روايات سيلا والنمر الفصل الخامس والعشرون 25 بقلم منار مصطفى
روايات سيلا والنمر البارت الخامس والعشرون
روايات سيلا والنمر الجزء الخامس والعشرون
روايات سيلا والنمر الحلقة الخامسة والعشرون
بعد. ما يوسف اطمن ان ريم دخلت الڤيلا…مشي بعربيته ودخلت ريم..
وصلت ريم… الباب الداخلي للڤيلا… ولسه هتفتح بالمفتاح…
اتفاجئت. بموبايلها بيرن. طلعته ولقت رقم عامر…
ريم…..الووو ايوه ياعامر…
عامر… ايوه ياريم ازيك..
ريم.. بخير الحمد لله.. ايه رجعت في كلامك ومش هتشغلني معاك ولا ابه..
عامر.. بابتسامه لا متقلقيش…انتي فين..
ريم..باستغراب..انا لسه واصله الڤيلا حالا في حاجه ولا ايه…
عامر…اه انا ليا عندك طلب وياربت مترفضيش عشان لو رفضتي كده كده هعمله بس الموضوع هيبقي اصعب عليا…
ريم….. لو حاجه اقدر اساعدك فيها اكيد مش هتأخر طبعا عليك. بس في ايه يا عامر قلقتني….
عامر… لا متقلقيش…بس انا… يعني… كنت عايز عنوان بيت روكا في اسكندريه..انتي اكيد تعرفيه…
ريم…بص انا بالتحديد معرفهوش بس اقدر اقولك علي شويه حجات تقريبا هتفيدك خصوصا ان بابا روكا معروف جدا وعيلت النجار تقريبا من اشهر العائلات هناك..
عامر… تمام يعني هقدر اوصل بسهوله صح..
ريم.. اه هتقدر…
عامر.. طيب تبعتيلي بقي حالا ڤويس عالواتس في اي تفصيله توصلني بسهوله ليها..
ريم..حاضر…قاطعها عامر..
متقلقيش مش هقول اني عرفت منك..
ريم.. لا خالص مقصدتش كده.. بس يعني انت مش شايف ان دي خطوه مش اوي خصوصا ان هي واهلها علاقتهم متوتره… انا مش قصدي اتدخل والله بس انا مش عايزه علاقتكم تتوتر اكتر ولا علاقتها باهلها تتوتر اكتر يعني حاسه ان لو هديتو شويه يمكن الموضوع يتحل بسهوله… خصوصا ان روكا ميتهيأليش هتطول هناك… انت عارف روكا بتحب شغلها ازاي وميتهيأليش هتقدر تسيبه اكتر من كده…
عامر… ريم.. يمكن في حجات كتير تحصل بسبب مرواحي هناك… حلوه وحشه متوقع كل حاجه.. بس صدقيني انا مش قادر امنع نفسي اني اروح.. يحصل اللي يحصل بس لازم اشوفها واتكلم معاها…
ريم.. طيب انت جربت تتكلم معاها عالموبايل…
عامر… لا خالص مكلمتهاش ولا مره ولا بعتلها..ولا عارف اصلا اذا كانت فاتحه موبايلها او قفلاه.. فالحالتين انا واثق انها مش هترد…
ريم..عندك حق اذا كانت مبتردش علينا احنا.. المهم ياعامر.. خلي بالك واتعامل بهدوء ولو حسيت ان الكلام هيعقد علاقتها باهلها اكتر ياريت تتراجع فورا…
عامر.. متقلقيش هعمل كده..
ريم… طيب بقولك ايه.
عامر.. نعم.. انت رايح الوقت صح..
عامر… ايوه…وياريت محدش يعرف اني روحت. متقوليش ولا كلمه لاي حد..
ريم… حاضر بس.. ايه رأيك تعدي عليا واجي معاك.. مش هأخرك والله انا لابسه هاجي معاك زي مانا كده..
عامر.. مش هينفع ياريم..انا لازم اروح حالا اولا ثانيا انا بكلمك وانا ماشي يعني مش هرجع تاني ثالثا وده الاهم انتي ناسيه انك عندك شغل الصبح ولا ايه ياهانم..
