوت رد فعل
من اروح الموعدك ما أدري أحير
بين احضنك وابـچي وبين احتفل
_____________
ياسمين_
اندكت الباب….. فتحها رضى
اشوف سياره راقيه ابابنه
رجع رضى يركض…. عمه يردوج
تذكرت هاي سيارة أخوها الست هاله
د. امجد جان يجيني ياخذ خبز مني
لبست حجابي وطلعت رحبت بيهم
تفضلو…..
دخلو گعدو بالاستقبال
هاله عادي شايفه بيتنه بس دَ. أمجد ظل ينتقل بنظراته يتفقد حيطان البيت الرطبه
دخل رافع يدفع بعجلات الكرسي مالته مد ايده مسلم
وگف د. أمجد يصافحه…
كعدو شويه سوالف وجاي تعرف على رافع
رافع جان معارض شغلي ابيت الدكتور رغم اصراري مرتين تعارك وياي وابطل وارجع اتصل بست هاله مره ثانيه
اريد اجمع مبلغ ويه القرض
أكدر افتح المشروع الاريده حسبت لو سنه أكدر اجمع الراتب
أحقق حلمي
من دخل الدكتور ويه اخته حسيت رافع شبه اقتنع لان الدكتور
نهايه الأربعينات شعره اغلبه ابيض صح وقور وشخصيه بس
اطمن انه مو شاب ويخاف عليه منه
هاله _ احنه نترخص حاضره ياسمين ناخذج ويانه
ياسمين _ اكو شغله ما حجيت بيها
ابني وياي ما أكدر افارگه….
هاله _ التفتت على امجد… باوعلي كانه موافق
عادي جيبي وياج
سلمو وطلعو…..
رافع _ ساكت ما حجه شي
ياسمين _ وگفت يمه ها رافع بعدك ما مقتنع…..؟؟؟؟
رافع _ مركز ينظرلي ليش بديه شي…. اتمنه بس بيدي…
لمعت بعينه الدمعه مجبور اقتنع
ياسمين _ ردت اللطف الجو واضحگه…. لو بيدك شسويلي..
رافع _ اضمج بگلبي وخليج اميره علبنات
ياسمين _ هله هله هذا الحجي للحبيبه مو للاخت
رافع _ واني ماعندي غيرج حبيبه گاله وبتسم
ديري بالج على نفسج وعلى ابنج….
إيمان واگفه سوت حركه بشفايفها ما عاجبها
ياسمين _ بتسمت دنگت بست ايده وراسه
هن كم شهر اجمع مبلغ زين أحقق المشروع البالي وانته
وياي ما اعوفك
راجحه _ الله يوفقج يمه
ياسمين _ حضنتها حبيبتي ادعيلي
طلعت بيدي جنطة الملابس والايد الثانيه لازمه علاوي
بيها فرحان يگمز اروح ويه عمو….. اي
راح يكمل ست سنوات علاوي بس ناعم انشالله اسجله
مدرسه
صعدت بالكرسي الخلفي للسياره
وست هاله كاعده بالكرسي الامامي
گالتله نزلني يم بيتي……
بس افتر على الشارع العام دخل بالمنطقه الراقيه
المقابيلنه
وگف يم بيت مرتب
د. أمجد _ يله هذا بيتج
ست هاله _ انزل اگعد شويه
د. أمجد _ لا امي وحدها بالبيت مو تدرين أيناس يم اهلها
ست هاله _ اي صحيح يله سلملي عليها
لتفتت عليه مبتسمه
ما اوصيج ياسمين على امي….
