روايات سيلا والنمر الفصل الرابع والعشرون 24 بقلم منار مصطفى

روايات سيلا والنمر البارت الرابع والعشرون

روايات سيلا والنمر الجزء الرابع والعشرون

روايات سيلا والنمر الحلقة الرابعة والعشرون

…. اما عند سيلا الباب خبط.. حست بقلق.. لبست بسرعه تيشيرت وبنطلون ورجع الباب خبط تاني نزلت براحه تفتح…كانت نازله خايفه….
وفتحت الباب.. وفجأه..
سيلا… مستر مراد
مراد… ازيك ياسيلا
سيلا… الحمد لله.
مراد.. اسف اني جتلك من غير معاد بس محتاج اتكلم معاكي..
سيلا.. بارتباك.. ابدا.. يامستر مراد.. حضرتك نورت..طيب قولي تشرب ايه واستناني فالجنينه ثواني وهاجي..
مراد.. لا تعالي انا مش عايز اشرب حاجه انا هقولك كلمتين.. وهمشي علي طول.. انا عارف ان الوقت متأخر.وانا مش هعطلك..
سيلا.. طيب اتفضل…خرجت سيلا معاه للجنينه…وكانت مرتبكه من وجوده جدااا…
فاللحظه دي كان بدر..وصل⁦🙆‍♀️⁩ مان جايب اكل لسيلا ولمح عربيه راكنه ادام الڤيلا.. فنزل وساب الاكل فالعربيه ووقف من بعيد.. شافهم وهما اعدين… دخل الڤيلا وحاول يقرب من غير ما حد فيهم ياخد باله..كان جواه شك..من وجود مراد عند سيلا.. كان جواه غيره من وجوده معاها انا عايز يدخل يطربق الڤيلا علي دماغهم هما الاتنين بس حب يعرف الاول فيه ايه…فضل واقف في مكان محدش ياخد باله منه.. وسمعهم…
مراد…. اولا اسف.. عشان جيت من غير معاد وعشان جيت فالوقت ده..ثانيا انا كان لازم اتكلم معاكي.انا بقالي يومين بحاول مظهرش او بمعني اصح بحاول.اني محتكش بيكي وسايبك ..خصوصا اخر مره كان الوضع في توتر بيني وبينك كنت محتاج اهدا واسيبك انتي كمان تهدي عشان عارف انك زعلتي مني لما كلمتك اخر مره..
سيلا.. مستر مراد..انا….قاطعها مراد
.سيلا.. من فضلك متقاطعنيش لحد ما اخلص كلامي ولو عايزه تقولي اي حاجه بعد ما اخلص انا هسمعك..
بس ياريت بلاش مستر دي احنا مش فالشغل بلاش.. القاب.تمام.
سيلا.. حاضر.
بصي..ياسيلا…انا مش هلف ودور عليكي كتير .انتي عارفه اني بحبك واني عايز اكمل مشواري معاكي.. وننجح ونكبر اكتر سوا.. صحيح.. الطريقه اللي كلمتك بيها اخر مره.. مكنتش حلوه خالص.. ومكنش ليا اني اتكلم معاكي بالطريقه دي بس انا قولتهالك قبل كده وهقولهالك تاني..اللي بيحب بجد بيدي نفسه كل الحق.. وانا اديت نفسي الحق ده.. يمكن بطريقه مش صح. بس انا بشر ولما المصور جالي.. وقاللي عاللي حصل بينك وبين بدر. غيرت عليكي..متسألنيش ازاي بس ده اللي حصل..
سيلا.. كانت اعده منزله عينها وبتدعك ايدها الاتنين في بعض من التوتر..
اما بدر.. فا كان عايز يكسر دماغ مراد..
مراد…انا طلبت منك تفكري.. قبل كده… وسيبتك وقت كبير عشان تفكري.. بس حقيقي انا محتاج ردك..سيلا انا عيشك ملكه.. وهشيلك في عيني صدقيني انا بحبك بجد ومش محتاج منك غير انك تسيبي نفسك شويه.. معايا وصدقيني مش هتندمي..
سيلا..مستر مراد.
مراد.. قولتلك بلاش مستر دي..