ريم.. شغل ايه بقي مانت مسافر.
عامر.. لا ياشيخه.. علي اساس ان انا اللي معايا مفتاح الشركه.. شكلك هتتعبيني .
ريم.. لا والله بس المفروض ان ده اول يوم ليا. والمفروض انك انت اللي هتعرفني عالمدير التنفيذي .
عامر.. متقلقيش انا ظبط كل حاجه كأني موجود وزياده. وهتروحي تستلمي علي طول بس والله ياريم لو ماروحتي فالمعاد عشان انا مش موجود هشوف شغلي معاكي…
ريم… لا متقلقش والله..بس لو يوسف سألني عليكي الصبح اقوله ايه…
عامر… قولي معرفش.. مقالش حاجه. وانا هبقي اكلمهم…
ريم.. ماشي شكلك هتودينا في داهيه..
عامر… متقلقيش…
ريم.. بقولك ايه لو اتصالحتو خلبني اكلمها لو اتخانقتو اياك تقول لروكا اني عرفتك مكانها..
عامر.. جبانه..
ريم… انت مش عارفها دي مفتريه..
عامر.. متقلقيش مش هقول ياريت نخلص بقي ومتنسيش تبعتي حالا التفاصيل..
ريم.. حالا اهو…
عامر.. تمام..
ريم.. ماشي خلي بالك من نفسك..
عامر… خليها علي الله…يلا سلام.
ريم… سلام….
قفلت ريم.. وبعتتله ڤويس.. بالتفاصيل اللي تخص عنوان روكا..
عامر.. بعد ما خرج من عند نوني.. كان كلامها بيتردد في ودنه وكان بيفكر في إجابه للسؤالين اللي سألتهمله….
هتقدر.. تسامحها انها كدبت او خبت ..
هتقدر.. تتعامل عادي انها كانت متجوزه وبقت مطلقه….
وملقاش عامر.. غير رد واحد.. انه محتاج يشوفها.. محتاج يكلمها.. محتاج يحس انها معاه مبعدتش.. محتاجها جمبه.. مش هيقدر يستغني عنها.. هيسامحها علي اي حاجه بس تفضل معاه… حاسس ان روحه اتاخدت منه… …
فضلت سايق.. يفكر فيها.. يفكر في كل لحظه جمعته بيها..
اول مره شافها في شرم………
لما رقصو اسلو مع بعض
رجوعهم مع بعض… لما يوسف ساق مكانها وجت اعدت معاه فالعربيه.. لما وقف وسط الطريق يعملها نسكافيه..
لما راحو عند نوني.؟اول مره…
لما راح معاها الديفيليه وشافها بالفستان…
لما راح الصبح وجبلها ورد وشوكلاته …لما حضنها..
لما… كانت واقفه تتكلم فالديفيله وعينها بتلمع عشان وجوده معاها…
افتكر.. تفاصيل كتير… حاسس.. بوجع.. والم حاسس بخنقه.. حاسس ان قلبه في وجع مش قادر يوصفه…
لاول مره عامر الچان اللي عرف بنات بعدد شعر راسه.. يتعب بالمنظر ده عشان بنت.. لاول مره .. حد يفرق معاه بعد ماكانت البنات بتتمني بس يكلمهم…جواه مشاعر كتيييير لا قادر يوصفها ولا قادر.. يحكي عنها…
كل موقف حصل بينهم كل كلمه قالوها مع بعض.. كل نظره كل ضحكه.. كل احساس عدي سواء حلو او وحش
كان مضايق منها اوي.. بس لما بعدت اضايق عليها وعشانها…
احساسه بيها… كأنها بنته…اللي مسؤوول عنها احساس الاب اللي لازم يسامح مهما بنته غلطت… فكرت انها عادت اهلها. عشان واحد كانت مضيقاه منها اكتر… بس مش عايز يجي عليها اكتر.. وكلام نوني اللي بيتردد في ودنه…
المهم .. منظلمش.. ياعامر.. عشان اوقات كتير البني ادم بيتحط في اختبارات الحياه في اللي بيختار صح وفي اللي بينتكس ويختار غلط…ولو هي من اللي انتكسوو اختارو غلط فاده عشان سنها..الصغير..هي دفعت تمن غلطتها… مرتين .. مره خيانه .. من شخص فكرته هو الدنيا ومره اهلها اللي عاقبوها.. وقاطعوها ..متجيش انت للمره التالته تدفعها تمن نفس الغلطه.. حرام يا ابني الضرب فالميت حرام….