ياسمين _ أنشأ لله احطها بعيوني اطمني
حرك السياره الدكتور عدل المرايه الگدامه وحجه
د. امجد _ الحجيه عدها سكر وضغط يعني أكلها يختلف وعدها
علاجات لازم تأخذهم بنتظام
ياسمين _ اني ردت اسالك همزين گلتلي
حوالي عشر دقايق مشينه بالسياره وصلنه بيت جبير حلو ومرتب نزل فتح الباب سحب دخل السياره وسد
الباب
نزلت اني وعلاوي البيت هادئ ولا تحس اكو بشر ساكنه
باوعت للحديقه كلش حلوه حتى نافوره بيها صناعيه
د. أمجد _ فتحت الباب
تفضلي ادخلي
ياسمين _ دخلت البيت راقي وماشاء الله مرتب ومؤثث من كلشي
وذكرت بيت ست رفل هم جان راقي مثل هذا البيت
استغفر الله آني ليش مركزه الله يزيدهم
ظليت واگفه بنص البيت….
د. أمجد _ راح على غرفه واسمعه حجه…
حجيه جبتلج ياسمين تداريج وتساعدج
ولتفت عليه…. تعالي ياسمين
اعرفج على الوالده
ياسمين _ باوعت مره كبيره بالعمر بيضه بصفار كل تقسيمها امبينه ك. كانت جميله بس المرض والعمر ترك اثره على ملامحها
واكفه على العكاز الرباعي
ياسمين _ مرحبا خاله
ام امجد _ ابتسمتلي اهلا وسهلا اشلونج ياسمين
ياسمين _ بخير
شفتها تريد تمشي تركت علاوي والجنطه وتمشيت
ساعدتها وصلتها للتخم گعدتها…. باوعتلي
ا لحجيه _ مليت من الغرفه گلت اطلع للهول
التفتت عليه هذا ابنج…..؟؟؟
ياسمين _ اي هذا علاوي
الحجيه _ صفنت بوجهي شويه وبعدين حجت
گالت هاله انتي ارمله
ياسمين _ اي گلتها بحسره
الحجيه _ اشو تحسر تي لازم جنتي تحبي
ياسمين _ باوعتلها محتاره ما اريد اكذب…. الله يرحمه
بهلاثناء نزل من الدرج د. أمجد لابس تراك سود اسود
مبين سابح
بيده اوراق
د. أمجد_ تفضلي هذا جدول بالأكل المسموح بي للحجيه
وهنا مواعيد الدوه مالتها
ياسمين _ تمام
د. امجد _ شنو تردين تعرفين اني موجود….
يله اني اصعد ارتاح ورايه عياده
الحجيه _ ظلت نظراتها تتبعا إلى أن صعد فوگ
صفنت على شباك المطل على الحديقه وسترسلت بالكلام
اني وعبد الكريم تزوجنه على حب جان يموت عليه عيشني ملكه
خلفت منه أمجد وهاله… وراح بعد ما رجع
استحيت اسألها وين راح وبعدني ما اعرف حالتها اكتفيت اسمعلها
رجعت كملت
شگد رادوني عمامهم اعوف البيت ما قبلت ظليت گاعده عليهم
ربيتهم واخذو شهادات وعيشتهم براتبي
ما مديت ايدي الواحد صرت الهم أب وأم وسندتهم
ياسمين _ انتي موظفه……؟؟؟؟
الحجيه _ التفتت عليه مبتسمه أيي جنت مدرسه
ياسمين _ على ابتسامتها اني هم ابتسمت وجها نوراني امبينه طيبه
شسويلج غده……؟؟
الحجيه _ أشرت على الورقه…. يمج ماما شبسع نسيتي
ياسمين _ آسفه
باوعت للورقه كله شوي
الحجيه _ تعالي وصليني فراشي اريد ارتاح…….
گمت وصلتها وساعدتها تنام وغطيتها وطلعت
اخذت ملابسي بدلت دشداشه عريضه مستوره وحجابي على راسي
هاي تعليمات رافع
دخلت المطبخ فتحت الثلاجه كلشي بيها طلعت دجاج على گد اكل الحجيه
خليته بماعون تبسي عريض وعصرت ليمون عليه وقطعت ويا بصل وفلفل وبتيته وملحته ونص كلاص مي وغطيته على نار هادئه
من نشف ميه نزلته بالفرن ظليت اراقبه الي ان احمر شكله
حضرته بصينيه وياها سلطة خضروات
ووديته الها….