سيلا.. مراد… انا اولا مش حابه انك تزعل مني ولا من كلامي.. بس انت اي بنت تتمناك. انت انسان محترم عالمستوي المهني والشخصي حقيقي انت حد كويس جدا.. بس صدقني مش هينفع مش عشان شخصك لا خالص.. بس عشان انا الفكره نفسها مش بفكر فيها.. او بمعني اصح شايفه ان لسه شويه عليها..انا مش عايزه الموضوع ده يأثر علي علاقتي معاك عموما بجد انا هضايق لو علاقتي بيك كا صديق اتأثرت…. مش عايزه اخسرك بسبب عدم ارتباطي بيك…
مراد…طيب انتي في حد في حياتك..
فاللحظه دي سيلا.. اتوترت جامد جدا..
وبدر…بقي مترقب ردها..
مراد… اظن مفيش داعي للاحراج.. عالاقل ياستي كا اصدقاء.. وصدقيني والله العظيم ياسيلا لو في حد في حياتك انا هنسحب تماما وهحترم ده جداا..انا لما طلبت منك تفكري.. مكنتش بجبرك انك تحبيني لا خالص بالعكس بس كنت عايز اديكي وقتك فالتفكير ..فالو اللي معطل تفكيرك ان في حد في حياتك.. عرفيني عشان متفضليش محرجه مني ومش عارفه تقولي ايه..وانا افضل مستني وعندي امل فهماني ياسيلا..
سيلا.. فهماك..يامراد. بس انا عايزه اقولك حاجه… يمكن يكون مفيش حد في حياتي فعليا حاليا.. بس يمكن يكون في حد شغال تفكيري وقلبي.. ومظنش ينفع اني ادخل علاقه وانا مشغوله بحد تاني..مش هيبقي ظريف عشانك وانا مش هحترم نفسي وقتها لان لو ارتبطت بيك وانا قلبي وعقلي مع حد تاني دي في حد ذاتها خيانه وظلم ليك واكيد ليا.. فاهمني..
مراد.. بحزن فاهمك ياسيلا..بس ممكن سؤال..
سيلا.. طبعا..
مراد.. الشخص ده.. بدر…
سيلا… بتنهيده.. ينفع مجاوبش..
مراد.. بابتسامه ينفع طبعا.. بس عايز اقولك نصيحه… لو انتي حاسه ان الشخص ده.. بيبادلك نفس الشعور..كملي. لاكن لو حبك ليه من طرف واحد او بمعني اصح.. انتي مش في بال الشخص ده..متضيعيش وقت ياسيلا عشان كل ما الوقت بيطول كل ما هتتوجعي اكتر…صدقيني..
سيلا.. بابتسامه..عندك حق.. انا بس مش عيزاك تزعل مني انا والله مش عايزه اوجعك او اضايقك.. ويمكن لو الشخص ده مش في حياتي صدقني انا عمري مكنت هرفض عشان انت حد ميترفضتش . بس انت اكيد حاسس بيا وعارف ان قلبنا مش ملكنا..
مراد.. عارف ومقدر وحاسس بيكي صدقيني..ومش زعلان منك ولا اقدر ازعل منك وانا احترمت صراحتك دي جدا..وصدقيني يمكن تكوني متعرفنيش اوي.. بس انا لايمكن علاقتي بيكي تتغير لمجرد رفضك للموضوع.. وهنفضل زي مااحنا صحاب وهفضل ديما وراكي عشان اشوفك ناجحه…واي وقت حابه تتكلمي معايا في حاجه تخصك هتلاقيني موجود.. كا صديق ينصحك ويقف جمبك ..وهتفضلي غاليه عندي ياسيلا…
فاللحظه دي بدر.. خرج من هدوء وركب عربيته وبعد شويه عشان مراد ميشفهوش وهو خارج.. عشان صورت سيلا.. متبقاش وحشه لو جالها. قي وقت زي ده…
سيلا… انا مش عارفه اقولك ايه بجد مبسوطه انك قدرت تفهمني مبسوطه انك مزعلتش ومبسوطه.. انك سهلت عليا كتير الكلام..وانا اسفه مره تانيه..
مراد.. مش عايزك تتأسفي ابدا.. ربنا يوفقك في حياتك.. يارب وتوصلي لحبك ده..
سيلا.. ويوفقك وتلاقي الحب اللي تستحقه بجد عشان انت تستاهل..
مراد… هسيبك بقي عشان ترتاحي..
سيلا.. بابتسامه حزينه.. ماشي..
مراد.. تصبحي علي خير .
سيلا. وانت من اهله..