فضل عامر.. سرحان وسايق بأقسي سرعه… وبعد حوالي ساعتين… وصل اخيرا عامر اسكندريه…
كان توقيت الفجر… تقريبا… وكان صعب يروحلها فالوقت ده…ركن عربيته.. ووقف عند الكورنيش..ادام البحر…فرحته بأن حبيبته في نفس المكان…وانه قرب منها بعد ما بعدت…كانت مغطيه علي اللغبطه اللي جواه……الشروق مع الهواء اللي في لسعه برد.. وريحه البحر.. صوت الموج.. منظر البحر… وغضبه… وهدوء..
…ملحوظه ابقو اسمعو الاغنيه ..عشان تعيشو فالموقف………
اخيرا… قام عامر…وركب عربيته… وخد قراره انه لازم يقابلها….
…………..
اما عند سيلا.. وبدر… فضلو اعدين.. وبدر واخد سيلا في حضنه… لحد ما الصبح طلع عليهم…
بدر…. يلا قومي البسي عشان تروحي شغلك..
وانا كمان اروح شغلي الصبح طلع ..
سيلا… خليك شويه..
بدر.. شويه ايه يامجنونه.. الصبح طلع علينا احنا اعدين كده من بليل.. الساعه بقت 8يادوب اوصل شغلي.. مش كفايه اني هطبق تاني يوم من غير نوم عشان خاطرك..
سيلا.. عاجبك ولا لا
بدر… عاجبني ياستي..
سيلا… طيب هشوفك انهرده..
بدر… امممم افكر..
سيلا.. كده…
بدر… طبعا هشوفك..اصلا انتي هتوحشيني من الوقت.
سيلا… وانت كمان..
بدر… بحبك…
سيلا.. بتنهيده وابتسامه وانا بحبك
بدر.. طب يلا قومي البسي وانا هقوم اشوف شغلي…
سيلا.. ماشي خلي بالك من نفسك..
بدر… تكلميني وتطمنيني عليكي.. والله ياسيلا لو تليفونك اتقفل او مردتيش هجيلك وانتي عارفه هيحصل ايه.
سيلا.. حاضر هرد والله.
بدر.. قام وقف.. وهي كمان…
ووطي علي راسها وبسها.. انت قصيره خالص
سيلا.. انت اللي طويل اوي علي فكره..
بدر.. صح عندك حق..
سيلا.. سوق براحه…
بدر.. وهو بيبوس اديها حاضر..
سيلا.. وشها جايب الوان من تصرفاته.
بدر…لو فضلتي تحمري كده مش همشي انتي حره..
سيلا.. لا خلاص امشي يلا..
بدر.. بضحك.. خوافه ………
مشي.. بدر…. وطلعت سيلا تغير وتروح شغلها……..
انا عند يوسف….وريم…
ريم… الووو
يوسف .. ايه ياحبيبي… وصلتي..
ريم.. اه لسه واصله حالا اهو..
يوسف.. تمام.. بالتوفيق ان شاء الله عايزك ترفعي راسي.. ومش عايز دلع ومرقعه ممليش دعوه باي حد شغل وبس ولو شوفتك بتكلمي اي راجل هاجي اكسر دماغك..
ريم… بص اولا هرفع راسك ثانيا بقي مش هكلم اي حد خالص
يوسف.. هنشوف…. يلا سمي الله كده… واطلعي.. وبعد ما تظبطي حالك خالص تطمنيني عليكي..
ريم.. حاضر..
يوسف.. سلام ياحبيبي..
ريم.. سلام……
…………….
……..اما عند روكا….
الوضع زي ماهو عندها… والدتها اللي بتعاملها كويس.. حبها لبنتها كان اقوي بكتير من زعلها منها… وده حال قلب كل ام.