الحجيه _ ريحة الشوي وصلت الغرفتي يبين طيب اكلج
ياسمين _ما ادري اتمنه يعجبج
الحجيه _ اول ما اكلت انهرس بيدها شمته وبتسمت
وبدت تاكل بهدوئ
رغم يوميه اكل دجاج شوي بس احس كانه اول مره اكله
اليوم عاشت ايدج ياسه
ياسمين _ ابتسمت شنو ياسه تدلعيني…
الحجيه _لاااء مو ادلعج بس حسيتج مثل شجرة الياس غضه
وحلوه
ياسمين _ نزلت راسي خجلانه من وصفها
نزل د. امجد مستعجل گال… يمه محتاجه شي وهو يباوع الساعته
الحجيه _ لا حبيبي الله يوفقك بسلامه
راح قبل حتى ما تكمل يبين مستعجل
باوعت علاوي ماكو رحت ادور عليه البيت جبير
طلعلي من الغرفه بيده طوبه جبيره
ياسمين _ ليش ماما تلعب بالغراض هاي مو مالتنه
اني شنو علمتك يله رجعها المكانها
علاوي _ شويه العب بيها…..
ياسمين _لا ابد عمو ميقبل… أخذته بيدي ودخلت للغرفه كلها
اجهزه رياضيه رجعت الطوبه وطلعت
اباوع البيت جبير ونظيف منو ينظفلهم ومنو يطبخلهم
ما شفت احد عدهم معقوله الدكتوره إيناس ما اضن
الحجيه خلصت اكل صاحت عليه
الحجيه _ اكلتي وكلتي ابنج…..
ياسمين _ لا
الحجيه _ لعد اشلون تظلون بدون اكل……..!!!!!
شوفي ياسه أمجد ومرته أكثر اكلهم من بره لو تتكرم ا. ايناس وتفرغ نفسها وتطبخله
وتنظيف البيت كل أسبوع تجي ام عدنان تنظف
انتي لا تنتظرين احد
يوميه اطبخيلي آني وياج وعلاوي زين
ياسمين _ زين حجيه
مر اليوم الأول والثاني والثالث كلشي تمام وعلاوي متونس
افتحله التلفزيون يتفرج
ومرات الحجيه نايمه اطلع بالحديقه اشويه
يوميه يخابرني رافع احجيله عن يومي بختصار لان رصيد
ويصرف
د. أمجد _ اليوم جمعه لا دوام ولا عياده نزلت من الدرج اسمعه تخابر أخوها تطمنه عليها
من شافتني بسرعه اختصرت المكالمه وسدته
دخلت للحجيه اشوفها لگيتها نايمه
اشم ريحة المعطر تارسه الغرفه والارضيه تلمع والجراجف نظيفه
تقدمت اشوف الحجيه رايحه بسابع نومه
زمن اشوكت نايمه امي……؟؟؟
ياسمين _ قبل ساعه هيه من اسبحها ترتاح وتنام
ظل يبا علها…. بهلأثناء طلع علاوي من الغرفه بيده الطوبه
ركضت عليه أخذها منه…
د. أمجد _ عوفيها بيده تعال… انته شنو اسمك….؟؟؟
علاوي _ آني علاوي
د. أمجد _مد ايدا يصافحه مافهم علاوي
سحب ايده وعلمه انته رجال لازم تمد ايدك وتصافح بالسلام مو
علاوي _ اي……
د. امجد _ يله اشو راويني اشلون تسلم
علاوي _ مدله ايده بهمه يصافحه وهز ايده
د. أمجد _ هههه عفيه عليك هسه صدك انته رجال
تعال اشو نلعب بالحديقه أني وياك طلع وهو يطبطب بالطوبه وعلاوي يگمز ويا فرحان
ياسمين _ شگد احترگ بداخلي عليه اني رضيت اكمل ويه أبو من ا. ا جله لان مهما يكون الولد يحتاج أب يحتضنه ويوجها
بس هو ابد ما كان مخلي بحساباته مشه وره ملذاته
الوصله الحتفه كعدت الحجيه مرتاحه
اخذتها للحمام ورجعته شنو رايج تطلعين للحديقه اشويه غيري جو
الحجيه _ والله ياريت
ياسمين _ أخذتها وياها خطوه خطوه الى ان طلعنه بالطرمه اكو كعد مسوين كعدتها
الحجيه _ هاي امجد يلعب ويه ابنج طوبه ياعيني
ياسمين _ هههه اي…. راح اسويلج جاي
الحجيه _ ياريت…
ياسمين _ خدرت الجاي وخليت ويا كيك كم قطعه واجيت
قدمت للحجيه
الحجيه _ هاي شنو انتي سويتي كيك……!!!