خرج مراد من عند سيلا..واعدت سيلا تاني.. مكانها.. وهي حزينه جدا علي مراد.بس غصب عنها متقدرش تدخل في علاقه وهي قلبها مع حد تاني.. اد ايه هو انسان محترم قدر يفهم شعورها من ناحيته من غير مايضغط عليها..او يحصل بينهم شرخ في علاقتهم..
فضلت اعده سرحانه… وفجأه بترفع عينها لقت بدر..ادامها فضلت باصه عليه من غير ولا كلمه😳
بدر… هتفضلي بصالي كده كتير انا واقع من الجوع خلي في دم..
سيلا… بدر.. انت جيت امته..
بدر.. حالا
سيلا.. في ايه انت كويس..
بدر.. مانا ادامك زي الفل اهو انا بس عارف انك مش هتاكلي وهتفضلي زعلانه قولت اجيب اكل واجيلك ناكل سوا..
سيلا.. انت مكلتش مع نوني..
بدر… لا طلعت خدت شاور وغيرت ونزلت جبت اكل وجيتلك. عشان ناكل سوا مع انها لو تعرف هتقتلني..عشان كانت حضرتك الاكل..
سيلا.. هي عارفه انك جاي.
بدر.. لا .. انتي بتسألي كتير ليه اخلصي اللكل هيبرد..
سيلا.. بس انت كنت عايز تنام..
بدر… اه وهموت وانام كمان.. بس مينفعش اسيب الجميل ده زعلان كده..
سيلا.. بنزلت عينها وهي محروجه..
بدر.. لا بقولك ايه مش وقت كسوف لما ناكل ابقي اتكسفي براحتك…
ابتسمت سيلا علي طريقته..حاضر بس ممكن ندخل جوا انا حاسه اني بردانه..
بدر… بردانه🤨
سيلا.. انا لسه واخده شاور وفي هوا..
بدر.. طيب يلا تعالي..
دخلو سوا.. وحضرو مع بعض الاكل.. واعدو وابتدو ياكلو.. فضلت سيلا اعده متوتره.
وبدر.. حاسس انها عايزه تقول حاجه..
بدر… مبتاكليش ليه..
سيلا.. لا ابدا باكل اهو..
بدر.. فين ده انتي من ساعت ما اعدتي وانتي سرحانه. ومش هنا واكلك زي ماهو.. لو الاكل مش عاجبك اطلبلك حاجه تانيه..
سيلا.. لا خالص والله حلو اوي..
بدر… طب هو انا ليه حاسس انك متوتره.. او مخبيه حاجه..
سيلا.. بارتباك اكتر.. انا لا خالص…مفيش وهاكل اهو ومسكت اللكل وبعدت عنيها عنه وابتدت تاكل عشان تحسسه انها تمام.. ومتعرفش انه عارف سبب توترها..
فالاول اضايق بدر.. انها مقالتلهوش..بس كان مقدر توترها خصوصا ان ردها علي مراد فرحه اوي …
سيلا.. سابت الاكل وبصتله….بص بقي..
اتخض بدر.. وبصلها..
سيلا.. ايوه انا متوتره.. وايوه مخبيه حاجه
بدر… عارف…
سيلا.. عارف ايه..
بد.ر..عارف انك مخبيه حاجه..قولي سامعك..ده لو عايزه تقولي طبعا..وكمل اكل وبعد عينه عنها عشان تكمل..
سيلا……بتجمع نفسها… ونطقت بارتباك.مراد.. كان عندي هنا قبل ما تيجي..
بدر… ايه في مشكله ولا ايه فالشغل..
سيلا.. استغربت رده البارد وتكملته للاكل.. سيلا. لنفسها ايه. ده هو مضايقش ولاحتي فرق معاه اد كده انا مش في باله.. وكملت..
سيلا.. لا مفيش هو كان جاي عشان حاجه تانيه..
بدر… كملي سامعك..
سيلا.. متعصبه من بروده.. كان جاي عشان الموضوع اللي فاتحني فيه قبل كده..
بدر.. بعدم مبالاه…موضوع ايه بتاع الكاميرا ده قلبه اسود اوي..
سيلا.. بغيظ..لا مش عشان الكاميرا يابدر.. عشان موضوع الجواز اللي عرضه عليا..
بدر… اه.. انتي مش قولتي ان الموضوع ده اتقفل..
سيلا.. لا متقفلش هو لسه عايز يعرف رأيي..
بدر.. اه طيب كويس وقولتيله.
سيلا.. قولتله اني مبفكرش في الموضوع ده الوقت..