وساره ..اختها بتحاول تعوضها بضحكه بحضن بطبطبه . بلعب مع ولادها… ومبتتكلمش معاها في اي خاجه عشان متضايقهاش… اما هاشم والدها… كان اكتر حد واجع روكا… مش بيتكلمو خالص.. هي علي اد جرأتها.. مش قادره ترفع عينها في عينه مش قادره تكلمه ولا حتي قادره تراضيه عشان هي عارفه طبعه.. مينفعش يكون واصل للمرحله دي مع حد . بيحبه.. ويرجع بسهوله.. كانت عارفه طبعه لانها ورثاه فالصفه دي روكا.. بالنسبالها ان صعب حد بتحبه يزعلها وتكلمه بسهوله… وده اللي هي عملته مع عامر..روكا… تقريبا الفتره دي كانت اصعب عندها…..من فتره انفصالها عن مازن..مكنتش قادره. تنام.. كل ماتنام تفكر في عامر.. مش عارفه .هروبها كان صح ولا غلط..مش قادره.. عارفه ان عامر عنده حق انه يزعل منها وهي كانت متوقعه ده لما اتكلمت مع سيلا بس رد فعله صدمها.. او بمعني اصح.. صحي فيها احساسها بأنها غلطت لما اختارت وحبت مازن لما اتجوزت من ورا اهلها وخالفت اوامرهم لما عادت اهلها عشانه وطلع فالاخر ميستهلش. لما دفنت نفسها وهي سنها صغير. لما اتحملت نتيجه غلطتها واتعرضت للخيانه من شخص هي وثقت فيه لما بقت مطلقه في سن صغير. واخر حاجه لما اتحرمت من اهلها سبع سنين.. عامر.. صحي فيها كل حاجه هي عملتها غلطت وكانت نسيتها او بتتظاهر بنسانها…. روكابعد ما اطمنت ان كل اللي فالبيت نام.. وبعد ما قفلت مع سيلا.. نزلت اعدت فالجنينه…. اعدت علي كرسي زي المرجيحه… ورفعت رجلها وضمتهم علي صدرها. …ربعت ايدها.. شعرها طاير من الهوا وفضلت اعده سرحانه وكل تفكيرها.. كان في عامر …
كل موقف… حصل بينهم كل دقه قلب كانت بتحس بيها. وبتحاول تكدبها. عشان خايفه تجرب الحب تاني لحد مالقت نفسها اتسحبت… في علاقه. جديده.. علاقه من نوع تاني. بطعم تاني… علاقه ناضجه ..حب من نوع تاني. اول مره تحسه… وجع بشكل تاني… وجعها الاول كان تاعبها. بس مع الوقت كانت عادي جدا لاكن وجعها من بعد عامر كان قاتلها. ولاول مره تبقي ضعيفه وتهرب… فضلت اعده تفكر فيه… لحد ما الصبح طلع……وكل ذكري. وموقف بينها وبين عامر.. كانت شريط بيتحرك ادام عينها… اللي فلحظه بقت عباره عن اكبر تجمع من الوجع.. والالم… حاولت تمنعها لاكن دموعها كانت اقوي من رغبتها في منعها…….
ابقو.. اسمعو الاغنيه…….عشان تعيشو الموقف…..
….
عدي الوقت والنور ظهر في سماء اسكندريه….
فضلت روكا علي حالها…ومش حاسه بأي حد…
صحي والدها… ووقف يبص عليها من فوق…
صفيه.. صباح الخير..صحيت امته.
هاشم.. من شويه…
صفيه.. هي صحيت امته..
هاشم.. تقريبا منامتش .
صفيه.. قلبي واجعني عليها اوي..
هاشم… هتبقي كويسه…
صفيه… هتروح الشغل امته…
هاشم… الوقت…
صفيه…طيب هحضر الفط……مين ده…
هاشم… تعالي ننزل نشوف… ونزلو بسرعه مع بعض…
ساره… صباح الخير.. مالكم بتمشو بسرعه ليه… طب استنو خدوني معاكم….