عفيه عفيه عليج هاله گالتلي انتي شاطره
ردت احجي ما انطتني مجال
معقوله نست……. هيه طلبت مني أصبح گالت مشتهيه كيك
سكتت ما ردت احرجها….
اباوع الدكتور انطلق يخلي علاوي يهدف عليه عمدا
ويظل يضحك من يشوفه يهوس فرحان مصدك بجهوده جاب الهدف
اشوف الحجيه صافنه ومركزه ويه ابنها خصوصا من شافته يضحك ويلاشي علاوي
وسترسلت بالكلام….
كم مره گلتله ابني تزوج جيبلك التخلف لك اولاد ما يقبل
يحبها الأيناس
يمكن مكتوب عليه اموت وما اشوف حفيد منه
ياسمين _عمرج طويل حجيه
د. امجد _ هاي شنو اليوم كيك بعد شتردين حجيه ياسمين راح ادللج يحجي ويباوعلي ويبتسم
ياسمين _ اليوم اشتهت كيك الحجيه وطلبت مني وسويتلها
الحجيه _ آنيييي يمته طلبت منج من وين جايبه هذا الحجي
ياسمين _نترت بيه…. وخجلتني
سكتت معرفت شنو اجاوب
عم السكوت حتى ابنها سكت
اني تحججت علاوي تعال حبيبي اغسلك أخذته للحمام غ. غسلتله وبدلت ملابسه ورجعت مالكيت الدكتور
الحجيه _ صار المغرب اريد اصلي
ياسمين _ اخذتها للحمام غسلت وتوضت ورجعتها المكانه
صلت بصوت مسموع شكد انقهرت عليها مره مؤمنه
وملتزمه وطيبه بس مافهمت ليش تنسه
واني بالمطبخ اجهز العشه نزل د. امجد من فوك
د. امجد _ شنو هاي الروايح شطبخين
ياسمين _ احضر عشه الحجيه
د. امجد _ ها بالعافيه لعد
ياسمين _ اذا تريد احسب حسابك دكتور….
د. امجد _ الله ويدج علوى مليت من الاكل الجاهز
ظلت أبال من كذبتني الحجيه على الكيك وخفت يگول بكيفها تشتغل بالبيت
ياسمين _ دكتور اني مو بكيفي سويت الكيكه هيه الوالده…..
قاطعني….