بدر… وقالك ايه….اقتنع اصل شكله زنان ومش هيسكت بسهوله.
سيلا.. لا هو مش زنان هو بيحبني..
حس بدر.. بالغيره كان عايز يكسر دماغها.. بس فضل مكمل في بروده عشان يجيب اخرها..
بدر..ايوه المهم يعني قالك ايه
سيلا.. سألني اذا كان في حد في حياتي او لا..
بدر… وقولتيله ابه..
سيلا.. بغيظ منه….قولتله ايوه في حد في حياتي..
بدر.. وده تطفيش ولا بجد.
سيلا.. بغيظ وده يهمك في حاجه يعني..
بدر.. طبعا يهمني مش احنا صحاب.. كالو في حد في حياتك وانتي مقولتيش هزعل منك يعني هو انا هكرهلك الخير….اديني كبايه الميه دي..
سيلا.. هتفرقع من الغيظ..اتفضل..
سيلا… وكملت بعصبيه لا في حد في حياتي بس للاسف هو حمار.. مش حاسس…
بدر.. كاتم.. ضحكه… تصدقي صعبتي عليا..
يعني تضيعي راجل مركز ومحترم وزي الفل. عشان واحد حمار مش حاسس بيكي…
سيلا.. سابت السفره وقامت وهي عفاريت الدنيا بتتنطط ادامها..
بدر.. راحه فين.
سيلا.. شبعت ..
بدر… هو انتي لسه كلتي اصلا..
سيلا.. البركه فيك.. كلامك شبعني..
بدر… طب اعمليلي قهوه..
سيلا.. بغيظ.. طيب..
دخلت سيلا تعمل القهوه…وماشيه تدب فالارض من العصبيه والغيظ…
فضل بدر… يضحك عليها.. وولع سيجاره.. وراح وراها عالمطبخ.. وقف عالباب.. شايفها بتكلم نفسها..
حمار.. وغبي ومبيحسش .وواطي…
وواقفه تقلده تصدقي صعبتي عليا…
حمار ..
ولفت لقته في وشها…
سيلا.. بخضه… انت هنا من امته..
بدر.. من ساعت ماكنتي بتكلمي نفسك وبتشتمي حد حمار وغبي ومبيحسش وواطي.. ..وفضل يقرب لحد ما وقف ادامها.. ومبقاش في اي حاجه تفصلهم
سيلا… بارتباك من قربه…القهوه خلصت.ولسه هتمشي.. مسكها من ايدها..
بدر.. استني رايحه فين..
سيلا.. في ايه..
بدر.. في بينا حساب لازم نصفيه..
سيلا… حساب ايه…
بدر… في ان الحمار والغبي واللي مبيحسش ..بيحبك اوي..
سيلا.. بتبلع ريقها ومبرقه😳😳
بدر… اه وعشان بيحبك اوي.. يعني كان حاسس بيكي فاهو الوقت اتشتم عالفاضي.. فا في حق عرب..ولازم ياخد حقه منك..
سيلا.. بصدمه ولغبطه.. تقصد.. ايه..
بدر… بحبك ياسيلا..
سيلا.. ابتسمت واتجمعت الدموع في عينها وقلبها كان هيخرج من مكانه…
سيلا… وانا بحبك …….اوي..
بدر.. بابتسامه تجنن… عارف
شدها بدر لحضنه.. ولفت سيلا ايدها علي وسطه جامد
بدر… بحبك من اول يوم شوفتك فيه..
بحبك.. من يوم ما بقيتي تظهري كل شويه بموقف غير التاني.
رفع وشها… ومسح دموعها. قولتلك مش عايز اشوف دموعك دي ابدا عشان بتقتلني.. طول مانا عايش مش عايز غير اشوفك مبتسمه وبتضحكي وبس.. مفهوم..
سيلا.. بتهز راسها..
مسك ايدها.. ومشي بيها بره.. اعد عالكنبه وشدها جمبه هي ماشيه معاه متخدره..
اعد بدر.. وشدها تاني لحضنه…سيلا كانت مغيبه تماما.. وعايزه تتنطط من الفرح.. اخيرا نطق..
بدر.. فضل واخدها في حضنه وساكت وهي مستسلمه…وساكته.. هيقولو ايه
ماهو خلاص مفيش كلام يتقال…
بعد كلمه بحبك… بتنهار كل الكلمات…
بيسكت اللسان….. وتتكلم العيون
بينام العقل….ويصحي القلب..