وصلو علي باب الڤيلا.. بس وقفو وهاشم منعهم يقربو منهم واكتفو بأنهم يقفو بعيد…
فاللحظه دي وصل عامر… ولمح روكا وحمد ربنا انها لوحدها… كان شكلها متغير ومتبدل..اول مره يشوفها فيها كميه الحزن دي.. اول مره يشوفها مطفيه كده.. كانت ديما بتضحك ديما قويه..ديما جريئه.. ديما دلعها يخطف.. كل ده مش موجود..وفضل ماشي لحد ما وقف ادامها…
رفعت.. روكا.. وشها……
عامر… انا اسف…مكنش قصدي… اجرحك… بس انتي كمان وجعتيني…. ولما حاولت اعبر عن وجعي ده ليكي انتي ثورتي عليا وحسستيني اني مش من حقي اني اتوجع.. ولا حتي اني ابين وجعي ده…عارف انك اتوجعتي بس انا مكنتش اقصد.ده كان رد فعل . لاكن انتي قصدتي ياروكا انك توجعيني… ومع كل كل ده.. انا مهنش عليا زعلك ولا قادر اشوفك بعيده… عني… او مش فالمكان اللي انا فيه…
عامر…. تتجوزيني ياروكا….
صدمه… لجمت روكا… وصدمت امها واختها… ونظره اترسمت علي عيون هاشم… محدش قدر يفسرها…
عامر… ردي عليا.. لو موافقه… انا هطلبك حالا من والدك… وهنعوضه.. انا وانتي عن اللي حصل.. وهنخليه ينسي الغلطه اللي انتي عملتيها.. ويسامحك… وهعملك احلي فرح فالدنيا… وهنفرحه.. ونفرح مامتك… وهنعتبر ان اللي حصل زمان محصلش اصلا… هما حقهم عليكي انهم يفرحو بيكي .. وانا حقي عليكي اني اشوفك احلي عروسه..وافقي ياروكا… واي حاجه هترضيكي وترضي اهلك هعملها حالا…
روكا… ودموعها في عينها… وعلي اد ماهي كانت طايره باللي بيقوله وطايره بوجوده وانها شيفاه ادامها…
حاولت تعمل عكس اللي جواها…
روكا… انا مش موافقه.. اسفه طلبك مرفوض…
صدمه.. تانيه. .. حلت من جديد علي عامر..
وعلي والدتها واختها…
ونظره غريبه في عيون والدها… وصمت يحل فالمكان..
عامر… انتي بتقولي ايه…
روكا.. انا بقول اللي انت سمعته..انت جاي من القاهره لحد هنا عشان تقولي اسف.. وجاي يتفرحني بطلبك ليا للجواز..
فاكرني هبقي زي العيال.. وهفرح واتنطط.. واقول الحمد لله عامر سامحني.. لا ياعامر مش انا… وانت مش هتكسرني ولا هتحسسسني انك اتفضلت عليا وسامحتني …
عارف.. ليه… عشان يمكن انا غلط بس مش فحقك.. انا غلط زمان في حق نفسي وحق اهلي…بس فالاخر كنت متجوزه علي سنه الله ورسوله..
مكنتش متجوزه عرفي ولا عملت حاجه غلط
بس اهلي لما قاطعوني.. قاطعوني عشان
انا عصيتهم وعشان حسو اني فضلت راجل عليهم..
وهما ليهم كل الحق.. اهلي مكانوش يستحقو مني ده..
بس انت بقي لما جيت تزعل زعلت ليه هه قولي كده زعلت ليه…
عشان كدبت.. او خبيت زي ماقولت..
انا لاكدبت ولا خبيت.. بس تقدر تقول انك سحبتني معاك في علاقه..كنت محتاجه احس بيها من زمان.. حسستني بعد سبع سنين وجع ان اقدر احب.. ومش هكدب عليك انا حبيتك.. يمكن اكتر بكتييييير من مازن لدرجه يااخي … اني نسيت اني كنت متجوزه واني بقيت مطلقه… لدرجه. وهمت نفسي اني لسه بنت .. وحقيقي انا معاك نسيت خالص اني كنت متجوزه تخيل. ان واحده تنسي انها كانت متجوزه.. وضحكت بسخريه وهي دموعها نازله جديده دي صح.. بس للاسف انت مدتنيش فرصه اني اقولك اي حاجه.. انت بس شوفتني كدابه.. واتحولت في لحظه…
بس لنا اعدت مع نفسك حسيت اني وحشتك..