د. امجد _ لاحظتي تنسه مو
ياسمين _ أشرت براسي اي
د. امجد _ الوالده عدها بداية زهايمر يعني شويه شويه تفقد الذاكره
اريد تتحمليها شويه
حمدت الله همه يعرفون بيها تنسه والا ظليت بس افكر
راح ياخذ عليه فكره محلوه…
اليوم اجت ام عدنان اظاهر عدهم ثقه بيها لان حتى مفاتيح البيت بديها
بدت من فوگ تنظيف وطلعت بره مسح وغسل البيت صار يلمع
اني بس انظف غرفة الحجيه
صار يومين اطبخ حتى للدكتور اذا موجود ياكل واذا بالعياده يبقى الاكل على الطباخ هو من يجي يحمي وياكله
دخلت الحجيه للحمام اسبحها
ادري محد بالبيت رفعت شعري ليفوك كبايه سويته ورداناتي
كفيتهن ورفعت دشداشي بالداخليات رجليه للركبه طالعات
خليت كرسي وكعدتها
وغسلتلها احسها ساعه مثل الطفل وساعه مره بكامل عقلها
انقهر عليها
كملت لبستها ونشفت شعرها وفتحت باب الحمام اطلعها
گوه امشيها
تفاجأت بوجهي بنيه حلوه وبكامل اناقتها وگفت گدامي وگصتني
من فوگ ليجوه
ايناس_ اشلونج حجيه… تسلم وعيونها عليه
هاي المعينه الجديده……..؟
الحجيه _ اي ياسمين
إيناس _ اهلا وسهلا
وصعدت الغرفتها
ياسمين _ اهلا بيج دكتوره ما عجبتني نظراتها
اخذت الحجيه الغرفتها
مشطت شعرها وضفرته وغديتها ونيمتها باجر الصبح اروح للبيت لان جمعه اشتاقيت لخالتي والرافع
خلص اول شهر هدوء اني قايمه بالحجيه والكل مرتاحين اظاهر كانو كلش قلقين عليها
علاوي منطلق يطلع بالحديقه يلعب طوبه والصبح افتح التلفزيون يلتهي بي
الحجيه من واعيه تسولف طبيعي وتونس سوالفها بس من تفقد الذاكره تغوص بالماضي وترجع تسولف بي ومرات حتى متعرف اهل البيت ولا اني تبقى تسأل
استلمت اول راتب فرحانه بي رافع ما قبل اصرف منه على البيت
وكال جمعي تره على عيني هذا شغلج
علمني الدكتور افحص السكر للحجيه وعلمني على جهاز الضغط
وهواي معلومات جان يفهمنياها
علاقتي بايناس سطحيه احاول اجنبها حتى ما ااثر عليهم
واشوف د. أمجد كلش مهتم بيها ويحبها وهيه تستاهل كلش جميله
وانيقه وطبيبه ليش ما يحبها
علاوي خلق روح بالبيت الدكتور كلش انجذب اله وبده يعلمه يلعب بالحاسبه العاب
ورغم عارضت خفت لا يخربها بس هو كان راضي ويشجعه
لاحظت هاله قليل تجي الهذا البيت واذا اجت كبل تدخل غرفة الحجيه
اني ما احب ادخل بس انقهر على الحجيه تظل تسأل عليها ومرات اني تسميني هاله
اليوم معطلين بالبيت الدكتور وزوجته
جنت بالمطبخ احضر غده للحجيه نزلت أيناس هيه والدكتور
ودخلو المطبخ
د. امجد _ صباح الخير
ياسمين _ ابتسمت بوجهم صباح النور
كان علاوي گدامه ماعون شوربه ويتفرج على الشاشه كارتون
د. أمجد _ اضرب علاوي تاكل شوربه
أيناس _ اسويلك ما اتأخر…….؟؟؟
ياسمين _ هذا هوايه والحجيه اكلت الصبح بعد متريد
جهزتله كاسه وايناس أخذته على الميز گدامه
كعدو يتركون مثل العصافير رغم همه مو زغار بس امبين
من نظراتهم كلامهم اهتمامهم لبعضهم الحب بينهم
سمعنه صوت الحجيه اجت اطكطك بالعكاز اني رحت الها
الحجيه _ كعديني بالمطبخ
اخذتها امشيها للمطبخ أصرت الا تكعد يم ابنها
من سمعها الدكتور وگف وكعدها بصفه