يتمحي.. الحزن.. وتتكتب السعاده
نسيبهم بقي في عالمهم الخاص
………. ……
نروح لمهاب وسما…
سما… الووو
مهاب.. ايه الاخبار..
سما.. تمام..
مهاب.. مامي عامله ايه..
سما.. الحمد لله احسن كتير الوجع خف عن الاول بس طبعا لسه مكمله علاج والاسبوع الجاي هنكرر التحاليل تاني وتشوف
مهاب..ان شاء الله هتكون اتحسنت وتطمنو عليها..
سما.. يارب..المهم انت اللي مسهرك الساعه بقت 2انت معندكش شغل ولا ايه…
مهاب.. لا عندي.. بس كنت اعد مع الحاج شويه.. ويادوبك طلعت خدت شاور.. وقولت اسمع صوتك قبل ما تنامي..وحشتيني..
سما.. وشعا جاب الوان.. ومردتش..
مهاب.. طب مفيش وانت كمان..
سما… روح نام يامهاب..
مهاب.. بقي انا اقولك عايز اسمع صوتك قبل ما انام ووحشتيني وانتي تقولي روح نام يامهاب.. تصدقي زعلت..
سما… لا متزعلش..
مهاب.. لازعلت وهتصالحيني..
سما… حقك عليا..
مهاب… لا متنفعش..
سما… وانت كمان وحشتني ارتحت..
مهاب.. بابتسامه.. اوي..
سما.. وهي بتضحك انت رخم علي فكره..
مهاب… وانت قمر وانتي مكسوفه علي فكره…
سما.. كداب اوي..
مهاب.. والله ابدا… هتنامي امته..
سما… انا دخلت الاوضه عشان انام… اصلا..
مهاب.. كنتي هتنامي من غير ماتكلميني يعني..
سما… لما انت متكلمتش خفت تكون نمت مرضيتش اكلمك
مهاب… ياحبيبي انتي تكلميني اي وقت حتي لو نايم..
سما..طب ممكن يلا تنام عشان تقدر تصحي الصبح..
مهاب… طب ممكن طلب..
سما.. طبعا اطلب..
مهاب.. ممكن تخليكي معايا لحد مانام..
سما… اشمعني..
مهاب.. عادي.. عايز انام وانتي معايا ممكن..
سما.. ممكن..
فضل مهاب.. يتكلمو عالتليفون مع بعض.. لحد ما كل واحد فيهم راح فالنوم وهما مع بعض عالتليفون…
………………………
اما عند ريم.. ويوسف….
يوسف… حمدالله علي سلامت القمر…
ريم.. الله يسلمك..
يوسف.. اهو مأخرتكيش عشان تقدري تروحي الشغل الصبح…وعامر ميروقنيش انا وانتي..
ريم… مأخرتنيش خالص الصراحه الساعه يادوب اتنين…
يوسف… لا والله علي اساس انك مكنتيش عايزه تروحي .
ريم… والله فعلا مكنتش عايزه اروح.. الوقت معاك بيعدي بسرعه اوي وبيغير مودي ..بجد ربنا يخليك ليا.
يوسف.. الله الله ايه الكلام الحلو ده..
ريم.. باحراج.. بس بقي يلا امشي انا نازله..
يوسف.. طب استني بس…
ريم.. نعم..
يوسف.. هتوحشيني .
ريم.. وانت كمان..
يوسف.. بنبره حب… بجد.
ريم.. وهي مبتسمه وبتهز راسها بجد.
يوسف.. مسك ايدها باسها..انا كمان ببقي مبسوط معاكي بجد..ربنا يخليكي ليا..
ريم.. انا همشي بقي..
يوسف.. خلي بالك من نفسك.. واقفلي كويس علي نفسك..واي وقت تحتاجيني تكلميني ..
ريم.. حاضر…
يوسف.. لما تصحي كلميني…
ريم…. ممكن طلب..
يوسف.. طبعا..
ريم.. مكن تصحيني الساعه 7عشان الحق اظبط نفسي.
يوسف.. عيوني..
ريم… بابتسامه.. تصبح علي خير..
يوسف.. وانتي من اهل الخير ياقلبي..
نزلت ريم.. ودخلت واطمن يوسف عليها… انها دخلت ومشي…
وصلت ريم… الباب الداخلي للڤيلا… ولسه هتفتح بالمفتاح…
اتفاجئت. ب………..