وجاي الوقت تحسسني انك رضيت عني..
بس انا بقولك ياعامر.. انا اللي اسفه مش انت… طلبك مرفوض… ابعد عني وسبني في حالي..
سبني.. احاول تاني انسي الغلطه اللي فحياتي اللي نسيتها وانت رجعت فكرتني بيها تاني…
عامر… روكا.. انا جايلك.. مش عشان.. احسسك اني بتفضل عليكي.. انا جايلك عشان محتاجلك.. وعشان انا مش عارف اعيش من غيرك..
روكا… هتعرف مفيش حد بيموت عشان حد…
اتفضل ياعامر….
عامر… انا همشي ياروكا.. بس قبل ما امشي هقولك كلمتين..
انك تكوني قويه حاجه كويسه بس انك تتظاهري بالقوه.. دي حاجه مرهقه جدا… وللاسف انتي بتكابري و بتحبيني زي مابحبك..
ومش هتقدري تنكري ده…
انا همشي ياروكا… وهسيبك براحتك الوقت…بس مهما سبتك انتي بتعتي مش بتاعت حد تاني.. وافتكري الجمله دي كويس….خلي بالك من نفسك….بحبك..
مشي.. عامر.. فضلت.. روكا.. باصه عليه.. لحد ما خرج.. من الڤيلا انهارت روكا.في لحظه …وفلحظه لمحتهم كلهم واقفين من بعيد….
مشيت عالڤيلا… عشان تروح اوضتها…
واول ما وصلت ادامهم…..
وجهت كلامها لهاشم….
اسفه.. عاللي حصل .. مكنتش عارفه ان في حد هيجي هنا ولا كنت اقصد.. اضايقكم بس واضح اني مش بعمل حاجه غير اني اغلط.وبس.. انا همشي حالا.. شكرا عشان وافقت اني اعد اليومين دول.. بس انا كان ليا طلب عند حضرتك قبل ما امشي….
هاشم.. باصصلها وساكت..
روكا.. حضنك وحشني اوي…
فضل باصص وساكت..
فهمت روكا انه مش موافق… ماشي انا مش زعلانه منك وعارفه انه حقك… بعد اذنكم هلم حاجتي وامشي…
وسط عياط امها واختها..
وقبل ما تمشي من ادامهم مسك هاشم ايدها.. وشدها لحضنه….بعيون بتلمع. ومن غير ولا كلمه..
روكا.. انهارت حرفيا .. اول ما حضنها….
انا اسفه.. والله اسفه.. والله مكنتش اقصد سامحني عشان خاطري .. اااه حضنك وحشني اوي… …
هاشم.. كان حاضنها بكل قوته… حضن.. وجع واشتياق.. وحب..وزعل..
اما روكا.. كانت حضناه ومش عايزه تسيبه كأنها لو سابته.. هيبعد عنها تاني..
فضلت روكا.. منهاره.. وهاشم دموعه نازله من سكات.. وساره وصفيه.. حضنين روكا وهاشم وبيعيطو…..
بعد وقت هديو خالص….
هاشم.. بحزم…. مفيش مشيان انهرده… هتأعدي.. عشان ليا كلام معاكي كتير لوحدنا بس لما ارجع من الشغل..تمام..
روكا… حاضر.. بس انا يعني كنت عايزه انزل عشان الشغل..
هاشم… تقدري تنزلي بكره لشغلك بس انهرده هتاعدي..
روكا.. حاضر…
هاشم… انا هقوم الوقت عشان اتأخرت…
صفيه.. ماشي ياحبيبي توصل بالسلامه…
خرج.. هاشم… وهو جواه كلام كتير …
اما روكا.. فكانت مبسوطه انها شافت عامر.. مبسوطه ان اهيرا حضنت هاشم. والي حدا ما الدنيا بتتصلح…
لاكن.. كان جواها حزن.. وجواها.. ترقب لاعدتها مع والدها….لنا يرجع….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سيلا والنمر)