سلمت عليها إيناس ما ردت … اني حسيت جايتها حالة فقدان الذاكره گمت اعرفها من خلال وجودي وياها هل كم شهر
كملت الغده وجهزت صينيه وقدمتها للحجيه
وكعدت يمها اوكلها
هاي الفتره صقطت ثلاث محافظات كبرى بيد داعش ونزحت العوائل تاركين بيوتهم ليعيش اغلبهم في مخيمات
على الاعانه من المنظمات الانسانيه
ام رغد رأست فرع من هاي المنظمات وأختارت العراق
تنفذ نشاطها بي لان حرب ونازحين اكيد الوضع محتاج الى مساعده
اما رغد وزوجها استقرو في بريطانيا
جنت اشوف الحاسبه يتصل ويحجي بيها الدكتور وألدكتوره أيناس
وحتى يدرسون بيها واخجل اطلب منهم اتصل بيها
كم مره ردت اطلب اتصل على ام رغد واتردد
رغم اشوفه يعلم علاوي عليها وعلاوي ذكي على صغر عمره حتى العاب يلعب ويه الدكتور
الراتب ما اصرف منه الا للشديد القوي حارمه نفسي من كل شي
بس اريد اجمع مبلغ أكدر أحقق مشروعي وارتاح واريح رافع
لان دائما شايل همي
اليوم هاله اجت من الصبح تطمن على امها
والحجيه ما قصرت تحمد بيه گدام الرايح والجاي
سويت جاي ودخلت عليهن الغرفه حسيت كانو يحجون بسيرتي
لان اول ما دخلت سكتن
قدمت الجاي وترخصت اشوف علاوي
خليهن على راحتهن احسن
شفت الدكتور كاعد يحجي اتصال بالحاسبه ويه شخص ويگله
اشلون الجو يمكن أمبين بغير دوله
اني رغم اعرف أقره بس كلشي ما افهم بهاي المسائل الانترنيت
والمبايلات بعدني بيدي مبايل قديم اتخابر بي ويه رافع واشوف الناس أشكال بديه كله عباره عن شاشه
حتى بيتنه لسه تلفزيون عادي نفتحه ويشتغل رغم الناس شمرتهن الزباله وشترت شاشات
اجرأت اطلب من الدكتور هاي المره
ياسمين _ دكتور عندي صديقه مسافره لامريكا اتصلت عليها عدت مرات ماكو وظل بالي يمها…
د. أمجد _ قبل ما اكمل جاوبني
اي هاج موبايلي اتصلي
ياسمين _ اني قبل اتصلت بيها بالحاسبه
د. امجد _ نفس الشي الحاسبه والموبايل انطيني الرقم
ياسمين _ طلعت الرقم من موبايلي وهو نقله المبايله
بلمسه سمعت يتصل انطانيا وهم ما ردت
عدت مرتين ما ترد ضجت تشكرت منه وقبل ما اطلع من الغرفه
صاح عليه
_هاي دازتلج رساله …
_ رجعت وينها…. القصه
_ تفضلي اقريها فتحلي الجهاز وبديت أقره رساله مطوله
رد على رسالتي والكاتبتها رغدتعتذر هوايه تكول امها
مسافره ويه المنظمه والجهاز هذا بالبيت مو وياها واني هاي الفتره هنا وفتحت الجهاز ولكيت متصله على وامي وبلغتها لان هسه راح ترجع للعراق وتركتلي رقم
هذا رقمها اذا تحتاجيها….
فرحت من گلبي…. وبكل سذاجه كلت
هذا الرقم اريد انقله بمبايلي
د. أمجد _ اخذ موبايلي بيده هذا قديم ويكلفج رصيد انتظريني عندي مبايل أجيبه الج
راح اشويه ورجع بيده مثل مبايله حديث شغله ونقل الشريحه
وثبتلي الرقم ودك عليه
ونطانيا هاج احجي
أخذته من ايده ممنونه اسمعه يدك
منتظره تفتح الخط…
طولت اشويه…. واني اعصابي توترت يمكن ماتريد ترد عليه
لعد ليش ردت رغد على رسالتي……..!!!
بلحظه كل الأفكار حضرتني وانقطعت من اجاني صوتها تعبان
الو ياسمين…….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية انكسار الياسمين)
