رواية فعلتها لأجل أبي الفصل الثاني والعشرون 22 بقلم هدير عبدالعليم
رواية فعلتها لأجل أبي البارت الثاني والعشرون
رواية فعلتها لأجل أبي الجزء الثاني والعشرون
رواية فعلتها لأجل أبي الحلقة الثانية والعشرون
الدكتور : للأسف إنها …
بابا بسرعة : مالها فى إيه ؟
الدكتور: ان شاء الله خير.
بابا بسرعة : ليه!؟ عندها أيه؟
الدكتور: المياة الباردة أثرت شوية على شبكية العين .
بابا بقلق : وده علاجه أي ؟
الدكتور : متقلقش, خير ان شاء الله.
بابا بهدوء : أكيد خير إن شاء الله .
الدكتور : ربنا يتمم شفائها على خير .
بابا : هو ممكن اخدها اكشف عليها بره؟
الدكتور : والله إحنا هنا مش مقصرين , بس إللى يريح حضرتك .
بابا : هطمن عليها بكره و نيجي تانى المستشفى ان شاء الله.
الدكتور : إللى يريح حضرتك, بعد إذنك.
بابا: أتفضل.
عبير خارجه من عند آلاء بتسأل: أي يا عمو الدكتور قالك أي طمني؟!
بابا : مش عايز آلاء تعرف الكلام ده .
عبير بقلق : أى فيه أى يا عمو.
بابا : الدكتور قال ان السخونة أثرت عليها و محتاجه ترتاح شوية .
عبير : بس إحنا عندنا أمتحان الاسبوع الجاي ولازم تحضر .
بابا : أنا مش مطمن هاخدها تكشف بره بكره و آشوف هيقولوا أى.
عبير بهدوء : أنا هنزل أتكلم مع الدكتور و آشوف التحاليل و اخدها اعرضها على الدكاترة فى الكلية .
بابا : أكيد خير.
^^
عبير : يا دكتور ممكن تشرحلي أكتر عن حالة آلاء.
الدكتور : أنا شرحت ل بابها .
عبير بهدوء : بعد إذن حضرتك ممكن أخد الاشاعات و التحاليل اعرضها على دكاترة الجامعه أنا طالبة فى كلية الطب.
الدكتور بهدوء : معنديش مشكلة أنتِ جامعة أى.
عبير :طب القاهرة .
الدكتور : ما شاء الله, و آلاء كلية أى ؟
عبير : إحنا الاتنين مع بعض .
الدكتور : ما شاء الله ، التحاليل و الاشاعات أهي بس بالكتير يومين و تجبيها علشان المستشفى مش بتسمح ب إن الاشاعات و التحاليل تطلع الا لما نطمن على الحالة .
عبير : شكراً جدا يا دكتور , أسم حضرتك دكتور أيه؟
الدكتور : إسمي دكتور هاني الشريف.
عبير : تشرفت بمعرفة حضرتك و هجيب لحضرتك التحاليل بكره ان شاء الله.
الدكتور : تمام يا دكتور..
عبير : إسمي عبير.
الدكتور : تمام يا دكتور عبير.
^^بعد شهرين^^
آلاء: عايزة أروح لدكتور هانى أسأله على حاجة و كمان اشكره وقف معايا بدون أى مقابل ربنا يبارك له.
دنيا : إللى اتربي على الخير هيفضل جواه الخير لحد ما يموت.
آلاء: حقيقي ربنا يجعلنا ديما عون للناس.
دنيا : يارب.
آلاء: سبحان الله ده بيتصل بييجي على السيرة .
دنيا : والله!؟
^^
آلاء: ازي حضرتك يا دكتور .
دكتور هانى : الله يسلمك يا آلاء عاملة أيه دلوقتى ؟ أنا قولت أطمن عليك.
آلاء: تسلم والله كنت لسه بقول إزاى يبقا فيه حد بيعمل الخير كده بدون مقابل .
دكتور هاني : أنتِ بنتى يا آلاء.
آلاء: تسلم يا دكتور , كنت عايزة أسأل حضرتك فى حاجة فى التخصص و بجد شكراً جدا إنك استأذنت دكتور فاروق وافق ادخل الامتحان الاسبوع الجاي الحمد لله.
دكتور هانى: كنت والله بكلمك أطمن هو عمل أى معاكِ.
آلاء: لا الحمد لله هدخل أمتحن الاسبوع الجاي, بضحك دكتور رخم معرفش إزاى أقوله أني تعبانة يقولي مليش دعوة كنتِ جيتي الامتحان برضو, شكراً جدا يا دكتور هانى .
دنيا بتقوم من مكانها : النتيجة ظهرت ؟!
آلاء: بعد أذنك يا دكتور هكلم حضرتك وقت تانى.
دكتور هانى: مفيش مشكلة يا آلاء تحت أمرك.
دنيا : عملت إيه ؟!
مالك : ..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فعلتها لأجل أبي)
